VOAL

VOAL

Opozita hungareze shpreson të fitojë zgjedhjet në Budapest

October 13, 2019

Komentet

Zelensky e nënshkruan ligjin që lejon të dënuarit me burg të shërbejnë në ushtri

Presidenti i Ukrainës, Volodymyr Zelensky, e ka nënshkruar të premten një ligj, i cili i lejon të dënuarit me burg të shërbejnë nën kushte të caktuara në Forcat e Armatosura të vendit.

Parlamenti ukrainase e kishte miratuar projektligj më 8 maj, pasi Qeveria kishte hequr dorë nga kundërshtimi i tij.

Ky ligj u fut në fuqi në një kohë kur Ukraina është duke u përballur me mungesë personeli ushtarak në luftën kundër ushtrisë ruse.

Moska e nisi pushtimin e jashtëligjshëm dhe të paprovokuar të Ukrainës në shkurt 2022.

Kievi e ka kritikuar Rusinë për rekrutimin e të dënuarve nga burgjet ruse për të luftuar në shkëmbim të lirimit të tyre nga burgu.

Raportet në muajt e fundit kanë gjetur se ish të burgosurit kanë kryer krime të rënda në vend, pasi kanë shërbyer në luftë.

Më herët, Ministria e Drejtësisë kishte thënë se Ukraina nuk po formon diçka të ngjashme me grupin mercenar rus, Wagner, që në radhët e veta ka angazhuar edhe përdhunues dhe vrasës.

Të premten, Rusia i vazhdoi sulmet në rajonin verilindor të Ukrainës, Harkiv, ku Moska synon ta krijojë një “zonë neutrale”.

Komandanti i Përgjithshëm i ushtrisë ukrainase, gjenerali Oleksandr Syrskiy, tha më 17 maj se zona e luftimeve është zgjeruar për 70 kilometra.

Kjo e ka detyruar Kievin, i cili përballet me mangësi në fushëbetejë tashmë, të dërgojë më shumë trupa në këtë zonë lufte dhe të dobësohet në pjesët e tjera. REL

Eurodeputetit gjerman, Reinhard Bütikofer për letrën e treshes: Më vjen keq për qeverinë time gjermane! Gabim i keq!

Ka qenë i menjëhershëm dje reagimi i Eurodeputetit gjerman, Reinhard Bütikofer pas letrës së treshes, Gjermani, Francë Italia drejtuar kryeministrit të Kosovës Albin Kurti ku kushtëzohet pranimi në KiE me asosacionin e komunave serbe në Kosovë.

“Më vjen shumë keq për qeverinë time #gjermane, në të cilën Ministri i Jashtëm @ABaerbock është nga partia ime, mori këtë vendim strategjikisht të gabuar për të frustruar dëshirën e Kosovës për të ecur përpara me integrimin hap pas hapi në institucionet evropiane. #gabim i keq!”

 

 

Knaus: Ministrat e Jashtëm në Strasburg duhet të caktojnë një datë për një takim të jashtëzakonshëm për çështjen e Kosovës

Ministrat e Jashtëm në Strasburg duhet të caktojnë një datë të re për një takim të jashtëzakonshëm brenda pak javësh, në mënyrë që të mund të votojnë aplikimin e Kosovës në Këshillin e Evropës pasi të ketë ecur përpara për çështjen e ASM-së.

Kështu ka vlerësuar Gerald Knaus, nga Iniciativa Evropiane për Stabilitet. Ai në një postim në platformën X ka thënë se ky veprim i Komitetit të Ministrave të KiE-së do të ishte një sinjal të qartë ndaj Serbisë se shtetësia e Kosovës është këtu për të qëndruar dhe ruan mbështetjen e plotë të demokracive evropiane.

“Ministrat e Jashtëm në Strasburg nesër duhet të caktojnë një datë të re për një takim të jashtëzakonshëm brenda disa javësh, në mënyrë që të mund të votojnë aplikacionin e Kosovës pasi të ketë ecur përpara për çështjen e ASM-së. Kjo do t’i dërgonte një sinjal të qartë Serbisë se shtetësia e Kosovës është këtu për të qëndruar dhe ruan mbështetjen e plotë të demokracive evropiane”, ka shkruar Knaus.

Statusi i tij vjen sot, pikërisht në ditën kur do të mblidhet Komiteti i Ministrave të Këshillit të Evropës.

Duke u bazuar në këtë, ai thotë se do të ishte fatale për ministrat e jashtëm të shteteve anëtare të injoronin formulën e Martti Ahtisaarit për paqen dhe rekomandimin e Asamblesë Parlamentare, ku me 83 për qind të votave u rekomandua anëtarësimi i Kosovës në këtë institucion.

Knaus shkruan po ashtu se fatale do të ishte edhe po të injorohej një propozim shumë i mirë nga Qeveria e Kosovës për të trajtuar me mirëbesim dhe mbi bazën e një propozimi të fortë një çështje përfundimtare, të pazgjidhur prej kohësh.

“Dhe për të përfunduar në vend të kësaj: Serbia mund të vërë veton ndaj përparimit të Kosovës. Duhet të pajtohet me atë si do të krijohet Asociacioni i komunave me shumicë serbe, por të cilën nuk do ta bëjë”, shkruan Knaus.

Ai tutje thotë se Martti Ahtisaari me siguri do të kishte qenë shumë i kënaqur ta shihte Kosovën në Këshillin e Evropës këtë vit.sn

Policia franceze vret një burrë që tentoi të djegë sinagogën

“Burri ishte i armatosur me një thikë dhe një shufër hekuri”, tha një burim i afërt me rastin për AFP.

Një person i armatosur që dyshohet se tentoi t’i vinte zjarrin një sinagoge në Ruen të premten është vrarë nga policia, ka njoftuar ministri i Brendshëm Gérald Darmanin.

Policia “iu përgjigj një raporti për tymin pranë sinagogës”, tha një burim policor.

“Burri ishte i armatosur me një thikë dhe një shufër hekuri, ai iu afrua policëve që qëlluan, individi vdiq”, tha një burim i afërt me rastin për AFP.

“Në Ruen, oficerët e policisë kombëtare neutralizuan një individ të armatosur herët këtë mëngjes, i cili qartësisht synonte t’i vinte zjarrin sinagogës së qytetit. Unë i përgëzoj ata për reagimin dhe guximin e tyre,” shkroi z. Darmanin në X.

Kryetari i bashkisë së Ruenit, Nicolas Mayer-Rossignaol tha se sulmi në sinagogë nuk preku vetëm komunitetin hebre, por i gjithë qyteti ishte “i goditur dhe i tronditur”.

Policia u thirr rreth orës 6:45 (05:45 GMT) pasi u pa tym që dilte nga sinagoga, sipas raporteve lokale.

Kur arritën në vendngjarje, një nga oficerët qëlloi burrin i cili ishte i armatosur me thikë dhe shufër hekuri.

Kryebashkiaku tha se zjarrfikësit ishin në vendngjarje duke punuar për të kontrolluar shpërthimin e zjarrit në sinagogë. Duket se nuk kishte viktima të tjera përveç personit të armatosur, shtoi ai.

Ministri i Brendshëm Gérald Darmanin vlerësoi policinë “për reagimin dhe guximin e tyre”.

Franca, së bashku me pjesën tjetër të Evropës Perëndimore, ka parë një rritje të antisemitizmit që kur Hamasi sulmoi Izraelin jugor tetorin e kaluar, duke çuar në luftën aktuale në Gaza./SYRI.NET

Berlini, Parisi e Roma i kthejnë përgjigje Kurtit: Drafti i Lajçakut e ka mbështetjen tonë të plotë

Pas letrës së dërguar nga Qeveria drejtuar Këshillit të Evropës, për t’i hapur rrugë anëtarësimit në KiE, Kosovës i është kthyer përgjigje.

Në letër theksohet se “ekziston rrezik real që pa progres vendimtar të Asociacionit, aplikimi i Kosovës në Këshillin e Evropës nuk do të marrë mbështetjen e mjaftueshme nga shtetet anëtare”.

“Fatkeqësisht, hapat që ju propozoni nuk adresojnë nevojën urgjente për hapa vendimtarë drejt krijimit të Asociacionit dhe rrezikojnë të minojnë më tej Dialogun e lehtësuar nga BE-ja. Së pari, projekt-statuti i paraqitur nga Përfaqësuesi Special i BE-së për Dialogun, Miroslav Lajçak, nuk është thjesht ‘propozim zotërinjsh’. Është një model solid, i hartuar me kujdes me ndihmën e juristëve dhe ekspertëve evropianë, bazuar në praktikat më të mira ekzistuese në Evropë. Ai merr plotësisht parasysh të gjitha vijat tuaja të kuqe si dhe kornizën kushtetuese dhe ligjore të Kosovës. Si e tillë, gëzon mbështetjen tonë të plotë. Le të theksojmë edhe një herë se nuk duam një Kosovë jofunksionale”, thuhet mes të tjerash.

“Fatkeqësisht, hapat që ju propozoni nuk adresojnë nevojën urgjente për hapa vendimtarë drejt krijimit të A/CSMM-së dhe rrezikojnë të minojnë më tej Dialogun e lehtësuar nga BE-ja. Së pari, projekt-statuti i paraqitur nga Përfaqësuesi Special i BE-së për Dialogun, Miroslav Lajçak, nuk është thjesht një “propozim zotërinjsh”.

Është një model solid, i hartuar me kujdes me ndihmën e juristëve dhe ekspertëve evropianë, bazuar në praktikat më të mira ekzistuese në Evropë. Ai merr plotësisht parasysh të gjitha vijat tuaja të kuqe si dhe kornizën kushtetuese dhe ligjore të Kosovës. Si e tillë, ajo gëzon mbështetjen tonë të plotë. Le të theksojmë edhe një herë se ne nuk duam një Kosovë jofunksionale”, thuhet mes të tjerash.

A/CSMM nuk është në asnjë mënyrë e krahasueshme me Republikën Srpska. Së dyti, dorëzimi i këtij drafti tek ekspertët e Këshillit të Evropës nuk do të përbënte një hap të domosdoshëm vendimtar pasi opinioni i tyre nuk do të jetë ligjërisht i detyrueshëm. Kjo mund të arrihet vetëm duke e dërguar atë në Gjykatën Kushtetuese të Kosovës, në mënyrë që të jetë e pranueshme për Gjykatën. Siç u sqarua me Brukselin, nuk ka pengesa ligjore në Dialogun e lehtësuar nga BE-ja për marrjen e këtij hapi.

Së treti, propozimi juaj për përgatitjen e një drafti të ri në konsultim me kryetarët apo zëvendësit aktualë të komunave nuk është as i përshtatshëm dhe as i zbatueshëm për shkak të rrethanave aktuale në këto komuna.

Z. Kryeministër, le të jemi të qartë: Ekziston një rrezik real që pa progres vendimtar në A/CSMM, aplikimi i Kosovës në Këshillin e Evropës nuk do të marrë mbështetjen e mjaftueshme nga shtetet anëtare. Përparimi tani përgjatë linjave të sugjeruara nga Kuinti do të demonstronte përkushtimin tuaj ndaj të drejtave të pakicave, duke forcuar kështu pozitën e Kosovës dhe duke ri-energizuar Dialogun e lehtësuar nga BE-ja.

Kjo është mënyra e vetme për të siguruar suksesin e aplikimit tuaj. Veprimet dhe vendimet tuaja në këtë moment kritik do të jenë vendimtare për aspiratat e Kosovës për anëtarësim në Këshillin e Evropës. Topi është në fushën tuaj. Ne besojmë sinqerisht në udhëheqjen tuaj”, thuhet në këtë përgjigje. bw

Bardhi dhe Gjekmarkaj seancë dëgjimore në Bundestag: Nga procesi i integrimit shqiptarët duhet të përfitojnë një qeverisje në shërbim të tyre

Kryetari i Grupit Parlamentar të PD-së, njëkohësisht Nënkryetar i PD-së, Gazment Bardhi dhe Nënkryetari i Kuvendit dhe Nënkryetar i PD Agron Gjekmarkaj po zhvillojnë një vizitë në Gjermani.

Ata kanë zhvilluar një seancë dëgjimore në Komisionin për Çështje Europiane në Bundestag dhe më pas një takim të veçantë me Kryetarin e Komisionit për Çështje Europiane Z. Anton Hofreiter.

Lajmin e ka bërë të ditur Bardhi në një postim në Facebook, ku thekson se procesi i integrimi europian duhet të jetë i vërtetë, të shoqërohet me përafrim tek standardet europiane, tek institucione që japin llogari dhe që respektojnë parimin e ndarjes e balancimit mes pushteteve.

Postimi i plotë:

Sot gjatë vizitës në Bundestag kishim mundësi të shkëmbenim pikëpamjet tona për procesin e integrimit europian në një seancë dëgjimore në Komisionin për Çështje Europiane dhe më pas me Kyetarin e Komisionit për Çështje Europiane z. Anton Hofreiter.

Sëbashku me Nënkryetarin e PD-së, njëkohësisht Nënkryetar i Kuvendit të Shqipërisë, z. Agron Gjekmarkaj, ritheksuam se procesi i integrimi europian duhet të jetë i vërtetë, të shoqërohet me përafrimin me standardet europiane, tek institucione që japin llogari dhe që respektojnë parimin e ndarjes e balancimit mes pushteteve. Nga ky proces shqiptarët duhet të përfitojnë një qeverisje të përkushtuar në shërbim të tyre, të dalë nga zgjedhje të lira dhe të ndershme, si dhe më shumë mirëqenie dhe siguri.

Shteti ligjor, gjyqësori i pavarur, standardet për zgjedhje të lira e të ndershme, lufta ndaj korrupsionit, situata politike në vend dhe opozita funksionale, ishin disa nga çështjet për të cilat diskutuam në seancën dëgjimore në Komision. Shqipëria, kandidate për anëtare në Bashkimin Europian, duhet të ndjek standardet e Gjermanisë, dhe jo standardet e Serbisë apo Gjeorgjisë.

Gjermania, ka qenë dhe mbetet, një partner kyç në rrugën europiane të Shqipërisë. Ndihma e vyer e partnerëve tanë gjerman, na bën besimplotë se shqiptarët nuk janë vetëm në përpjekjen e tyre për antarësimin e plotë të Shqipërisë në Bashkimin Europian.bw

Hapi zjarr drejt kryeministrit Fico, autori identifikohet si shkrimtari i njohur sllovak

Një shkrimtar 71-vjeçar sllovak i quajtur Juraj Tsintula është, sipas mediave sllovake, njeriu që tentoi të vriste kryeministrin Robert Fico në qytetin Hadlova mesditën e së mërkurës.

Sipas informacioneve, Tsintula ka bërtitur në drejtim të Ficos teksa ky i fundit po bisedonte me mbështetësit e tij dhe kur i është afruar, ka hapur zjarr.

Të njëjtat burime thonë se 71-vjeçari është një nga themeluesit e klubit letrar DÚHA, në vitin 2005. Deri në vitin 2016 ka qenë kryetar i klubit dhe ka shkruar tre përmbledhje me poezi.

Që nga viti 2015 është anëtar i Shoqatës së Shkrimtarëve Sllovakë. Sipas informacioneve, në vitin 2016 ai punonte si shofer në një qendër tregtare në Levice, vendlindja e tij.bw

Plagoset kryeministri i Sllovakisë Robert Fico

Pamje nga incidenti ku u plagos kryeministri i Sllovakisë

Kryeministri populist i Sllovakisë Robert Fico është plagosur i qëlluar me armë zjarri të mërkurën pasdite dhe është dërguar në spital.

Stacionit televiziv TA3 njofton se 59 vjeçari Fico u qëllua në stomak.

Ngjarja ndodhi jashtë Shtëpisë së Kulturës në qytetin Handlova rreth 150 kilometra larg kryeqytetit, ku kryeministri po zhvillonte një takim me mbështetësit e tij.

E njëjta media njoftoi se personi i dyshuar për ngjarjen është ndaluar. Policia ka rrethuar vendngjarjen.

 

Policia ndalon një person pas incidentit ku u qëllua kryeministri i Sllovakisë.
Policia ndalon një person pas incidentit ku u qëllua kryeministri i Sllovakisë.

Nënkryetari i parlamentit Lubos Blaha konfirmoi incidentin gjatë një seance parlamentare dhe e shtyu mbledhjen deri në një njoftim të dytë, tha agjencia sllovake e lajmeve TASR.

Presidentja Zuzana Caputova e dënoi atë që e cilësoi “një sulm të pamëshirshëm” ndaj kryeministrit.

“Jam i tronditur,” tha zonja Caputova. “I uroj Robert Ficos shumë forcë në këtë moment kritik dhe rikuperim të shpejtë nga ky sulm.”

Ish-komandant i NATO-s: Ukrainës duhet t’i jepen ndihma të mjaftueshme për të mposhtur Rusinë në Ukrainë

Ish Zëvendës Komandanti Suprem i NATO-s për Evropën, gjenerali Sir Richard Shirreff ka deklaruar se nevojitet një ndryshim themelor në strategjinë e Perëndimit për mbështetjen e Ukrainës.

Në një intervistë për BBC, gjenerali tha se strategjia e ndjekur deri tani nga Perëndimi për t’i dhënë Kievit aq ndihma sa për të mbrojtur veten, nuk do të rezultojë më e suksesshme.

“Aleatët perëndimorë duhet t’i japin Ukrainës ndihma të mjaftueshme për të mposhtur Rusinë në Ukrainë. Forma më e mirë e mbrojtjes është sulmi. Ajo që Ukrainës i duhet më shumë se çdo gjë tjetër është koha. Ajo që rusët po përpiqen të bëjnë është t’i mohojnë Ukrainës kohën “, tha ai.

(BalkanWeb)

Vdekjet në punë: Protestuesit italianë shtrojnë arkivole në Milano për të shkundur qeverinë

Një nga sheshet ikonikë të Milanos, u mbush me arkivole simbolike nga sindikata e dytë më e madhe e Italisë për të nxjerrë në pah çështjen e vdekjeve në vendin e punës.

Protestuesit në Piazza La Scala vendosën 172 arkivole prej kartoni në tokë për të kujtuar të gjithë punëtorët që humbën jetën vitin e kaluar në rajonin verior të Lombardisë.

Sindikata e punëtorëve UIL ka theksuar nevojën që qeveria dhe bizneset të marrin masa më të mëdha për të mbrojtur punëtorët.

Enrico Vezza, kreu i sindikatës UIL, e përshkroi ditën si një ditë zemërimi dhe ankthi, duke theksuar se pas çdo arkivoli fshiheshin identitetet e njerëzve të veçantë. Ai vuri në dukje se 41 punëtorë kishin vdekur tashmë në Lombardi këtë vit.

Nën flamurin e “Asnjë Vdekje”, fushata e sindikatës kërkon të tërheqë vëmendjen ndaj çështjeve të sigurisë në vendin e punës. Një tabelë në zemër të sheshit shfaqi numrin në rritje të vdekjeve në vendin e punës që nga viti 2018, duke arritur një kulm prej 1,709 në 2020 në mes të pandemisë COVID-19.

Italia regjistroi 1041 vdekje në vendin e punës vitin e kaluar.

Eurostat, agjencia evropiane e statistikave, raporton se Italia renditet e teta në mesin e kombeve evropiane në vdekjet në vendin e punës, me një normë incidence prej 2.66 për 100,000 individë të punësuar, duke tejkaluar mesataren e BE-së prej 1.76.

Protesta e së premtes shpaloset mes një diskursi të diskutueshëm mbi sigurinë në vendin e punës në Itali, i nxitur nga një varg vdekjesh në të gjithë vendin.

Në fillim të këtij muaji, pesë punëtorë vdiqën në një fabrikë të trajtimit të ujërave të zeza pranë qytetit të Palermos në Siçili.

Në prill, shtatë punëtorë vdiqën në një shpërthim që përfshiu disa nivele të një hidrocentrali nëntokësor në veri të Italisë.

Dhe pesë punëtorë ndërtimi vdiqën në shkurt pas rënies së një trau betoni në një kantier supermarketi në Firence./SYRI.NET

Kryeministrja italiane paditi për shpifje Roberto Savianon- Rushdie: Georgia Meloni të jetë më pak fëmijë dhe të rritet

Sër Salman Rushdie i ka thënë kryeministres italian të “rritet” pasi ajo paditi një shkrimtar të shquar italian që e quajti atë “bastarde” për pikëpamjet e saj të ashpra për emigracionin.

Roberto Saviano, autori dhe gazetari investigativ, u shpall fajtor për shpifje në tetor pasi ofendoi Georgia Melonin gjatë një diskutimi televiziv për një foshnjë gjashtëmuajshe nga Guinea, e cila vdiq teksa po kalonte Mesdheun me nënën e tij.

“Të gjitha marrëzitë që thotë zonja Meloni për taksitë e detit, kroçerat [për emigrantët],” tha ai. “Gjithçka që mund të them është: bastardë, si mundët? Meloni, Salvini: bastardë.”

Z. Saviano u gjobit me një gjobë simbolike prej 1000 € në atë që shihej si një test i lirisë së shprehjes në një vend ku shpifja mund të dënohet me deri në tre vjet burgim.

Duke folur në Panairin e Librit të Torinos të enjten, romancieri britaniko-amerikan Sër Salman tha se ai nuk ishte dakord me atë rast.

“Duke u rrezikuar personalisht, më duhet të them se politikanët duhet të kenë një lëkurë më të trashë, sepse një politikan sot, përveç që ka fuqi të madhe, ka edhe autoritet të madh,” tha ai, sipas Ansas, agjencisë kombëtare të lajmeve të Italisë.

“Pra, është normale që disa nga njerëzit të flasin për ta drejtpërdrejt, madje edhe keq, duke përdorur edhe një fjalë të këqija si ajo që përdori Roberto. Unë do t’i jepja kësaj zonje një këshillë – të jetë më pak fëmijë dhe të rritet.”

Sër Salman ka jetuar me çmim për kokën e tij që kur Vargjet Satanike, botuar në vitin 1988, e shtynë Iranin të lëshonte një fetva që u kërkonte myslimanëve ta vrisnin.

Në vitin 2022, ai humbi një sy kur u sulmua në një festival letrar nga amerikani Hadi Matar.

Z. Saviano bëri emër me Gomorrah, një libër për mafian Camorra të Napolit, i cili është kthyer në një film dhe serial televiziv. Që atëherë ai është bërë një figurë e hapur e së majtës italiane.

Zonja Meloni paditi Saviano ndërsa ishte në opozitë, para se të bëhej kryeministrja e parë femër e Italisë në tetor të vitit 2022.

Saviano, i cili ka jetuar nën mbrojtjen 24-orëshe të policisë që nga publikimi i Gomorrës në vitin 2006, ka një histori përplasjeje me politikanë të krahut të djathtë. Ai akuzoi koalicionin e udhëhequr nga zonja Meloni se po përpiqej ta frikësonte./telegraph.co

Katalonja voton, pavarësia rikthehet në vëmendje

Mbështetësit e polikanit në mërgim, Carles Puigdemont, duke valvitur flamurin separatist katalunas gjatë një tubimi partiak në Francë më 7 maj 2024.

 

Reuters

Në Katalonjë mbahen të dielën zgjedhjet rajonale dhe tema e pavarësisë del sërish në pah.

Si nisi dhe ku është sot kjo nismë?

Deri në krizën financiare të Eurozonës më 2012, e cila çoi në humbje të mëdha të vendeve të punës, mbështetja për pavarësi në rajonin verilindor të Spanjës ishte margjinale.

Masat e kursimit shtynë pastaj Qeverinë rajonale që të kërkojë më shumë kontroll mbi buxhetin e saj – gjë të cilën Qeveria qendrore në Madrid e refuzoi.

Nën presionin e grupeve separatiste, partia konservatore dhe nacionaliste katalanase që qeveriste rajonin, CiU, e ndryshoi qasjen dhe përqafoi kauzën e pavarësisë.

Ajo i kërkoi Qeverisë qendrore konservatore që të lejonte një referendum për pavarësinë, por ai u refuzua.

Pas disa vitesh tubime masive pro pavarësisë dhe fërkimeve në rritje midis Katalonjës dhe Madridit, dëshira për pavarësi kulmoi në vitin 2017.

Presidenti i atëhershëm i Katalonjës, Carles Puigdemont, i mbështetur nga asambleja rajonale që kontrollohej nga separatistët, shpalli referendumin për pavarësi, duke shkaktuar një valë tronditëse në të gjithë Evropën.

Rreth 2.3 milionë njerëz, apo rreth 43% e votuesve me të drejtë vote, dolën në një votim të paautorizuar nga gjykatat.

Sipas Qeverisë katalanase, rreth 90% e tyre votuan për t’u shkëputur nga Spanja. Shumë prej atyre që e kundërshtonin pavarësinë, e bojkotuan votimin.

Ligjvënësit katalanas votuan me shumicë për ta njohur rezultatin e referendumit dhe e shpallën Katalonjën të pavarur.

Por, Madridi e mori udhëheqjen e rajonit, duke shpërndarë Parlamentin dhe duke shkarkuar Puigdemontin, i cili iku në Belgjikë.

Nëntë aktivistë dhe ish-zyrtarë të Qeverisë katalanase u burgosën dhe u dënuan për rolet e tyre.

Në vitin 2021, pastaj, ata u falën nga kryeministri i Spanjës, Pedro Sanchez.

Gjatë dekadës së fundit, rajonin e qeverisën dy parti separatiste katalanase, që aktualisht kanë ndikim të madh mbi politikën spanjolle, ndërsa Qeveria e pakicës e Sanchezit mbështetet në votat e tyre për të miratuar legjislacionin në Kongresin kombëtar.

Në këmbim të kësaj mbështetjeje, Sanchez prezantoi një projektligj amnistie, për t’ua shlyer të kaluarën kriminale separatistëve të përfshirë në referendumin për pavarësi.

Partia e moderuar e qendrës së majtë, Esquerra Republicana de Catalunya (ERC), kontrollon aktualisht Qeverinë rajonale katalanase, me Pere Aragonesin si president të sajin.

Partia Junts, në anën tjetër, doli nga CiU-ja dhe u krijua nga Puigdemont në vitin 2017.

Puigdemont jeton në vetëmërgim në Belgjikë, ku shërben si deputet i Parlamentit Evropian dhe bën fushatë për zgjedhje nga Franca.

Ai u zotua se do të kthehet në Katalonjë kur projektligji i amnistisë i Sanchezit – i cili do ta anulonte urdhrin e arrestit me të cilin përballet – të hyjë në fuqi në fund të majit ose qershorit.

Aragones dhe Puigdemont do të garojnë në zgjedhjet e së dielës dhe të dy u zotuan se nëse ia dalin me sukses, do ta ringjallin nismën për pavarësi dhe do të kërkojnë referendum ligjor.

Sanchez i kundërshtoi fuqishëm këto deklarata.

Sondazhet, megjithatë, tregojnë se socialistët do të fitojnë shumicën e votave, ndërsa ERC dhe Junts i kanë gjasat e kufizuara për të fituar mjaftueshëm për koalicion.

Mbështetja për pavarësi ra nga niveli që kishte në vitin 2017, pasi Sanchez i zvogëloi armiqësitë, duke përmirësuar dialogun me udhëheqësit rajonalë dhe duke i reduktuar ndjekjet penale.

Lëvizja për pavarësi u dëmtua edhe nga grindjet e brendshme mes partive.

Një sondazh i kryer në shkurt dhe mars nga Qendra Katalanase për Opinionin Publik – e drejtuar nga Qeveria – zbuloi se 42% e të anketuarve e mbështesin pavarësinë, krahasuar me 49% në vitin 2017.

Në zgjedhjet kombëtare të vitit të kaluar, kjo rënie e entuziazmit u reflektua edhe në rezultat. Përfaqësimi i ERC-së ra nga 13 deputetë në shtatë, ndërsa Junts ra nga tetë në shtatë. REL

Përgatiti: Valona Tela

Send this to a friend