VOAL

VOAL

Please Wait ...
0%

KLUBI LETRAR “GJON NIKOLLË KAZAZI” – GJAKOVË Shpall konkurs nga data 1 shkurt deri më 30 prill 2020

By | February 2, 2020
blank

Komentet

blank

FOTOT – Osmani takon Bill Clinton: Faleminderit për gjthçka që keni bërë për njerëzit tanë

Presidentja e Kosovës, Vjosa Osmani është takuar me ish-Presidentin e Shteteve të Bashkuara të Amerikës, Bill Clinton.

Me anë të një postimi në Twitter, Osmani teksa ka publikuar disa foto ga takimi me Clinton, e ka falenderuar atë për mbështetjen që i ka dhënë Kosovës.

“Është pak të thuhet se Kosova është e bekuar me miqtë më të përkushtuar dhe më besnikë. President, faleminderit për gjithçka që keni bërë për njerëzit tanë”, shkroi Osmani.

blank

blank

blank

blank

blank

Kurti: Krerët e komunave serbe në Kosovë t’i largojnë pengesat që çojnë në pikat kufitare me Serbinë

Kryeministri Kurti thotë se Kosova është e interesuar për zgjidhje të përhershme dhe të qëndrueshme të lëvizjes së qytetarëve mes dy shteteve, me tabela zyrtare dhe pa tabela të përkohshme

Agim Sulaj   |22.09.2021
Prishtinë

Kryeministri i Kosovës, Albin Kurti u ka bërë thirrje qytetarëve serbë në veri të Kosovës ta largojnë bllokadën e formuar me automjete në rrugët që çojnë për në dy pika kufitare me Serbinë, në Jarinjë dhe Bërnjak, raporton Anadolu Agency (AA).

Kurti, në një konferencë për media të mbajtur pas mbledhjes së Qeverisë, tha se është njoftuar se pengesat e vendosura në rrugë që shpijnë në pikat kufitare 1 dhe 31 në Jarinjë dhe Bërnjak, janë duke u bërë me kamionë të cilët janë pronë e institucioneve komunale dhe “kjo sigurisht që përbën shkelje dhe keqpërdorim të pronës publike”.

Në këtë mënyrë, Kurti ftoi krerë të komunave me shumicë serbe dhe qytetarët serbë, që t’i largojnë pengesat nga rruga.

“I ftoj kryetarët e komunave në veri që të tërheqin automjetet e institucioneve komunale nga rruga dhe ftoj po ashtu edhe grupin e organizuar të qytetarëve serbë që të largohen nga dy rrugët regjionale përkatësisht nga bllokimi i tyre, sepse asisoj ata kanë bllokuar vetveten dhe lëvizjen e tyre. Pra, nuk po i bllokojnë vetëm të tjerët por edhe vetveten”, tha Kurti.

Ai tha se vënie e ligjshmërisë në vend është në interes të të gjithëve, prandaj ai tha se është i bindur që me kalimin e kohës po e kuptojnë të gjithë.

Kurti tha se refuzimi i Serbisë për ta vazhduar dialogun pas vendimit për reciprocitet me tabelat e automjeteve nga pala kosovare, nuk i bën dobi as Serbisë dhe as serbëve.

Ai thotë se Kosova është e interesuar për zgjidhje të përhershme dhe të qëndrueshme të lëvizjes së qytetarëve mes dy shteteve, me tabela zyrtare dhe pa tabela të përkohshme.

“Bisedimet nuk duhet të kenë alternativë apo plane të tjera dhe ne po e theksoj jemi të interesuar për zgjidhje të përhershme dhe të qëndrueshme të lëvizjes së qytetarëve mes dy shteteve tona. Pra, të lëvizim me tabela zyrtare dhe t’u ofrojmë qytetarëve një perspektivë të re bazuar në të drejtat e njeriut, të drejtat civile si dhe të drejtat, vlerat dhe parimet demokratike evropiane”, tha Kurti.

Kryeministri kosovar tha se njësia speciale e policisë, në pikat kufitare 1 dhe 31 është vetëm për të ruajtur policët kosovarë në pikat kufitare dhe për t’u kujdesur për qarkullimin normal.

Kosova me vendim të 20 shtatorit nuk do t’i lejojë veturat me tabela serbe në Kosovë. Të gjithë ata që kanë vetura me regjistrim të Serbisë duhet të marrin tabela të përkohshme, vlefshmëria e të cilave zgjat 60 ditë dhe kushtojnë 5 euro, për t’u futur dhe qarkulluar në territorin e Kosovës.

Kjo ka ngjallur reagim nga serbët e Kosovës të cilët kanë ngritur tendë në afërsi të kufirit të Kosovës me Serbinë dhe kanë bllokuar rrugët me kamionë në formë proteste mbi vendimin e Kosovës.

Ministria e Punëve të Brendshme ka sugjeruar më herët qytetarët të cilët planifikojnë të shfrytëzojnë pikat kufitare në Bërnjak dhe Jarinjë, që “mundësisht të shfrytëzojnë pikat tjera kufitare për qarkullim, për shkak të krijimit të pengesave të mundshme”.

blank

Kurti: Kosova dhe Serbia të heqin targat e përkohshme të makinave

VOA

Kryeministri i Kosovës, Albin Kurti, i bëri thirrje të mërkurën Serbisë që të dyja palët të heqin nga përdorimi targat e përkohshme të makinave dhe të hapet rruga për lëvizjen e lirë të qytetarëve.

Ai i bëri këto komente në mbledhjen e qeverisë dy ditë pasi autoritetet në Kosovë filluan zbatimin e masës së reciprocitetit me Serbinë për targat e makinave. Që nga e hëna, makinat që hyjë nga Serbia në Kosovë duhet të ndërrojnë targat e tyre me ato të përkohshme, njësoj siç veprohet me makinat nga Kosova që hyjnë në Serbi tash e dhjetë vjet me radhë.

“Edhe oferta jonë publike, besoj që është tejet praktike përveç se gjeneroze ,e kjo është le t’i heqim tabelat e përkohshme edhe Serbia edhe Kosova dhe në këtë mënyrë qytetarët le të qarkullojnë sa më shumë e me sa më pak vonesa”, tha kryeministri Kurti, sipas të cilit Serbia është duke refuzuar bisedimet për këtë çështje.

“Sepse qartazi ata kanë dhënë përgjigje negative për bisedimet me neve. Ne besojmë se Brukseli është vendi ku duhet të zhvillohen takimet dhe bisedimet dhe natyrisht, si gjithmonë, jemi të gatshëm, të hapur e të interesuar, sepse është interesi i qytetarëve për një gjë të tillë”, tha kryeministri Kurti.

Qeveria e Kosovës dërgoi të hënën në vendkalimet kufitare me Serbinë njësitë e posaçme të policisë për të zbatuar vendimin mbi targat, duke nxitur zemërimin e Beogradit.

Presidenti serb Aleksandër Vuçiç, kërkoi të martën nga autoritetet e Kosovës tërheqjen e njësive të posaçme të policisë nga veriu i Kosovës dhe heqjen dorë nga vendimi për masën e reciprocitetit për targat e makinave, ndërsa paralajmëroi kundërmasa nëse kjo nuk ndodhë.

Për të tretën ditë me radhë grupe qytetarësh serb vazhdojnë të mbajnë të bllokuar lëvizjen për në vendkalimet kufitare ndërmjet Kosovës dhe Serbisë në Jarinjë dhe Bërnjak, në veriun e banuar me shumicë serbe, në shenjë proteste kundër vendimit të qeverisë së Kosovës.

“Vendimi për targat është i drejtë dhe garanton të drejtën e lëvizjes së lirë, përfshirë edhe qytetarëve serbë. Pengesat janë duke u bërë me disa kamionë pronë komunale dhe kjo është keqpërdorim i aseteve publike. Ftoj grupin e organizuar të qytetarëve serbë, sepse ata kanë bllokuar veten e tyre dhe lëvizjen. Për incidente dhe eskalim nuk kanë interes as qytetarët e as shteti ynë, nuk kanë interes as serbët e Kosovës e as Serbia, duket se interes ka vetëm një individ, presidenti i Serbisë”, tha kryeministri Kurti.

Çështja e targave ishte pjesë e marrëveshjeve të arritura në Bruksel në kuadër të bisedimeve Kosovë – Serbi të ndërmjetësuara nga Bashkimi Evropian. Sipas saj banorët e Kosovës duhet të përdorin targat ‘KS’ (Kosovë) ose ‘RKS’ (Republika e Kosovës) dhe të heqin nga përdorimi targat që për serbët e Kosovës lëshoheshin nga ministria e Brendshme e Serbisë.

Autoritetet në Kosovë thanë se 15 shtatori i vitit 2021 ishte afati i fundit kur përfundimisht duhej të përmbyllej marrëveshja e arritur në Bruksel dhe të ndalohej lëvizja e makinave me çfarëdo tabelash përveç atyre me shenjën RKS. Sipas marrëveshjes, deri më 15 shtator lejohej hyrja në Serbi e makinave me targat që mbanin shenjën KS.

Bashkimi Evropian dhe Shtetet e Bashkuara u bënë thirrje të dyja palëve që “të ulin tensionet menjëherë dhe pa vonesë” dhe që çështjet e diskutueshme ndërmjet tyre t’i zgjidhin përmes procesit të bisedimeve në Bruksel.

blank

Gjukanoviqi e godet Vuçiqin nga SHBA: Ballkani kërcënohet nga disa ide politike prapambetëse

Presidenti i Malit të Zi, Mila Gjukanoviq, i cili po merr pjesë në një sesion të Asamblesë së Përgjithshme të OKB-së tha se reflektime të forta të “trazirave politike globale” po ndihen në rajon dhe se këto shqetësime kanë çuar në rizgjimin, siç tha ai, të disa ideve politike prapambetëse, raportojnë mediat malazeze, transmeton Gazeta Express.

Gjukanoviq tha nga Nju Jorku, pas një darke pune joformale të udhëheqësve të Ballkanit Perëndimor të organizuar nga Përfaqësuesi i Lartë i BE-së për Punët e Jashtme dhe Sigurinë, Josep Borrell, se këto ide politike retrograde u frymëzuan kryesisht nga rikompozimi i kufijve në Ballkanin Perëndimor dhe krijimi i kushtet për shtete të zgjeruara kombëtare dhe fetare homogjene. Me këtë deklaratë, ai iu referua indirekt presidentit të Serbisë, Aleksandar Vuçiq me të cilin vazhdon të mos ketë raport aspak të mirë.

“Unë theksova se e konsideroj atë shumë retrograde dhe absolutisht katastrofike, siç dëshmohet nga humbjet që kishim në ish-Jugosllavi në fillim të viteve ’90, të cilat janë pasojë e ideve të asaj kohe identike me idetë e sotme”, tha Gjukanoviq.

Ai theksoi se kjo është diçka që jo vetëm e kërcënon profilin qytetar, laik dhe pro-evropian të Malit të Zi, por gjithashtu e kërcënon stabilitetin e Ballkanit, dhe kështu, sipas tij, kërcënohet stabiliteti evropian që të përqëndrohet në idenë e prosperitetit dhe konkurrueshmërisë së Evropës si një shtëpi e përbashkët.

“Më duket se të gjithë bashkëbiseduesit i kuptuan shumë mirë këto paralajmërime. Së bashku, ne i bëmë thirrje BE -së, me inicimin e Përfaqësuesit të Lartë për Punët e Jashtme dhe Sigurinë, Z. Borrell, të bëjë përpjekje shtesë për të ndihmuar në të ardhmen e afërt”, tha Gjukanoviq.

Presidenti malazez para pak ditësh tha se po e sheh synimin e Serbisë për një Kosovë pa shqiptarë dhe Mal të Zi pa malazezë.

“Nacionalizmi i dhunshëm i Serbisë së Madhe, i vendosur në selinë e politikës shtetërore të Serbisë, po përpiqet me arrogancë të imponojë imazhin e Malit të Zi si një shtet tjetër serb, i cili e arriti pavarësinë nga gabimi dhe pakujdesia e ish-udhëheqjes shtetërore të Beogradit. Dhe tani ky ‘gabim’ po korrigjohet nga veprimi militant-politik i infrastrukturës së mbetur ndërkufitare të Serbisë së Madhe – Kishës Serbe, një komunitet kuazi-fetar përgjegjës për shumicën e krimeve të kryera nga ky projekt nacionalist nga vitet 1990 e deri më sot”, deklaroi Gjukanoviq.

Dje, po nga Nju Jorku, edhe presidenti i Kroacisë, Zoran Milanoviq e goditi kreun e Serbisë. Ai theksoi se për Serbinë pengesa më e madhe në rrugën e anëtarësimit është presidenti Aleksandar Vuçiq, për të cilin tha se “është një nga nxitësit më të shquar të luftës në vitet ’90”, raporton mediumi kroat, Telegram, transmeton Gazeta Express.

Negociatat për pranimin e Serbisë në BE filluan në vitin 2014, ndërsa deri më tani ajo ka hapur 18 kapituj dhe ka mbyllur përkohësisht dy. Milanoviq shprehu bindjen e tij se Serbia “nuk ka qëllim të fortë” për t’u anëtarësuar në BE, ndërsa Maqedonia e Veriut dhe Shqipëria tha se “po punojnë shumë dhe po luftojnë”.

blank

Sylejman Selimi: Albin Kurti ka qenë pjesë e UÇK-së

Në seancën e parë të sesionit vjeshtor të Kuvendit të Republikës së Kosovës ka pasur një debat të ashpër në mes të Abelard Tahirit të Partisë Demokratike të Kosovës dhe kreut të Qeverisë së Kosovës, Albin Kurtit.

Tahiri teksa fliste për UÇK’në i thoshte Kurtit se s’ke qenë çlirimtar sikurse Hashim Thaçi “por viktimë e regjimit”.

“Qe dy herë që shkon në Bruksel dhe e bëni temë çështjen e UÇK-së në Bruksel. Sot neve na udhëheq një njeri që është viktimë e atij regjimi. Unë kisha dashtë që ti me kanë luftëtar çlirimtar po s’je, je viktimë. As viktimë s’kisha pas qejf me kanë, por je. Pra ti komplekset e tua nuk mundesh m’i shëru kaq lehtë, kanë me të përcjell sa të jesh në politikë, sepse Hashim Thaçi ka qenë fitimtar i luftës e ti je viktimë i atij regjimi. Ka me të mundu gjatë, po qa me të bo”, kishte deklaruar Tahiri në Kuvend.

Kurti duke iu kundërpërgjigjur Tahirit i kishte thënë t’i pyeste Sylejman Selimin e Rrustem Mustafën nëse ka qenë pjesë e UÇK’së ose jo.

Në një intervistë për ATV, Selimi ka thënë se Kurti ka qenë pjesë e UÇK’së dhe se janë takuar disa herë.

“Normal që Albin Kurti ka qenë pjesë e UÇK ‘së dhe jemi takuar disa herë gjatë luftës me të”, ka thënë Sylejman Selimi.

Selimi tutje ka dekalruar se Kurti është dëshmuar edhe para luftës dhe se ka qenë shumë më i rrezikuar në zyrën në Prishtinë./GazetaExpress/

blank

Kurti: I vetmi që do incidente është Vuçiq

Kryeministri i Kosovës Albin Kurti, në mbledhjen e qeverisë ka folur për situatën në veri me rastin e aplikimit të masës së reciprocitetit për targat e automjeteve nga Serbia.

Ai tha se i vetmi person i cili dëshiron incidente është presidenti i Serbisë është Aleksandar Vuçiq.

“Vendimi për targat është i drejtë dhe garanton të drejtën e lëvizjes së lirë, përfshirë edhe qytetarëve serbë. Pengesat janë duke u bërë me disa kamionë pronë komunale dhe kjo është keqpërdorim i aseteve publike. Ftoj grupin e organizuar të qytetarëve serbë sepse ata kanë bllokuar veten e tyre dhe lëvizjen. Për incidente dhe eskalim s’kanë interes as qytetarët e as shteti ynë, s’kanë interes as serbët e Kosovës e as Serbia. Duket se interes ka vetëm një individ, presidenti i Serbisë. Ne jemi për dialog”.

“Edhe oferta jone publike është tejet praktike, le t’i heqim tabelat e përkohshme edhe Serbia e dhe Kosova. Besoj që nuk është në interesin e Serbisë që të refuzojë dialogun dhe bisedimet siç po bëjnë aktualisht. Brukseli është vendi ku duhet të zhvillohen bisedimet dhe ne jemi të gatshëm e të hapur për të biseduar.”

blank

Vjosa Osmani dhe Donika Gërvalla takojnë sekretarin e NATO-s, Jens Stoltenberg, flasin për dialogun dhe marrëveshjet me Serbinë

Presidentja e Kosovës, Vjosa Osmani dhe ministrja e Punëve të Jashtme Donika Gërvalla kanë takuar sekretarin e Përgjithshëm të NATO -s, Jens Stoltenberg, ndërsa kanë folur rreth marrëveshjeve dhe dialogut Kosovë-Serbi.

Presidentja Osmani theksoi se synim themelor i Kosovës mbetet anëtarësimi sa më i shpejtë në NATO. Anëtarësimi është i rëndësishëm për ta siguruar paqen në rajon, por edhe për promovimin dhe mbrojtjen e vlerave tona të përbashkëta.

Gjatë takimit me të, presidentja Osmani theksoi përkushtimin e Kosovës për të hapur një kapitull të ri të bashkëpunimit me NATO-n, i cili nënkupton përfshirjen e Kosovës në Partneritetin për Paqe.

“Qëllimi ynë është të bëhemi pjesë e infrastrukturës globale të sigurisë, duke kontribuar për paqen”, tha ajo.

Forca e Sigurisë e Kosovës, tha presidentja Osmani, është forcë profesionale, e përgatitur në përputhje me standardet e NATO-s, e cila do t’i mundësojë Kosovës të bëhet forcë aktive në kuadrin e sigurisë rajonale dhe globale.

“Ne jemi krenarë që ushtarët tanë po marrin pjesë së bashku me ushtarët e Forcave të Armatosura të SHBA-së në një mision të përbashkët ushtarak në Kuvajt. Ky mision, i pari i këtij lloji për Kosovën, është dëshmi e gatishmërisë sonë për të kontribuar në paqen dhe sigurinë globale” tha presidentja Osmani.

Presidentja e informoi sekretarin Stoltenberg edhe për zhvillimet e fundit në dialogun me Serbinë.

Ajo theksoj se Republika e Kosovës i ka zbatuar marrëveshjet e Brukselit për lirinë e lëvizjes dhe i dënoi kërcënimet dhe veprimet e Serbisë dhe të strukturave ilegale të saj në Kosovë.

Në njoftim të Presidencës thuhet se sekretari i NATO–s, Jens Stoltenberg, e falënderoi Kosovën për strehimin e përkohshëm të refugjatëve afganë bashkëpunëtorë të NATO-s dhe e vlerësoi veprimin e saj si shembull të bashkëpunimit dhe të koordinimit me aleatët.

Presidentja Osmani theksoi se vendimi i Kosovës ishte në përputhje me orientimin gjeostrategjik dhe reflektim i vlerave të përbashkëta të të drejtave të njeriut.

“Kosova, vazhdoi ajo, është e gatshme që edhe në të ardhmen të kontribuojë në misione të ngjashme humanitare, por edhe në ato të sigurisë”.

blank

Politikat e reciprocitetit dhe rruga drejt pragut të konfliktit

Një pjesëtar i njësive speciale të Policisë së Kosovës qëndron pranë pikëkalimit kufitar në Jarinjë më 20 shtator 2021, ditën kur filloi së zbatuari masa e reciprocitetit për targat e Serbisë.

Bekim Bislimi

Në qoftë se nuk do të ketë një marrëveshje tjetër ndërmjet autoriteteve të Kosovës dhe Serbisë dhe vendimi i Qeverisë së Kosovës për masë reciprociteti për targat e veturave të regjistruara në Serbi do të mbetet në fuqi, atëherë qytetarëve që kanë vetura me targa të tilla nuk u mbetet tjetër përveç se ta respektojnë këtë masë, thonë disa qytetarë serbë të Kosovës.

Autoritetet në Kosovë më 20 shtator nisën aplikimin e masës së reciprocitetit për targat e automjeteve nga Serbia. Sipas vendimit të Qeverisë së Kosovës, veturat që hyjnë nga Serbia duhet të pajisjen me targa të përkohshme në pikëkalimet kufitare të Kosovës. Të gjithë shoferët që qarkullojnë me automjete me targa të lëshuara nga Serbia, duhet të paguajnë pesë euro për targa të përkohshme dhe vlefshmëria e tyre është 60 ditë.

Vendosjen e kësaj mase nga Qeveria e Kosovës, njohësit e zhvillimeve politike në Kosovë dhe Serbi, Artan Muhaxhiri dhe Dushan Janjiq e shohin si një hap që çon drejt masave tjera reciproke që Kosova mund të vendosë ndaj Serbisë.

Qytetarët serbë: Vendimi për targat do të respektohet detyrueshëm

Qytetarët serbë që jetojnë në Kosovë dhe të cilët kanë automjete me targa të Serbisë, vlerësojnë se do të jenë të detyruar që të zbatojnë masën e Qeverisë së Kosovës për targat e Serbisë.

Millosh Saviq nga Mitrovica e Veriut thotë që qytetarët serbë edhe më herët kanë qenë të detyruar që të zbatojnë vendime të autoriteteve të Kosovës dhe mund të ndodhë edhe tash. Ngjashëm, sipas tij, ata kanë qenë të detyruar të marrin edhe dokumentet e identifikimit të Kosovës.

“Në të njëjtën mënyrë, për shkak të nevojës së skajshme, do të merrja edhe targat e Kosovës. Por, po shpresoj që nuk do të vijë puna deri aty”, thotë Saviq.

Dragan Martinoviq nga Graçanica thotë se nuk e ka problem që t’i përmbahet vendimit të autoriteteve të Kosovës, për shkak se ka dy palë targa për automjetin e tij.

“I kam targat e Kosovës dhe të Serbisë. Kështu që nuk di se si do t’ia bëj. Por, aty ku shkon shumica do të shkoj edhe unë”, thotë ai.

Një qytetar tjetër serb, i cili u prezantua me emrin Gjorgje, thotë se të premten e javës së kaluar ka hyrë në Kosovë me automjetin që ka targa të Serbisë, por edhe pas vendimit të Qeverisë së Kosovës për targat, nuk ka pasur ndonjë problem gjatë qarkullimit në Graçanicë, komunë kjo me shumicë serbe në afërsi të Prishtinës. Megjithatë, ai shprehet se në të ardhmen kur të hyjë në Kosovë nga Serbia, mund të ketë probleme.

“Do të më duhet ta respektoj vendimin. Do të paguaj (për targat e përkohshme), çfarë të bëj tjetër. Nuk mund t’i ndërroj targat. Nuk kam dokumente që do të ma mundësonin këtë”, thotë Gjorgje.

blank

Infografikë

Pikat kufitare ku takohen Kosova dhe Serbia

Muhaxheri: Një hap drejt politikave të reciprocitetit

Socialogu dhe njohësi i zhvillimeve politike në Kosovë, Artan Muhaxhiri, duke folur për Radion Evropa e Lirë, shpreh mendimin se vendimi Qeverisë së Kosovës për masën e reciprocitetit për targat e Serbisë është vetëm një hap i parë që do të pasohet edhe me masa të tjera të reciprocitetit.

“Po, sepse edhe kryeministri Kurti e ka paralajmëruar një gjë të tillë. Një pjesë e premtimeve në zgjedhjet e 14 shkurtit, të cilat i ka fituar bindshëm, ka qenë reciprociteti me Serbinë. Ai e ka obligim edhe para votuesve të tij që ta bëjë një gjë të tillë. Mirëpo, në asnjë mënyrë nuk guxon që cilado qoftë formë e reciprocitetit me Serbinë, t’i dëmtojë marrëdhëniet me aleatët tanë, me Shtetet e Bashkuara të Amerikës dhe me Bashkimin Evropian”, thotë Muhaxhiri.

Ai shton se Qeveria e Kosovës, në rast se vazhdon me masa të tjera të reciprocitetit ndaj Serbisë, do të duhej të jetë e kujdesshme që këto masa të jenë vetëm në funksion të zbatimit të marrëveshjeve të arritura deri më tash në Bruksel, në kuadër të dialogut Kosovë-Serbi.

Janjiq: Serbia nuk e ka respektuar Marrëveshjen e Brukselit

Dushan Janjiq nga Forumi për Marrëdhënie Etnike në Beograd, thotë për Radion Evropa e Lirë se vendimi i Qeverisë së Kosovës për masën e reciprocitetit të targave me Serbinë, para së gjithash është paralajmërim i zbatimit të politikës së reciprocitetit.

“Shkasi është i mjaftueshëm që ta arsyetojë këtë, sepse vërtetë bëhet fjalë për mosrespektim të Marrëveshjes së Brukselit nga ana e Serbisë kur bëhet fjalë për tabelat ‘RKS’ (të Kosovës). Unë mendoj që ky është shkas i pakontestueshëm, por pas gjithë kësaj është e dukshme që ekziston një mosbesim i thellë dhe kjo është pikëpyetje e madhe qoftë për Kosovën, për Serbinë, por edhe për Bashkimin Evropian sesa politika e reciprocitetit ka pika të përbashkëta me politikën e normalizimit të marrëdhënieve. Unë jam i bindur që nuk ka”, thekson Janjiq.

Ai shton se Kosova dhe Serbia, duhet pasur kujdes që masat e tilla të mos i emëronin si reciprocitet, për shkak se siç thotë ai, politika e reciprocitetit në Evropën e shekullit të kaluar ka sjellë dy luftëra botërore. Sipas tij, politikat e reciprocitetit janë mjaft të rrezikshme dhe nuk u takojnë vlerave të sotme evropiane.

Reagime dhe tensione

Radio Evropa e Lirë i është drejtuar Zyrës së Kryeministrit të Kosovës për të mësuar nëse vendimi për masën e reciprocitetit me Serbinë për targat, do të pasohet me vendime për masa të tjera të reciprocitetit. Deri në publikimin e këtij teksti, kjo zyrë nuk ka kthyer përgjigje.

Në seancën e Kuvendit të Kosovës, më 20 shtator, ditën kur edhe filloi të zbatohet vendimi i Qeverisë së Kosovës për targat e Serbisë, kryeministri Albin Kurti para deputetëve ka arsyetuar këtë vendim. Ai duke mbajtur në duar pamjet sesi duken targat e përkohshme të Kosovës për automjetet e Serbisë me të cilat do të mund të qarkullojnë në Kosovë, por edhe targat e përkohshme të Serbisë për automjetet me targa të Kosovës që qarkullojnë në Serbi, tha se këto të fundit aplikohen tash dhjetë vjet.

“Këto janë tabelat tona që janë të përkohshme për ata që vijnë me tabela të tjera. Ndërkaq ka dhjetë vjet që qytetarët tanë paguajnë për këto tabelat që janë poshtë (tabelat ‘prova’ të Serbisë). Ne nuk i duam as këto dhe as ato. Mirëpo përderisa do të ketë këso (të Serbisë) do të ketë edhe këso (të Kosovës)”, ka thënë Kurti.

Kryeministri Albin Kurti tregon tabelat e përkohshme të Kosovës dhe ato të Serbisë gjatë seancës plenare të mbajtur më 20 shtator.

Kryeministri Albin Kurti tregon tabelat e përkohshme të Kosovës dhe ato të Serbisë gjatë seancës plenare të mbajtur më 20 shtator.

Në anën tjetër, presidenti i Serbisë, më 20 shtator, duke reaguar ndaj vendimit të Qeverisë së Kosovës për targat, ka thënë që shpreson që autoriteteve të Serbisë nuk do t’iu duhet të marrin masa, “si ekonomike ashtu edhe politike, sepse kjo nuk do të ishte mirë për të gjithë rajonin” dhe veçanërisht për marrëdhëniet e Serbisë me Kosovën.

Së fundmi, më 21 shtator, Vuçiq ka thënë se Kosova duhet të ndryshojë vendimet e saja “të këqija” ose në të kundërtën, shteti i tij do të ndërmarrë masa, pa specifikuar se për çfarë masash bëhet fjalë. Ai gjithashtu ka kërkuar që autoritetet e Kosovës të tërheqin trupat, siç ka thënë ai, “që pushtuan” veriun e Kosovës.

Marrëveshja e Brukselit për targat

Çështja e targave është e rregulluar me Marrëveshjen e Brukselit për lëvizjen e lirë, në vitin 2011, në kuadër të dialogut ndërmjet Kosovës dhe Serbisë, ku ishte përcaktuar që të gjithë pronarët e veturave që banojnë në Kosovë, duhet të përdorin targat ‘KS’ (Kosovë) ose ‘RKS’ (Republika e Kosovës) dhe kështu t’i hiqnin nga përdorimi targat që për serbët e Kosovës i lëshonte Ministria e Punëve të Brendshme e Serbisë.

Në vitin 2016, po ashtu ishte arritur pajtimi ndërmjet Kosovës dhe Serbisë në Bruksel që automjetet me targa ‘KS’ të vazhdonin të jenë në qarkullim edhe për një afat prej pesë vjetësh, pra deri në shtator të vitit 2021.

Po ashtu në marrëveshjen e këtij viti, ishte arritur pajtimi që me etiketa apo letra ngjitëse, të mbulohen pjesët relevante të targave, siç janë simbolet dhe akronimet e shteteve përkatëse, gjatë qarkullimit në territorin e njëra-tjetrës.

Por, kur qytetarët e Kosovës, përfshirë edhe ata serbë, kanë automjete me targa ‘RKS’, ata i nënshtrohen procedurave në vendkalimet kufitare në Serbi, për t’i hequr këto targa dhe për t’i vendosur targat “Prova” që i lëshojnë autoritetet serbe.

Dialogu drejt dështimit?

Artan Muhaxhiri shpreh mendimin se çfarëdo që të jenë veprimet e mëtejme të Qeverisë së Kosovës, sidomos për masat ndaj Serbisë, duhet të jenë të kujdesshme dhe të koordinuara me partnerët dhe aleatët ndërkombëtarë.

“Kryeministri Kurti, çdo hap të tij në idenë e tij për reciprocitet, duhet ta ketë të bazuar në Marrëveshjen e Brukselit. Nuk guxon të marrë vendime arbitrare, vendime të cilat shkojnë përtej marrëveshjeve në Bruksel, sepse në atë rast do të jenë të dëmshme të Kosovës dhe do të krijojnë bllokada, sikurse që i kemi parë në vitet e kaluara. Reciprociteti me Serbinë ka kuptim vetëm nëse është i harmonizuar me aleatët tanë, me SHBA-në dhe BE-në dhe që nuk krijon pasoja të mëdha për imazhin politik të Kosovës në arenën ndërkombëtare dhe as në raport me procesin e integrimeve në BE”, u shpreh Muhaxhiri.

Dushan Janjiq e sheh situatën si mjaft të tensionuar, pas vendimit të Qeverisë së Kosovës për targat, por edhe reagimeve të autoriteteve të Serbisë. Por, sipas tij, qasjet që kanë aktualisht autoritetet e të dyja vendeve, Kosovës dhe Serbisë, mund të sjellin në prag të konfliktit.

“Thjesht, jemi kthyer në vitin 2011, gjë që konsideroj që është humbje për të dy politikanët (Kurti dhe Vuçiq), por edhe humbje për (përfaqësuesin e posaçëm të Bashkimit Evropian në dialogun Kosovë-Serbi, Mirosllav) Lajçakun dhe BE-në. Kjo është pasqyrë e keqe për dialogun. Këtë lloj të dialogut, të cilin e ka ndërmjetësuar dikur (Federica) Mogherini dhe tash e ndërmjetëson Lajçak, duhet sa më shpejt ta harrojmë. Besoj se mënyra më e mirë është që Amerika të përfshihet në proces, ta ndryshojë formatin e dialogut dhe në veçanti të sigurohet përgjegjësia e të dyja palëve për ato që nënshkruajnë”, thotë Janjiq.

Bashkimi Evropian dhe Shtetet e Bashkuara të Amerikës, u kanë bërë thirrje autoriteteve të Kosovës dhe të Serbisë që të dyja palët të ndërmarrin masa, në mënyrë që të ulen tensionet “menjëherë dhe pa vonesë”.

blank

Berisha mesazh Bashës: Të gjithë ata që gjatë 30 viteve i kapi frika prej forumeve kanë përfunduar keq

Ish-kryeministri Sali Berisha i ka dërguar nga Fieri një mesazh paralajmërues Lulzim Bashës për përjashtimin nga grupi parlamentar.

Berisha i thotë Bashës se të gjithë ata që në 30 vite i kapi frika përfunduan keq.

Sipas tij, Basha ka hequr nga Statuti edhe referendumet, por Berisha siguron se Kuvendi do të mblidhet dhe do të fusë në Statut nenin e referendumeve. Më pas do të sanksionohet po në Statut edhe që kryetari i partisë që merr vendime që nuk janë pushteti i tij që në momentin që shpall vendimin përveç kohës së luftës do të shkarkohet në vend.

‘’Në këtë situatë që jemi ne vota është shpëtimtare, vota e lirë. Delegatëve të Kuvendi i jap të drejtë kur ¼ e tyre firmosin atëhere mblidhet Kuvendi. Nuk lënë asnjë hapësirë. Ka shpërndarë vendimmarrjen.

Kryetari thotë që unë nuk do lejoj, kryetarit i them një gjë, të gjithë ata gjatë 30 viteve që i kapi frika e forumeve kanë përfunduar keq, prandaj ja ku i kemi gjithë njerëzit që mbajnë mbi supe, mos ki frikë, mos mendo se mund ti shkelmosh, mos luaj, mos luaj me pluralizmin. Kjo parti ka sakrifikuar shumë, ka sjellë pluralizmin.

Lëri ato, forumet do mblidhen, Kuvendi i partisë do vendosë. Çdo kryetar që i lejon vetes të marrë vendime që nuk janë pushteti i tij, që në momentin që shpall vendimin përveç kohës së luftës është i shkarkuar dhe posti i kalon nënkryetarit ose Sekretarit. Do të sanksionohet në Statut. E more vendimin për të shpëtuar veten, merre por nuk je këtë, do sanksionohet në Statut.

Çka bërë zotëria, në fushatë elektorale thoshte do hapim referendume. Thashë unë qenka apasionuar nga modeli zvicerian. Ky ka hequr referendumin nga statuti i PD. Atëhere marrim Kuvendin, Kuvendi vendos nenin e referendumit në Statut dhe bëhet referendumi. Jemi në krizë të thellë, do e kalojmë së bashku.’’- tha Berisha.

blank

Berisha iu drejtohet strukturave të PD: Pse nuk vjen Basha tek ju? Të arsyetojë si unë, demokratët duan shpjegim!

Ish-kryeministri i Shqipërisë, Sali Berisha i është drejtuar me një festë strukturave të PD për t’i drejtuar disa pyetje Lulzim Bashës.

Berisha thotë se Basha duhet që të arsyetojë si vetë ai për vendimin që ka marrë për përjashtimin nga grupi parlamentar.

Ai thekson se kryetari i PD ka gjetur modelin për të thirrur Kryesitë në Tiranë dhe nuk u jep shpjegim demokratëve.

‘’Një demokrate në një letër të hapur që më dërgon i thotë Bashës, o zotëri kjo Amerika jote e vendimeve pa vota, pa forume, pa anëtarësi, është Kina. Ti pretendon se kjo është Amerika, ti je prokinez.

Këtë tubim sipas ish-kryetarit ai e quan antiamerikan. Dhe këto tubime, këto debate shpëtimtare për PD, demokracinë shqiptare qenkan antiamerikane. Po pse? Sepse i duhet atij për karrigen e tij. Tani unë e kam një eksperiencë të gjatë. Nuk është hera e parë që jam në këtë situatë.

Sali, tani me të vërtetë kjo administratë ka marrë këto vendime, a fitojmë ne? Unë them se po, por po, por ne kurrë nuk fitojmë nëse s’jemi parti sovrane. Ta keni të qartë këtë. Ne ngrihemi në këmbë dhe unë ju jap fjalën e nderit se fakti i parë, prova e parë që të dalë faktuar korrupsioni i Berishës dhe fëmijëve, merr çdo masë kundër vetes së tij, por është i pathyeshëm ndaj gënjeshtrave e presioneve të kujtdo.

Edhe një gjë tjetër, ne kemi 30 vjet sot si parti, ne kemi tiparet tona, i kemi. Parti e vlerave, qendrës së djathtë, lirive të drejtave njerëzore. Kemi partner tonin si parti, partinë republikane të SHBA. Që në fillim, frymëzuesi im ishte Ronald Reagan.

Sepse ai në një kohë kur gjithë bota punonte për pajtim mes kampeve. Kështu që ne hymë në një kohë kur s’dinim çjanë. Kur themeluam partinë, e dinim ç’ishte partia komuniste, por të tjerat jo. Morëm statutin me fax. Çfarë thonë republikanët?

A mund të pranoj një dënim politik? Kurrën e kurrës. A duhet të pranojë PD dënimet politike? Kurrë nuk mund ti pranojë ato nga kushdo qofshin.

Të rikthehemi si do ja nxjerrim për hundësh Ramës votat që vodhi e fitoret që grabiti. Si? Kjo është çështja e gjithë çështjeve. Imponoi pengut të tij, në Shqipëri hyn në histori për pabesi, por fitim nuk merr.

Ftoj gjithë strukturat e PD të shtrojnë pyetjen, a jeni për t’u shkelmuar nga kryetari apo do i tregoni vendin kryetarit? A jeni ju antiamerikanë apo është kryetar një peng sharlatan që do t’iu imponojë vendimet antidemokratike, antistatutore.

Pse nuk vjen kreytari tek ju? Të arsyetojë si mua. Ka gjetur modelin i thërret kryesitë në Tiranë, po shko nëpër rrethe. Demokratët duhet t’u japësh shpjegim.

Ai ndaj dhe ju ftoj të bëhemi misionarë. Se sot është mision absolutisht si në ’91, të ngremë opozitën shqiptare fuqishëm, e goditur rëndë nga pengmarrjet, pabesitë e të tjerat, të pamerituara. Të shkojmë sigurtë drejt fitores, në rrugën  tonë.’’- tha Berisha.

blank

Berisha i përgjigjet ambasadores së SHBA: Nuk kam thënë kurrë që nuk janë dosjet, por janë të tëra shpifje

FIER

Ish-kryeministri Sali Berisha i është përgjigjur nga Fieri edhe ambasadores amerikane në Tiranë Yuri Kim, për një deklaratë të bërë disa ditë më parë në një intervistë për Zëri ne Amerikës.

Ai tha se ambasadorja i ka thënë Lulzim Bashës se Berisha e di që SHBA ka dosje, por ai nuk i beson ato dosje, por se ato janë të bazuara në raporte të NGO-ve, të organizatave të shoqërisë civile, në raporte të mediave dhe të qeverisë së Ramës dhe sipas tij janë të gjitha shpifje.

“Miqtë e mi, ambasadorja ka deklaruar para disa ditësh në Zërin e Amerikës se habitem se si njerëzit bëjnë të paditurin. Më lejoni t’ju them këtu para jush, para të gjithë shqiptarëve, zonja ambasadore ke thënë këtë, por ke thënë edhe diçka tjetër. I ke thënë Lulzim Bashës se Berisha e di që ne kemi dosje, por ai nuk i beson ato dosje. Nga e di që kanë dosje. DASH ka deklaruar se sekretari i shtetit ka marrë vendimin bazuar në raporte të NGO-ve, të organizatave të shoqërisë civile, në raporte të mediave, në raporte të qeverisë së Edi Ramës, raporte antikorrupsion që nuk janë botuar kurrë. Unë nuk kam thënë kurrë ndonjëherë që nuk janë dosjet, por ato janë të tëra shpifje dhe vetëm shpifje. Edi Rama dy vite me radhë me Engjëll Agaçin ka çuar me dhjetëra e dhjetëra vendime të qeverisë, të gjitha i ka kthyer prokuroria e tyre si pa asnjë bazë”, deklaroi Berisha.

blank

Berisha: Më mirë qiri i fikur sesa qiri i fëlliqur! Goja ime nuk mbyllet para interesit kombëtar

Në “Foltoren” gjatë tubimit me demokratët në Fier, ish-kryeministri Sali Berisha, deklaroi se këtë lëvizje e ka kryekëput për Partinë Demokratike.

‘Kemi një fjalë të urtë më mirë qiri i fikur sesa qiri i fëlliqur. Ndaj dhe ne ndalemi këtu. Çështjen time personale do e shpjegojë por kurrë nuk kam dashur të implikojë asnjë person përveç meje. Të nesërmen e kam vendosur se do e çoj në gjykatë për shpfije dhe jo për vendimin. Vendimin mbae zotëri sepse ti e di për sa kohë je në atë detyrë se kush duhet të hyjë në SHBA dhe kush jo.

Në letrën time vetëm një orë pas vendimin i shkruj, zoti sekretari ky është vendim i Xhorxh Sorrosit. Multimilardieri Soros ka hartuar në Beograd projektin në pamje të parë të ndryshimit të kufijve, por në thelb ishte shpërbërja e Kosovës dhe e sovranitetit të saj.

Ishte dhënë para e madhe për të mbyllur gojët por goja ime nuk mbyllet para interesit kombëtar. Është shkeljet e kushtetutës së Kosovës është shkeljet e gjalkut të Kosovës dhe unë nuk do e bëja kurrë.

Galeritë e Trepçes do i jepeshin Beogradit dhe Kosova do të shpërbëhej’, tha Berisha.


blank
blank
blank
blank
blank
blank
blank
blank
blank
blank
blank
blank
Send this to a friend