Ish-zëvendëskryeministrja Belinda Balluku, është kapur ‘mat’ nga protestuesit të dielën pranë stadiumit “Selman Stërmasi”.
Ndërsa ecte në rrugët e Tiranës, protestuesit e kanë vënë në ‘shënjestër’.
“O hajdute, o hajdute, o hajdute… Rama n’burg, Belinda n’burg… O hajdute, te cila vilë do shkosh, o hajdute?”, dëgjohen të thonë ata.
Duhet thënë se ndalimi i politikanëve në rrugë është një fenomen disi i ri për vendin tonë.
Por Europa politike ka një histori të gjatë të qytetarëve të cilët, të pakënaqur nga vendimmarrja, u zënë “prita” politikanëve.
Ja disa nga rastet më të bujshme.

Itali, 2026 – në Pescara, rreth 100 protestues ndërprenë dhe kontestuan fort një aktivitet të Roberto Vannacci-t; policia me pajisje anti-revoltë u vendos mes protestuesve dhe pjesëmarrësve për të parandaluar përplasjen fizike.

Gjermani, 2024 – Katrin Göring-Eckardt: Pas një aktiviteti politik në Brandenburg, rreth 40–50 protestues rrethuan makinën e nënkryetares së Bundestagut. Disa prej tyre goditën automjetin dhe e penguan të largohej. Policia ndërhyri dhe politikani mundi të largohej vetëm pas rreth 45 minutash. Rasti u dënua nga qeveria gjermane si intimidim ndaj një politikani.

Bullgari, 2025 – Ursula von der Leyen: Gjatë një vizite të presidentes së Komisionit Europian në një fabrikë në Sopot, protestues nacionalistë bllokuan hyrjen dhe rrethuan një automjet që besonin se transportonte von der Leyen. Protestuesit goditën automjetin dhe tentuan të pengonin lëvizjen e tij. Më vonë nuk u konfirmua se von der Leyen ndodhej në atë makinë.

Britani, 2020 – Boris Johnson: Një protestues kurd doli në rrugë përpara makinës së kryeministrit Boris Johnson, duke e detyruar automjetin të frenonte. Një makinë sigurie që ndiqte autokolonën u përplas lehtë me makinën e kryeministrit. Protestuesi u largua nga rruga nga policia.

Francë, 2024 – protestat e fermerëve: Gjatë protestave masive të fermerëve, autostrada, rrugë dhe hyrje institucionesh u bllokuan në shumë qytete. Në disa raste aktivitetet dhe lëvizjet e zyrtarëve politikë u vështirësuan nga turmat dhe bllokimet. Ishte një nga valët më të mëdha të protestave sociale në Europë gjatë atij viti.

Britani, 2020 – Boris Johnson: gjatë daljes së autokolonës së kryeministrit nga Westminster, një protestues doli përpara makinës së tij, duke detyruar autokolonën të frenonte papritur. GSH