VOAL

VOAL

Please Wait ...
0%

Milena Ivanoviç: Nuk kthehemi në Mitrovicë, në qytetin e frikës, errësirës dhe dhimbjes!

By | January 19, 2018

Komentet

Trump letër Vuçiçit: Njihni Kosovën në tërësinë e saj

Presidenti i Shteteve të Bashkuara të Amerikës, Donald Trump, i ka dërguar një letër presidentit të Serbisë, Aleksandar Vuçiç, me rastin e Ditës së Republikës së Serbisë, raportojnë mediat në Beograd.

Përveç urimeve, presidenti amerikan i ka kërkuar presidentit serb Vuçiç, të arrihet një marrëveshje me Kosovën që do të rezultonte me njohjen e ndërsjellë. Madje Trump, shkruan në letër se një marrëveshje historike, me njohje në tërësinë e saj, do të ndërtonte rrugën për qëllimin e integrimit euroatlantik të Serbisë dhe rritjen ekonomike.

LETRA E PRESIDENTIT TRUMP PËR VUÇIÇ
I nderuar zotëri president,
Në emër të popullit amerikan, kam kënaqësinë t’iu dërgojëurimet më të sinqerta me rastin e Ditës së Republikës së Serbisë.
Këtë vit, në festimin e 100-vjetorit të valimit të flamurit serb në Shtëpinë e Bardhë, duhet të nisemi nga ajo që të sigurojmë që shekulli i ardhshëm i partneritet tonë të jetë i ngjashëm me atë të kaluarin sa i përket përkushtimit për paqe, prosperitet dhe liri.

Shtetet e Bashkuara të Amerikës mbeten të palëkundura në mbështetjen e përkushtimit tuaj sa i përket thellimit të bashkëpunimit rajonal, në veçanti në angazhimin tuaj për normalizimin e raporteve me Kosovën.

Derisa ju mbetet palëve të arrijnë marrëveshje që të dyja mund ta mbështesin, konsiderojmë se njohja e ndërsjellë do të duhej të ishte elementi qendror i normalizimit të raporteve.
Një marrëveshje e tillë historike, me njohje në tërësinë e saj, do të ndërtonte rrugën për qëllimin e integrimit euroatlantik të Serbisë dhe rritjen ekonomike – thuhet në letrën e presidentit Trump.

(BalkanWeb)

Presidenti Trump i shkruan Vuçiçit të njohë Kosovën! – Nga HYSEN ARAPI

Presidenti Trump i shkruan Vuçiçit te njohe Kosoven!


Kjo eshte e gjitha. Lojerat me ndryshime kufijsh jane skenare te erret te Beogradit. Ata qe bartin ide e mendime te tilla kane rastin te terhiqen, per te mos mbetur ne memorien e shqiptareve si pazarxhinj te rendomte apo si sherbetore koshiente te sllaveve ku turpi i historise do ti mbuloje perjetesisht!

15 SHKURT 1909-2019- DIELLI I VATRËS NË SHBA MBUSHI 110 VJEÇ – Nga DALIP GRECA-Editor i DIELLIT

 

Të shtunën me 16 Shkurt, Vatra do të organizojë në Kryekishën e Shën Gjergjit në Boston një veprimtari të përbashkët me Bibliotekën Noliane për 110 Vjetorin e Gazetës ”DIELLI”-

 

Sot është Ditëlindja e 110-të e Gazetës “Dielli”, e të vetmes Gazetë që vjen nga koha e Rilindjes Kombëtare, dhe që ende botohet në SHBA. Me 15 Shkurt 1909, 36 ditë pas mbylljes së Gazetës”Kombi”, e cila pushoi së botuari me 10 Janar 1909, nisi të ndriçoi Dielli i  shqiptarëve të Amerikës. Gazeta “Dielli” ishte gazetë e Shoqatës Kombëtare  Besën-Besën, e themeluar me 6 Janar 1907, Shoqatë që drejtohej nga Fan S. Noli-Kryetar, Goni Katundi-nënkryetar, Angelo Stefanson(Katundi)- arkëtar , Nini Fani Katundi- sekretar, ndërsa:John Gjoka,  Mihal Panajot Katundi, Lazo Kozma, Nisi Kozma dhe Lambi Josif, përbënin Komisionin e pleqësisë. Shumë prej bordit drejtues ishin me origjinë nga Katundi.
Edhe pse ishte gazetë e një shoqate krahinore, programi i Diellit i kalonte kufijët e një shoqate dhe merrte përmasa kombëtare. Botimi i Programit të Dielli në numrin e parë të tij nuk ishte thjesht një program publicistik të një përjavshmje mërgimtare, por një program i një lëvizjeje programatike mbarëkombëtare. Studiuesit që janë marrë me studimin e atij programi janë në ndarë në pikpamjen se kush ishte autori që e kishte shkruar atë program; një pjesë këmbëngulin se autori ishte Fan S. Noli, dhje kjo s’ka pse vihet në diskutim-një pjesë tjetër kanë shprehë mendimin se atë program e ka shkruar Faik Konica, por studiuesit bashkohen në pikë të përbashkët, në vlerësimin dhe rëndësinë, duke e cilësuar si dokument historik që i parapriu Lëvizjes Kombëtare në SHBA. Vetë gazeta Dielli tek e komentonte programin e vet në numrin e 50 vjetorit, e cilësonte programin si program që I priu Pavarësisë së Shqipërisë, pavarësisht se në faqen e parë Dielli kërkonte Autonomi. Tek festonte 50 vjetorin gazeta e quante veten: “Dielli, ShkëmbiI patundur i Rilindjes Kombëtare”. Ndërsa editori më jetëgjatë i Diellit, për më shumë se dy dekada, Qerim Panariti, tek e komentonte në buletinin e 50 vjetorit të gazetës historinë e Diellit, shkruante: ”Programi i Diellit është një dokument hostorik; një trumbetë që ftonte emigrantët shqiptarë analfabetë të armatoseshinn dhe të shpëtonin vendin nga robëri e huaj…Autori i programit nuk i përtyp fjalët, ..S’është njeri memec. S’ka frikë. Nuk iu drodh dora kur e shkroi. Nuk iu tremb syri. Vuri në kartë ato që i ndjente zemra dhe shpirti i tij.”. Sipas Panaritit autor i këtij programi ishte “Fan S. Noli, njeri i lindur jashtë Shqipërisë, por që guxojë të kërkojë një Shqipëri për Shqiptarët”.
Një arsye tjetër se përse autor i programit dhe editor i parë i Diellit ishte Fan S. Noli(edhe pse emri i tij si editor nuk u shkrua derisa gazeta u bë prone e Federatës VATRA)- është se Faik Konica, u lakua për tu emëruar drejtor i Diellit shumë kohë më pas se sa Dielli nisi botimin. Kjo ndodhi në mbledhjen e Shoqatës Besa-Besë të datës 14 Mars 1909, pra një muaj pasi kishte nisë botimi i Diellit dhe numri i parë prej tij do të dilte me 22 tetor 1909, pra 8 muaj gazeta doli me Fan S Nolin. Emri i Faik Konicës u publikua në Diellin me numër rendor 30, dhe i takon 22 tetorit 1909. Numerikisht 29 numrat e parë i drejtoi Fan S. Noli.
Në numrin e vet të parë me 15 shkurt 1909, Dielli e shpallte publikisht:Kryefjala jonë është “SHQIPËRIA PËR SHQIPTARËT”. Në programin e vet Dielli kërkonte:Njohjen e kombësisë shqiptare prej qeverisë Turke. Në kombësinë Shqiptare hyjnë të gjithë ata që flasin shqip, pa vënë re çfare besimi, shkruante gazeta. Dielli kërkonte njohjen e  gjuhës shqipe si gjuhë zyrtare në Shqipëri, në të gjithë hapsirën ku flitej gjuha shqipe Në gjykatoret dhe sundimoret e vendit të përdorej vetëm gjuha shqipe. As një gjykatës apo sundimtar që nuk e njeh gjuhën shqipe, nuk mund të punonte në këto institucione. E njëjta gjë vlente edhe për drjetuesit e feve.
Dielli kërkonte Arsim Kombëtar Shqiptar, shkolla për djem e për vajza vetëm në gjuhën shqipe. Mësuesit të mos ishin fetar, por të shkolluar në shkolla profesionale. Të merrej si model shkolla amerikane, ku nuk bëhen mësime fetare në shkollat fillore. Po ashtu kërkohej zhvillimi i arsimit profesional , shkolla bujqësore, mjeshtrijeetj. Programi i Diellit kërkonte zhvillim ekonomik Kombëtar,po ashtu kërkohej që të shkoqiteshin kufijtë e Shqipërisë. Në programin e vet me 15 Shkurt 1909, e shihet Shqipërinë autonome, që kishet të përbashkët me Turqinë vetëm ushtrinë, punët e luftës dhe punët e Jashtme. Gjithçka tjetër ishte në dorën e shqiptarëve.
Kur festohej 50 vjetori i gazetës Dielli, me 24 gusht 1959, editori i parë , Fan S Noli, u deklaroi vatranëve: “Kur themeluam Diellin me 15 të shkurtit 1909, nuk besonim që Turqia do shkonte nga Ballkani aq shpejt, ndonëse e dinim që ditët i kishte të shkurtëra, pranadaj për atë shkak, në programin e Diellit, kërkonim nga Turqia, pikat maksimume, por jo çkëputje prej saj. Kërkonim shkolla në gjuhën tonë, kërkonim kufi të caktuara me katër vilajetet: Kosovën, Shkodrën, Janinën dhe Manastirin brenda, dhe më në fund shtonim në program-Shqipëria të mos ketë gjë të përbashkët me Turqinë, veç ushtrinë, punët e jashtme dhe punët e luftës…Sot 50 vjet më vonë, gëzojmë një Shqipëri indipendente, por jo një shtet me katër vilajetet sikundër e dëshironim neve asi kohe.Për shpëtimin e kësaj copë Shqipërie të vogël, neve shqiptarët e Amerikës, me anë të Vatrës dhe Diellit, duhet të jemi kryelartë, se me sakrificat tona, shpëtuam Shqipërinë nga copëtimi, krijuam Kishën Kombëtare, botuam libra me rëndësi letrare, kombëtare dhe kishtare, dhe me anë të Diellit muntëm të mbajmë gjuhën dhe zakonet tona të gjalla për një gjysëm shekulli.
Në mbyllje të fjalës së tij Imzot Noli uronte ”Urojmë me gjithë zemër që Dielli, gazetë e parë në gjuhën shqipe , që u botua e përditme, të arrinjë të festonjë dhe njëqind vjeçarin.100 vjeçarin e uruar nga Noli, Dielli u ringjall, pas dy vite e gjysëm mosbotim, dhe organizoi një festim madhështor në një nga Universitetet e Neë York-ut, në Monroe College. Sot DIELLIT I festojmë Ditëlindjen e 110-të.
Dielli është cilësuar si një “Kandil kombëtar” që u ndez me 15 Shkurt 1909 dhe është mbajtë ndezë deri më sot. 29 numrat e parë të Diellit i nxori Fan S. Noli, ndërkohë që nga 22 tetori 1909 gazeta doli nën drejtimin e Faik Konicës, që u thirr nga Londra.
Përveç Nolit dhe Konicës, Diellin e  kanë drejtuar pena dinjitoze, intelektualë të shquar, atdhetarë të përkushtuar si: Kristo Floqi, Kostë Çekrezi, që e bëri gazetën të përditshme( 7 nëntor 1914), Bahri Omari(1916-1919), Andon Frashëri, Aqile Tasi, Refat Gurrazezi, Nelo Drizari,Peter Tikco, Qerim Panariti, Peter Prifti, Dr.Athanas Gegaj , Bilal Xhaferri, Xhevat Kallajxhiu, Dr. Eduard Liço, Prof. Arshi Pipa, Anton Çefa etj.
Prej 10 vitesh Dielli drejtohet nga Editori I sotshëm, duke patur një cikël të stabilizuar botimi në print dhe në Online, ndërkohë që çdo 28 Nëntor publikohet numri special me më shumë se 100 faqe.
Gazeta Dielli u themelua prej Shoqerise Besa-Besen me 15 Shkurt, 1909, si fletore e perjavshme. Me 11 Mars, 1913, pasi Shoqeria Besa-Besen u-tret( lexo: bashkua) ne Vatren dhe Dielli u-be proprietet i Federates, nisi te dale dy here ne jave. Me 18 Nentor,1914 nisi te dale tri here ne jave. Me 9 Nentor, 1915, nisi te dale e perditshme.
Koleksioni I gazetës prej 15 Shkurtit 1909 e deri më sot dëshmon se ai u drejtua nga këta redaktorë : I Per. At Fan Noli qe me 15 Shkurt, 1909, gjer me Tetor 15, 1909. Z. Faik Be Konitza qe me Tetor 22, 1909, gjer me 18 Mars, 1910. Komisioni i Shoqerise Vatra e drejtoj Diellin pa redaktor qe me 25 Mars gjer me 29 Prill, 1910. Faik Be Konitza qe me 6 Maj, gjer me 1 Korrik, 1910. Dielli pushoj se botuari qe me 1 Korrik gjer me Tetor 1910. I Per. At Fan Noli qe me 7 Tetor, 1910 gjer me 7 Korrik, 1911. Z. Efthim Natsi qe me Korrik 13 gjer me Shtator 14, 1911. Z. Kristo Floqi qe me 21 Shtator, 1911, gjer 18 Korrik, 1912. Z. Faik Be Konitza qe me 1 Gusht, 1912 gjer me 8 Korrik, 1913, po ne Janar te ketij moti Faik Beu shkoj ne Evrope dhe barra e redaksise qe ahere I mbeti me teper Z.-it Efthim Natsi. Z. Kristo Dako qe me 11 Korrik gjer me 26 Gusht, 1913. Z. Paskal Aleksi qe me Gusht 29, 1913 gjer me 13 Shkurt, 1914. Z. Denis Kamburi qe me 17 Shkurt gjer me 14 Kristo Kirika, 1914. Z. Efthim Natsi qe me 10 Korrik, gjer me 6 Nentor, 1914. Z.Koste Çekrezi qe 10 Nentor 1914 gjer me 20 Dhjtor 1915. I Per. At Fan Noli qe me 21 Dhjetor gjer 6 Korrik 1916. Z. Bahri Omari qe me 7 Korrik e gjer me 1919, më pas do të rikthehej sërish Kostë Çekrezi, për t’ia lënë vendin me radhë: Andon Frashërit, Aqile Tasit, Refat R. Gurrazezit, Nelo Drizarit,(parallel tek Dielli I Detroitit Refat Gurrazezi), Peter Tyko, Qerim Panariti,Peter R. Prifti(Co Editor) Bilal Xhaferri(Co Editor), Athanas Gegaj, Xhevat Kallajxhiu, Arshi Pipa, Anton Çefa(1994—2009), Dalip Greca( nga 2009). Dielli prej një viti ka edhe editor për Gjuhën angleze, gazetaren Rafaela Prifti.
Në jetëgjatësinë e Diellit kanë meritën e tyre edhe menaxherët e gazetës.
I pari manager i Diellit ishte Z. George Konda Gjoleka qe kur u-themelua gazeta gjer me 5 MAj, 1911. Z. Lambi Çikozi qe me 12 Maj, 1911 gjer me 25 Prill, 1912. Z.Kristo Kirka qe me 9 Maj 1912, gjer me 20 Maj, 1913. Z.Lambi Çikozi qe me 23 Maj gjer me 8 Korrik 1913. Z.Kristo Dako qe me 11 gjer me 22 Korrik, 1913. Z.Hamid Lumi qe me 25 Korrik, gjer me 26 Gusht, 1913. Z.Vangjel Gjika qe me 29 Gusht, 1913, gjer me 8 Maj, 1914. Z. Dennis Kamburi qe me 12 MAj, gjer me 3 Korrik, 1914. Z.Loni Kristo qe me 7 Korrik, 1914, gjer me 7 Korrik, 1915. Z.Muke Permeti qe me 9 Korrik, 1915, gjer me 21 Prill, 1917. Z.Akif Permeti qe me 16 Korrik 1917 deri me 1920. Më pas rolin e menaxherëve e kanë luajtur kryetarët e Vatrës.

Gazeta ”Dielli” mbetet regjistri më i vjetër i Shqiptarëve të Amerikës me një kontribut të jashtzakonshëm në historinë e shtypit shqiptar. Gazeta u kthye në një shkollë për shqiptarët e pashkolluar të Amerikës dhe mbajti ndezur idealet Kombëtare, ruajti gjuhën shqipe, traditat dhe Kulturën Kombëtare, promovoi arritjet e shqiptarëve në SHBA, dhe ndërtoi ura miqësie me Shtetet e Bashkuara të Amerikës dhe Kombit Shqiptar. Dielli është vlerësuar si gazetë serioze e komuniteteve në Amerikën e Veriut, madje është edhe fituese çmimesh, siç ishte çmimi i fituar në konkursin “Common Council For American Unite”, ku morën pjesë njëmijë gazeta në gjuhë të huaja që botoheshin në SHBA në fillim vitet ’50.Editor ishte Qerim Panariti.
Dielli ka merita të mëdha edhe në fushën e Letërsisë dhe Kritikës Letrare; në faqet e tij u botuan përkthimet e para nga klasikët e huaj, dhe u stimulua krijimtaria letrare. Gazeta”Dielli” mbetet zëdhënsja dhe misionarja më e respektuar dhe më e çmuar e shqiptarizmit në SHBA.
Dielli u predikoi mërgimtarëve detyrën kundrejt Atdheut. Gazeta u kthye në ushqim mendor dhe shpirtëror i domosdoshëm për shqiptarët e Amerikës, të cilët i mëkoi me dashurinë ndaj Atdheut.Diktatura komuniste u përpoq ta shuante Diellin, por nuk ia arriti, edhe pse i pushkatori apo i burgosi disa nga editoret dhe menaxheret e saj si: Bahri Omari, Kristo Floqi, Kristo Kirka, Aqif Përmeti, Aqile Tasi e të tjerë.
Vatra dhe Gazeat e saj “Dielli” përbëjnë një binom të pandashëm, që i lidh e i mbanë bashkë çështja Kombëtare. Kanë thënë shpesh se Dielli dhe Vatra do të shuheshin, por jo, ato e kaluan shekullin dhe përjetojnë shekulline  dytë.Jetëgjatësia e Vatrës dhe e Diellit, sado e çuditshme që duket në sipërfaqe, nuk është mister i pazgjidhshëm.Vatra dhe Dielli kanë rrojtur dhe rrojnë mbasi janë të lidhura ngushtë me shqiptarinë.
Nesër, e Shtunë 16 Shkurt 2019, Vatra do të udhëtojë drejt Bostonit për të organizuar një veprimtari të përbashkët me Kryekishën e Shëngjergjit dhe bibliotekën Noliane kushtuar 110 vjetorit të Gazetës Dielli. Mikpritësit janë I përndershmi Kryekancelar At Arthur Liolin dhe drejtoresha e Bibliotekës Noliane Neka Doko.

Kosova dikur ishte vetëm një ëndërr, sot është një realitet – Nga JAHJA LLUKA

Dikur ishte e pamundur të mendojmë se e nesërmja do të jetë më e mirë, por na mbajti shpresa dhe fryma atdhetare. Kosova sot është e pavaur dhe po rritet dita ditës, një shtet i ri në Europë, me një komb më të lashtë sesa vetë lashtësia.
Dikur na mbajti buka dhe lotët, sot ne po i tregojmë botës vlerat tona të shumta, pa të cilat s’do ekzistonte as civilizimi perëndimor.
Eksode masive, vrajse, dhunime, burgosje, tortura, nuk u ndalën përgjatë një shekulli, regjimi serb donte t’i çrrënjoste shqiptarët nga toka nanë, dhe jo vetëm qëllimi ishte që qenia shqiptare të zhdukej nga planeti Tokë.
Në këto kushte çnjerëzore, pushtim pas pushtimi, çdo popull tjetër nuk do të ekzitonte më, por populli ynë u unikifua për të mirën e përgjithshme dhe brezave që do vijnë.
Meritat më të mëdha për kauzën e popullit shqiptar i kanë nënat shqiptare. Nënat shqiptare, përkunden djepat dhe rritën fëmijët me dashurinë ndaj atdheut.
Nënat shqiptare linden trima për ta mbrojtur atdheun, ruajtën nderin dhe pragun edhe pse fati i tyre shpesh ishte i trishtë, ato ishin dhe do mbeten hyjnoret tona, andaj në këtë përvjetor të 11 të Pavarësisë së Kosovës, propozoj që në shenjë nderimi për sakrificën dhe vuajtjet e Nënës Shqiptare, e cila ishte shtylla mbrojtëse e pragut dhe popullit shqiptar përgjatë shekujve, të inaugurohet një Memorial i “Nënës Shqiptare”, në kryeqytetin e Kosovës.

Populli shqiptar i Kosovës, përgjatë një shekulli rezistencë nga regjimi dhe pushtimi serbo-sllavë, e shkroi lirnë e tij me gjak, me vuajtje dhe sakrificë.
Ishte dëshira e madhe për liri dhe vullneti i këtij populli që ngriti para botës çështjen e tij fundamentale,për të mos u nënshtruar dhe për të jetuar i barabartë me të gjithë popujt tjerë të botës së qytetëruar.
Edhe pse kushtet dhe presioni nga regjimi serb ishin ç’njerëzore,ai nuk arriti ta ndali frymën kombëtare, andrrën e madhe për pavarësi dhe jetë të dinjitetshme në atdheun që lëngonte nga vuajtjet.
Eksode masive, vrajse, dhunime, burgosje, tortura, nuk u ndalën përgjatë një shekulli, regjimi serb donte t’i çrrënjoste shqiptarët nga toka nanë, dhe jo vetëm qëllimi ishte që qenia shqiptare të zhdukej nga planeti Tokë.
Në këto kushte ç’njerëzore, pushtim pas pushtimi, çdo popull tjetër nuk do të ekzitonte më, por populli ynë u unikifua për të mirën e përgjithshme dhe brezave që do vijnë.
Meritat më të mëdha për kauzën e popullit shqiptar i kanë nënat shqiptare. Nënat shqiptare, përkunden djepat dhe rritën fëmijët me dashurinë ndaj atdheut.
Nënat shqiptare linden trima për ta mbrojtur atdheun, ruajtën nderin dhe pragun edhe pse fati i tyre shpesh ishte i trishtë, ato ishin dhe do mbeten hyjnoret tona, andaj në këtë përvjetor të 11 të Pavarësisë së Kosovës, propozoj që në shenjë nderimi për sakrificën dhe vuajtjet e Nënës Shqiptare, e cila ishte shtylla mbrojtëse e pragut dhe popullit shqiptar përgjatë shekujve, të inaugurohet një Memorial i “Nënës Shqiptare” , në kryeqytetin e Kosovës.
Le të jetë përkujtim dhe mirënjohje për të gjitha nënat shqiptare të cilat, pavarësisht vuajtjeve dhe lotëve që derdhën, ato asnjëherë nuk ndaluan dhe sakrifikuan çdo gjë që kishin dhe fëmijet e tyre për lirinë dhe pavarësinë që po e gëzojmë sot.Nënat shqiptare ishin dhe do mbesin fryma dhe shpirti i kombit shqiptar.
Në përvjetorin e 11 të Pavarësisë së Kosovës, dua të shpreh falenderimet e mija dhe mirënjohjen e pakufi për të gjitha gjeneratat, të cilat dhanë çdo gjë që sot ta gëzojmë këtë shtet të pavarur.
Respekt dhe mirënjohje familjeve të mëdha shqiptare: Familja Jashari, Familja Haradinaj, Familja Ramadani, që u bënë shembëlltyrë në sytë e botës, se si ruhet atdheu dhe se dashuria për të nuk ka çmim.
Të gjithë martirët dhe dëshmorët e këtij kombi, të pagjeturit, janë shtylla e këtij shteti të ri por më i lashtë sesa vetë legjendat.
Intelektualët e shumtë dhe lëvizjen paqësore,të Presidentit Rugova, mësuesit, profesorët, studentët, mjekët, minatorët, që ngritën zërin tonë para botës, në rrethana pothuajse të pamundura, bënë që ky popull ta gëzojë lirinë dhe pavarësinë pas shekujsh pushtuesish.
Andaj sot shteti ynë me të gjitha pengesat dhe problemet, ka arritur progres në të gjitha fushat dhe po forcohet çdo ditë e më shumë.
Sukseset e artistëve, sportistëve,studentëve tanë nëpër botë po na bëjnë krenar, duke hapur rrugët edhe për gjeneratat e tjera të cilët andërrojnë një Kosovë të fuqishme ku dëshirat e secilit pë një jetë të dinjtetshme do të marrin frymë.
Bota le te kuptojë që vuajtjet dhe sakrifica e këtij populli u shndërruan në suksese dhe vullnet, për ti ndihmuar kombit dhe për të kontribuar me vlera të shumta në civlizimin perëndimor.

Nga Jahja Lluka

Lulzim Basha: Shqiptarët do të vijnë të bashkuar dhe të vendosur nesër në Tiranë!

Lulzim Basha ka ftuar për herë të fundit të gjithë qytetarët ti bashkohen protestës së ditës së nesërme. Nëpërmjet një statusi në Facebook, kryedemokrati është shprehur se nesër populli merr në dorë fatet e veta.



Statusi i Bashës

Shqiptarët do të vijnë të bashkuar dhe të vendosur nesër në Tiranë! 16 shkurti është dita kur një popull që është vjedhur, është tradhëtuar, është poshtëruar nga një klikë që e varfëron përditë, ngrihet të marre në dorë fatet e tij si cdo popull Europian. Në Europë ku duam të shkojmë, kur qeveria kapet duke vjedhur, ndëshkohet qeveria, IKIN HAJDUTET NË BURG! Nuk VUAN populli! Përgjegjësia për cdo pengesë që i bëhet të drejtës së shqiptarëve për të protestuar kundër pushtetit të vjedhur me votat e krimit do bjerë e gjitha mbi këtë qeveri hajdute dhe kryehajdutin e saj! Sovrani në Republikën e Shqipërisë është populli shqiptar!

Trumpi uron Thaçin për 11 vjetorin e pavarësisë së Kosovës: Ne e shohim njohjen e dyanshme si themel të marrëdhënieve të normalizuara me Serbinë

PRISHTINË – Presidenti i SHBA-ve, Donald Trump, përmes një letre dërguar presidentit të Kosovës, Hashim Thaçi, ka përgëzuar mbarë popullin e Kosovës për përvjetorin e 11-të të pavarësisë.

Trump i ka inkurajuar qytetarët e Kosovës që të fokusohen në ruajtjen e parimeve demokratike, në forcimin e sundimit të ligjit dhe në avancimin e mundësive ekonomike dhe tregtare.

Presidenti i SHBA-ve, Donald Trump, përmes një letre dërguar presidentit të Kosovës, Hashim Thaçi, ka përgëzuar mbarë popullin e Kosovës për përvjetorin e 11-të të pavarësisë. ( Presidenca e Kosovës – Anadolu Agency )

“Më e rëndësishmja, Kosova dhe Serbia duhet t’i normalizojnë marrëdhëniet, që është esenciale për integrimin perëndimor të Kosovës. Ne e shohim njohjen e dyanshme si themel të marrëdhënieve të normalizuara dhe si bazë për çfarëdo zgjidhje gjithëpërfshirëse”, thuhet në letrën e presidentit amerikan.

“SHBA-të i mbesin partner të gjithë atyre të cilët ndajnë këto vlera dhe janë të gatshëm të kryejnë punë të rënda të nevojshme për suksesin e tanishëm dhe të ardhshëm të Kosovës”, thuhet më tej në letër. aa

Kosova duhet të qëndrojë në kurs – Nga Shirley Cloyes DioGuardi

Përgjigjja ndaj taksës 100 për qind mbi Serbinë:

Unë besoj se Shtetet e Bashkuara dhe Bashkimi Evropian kanë tejkaluar kufijtë e tyre duke i bërë thirrje Kosovës që të shfuqizojë tatimin e 100 për qind të importit nga Serbia dhe Bosnje Hercegovina. Një vend sovran ka të drejtën sovrane të ngarkojë çdo gjë që dëshiron të ngarkojë. Dhe meqenëse Kosova nuk është anëtare e Bashkimit Evropian, vendimi i saj nuk ka të bëjë asgjë me BE. Përveç kësaj, është në kundërshtim me Shtetet e Bashkuara që të thonë, siç ka bërë rishtazi, se e respekton sovranitetin e Kosovës, por që Kosova duhet të pezullojë tatimin. Meqenëse Shtetet e Bashkuara dhe Bashkimi Evropian nuk i kanë kërkuar Serbisë të njohin produktet e Kosovës apo të ndalojnë fushatën e vet diskredituese ndërkombëtare kundër Kosovës, unë besoj se ata duhet të përmbahen nga ndërhyrja në vendimin sovran të Kosovës.

Unë nuk kam diskutuar me Kryeministrin e Kosovës Ramush Haradinajn për shumë vite dhe prandaj nuk jam e vetmja që mendoj se çka e çoi deri te vendimi i tij për tarifat e tregtisë. Por unë e kam shumë mirë të njohur deklaratën e tij të përsëritur në shtypin shqiptar se Kosova është e gatshme të heq taksën sapo Serbia të njohë pavarësinë e Kosovës. Sipas mendimit tim, ky është hapi i parë që Serbia duhet ta ndërmarrë nëse është e sinqertë në arritjen e një marrëveshjeje gjithëpërfshirëse me Kosovën që zgjidh konfliktin serb-shqiptar dhe i vendos të dy vendet në një rrugë për t’u bashkuar me Bashkimin Evropian. Është e pamundur të arrihet një marrëveshje e ndërsjellë nëse Kosova dhe Serbia nuk vijnë në tryezë si shtete të barabarta dhe sovrane. Dhe është Serbia e jo Kosova, ajo që po i ndalon negociatat me qëllim të vonimit të mëtejshëm të njohjes së pavarësisë së Kosovës

Përgjigja ndaj thirrjes për shkëmbim kufijsh:

Thirrja e Serbisë për një shkëmbim të territorit është një përpjekje për të mohuar të drejtën e Kosovës për vetëvendosje dhe për të rihapur diskutimin e statusit të Kosovës si një komb sovran – një status për të cilin Serbia ka punuar për ta dëmtuar që nga fillimi i bisedimeve Prishtinë-Beograd në vitin 2011. Bazuar në qasjen e Serbisë gjatë dialogut të ndërmjetësuar nga BE (që atëherë Përfaqësuesja e Lartë e BE për Punë të Jashtme dhe Politikën e Sigurisë Zonja Catherine Ashton këmbënguli se do të përfundojë në 2013 me nënshkrimin e Marrëveshjes së Brukselit), është bërë e qartë se Serbia po shtyn për shkëmbimet territoriale për të vonuar, nëse jo për të penguar tërësisht, normalizimin e plotë të marrëdhënieve me Kosovën. Është thellësisht shqetësuese të shihet se zyra e Federica Mogherinit, Përfaqësueses së Lartë të BE-së për Punët e Jashtme dhe Politikën e Sigurisë, kërkon që të varrosë njohurinë mbi favorizimin e BE-së ndaj Serbisë në të gjitha bisedimet Prishtinë-Beograd, duke e nisur një proces edhe më shkatërrimtar të shkëmbimeve kufitare që ka shkaktuar tashmë paqëndrueshmëri në Ballkanin Perëndimor.

Besoj se territori midis Serbisë dhe Kosovës mund të shkëmbehet vetëm nëse Serbia e njeh sovranitetin e Kosovës, pushon tentimin që të zgjidhte rezultatin dhe të pajtohet për një votë të lirë që mbikëqyret ndërkombëtarisht. Por ky nuk është realiteti. Beogradi këmbëngul që të marrë të gjithë territorin e Kosovës në veri të lumit Ibër (në vend të vetëm një pjese më veriore të zonave me shumicë serbe të Leposaviqit, Zveçanit dhe Zubin Potokut) dhe dëshiron t’i japë Kosovës vetëm një pjesë të luginës së Preshevës në Serbinë jugore (në vend të zonave me shumicë shqiptare të Preshevës, Medvegjës dhe Bujanovcit). Serbia dëshiron të shtyjë njohjen përfundimtare të Kosovës, derisa është duke i ndjekur synimet e veta ekspansioniste (synimet që çuan deri te krijimi artificial i Republika Srpska në fund të luftës në Bosnjë në 1995). Në këto rrethana, Shtetet e Bashkuara dhe anëtarët tjerë të bashkësisë ndërkombëtare duhet të përjashtojnë mundësinë e ndryshimeve kufitare. Për fat të mirë, Gjermania, Britania, Holanda dhe Italia e kundërshtojnë këtë ide.

Në fundi, nuk ka as konsensus politik as mbështetje publike në Kosovë për një shkëmbim të territorit. Sondazhet e kryera nga Instituti Demokratik i Kosovës në shtator të vitit 2018 tregojnë se 75 për qind e të anketuarve janë kundër ndryshimeve kufitare dhe Presidenti i Kosovës Hashim Thaçi nuk e ka mbështetjen e Kuvendit të Kosovës për të bërë një shkëmbim të territorit si pjesë të fazës përfundimtare të negociatave.

Pse Kosova duhet të qëndrojë në kursin e vet:

E vetmja mënyrë që Kosova mund të ketë sukses është nëse qeveria e saj dhe populli i saj qëndrojnë në kurs të vet. Është koha që elita politike kosovare të marrë një qëndrim pro-aktiv drejt së ardhmes së Kosovës dhe të imponojë reciprocitet të plotë ndaj Serbisë. (Siç e thashë më parë, imponimi i Kryeministrit Haradinaj për tatimin 100 për qind të Kosovës është hapi i parë). Kosovarët duhet të insistojnë që bashkësia ndërkombëtare të respektojë sovranitetin e Kosovës dhe të pranojë që Serbia përmes luftës së saj gjenocidale kundër shqiptarëve ka humbur të drejtën e saj për të ndërhyrë në punët e Kosovës. Është e nevojshme që bashkësia ndërkombëtare të sigurojë një rrugë për anëtarësimin në BE për të gjitha shtetet në Ballkan të cilat janë të gatshme të pranojnë vlerat e Perëndimit për demokracinë, sundimin e ligjit dhe respektimin e të drejtave të njeriut. Nëse Kosova ndahet padrejtësisht, duhet të theksohet se Bashkimi Evropian dhe Shtetet e Bashkuara do të jenë bashkëpjesëmarrëse në shkeljen e vlerave të veta, sepse një vend i tillë i kapur nga Serbia do të shënonte triumfin e kërkimit të Sllobodan Millosheviqit për një “Serbi të Madhe ” të ndërtuar mbi spastrimin etnik. Dhe do të përhapte konfliktin etnik në Evropën Juglindore.

Sinqerisht,


Shirley Cloyes DioGuardi
Keshilltare per Ceshtje te Ballkanit

“Kosova Should Stay the Course” 
by Shirley Cloyes DioGuardi
Response to the 100 percent tax on Serbia:

I believe that the United States and the European Union have overstepped their boundaries in calling on Kosova to repeal its 100 percent import tax on Serbia and Bosnia Herzegovina.  A sovereign country has a sovereign right to charge whatever it wants to charge.  And since Kosova is not a member of the European Union, its decision has nothing to do with the EU.  In addition, it is a contradiction for the United States to say, as it recently did, that it respects Kosova’s sovereignty, but that Kosova must suspend the tax.  Since the United States and the European Union have never asked Serbia to recognize Kosova’s products or to stop its international smear campaign against Kosova, I believe that they should refrain from interfering in Kosova’s sovereign decision.

I have not been in discussion with Kosova Prime Minister Ramush Haradinaj for many years, and so I am not privy to the thinking that led to his decision about the trade tariffs.  But I am very familiar with his repeated statement in the Albanian press that Kosova is prepared to lift the tax once Serbia recognizes Kosova’s independence.  In my opinion, this is the first step that Serbia must take if it is sincere about reaching a comprehensive agreement with Kosova that resolves the Serbian-Albanian conflict and puts both countries on a path to join the European Union.  It is impossible to reach a mutual agreement if Kosova and Serbia do not come to the table as equal and sovereign states.  And it is Serbia, not Kosova, that is halting the negotiations for the purpose of further delaying recognition of Kosova’s independence.

Response to the call for border exchange:

Serbia’s call for a land swap is an attempt to deny Kosova’s right to self-determination and to reopen discussion of Kosova’s status as a sovereign nation—a status that Serbia has worked to undermine from the beginning of the Prishtina- Belgrade talks in 2011.  Based on Serbia’s approach during the EU-mediated dialogue (which then High Representative of the EU for Foreign Affairs and Security Policy Lady Catherine Ashton insisted would be completed in 2013 with the signing of the Brussels Agreement), it has become obvious that Serbia is pushing for territorial exchanges in order to delay, if not prevent altogether, the full normalization of relations with Kosova.  It is deeply upsetting to see that the office of Federica Mogherini, the EU’s High Representative for Foreign Affairs and Security Policy, seeks to bury knowledge of the EU’s favoring of Serbia throughout the Prishtina-Belgrade talks by launching an even more disastrous process of border exchanges that has already triggered instability in the Western Balkans.

I believe that territory between Serbia and Kosova could be exchanged only if Serbia recognized Kosova’s sovereignty, ceased trying to cherry pick the result, and agreed to a free vote that was internationally supervised.  But this is not the reality.  Belgrade insists on taking over all of Kosova’s territory north of the Ibar River (instead of only the very northern Serbian majority areas of Leposavic, Zvecan, and Zubin Potok), and wants to give Kosova only a portion of southern Serbia’s Presheva Valley (instead of the Albanian majority areas of Presheva, Medvegje, and Bujanovc).  Serbia wants to delay final recognition of Kosova, while pursuing its expansionist aims (aims that resulted in the artificially created Republika Srpska at the end of the Bosnian war in 1995). Under these circumstances, the United States and other members of the international community should rule out the possibility of border changes.  Fortunately, Germany, Britain, the Netherlands and Italy all oppose the idea.

Finally, there is neither political consensus nor public support in Kosova for a land swap. Polls conducted by the Kosovo Democratic Institute in September 2018 show that 75 percent of respondents are opposed to border changes, and Kosova President Hashim Thaci does not have the endorsement of the Kosovo Assembly to make a land swap part of the final phase of the negotiations.

Why Kosova should stay the course:

The only way that Kosova can succeed is if its government and its people stay the course.  It is time for the Kosovar political elite to take a proactive stance towards the future of Kosova and impose full reciprocity towards Serbia.  (As I stated earlier, Prime Minister Haradinaj’s imposition of the 100 percent tax on Kosova is a first step).  Kosovars must insist that the international community honor Kosova’s sovereignty and recognize that Serbia through its genocidal war against Albanians has forfeited its right to intervene in the affairs of Kosova.  It behooves the international community to provide a road to EU membership for all states in the Balkans that are prepared to accept the West’s values of democracy, rule of law, and respect for human rights.  If Kosova is unfairly partitioned, it should be noted that the European Union and the United States will have been complicit in the violation of its own values, because such a land grab by Serbia would mark the triumph of Slobodan Milosevic’s quest for a “Greater Serbia” built on ethnic cleansing.  And it would spread ethnic conflict in Southeast Europe.

Sincerely,


Shirley Cloyes DioGuardi
Balkan Affairs Adviser

Ekipi negociator i Kosovës miraton Platformën për dialogun me Serbinë

PRISHTINË – Delegacioni negociator shtetëror i Kosovës, në mbledhjen e sotme, njëzëri miratoi Platformën për Dialogun me Serbinë, e cila nesër do t’i dorëzohet Kuvendit të Kosovës për shqyrtim dhe miratim.

Një nga dy bashkëkryesuesit e Delegacionit Negociator dhe Zëvendëskryeministri i Kosovës, Fatmir Limaj pas takimit, tha se Platforma pas miratimit në Kuvendin e Kosovës do të përfaqësojë një pozicion unik të Kosovës në dialogun me Serbinë.

“Sot morëm sugjerimet e liderëve shtetërorë dhe më në fund, me konsensus, në mënyrë unanime, të gjithë anëtarët e delegacionit, miratuan Platformën, të cilën do t’ia dorëzojmë kryetarit të Kuvendit të Kosovës me qëllim që deputetët të kenë mundësinë përmes debatit të votojnë Platformën, e cila do të përfaqësojë qëndrimin zyrtar të Republikës së Kosovës në dialogun për njohjen që mund të ndodhë me Republikën e Serbisë”, tha Limaj.

Limaj theksoi se Platforma përfshin të gjitha shqetësimet e ngritura në Kosovë lidhur me dialogun me Serbinë. Ai tha se Platforma është mbi të gjitha në bazë të Kushtetutës së Kosovës, Deklaratës së Pavarësisë, vendimit të Gjykatës Ndërkombëtare të Drejtësisë, që do të thotë se territori i Kosovës është unik dhe nuk duhet të cenohet.

Ai tha gjithashtu se një nga paragrafët e Platformës parasheh reciprocitet të plotë në lidhje me komunitetet pakicë si në Kosovë ashtu edhe në Serbi.

Bashkëkryesuesi i dytë i Delegacionit negociator nga radhët e Partisë Socialdemokrate të opozitës, Shpend Ahmeti, tha se Platforma pasi t’i dorëzohet Kuvendit do t’i prezantohet publikut nesër dhe do t’u dërgohet partive të tjera opozitare, Lidhjes Demokratike të Kosovës dhe Lëvizjes Vetëvendosje. Ahmeti vuri në dukje se Platforma përmban parime dhe linja të kuqe për zhvillimin e dialogut, por gjithashtu kërkon të diskutojë tema që ende nuk janë diskutuar në dialog.

“Ne në Platformë e kemi vënë detyrimin ndaj Delegacionit shtetëror për të ngritur çështje në Bruksel që nuk janë diskutuar kurrë, siç janë krimet e luftës që ne konsiderojmë se kanë një trajtim të pabarabartë. Kemi më shumë se 13 mijë viktima, për shumicën e të cilëve nuk dihet se çfarë ka ndodhur ndërsa ata që i kanë kryer këto krime nuk janë nxjerrë para drejtësisë”, tha Ahmeti.

Ai shtoi se çështja e kompensimit për dëmet e luftës do të rritet, si kolektivisht ashtu edhe individualisht. Ahmeti, gjithashtu porositi partitë e opozitës ta lexojnë Platformën para se të flasin se do ta refuzojnë atë. aa

Josef Daul në krah të PD: I shqetësuar për demokracinë shqiptare

Presidenti i Partive Popullore Europiane Josef Daul ka reaguar për situatën politike në Shqipëri. Ai shprehet i shqetësuar lidhur me situatën e demokracisë në Shqipëri. Përmes një postimi në Twitter, Daul thotë se të drejtat e opozitës në parlament duhet të respektohen.

“Jam i shqetësuar për gjendjen e demokracisë në Shqipëri. Zgjedhjet e ardhshme duhet të jenë të lira dhe të ndershme, blerja e votës është e papranueshme. Të drejtat e opozitës duhet të respekton në parlament. Duhen më shumë përpjekje për të luftuar krimin dhe korrupsionin, përfshirë edhe implementimin e ligjit të dekriminalizimit”,- shkruan ai.

LDK: Dialogu për kufijtë është i ndaluar

Lidhja Demokratike e Kosovës është shprehur sërish kundër ndryshimit të kufijve të Kosovës, duke thënë se hapja e dialogut për kufijtë, është “vetagresion ndaj shtetit dhe territorit të vendit”.

Kryetari i partisë më të madhe opozitare LDK-së, Isa Mustafa, përmes një postimi në Facebook, ka thënë se kufijtë e Kosovës janë të paprekshëm dhe se dialogu për kufijtë është i ndaluar.

Presidenti i Kosovës Hashim Thaçi muajt e fundit disa herë ka deklaruar se në marrëveshjen përfundimtare gjithëpërfshirëse mes Kosovës dhe Serbisë do të jetë edhe një korrigjim i kufijve mes dy vendeve.

“Një nga pikat do të jetë edhe demarkimi i kufirit në mes të Kosovës dhe Serbisë. Kjo është mundësi për të korrigjuar kufirin edhe në veri të Kosovës, edhe në jug të Serbisë.” ka thënë presidenti Thaçi gjatë javës së kaluar në një bashkëbisedimi në “Council on Foreign Relations” në New York.

Kjo ide po kundërshtohet nga partia në pushtet, Aleanca për Ardhmërinë e Kosovës, e kryeministrit Ramush Haradinaj, si dhe nga dy partitë opozitare, Lidhja Demokratike e Kosovës dhe Lëvizja “Vetëvendosje”.

Kosova drejt ‘shembjes’ së kufirit me Shqipërinë

“I brendshëm” do të jetë statusi i kufirit Kosovë-Shqipëri, në rast se hyn në fuqi një marrëveshje që autoritetet e të dyja shteteve janë duke e negociuar.


E, në këtë kufi, shtetasit e këtyre vendeve nuk do t’u nënshtrohen kontrolleve.

“Koha Ditore” në Kosovë ka siguruar të mërkurën një kopje të draftit të fundit të marrëveshjes, që palët i janë referuar si “Mini Schengen”, e që është hartuar nga një ekip, të cilin e bashkëkryesojnë zëvendësministri i Punëve të Brendshme, Selami Shkodra, dhe homologia e tij, Rovena Voda.

Dokumenti është voluminoz. Përmban mbi 50 faqe. Nis me preambulën, precizon formën e heqjes së kontrolleve, trajton edhe aspektet e vizave për palët e treta, por edhe bashkëpunimin policor dhe formën e trajtimit të transportit të mallrave.

Është neni i tretë që e saktëson formën e kalimit në kufi. /Koha.net

Haradinaj për taksën: Amerika flet vet, Thaçi nuk është zëdhënës i saj

Debati politik ndërmjet krerëve të institucioneve të Kosovës rreth çështjes së taksës doganore ndaj prodhimeve të Serbisë dhe Bosnjës e Hercegovinës, si dhe kërkesës së Shteteve të Bashkuara të Amerikës për ta larguar atë nuk ka të ndalur.

Kryeministri i Kosovës, Ramush Haradinaj, i cili e nisi ditën me një takim me delegacionin shtetëror për bisedimet me Serbinë, ka komentuar shkurt deklaratat e fundit të Presidentit të Kosovës, i cili gjithashtu po kërkon heqjen e kësaj takse.

“As Presidenti, as askush nuk është zëdhënës i Amerikës. Ata e dinë vetë çka kërkojmë”, tha Haradinaj të enjten.