VOAL

VOAL

Ligjvënësit e akuzojnë Rusinë për ndërhyrje në zgjedhjet në SHBA

September 23, 2016

Komentet

Sondazhi, 2/3 e demokratëve nuk duan Bidenin të kandidojë për President

Sipas një sondazhi të Associated Press, shumica e demokratëve janë kundër kandidimit të presidentit amerikan Joe Biden. Pothuajse 2/3 e demokratëve mendojnë se ai duhet të tërhiqet nga gara presidenciale – dhe të krijojë vend për një kandidat të ri.

Kjo bie ndesh me një deklaratë të Bidenit që ai pretendonte se demokratët ishin ende pas tij pas një paraqitjeje katastrofike televizive.

Sondazhi i Qendrës për Kërkimin e Çështjeve Publike AP-NORC zbuloi gjithashtu se vetëm 3 në 10 demokratë janë jashtëzakonisht ose shumë të sigurt se Biden ka aftësinë mendore për të shërbyer si president. bw

Atentati ndaj ish-presidentit, drejtoresha e Shërbimeve Sekrete thotë se nuk do të japë dorëheqjen

VOA

Drejtoresha e Shërbimeve Sekrete amerikane Kimberly Cheatle tha se agjencia e saj është përgjegjëse për mbrojtjen e ish-presidentit Donald Trump dhe se përgjegjësia përfundimtare për atë që kjo agjenci bën, i takon asaj.

Në një intervistë ekskluzive për gazetarin David Muir të rrjetit televiziv ‘ABC News’ ajo tha se reagimi i saj fillestar kur dëgjoi mbi sulmin me armë ndaj ish-presidentit Donald Trump, ishte “tronditje dhe më pas shqetësim”.

Zonja Cheatle shtoi se ajo nuk kishte në plan të largohej nga detyra dhe se agjencia që ajo drejton do të vazhdojë të jetë transparente e të komunikojë me publikun, siç u shpreh ajo.

Shërbimi Sekret shprehu mbështetjen të martën për policinë lokale mes kritikash për sigurinë në tubim e mbajtur të shtunën në Buttler të Pensilvanisë.

“U jemi thellësisht mirënjohës oficerëve që vrapuan drejt rrezikut për të gjetur personin e armatosur dhe të gjithë partnerëve tanë lokalë për angazhimin e tyre të palëkundur”, thuhej në një deklaratë të Shërbimit Sekret, të publikuar të martën.

“Çdo lajm që sugjeron se Shërbimi Sekret fajëson strukturat lokale të zbatimit të ligjit mbi ngjarjen e së shtunës, thjesht nuk është i vërtetë”.

Zyrtarët po kërkojnë të dinë se si një person i armatosur arriti të ngjitej në majë të një ndërtese e të qëllonte ish-presidentin Donald Trump.

Policia kishte marrë njoftime mbi personin e dyshimtë nga dëshmitarë që kishin treguan dhe bërtitur në drejtim të punonjësve të sigurisë që ndodheshin në vendgjarje, duke u treguar me gisht personin e armatosur mbi çatinë e një godine shumë pranë vendit ku po mbante fjalimin ish-presidenti Trump.

Media amerikane që kanë shqyrtuar video të marra nga të pranishëm nët tubim, thonë se policia është njoftuar të paktën 1 minutë e 57 sekonda përpara se Crooks të gjuante me armë.

Si pasojë e sulmit, zoti Trump u plagos në veshin e tij të djathtë si dhe dy persona të tjerë, pjesëmarrës në tubim.

Një ish-shef i shërbimeve zjarrfikësve, 50-vjeçari Corey Comperatore, u vra duke mbrojtur familjen e tij.

Çështja do të hetohet edhe nga Kongresi – përveç një rishikimi të urdhëruar nga Presidenti Joe Biden.

Zoti Biden ka urdhëruar një hetim të pavarur të atentatit kundër ish-presidentit, përfshirë masat e sigurisë të marra për tubimin.

Sekretari i Sigurisë Kombëtare Alejandro Mayorkas tha se ai kishte “besim të plotë” tek Shërbimi Sekret, por pranoi se personi i armatosur nuk duhet të kishte arritur kurrë në atë pozicion që çoi në rrezikimin e jetës së ish-presidentit.

Sekretari i Sigurisë Kombëtare të SHBA, Alejandro Mayorkas, agjencia e të cilit përfshin edhe Shërbimin Sekret, u tha gazetarëve të hënën se ai priste që një hetim i pavarur mbi ngjarjen të fillonte brenda disa ditësh.

Zoti Mayorkas tha se hetimi do të shqyrtojë veprimet e Shërbimit Sekret dhe agjencive të tjera të zbatimit të ligjit “para, gjatë dhe pas sulmit të armatosur, për të identifikuar veprimet e menjëhershme dhe ato që kërkonin kohë, për të siguruar që misioni për mbrojtjen e ish-presidentit ishte përmbushur në mënyrë më efektive”.

Çështja po hetohet nga disa komisione të Kongresit. Ligjvënësit janë shprehur të alarmuar se si personi i armatosur, I identifikuar si Thomas Matthew Crooks, ishte në gjendje të hapte zjarr nga çatia e një godine që ishte vetëm 135 metra larg nga ish-presidenti.

Kongresi ka caktuar që seanca e parë e dëshmisë së zonjës Cheatle të mbahet më 22 korrik. Drejtoresha e Shërbimeve Sekrete do të flasë para Komisionit të Dhomës për Mbikqyrjen dhe Llogaridhënien.

Burimet: Presidenti Biden do të marrë emërimin e partisë përmes një votimi virtual përpara kuvendit

VOA/Marrë nga Reuters

Brenda disa javësh Presidenti Joe Biden do të marrë emërimin e Partisë Demokrate përmes një votimi virtual, pavarësisht thirrjeve për t’u tërhequr nga gara presidenciale, thanë për agjencinë e lajmeve Reuters katër individë të përfshirë në proces. Emërimi virtual bëhet në prag të mbajtjes së kuvendit kombëtar demokrat në Çikago në fund të gushtit,

Zakonisht, demokratët dhe republikanët i shfrytëzojnë kuvendet kombëtare për të emëruar zyrtarisht kandidatët e tyre presidencial. Por demokrati Biden do të marrë emërimin zyrtar disa javë përpara se partia e tij të hapë kuvendin kombëtar në Çikago më 19 gusht.

Nuk është e qartë se si do të funksionojë saktësisht procesi i emërimit të hershëm, thanë zyrtarët demokratë.

Votimi virtual është një “ide e keqe”, thotë Aaron Regunberg, anëtar i komitetit drejtues të grupit demokrat “Pass the Torch”, duke shtuar se kjo, “do të minonte thellësisht moralin e demokratëve, delegatëve, vullnetarëve, organizatorëve, donatorëve dhe votuesve të zakonshëm, në situatën më të keqe të mundshme”.

THIRRJET PËR TËRHEQJEN E ZOTIT BIDEN NGA GARA

Presidenti Biden, 81 vjeç, përballet me një trysni të vazhdueshme nga disa ligjvënës, donatorë dhe aktivistë për t’u tërhequr nga gara presidenciale pas paraqitjes së tij katastrofike në debatin presidencial, çka ka ringjallur pikëpyetjet në lidhje me shëndetin e tij mendor.

Zyrtarët e fushatës së Presidentit Biden thanë se presin që përpjekja për vrasjen e rivalit republikan Donald Trump të shtunën, të ulë trysninë ndaj zotit Biden për t’u larguar nga gara.

Presidenti Biden ka këmbëngulur në mënyrë të përsëritur se nuk do të tërhiqet nga gara dhe se është i përgatitur më së miri për të mundur republikanin Trump.

Marrja e emërimit të Presidentit Joe Biden si kandidat zyrtar i Partisë Demokrate për zgjedhjet e nëntorit, përmes një votimi virtual, mund të përshpejtojë procedurën dhe mënjanojë sfiduesit e mundshëm.

Por konfuzioni rreth procesit virtual pasqyron kaosin që ka përfshirë demokratët, ndërsa udhëheqësit e lartë përpiqen të shpëtojnë kandidaturën e zotit Biden, thanë burimet. Nuk duket të ketë ndonjë përpjekje të përcaktuar mirë për të kaluar mbështetjen e delegatëve tek një kandidat tjetër përpara votimit virtual.

EMËRIMI I HERSHËM

Emërimi i hershëm është i nevojshëm pasi një ligj i shtetit Ohajo kërkon që kandidatët për president në fletën e votimit të kenë marrë emërimin zyrtar të partive deri më 7 gusht, përpara zhvillimit të kuvendit demokrat në Çikago.

Megjithatë, në muajin maj, guvernatori i Ohajos Mike DeWine, nënshkroi një ligj për të siguruar emrin e zotit Biden në fletën e votimit, pas një projektligji të miratuar nga legjislatura republikane e atij shteti.

Votimi virtual mënjanon mundësinë e një beteje të drejtpërdrejtë në sallën e kuvendit në Çikago që mund ta vërë zotin Biden në siklet dhe shkaktojë kaos për fushatën e tij presidenciale.

Shumë nga detajet e votimit virtual do të përcaktohen mes datave 19 dhe 21 korrik, thanë zyrtarët. Disa zyrtarët të lartë të partisë dhe të fushatës së Presidentit Biden thanë se votimi virtual do të jetë i ngjashëm me kuvendin e vitit 2020, gjatë kohës së pandemisë së COVID-19.

KUSH VENDOS?

Në kuvendin demokrat do të marrin pjesë 4,532 delegatë. Për të marrë emërimin, një kandidat për president duhet të sigurojë mbështetjen e shumicës së delegatëve ose rreth 1895 prej tyre gjatë raundit të parë. Në të kundërt, superdelegatët, të cilët kanë të drejtë të votojnë sipas dëshirës, do të marrin pjesë në raundit pasues për të ndihmuar në emërimin e një kandidati zyrtar.

NË RAST TË TËRHEQJES SË ZOTIT BIDEN NGA GARA

Nëse zoti Biden tërhiqet nga gara pas emërimit zyrtar, 435 anëtarët e Komitetit Kombëtar Demokrat (DNC) do të zgjidhnin një kandidat të ri, përmes një seancë të posaçme.

Anëtarët janë të ndarë afërsisht në mënyrë të barabartë mes burrave dhe grave, si dhe grupeve të ndryshme elektorale, përfshirë përfaqësuesit e LGBTQ dhe pakicave racore.

Trump përzgjedh Senatorin J.D.Vance si kandidatin republikan për postin e nënpresidentit

VOA/Marrë nga Reuters

Ish Presidenti Donald Trump përzgjodhi të hënën Senatorin J.D. Vance si zëvendës kandidatin e tij për Shtëpinë e Bardhë, ndërsa Partia Republikane hapi kuvendin kombëtar ku do të emërojë zyrtarisht zotin Trump si kandidatin e saj në zgjedhjet e nëntorit.

“Në postin e nënpresidentit, J.D. do të vazhdojë të luftojë për Kushtetutën tonë, do të mbështesë trupat dhe do të bëjë gjithçka që mundet për të më ndihmuar që ta BËJMË AMERIKËN MADHËSHTORE SËRISH”, shkroi zoti Trump në platformën e tij “Truth Social”.

Përzgjedhja e Senatorit James David Vance, autor i librit të suksesshëm “Hillbilly Elegy”, mund të rrisë shanset e pjesëmarrjes së mbështetësve të zotit Trump në zgjedhjet e 5 nëntorit, pasi kandidati për nënpresident gëzon shumë popullaritet tek baza republikane.

Një konservator i vendosur nga një shtet republikan, zoti Vance nuk ka gjasa të tërheqë shumë votues të rinj, dhe nga ana tjetër mund të shtyjë disa votues të moderuar. Disa mbështetës të zotit Trump i kishin kërkuar që ai të përzgjidhte një grua ose një amerikan me ngjyrë si kandidat për postin e nënpresidentit.

Zoti Trump e bëri njoftimin në fillim të kuvendit kombëtar republikan, dy ditë pasi i mbijetoi një atentati.

Më herët të hënën, zoti Trump shënoi një fitore të madhe ligjore, pasi një gjykatëse federale hodhi poshtë një nga çështjet e ngritura kundër tij.

Gjykatësja Aileen Cannon tha në vendimin e saj se prokurori i posaçëm Jack Smith, i cili drejton hetimin, ishte emëruar në mënyrë të paligjshme në këtë rol dhe se ai nuk e kishte autoritetin ligjor për të ngritur një padi të tillë. Në urdhrin prej 93 faqesh të gjykatëses Cannon thuhet se prokurori i posaçëm duhet të ishte emëruar me miratimin e Kongresit.

Zoti Trump do të pranojë zyrtarisht të enjten emërimin e Partisë Republikane për të sfiduar Presidentin Joe Biden në zgjedhjet e 5 nëntorit.

Pas sulmit me armë, përzgjedhja e zotit Trump mbart dukshëm më shumë peshë.

Zoti Trump ka pohuar vazhdimisht se do të përqëndrohej tek përzgjedhja e dikujt që ishte i kualifikuar për të marrë detyrën si komandant i përgjithshëm.

“Është e domosdoshme të përzgjedhësh dikë që mund të jetë i mirë për çdo rast, për çdo rast të tmerrshëm”, tha ai në muajin maj gjatë një interviste për programin radiofonik “The Clay Travis & Buck Sexton Show”.

Në një tjetër intervistë për gazetaren e rrjetit ‘Fox News’, Harris Faulkner e cila u regjistrua disa orë përpara tubimit të tij në Battlër të Pensilvanisë, zoti Trump u pyet se ku ndodhej me procesin e përzgjedhjes së kandidatit për nënpresident e nëse vendimmarrja e tij do të ndryshonte nëse Presidenti Joe Biden, do të tërhiqej nga gara.

“Është një pozitë shumë e rëndësishme, veçanërisht nëse diçka e keqe ndodh”, tha zoti Trump. “Kjo është më e rëndësishmja, nëse mund të ndodhë diçka e keqe”.

Para sulmit me armë, zoti Trump e kishte bërë të qartë se donte ta shpallte emrin në mënyrë dramatike në kuvend, çka sipas tij do ta bënte më “interesant” dhe “më emocionues” procesin.

“Është si një veriant shumë i sofistikuar i ‘The Apprentice'”, tha ai në një intervistë radiofonike javën e kaluar, duke iu referuar një programi televiziv që ai ka drejtuar dikur, ku zoti Trump përzgjidhte mes kandidatësh ata që do të punonin për kompaninë e tij.

Zoti Trump dhe organizatorët e kuvendit kanë thënë se axhenda e tij nuk do të ndryshojë, por do të vazhdojë siç ishte planifikuar pavarësisht sulmit.

Në një postim në faqen e tij të mediave sociale zoti Trump shkruante se ai nuk mund të lejojë që “një person që sulmon me armë ose një vrasës i mundshëm, të imponojë ndryshimin e orarit, apo ndonjë gjë tjetër”.

“Në këtë moment është më e rëndësishme se kurrë që të qëndrojmë të bashkuar dhe të tregojmë karakterin tonë të vërtetë si amerikanë, duke mbetur të fortë dhe të vendosur dhe duke mos lejuar që e keqja të fitojë”, shkruante ai.

Zoti Trump zhvilloi takime në ditët para sulmit me pretendentët kryesorë për të marrë pozitën e kandidatit për nënpresident. Një prej personave në dijeni të tyre tha se gjatë takimeve nuk ishte bërë asnjë premtim apo nuk ishte ofruar asgjë.

Pritja e zotit Trump deri tek kuvendi për të zgjedhur numrin dy të tij vjen më vonë se zakonisht sa i takon viteve të fundit, por vështirë se është e pashembullt.

Në vitin 1980, Ronald Reagan negocioi me ish Presidentin Gerald Ford për orë të tëra gjatë kuvendit republikan në Detroit, por vendosi që George H.W. Bush të ishte numri dy i tij, kur negociatat dështuan. Vendimi erdhi më pak se 24 orë para se të pranonte zyrtarisht emërimin nga partia.

Vetë zoti Bush priti deri në kuvendin republikan të vitit 1988 që u mbajt në Nju Orlins përpara se të ‘trondiste’ shumë prej pjesëmarrësve – si dhe disa prej këshilltarët kryesorë të tij, duke zgjedhur senatorin pak të njohur të Indianës, Dan Quayle, si numrin 2 të tij, në vend të një kandidati me të njohur e më të pranuar gjerësisht.

Që atëherë, megjithatë, ka qenë traditë që të zgjidhet një kandidat pak përpara hapjes së kuvendit së partisë.

Në vitin 2008, senatori i Arizonës, John McCain, në një përpjekje për t’i dhënë hov garës së tij kundër demokratit Barack Obama, zgjodhi guvernatoren pak të njohur të Alaskës, Sarah Palin, pak përpara se të hapej kuvendi republikan në Minesota. Ai pati një rritje në anketime, por që nuk zgjati shumë.

Joe Biden, emëroi senatoren e atëhershme të Kalifornisë, Kamala Harris si kandidate për nënpresidente, gjashtë ditë përpara se Partia Demokrate të çelte kuvendin që u mbajt kryesisht ‘online’ për shkak të pandemisë së koronavirusit.

Gjykatësja pushon çështjen gjyqësore ndaj ish-presidentit Trump për dokumentet e klasifikuara

VOA/Marrë nga Reuters

Gjykatësja Aileen Cannon në Florida pushoi të hënën çështjen gjyqësore me akuza penale ndaj ish-presidentit Donald Trump për mbajtjen e dokumenteve të klasifikuara. Kjo është një tjetër fitore e rëndësishme ligjore për kandidatin republikan për president.

Gjykatësja Cannon, e cila u emërua në këtë detyrë nga ish-presidenti Trump gjatë mandatit të tij, vendosi se prokurori i posaçëm Jack Smith, i cili drejton hetimin, ishte emëruar në mënyrë të paligjshme në këtë rol dhe se ai nuk e kishte autoritetin ligjor për të ngritur një padi të tillë.

 

 

Kjo është një arritje e rëndësishme ligjore për ish-presidentin Trump, që vjen pasi më 1 korrik Gjykata e Lartë vendosi se ish-presidenti gëzon imunitet nga hetimet për shumë nga veprimet e ndërmarra gjatë kohës që ishte në detyrë.

Gjasat janë që prokurorët do ta apelojnë vendimin. Në çështje të mëparshme gjyqësore, gjykatat kanë vendosur në favor të autoritetit të Departamentit të Drejtësisë për të caktuar prokurorë të posaçëm për çështje hetimore me rëndësi politike.

Por vendimi i gjykatëses Cannon e vë në pikëpyetje të ardhmen e kësaj padie, që ishte një sfidë serioze ligjore për ish-presidentin Trump. Prokurori Smith ka paraqitur padi ndaj ish-presidentit Trump edhe në gjykatën në Uashington, në lidhje me përpjekjet për të rrëzuar rezultatin e zgjedhjeve të vitit 2020. Sidoqoftë, avokatët e tij nuk kanë bërë një kërkesë të ngjashme për të sfiduar rolin e prokurorit edhe për këtë çështje.

Prokurori Jack Smith

Prokurori Jack Smith

Në padinë për dokumentet, ish-presidenti Trump akuzohej se pati marrë në rrugë të paligjshme dokumente me informacione sekrete të sigurisë kombëtare në pronën e tij në Mar-a-Lago, pasi ishte larguar nga detyra dhe se pengoi përpjekjet e qeverisë për t’i marrë këto materiale.

Dy persona të tjerë, ish-ndihmësi personal i ish-presidentit Trump, Walt Nauta dhe një administrator i Mar-a-Lagos, Carlos De Oliviera, gjithashtu ishin akuzuar për pengim të hetimeve.

Avokatët e ish-presidentit Trump kishin ngritur pikëpyetje rreth ligjshmërisë së vendimit të prokurorit të përgjithshëm Merrick Garland në vitin 2022 për të emëruar prokurorin Smith në krye të hetimeve ndaj ish-presidentit Trump. Avokatët argumentuan se emërimi i prokurorit shkelte Kushtetutën e Shteteve të Bashkuara, pasi nuk ishte një post i krijuar nga Kongresi dhe emërimi i tij nuk u konfirmua nga Senati.

Zyra e prokurorit Smith nuk iu përgjigj menjëherë kërkesave për koment. Juristët në zyrën e tij patën paraqitur argumenta të kundërta, duke u shprehur se ekziston një praktikë e hershme për caktimin e prokurorëve të posaçëm për të drejtuar hetimet për çështje delikate politike.

Rreth 24 orë nga atentati i përgjakshëm ndaj tij, Trumpi ndan mesazhin e tretë: Amerika të bashkohet!

Ish-Presidenti amerikan Donald Trump ka reaguar për herë të tretë teksa nuk kanë kaluar ende 24 orë nga momentet e panikut që ai dhe mbështetësit e tij përjetuan në Pensilvani.

“Amerika të bashkohet”, ishte mesazhi që Trump ndau bashkangjitur me një portret të tijin në rrjetin social Instagram.

Pas atentatit të dështuar. por që megjithatë la pas një viktimë dhe plagosi rëndë dy të tjerë, reagime të shumta kanë ardhur në mbështetje të Trump dhe kundër dhunës, madje edhe nga kampi demokrat.

Më herët Trump njoftoi se do të qëndronte besnik ndaj planit të tij fillestar për të marrë pjesë në Konventën Republikane dhe më pas gjatë javës në një takim të ngjashëm me atë të Pensilvanisë, në Wisconsin. bw

FOTOT- Donald Trumpi u qëllua dy herë, e shpëtoi jeleku antiplumb

Kandidati republikan për president i SHBA-së, Donald Trump duket se është qëlluar dy herë, me plumba, por ka mundur të shpëtojë.

Siç edhe duket në një foto të shpërndarë nëpër rrjet, Trump është qëlluar edhe në vesh duke u gjakosur, dhe në trup.

Por duket se ai është shpëtuar nga jeleku antiplumb që kishte veshur, pikërisht për të ju shpëtuar plumbave. sn

Image

 

VIDEO- Donald Trumpi u qëllua me armë gjatë një tubimi në Pensilvani, publikohen pamjet e plota

Ish-Presidenti i SHBA-ve, Donald Trump u sulmua me armë zjarri, në Pensilvani, teksa po mbante fjalën e tij para qytetarëve në kuadër të fushatës së elektorale për zgjedhjet presidenciale.

Kandidati republikan për Shtëpinë e Bardhe ndërsa  fliste, u dëgjuan disa të shtëna armësh, ku një plumb ishte drejt tij.

Ai u plagos në vesh, ndërsa menjëherë pas ngjarjes, shërbimi sekret ekzekutoi atentatorin e dyshuar.

Nga kjo ngjarje e rëndë vdiq autori, një person tjetër dhe u plagosen dy shtetas që ishin në takimin e Trump.

FBI publikoi emrin e autorit të dyshuar të ngjarjes, ai është 20-vjeçari Thomas Matthew Crooks. gsh

20-vjeçari qëlloi nga 130 metra largësi! Ja detajet!

Personi i armatosur që tentoi të vriste ish-presidentin Donald Trump të shtunën u identifikua si 20-vjeçari Thomas Matthew Crooks, thanë burimet për The Post.

 

Crooks, nga Bethel Park qëlloi me armë ku një plumb plagosi kandidatin për President në Shtetet e Bashkuara.

Burimet thanë se Crooks ishte vendosur në një çati të një fabrike prodhuese më shumë se 130 metra larg nga skena në terrenin e Butler Farm Shoë.

Ai u vra nga snajperët e Shërbimit Sekret. Një pushkë e stilit AR u gjet më vonë.

Bethel Park është një fshat 40 milje në jug të vendit ku u mbajt mitingu i Butler.

Është ende e paraqrtë pse Crooks qëlloi mbi kandidatin republikan për president të SHBA.

Donald Trump, kandidati për President i SHBA-ve u qëllua me armë gjatë mitingut që po zhvillonte ne Pensilvani.

FBI-ja tha tha se ka marrë nën kontroll hetimin.

“Agjentët specialë të zyrës së FBI-së në Pitsburg u përgjigjën menjëherë”, tha FBI në një deklaratë disa orë pas atentatit të dyshuar.

Presidenti Joe Biden, nënpresidentja Kamala Harris dhe ish-presidenti Barack Obama lëshuan deklarata të forta duke dënuar dhunën.

Incidenti po hetohet si atentat, sipas njoftimeve të mediave, dhe mund të intensifikojë dhe komplikojë më tej garën presidenciale.

Trump konfirmoi në një deklaratë të publikuar në faqen e tij të mediave sociale, se autori i sulmit u vra, ashtu si edhe një pjesëmarrës në tubim. Dy persona të tjerë janë plagosur, sipas një deklarate të Shërbimit Sekret.

Trump falënderoi Shërbimin Sekret dhe forcat e zbatimit të ligjit për punën e tyre.

“Çka është më e rëndësishme,” tha ai, “dua të shpreh ngushëllimet e mia për familjen e personit që u vra, si dhe për familjen e një personi tjetër që u plagos rëndë. Është e pabesueshme që një akt i tillë mund të ndodhë në vendin tonë.gsh

Atentati ndaj Trumpit, dyshimet që shërbimet sekrete dështuan- Mbështetësit e ish-Presidentit njoftuan forcat e sigurisë para të shtënave

Pas atentatit ndaj ish-presidentit amerikan Donald Trump, autoritetet amerikane të sigurisë janë përballur me pyetje të dhimbshme.

Pse Shërbimi Sekret dhe policia nuk e zbuluan autorin para se të qëllonte, duke plagosur Trump dhe duke vrarë një pjesëmarrës të ngjarjes?

Gjatë mitingut zgjedhor në shtetin e Pensilvanisë të shtunën, tetë deri në dhjetë të shtëna u qëlluan papritmas në orën 18:13 (me orën lokale). Kandidati republikan për president ishte në mes të një fjalie kur papritur preku veshin e djathtë. Më vonë u bë e qartë se të shtënat u qëlluan nga një çati pranë vendit të ngjarjes.

Dëshmitarët okularë hedhin akuza të rënda ndaj forcave të sigurisë.

Një vizitor në ngjarjen Trump raportoi në një intervistë me BBC-në se shumë njerëz e panë autorin dhe u përpoqën të paralajmëronin zyrtarët. Por pa sukses.

“Ne ishim atje dhe treguam djalin që ngjitet në çati”, thotë ai. Gazetari pyet: “A kishte një armë?” Burri përgjigjet pozitivisht: “Ai kishte një armë. E shihnim qartë me pushkë”.

Capture

Më pas ai u përpoq të lajmëronte policinë për të armatosurin, por oficerët nuk bënë asgjë. “Po pyesja veten pse Trump po fliste ende dhe nuk ishte hequr nga skena,” vazhdoi dëshmitari okular.

“Kam qëndruar aty për dy ose tre minuta dhe i kam treguar me gisht. Shërbimi Sekret na vështroi me përbuzje dhe unë vetëm qëndrova aty (zgjat krahun)”. Më pas u qëllua.

Pse snajperët nuk e panë atentatorin?
Informacioni i dëshmitarit okular nuk konfirmohet. Një video tjetër e paverifikuar tregon sekondat para sulmit nga këndvështrimi i vizitorëve. “Ai ka një armë! Ai ka një armë!” bërtasin disa njerëz. Më pas dëgjohen të shtëna.

Edhe pse një hetim për incidentin është në pritje, është e qartë se fakti që një vrasës i armatosur mund të hynte në një çati pranë skenës dhe të qëllonte pa pengesa ndaj ish-presidentit të SHBA dhe kandidatit aktual për president është gjithashtu një dështim nga ana e forcave të sigurisë.

Sepse ngjarjet e Donald Trump sigurohen nga më të mirët: Shërbimi Sekret i Shteteve të Bashkuara, i cili ka mbrojtur presidentët amerikanë nga vrasësit për dekada – dhe oficerë policie të armatosur, duke përfshirë disa snajperë. bw

Miçigan, presidenti Biden thotë se nuk do të largohet

VOA/Marrë nga Reuters

DETROID – Në përpjekje për të rigjallëruar fushatën e tij elektorale, presidenti Joe Biden foli përpara një tubimi në Detroid. Ai i tha një turme entuziaste se nuk do të largohej nga gara dhe paralajmëroi se ish-presidenti Donald Trump përfaqëson një rrezik serioz.

Presidenti Biden, në moshën 81-vjeçare, po përpiqet ta zhvendosë diskursin publik nga çështja e mprehtësisë së tij mendore, drejt ndikimit që do të kishte një presidencë e dytë Trump, ndërsa fushata e tij po has në vështirësi pas paraqitjes së tij të dobët në debatin presidencial të 27 qershorit.

“Unë po kandidoj dhe do të fitojmë”, tha ai përpara një turme që mbante parulla si, “Mos u Tërhiq!”.

“Unë jam kandidati”, tha ai. “Nuk do të shkoj gjëkundi”.

“Ka ardhur koha që të mos e trajtojmë më politikën sikur të jetë spektakël televiziv”, tha presidenti Biden. Ai paralajmëroi se “Projekti 2025”, një platformë politikash konservatore që do të përpiqej të zvogëlonte së tepërmi qeverinë federale, përbënte një “rrezik shumë real”.

Më herët të premten, presidenti Biden bëri një ndalesë të paparalajmëruar në një restorant në një periferi të Detroidit, ku u tha klientëve se kishte në plan ta “mbaronte punën” dhe u tha se “ju premtoj… jam mirë”.

Ndërsa avioni presidencial Air Force One fluturonte drejt Detroidit, zëdhënësi i fushatës Michael Tyler u tha gazetarëve se kontributet financiare “shpërthyen” gjatë konferencës për shtyp të presidentit Biden të enjten në mbrëmje, në shtatë herë më shumë se niveli i zakonshëm.

Presidenti Biden gjithashtu mori mbështetje më herët gjatë ditës kur dy zyrtarë demokratë – ligjvënësi James Clyburn dhe guvernatori i Kalifornisë Gavin Newsom – thanë se ai duhet të qëndrojë në garë. Të premten pasdite, presidenti i sindikatës United Auto Workers, Shawn Fain, i cili më parë kishte thënë se ishte i shqetësuar për shanset e presidentit Biden, e lavdëroi presidentin për qëndrimin “me klasën punëtore”, pa përdorur emrin e tij.

Por pati shenja se mbështetja e tij po dobësohej diku tjetër, pasi dy ligjvënës të tjerë i kërkuan atij të tërhiqej nga kandidimi.

“Është koha për të ecur përpara. Me një udhëheqës të ri”, tha në një deklaratë ligjvënësi Mike Levin, nga Kalifornia. Zoti Levin, si shumë të tjerë që i kanë bërë thirrje presidentit Biden të tërhiqet, përballet me një betejë të fortë për t’u rizgjedhur këtë vit.

Që nga debati presidencial, të paktën 19 ligjvënës i kanë kërkuar presidentit Biden të largohet në mënyrë që Partia Demokrate të mund të zgjedhë një kandidat tjetër. Po kështu kanë kërkuar edhe disa donatorë, yje të Hollivudit, grupe aktiviste dhe media.

Megjithatë, presidenti Biden vazhdon të ketë mbështetje nga zyrtarët kryesorë në parti dhe është zotuar të kandidojë në zgjedhjet e 5 nëntorit.

SHBA do të vendosë në Gjermani raketa me rreze të gjatë veprimi

VOA/Marrë nga Reuters

Shtetet e Bashkuara do të fillojnë vendosjen e raketave me rreze më të gjatë veprimi në Gjermani në vitin 2026, njoftuan të dy vendet gjatë një takimi të vendeve të NATO-s të martën. Ky është një hap madhor që synon të mbrojë Evropën përballë kërcënimeve ruse në rritje.

Armët më të fuqishme amerikane, që do të vendosen në Gjermani, përbëjnë dislokimin më të rëndësishëm ushtarak në kontinentin evropian që nga Lufta e Ftohtë, një paralajmërim i qartë për Presidentin Vladimir Putin.

Deklarata amerikano-gjermane thotë se “dislokimi në faza” përbën një përgatitje për stacionim afatgjatë në Evropë të kapaciteteve luftarake ku do të përfshihen raketa të tipit Tomahawk dhe armë hipersonike me rreze më të gjerë veprimi.

“Nuk mund të përjashtojmë mundësinë e një sulmi kundër sovranitetit dhe integritetit territorial të aleatëve”, thanë aleatët në një komunikatë të publikuar të mërkurën.

Në komunikatën e lëshuar nga krerët e shteteve dhe qeverive që marrin pjesë në takimin e NATO-s në kryeqytetin amerikan, aleatët bënë të ditur synimin për t’i ofruar Ukrainës ndihmë ushtarake me një vlerë prej 40 miliardë euro brenda vitit të ardhshëm.

Dokumenti gjithashtu shprehet me një gjuhë më të ashpër se në të kaluarën ndaj Kinës, duke e quajtur atë si “mundësuese e përpjekjeve” luftarake të Rusisë ndaj Ukrainës, dhe se Pekini vazhdon të paraqesë sfida sistematike për sigurinë euro-atlantike.

Ballkani Perëndimor dhe rajonet e Detit të Zi kanë një rëndësi strategjike për aleancën dhe NATO-ja mbetet fuqimisht e përkushtuar ndaj sigurisë dhe stabilitetit të tyre, thuhet në komunikatë.

“Ne do të vazhdojmë të përmirësojmë dialogun tonë politik dhe bashkëpunimin praktik me Ballkanin Perëndimor për të mbështetur reformat, paqen dhe sigurinë rajonale dhe të luftojmë kundër ndikimit malinj, përfshirë dezinformimin, kërcënimet hibride dhe kibernetike nga aktorë shtetërorë dhe aleatët e tyre”, thuhet në komunikatë.

Dokumenti thekson rëndësinë e vlerave demokratike, shtetin e së drejtës, reformat e brendshme dhe marrëdhëniet e fqinjësisë së mirë si jetike për bashkëpunimin rajonal dhe integrimin euroatlantik, thuhet në pikën për Ballkanin.

“Mbetemi të përkushtuar ndaj angazhimit të vazhdueshëm të NATO-s në Ballkanin Perëndimor, përfshirë forcat paqeruajtëse të KFOR-it në Kosovë të udhëhequra nga NATO”, thekson komunikata.

Sekretari amerikan i Shtetit, Antony Blinken. Konfirmoi të mërkurën se drejt Ukrainës janë nisur avionë të tjerë të tipit F-16 të dërguar nga Danimarka dhe Holanda.

Gjatë një interviste të mërkurën për radion e rrjetit FOX NEWS, kandidati republikan për president, Donald Trump tha se nuk do t’i tërhiqte Shtetet e Bashkuara nga NATO-ja ndërsa përsëriti thirrjet që vendet anëtare të shpenzonin më shumë për mbrojtjen.

“Unë thjesht dua që ata të paguajnë detyrimet e tyre. Ne po e mbrojmë Evropën dhe ata po përfitojnë nga kjo”, tha zoti Trump.

Në komunikatë i bëhet thirrje Kinës që të ndërpresë mbështetjen materiale dhe politike për përpjekjet luftarake të Rusisë, ndërsa shprehen shqetësime lidhur me aftësitë hapësinore të Kinës. Dokumenti foli për zgjerimin e shpejtë të arsenalit bërthamor kinez duke i kërkuar Pekinit që të angazhohej në bisedimet strategjike për uljen e rrezikut.


Send this to a friend