O.J. Simpson, ylli i futbollit amerikan dhe protagonisti i të ashtuquajturit “gjyq të shekullit”, ka vdekur në moshën 76-vjeçare njoftoi familja e tij.
“Më 10 prill, babai ynë, Orenthal James Simpson, u mposht në betejën me kancerin”, thuhet në mesazhin e publikuar nga familja e tij në rrjetin X, që më herët njihej si Twitter.
Më 1995, ai ishte liruar nga akuzat për vrasjen e ish-gruas së tij dhe shokut të saj, në rastin gjyqësor që u cilësua si “gjyqi i shekullit”.
Simpson shmangi dënimin me burg pasi u shpall i pafajshëm për therjen për vdekje të ish-gruas së tij, Nicole Brown Simpson, dhe shokut të saj, Ronald Goldman në Los Anxhelos më 1994. Simpson më vonë vuajti një dënim prej nëntë vjetësh burgim në Nevada, pasi më 2008 u gjet fajtor për vjedhje të armatosur dhe rrëmbimin e dy personave në një hotel në Las Vegas.
Simpson ishte një prej sportistëve më të mirë dhe më popullor në fund të viteve ’60 dhe në vitet ’70. Por, karriera e tij sportive ndryshoi pasi Nicole Brown Simpson dhe Goldman u gjetën të vrarë në shtëpinë e Nicole në Los Anxhelos më 12 qershor 1994.
Simpson menjëherë u bë i dyshuari kryesor. Ai u urdhërua që të dorëzohej në polici, por pesë ditë pas vrasjeve, ai së bashku me një bashkëlojëtar të tij u arratis. Ndjekja që pasoi nga policia përfundoi në zonën afër shtëpisë së Simpson dhe më pas ndaj tij u ngrit akuza për vrasje.
Gjykimi ndaj tij ishte ndër më të ndjekurit në Amerikë. Ai që në fillim u shpreh se ishte “100 për qind i pafajshëm” dhe kishte falënderuar gjykatësit kur e liruan nga akuzat më 3 tetor 1995.
Prokurorët kishin argumentuar se Simpson kishte vrarë ish-gruan e tij, Nicole, për shkak të xhelozisë, dhe kishin paraqitur prova të ndryshme, sikurse flokë dhe teste të fibrave që e lidhnin atë me vrasjet.
Prokurorët gjatë gjykimit kishin kërkuar që Simpson të provonte një palë doreza me gjak që ishin gjetur në vendin e krimit, të bindur se ato do t’i bënin atij, dhe kështu do të vërtetonin se ai ishte vrasësi.
Në gjykatore, Simpson kishte tentuar të fuste dorën në dorezë, duke u treguar gjykatësve se doreza ishte e vogël dhe ai nuk ishte vrasësi.
Pasi u lirua nga akuzat, Simpson kishte thënë se “qëllimi im kryesor në jetë është që të gjej vrasësin apo vrasësit e Nicole dhe Goldman”.
E gjithë kjo ngjarje u portretizua edhe në dokumentarin që fitoi Oscar më 2016 të titulluar “”O.J.: Made in America”, por edhe në disa dramatizime televizive.
Simpson u lind në San Francisko më 9 korrik 1947.
Ai u martua me gruan e tij të parë, Marguerite, më 1967, dhe çifti pati tre fëmijë. Më 1979, ata u divorcuan.
Simpson u takua me Nicole Brown, e cila atëbotë ishte 17-vjeçare, në kohën sa ende ishte i martuar me Marguerite. Simpson dhe Brown u martuan më 1985 dhe patën dy fëmijë. Gjatë martesës, ajo kishte telefonuar policinë pas disa incidenteve për dhunë.Radio Evropa e Lirë
Urime dhe suksese te metejshme Luiza Geges per
rezultatin e larte dhe vendosjen e rekordit te ri Europian
ne vrapimin e 3000 mterave me pengesa
me kohen 9 minuta 11 sekonda e 31 te qindat. (9.11.31)
Eshte Krenari e madhe kur perfaqeson dhe konkuron
ne aktivitet nderkombetare per ngjyrat kuq e zi te falumrut dhe Kombin Shqiptar.
Zoti e bekofte Luiza Gegen!
Dy atletet i mia Mirela Manjani dhe Vojsava Lika perfaqesuan
Shqiperine dhe Greqine ne garen e hedhjes se Shtizes per vajza.
Mirela doli disa here kampione e Shqiperise, kampione e botes,
kampione e Europes dhe dy here fituese e medaljeve
ne Olimpiaden e Australise dhe te Greqise.
Rezultati me i mire i Mirela Manjanit eshte 67m51cm.
Vojsava Lika doli e pesta ne kampionatin boteror ne Japoni me rezultatin 63m13cm.
wwnet.fi/users/veijone/manjani.htm
Ketu vlen te permendet dhe puna me mjeshtri profesionale
e trajnerit Taulant Stermasi i cili ashtu si Luiza Gega edhe duhet
te trajtohet mire dhe te paguhet me nje rroge te mire nga shteti.
Kam rastin te paraqes ketu nje shkrim nga Bujar Qesja shkruar ne portalin DurresLajm
qe flet per punen dhe parashikimet e mia ne nivelet e arrrijeve boterore
per sportistet e mia me Mirela Manjani dhe Vojsava Lika.
Kliko ne kete Web Page:
https://durreslajm.al/enver-mysja-trajneri-qe-prodhoi-kampionet-e-shtizes/
Qeveria duhet te me paguaj nje pension me te mire
ne krahasim me ate 12.000 leke te reja qe gezoj sot si pension pleqerie.