Tashmë janë të njohura deklaratat me insinuata të Vjosa Osmanit, siç ishte edhe gjatë fjalës që mbajti në takimin e rikthimit të saj në LDK, kur insinuoi se gjoja dikush, duke nënkuptuar kryeministrin në detyrë Albin Kurti paska thënë që “për Bazën Amerikane Bondsteel të kërkohej qira”.
Voal.ch po sjell një kronikë të 21 Majit të vitit 2022 kur gjatë vizitës së tij në SHBA, kryeministri i Kosovës Albin Kurti ka kërkuar gjatë takimeve me zyrtarët e lartë Amerikanë që “Bondsteel” të kthehet në bazë të përhershme amerikane në Kosovë”.
21 Maj 2022 | 16:32
Kurti në ShBA: “Bondsteel” të kthehet në bazë të përhershme amerikane në Kosovë
Kryeministri i Kosovës, Albin Kurti, gjatë vizitës në Washington, D.C. është pritur në takim nga kongresisti Mondaire Jones, një ndër zërat prijës të Kongresit në përkrahje të ndryshime progresive.
Në njoftimin nga Zyra e Kryeministrit, thuhet se Kurti e njoftoi kongresistin Jones për përpjekjet dhe angazhimin për të tërhequr investime, veçanërisht nga Shtetet e Bashkuara të Amerikës, dhe për të krijuar vende pune të qëndrueshme dhe të mirëpaguara në Kosovë.
U diskutua për sigurinë në kontinentin e Evropës pas agresionit ushtarak rus në Ukrainë dhe rrezikun që ndikimi rus në Ballkanin Perëndimor paraqet për paqen dhe stabilitetin në rajon.
Lexo edhe:
Kryeministri vuri theksin te kërcënimi për sigurinë e Kosovës dhe rajonit që mund t’i vijë nga aleanca ushtarake e Serbisë me Rusinë dhe përsëriti kërkesën që kampi ushtarak “Bondsteel” që ndodhet në Kosovë, të kthehet në bazë të përhershme ushtarake të Shteteve të Bashkuara të Amerikës.
Kampi ushtarak “Bondsteel” në Kosovë, duhet të kthehet në bazë të përhershme ushtarake të Shteteve të Bashkuara të Amerikës! Ka qenë kjo kërkesa e kryeministrit Albin Kurti gjatë një takimi me kongresmenin Mondaire Jones në Ëashington. Kurti dhe Jones diskutuan për sigurinë në Evropë pas agresionit ushtarak rus në Ukrainë dhe rrezikun që ndikimi rus në Ballkan paraqet për paqen në rajon. Kryeministri Kurti ngriti alarmin për kërcënimin për sigurinë e Kosovës dhe mbarë rajonit për shkak të aleancës ushtarake e Serbisë me Rusinë. Kreu i qeverisë së Kosovës u shpreh gjithashtu se Serbia ka vendosur gjithsej 48 baza pranë kufirit me Kosovës. Bondsteel në Kosovë është ndër bazat më të mëdha të SHBA në Ballkan është ajo, ku qendron një prezëncë e përhershme prej më shumë se 700 ushtaraësh. Ajo është e vetmja bazë ushtarake e SHBA në Evropën Juglindindore, të tjerat janë në Evropën Perëndimore dhe Kosova ka shprehur prej kohësh ambicien që ajo të shëndërrohet në një bazë të përhershme. Në një intervistë të fundit për mediat perëndimore, Kurti thotë se presidenti rus, Vladimir Putin, mund të shënjestrojë Ballkani meqë është më afër Perëndimit. Ai rikujtoi edhe faktin se Beogradi ende nuk e ka dënuar aneksimin e Krimesë apo pushtimin e Ukrainës.