VOAL

Malli për Atdhe- Poezi nga XHEVDET DËSHNICA

November 29, 2023

Në dhe të huaj po e shkoj jetën

sado natyrës i shoh stoli,

zemra e fjalët të shkreta mbetën,

se jam larg teje o mëmë Shqipëri!

Sado pranvera vjen çdo mëngjes,

i fshehur këndon bilbili

e zbukurohet dheu përrreth,

ndihem pa ty i vetëm fill.

Pyes dallëndyshet,kur ajrin çajnë:

A e kanë parë vëndin tim

asnjë përgjigje. Ikën fluturim.

O vise të bekuar jetën më falët,

nga malli i thellë më zu lëngimi,

shpresa t’iu shoh, nuk po më ndahet.

i mjeri, mos tretem sa të vij agimi?

Nga bijtë e tu, o Shqipëri!

Kush gjuhën s’flet. Zakone e besë,

djepin harron. Mos pastë ondi!

Në dhe të huaj, do tretej si vesë…

Tek ty dikur më ka rënë koka,

nuk kam veç teje as mëm as at,

më thërret qielli në ato toka,

do vij të vdes pranë gurit të thatë.

Volos, Greqi, prill 1927

Fjalë kyçe: Xhevdet Dëshnica