VOAL – Karolina Kurkova e veshur total me të bardha dhe me aksesorë në ngjyra neutrale. Ky është stili i saj urban.
Stili i një modeleje që e shihni duke ecur në rrugët e Miami-t dhe që ju frymëzon ta imitoni. Ia vlen. Po ta shihni me vemendje ajo must have – duhet të ketë patjetër të zgjedhur një këmishë të bardhë – një palë xhinse të tipit skinny jeans dhe pumps me dekolte, dmth të hapura dhe me takë të hollë. Patjetër po ashtu duhet të mbajë një palë syze dielli tip flutur. Ajo ka zgjedhur kësisoj një white mood për t’u ndjerë top./EB
16 Finalistet e Miss Germany do të vishen me kreacionet e kreatores shqiptare, Flora Suldashi dhe do të fascinojnë publikun elitar gjerman me veshje moderne, me bukurinë e tyre dhe programin e përgatitur nga profesionalistë të korporatës Miss Germany.
Finalja mbahet sipas traditës 40 vjeçare në Europapark -(zonën turistike), në prani të afër 2500 mysafirëve dhe shumë mediave gjermane. Kujtojmë se koorporata Miss Germany është koorporatë 90 vjeçare dhe se bashkëpunimi i Flora Suldashit me këtë koorporatë vazhdon tash 7-8 vjet. Me këtë Flora dëshmon lojalitetin dhe profesionalizmin dhe vendos themelet për një traditë të re.
Për Bota Sot, Flora tregon se vajzat do të prezentojnë dy vija të modës të brendit të saj “Flora S” në hapje me kostume të femrave (të prodhuara në Kosovë) dhe në mbylljen e programit me fustana artistik, të gjithë unikat. Finalja mbahet me datën 15.02 dhe mund të përcillet drejtpërdrejtë në Youtube dhe Facebook.
Dikur gjërat e brendshme në artin e së bukurës shikoheshin “tabu”apo flinin me një portë të mbyllur në shpirt. Sot kjo mënyrë arti shfaqet kaq me univers si aspekt të personalitetit tonë .Në brendësi natyrisht të gjithë duan të vishen komod por ekziston dicka natyrale e lindur që vetëm njerzit me shije të hollë paksa të veçantë arrijnë ta kapin ,qoftë edhe me veshje aspak të kushtueshme po të zgjedhura me shumë klas dhe etikë.Kjo “emblemë”për të bukurën krijon atë relatë që çdo njeri ka me veten dhe ambjentin se çfarë përcjell.Duke u ndalur në veshjet sportive ,moderne,apo biznesi arrin të kapet ajo pjesë poseduese e personalitetit si një transmetim në mungesa apo siguri në përditshmërinë e gjithë secilit.Natyrisht kur shikojmë një veshje tek një njeri i caktuar nuk mund të themi se çlloj njeriu është dhe se çfarë përfaqson se ndryshe do të ishim sipërfaqësorë dhe të cekët.Megjithatë arrijmë të themi se kjo veshje e caktuar lidhet shumë me personalitetin e personit .Kur flasim për pamjen e jashtme themi se çfarë kujdesi ka ky njeri për paraqitjen,formën fizike,kujdesin shëndetsor etj që arrijnë të nënkuptojmë një personalitet me etikë e vlera.Ky respekt për vetveten sjell automatikisht një pjekuri dhe energji pozitive dhe për njerëzit rreth e qark. Pra shija e hollë,përvoja imediate,bonsesi,inteligjenca në çdo sens krijon atë stil unik,një pamje të një rituali të përditshëm komod ku arrihen premisa për të zbuluar një personalitet në rritje.Kjo pikë e fortë, sharmi,karakteri kreativ përbëjnë një tërësi individësh të një shoqërie të kuruar ,orgjinale deri në sadisfaksion…
Stilisti me famë botërore Karl Lagerfeld, ka vdekur sot në moshën 85 vjeçare.
E përditshmja angleze “Guardian” shkruan se Lagerfeld, i cili ishte kryefjala e shtëpisë së modës Chanel, nuk ndihej mirë me shëndet për çka ishte dërguar në spitalin e Parisit, ku dhe ka vdekur mëngjesin e sotëm.
Në janar të këtij viti, ai nuk ishte i pranishëm në revynë e markës së tij në Javën e Modës në Paris, sepse “ndihej i lodhur”.
Lagerfeld kishte një stil të veçantë të veshjes ndërsa ishte ndër emrat kryesorë të botës së modës të shekullit të 20-të.
Përveç që dizajnoi për Chanel, ai është i njohur edhe për markën që mbante emri e tij.
Lagerfeld ka lindur në Hamburg në Gjermanisë në vitin 1933, nga ku në vitin 1954 u shpëngul në Paris. Një vit më vonë, bëhet asistent i Pierre Balmain, ku dhe bën hapat e parë në botën e modës.
Në Chanel filloi të punojë në vitin 1983.
Gjatë karrierës së tij ka bashkëpunuar edhe me shumë shtëpi të modës, përfshirë Chloe dhe Fendi.
Evenimenti do të mbahet si pjesë e edicionit të 19-të të Shfaqjes Ndërkombëtare Saudite të Dasmave
RIAD – Në qytetin lindor të Arabisë Saudite Xhide do të organizohet shfaqja e parë e modës për gra në këtë vend.
Evenimenti organizohet si pjesë e edicionit të 19-të të Shfaqjes Ndërkombëtare Saudite të Dasmave, që sponsorizohet nga Princesha Moudi bint Nasser Al Saud, njofton e përditshmja saudite Okaz.
“Gratë saudite dëshirojnë të punojnë lirshëm në vendin e tyre”, tha për AA modelisti saudit Ghadir Afghani.
“Në të kaluarën, shfaqjet e modës nuk mbaheshin në publik. Por kjo nuk do të ndodh më”, tha Afghani.
“Bota e modës furnizon thelbësisht gratë, gjë që na nxiti të mbanim evenimentet tona të mëparshme jashtë Arabisë Saudite. Por tani ne jemi duke planifikuar aktivisht evenimentet brenda mbretërisë”, shtoi modelisti, i cili ka marrë pjesë në shfaqje të shumta të modës jashtë shtetit.
Sipas drejtorit të evenimentit, Darine Kabbouch, tregu saudit i dasmave është një nga më të pasurit në botë, në të cilën sauditët e pasur paguajnë shuma të mëdha për ceremonitë dhe ahengjet e dasmave.
Në shfaqjen treditore në Xhide do të marrin pjesë 160 kompani vendase dhe ndërkombëtare të specializuara në modë, kozmetikë dhe bizhuteri.
Pas blerjes së një shtëpie, blerja e një makine është një nga investimet më të mëdha të jetës. 50% e njerëzve që duan të blejnë një makinë nuk e kanë akoma idenë se çfarë makine duan.
1 – Dera tregon shumë
Mos e zgjidhni një makinë vetëm nga pamja e saj, hidhini një sy detajeve. Kushtojini vëmendje derës dhe dorezës së saj. Hapeni, mbylleni dhe provojeni përsëri. Provoni nëse dora juaj ndjehet rehat me dorezën.
2 – Fikni radion
Çdo konsultues shitjesh do të kërkojë t’ju impresionojë juve me sistemin e audios në makinë. Por ju duhet ta shkëpusni vëmendjen nga radio dhe të përqendroheni tek vetë makina dhe rehatinë që ajo ofron. Kushtojini vëmendje zhurmës së motorit, dhe jo zhurmës së radios.
3 – Mos lejoni që shitësi t’ju çojë nga rruga që ai do
Kur shitësi i makinës ulet në vendin e pasagjerit, ka gjithnjë tendencën t’ju çojë në rrugën që ai do kur provoni makinën. Rrugë të veçanta mund të tregojnë anë të panjohura të makinës, kështu që provojeni në terrene të ndryshme.
4 – Shkoni në dyqan ushqimor
Njerëzit jo gjithnjë e kanë idenë se sa e madhe është një makinë derisa ata shkojnë të bëjnë pazar në një dyqan ushqimoresh. Nëse makina juaj nxë mjaftueshëm nga sa ju blini kur bëni pazar atëherë është gjë e mirë.
5 – Mos e ngisni vetëm
Disa tregtarë janë më të lumtur kur e ngisni vetë ju makinën, por konsulentët e shitjes besojnë se kur shitësin e ke në vendin e pasagjerit është më mirë. Sepse ata janë aty gjithnjë për t’iu përgjigjur pyetjeve që ju dalin gjatë kohës që ngisni makinën.
6 – Kaloni dhe në sediljet e prapme
Ju që jeni shofer mbase nuk do të kaloni shumë kohë në sedijen e pasme, por kjo nuk vlen për familjarët dhe miqtë tuaj. Sigurohuni që është e rehatshme, me hapësirë të mjaftueshme për këmbët dhe kokën.
7 – Zgjidhni makinën me modelin e preferuar të teknologjisë
Modelet e makinave variojnë në çmim edhe në bazë të teknologjisë që ka në brendësi. Madje njerëzit kanë preferenca të ndryshme edhe në tapiceri. Disa nuk u pëlqen lëkura, pasi ndikon në mënyrën e tyre të ngarjes së makinës. Nëse një tregtar nuk e ka makinën siç e dëshironi, gjeni një tjetër.
8 – Bëni një xhiro natën
Ndryshimi mes të ngarit makinën gjatë ditës dhe natës është i madh. Gjatë natës, vihet më në përdorim teknologjia që ka makina brenda, me dritat që ndizen dhe opsionet e tjera që nxjerrin më në pah efektet teknologjike të makinës.
9 – Provimi 1-ditor
Disa tregtarë i lejojnë klientët e tyre ta marrin makinën për një ditë për ta provuar se si mund të ndjehen me makinën kur bëhet pjesë e përditshmërisë së tyre. Provoni a përballoni dot çmimet e naftës, a pështatet me garazhin tuaj, dhe a arrin të mbajë gjërat që doni të fusni në të.
10 – Mos flisni për çmimin
Shitësit gjithnjë përpiqen që të dalin mbi atë çka ju thoni duke folur për çmimet apo zbritjet. Ju duhet të jeni më të shqetësuar për mënyrën se si funksionon makina. Ju duhet gjithnjë të thoni: “Flasim më vonë për çmimin, le të shohim si është makina”./dita
Nëse keni në plan një prerje flokësh, Zurihi asnjëherë nuk është vendi që duhet ta bëni këtë.Një analizë e bërë për shtetet në të cilat kushton më së shumti dhe më së paku prerja e flokëve, Zurihi qëndron e para me një çmim prej 62 dollarësh.
Ndërsa në mesin e shteteve që kanë çmim të lartë për prerjen e flokëve qëndron edhe Oslo, Norvegji (48.10 dollarë), Kopenhaga, Danimarkë (45.10 dollarë) e kështu me radhë.
Por, nëse prerja e flokëve në këto vende nuk është ide e mirë – të jesh frizer – mbase do të jetë shumë fitimprurëse.Më poshtë, e keni grafikun të cilin e ka publikuar “BusinessInsider”, të shihni çmimet në të gjitha vendet.
Vizitorët kanë rastin të shohin të gjitha veshjet e saj të cilat i ka mbajtur që nga paraqitja e saj e parë në opinion dhe për të cilat dallohej princesha Diana
LONDËR – Ekspozita e rrobave, të cilat ishte ish-gruaja e princit Charles, princesha Diana i kishte veshur që nga hyrja në pallatin mbretëror deri në vdekjen e saj në vitin 1997, u hap sot në Londër.
Nën emrin “Diana, rrëfimi i saj i modës”, në pallatin Kensington Palace u hap ekspozita, ku princesha kishte qëndruar për më shumë se 15 vite.
Vizitorët kanë rastin të shohin të gjitha veshjet e saj të cilat i ka mbajtur që nga paraqitja e saj e parë në opinion dhe për të cilat dallohej princesha Diana. Vendosja kronologjike e ekspozitës në një mënyrë paraqet shprehjen e modës, por edhe transformimin e stilit të princeshës me kalimin e kohës.
Kjo është ekspozita e parë e rrobave që ka veshur princesha Diana, kurse vizitorët dy dekada pas vdekjes së saj kanë rastin të shohin veshjet dhe kostumet të cilat i ka mbajtur çdo ditë, por edhe ato me të cilat është paraqitur në ceremonitë e rëndësishme.
Në mesin e rrobave të ekspozuara është edhe kombinimi që ajo kishte veshur gjatë vallëzimit me aktorin John Travolta në Shtëpinë e Bardhë.
Ekspozita do të jetë e hapur deri në mars të vitit 2018.
Princesha Diana në vitin 1996 u divorcua nga princi Charles, dhe një vit më vonë humbi jetën në një aksident trafiku në Francë. aa
Voal – Kush e ka ndjekur ceremoninë e martesës të çiftit mbretëror, patjetër ka mbetur i mrekulluar nga fustanet që mbajti Princesha Elia Zogu. Kreatoret që krijuan fustanët e saj ishin Blerina Kollokoqi Rugova, nusja e Mendim Rugovës, birit të të Ibrahim Rugovës dhe fustanin e dytë e ka krijuar kreatorja e modës zonja Flora Suldashi e cila tregon për Voal si më poshtë:
Ka qenë kreatorja e modës, Flora Suldashi,ajo që ka krijuar fustanin e dytë për Prindeshën Elia Zogu. Zonja Suldashi tregon për Voal se fustanin ajo e ka punuar në bashkëpunim të ngushtë me Princeshen. Koha e punes ka zgjatur mbi 3 muaj dhe për çdo detaj ato janë konsultur paraprakisht.
“Kam percjellë me besnikeri deshirën e Princeshes, per çdo hollësi”, tregon Flora, “fustani ka edhe vellon 3 metra te gjate,punuar gjithçka me dore. Më vonë do te realizohen foto te reja ….”
“Koncepti ishte një dekolte e mbyllur deri ne fyt, menge te gjata qe te respektohen te gjitha fete, stil klasik me karakter serioz, forma A qe simbolizon piramide bazament te paluhatshem, elegance mbreterore dhe model qe edhe pas 20 viteve eshte aktual. Ndërsa shtofa është e rende qe mos ta marrë era …..
Stilizimi: mbi 1500 perla te ujerave te embela ne madhesi 3 mm te qendisura me dore dhe qindra kristale swarovski me madhesi 3 mm te qendisura me dore, kristalet simbolizojne pikat e veses ujin,perlat po ashtu jane te firmes Swarovski
Stofi eshte nga Fabrika qe prodhon shtofa mendafshi per monarkine e Anglise, u prodhua ne atelienë Flora S ne Hamburg
Me ketë markë stofi eshte veshur edhe Liz Tejlor ne martesen me Richard Barton dhe dukesha Keti e Princit William. Gjate provave kemi pas sugjerime nga Yllka Muji. Qendisja e perlave është bërë Elita Suldashi.”
“Ajo që më ka lënë mbresë”, vazhdon kreatorja e fustanit mbretëror, ështe se Elia si artiste ka nje shije te holle dhe din ku me prek….bukurine e fsheh ne modesti si ne fustan….dhe une me Elian kemi pasur shume gjuhe te perbashket dhe durim…. Fustani mbetet relik ne arkivin e Monarkise. Është interesant edhe ky detaj se fustani eshte realizuar ne fshehtesi te plote dhe e ka pare vetem nje personel shumë i ngushtë”, përfundon zonja Flora Suldashi, kreatorja e fustanit të Princeshës Elia Zogu, për voal.ch.
Voal mund të thotë se fustanët e princeshës Elia ishin një mrekulli artistike, vepra të mirëfillta arti që mbajnë firmën e stilisteve shqiptare!
Stilistja Blerina Kllokoqi – Rugova ka arritur një marrëveshje sot me Rita Orën në Romë që ta vesh atë në disa prej eventeve që këngëtarja merr pjesë.
Një burim i ka thënë Expressit se Rita tani do të veshë edhe fustane që do të dizajnohen enkas nga Blerina për të. Mbetet të shihet se si do të duket tani ajo në stilin e Blerinës.
Cilat janë 20 të thënat më të famshme, të legjendës së modës Iris Apfel, e cila nga viti 1950 deri më 1992 ka qenë pjesë e projekteve të restaurimeve përfshi punë në Shtëpinë e Bardhë për nëntë presidentë Amerikanë nga Truman, Eisenhower, Kennedy, Johnson, Nixon, Ford, Carter, Reagan deri tek Clinton. Është e datëlindjes 1921 dhe hebreje. Shumë gra të zakonshme që kanë ndryshuar botën e modës kanë marrë patjetër këshilla dhe fraza kult nga kjo Ikonë dhe Mbretëreshë e Manhattan-it
Po si është e mundur që Iris Apfel i mbijeton konkurrencës të Modës edhe në moshën 94 vjeçare, ajo i mbush 95 vjet në 29 gusht të këtij viti dhe vijon të mbetet Mbretëresha e Upper East Side, ndoshta një nga gratë e fundit të universit të modës e armatosur me një universitet urtësisht dhe njohurish që vijojnë ta mbajnë të pakonsumuar këtë fashion icon – ikonë të planetit modë. Filozofia e Iris Apfel dhe motoja e jetës të saj është : «jeto dhe leri edhe të tjerët të jetojnë’ .
Iris Apfel ka lindur me emrin e Iris Barrel më 29 gushtin e vitit 1921 në Queens nga baba amerikan dhe nënë ruse, ajo studjon për histori arti në New York University dhe në atë të Wisconsin. Më 1948 martohet me Carl Apfel, që iku nga kjo botë në gushtin e 2015, në moshën 101 vjeçare pas 67 vitesh martesë, me të cilin ajo themelon më 1950 Old World Weavers, industri dizajni dhe tekstilesh, e cila u mbyll më 1992 në majën e suksesit duke punuar për Shtëpinë e Bardhë dhe 9 presidentë të SHBA.
Filozofinë e suksesit të saj e kemi grumbulluar në 20 fraza që janë si leksion i jetës dhe suksesit të Iris Apfel:
1. «Kur ju nuk visheni si të gjithë të tjerët as nuk duhet të mendoni si gjithë të tjerët».
2. «Nëse nuk e njeh vetveten nuk mundesh kurrë të krijosh stilin tënd. Kjo do të thotë që të mos jesh kurrë e gjallë. Për mua hapi më i gabuar i atyre që merren me modë është kur ato shihen në pasqyrë dhe nuk e njohin veten».
3. «Unë nuk shoh ndonjë gjë në mënyrë të gabuar tek një rrudhë. Kjo është një lloj simbol i guximit».
4. «Nuk jam e bukur dhe nuk do të jem kurrë, dhe nuk çaj krye aspak sepse por posedoj diçka shumë më të mirë: stilin».
5. «Për të jetuar si newyorkese dy gjërat më të rëndësishme për një grua janë: të ngasë makinën dhe të ketë një pallto të ngrohtë të foderuar me peliçe».
6. «Mund të blesh rroba të modës të fundit, por stili është diçka që e ke gjithnjë me vete».
7. «Nëse je e krehur mirë dhe mban veshur një palë këpucë të mira, mund t’ia dalësh mbanë në çdo situatë».
8. «Nuk ka libër rregullash për stilin, duhet të shprehësh vetveten dhe mbi të gjitha të mbash një qendrim personal».
9. «Nuk vishem që të ndihem e vëzhguar, vishem për veten time».
10. «Nëse nuk je e interesuar, nuk je as interesante».
11. «Në jetë gjithmonë duhet të provosh, sepse ke një udhëtim të vetëm, që duhet të mbahet mend».
12. «Të heqësh dorë nga zbavitja duke u marrë me modë, do të thotë të vdesësh, gjithmonë duhet të kënaqësh fantazinë tënde».
13. «Në Downtown (Downtown Manhattan, New York,) njerëzit besojnë se janë Moda. Vishen të gjithë me të zeza. Kjo do të thotë që ata nuk kanë stil, mbajnë një uniformë».
14. «Sekreti për të pasur stilin tënd, është të kuptosh se kush je. Dhe për të arritur në përfundim të duhen vite e vite pune».
15. «Jam e frymëzuar nga të gjithë ata që kam rrotull meje, frymëzohem nga fakti që jam ende në jetë dhe jetoj, që frymëmarr dhe takohem me njerëz, që flas me njerëz dhe thith dhe kuptoj se çfarë ndodh rrotull meje. ».
16. «Nuk kam asnjë rregull, edhe sepse do t’i ngatërroja të gjitha».
17. «Nëse do të duhet të zgjedhësh për të harxhuar shumë para, midis një fustani apo aksesorëve, natyrisht që do të zgjidhja aksesorët, gurët e çmuar të ndryshojnë pamjen, më tepër se çdo gjë tjetër».
18. «Gjithçka është e lidhur. Politika, ekonomia, shkenca dhe moda, të gjitha janë të lidhura. Nëse sheh një veshje do të shohësh se ajo është e ndikuar nga të gjitha ato që përmenda më sipës, bile mund të arrish të kuptosh se çfarë ka ndodhur në periudhën kur ajo veshje është krijuar».
19. «Nuk më intereson se çfarë ke ngrënë dhe se me kë e ke kaluar natën. Nuk duhet t’i interesojë askujt se çfarë bëhet në jetën private të gjithë seicilit».
20. «Jeto dhe leri edhe të tjerët të jetojnë’, kjo është motoja e jetës time. Nuk gjykoj të tjerët dhe më e rëndësishme është të jesh i lumtur se të vishesh mirë».
21.«Stili im nuk është stili jot, dhe unë nuk kam si ta përcaktoj këtë, sepse atë ti e e shpreh vetë, se kush je ti, në mënyrën tënde»./Elida Buçpapaj
<> at Henri Bendel on October 12, 2012 in New York City.
Voal – Voal.ch shkruan se sipas MC ngjyrat e flokëve për sezonin e verës 2016 do të jenë të forta por të gjalla, shumë ekspresive për të shprehur sa më mirë personalitetin e femrës. Tendenca është bionde-luleshtrydhe, pra në të kuqërreme. E ka këtë epitet, sepse nuk është e fortë si e kuqja-ginger, por as e lehtë, por gjithësesi ngjyrat, edhe kur nuk do të jenë bionde e kuqërremtë, do të jenë të forta dhe shumë të gjalla, pra provokative dhe të spikatura, që do të bëjnë të dallohesh në mesin e turmës.
Në galerinë e Muzeut të Arteve dekorative në Paris, është hapur ekspozita ku u prezantuan të gjitha 700 modelet e “Barbi kukullës”
PARIS – Me ekspozitë të veçantë, në kuadër të Javës së Modës në Paris u shënua ditëlindja e 57-ë e kukullës më të shitur në botë “Barbie”, e bërë nga Ruth Handler në New York.
Në galerinë e Muzeut të Arteve dekorative në Paris, është hapur ekspozita ku u prezantuan të gjitha 700 modelet e “Barbi kukullës” të prodhuara nga viti 1959 deri më sot.
Kukulat “Barbie” të ekspozuara ishin veshur me markat e famshme Chanel, Dior, Maison Margiela dhe Jeremy Scott.
“Barbie” në pothuajse gjashtë dekadat e kaluara ishte lodra më e shitur në botë, kurse modelet e saj të ndryshme të kukullës deri më tani janë bërë në 27 ngjyra të ndryshme të lëkurës, 22 ngjyra të syve dhe 27 frizura të ndryshme. Kukullat janë bërë në personazhet e Marie Antoinette, mjekes, biznesmenes, këngëtares, veterineres, sportistes dhe profesione të tjera.
Kuratorja Anne Monier për AA tha se ky artikull simbolizon festën e lodrës të famshme të cilën e duan të gjithë fëmijët e botës, por që në një mënyrë të veçantë u tregon edhe të rriturve të gjitha ndryshimet historike dhe sociologjike që kjo kukull ka kaluar nëpër dekada.
“Barbie është një lodër, por gjithashtu edhe një fenomen kulturor. Ajo në fillim ka krijuar dhe pasqyruar mënyrën e jetës në SHBA. Ajo më vonë iu përshtat trendeve globale dhe u bë simbol i kohës”, ka thënë Monier.
Në intervistë me gazetarin e AA-së, 72-vjeçari anglez Richard tha se kishte ardhur për të parë ekspozitën e përgatitur shumë mirë të “Barbie”, e cila është pjesë e paharruar e historisë së njerëzimit.
“Ekspozita tregon të gjitha transformimet e kukullës. Këto transformime janë një tregues i ndryshimeve të kohës në botë. Dikur Barbiet kishin karakter vetëm të vajzës së bardhë amerikane, kurse tani ka Barbie që janë simbol për të gjitha gratë e botës”, tha 63-vjeçarja Lydia.
Stilistja Haile Lidow (20) theksoi se ishte rritur duke mbledhur kukullat dhe se opusi i saj i modës është karakteristik për ngjyrën e saj rozë, që është shenjë dalluese e kësaj kukulle.
Koleksionerja, Mariane (61) pohon se në koleksionin e saj ka mbi 300 “Barbie” dhe se modelet e vjetra të kukullës i pëlqejnë më shumë nga të rejat.
Ekspozita në Paris do të jetë e hapur për vizitorët deri më 18 shtator.
Komentet