Organizata “Motrat Qiriazi” e cila hyri ne vitin e 26-të të krijimit të saj festoi me plot sukses dhe nderoi disa aktivistë shqiptaro-amerikanë me rastin e festave të 7-8 Marsit. Këto data janë shumë të rëndësishme për shumë organizata dhe festohen me plot dashuri dhe përkushtim midis anëtarëve të komunitetit.
Në restorantin “Battery Garden” në Manhattan nën melodinë paqësore të një shiu të butëz që reflektonte shndritshem mbi Statujën e Lirisë, e cila ndodhet përballë këtij restoranti u mblodhën mjaft shqiptarë, ku dalloheshin më së shumti gra për të festuar 7-8 Marsin. Sa herë që do të ndodhem përballë Statujës së Lirisë ndërmend më vjen poeti dhe kritiku i mirënjohur amerikan David Antin i cili thotë: “Unë gjithmonë kam një ndjenjë shumë të fortë për Statujen e Lirisë, për shkak se ajo u bë Statuja e Lirise sime personale”.
Dihet që statuja është simboli i Lirisë, atë Liri që ne shqiptarët e kemi ëndërruar në shekuj, por realisht atë ëndërr e kemi prekur vetëm në këtë tokë të premtuar…
Grupe grupe vinin gratë shqiptare dhe burrat të veshur me elegancë për të festuar këto dy data të shënuara, ku në hyrje mirëpriteshin nga zonjat e nderuara të Motrave Qiriazi Agathia Luka, Ariana Deda-Elezaj etj…
Mbrëmja u moderua plot elegancë dhe kulturë nga gazetarja e mirënjohur në TV-të amerikane Lidia Curanaj.
Presidentja e Organizatës “Motrat Qiriazi” zonja Beti Beno me profesionin avokate me një thjeshtësi dhe qetësi karakteristike të saj tha se ne mblidhemi për çdo vit dhe festojmë së bashku shumë data historike të Kombit tonë, por sivjet do të nderojmë disa zonja dhe një burrë filantropist në këtë restorant që perballë ngrihet madhështore statuja e Lirisë. Zonja Beno foli me krenari te ligjshme dhe për grumbullim të fondeve që po bëhet nga Motrat Qiriazi për një muze shqiptaro hebraik që do të ngrihet së shpejti në Prizren ku donatorët kryesorë janë z.Bajraktari dhe z.Gecaj.
Biznesmeni i suksesshëm z.Harry Bajraktari në fjalën e tij tha se është krenari që do të ndërtohet një muze në Prizren dhe ne t’i tregojmë botës se si të gjithë hebrenjtë u strehuan nga shqiptarët për t’i shpëtuar bishës naziste. Në këtë mbledhje fondesh merr pjesë dhe z.Rrustem Gecaj të cilët me z.Bajraktari janë në krye të kësaj fushate.
Në këtë festë të bukur nderoi me pjesëmarrjen e saj zonja Patricia Engel, bashkëshortja e kongresistit Eliot Engel, i zgjedhur kryetar i komisionit të Jashtëm të Dhomës së Përfaqësuesve në Kongresin Amerikan. Pasi përshëndeti të gjithë pjesëmarrësit znj.Engel tha se projekti për muzeun e shqiptaro – hebrenjve realizohet me mbështetjen e kongresistit Eliot Engel.
Me shumë krenari foli Ambasadorja Teuta Sahatqija, Konsulle e Përgjithshme e Kosovës në New York e cila falënderoi donatorët dhe “Motrat Qiriazi” ku së shpejti në Prizren do të ngrihet një Muze shqiptaro-hebraik në nderim të popullit shqiptar i cili shpëtoi nga Holokausti gjithë hebrenjtë që u strehuan në gjithë Shqipërinë Etnike. Ky Muze është i pari i këtij lloji në të gjithë Kombin.
Në këtë festë përshëndeti dhe Ambasadorja e Shqipërisë në Kombet e Bashkuara znj.Besiana Kadare.
Zonja Alda Mosko kryetare e Bordit të këshilluesve përshëndeti gjithë të pranishmit për festat e 7-8 Marsit si dhe falënderoi kontribuesit që bëjnë të mundur mjaft nisma në shërbim të çështjes kombëtare.
Motrat Qiriazi nderuan me çmime disa persnoalitete të Diasporës si artisten e shquar të Kombit me kontribut të vyer Lindita Mezini Lole si grua e vitit 2019-të, Afërdita Osmani si mësuese e vitit 2019-të për përkushtimin e saj të çmuar në Kosovë dhe Amerikë si dhe Albanian Youth Center në Connecticut një qendër e re komunitare në shërbim të edukimit të fëmijëve dhe të rinisë, cmim që u mor në emër të saj nga zonja Erjona Takaj.
U nderuan me çmimin special “Arrtije Jetësore” z.Dino Erbeli si një bamirës i jashtëzakonshëm për mbështetjen e fondit të fëmijëve nga Motrat Qiriazi si dhe znj.Hermira Gjoni për një kontribut të jashtëzakonshëm në art dhe edukim.
Proklamatat janë prezantuar nga aktivistja e nderuar zonja Alda Mosko kryetare e Bordit të këshilluesve dhe Eva Burnazi.
Pjesëmarrësit janë argëtuar nën tingujt e muzikës DJ Samy, violinisti Arens Leka, pianisti Altin Shehu si dhe përshëndeti me disa intepretime nga repertori i saj Lindita Mezini Lole.
Emri fort i nderuar “Motrat Qiriazi” që mban kjo organizatë doemos të bën krenar dhe të nderon si grua shqiptare. Për nderimin që iu është dhënë shekullin e kaluar motrave Qiriazi të kujton vlerësimin në revistën “Ylli i mëngjesit” botuar në vitin 1917-të ku shkruhet: “Le të mburremi jo vetëm ne burrat, por edhe gjithë zonjat shqiptare, se zonjusha Parashqevi Qiriazi, “Zhan D`Arka” e Shqipërisë na nderoi të gjithë. Asnjë komb i madh ose i vogël nuk ka sot në Paris një delegate zonjë, po Shqipëria e ka këtë zonjushe”.
Këto lloj mbrëmjesh janë me plot domethënie, por dhe argëtim që ngelen gjatë në kujtesën e pjesëmarrësve dhe shembulli gjithmonë udhëheq.
Së shpejti TV “Alba Life” do të transmetojnë në kanalet televizive kronikën e përgatitur enkas për këtë mbrëmje madhështore organizuar nga Motrat “Qiriazi”.
Në një ditë të dielltë prilli Shoqata e Shkrimtarëve Shqiptaro – Amerikanë mblodhi shkrimtarët dhe komunitetin për të promovuar librin më të ri në Diasporë antologjinë “Pena e Gruas” në Stamford, Connecticut.
Antologjia u botua nga kryesia e Shoqatës dhe u financua nga humanistja dhe shkrimtarja e nderuar Monda Hamitaj për të cilën më duhet të theksoj se nuk e ka për herë të parë që bën bamirësi.
Antologjia me gratë poete është muzë, perëndeshë e frymëzimit, ku poezitë e tyre janë si petalet e trëndafilta ndër fllade që sjellin qiellin e shpirtit plot dashuri ndër lexues. Penat e tyre të argjendta kultivojnë farërat që aq shumë i kanë çmuar dhe shijuar lexuesit ndër vite.
Gratë shkrimtare të shoqatës anëtare të vjetra dhe të reja dukej sikur aromatizuan bibliotekën “Ferguson” ashtu si lule të bukura lajmëtare të pranverës që me shkëlqimin e tyre ndriçuan dhe më shumë mjediset e bukura.
Librat mbi tavoline dukeshin si tufa tulipani shumëngjyrëshe dhe në çdo faqe ishin shkrimtaret pjesëmarrëse me poezitë e tyre.
Programin e moderoi plot kulturë Dr. Yllka Filipi njëherazi dhe kryetare e Shoqatës së Shkrimtarëve Shqiptaro – Amerikanë. Fjala e hapjes së saj ishte e bukur, skrupuloze dhe plot mesazhe. Ajo tregoi për idenë e botimit të antologjisë ku Presidenti z. Adnan Memeti e mori i pari nismën për ta botuar antologjinë dhe për të caktuar një ditë si një festë libri, ku kryesia u bë mbështetja kryesore e kësaj ideje serioze, kulturore dhe atdhetare.
Në emër të shoqatës përshëndeti shkrimtari i shquar Adnan Memeti, president- Connecticut.
Dr. Suela Janina, Përfaqësuesja e Përhershme e Shqipërisë në OKB me nje elekuencë në të folur dhe plot mirësi përshëndeti të gjitha shkrimtaret gra të cilat po japin një kontribut të madh në fushën e letrave në Diasporë.
Shkrimtari i mirënjohur Mhill Velaj ish kryetari i shoqatës i dorëzoi Dr.Bexhet Asanit titullin Akademik nga universiteti shtetëror Uberaga Brazil që është nënshkruar nën trashëgiminë e Prof. Kristaq Shabanit, qe është president i Akademisë Pegasiane në Shqiperi. Ai është promotori dhe hartues i programimit pegasian të LNSHPA “PEGASI.
Mbresëlënëse ishin të gjitha kumtesat dhe përshëndetjet si nga autoret Arjeta Kotrri Ferlushkaj- New Jersey, Ani Gjika- Massachusetts, kumtesë nga Dr. Iris Halili- Florida që e lexoi zonja e nderuar poetja Ibadete Humolli Tetaj, poetja Reshida Çoba-California, Valbona Ahmeti- Canada, Kozeta Zylo- New York, gazetarja e mirënjohur e Zërit të Amerikës Laura Konda- Washington D.C dhe poetja e njohur, aktivistja znj. Rita Saliu.
Antologjia e parë iu dhurua Ambasadore Dr. Janinës nga Dr. Filipi dhe më vonë librat u shpërndanë për të gjitha autorët nga shkrimtari Velaj.
Natyrisht do të ketë botime të tjera edhe më të bukura nga zonjat shkrimtare, sepse jam e sigurtë që ato janë siç thotë shkrimtarja e shquar amerikane Toni Morrison si: “Nëse gjen një libër që vërtet dëshiron ta lexosh, por nuk është shkruar ende, atëherë duhet ta shkruash”.
Pas mbylljes së ceremomisë së librit të ftuarit morën pjesë në koktejlin e përgatitur enkas nga Kryesia.
Ishte një ditë e bukur për shkrimtaret që promovuan antologjinë “pena e Gruas” në nderim të saj, sepse me penën e ndritur gruaja shkrimtare në Diasporë pasuron edhe më shumë letrat shqipe.
Të gjitha këto gra shkrimtare që janë pjesëmarrëse në antologji janë në harmoni me shpirtin e tyre qe është si një lumë që rrjedh dhe arrin në destinacionin përgatitur për të qenë vetvetja.
Këto shkrimtare e dinë mirë se me shkrimet, poezitë e tyre duke i ndarë me lexuesit kuptojnë që shumë jetë mund të transformohen për mirë.
Aktiviteti promovues për antologjinë u filmua nga TV “Alba Life” me themelues dhe producent Qemal Zylo, nga z. Sokol Paja, Editor i Gazetës “Dielli”, TV “Kultura Shqiptare” me themelues dhe producent z.Adem Belliu si dhe AA New York TV me themelues dhe producent z. Skënder Pali.
Autorja e shkrimit është shkrimtare, ish sekretare pranë Shoqatës së shkrimtarëve Shqiptaro-Amerikane, autore e tetë librave, publiciste, mësuese dhe bashkëthemeluese e Shkollave Shqipe “Alba Life” Ambasador i Kombit në gjithë New York-un, Albany dhe në Online si dhe ka marrë titullin e lartë: Kalorës i Urdhrit të Flamurit nga Presidenti i Republikës së Shqipërisë.
Më 2 prill 2025, në mbrëmje, ambientet madhështore të Cipriani 25 Broadway në Nju Jork—të njohura për tavanet e stolisura me afreske dhe historike—pritën një gala të veçantë kushtuar fotografit dhe humanistit ikonë, shqiptaro-amerikan, Fadil Berisha. Kjo mbrëmje e paharrueshme u organizua me përkushtim të lartë për të nderuar veprat dhe kontributin e Berishës ndaj botës shqiptare.
Karriera dhe veprimtaria e Fadil Berishës nuk kufizohen vetëm në fushën e fotografisë së modës, por shtrihen përtej saj, në arritjet e tij të mëdha në skenën ndërkombëtare artistike por edhe në bujarinë e thellë dhe fuqizimin që ai u ofron të gjithë atyre që takon. Gatishmëria e tij unike për të ndarë jo vetëm talentin, por edhe zemrën dhe mundësitë e tij, ka prekur jetën e shumë njerëzve. Fadil Berisha është një figurë e dhembshur që ngre të tjerët lart.
Përkushtimi i tij ndaj atyre që kanë nevojë e ka bërë atë një figurë të dashur përtej botës së artit. Ndikimi i Fadil Berishës në botën e fotografisë është i padiskutueshëm. Fotografia e tij e Halle Berry-it shënoi një moment historik, kur u shfaq në kopertinën e revistës Amerikan, People, duke e bërë atë gruan e parë me ngjyrë që u paraqit ndonjëherë në kete kopertinën. Ky sukses ishte vetëm një nga shumë momentet kulmore në karrierën e ndritur të Berishës, i cili ka kapur në mënyrë të vazhdueshme bukurinë dhe forcën e subjekteve të tij, duke thyer barriera dhe rishkruar standardet e bukurisë. Ai ka qenë fotografi zyrtar për orët ikonike të kompanisë Rolex, duke sjellë mjeshtërinë e tij artistike në shërbim të një prej emrave më të njohur të luksit në botë.
Ai ka fotografuar disa nga figurat më të njohura të filmit, modës, sportit, politikës dhe artit. Portofoli i tij përfshin portrete të ikonave si Bill Clinton, Rafael Nadal, Plácido Domingo, Sharon Stone, Joan Collins, Linda Evans, Carmen Dell’Orefice, Snoop Dogg, Donald Trump, Martha Stewart, Maye Musk dhe Zara Tindall, mbesa e Mbretëreshës së ndjerë Elizabeth, ndër të shumtët. Me talentin dhe përkushtimin e tij të palëkundur, Fadil Berisha ka hapur dyer dhe ka thyer barriera në skena ndërkombëtare ku asnjë Shqiptar nuk kishte shkelur më parë, duke lënë një gjurmë të paharrueshme
Carol Alt, Carmen Dell’Orefice, Beverly Johnson dhe Fadil Berisha
Përtej fotografisë së tij, Fadil Berisha është bërë një ambasador kulturor për shqiptarët kudo në botë. Ai e ka ngritur bukurinë dhe talentin shqiptar në qendër të vëmendjes, duke i dhënë komunitetit shqiptar një yll nën të cilin të shkëlqejë—diçka që, si shqiptarë-amerikanë, rrallëherë e kemi parë në një përmasë kaq të madhe. Përmes punës së tij, ai ka promovuar botën shqiptare në nivelet e larta.
Mirësia e Berishës pasqyron bujarinë e zemrës dhe shpirtit për të cilën janë të njohur shqiptarët, duke ofruar kohën dhe talentin e tij për kauza në të cilat beson thellësisht. Përpjekjet e tij bamirëse, mentorimi i artistëve të rinj dhe përkushtimi ndaj kauzave humanitare e kanë konsoliduar reputacionin e tij si një vizionar artistik dhe udhëheqës.
Fadil Berisha ka lënë gjurmë jo vetëm duke festuar bukurinë përmes fotografisë së tij ikonike, por edhe duke kapur realitetet e ashpra të konflikteve dhe duke mbrojtur drejtësinë. Fushata mediatike, e cila tërhoqi vëmendjen ndërkombëtare, deri te Shtëpia e Bardhë, “Stop the Killing in Kosova” gjatë luftës në vitin 1999, e realizuar së bashku me regjisorin e ndjerë të Hollivudit, shqiptaro-amerikan Stan Dragoti, dhe aktivistët Donika Bardha dhe Avni Mustafaj, mbetet një dëshmi e përkushtimit të tij ndaj njerëzimit.
Ky event ishte shumë më tepër se një festë ditëlindjeje; ishte një homazh i thellë për veprën jetësore të Fadil Berishës, avokimin e tij të palodhur dhe ndikimin transformues që ai ka pasur mbi breza të tërë artistësh. Njerëz nga e gjithë bota u mblodhën për këtë mbrëmje madhështore, të bashkuar për të nderuar këtë njeri të veçantë.
Fadil Berisha, Inva Mula dhe Olen Cezari
Një Mbrëmje e Yjeve Ky event i mbushur me yje tërhoqi personalitete të shquara nga fusha të ndryshme.
Ndër të ftuarit e nderuar ishin:
• Martha Stewart – Ikonë e stilit të jetesës
• Beverly Johnson–Supermodele e parë me ngjyrë
•Candy Spelling – Producent dhe filantrope
• Carol Alt – Modele dhe aktore ndërkombëtare
•Katie Ford – Drejtuese në industrinë e modës
• Carmen Dell’Orefice – Modele legjendare në moshën 93-vjeçare • Nikki Haskell – Personalitet mediatik
• Paula Shugart – Presidente e Miss Universe
• Evie Evangelou – Themeluese e Fashion 4 Development
• Barbara Winston, David Hryck, Stacey Schieffelin, Ginni Conquest, Esther Swan
• Emina Cunmulaj – Modele dhe humaniste • Eliza Dushku – Aktore Hollivudiane
• Nate Dushku – Regjisor
• Tony Dovolani-Ylli i kërcimit
• Dwight V. Brown.
Fadil Berisha dhe familja e Martha Stewart – Ikonë e stilit të jetesës
Eventi prezantoi një përzgjedhje të gjerë të punës së Fadilit ndër vite, përfshirë edhe një fragment nga filmi i tij i vlerësuar, Dear Albania, në bashkëpunim me Eliza Dusku dhe vellau i saj, Nate. Ky dokumentar solli kulturën dhe bukurinë e rallë të Shqipërisë përpara botës, në një kohë kur pak veta dinin se ku ndodhej Shqipëria në hartë.
Puna e tyre e përbashkët nuk theksoi vetëm peizazhet mahnitëse të Shqipërisë, por edhe identitetin dhe krenarinë e popullit të saj. Familja Dushku mori pjesë në gala për të nderuar mikun e tyre të dashur, duke festuar një pasion të përbashkët për të promovuar trashëgiminë shqiptare dhe shqiptarët Gjithashtu, u ndanë mesazhe video thellësisht prekëse nga Vjosa Osmani, Presidente e Kosovës, dhe Clive Davis, drejtuesi legjendar i industrisë muzikore—të dy njohën trashëgiminë e Fadil Berishës në ngritjen e artit dhe humanizmit.
Perparim Rama duke i dhene çmimin Çelsi i Qytetit te Prishtines, Fadil Berishes
Homazhet e tyre të sinqerta u pasqyruan edhe nga personalitete të shquara nga e gjithë bota, përfshirë yjet shqiptare Shkurte Fejza dhe Aurela Gaçe, dhe shumë të tjerë që i dhanë emocion e vlerë këtij momenti të veçantë. Kontributi i Fadil Berishës në art dhe kulturë u njoh zyrtarisht nga Kryetari i Komunës së Prishtinës, Përparim Rama, i cili i dorëzoi Çelësin e Qytetit—një nder që vlerëson përkushtimin e palëkundur të tij për promovimin e trashëgimisë dhe talentit shqiptar në skenën ndërkombëtare.
Në këtë çelës simbolik ishte gdhendur një mesazh domethënës: “Përmes dritës dhe hijes ne tregojmë historinë tonë, dhe në atë histori gjejmë lirinë — ky është Fadil Berisha.”
Fadil Berisha dhe Emina Çunmulaj
Ai u nderua gjithashtu nga Ambasadori i Shqipërisë në SHBA, Ervin Bushati, i cili i dorëzoi një certifikatë ku shkruhej: “Artist i mrekullueshëm, atdhetar i palodhur.” Si një dhuratë nga një maestro për një tjetër, Genc Tukiçi kompozoi një melodi të veçantë në nder të Fadil Berishës dhe ia dorëzoi atij veprën e kompozuar të vendosur në kornizë.
Gjatë mbrëmjes, Shoqata Shqiptaro-Kanadeze i dorëzoi Z. Fadil Berisha një pllakë mirënjohjeje dhe e nderoi me titullin “Anëtar Nderi” për kontributin e tij në çështjen shqiptare dhe promovimin e kulturës sonë. Ndërsa mbrëmja vazhdoi, mbërriti edhe një tjetër vlerësim—kësaj here nga një institucion që bashkëpunon me entitete pranë Vatikanit. Presidenti Prof. Gabriele Pao Pei Andreoli, përfaqësues i Institutit për Studime të Avancuara dhe Bashkëpunim (IASC), i dorëzoi z. Berisha çmimin “World Changer Award” dhe Medaljen e Artë të Nderit të IASC, duke vlerësuar ndikimin e tij të jashtëzakonshëm në kulturën globale. “Fadil Berisha nuk kap vetëm fytyra,” tha Prof. Andreoli gjatë ceremonisë, “ai kap shpirtin.”
Eliza Dushku me vëllain dhe Tony Dovolani, Fadil Berisha e Foti Kokeri
Fadil Berisha shfrytëzoi këtë moment të veçantë për të shprehur mirënjohjen e tij të thellë ndaj Paula Shugart, Presidente e Miss Universe, e cila ishte e pranishme në sallë. Ai kujtoi me emocion përpjekjet e tij për të siguruar përfaqësimin e Shqipërisë dhe Kosovës në këtë skenë botërore, duke theksuar se ishte pikërisht Paula ajo që “na dha një mundësi.” Në fjalën e tij, ai u shpreh: “Falë teje, punonim së bashku me 51 shtete në Shtetet e Bashkuara të Amerikës dhe me 96 vende të tjera anembanë botës. Unë po i ndihmoja të gjithë të tjerët të duken të bukur, por populli im nuk ishte aty.
Ti ma dhe mundësinë në vitin 2001—fillimisht me Miss Albania, dhe më pas me Miss Kosova,” tha Fadili, i mbushur me emocion. Falë kësaj mbështetjeje, për herë të parë në histori, si Miss Albania ashtu edhe Miss Kosova u bënë pjesë e konkursit prestigjioz të Miss Universe.
INVA MULA, FOTI KOKERI DHE FADIL BERISHA
Drejtimi artistik i mbrëmjes ishte thjesht spektakolar. Aktorja e njohur Eliza Dushku përshëndeti të ftuarit dhe prezantoi divën e njohur botërisht të operës, Inva Mula, dhe Maestro Genc Tukiçin. Zonja Mula, e cila kishte udhëtuar nga Dubai posaçërisht për këtë rast, shërbeu jo vetëm si interpretuesja kryesore e mbrëmjes, por edhe si drejtoresha artistike vizionare që orkestroi rrjedhën e programit me mjeshtëri të lartë. Ajo hapi spektaklin me këngën “Shqipëri o vendi im,” e shoqëruar në piano nga Maestro Tukiçi, i cili kishte ardhur nga Parisi.
Performanca e Inva Mulës me këngën “Te volio bene,” e shoqëruar nga violinisti i njohur Olen Cesari, i ardhur nga Tirana, dhe pianisti Tukiçi, magjepsi publikun, duke shkrirë emocionin dhe artin në një harmoni të përsosur. Mbrëmja vijoi me një interpretim të fuqishëm të “Czardas” nga Monti, nga Cesari dhe Tukiçi, duke dëshmuar edhe një herë talentin e tyre të jashtëzakonshëm dhe duke lënë gjurmë të paharrueshme tek të pranishmit. Merita Halili dhe bashkëshorti i saj, Raif Hyseni, dolën në skenë me një performancë të paharrueshme që ngjalli gjithë sallën; publiku u ngrit në këmbë duke kërcyer e festuar me gëzim të pamasë.
******
Fadil Berisha dhe Nevila Dudaj
Sopranoja Deshira Ahmeti mahniti publikun me “O Mio Babbino Caro”, ndërsa “Baresha” — një nga këngët më sfiduese për t’u interpretuar dhe një homazh ndaj Nexhmije Pagarushës, zëri i saj pushtoi sallën dhe u shoqërua nga pamje magjepsëse të Rugovës dhe Kosovës, duke sjellë emocione të thella për atdheun dhe trashëgiminë kulturore. Më pas, Elsa Lila solli një performancë të ndjerë dhe ajo prezantoi Dea Krliun, një zë i ri, zëri i së cilës shpërtheu në sallë me fuqi dhe emocion, duke lënë publikun pa fjalë me interpretimin e saj të “Listen”.
Beti Beno, presidente e “Motrave Qiriazi” ndau një bursë studimore për Nora Muhaxhirin, e cila e falënderoi me një këngë të ndjerë. Ndër performancat më të veçanta ishin edhe ato të ikonave të muzikës shqiptare: Albërie Hadërgjonaj, Yllka Kuqi, Gëzim Nika dhe Mira Konçi. Mbrëmja përfshiu gjithashtu një interpretim të jashtëzakonshëm të “Gjeneral Gramafoni” nga Laver Bariu, i luajtur nga klarinetisti i talentuar Igli Tuga, si dhe këngë tradicionale të kënduara me mjeshtëri nga Arian Kerliu.
Një nga momentet më të paharrueshme të mbrëmjes ishte kur legjenda Parashqevi Simaku doli në skenë, zëri i saj mbushi sallën madhështore të Cipriani-t. Pas gati dy dekadash larg skenës, performanca e saj e fuqishme dhe emocionale — kushtuar Fadil Berishës — u prit me ovacione në këmbë. Publiku mbeti i mrekulluar, duke qenë dëshmitar i rikthimit triumfues të një ikone, zëri i së cilës vazhdon të jehon me bukuri dhe hir. Në sallë ishin edhe Elton Ilirjani dhe Elvira Tata, që e kanë mbështetur me përkushtim rikthimin e saj.
Kjo ide u shpik me zemër dhe përkushtim nga një grup grash që u bashkuan posaçërisht për të organizuar këtë mbrëmje, duke krijuar “Motrat e Fadilit” — të bashkuara nga dashuria dhe mirënjohja për Fadil Berishën dhe bindja se ai duhej nderuar në një mënyrë të denjë. Secila prej tyre solli përvojën dhe aftësitë e veta, duke dhënë një kontribut të çmuar për ta bërë këtë ngjarje një sukses të vërtetë.
Ambasdori Ervin Bushati dhe Donika Bardha
● Fotini A. Kokeri – Filantropiste me ndikim, udhëheqëse e Kosloski Family Foundation, e njohur për veprimtarinë bamirëse dhe avokimin kulturor. Shërbeu si Sponsore e Përgjithshme dhe forca udhëheqëse pas organizimit të kësaj mbrëmjeje.
● Inva Mula – Diva e famshme e operës, e lavdëruar në skenat më prestigjioze të botës. Shërbeu si drejtoreshë artistike e mbrëmjes.
● Deshira Ahmeti – Soprano me zë të fuqishëm dhe prezencë mbresëlënëse. Shërbeu si bashkëdrejtuese artistike.
● Beti Beno, Eva Burnazi dhe Anna Cohen, nga organizata “Motrat Qiriazi,” të përkushtuara në promovimin dhe mbështetjen e iniciativave bamirëse.
● Nevila Dudaj – Sipërmarrëse me ndikim.
● Donika Bardha – Aktiviste dhe promovuese e përkushtuar e artit dhe kulturës shqiptare, si dhe zëri përfaqësues i “Kantina Bardha.”
Ndër të tjerë që kontribuan në këtë event ishin Tony Dovolani me ekipin e tij nga Dance With Me Studios, znj. Roberta Panairi nga fondacioni Albanians Fighting Cancer, Ismer dhe Vera Mjeku, kompania Namani, European Pastry, AADO, Bella Event Planner, znj. Erjola Xheko.
Dhe për të përmbyllur mbrëmjen, fjalët e veçanta të Avni Mustafajt, miku më i ngushtë i Fadil Berishës për mbi 25 vjet, treguan një anë tjetër të kameras së tij — atë që kap jo vetëm imazhe, por edhe shpirtin.
“Që nga kampet e refugjatëve në Maqedoni, Fadil Berisha i ka parë fëmijët të dalin me rroba të grisura dhe fytyra me pluhur. Por kur i sheh përmes aparatit të tij, ai nuk sheh varfëri — ai sheh forcë dhe krenari. Fadili ka një aftësi të veçantë: të të shikojë në sy dhe të të kuptojë thellë. Me të, ndihesh i sigurt të jesh vetja, sepse ai e sheh kush je me të vërtetë,” theksoj Mustafaj.
Parashqevi Simaku, Fadil Berisha, Elton Ilirjani dhe miq te tjere
Mbrëmja në Cipriani mblodhi personalitete dhe miq nga e gjithë bota—njerëz që kanë punuar me ose janë frymëzuar nga Fadil Berisha ndër vite. Ajo që e bëri natën të paharrueshme ishte ndjesia e thellë e unitetit, dashurisë dhe respektit që mbushte çdo cep të sallës. Përkushtimi i organizatorëve, admirimi i të ftuarve dhe performancat e fuqishme krijuan një atmosferë të vërtetë festimi dhe krenarie.
Edhe pse shumë të tjerë nuk ishin fizikisht të pranishëm, prania e tyre u ndje—ishin aty me mendje dhe me zemër. Fadil Berisha është më shumë se një artist vizionar; ai është një udhëheqës i vërtetë dhe një urë lidhëse që bashkon kultura, breza dhe trashëgimi krijuese me hir dhe qëllim.
Gëzuar ditëlindjen, Maestro Fadil Berisha. Siç thotë fjala e urtë shqiptare, miqësia është si drita – vizioni juaj na frymëzon, na jep dritë – sot, nesër dhe gjithmonë.
*Autorja është një eksperte me përvojë në Marrëdhëniet Ndërkombëtare me Publikun, me mbi 20 vjet përvojë në diplomaci, avokim dhe komunikim strategjik. Ajo ka ndërtuar narrativa, ka krijuar partneritete dhe ka avancuar iniciativa në sektorë të ndryshëm. Si shkrimtare, ajo sjell një zë të veçantë në çështje komplekse, duke ndërthurur tregimtarinë me një kuptim të thellë të çështjeve globale.
Te nderuar anetare te famullive tona dhe te komunitetit shqiptar.
E mbyllëm me sukses mbledhjen e fondeve për shërbimet funerale këtu si dhe transportin dhe varrimin e të ndjerës Kristina Përbasha në Shqipëri.
Ne emer te meshtareve dom Dino Çekrezi dhe Dom Fred Kalaj, ju falenderojme per bujarine dhe gadishmerine tuaj, Shoqatat Atdhetare dhe secilin individ qe kontribuat ne kete aksion humanitar. Faleminderit Joli Paparisto per ndihmesen e saj ne kete Fundraiser.
Zoti jua shperblefte me shendet, hire e bekime ne familjet tuaja.
Procesi i transportimit te trupit se ndjeres Kristina ka filluar. Ne do t’ju njoftojme ne vazhdim deri ne realizimin e amanetit te saj.
Me respekt,
Valentin Lumaj
Me poshte eshte shuma e plote e mbledhur dhe sherbimet qe do te kryhen:
1. Shoqata Mirdita $2,150
2. Shoqata Malesia e Madhe $1,000
3. Shoqata Kosova $1,000
4. Pjeter Stanaj $1,000
5. Gjergj Zefi Ded Nishi Dedivanaj $1,000
6. Deda Dedvukaj $1,000
7. Jehona e Malësisë $500
8. Gjok Junçaj $500
9. Ylli Cakani $500
10. John Gjolaj $500
11. Anonymous $500
12. Petrit Thaqi $300
13. Kemal Kokona $300
14. Pjerin Prekaj $200
15. Nicholas Sinishtaj $200
16. Leonard Lulaj $200
17. Vilson B Jakaj $200
18. Lindon Lajçaj $200
19. Lulzim Smakaj $200
20. Lek Pecaj $200
21. Vasel Marku Sinishtaj $200
22. Dashamir Dajanaj $200
23. Armando Doku $200
24. Geno Smakaj $200
25. Mario Gjeloshaj $200
26. David & lucy Juncaj $200
27. Gjergj Vuktilaj $150
28. Paulin Marku $150
29. Ylli Gilaj $100
30. Joli Paparisto Paparisto $100
31. Nik Gjonaj $100
32. Valentino Lumaj $100
33. Ndue Grabanica $100
34. Luvigj Nilaj $100
35. Kol Zef Bujaj $100
36. Kole Kroj $100
37. Gentjan Vjerra $100
38. Anton Marku $100
39. Vasel Gojçaj $100
40. Nik Mitaj $100
41. Nikoll Lulgjuraj $100
42. Anna Rumija $100
43. Ujk Çerkezi $100
44. Marjan Rumija $100
45. Aleksander Pepaj $100
46. Niko Kokalari $100
47. Fran Nikaj $100
48. Valentina Pati $100
49. Agostin Tina $100
50. Mark Gojcaj $100
51. Lindita Mustafa $100
52. Artan Gjoka $100
53. Jani Bejko $100
54. Tom Gjokaj $100
55. Julie Stanaj $100
56. Pellumbesha Biba $100
57. Emanuel Bota $100
58. Flux Hair Studio $100
59. Viktor Perlaska $100
60. Bardhok Markaj $100
61. Jetnor Malaj $100
62. Marie Sylaj $100
63. Anton Bunjaj $100
64. Gjek Vocaj $100
65. Ylli Nilaj $100
66. Arben Lumaj $100
67. Antoneta Lucaj $100
68. Agron Duhani $100
69. Mirela Gjura $100
70. Mark Kalaj $100
71. Leonard Miraj $100
72. Gjergj Vulaj $50
73. Fran Shkreli $50
74. Mira Pllumaj $50
75. Preng Tarazhi $50
76. Luce Gashaj $50
77. Lekë Qafa $50
78. Pjeter Pepaj $50
79. Kol Gjelaj $50
80. Prel Popaj $50
81. Antoneta Gjolaj$50
82. Besa Krosi $50
83. Alketa Hima $50
84. Taulant Sina $50
85. Tringa Nilaj $50
86. Suela Dosti $20
87. Valentina Tesho $20
88. Anonymous $200
89. Anonymous $100
90. Anonymous $100
91. Anonymous $100
92. Anonymous $100
93. Anonymous $100
94. Anonymous $50
95. Anonymous $50
96. Anonymous $50
97. Anonymous $50
98. Anonymous $50
99. Anonymous $50
100. Anonymous $50
101. Anonymous $50
102. Anonymous $50
103. Anonymous $30
104. Anonymous $20
105. Anonymous $20
106. Anonymous $20
107. Anonymous $20
Total $19,450
Me keto donacione do te mbulohen keto sherbime:
1-Sherbimet funerale per te ndjeren Kristina Perbasha ne Chapel Hills Funeral Homes qe nga data 24 Shkurt.
2-Sherbimet funerale dhe transporti per ne Shqiperi nga Wasik Funeral Home.
3-Arkivoli dhe sherbimet e varrimit ne Shqiperi
4- Gofundme 3% charge.
Paçi te gjithe Pashke te bardha, paqe dhe bekimet e Zotit!
Dje u përkujtua në Shkodër por edhe në rrjetet sociale demonstrata e 2 Prilli i vitit 1991. Në këtë revoltë popullore kundër sistemit të kalbur komunist, që po mundohej të mbijetonte nëpërmjet manipulimit të votave të 31 Marsit 1991, morën pjesë rinia shkollore e gjimnazeve “Jordan Misja” dhe “29 Nëntori”, të cilëve ju bashkua masivisht populli i Shkodrës.
Kjo demonstratë rezultoi me 4 demostrues të vrarë, mbi 100 të plagosur. Po ashtu rezultoi me djegjen e Komitetit të Partisë së Punës dhe mjeteve të blinduara ushtarake të pushtetit komunist.
Ndërsa rezultati pozitiv i kësaj demonstrate ishte se kjo datë shënon rënien e një sistemi gjakatar dhe kthesën e madhe drejt një sistemi demokratik për të gjithë shqiptarët.
Çdo vit 2 Prilli përkujtohet në Shkodër në mënyrë të njëanëshme, pra nga Partia Demokratike dhe forcat e djathta antikomuniste. Kam vënë re që socialistët shqiptarë nuk marrin pjesë,
nuk e përkujtojnë dhe nuk e nderojnë demonstratën e 2 Prillit.
Po a duhet që socialistët shqiptarë t’a nderojnë 2 Prillin?
Unë mendoj se po.
Nëse se të gjithë biem dakord se kjo demonsratë shëmbi themelet e komunizmit dhe hapi rrugën drejt një sistemi të ri demokratik për të gjithë shoqërinë shqiptare, atëherë duhet të
biem dakord që edhe sodialistët shqiptarë, si pjese e kesaj shoqerie i gëzojnë dhe shijojnë të mirat dhe beneficionet e kësaj demonstrate. Edhe socialistët e shqipërisë po e gëzojnë këtë demokraci, me levi e te lire ne te gjithe botën me prima private e biznese të fuqisbme, biles edhe duke qenë në pushtet shumë më gjatë se demokratët.
Tani, të gëzosh lirinë dhe të drejtat demokratike të fjalës, tubimit,ke I he’s, pronës dhe votës së lirë, në themel të së cilave është gjaku u dëshmorëve të demokracisë, dhe nga ana tjetër të mos tregosh nderim apo respekt ndaj kësaj vepre sublime, humane dhe civile, kjo në rastin më të mirë quhet MOSMIRËNJOHJE.
Unë nuk e kam fjalën dhe nuk pres nga drejtuesit e Partisë Socialiste apo drejtuesit e pushtetit aktual që të tregojnë respekt ndaj dëshmorëve të 2 Prillit. Ata janë bijtë, nipërit
dhe mbesat e byroistëve të nomenklaturës komuniste. Ata nuk do të shprehin asnjë keqardhje për masakrën e baballarëve të tyre por as mirënjohje për demokracinë që gëzojnë.
Unë e kam fjalën për masën popullore socialiste shqiptare. Ata duhet të reflektojnë, ata duhet të bëjnë divorcin një herë e përgjithmonë me komunizmin dhe veprat famëkeqe të tij. Ndërrimi i programit dhe emrit të Partisë së Punës në Parti Socialiste me 12 Qershor 1991, dy muaj mbas demonstrates së 2 Prillit, u kuptua fillimisht dhe duhej të ishte si një kthesë edhe për socialistët që deshirojnë t’i bashkohen vlerave dhe parimeve demokratike evropiane. Por këta socialistë, që mund të jenë miqtë apo të afërm të mij, duhet që ta tregojnë dhe shfaqin pro-evropianizmin në rradhë të parë duke dënuar komunizmin, i cili vrau, persekutoi dhe izoloi një popull liridashës. Te jesh socialist nuk do te thote se je antidemokratik. Te jesh socialist nuk do te thote të jesh komunist.
Prandaj tregojeni veten se jeni me te vertete liridashes, qe nuk i doni diktaturat, që i respektoni heronjtë, që jeni ne nivel te kulturës dhe emancipimit evropian.
Socialistët shqiptarë duhet që t’u kthehen vlerave dhe virtyteve njerëzore të njohjes dhe mirënjohjes ndaj heronjve që dhanë jetën edhe për ta. Kur është fjala për data përkujtimore te flamurit dhe të pavarësisë sikurse është 28 Nëntori, edhe për datat e lirisë dhe të demokracisë, sikurse është 2 Prilli, të gjithë shqiptarët, demokratë dhe socialistë duhet të bëhen bashkë. Ndasia dhe urrejtja janë një barrë e madhe për ne për të ecur së bashku si popull.
Martin Luther King luftoi per te drejta dhe liri njerezore për një pjesë të shoqërisë amerikane, por sot ai kujtohet dhe nderohet nga i gjithë populli amerikan.
Ai pati thënë:
“Ne duhet të mësojmë të jetojmë së bashku si vëllezër ose të humbasim së bashku si budallenj”.
Sa shpejtë jemi tjetërsuar,secili në udhët e jetës pikë e pesë…!
Sa të politizuar që jemi:Kjo është partia ime,ky është mëngjesi dhe interesi im…!
Përditë po e hamë bukën e bardhë,por toka ka mbetur djerrinë dhe,siç thonë në fshat, kurrë nuk kemi pasur më shumë të mira në sofër,nuk di sa do të zgjasë…?
Në kryeqytetin e Prishtinës,në mëngjeset e jetës nuk kemi asnjë gazetë të ditës dhe,as një kioskë për shitjen e gazetave…!
Përfunduan studimet universitare dhe në kolegjët tona,por deri tash nuk kanë bibliotekë profesionale dhe të botimeve letrare shqiptare dhe botërore.Pse pa bibliotekë të rinjët tanë në Kosovë…?!
Erdhi koha:Secili kokën me një anë dhe,pa fije respekti të ndërsjellë!
U lavduan shumë në një takim:Kemi arritur shumë në arsim,në ekonomi,në shëndetësi dhe,në fushat tjera të jetës…Por,harruan se pacientët në spitalet tona,ilaqet duhet me i marrë me veti dhe,është hera e tretë që PISA arsimin në Kosovë e ka vënë në listën e parafundit të arsimit në botë,gati-gati me barasvlerën e dobët me arsimin në Afrikë!
Koha dhe autoriteti i mësuesit tonë?
Pse kaq shumë jemi ndarë me ngjyrat e partive politike në Kosovë?
Për shtetin e Kosovës,pozita dhe opozita përmes aktit më të lartë juridik të Kushtetutës,e kanë përgjegjësinë e mekanizmave të njëjtë për shtetndërtimin…!
Deputet e popullit dhe vota e lirë e sovranit,është një kontratë e demokracisë,por për këto vite,deputetet harruan të takojnë ndonjëherë sovranin e votës së lirë dhe,nuk kanë shkuar asnjëherë për të vizituar ndonjë fshat të Kosovës…!
Tërë jeta politike zhvillohet(vetëm)në Prishtinë!
Unë flas,ti fletë,ata flasin,por nuk i dëgjon askush.
Sa të neveritshëm,analistat (p)olitikë në televizionet tona.
Tashti kemi me qindra e mija diploma universitare dhe,u muar vesh edhe tituj (shkencor),por askush nuk ka bër një bilansë për diplomat, se sa ato kanë vlerë për zhvillimin e gjithmbarshëm ekonomik të shtetit të Kosovës!
Jeta parlamentare në Prishtinë,herë me skena cirkusi e herë me skena të komedisë…Ende nuk kemi parë nga afër ndonjë program politik(individual)të deputetëve të popullit për kahet e zhvillimit të shtetit të Kosovës!
Sa larg Prishtina dhe Tirana…?
Mos të harrojmë se Kosova është hisja jonë kolektive dhe kombëtare!
Profesori me gradë shkencore(dr)nga Kërçova:Leni librat shqip se prej tyre nuk ka bukë e,mësojeni gjuhën angleze…!
Para do kohe,erdhi në Çikago, profesore i shtyer në moshë,me gradën shkencore(prof.dr)dhe me mërgimtarët shqiptarë mbajti ders se jo mahi…Hyri e doli,nëpër udhë e(pa)udhë duke mos kursyer ,,rrafshin e tij shkencor,,(sic!)tash e sa vjet nëpër dyert e universitetit në Shkup e Tetovë,para brezave të rinj shqiptarë…
Duke biseduar me mërgimtarët,aty kishte të moshuar që,koha e mërgimit ua kishte shembur kurrizin e jetës dhe,profesorë të fushave të ndryshme.Foli e foli,pajada,profesori nga Kërçova e,përmes fjalës nuk ngurroj të thotë zëshëm:
– Leni librat e gjuhës shqipe se prej tyre nuk ka bukë e,mësojeni gjuhën angleze,-u thoshte (p)rofesori nga Kërçova,mërgimtarëve në Çikago.
Në frymën e reagimit:A thua i kujtohet (p)rofesorit fjala e tij kutrrum dhe e pa matur mirë në Çikago,duke denigruar gjuhën e lashtë shqipe indo-evropiane,tiparët e saj gramatikore kanë vënë gurët e qytetërimit në Evropë dhe më gjërë në botë?!
(P)rofesor me gradë të lartë shkencore(prof.dr)ne nuk harrojmë,ne gjykojmë se si dikush pa na zë diellin e shenjës dalluese kombëtare të shqipes…!
Lajmërim: Sado degë të rreme të krijohen nga “perandori”, do të vijë momenti kur asnjëra prej tyre nuk do të njihet, pasi ato janë në shkelje të plotë me Kanunoren e vitit 1926, si dhe po krijohen nga individë të vetëshpallur që kanë uzurpuar Federatën Vatra.
“Ka njerëz që nuk janë thjesht dëshmitarë të kohës së tyre, por gurë themeli të kujtesës kombëtare. Visar Zhiti, shkrimtari i burgut dhe lirisë, i fjalës dhe dhimbjes, i përndjekur për vargjet e tij dhe i nderuar për to, erdhi në AMA jo vetëm si poet, por si një simbol i shpirtit shqiptar që nuk mund të shterohet.
Ai foli si dikush që e di peshën e artit, si dikush që ka parë botën nga dy skaje—nga humnera dhe nga drita. “Violina si dritë hëne, pianoja që mbushi ajrin si flatra zogjsh dhe engjëjsh, këngët dhe recitimet me zëra fëmijë sikur këndonte e ardhmja,” shkroi më pas, duke përshkruar AMA-n jo thjesht si një recital, por si një vend ku muzika bëhet kujtesë.
Dhe ai pa diçka thelbësore: fëmijët që këndonin shqip në Amerikë, me të njëjtin pasion si në gjuhën e vendit ku jetojnë, duke mbajtur në tingujt e tyre atdheun e prindërve dhe ëndrrën amerikane.
Mirënjohje të thellë për praninë dhe fjalën tuaj, Visar Zhiti. Disa udhëtime nuk ndodhin vetëm në hapësirë, por në shpirt. Kjo ishte një prej tyre.
Faleminderit gjithashtu Dr. Xhabir Alili dhe Taip Beshiri, që e shoqëruan dhe e sollën mes nesh një zë që tashmë është pjesë e AMA-s”.
Biblioteka dhe arkivi personal i Arshi Pipës në Muzeun e qytetit të Shkodrës
VOA Pëllumb Sulo
Profesori shqiptaro-amerikan Arshi Pipa në vitin 1996, para se të ndahej nga jeta, ja dhuroi bibliotekën dhe arkivin personal Muzeut të qytetit të Shkodrës. Siç njofton korrespondenti i Zërit të Amerikës, Pëllumb Sulo, studiuesit vazhdojnë të hulumtojnë në arkivin e Pipës, ku interes të veçantë po ngjall letërkëmbimi i pasur me shumë personalite të kohës si dhe bisedat në radion “Zëri i Amerikës” .
Në një nga mjediset e muzeut historik të qytetit të Shkodrës ruhet biblioteka dhe arkivi personal i profesorit shqiptaro-amerikan Arshi Pipa, dhuruar prej tij muzeut në vitin 1996, një vit para se të ndahej nga jeta në SHBA.
Specialisti i muzeut, Ndriçim Mlika, thotë se biblioteka e profesor Pipës ka më shumë se 2500 libra në disa gjuhë të botës, ndërsa arkivi i tij ruan shumë dorëshkrime, skedarë si dhe leterkëmbime me personalitete të kohës, një pasuri kjo e vyer për studiuesit, që dëshmon mbi veprimtarinë mëse 50 vjeçare të Pipës në shërbim të kulturës kombëtare.
“ Në fondin e tij është edhe letërkëmbimi. Vëllimi i tij është shumë i madh dhe do të ishte mirë të shikojë dritën e botimit. Pipa ka patur korrespondencë me Camajn, me universitete të ndryshme në vartësi të projekteve të përbashkëta që kishin. Dhe është për tu çuditur se, që në vitin 1982, ka një korrespondencë shumë intensive për organizimin e një konference për të ndërkombëtarizuar çështjen e Kosovës ”, thotë ai.
Mes dhjetëra dosjeve të arkivit të profesor Pipës, paraqet interes për studiuesit edhe dosja e titulluar “ Zhvillimi kulturor i elementit shqiptar në Shtetet e Bashkuara”, ku ruhen bisedat që profesor Arshi Pipa ka mbajtur në radion “Zëri i Amerikës” në Uashington gjatë periudhës 1962-1966, vetëm pak kohë pas arratisjes nga Shqipëria dhe emigrimit në Amerikë, thotë specialisti Mlika.
“ Kjo është një dosje që përmban një numër të madh bisedash, të cilat i ka mbajtur tek “Zëri i Amerikës” duke nisur nga viti 1962. Janë 19 biseda me anë të të cilave Pipa ka paraqitur shqiptarët në sytë e amerikanëve. Ka pasqyruar të dhëna historike, sociologjike dhe etnografike për shqiptarët që jetonin në Amerikë ”.
Ideja për dhurimin e bibliotekës dhe arkivit personal Muzeut Historik të Shkodrës i lindi profesor Pipës që në vitin 1992, menjëherë pas rrëzimit të diktaturës në Shqipëri.
Kjo, pasqyrohet ne korrespondencën e gjërë me studiuesin Mentor Quku, ish drejtor i këtij Muzeu, thotë vajza e Mentor Qukut, Valbona Quku Lisha.
“ Mentor Quku pati një letërkëmbim me Arshi Pipën gjatë viteve 92-96, ku tema kryesore ishte ajo e dhurimit të bibliotekës nga profesor Arshi Pipa Muzeut të qytetit të Shkodrës. Në një prej këtyre letrave Mentori falenderon profesorin duke i shkruar se Shkodra i është borxhli dhe se nuk e din nëse do t’ia shpërblejë ndonjë herë ”, thotë ajo.
Përmes dhurimit të bibliotekës dhe arkivit personal, thotë drejtori i muzeut Sokol Haliti, Arshi Pipa dha një shembull edhe për intelektualët e tjerë që punuan dhe krijuan në mërgim për shkak të përndjekjes nga regjimi komunist i kohës.
” Jo rastësisht Pipa zgjodhi Shkodrën, ku ai u rrit dhe u formua, që gjithë kontributin e tij tokësor t’ia lejë një institucioni me idenë e studimeve të vazhdueshme dhe publikimeve”, thotë ai.
Arshi Pipa lindi në qytetin e Shkodrës në vitin 1920 dhe u nda nga jeta më 20 korrik 1997. Ishte mësues, publicist, poet, gjuhëtar, kritik letrar dhe përkthyes. Për bindjet politike u arrestua në vitin 1946 dhe u dënua me 20 vite burg nga gjykata komuniste, nga të cilat kreu 10 vite burg.
Pas kësaj, arratiset nga Shqipëria dhe, në vitin 1958, emigron në Shtetet e Bashkuara të Amerikës ku mbajti lidhje me shoqatën panshqiptare “Vatra”, me gazetën “Diellin” dhe “Zërin e Amerikës” duke u bërë një zë i fuqishëm në mbrojtje të të drejtave dhe lirive të njeriut në Shqipëri dhe Kosovë.
Shumë nga ata që nuk kanë parë asnjë ditë të jetës internimin apo burgun, sot dalin si “ish të përndjekur politikë” aktorë të vërtetë.
Ndërkohë, ata që vërtet vuajtën interrnimin e burgun u detyruan të largohen në mërgim, të shpërfillur dhe të harruar nga politika shqiptare. Ky është realiteti i një Shqipërie ku historia manipulohet nga aktor dhe viktimat e vërteta mbeten viktima, ndërsa hipokrizia mbizotëron.
Në këtë det të mbushur me “peshkaqenët” e politikës, patriotët që vuajtën përndjekje politike mbeten të mbytur. Ata nuk u lejuan të jenë zot të fatit të tyre. Sot janë veçse një vegël e përdorur për interesa elektorale.
Kjo është politika e pistë e Tiranës: të mbajë të vërtetën të heshtur dhe të përdorë dhimbjen si monedhë përfitimi. Pyetja është, deri kur? a.m
‘Thinking Machines Lab’ është një startup i ri dhe premtues në fushën e inteligjencës artificiale, i themeluar nga shqiptarja Mira Murati, ish-Drejtoreshë e Teknologjisë në OpenAI. Murati, e cila ka një karrierë të pasur në teknologji, duke përfshirë role në Tesla dhe Leap Motion, ka rekrutuar një ekip të përbërë nga rreth 30 studiues dhe inxhinierë nga kompani prestigjioze si OpenAI, Meta dhe Mistral. Dy të tretat e ekipit janë ish-punonjës të OpenAI, duke e bërë këtë startup një forcë të fuqishme në botën e AI.
Misioni i ‘Thinking Machines Lab’ është të zhvillojë inteligjencë artificiale që përshtatet me gjithë spektrin e ekspertizës njerëzore, duke e bërë atë më të sigurt dhe më të besueshme. Kompania synon të ndjekë një qasje të hapur ndaj kërkimit, duke ndarë kodin, dataset-et dhe specifikimet e modeleve me komunitetin shkencor. Kjo qasje jo vetëm që nxit bashkëpunimin, por edhe siguron që përparimet në fushën e AI të jenë të arritshme për të gjithë.
Mira Murati, e cila ishte një nga figurat kryesore publike të OpenAI, dha dorëheqjen e saj papritur në një moment kur kompania po përjetonte ndryshime të mëdha. Me ekspertizën e saj të gjerë dhe vizionin e qartë, ajo tani po drejton këtë startup të ri, duke kërkuar fonde nga investitorë për të mbështetur zhvillimet e saj inovative në fushën e AI.
Në faqen e tyre në X, Thinking Machines Lab shkruan: “Sot jemi të entuziazmuar të njoftojmë Thinking Machines Lab (https://thinkingmachines.ai), një kompani kërkimi dhe zhvillimi produktesh në fushën e inteligjencës artificiale. Ne jemi shkencëtarë, inxhinierë dhe krijues të disa prej produkteve dhe librarive më të përdorura të AI, duke përfshirë ChatGPT, Character.ai, PyTorch dhe Mistral.” sn
Për shkak të skenarëve shfarosës,denigrues,të dhunës dhe të projektit për tokën pa shqiptar në Kosovë,regjimi i Serbisë e hapi portën për shpërngulje në tokën e largët të Anadollit në Turqi.Padrejtësitë historike dhe odisejada e jetës me porosinë shekspiriane :Të jesh apo të mos jesh,bëri që më qindra e qindra shqiptarë nga trevat etnike të marrin udhën e mërgimit kendej Atlantikut në Amerikën e largët.
Festa e ditës historike të lirisë dhe pavarësisë së Kosovës,tashmë është bër program festiv në kujtesën,nderimin dhe fryma e jetës mos më e harrua tokën e shenjtë shqiptare.Për diasporën shqiptare në Amerikë,është thënë me fjalën që del nga thellësia e zemrës,nuk kemi tjetër atdhe pos tokës së shqiptarizmës të Shqipërisë zyratre dhe të Shqipërisë tjetër Kosovë.Shoqata ,,Dardania,,dhe Komuniteti Shqiptar në ambientët ,,ELM-WEST,,në Çikago,përmes programit festiv,përkujtuan historinë e diasporës dhe lufta shekullore e shqiptarëve për liri dhe pavarësi të Kosovë.Nëpër vite dhe nëpër luftëra të përgjakura kundër aneksimit të tokës së Kosovës nga regjimi serbo-jugosllav të ndihmuara nga boshti pansllavist me Rusinë në shekullin e kaluar,shqipatrët asnjëherë nuk e pranuan robërinë dhe shtetin e Serbisë dhe të Jugosllavisë për shtet të vetin.
Në sallën festive në Çikago,kishin ardhur mërgimtarët dhe në atmosferën e përgëzimeve,sikur dëshironin të jenë sa më afër me tokën e lirë dhe të shtetit më të ri në Evropë të Kosovës.Programin festiv e përshendeti me moderimin shend e verë,Qendresa Ibrahimi,veprimtare e dalluar dhe ish drejtoreshë e shkollës shqipe,,Kongresi i Manastirit,,.Në një kënd të sallës,organizatori kishte vënë projektorin dhe,në vazhdime shfaqeshin të dhënat për veprimtarët shqiptarë,që ndër vite ishin krah i fortë i çështjes shqiptare me të gjitha administratat e shtetit të Amerikës në Shtëpinë e Bardhë në Vashington.për lirinë e Kosovës.
Qendresa Ibrahimi fliste para mikrofonit në sallë mbretëronte qetësia e herë-herë nuk prisnin radhën duyrtroktijet për kombin, atdheun,lirinë e Kosovës dhe për shtettin mik të Amerikës.Kur flasim për tokën shqiptare të Kosovës,është një emocion dhe një nderim për historinë më të re të Ditës së Pavarësisë së Kosovës,thoshte me një zë e shënd e verë zonja Qendresa Ibrahimi.Udhët e Kosovës për liri dhe pavarësi nuk ishin të lehta,ato ishin të mbushura me vuajtje,padrejtësi historike,shqiptarët të trajtuar në kohën e regjimit serbo-jugosllav të rendit të dytë e të tretë.Tre popujt slloven,kroat dhe serb që e krijuan krijesën artificiale pa frymë e pa zemër(1918)Jugosllavinë,populli shqiptar dhe toka e Kosovës mbeti nën regjimin shfarosës,vrasës deri në shkallë të gjenocidit të Serbisë.Tërë katrahura kundër popullit shqiptar dhe të tokës së Kosovës,i erdhi fundi kur pushka e Prekazit në Drenicë dhe djalmenia e UÇK-së me komndantin legjendar Adem Jashari ia kthyen pushkln hasmit të Serbisë.
Thirrja e Adem Jasharit nga malet e Drenicës:Hajde, djalmenia shqiptare e luftojmë bashkë,bëri jehonë në të gjitha trojet etnike si dhe në diasporën shqiptare në Amerikë,shpaloi kohën e kujtesës në fjalimin e saj Qendresa Ibrahimi.Fryma e luftës kishte marrë hov në vitet (1990-1999)ku të gjitha trojet etnike dhe diaspora në Amerikë dhe në vendet tjera të Evropës,nisën të organizojnë fondet për organizimin e luftës me djalmeninë e pushkëve të UÇK-së.Në këtë kohë u bënë bashkë diaspora shqiptare në Amerikë dhe Evropë në krah të luftës për liri dhe pavarësi dhe të ndarjes njëherë e përgjthmonë nga regjimi antishqiptar të Serbisë.Shqiptzarët në Amerikë festojnë me zemrën plot për tokën e vet të shenjtë të Kosovës dhe,ritheksojnë se detyra kombëtare ndaj shtetit të Kosovës dhe të kombit shqiptar në Ballkan,nuk është vetëm të festojmë,por të ndërtojmë shtetin me velrat e demokracisë të shtetin ligjor të Kosovës,tha zëshëm në fjalimin e saj Qendresa Ibrahimi.
Jemi tubuar sonte në Çikago,për të kujtuar dhe për të nderuar djalmeninë shqiptare të pushkëve(UÇK)për lirinë e Kosovës.Kosova jonë nuk është vetëm një pikë në hartën e botës,një hart apo një kufi,e nisi djalimin e tij kryetari i KSHA-së Edon Shaqiri duke thëënë se,Kosova është historia,dhimbja dhe krenaria jonë kombëtare.Në fillim i riu shqiptar dhe ekspert i sektorit të bankar në rrafshin amerikan,foli për Proklamatën e Guvernorit të shtetit të Ilinoisit, J.B.Pritzer,i cili shpalli 17 shkurtin,Ditën e Pavarësisë së shtetit të Kosovës në shtetin e Ilinoisit.Në fjalimin e tij Edon Shaqiri theksoi se Kosova nuk është veçse një kujtim i së kaluarës,ajo është përgjegjësia jonë për të sotmën dhe të ardhmën,ku,lëvizja e kapitalit të diasporës shqiptare nga Amerika e bën më të fortë kahet e zhvillimit,të participimit të vlerave tona me poujt tjerë në Evropë dhe në shtetin mik të Amerikës,vuri në spikamë kryetari i KSHA-së në Çikago,Edon Shaqiri.Për festën e Kosovës,foli prof.Skënder Karaçica,i cili përkujtoi historinë e lavdishme të djalmenisë së UÇK-së,të udhëheqëve historik të Ibrahim Rugovës,të Adem Demqit dhe pushka e Prekazit me trimërinë e komndatit legjerndar Adem Jashari.Në fjalimin e tij,Karaçica theksoi se gjykata një etnike(vetëm për luftëtarët e lirsë së Kosovë)në Hagë,është një paradoks në veti dhe,kësaj i thonë loja e djallit me drejtlsinë ndërkombëtare.Në këtë paraqitje,prof.Skënder Karaçica,i bëri thirrje se ,,Lria ka Emër,,dhe djalmenia e UÇK-së ka bër luftë të drejtë në tokën e vet,prandaj na i lironi djemtë tanë nga akuzat serbo-ruse!
Programin festiv begatuan me recitime nxënësit e shkollës shqipe,,Kongresi i Manastirit,,dhe nisën porosinë se kanë lindur e po rritën në tokën e lirë me lulet e demokracisë në Amerikë,por ata nuk e harrojnë atdheun e tyre Shqipërinë zyrtare dhe Shqipërinë tjetër Kosovë,kështu i kanë rritur e edukauar prindërit dhe abetarja e shkronjave shqipe,që u pritën me duartrokitje.
Nën tingujt e muzikës së bukur shqiptare (motër e vëlla)Remzije dhe Nexhat Osmani nën tingujt e orkestrës,para mikrofonit, kënduan me vokalin e bukur e të pentagramit kombëtar,këngët e gjeografisë kombëtare shqiptare të nënqiellit shqipar.Për disa orë,në sallën solemne në Çikago,muzika e bukur shqiptare ngriti në këmbë të rinj e të reja shqiptare për të hedhur valle e për të kënduar bashkë për pavarësinë e Kosovës.
Komentet