Franca do të rrisë madhësinë e arsenalit të saj bërthamor dhe do të forcojë aftësitë e saj parandaluese, me një rrezik në rritje të konflikteve globale që kalojnë pragun bërthamor, tha të hënën Presidenti Emmanuel Macron.

“Aktualisht po përjetojmë një periudhë trazirash gjeopolitike të mbushura me rreziqe”, tha Macron në një fjalim të mbajtur nga një bazë nëndetësesh në Brettany, duke shtuar se ishte e nevojshme një “forcim” i modelit francez të parandalimit.

Duke zbuluar përditësimin e doktrinës bërthamore të Francës në një bazë bërthamore në bregdetin e Atlantikut, Macron tha gjithashtu se një ndryshim “i madh” do të shihte më shumë bashkëpunim me aleatët evropianë që kanë shprehur interes, përfshirë Gjermaninë.

Edhe pse Franca dhe Britania janë të dyja fuqi bërthamore, shumica e vendeve evropiane mbështeten kryesisht te Shtetet e Bashkuara për të penguar çdo kundërshtar të mundshëm – një shtyllë dekadash e sigurisë transatlantike. bw