Doris Leuthard (lindur më 10 prill 1963) është një politikane dhe juriste zvicerane, e cila shërbeu si Anëtare e Këshillit Federal të Zvicrës nga viti 2006 deri më 2018. Anëtare e Partisë Popullore Kristiane (CVP), ajo u zgjodh Presidente e Konfederata Zvicerane për 2010 dhe 2017. Leuthard drejtoi Departamentin Federal të Çështjeve Ekonomike deri në vitin 2010, kur u bë drejtuese e Departamentit Federal të Mjedisit, Transportit, Energjisë dhe Komunikacioneve. Që nga 19 dhjetori 2019 ajo është anëtare e bordit të Fondacionit Kofi Annan.

Biografia

Leuthard ishte anëtare Këshillit Kombëtar Zviceran nga viti 1999 deri në vitin 2006 për kantonin e Aargaut. Ajo kryesoi Partinë Popullore Kristiane nga viti 2004 deri në vitin 2006. Pas dorëheqjes së Joseph Deiss nga Këshilli Federal i Zvicrës, Doris Leuthard (Doris Lojtard) u zgjodh si pasardhëse e tij më 14 qershor 2006. Ajo mori 133 nga 234 vota të vlefshme për t’u bërë Këshilltarja e 109-të Federale. Ajo është gruaja e pestë e zgjedhur në Këshillin Federal. Zgjedhja e saj përfaqësonte një largim nga një precedent i gjatë i zëvendësimit të një anëtari të Këshillit Federal me dikë nga i njëjti grup gjuhësor. Ndërsa Deiss ishte një folës francez, Leuthard është një folëse gjermane.

2017 Këshilli Federal i Zvicrës

Nga 1 gusht 2006 deri më 31 tetor 2010, ajo ishte drejtuese e Departamentit Federal të Çështjeve Ekonomike. Më 1 nëntor 2010 ajo u bë drejtuese e Departamentit Federal të Mjedisit, Transportit, Energjisë dhe Komunikimeve, duke pasuar Moritz Leuenberger. Për vitin kalendarik 2009, Leuthard u zgjodh Zëvendës Presidente e Konfederatës Zvicerane, duke siguruar praktikisht zgjedhjen e saj si Presidente e Konfederatës për vitin kalendarik 2010.

Ajo u zgjodh Presidente e Konfederatës edhe për vitin 2017. Ajo u bë gruaja e tretë që mban këtë post, pas Ruth Dreifuss (1999) dhe Micheline Calmy-Rey (2007). Si Presidente e Konfederatës, Leuthard kryesoi mbledhjet e Këshillit Federal dhe kryente funksione përfaqësuese që normalisht do të trajtoheshin nga një kryetar shteti në demokracitë e tjera (edhe pse në Zvicër, Këshilli Federal në tërësi konsiderohet si kreu i shtetit ). Ajo ishte gjithashtu zyrtarja më e lartë në rendin zviceran të përparësisë dhe kishte fuqinë të vepronte në emër të të gjithë Këshillit Federal në situata emergjente. Megjithatë, në shumicën e rasteve, Leuthard ishte thjesht primus inter pares, pa fuqi mbi dhe përtej gjashtë kolegëve të saj.

Ajo u pasua nga Calmy-Rey në vitin 2011, hera e parë që dy gra mbajtën postin radhazi. Pas një riorganizimi të portofoleve pas zgjedhjes së dyfishtë të dy Këshilltarëve të rinj Federalë më 2010, Leuthard zëvendësoi Moritz Leuenberger në largim në krye të Departamentit Federal të Mjedisit, Transportit, Energjisë dhe Komunikimeve. Në cilësinë e saj si ministre, ajo u emërua nga Sekretari i Përgjithshëm i Kombeve të Bashkuara António Guterres në vitin 2018 në Panelin e Nivelit të Lartë për Bashkëpunimin Dixhital, i bashkëkryesuar nga Melinda Gates dhe Jack Ma.

Projekti SAFFA 2020 është nën patronazhin e tre Këshilltarëve Federalë: Leuthard, Simonetta Sommaruga dhe Eveline Widmer-Schlumpf, si dhe nga ish-këshilltarja federale Calmy-Rey. Wikipedia/Elida Buçpapaj