VOAL

VOAL

Please Wait ...
0%

MEMORANDUM I ASHASHA, NJU-JORK: SHQIPËRIA TË KËRKOJË SANKSIONIMIN JURIDIK NDËRKOMBËTAR TË KOLONIALZIMIT SLLAV NË TOKAT SHQIPTARE

By | June 18, 2019
2 Comments
  • author avatar
    Eshref Ymeri 1 month ago Reply

    Ky Memorandum ka një rëndësi të jashtëzakonshme për Çështjen tonë Kombëtare, ende të pazgjidhur në siujdhesën e Ballkanit.
    Ai merr një rëndësi të dorës së parë edhe për arsye se është i pari, në të cilin kërkohet publikisht e drejta e mbi 2 milionë shqiptarëve që të kenë të drejtën e vetëvendosjes në trojet e tyre amtare që ndodhen ende të kolonizuara në Mal të Zi, në Serbi, në Maqedoninë Veriore dhe në Greqi.
    Në këtë Memorandum më ka lënë mbresa të thella paragrafi i mëposhtëm:
    “Në këtë vështrim, duke u bazuar në Nenin 1, paragrafi 2 dhe në Nenin 55 të Kartës, OKB-ja nevojitet që të “shpaketojë” dhe të sanksionojë juridikisht sundimin kolonial sllav (Serbia, Mali i Zi, Greqia dhe M.Veriore) mbi 2 milionë shqiptarë dhe mbi territoret e tyre autoktone të Shqipërisë etnike, duke iu njohur të drejtën e vetëvendosjes, që do të thotë shkolonizimin, pavarësimin dhe sovranitetin e tyre”.
    Një kërkesë e tillë bëhet publike për herë të parë pas një shekulli, pikërisht pas Fjalimit të shkëlqyer të Atë Gjergj Fishtës në Konfrencën e Paqes në Paris të vitit 1919, ku ai pati deklaruar botërisht:
    “Po qe se përnjimend parimi i autodeterminacionit asht marrë prej Konferencës së Paqes si karakter themelor për trajtimin e shteteve si dhe përcaktimin e kufijve të tyne, e drejta e lypë që Shqipnia të qitet shtet më vete përmbrenda kufijve të vet etnikë dhe gjeografikë”.
    Unë mendoj dhe kam bindjen e plotë se ky Memorandum është një leksion kuptimplotë për Akademinë e Shkencave të Republikës së Shqipërisë dhe për Akademinë e Shkencave dhe të Arteve të Republikës së Kosovës, të cilat duhej të ishin kujtuar me kohë dhe duhej të kishin kontribuar në kohën e duhur për emancipimin e klasës politike, për t’ju drejtuar institucioneve ndërkombëtare për zgjidhjen e Çështjes Kombëtare Shqiptare, e cila vazhdon të mbetet pezull që prej vendimeve kolonialiste që mori Kongresi i Berlinit i vitit 1878 dhe Konferenca e Londrës e vitit 1913 për copëtimin e trojeve tona etnike, për interesat e grekosllavizmit, nën presionin e shovinizmit rusomadh, armikut të kahershëm të kombit shqiptar.
    Ju lutem edhe një herë, e Nderuara Zonja Sanie, që Profesorit të shquar Skënder Kodra, Simbolit të Shqiptarisë, t’i përcillni të falat e mia më të përzemërta.
    Eshref Ymeri

  • VOAL 4 weeks ago Reply

    […] Ju lutem edhe një herë, e Nderuara Zonja Sanie, që Profesorit të shquar Skënder Kodra, Simbolit të Shqiptarisë, t’i përcillni të falat e mia më të përzemërta.” (Shih në: MEMORANDUM I ASHASHA, NJU-JORK: SHQIPËRIA TË KËRKOJË SANKSIONIMIN JURIDIK NDËRKOMBËTAR TË KOL…). […]

Komentet

Më 21 korrik 1969 njeriu shkeli për herë të parë në Hënë

Bota feston 50 vjetorin e zbritjes së parë në Hënë. Më 20 korrik,1969, anija kozmike Apollo 11 e tipit Eagle (shqiponjë), zbarkoi në sipërfaqen e Hënës. Disa orë më vonë, në orën 2:56 UTC, më 21 korrik 1969, Neil Armstrong bëri historinë duke u bërë personi i parë që ka ecur nëpër Hënë.

Ky mision i inspiruar nga rivaliteti gjatë luftës së ftohtë mes Shteteve të Bashkuara dhe Bashkimit Sovjetik, tani kujtohet si momenti më i veçantë për studiuesit e yjeve dhe hapësirës.

Nasa ka shënuar përvjetorin duke lëshuar pamje të zbritjes në Hënë, duke iu dhënë mundësi gjeneratave të reja të shohin momentin historik që ishte përcjellë nga gjysmë miliardë njerëz 50 vite më parë.

Në momentin e lëshimit në Hënë, udhëheqësi i ekipit të astronautëve, Neil Armstrong dëgjohet duke thënë “Hjuston, Shqiponja ka zbarkuar”.

Disa orë më vonë, Armstrong del në sipërfaqen e Hënës nga ku edhe mbahet në mend fraza historike “Ky është një hap i vogël për njeriun, por shumë i madh për njerëzimin”.

Armstrong ishtë nën shoqërinë e ekipit që përbëhej nga Buzz Aldrin dhe Michael Collins. Aldrin dhe Collins janë ende gjallë, ndërsa Armstrong ndërroi jetë në moshën 82 vjeçare më 2012.

Në shumë qytete të botës u shënua përvjetori i 50-të i zbritjes në Hënë, me anë të aktiviteteve të ndryshme.

50 vjetori i misionit Apollo 11 – Presidenti Trump pret astronautët në Shtëpinë e Bardhë

Sot mbushen 50 vjet nga dita kur astronautët e parë amerikanë zbritën në Hënë dhe hodhën hapat e parë në kontinentin deri atëherë të panjohur. Presidenti Trump priti dje në Shtëpinë e Bardhë astronautë të anijes së hapësirës Apollo 11, që realizoi misionin e parë në Hënë.

I rrethuar nga Buzz Aldrin, Mike Collins dhe nga familjarë të komandantit të misionit Neil Armstrong në Zyrën Ovale, Presidenti Trump u informua për planet e administratës së tij për të dërguar përsëri astronautë në Hënë dhe në Mars, si dhe mbi përparimet në realizimin e fluturimeve komerciale në hapësirë.

“Ne do ta sjellim sërish shkëlqimin e suksesit në programin e hapësirës”, – tha Presidenti Trump. Të pranishëm në takim ishin gjithashtu Zonja e Parë Melania Trump, zëvendëspresidenti Mike Pence dhe administratori i NASA-s Jim Bridenstine.

Buzz Aldrin i tha Presidentit se ndjehej i zhgënjyer që nuk janë shënuar përparime të mëdha në eksplorimin e hapësirës gjatë dekadës së fundit.

Astronautët Aldrin dhe Armstrong, i cili u nda nga jeta në vitin 2012, bënë histori kur u ulën në hënë 50 vjet më parë si sot, ndërsa astronauti tjetër Mike Collins qëndroi në modulën e komandimit në orbitë, sipër tyre.

Nënpresidenti Mike Pence shkon sot në Qendrën Hapësinore Kennedy në Cape Canaveral të Floridës, ku do të mbajë një fjalim për këtë ngjarje të rëndësishme në historinë e Shteteve të Bashkuara. za

Letër e Hapur Presidentit të SHBA-I nderuari Presidenti Trump!Ju lutem shumë,shqiptojeni për John Bolton togfjalëshin Tuaj magjik:You’re fired! Nga Elida Buçpapaj

I nderuar President i SHBA!

I nderuari Presidenti Trump!

Jeni institucioni më i lartë në Amerikën e vlerave të demokracisë, zgjedhur me votën e popullit Amerikan!

Jeni institucioni i çlirimit dhe lirisë në rang botëror!

Jeni institucion i shoqërisë të lirë dhe i lirive të individit!

Jeni institucion i drejtësisë njerëzore, që merr në mbrojtje lirinë dhe lufton barbaritë!

Jeni institucioni që shqiptarët, si asnjë komb në glob, Ju falen dhe janë të gatshëm të vihen nën komandën Tuaj!

Sikur Ramush Haradinaj, kryeministri i Kosovës, që ka deklaruar botërisht se është ushtari i Amerikës! Ramush Haradinaj posa dha dorëheqjen, sepse po e thërrasin për të tretën herë në Hagë, kur pas shtatë vjet hetimi, prej 2005 deri më 2012, Haga e ka nxjerrë të pafajshëm!

Shqiptarët janë ushtarë të Amerikës dhe Perëndimit, sepse SHBA me aleatët e saj e shpëtuan Kosovën nga Holokausti i fundit i shekullit XX!

Gjermania ka 75 vjet që me të drejtë iu kërkon ndjesë Hebrejve për krimet monstruoze kryer nga regjimi hitlerian, ndërsa Serbia e shekullit XXI, që në kohën e Milosheviçit e përgjaku ish-Jugosllavinë dhe e njollosi ndërgjegjen e Europës të Bashkuar me Srebrenicën e Vukovarin jo vetëm që nuk lyp ndjesë, por tani agresionin militar dhe barbar të 1998-1999 synon ta arrijë me diplomacinë e neveritëshme të Ivica Daçiç që arrin dhe i fut kthetrat deri tek lobet pranë administratës të SHBA dhe pranë zyrës të këshilltarit Tuaj të (anti)Sigurisë, John Bolton i cili njihet botërisht pro-ndarjes së Kosovës, i mënjanuar nga Presidentët Republikanë George Bush senior dhe George W.Bush!

Ministri i jashtëm i Serbisë Ivica Daçiq, përpara se të mbërrinte në Washington D.C deklaroi për të miliontën herë se puna e tij si shef i diplomacisë serbe konsiston të ndalë njohjen e Kosovës nga shtete të reja dhe bëjë gjithçka që shtetet që e kanë njohur Kosovën ta anullojnë njohjen e tyre, pra 180 gradë ndryshe nga sa vepron diplomacia e SHBA, e cila synon që Kosova të jetë pjesë e OKB-së!

Kjo është strategjia e Serbisë, shtetit që nuk pranon të integrohet në NATO dhe blen armatime nga një vend i NATO-s për t’i bërë luftë kujt? NATO-s ?! Se Kosova mbrohet nga NATO dhe baza Amerikane Bondsteel!

Në këtë situatë Shqiptarët e Kosovës nuk mund të puthin duart e një Serbie agresive që nxit një luftë të re, as nuk mund të jenë palë e një dialogu-karikaturë që bie ndesh me parimet bazë të dialogut, ku dy palët iu shërbejnë interesave reciproke në favor të të mirës të përbashkët serbo-shqiptare!

Kosova nuk mund të ulet në një tavolinë me një Serbi që sot ka vënë në përdorim gjithë arsenalin diplomatik për të zhbërë të gjithë atë që ka arritur në Kosovë SHBA me aleatët e saj!

Strategjia e Vuçiçit dhe Daçiçit bie ndesh me strategjinë e SHBA dhe Bashkimit Europian në Ballkan për stabilitet dhe paqe afatgjatë, bie ndesh me strategjinë e shteteve që kanë luftuar për ta çliruar Kosovën dhe për të njohur pavarësinë e saj! Shqiptarët janë paqësorë! Shqiptarët duan ta ndërtojnë paqen në shtëpinë e tyre pa shqetësuar askënd! Shikoni rolin që patën shqiptarët në Maqedoninë Veriore!

Ndërsa Ivica Daçiç ad absurdum vjen në Washington DC, në kuartierin e Presidentit të SHBA të lobojë që Amerika të anullojë vendimin e saj për njohjen e Kosovës!

Daçiçi vjen në SHBA dhe takohet me Këshilltarin tuaj të antiSigurisë, i cili nga pozitat e një zyrtari të lartë të administratës Tuaj harron thembësoren se të gjitha administratat e SHBA kanë qenë me një strategji të unifikuar, Republikanë e Demokratë. Bashkë me Aleatët e përhershëm në Perëndim, ku Amerika mori rolin drejtues u arrit një sukses të përbashkët, të ndalet një Shoah të ri në zemër të Europës dhe të shpëtohet ndërgjegjia e Europës nga një turp i ri, sikur ai që ngjau gjatë konfliktit Bosnje-Serbi, ku Europa mbajti një qëndrim pasiv, vëzhgues, injorues duke i lanë ata njerëz të mjerë, civilë, gra, fëmijë, burra e pleq pa mbrojtje nën kasaphanën e barbarive të karaxhiçëve, mlladiçëve dhe strategut të tyre Milosheviç!

 

I nderuar Presidenti Trump,

 

Shqiptarët nuk janë kundër Serbisë! Kundër Serbisë është administrata serbe që mban peng Ballkanin me  mitet e përgjakura të Milosheviçit, i cili po ta dinte fundin e tij, po t’i kishte marrë në konsideratë paralajmërimet e administratave Amerikane, do të kishte hequr dorë nga Kosova!

Në kohën e Milosheviçit, Kosovën dhe Serbinë e ndante muri i Perdes Së Hekurt, sot ky mur është rrëzuar, jo për të krijuar Shqipërinë e Madhe, por për të mbrojtur stabilitetin afatgjatë si arritje e SHBA dhe Perëndimit në ish-Jugosllavi dhe Ballkan!

Askush nuk e kërcënon Serbinë, Serbia po kërcënon gjithë rajonin duke u armatosur dhe kërkuar rindarjen e Kosovës!

A duhet të gjunjëzohet SHBA dhe BE ndaj kërcënimeve të një shteti ish agresor që mban qendrim të pandryshuar ndaj ish-viktimave të shtetit kriminal që i shpëtoi Amerika dhe NATO nga zhbërja ?!

Pritja që këshilltari Juaj i Sigurisë John Bolton i bëri ministrit të jashtëm të Serbisë Ivica Daciq i tronditi shqiptarët,

sepse z.Bolton nuk tha asnjë fjalë kundërshtuese ndaj deklaratave të përditëshme luftënxitëse që Daçiq bën ndaj asaj që SHBA dhe aleatët e saj konform vullnetit të popullit të Kosovës arritën në Kosovën 20 vjet më parë!

John Bolton edhe Ivica Daçiç janë në kundërshtim të hapur me gjithçka që për 30 vjet kanë kontribuar administratat e SHBA dhe BE deri sot në Kosovë!

Strategjia e SHBA dhe Perëndimit është të mos ketë ndryshime të kufijve!

John Bolton po del mbi Presidentin e SHBA, po del mbi strategjinë e Amerikës dhe Perëndimit për të vendosur paqen dhe stabilitetin në Ballkan!

Shqiptarët kudo që janë, nuk e konfondojnë kurrë John Boltonin me Presidentin e SHBA, as me Amerikën e vlerave të lirisë!

Shqiptarët nuk janë agresorë, nuk e kanë sulmuar kurrë asnjë vend në Ballkan, shqiptarët janë viktima të një konflikti gjakatar nga një makineri kriminale si ajo e Milosheviçit, ithtarët e të cilit sot në krye të Serbisë po kërkojnë që t’i rikthehen luftës e cila u ndal me përpjekjet madhështore të Perëndimit të kryesuar nga SHBA!

Serbia e Vuçiçit dhe Daçiçit, bashkë me njerëz të komprometuar shterrshëm përfundimisht si Hashim Thaçi dhe Edi Rama, po mbajnë peng të ardhmen e rinisë serbe dhe shqiptare!

 

I nderuar Presidenti Trump,

 

Jam një gazetare me eksperiencë të gjatë, që Ju ka ndjekur si fanse prej kur në kulmin e Luftës të Ftohtë në fund të viteve ’70 Ju thyet tabutë dhe në emër të lirisë e dashurisë sfiduat sistemin e antivlerave!

Dashuria për liri është universale dhe sot kur shumë popuj në botë vuajnë nën thundrat e sistemeve diktatoriale etja për liri frymëzohet nga mbrojtësit e saj që janë SHBA dhe Perëndimi!  SHBA i kanë dalë në krahë Europës gjithmonë, por kur SHBA janë vonuar i kanë sulmuar me të pabesë si në Pearl Harbour!

Po ashtu e kam ndjekur në rrugën e suksesit Tuaj si brezi i tretë i një emigranti me rrënjë nga Europa, që prej lirive që Ju ka ofruar Amerika keni arritur deri në karriken e Presidentit të SHBA!

Kjo është Amerika Juaj! E krijuar prej Baballarëve të Kombit deri tek Ju! Dhe kështu do të vazhdojë!

Sot si President i SHBA, Ju jeni vijues i rrugës të Etërve të këtij shteti të madh, jeni vijues i Republikanëve, jeni vijues i vullnetit të unifikuar R-D, dmth gjithë popullit Amerikan dhe administratave të SHBA për çfarë kanë bërë për Kosovën, ndërsa John Bolton është një njeri i gabuar në stafin tuaj, nga ata që Ju i largoni me togfjalëshin Tuaj të famshëm që ka hyrë tashmë në të gjithë fjalorët e gjuhëve të botës: “You’re fired!”

Ju lutem shumë Z.President shqiptojeni këtë togfjalësh magjik, që nënkupton shkarkimin, shprehur përmes kësaj metafore kaq ekspresive “you’re fired!”, që thotë: “jeni i djegur! Që të ndalni zjarrin që është duke i vënë rishtas Ballkanit Serbia e Ivica Daçiçit!

Me nderim dhe respekt
Elida Buçpapaj

Mediat e huaja shkruajnë për vendimin e Haradinajt, ja çfarë thonë serbët

Përveçse në Kosovë e Shqipëri, lajmi për dorëheqjen e kryeministrit të Kosovës, Ramush Haradinaj ka marrë vëmendjen edhe të mediave të rajonit, evropiane dhe atyre botërore.Përveç mediave prestigjioze si BBC, Bloomberg, Spiegel dhe të tjera, për këtë lajm ka raportuar edhe Euroneës. Sipas Euroneës, kryeministri Haradinaj ka thënë të premten se ka dhënë dorëheqje, duke treguar edhe arsyen, e cila siç ka thënë ai, është ftesa nga Specialja, si i dyshuar.


Siç kujton kjo media, Gjykata e posaçme në Hagë u krijua në vitin 2015 dhe se Dhoma e specializuar financohet nga Bashkimi Evropian.“Haradinaj tha se do të udhëtojë në Hagë javën e ardhshme. Kjo është hera e dytë që ai duhet të japë dorëheqjen si kryeministër”, thekson kjo media.

Veç këtyre, lidhur me këtë ka raportuar edhe media kroate Jutarnji.hr. Sipas kësaj media, kryeministri i Kosovës ka dhënë dorëheqje. “Ramush Haradinaj shkon në Hagë si i dyshuar: ‘Nuk mund ta udhëheq vendin në këtë situatë’”, shkruan media kroate.

Gjithsesi, një lajm i tillë ka zënë vend edhe në mediat serbe. Dhe përveç njoftimit, mediat serbe kanë vënë në pah edhe deklarimin e Haradinajt rreth taksës ndaj produkteve nga Serbia dhe Bosnja e Hercegovina. “…ai lexoi letrën e dorëheqjes, por tha se taksa që qeveria e tij ka vendosur në importet e mallrave nga Serbia dhe BeH do të mbetet në fuqi deri në njoftimin e mëtejshëm”, shkruan Blic.rs.Haradinaj, ka dhënë dorëheqjen sot duke theksuar se këtë vendim e ka marrë pasi atij i ka ardhur një ftesë nga Gjykata Speciale. Ai para mediave tha se dorëheqjen e ka dhënë për ta ruajtur nderin e Kosovës, dhe për t’u paraqitur në Gjykatën Speciale si qytetar i thjeshtë. Në vitin 2005 ai kishte dhënë dorëheqje nga pozita e kryeministrit pasi që i ishte ngritur aktakuzë për krime lufte nga Gjykata Ndërkombëtare e Hagës.

Haradinaj: Kosovës i bëhet presion i padrejtë për çmimin e njohjes nga Serbia, ndarja apo ‘Dodik Republika’ janë të papranueshme

Zijadin Gashi

Kryeministri i Kosovës, Ramush Haradinaj, ka dhënë dorëheqje.

Këtë vendim ai e bëri publik në mbledhjen e rregullt të Qeverisë së Kosovës.

Arsyeja e dorëheqjes, siç tha Haradinaj, është sepse ai ka marrë ftesë nga Gjykata Speciale në Hagë, në cilësinë e të dyshuarit.

“Arsyeja e këtij vendimi është se kam marrë thirrje të paraqitem për t’u marrë në pyetje nga Dhomat e Specializuara në Hagë si i dyshuar”, tha Haradinaj.

Ai tha se nderi i postit të kryeministrit duhet të ruhet dhe se ai do të paraqitet në Hagë për intervistim.

“Shteti im është Kosova, Kosova e paprekshme, me multi-etnicitet, me shumëgjuhësi, me territor e kufij. Kosovës i bëhet presion i padrejtë për çmimin e njohjes nga Serbia, ndarja apo ‘Dodik Republika’ janë të papranueshme”, tha Haradinaj.

“Mendoj se me ketë dorëheqje, Qeveria në dorëheqje i kryen detyrat e veta deri në formimin e Qeverisë së re, pas zgjedhjeve të lira. Tani përgjegjësia kalon të presidenti, që ai të fillojë konsultat dhe të caktojë datën e zgjedhjeve me partitë politike. Ato janë afate kohore kushtetuese. Unë i ofrohem popullit prapë për të marrë besimin për shkak se nuk jam i akuzuar, por jam i intervistuar dhe aq sa më jep populli besim, do ta respektoj”, u shpreh Haradinaj.

“Tani janë dy aspekte, mund të flasim për pjesën politike ose ligjore, unë do të respektoj pjesën ligjore në tërësi, do të paraqitem e do të kryej detyrat e mia, pastërtinë time të një luftari shqiptar, të nderit tim, të familjes sime, do ta mbroj Kosovën si luftëtar i vendit tim”.

“Ndërsa, pjesa politike e të tjera mendoj se është shumë gabim që po provohet t’i kërkohet Kosovës një çmim i papërballueshëm për njohje ose arritjen e një marrëveshjeje. Mendoj se është gabim prej lidershipit të Kosovës të japë oferta të gabuara – duhet të bëhet kujdes”, tha ai.

Ai porositi që taksa e vendosur ndaj Serbisë nga Qeveria e Kosovës nën drejtimin e tij, duhet të mbetet në fuqi.

Çfarë pritet të ndodhë tash me Qeverinë?

Kushtetuta e Republikës së Kosovës, Neni 95, Pika 5, thotë:

“Nëse Kryeministri jep dorëheqjen ose për arsye të tjera, posti i tij/saj mbetet i lirë, Qeveria bie, dhe Presidenti i Republikës së Kosovës, në konsultim me partitë politike ose koalicionin që ka fituar shumicën në Kuvend, mandaton kandidatin e ri, për të formuar Qeverinë”.

Haradinaj theksoi se Qeveria e Kosovës duhet të funksionojë në dorëheqje deri në caktimin e zgjedhjeve të lira.

Haradinaj tha se dorëheqja e tij është e parevokueshme dhe se për këtë vendim, do t’i informojë edhe krerët e institucioneve të Kosovës.

Presidenti i Kosovës, Hashim Thaçi, ka reaguar duke shprehur keqardhje për ftesat që disa ish-komandantë të UÇK-së kanë marrë për intervistim nga Dhomat e Posaçme për krime lufte në Hagë.

“Me keqardhje mësova që Gjykata Speciale ka ftuar për intervistim ish-shefin e Shtabit të UÇK-së, Bislim Zyrapi, njëherësh këshilltar i imi, ish-komandantin e Zonës Operative të Dukagjinit, kryeministrin Ramush Haradinaj, si dhe disa ish-eprorë të tjerë të UÇK-së”, ka shkruar presidenti Thaçi.

Kjo nuk është hera e parë që Haradinaj jep dorëheqje.

Më 8 mars, të vitit 2005, vetëm pak muaj pasi kishte marrë detyrën, ai pati dhënë dorëheqje pas aktakuzës së parë të ngritur ndaj tij nga Tribunali i Hagës për krime lufte në territorin e ish-Jugosllavisë.

Ai ishte dorëzuar vullnetarisht në Gjykatën e Hagës. Në vitin 2008, Gjykata e Hagës e shpalli atë të pafajshëm. Katër vjet pas u bë rigjykimi i tij, po në Tribunalin e Hagës. Por, në vitin 2012, Ramush Haradinaj sërish u shpall i pafajshëm për të gjitha akuzat që e ngarkonin atë për krime lufte.

Një proces tjetër ndaj tij u ndoq edhe më 2017, por kësaj radhe në Colmar të Francës,ku autoritetet franceze, më 4 janar, e ndaluan atë mbi bazën e një urdhër-arresti të lëshuar nga Serbia për krime lufte. Por, pas një procesi gjyqësor ndaj tij, drejtësia franceze e kishte liruar atë më 27 prill.

Ramush Haradinaj u zgjodh për herë të dytë në postin e kryeministrit të Kosovës më 9 shtator, 2017.

Çka është Gjykata e Posaçme e Kosovës?

Opozita reagon pas dorëheqjes së Haradinajt

Ndërkohë, kryetari i Lidhjes Demokratike të Kosovës, Isa Mustafa, ka shkruar se Haradinaj dhe Qeveria e tij është dashur të japin dorëheqje, por ka shprehur keqardhje për arsyen që çoi deri te ky vendim.

“LDK-ja në vazhdimësi ka kërkuar që kjo Qeveri të japë dorëheqje, por ndjejmë keqardhje që kjo ndodh për shkak të ftesës nga Dhomat e Specializuara, të Kryeministrit të Kosovës. Besoj fuqishëm se lufta e Ushtrisë Çlirimtare të Kosovës ka qenë e drejtë dhe e pastër dhe poashtu besoj se pafajësia e z. Haradinaj do të provohet edhe kësaj radhe”, ka shkruar Mustafa.

Ndër të parët që ka reaguar pas dorëheqjes së Haradinajt ishte Albin Kurti, kryetar i Lëvizjes Vetëvendosje, parti kjo në opozitë.

Ai e ka cilësuar këtë si dorëheqje të vonuar dhe me arsye të gabuar.

“Moti është dashur të japë dorëheqje. p.sh. kur e ndërroi qëndrimin për demarkacionin me Malin e Zi, kur ia rriti pagën vetvetes, kur emëronte nëpër borde e menaxhmente ndërmarrjesh me mbiemra familjesh e librezë partie, kur më 13 dhjetor 2018 e dha propozimin për marrëveshje ‘Ahtisaari Plus’ me Serbinë, kur e paloi e rrafshoi buxhetin me asfalt, kur e kërcënoi prokurorin Blakaj, kur delegacioni për bisedime me Serbinë i doli anti-kushtetues etj.etj”, ka shkruar Kurti në Facebook.

Jemi me Angela Merkel dhe me Ramushin!

Jemi me Angela Merkel dhe me Ramushin!

-Për Ramush Haradinajn kjo është hera e dytë që jep dorëheqjen nga posti i kryeministrit të Kosovës. Herën e parë Ramush Haradinaj është dorëzuar vullnetarisht në Tribunalin e Hagës në 9 Mars 2005, pasi një ditë më parë kishte dhënë dorëheqje nga funksioni i kryeministrit të Kosovës, menjëherë pasi ishte njoftuar për ngritjen e aktakuzës nga Tribunali i Hagës.

Pas shtatë viteve të gjata, dhe dy gjykimeve të gjata, kjo Gjykatë ka sjellur drejtësi për Ramush Haradinajn dhe për popullin e Kosovës!

Sot thirrja e Ramush Haradinajt nga Haga e kthen Haradinajn në Hero të të gjithë shqiptarëve, ndërsa Hagën një karikaturë!

Sepse Haga nuk mund ta gjykojë dy herë Haradinjan!

Shqiptarët e kanë kuptuar se Haga ka marrë anën e gabuar, të atyre që e kanë kërcënuar deri më tani Haradinajn për taksën 100%!

Haga nuk përfaqëson sot drejtësinë as vlerat  e Perëndimit!

Vlerat e Perëndimit i përfaqëson Angela Merkel dhe aleatët e saj.

Angela Merkel është me shqiptarët dhe vlerat e lirisë dhe Perëndimit!

Ndërsa shqiptarët janë me Angela Merkel dhe me Ramushin!

 

Avni Delvina: Kush është shqiptar me Ramushin! – Ti Shqipëri më jep nder!

Piktori i shquar Avni Delvina gijthmonë me grafikat e tij të fuqishme kësaj herë na sjell grafikën nga cikli :
Ti Shqiperi, me jep nder,me jep emrin shqipetar,
zemren ti ma gatove plot me deshire e me zjarr!

Kush është shqiptar është me Ramushin!

 

Video/ “Presion i padrejtë për çmimin e njohjes nga Serbia”. Haradinaj flet pas dorëheqjes

Kryeministri i Kosovës Ramush Haradinaj është dorëhequr sot në mënyrë të papritur nga detyra e tij. Vendimin fillimisht ia komunikuar qeverisë e më pas ka folur për mediat.Në një mesazh të dorëheqjes të publikuar disa minuta pas daljes para mediave në “Facebook”, Haradinaj tregon arsyet e vendimit të tij, thirrje për intervistim nga Gjykata Speciale duke theksuar se “pastërtia ime dhe e luftës së UÇK-së, e konfirmuar nga dy aktgjykime nuk mund të njolloset nga askush dhe asnjëherë”. Më tej ai deklaron se mandatin ia kthen popullit.


Statusi i Haradinajt

Të nderuar qytetarë,

Dua të ju informoj se sot kam marrë këtë vendim:

Jap dorëheqje të parevokueshme nga detyra e Kryeministrit të Republikës së Kosovës dhe dua që të ju falënderoj për besim dhe përkrahje. Arsyeja e këtij vendimi është se kam marrë thirrje të paraqitem për t’u marrë në pyetje nga Dhomat e Specializuara në Hagë si i dyshuar.

Qeveritë dhe pushtetet janë të ndërrueshme, jetojmë në demokraci.

Nderi i Kryeministrit dhe Shtetit duhet të ruhet dhe unë nuk e poshtëroj asnjëherë. Në Hagë si Ramush Haradinaj do t’i dal përball shpifësve, ashtu si e kërkon nderi i luftëtarit shqiptar.

Pastërtia ime dhe e luftës së UÇK-së, e konfirmuar nga dy aktgjykime nuk mund të njolloset nga askush dhe asnjëherë.

Shteti im është Kosova, e paprekshme në multietnicitet, shumëgjuhësi, në territor e kufij.

Kosovës i bëhet presion i padrejtë për çmimin e njohjes nga Serbia. Ndarja apo Dodik Republika janë të papërballueshme për Kosovën dhe stabilitetin e rajonit.

Si Kryeministër i Qeverisë së Kosovës besoj fuqishëm se çmimi për njohje është tregu dhe për këtë taksa duhet të jetë çmimi i njohjes.

Bashkësia ndërkombëtare po bën gabim që po insiston në çmim të papërballueshëm për Kosovën për njohje. Lidershipi Kosovar po bën gabim se nuk po e fuqizon legjitimitetin e vendimit për taksën ndaj Serbisë. Herët a vonë do ta kuptojmë se sa dëm i madh po i bëhet vendit me këtë mosunitet.

Kosova euro-atlantike është e interesuar për njohje reciproke në kufijtë ekzistues. Dialogu për njohje është edhe rruga për tregti të lirë me Serbinë. Kurrë nuk është vonë të jemi bashkë – tregu për njohje, e jo ndarja apo Republika e Dodikut.

Më lejoni të ju siguroj se: Taksa mbetet, Ushtria e Kosovës shkon para, Trepça është e gatshme për investime.

Pas kësaj dorëheqjeje MANDATIN IA KTHEJ POPULLIT. Sovrani të vendosë për udhëheqjen e ardhshme me zgjedhje të lira dhe demokratike.

I drejtohem Presidentit që në afatin kushtetues të kryejë konsultimet me partitë politike dhe t’i shpallë zgjedhjet e parakohshme.

Qeveria e vendit vazhdon të kryejë funksionet e veta pa lejuar vakuum qeveritar deri në Qeverinë e re të dalur nga zgjedhjet e lira dhe demokratike.

Menjëherë do t’i drejtohem me shkresa zyrtare për dorëheqjen e parevokueshme institucioneve të vendit dhe udhëheqësve të koalicionit qeverisës.

Do t’i shërbej me besnikëri, gjithë jetën, POPULLIT, ATDHEUT DHE SHTETIT TIM KOSOVËS! Faleminderit.

I juaji, Ramush Haradinaj

Ramush Haradinaj jep dorëheqjen

Kryeministri i Kosovës, Ramush Haradinaj, paraqiti dorëheqjen pasi ka marrë ftesë për t’u marrë në pyetje në Hagë.

Ai tha se është thirrur në Prokurorinë e Posaçme për krime lufte në Hagë ku do të paraqitet javën që vjen.

Zoti Haradinaj tha se nuk mund të lejonte që të paraqitej atje në cilësinë e kryeministrit dhe për këtë arsye ka paraqitur dorëheqje të pakthyeshme.

Në një letër drejtuar qytetarëve të Kosovës, zoti Haradinaj shkroi se “nderi Kryeministrit dhe Shtetit duhet të ruhet dhe unë nuk e poshtëroj asnjëherë. Në Hagë si Ramush Haradinaj do t’i dal përball shpifësve, ashtu si e kërkon nderi i luftëtarit shqiptar. Pastërtia ime dhe e luftës së UÇK-së, e konfirmuar nga dy aktgjykime nuk mund të njolloset nga askush dhe asnjëherë. Shteti im është Kosova, e paprekshme në multietnicitet, shumëgjuhësi, në territor e kufij”.

Ai shkroi më tutje se “Kosovës i bëhet presion i padrejtë për çmimin e njohjes nga Serbia. Ndarja apo Dodik Republika janë të papërballueshme për Kosovën dhe stabilitetin e rajonit. Si Kryeministër i Qeverisë së Kosovës besoj fuqishëm se çmimi për njohje është tregu dhe për këtë taksa duhet të jetë çmimi i njohjes. Bashkësia ndërkombëtare po bën gabim që po insiston në çmim të papërballueshëm për Kosovën për njohje. Lidershipi Kosovar po bën gabim se nuk po e fuqizon legjitimitetin e vendimit për taksën ndaj Serbisë. Herët a vonë do t’a kuptojmë se sa dëm i madh po i bëhet vendit me këtë mosunitet”.

Ai tha se tash i takon presidentit të vendit të marrë veprimet për ta çuar vendin në zgjedhjet e parakohshme.

Kjo është hera e dytë që zoti Haradinaj jep dorëheqje nga posti i kryeministrit. Ai dha dorëheqje nga posti i kryeministrit të vendit më 8 mars të vitit 2005 për t’u dorëzuar vullnetarisht në gjykatën për krime lufte ne hapësirat e ish Jugosllavisë, prokuroria e së cilës e akuzonte atë dhe dy bashkëluftëtarë të tij për krime lufte.

Procesi kundër zotit Haradinaj filloi më 5 mars të vitit 2007 dhe përfundoi në prill të vitit 2008 me pafajësinë e tij. Zoti Haradinaj u rikthye ne rigjykim të pjesshëm në korrik të vitit 2010, që ishte rasti i parë i atij lloji në veprimtarinë e Gjykatës Ndërkombëtare për Krime lufte në hapësirat e ish Jugosllavisë.

Më 29 nëntor të vitit 2012 ai sërish u shpall i pafajshëm.

Tani ai është zyrtari më i lartë i thirrur për t’u paraqitur në Hagë, ku deri tash janë ftuar dhjetëra ish pjesëtarë të Ushtrisë Çlirimtare të Kosovës.

Në fillim të muajit gusht të vitit 2015, parlamenti i Kosovës miratoi me shumicë votash ligjin për Gjykatën e Posaçme, që me emrat dhomat e specializuara, do të veprojë në Hagë, nën ligjet e Kosovës dhe me prokurorë e gjykatës ndërkombëtarë.

Ideja për themelimin e gjykatës pasoi hetimet e pretendimeve të të dërguarit të Këshillit të Evropës Dick Martty për trafikim organesh në Kosovë, përkatësisht përfshirjen e disa prej ish-drejtuesve të Ushtrisë Çlirimtare të Kosovës, në krime të luftës.

Hetimet kishin nxitur reagime dhe protesta ne Kosovë, ku pohohet se në këtë mënyrë po bëhet barazimi me mizoritë e forcave serbe gjatë luftës së viteve 1998 1999 që mori fund me ndërhyrjen e NATO-s.

 

Të nderuar qytetarë,

Dua të ju informoj se sot kam marrë këtë vendim:

Jap dorëheqje të parevokueshme nga detyra e Kryeministrit të Republikës së Kosovës dhe dua që të ju falemnderoj për besim dhe përkrahje. Arsyeja e këtij vendimi është se kam marrë thirrje të paraqitem për t’u marrë në pyetje nga Dhomat e Specializuara në Hagë si i dyshuar.

Qeveritë dhe pushtetet janë të ndërrueshme, jetojmë në demokraci.

Nderi i Kryeministrit dhe Shtetit duhet të ruhet dhe unë nuk e poshtroj asnjëherë. Në Hagë si Ramush Haradinaj do t’i dal përball shpifësve, ashtu si e kërkon nderi i luftëtarit shqiptar.

Pastërtia ime dhe e luftës së UÇK-së, e konfirmuar nga dy aktgjykime nuk mund të njolloset nga askush dhe asnjëherë.

Shteti im është Kosova, e paprekshme në multietnicitet, shumëgjuhësi, në territor e kufijë.

Kosovës i bëhet presion i padrejtë për çmimin e njohjes nga Serbia. Ndarja apo Dodik Republika janë të papërballueshme për Kosovën dhe stabilitetin e rajonit.

Si Kryeministër i Qeverisë së Kosovës besoj fuqishëm se çmimi për njohje është tregu dhe për këtë taksa duhet të jetë çmimi i njohjes.

Bashkësia ndërkombëtare po bën gabim që po insiston në çmim të papërballueshëm për Kosovën për njohje. Lidershipi Kosovar po bën gabim se nuk po e fuqizon legjitimitetin e vendimit për taksën ndaj Serbisë. Herët a vonë do ta kuptojmë se sa dëm i madh po i bëhet vendit me këtë mosunitet.

Kosova euro-atlantike është e interesuar për njohje reciproke në kufijtë ekzistues. Dialogu për njohje është edhe rruga për tregti të lirë me Serbinë. Kurrë nuk është vonë të jemi bashkë – tregu për njohje, e jo ndarja apo Republika e Dodikut.

Më lejoni të ju siguroj se: Taksa mbetet, Ushtria e Kosovës shkon para, Trepça është e gatshme për investime.

Pas kësaj dorëheqjeje MANDATIN IA KTHEJ POPULLIT. Sovrani të vendosë për udhëheqjen e ardhshme me zgjedhje të lira dhe demokratike.

I drejtohem Presidentit që në afatin kushtetues të kryejë konsultimet me partitë politike dhe t’i shpallë zgjedhjet e parakohshme.

Qeveria e vendit vazhdon të kryejë funksionet e veta pa lejuar vakuum qeveritar deri në Qeverinë e re të dalur nga zgjedhjet e lira dhe demokratike.

Menjëherë do t’i drejtohem me shkresa zyrtare për dorëheqjen e parevokueshme institucioneve të vendit dhe udhëheqësve të koalicionit qeverisës.

Do t’i shërbej me besnikëri, gjithë jetën, POPULLIT, ATDHEUT DHE SHTETIT TIM KOSOVËS! Faleminderit.

I juaji,
Ramush Haradinaj

Nis boshatisja e Teatrit Kombëtar, aktorëve u ndalohet hyrja. Regjisori Edmond Budina qëndron përballë derës kryesore

ANILA DEDAJ/ Nuk janë regjisorë e as artistë, vizitorët që shkyçën ditën e djeshme dyert e Teatrit Kombëtar preferojnë të mos tregojnë se kush i sjell.

Shumica janë gra, është bërë tipike tanimë që në “ballinë” të situatave që ngjallin reagime të forta të shohim figurën femërore. E mohojnë se janë duke paketuar e zhvendosur objektet e Teatrit, por artistë e aktivistë të Shoqërisë Civile që kanë mbërritur më herët në agore, sepse të hyjnë brenda godinës as ata dhe as media nuk lejohen, tregojnë se nëse do të ishin vonuar edhe disa minuta, ndoshta sendet e zhvendosura do të ishin më të shumta.

Një makinë civile duket se ka ndihmuar në procesin e boshatisjes. Edhe pse disa prej objekteve i shohim të braktisura nxitimthi në oborrin e Teatrit (artistët kujdesen që të mos bien në duar të gabuara), punonjësit mohojnë vazhdimisht: “Nuk kemi asnjë urdhër, as nuk kemi paketuar e as kemi zhvendosur”. Duken të trembur, ata për fatin e tyre nëse thonë diçka që nuk duhet dhe të tjerët për fatin e Teatrit.

Edhe pse akuzat e para i shkojnë Ministrisë së Kulturës, kjo e fundit mohon të ketë gisht. Situata është e ngjashme me atë të heqjes së germave, askush nuk merr përgjegjësi, askush nuk përgjigjet e mbi të gjitha, përsëri nuk ka një shkresë, një urdhër zyrtar. Disa nga punonjëset nxitojnë të kyçin dyert, ndërsa brenda vijon “të punohet”.

“Asgjë nuk po ndodh, po bëjmë disa rregullime të sendeve”, thotë njëra prej tyre dhe largohet disi e ndrojtur, jo nga mediat, sa nga artistët që janë aty, jo të panjohur edhe për të. Regjisori Edmond Budina qëndron përballë derës kryesore.

Ai sillet miqësisht me ta, përpiqet të kuptojë. “Nuk kanë faj, ashtu i kanë urdhëruar”, thotë. Në duar mban dy objekte të rekuizitës. “Këtë e kam përdorur te ‘Luiza Miller’…”, rrëfen duke treguar një nga objektet. Emocionohet. Është një nga shfaqjet, së cilës si shumë të tjerave në këtë godinë i është dedikuar me shpirt.

Tregon se e prek, po edhe e revolton mënyra se si po bastiset Teatri, se si po braktisen copëza nga historia e tij, si të mos kishin asnjë vlerë. “Këto i ngrita unë, ishin përtokë. Dy shpata i ka Kastrioti”, shton regjisori.

Ndërkaq, askush nuk e lejon të bëjë hapa në brendësi të godinës, ku ka punuar prej më shumë se 2 dekadash, që prej ’74-ës. Edhe pse u mëshon vlerave historike e kulturore të këtij objekti, natyrshëm del në pah lidhja shpirtërore e artistit me Teatrin. Duket gati si një i afërm i shqetësuar, për një të sëmurë lënë në duart e mjekëve rastësorë, që pak duan t’ia dinë për betimin e Hipokratit.

Dera e jeshiltë e pengon të shikojë se ç’po ndodh. “Është po e njëjta qëkur për herë të parë nisa të punoja në këtë Teatër. Është pjesë e asaj arkitekture të jashtëzakonshme, që në fakt nuk u ndërtua sipas tekave të Giulio Bertes, por sipas dizenjimit që bëri piktori i famshëm italian, Giorgio de Chirico. Kështu që kjo arkitekturë, kjo derë si pjesë e saj ka një vlerë, është e vetme në llojin e vet dhe ne duam ta shkatërrojmë.

Këtu hyn në mes kriminaliteti, interesat e vogla të politikanëve dhe mafies shqiptare, pasi ky truall vlen shumë e me të duan të pastrojnë paratë e pista”, shprehet Budina për mediat. Artistëve iu është ndaluar të hyjnë në Teatrin Kombëtar edhe para ngjarjes së djeshme.

Ndoshta dikush mund të thoshte se gjendja kritike, fillimisht 99% e parikonstruktueshme (e më pas 90%, shifër më e besueshme), mund të rrezikonte jetën e tyre. Por ajo e punonjësve të ngarkuar “për të bërë rregullime” apo e aktorëve që kanë bërë prova për shfaqje edhe pas vendosjes së drynit, me siguri që nuk vlen më pak. “Desha të bëj një intervistë para pak kohësh dhe nuk më dhanë leje për të xhiruar në skenën ku unë u rrita.

Ky teatër është dëshmi e shkeljeve të mëdha ligjore që bëhen në këtë vend. Presidenti e ktheu ligjin special për dy herë radhazi, atëherë përse duhet ta shkatërrojnë?! Më vjen keq edhe për ata socialistë, që në radhë të parë duhet të mendojnë për kulturën”, thotë Budina.

Më herët, artistët e pranishëm kanë mundur të vërejnë e fotografojnë objekte të paketuara dhe ky akt, sipas tyre, rrëfen vetë lakminë e rizgjuar të pushtetarëve.

Regjisori Kastriot Çipi u bëri dje thirrje bizneseve që të mundësojnë monitorimin e kësaj godine për 24 orë, pasi sipas tij, Teatri gjatë këtyre ditëve mund të preket nga ndonjë zjarr rastësor apo incident tjetër.

Rasti i vëllezërve Bytyçi “duhet t’i përcaktojë” marrëdhëniet SHBA-Serbi

Komiteti për Punë të Jashtme i Kongresit të Shteteve të Bashkuara miratoi një rezolutë, me të cilën i bëhet thirrje Serbisë që të sjellë para drejtësisë vrasësit e tre vëllezërve Bytyçi, shtetas amerikanë, me prejardhje nga Kosova.

Në rezolutë po ashtu thuhet se përparimi në zgjidhjen e këtij rasti “do të duhej të ishte faktor i rëndësishëm që përcakton zhvillimin e mëtejshëm të marrëdhënieve SHBA-Serbi”.

“Shtetet e Bashkuara duhet t’iu kushtojnë vëmendje përpjekjeve të Qeverisë së Serbisë dhe ministrave të saj përkatës, si dhe zyrtarëve të tjerë, të cilët po ndërmarrin hapa për të hetuar dhe ndjekur penalisht personat që besohet se janë përgjegjës për vrasjen e vëllezërve Bytyçi. Përparimi në zgjidhjen e këtij rasti, ose mungesa e vullnetit, duhet të jenë faktor i rëndësishëm në përcaktimin e zhvillimit të ardhshëm të marrëdhënieve midis SHBA-së dhe Serbisë”, thuhet në dokument.

Vëllezërit Agron, Mehmet dhe Yll Bytyçi janë arrestuar në vitin 1999 në Serbi, për shkak të, siç kanë thënë zyrtarët serbë, kalimit të paligjshëm të kufirit.

Ata janë liruar nga burgu pasi janë dënuar dhe më pas janë vrarë. Trupat e tyre janë gjetur në një varr masiv, pranë Petrovo Sellos në lindje të Serbisë, në vitin 2001.

Dy policë të akuzuar për ndihmë në likuidimin e vëllezërve Bytyçi, Sreten Popoviq dhe Millosh Stojanoviq, janë shpallur të pafajshëm me vendim të Gjykatës së Lartë në Beograd për krime lufte.

Gjykata ka thënë se nuk ka prova për përfshirjen e tyre në vrasjet e kryera në korrik të vitit 1999.

“Është e papranueshme që asnjë person nuk është gjetur fajtor për ekzekutimin e vëllezërve Bytyçi apo ndonjë krim tjetër që lidhet me vdekjen e tyre dhe që askush nuk përballet me akuza për këtë krim”, thuhet në rezolutën amerikane.

“Qeveria e Serbisë dhe ministritë dhe zyrat e saj përkatëse, përfshirë edhe Prokurorinë për Krime Lufte të Serbisë, duhet ta vënë prioritet hetimin dhe ndjekjen penale të zyrtarëve që besohet se janë përgjegjës për këto vdekje”, thuhet po ashtu në rezolutë.

Duke shpjeguar arsyet përse vëmendja duhet përqendruar në këtë rast, teksti i rezolutës përmend zyrtarë të Republikës Federale të Jugosllavisë, që nga koha e luftës në Kosovë, të cilët ose janë dënuar për krime lufte përpara Tribunalit të Hagës, ose kanë vdekur.

Në rezolutë po ashtu thuhet se Goran Radosavleviq Guri, ish-komandant i xhandarmërisë serbe, punon si këshilltar për një kompani në Beograd dhe se është “anëtar i shquar” i partisë në pushtet [Partisë Përparimtare Serbe].

Rezoluta e njëjtë është miratuar nga Komiteti për Punë të Jashtme edhe një vit më parë, por duhej të kthehej pasi sesioni i ri i Kongresit ka nisur në fillim të vitit 2019.

Edhe kryetari i këtij komiteti, Eliot Engel, iu ka bërë thirrje autoriteteve në Serbi që sa më parë të zgjidhin rastin e vëllezërve Bytyçi.

Në një intervistë për Radion Evropa e Lirë, më 4 korrik, Engel ka thënë se e inkurajon presidentin e Serbisë, Aleksandër Vuçiq, sepse “vetëm ai mund të bëjë ndonjë lëvizje”.

Përgatiti: Valona Tela

Më 17 korrik 1954 lindi Angela Merkel, Kancelarja Federale e Gjermanisë

Angela Dorothea Merkel (mbiemri i vajzërisë: Kasner; shqiptimi: Angela Dorotea Merkël) lindi më 17 korrik 1954 në Hamburg, Gjermani. Është politikane gjermane. Angela Merkel që nga 22 nëntori 2005 është Kancelarja Federale e Gjermanisë. Që nga 10 prilli 2000 është kryetarja e Unionit Demokristian të Gjermanisë(CDU).

Jeta e hershme

Merkel u lind Angela Dorothea Kasner në vitin 1954 në Hamburg të Gjermanisë Perëndimore, e bija e Horst Kasner (1926-2011), një vendas i Berlinit, dhe gruaja e tij Herlind, e lindur në vitin 1928 në Danzig (tani Gdańsk, Poloni) si Herlind Jentzsch, një mësuese e gjuhës angleze dhe latine. Nëna e saj ishte e bija e politikanit Danzig Willi Jentzsch dhe mbesa e nëpunësit të qytetit të Elbing (tani Elbląg, Poloni) Emil DRANGE. Feja ka luajtur një rol kyç në migrim e Angela Merkel në Gjermaninë Lindore. Babai i saj ka lindur një katolik, por familja Kasner u konvertua përfundimisht në Lutheranism, ai ka studiuar teologji Lutheran në Heidelberg dhe më pas në Hamburg. Në vitin 1954, babai i Angelas mori detyrën e pastoratit në kishën në Quitzow (afër Perleberg në Brandenburg), e cila atëherë ishte në Gjermaninë Lindore dhe familja resultingly u zhvendos në Templin. Kështu Merkel u rrit në fshat 80 km (50 mi) në veri të Berlinit Lindor.

Kancelarja e Gjermanisë (2005-sot)

Më 22 nëntor 2005, Merkel mori detyrën e kancelares së Gjermanisë pas bllokimit të zgjedhjeve që rezultoi në një koalicion të madh me SPD. Partia e saj u rizgjodh në vitin 2009 për shkak të rritjes së numrit të vendeve dhe mund të formonin një koalicion qeverisës me FDP. Në zgjedhjet e shtatorit 2013 partitë CDU / CSU doli si fituese, por formoi një koalicion të madh me SPD për shkak të dështimit të FDP-së për të marrë minimumin e 5% të votave të nevojshme për të hyrë në parlament.

Angela Merkel përvec që është kancelare e shtetit Gjerman ajo luan rol të rëndësishëm në politiken Europiane prandaj me 31 Dhejtor 2014 u zgjodh personi i vitit nga revista prestigjijoze NEW YORK TIMES.Angela Merkel mban lidhje të forta me shtetet fqinje por edhe me gjer. Angela Merkel bën pjesë në grupin e liderve më me ndikim në botë. Gjatë udhëqjes së saj shumë gjëra ndryshuan në favor të shtetit Gjerman si rritja e ekonomisë, hapja e shum vendeve të punës, përparim në reformat shëndetësore. (Wikipedia)