VOAL

Please Wait ...
0%

Guterres: Autoritetet në Birmani ta ndalin dhunën kundër myslimanëve

By | September 14, 2017

Komentet

UNICEF: Rreth 1.3 milion fëmijë të zhvendosur në Irak

 Rreth gjysma e 2.6 milionë njerëzve të zhvendosur në Irak, pas luftës trevjeçare me grupin militant Shteti Islamik, janë fëmijë, bënë të ditur Kombet e Bashkuara.
Sipas tyre, Qeveria e Bagdadit ka shpallur fitore ndaj militantëve muajin e kaluar, por bombardimet dhe të shtënat e vazhdueshme e bëjnë të vështirë rikthimin e të zhvendosurve.
“Besojmë se si rezultat i konfliktit, mungesës së investimeve me vite dhe varfërisë, janë mbi 4 milionë fëmijë në nevojë në gjithë Irakun”, tha Peter Hawking, përfaqësues i Agjencisë për Fëmijë të OKB-së në Irak.
Ai tha se rreth 1.3 milion nga 2.6 milionë të zhvendosur nga luftimet shkatërruese me Shtetin Islamik janë fëmijë.

 

Centrali i parë bërthamor lundrues në botë do të testohet në qershor

Numri i përgjithshëm i personelit të impiantit do të jetë 305 persona, ndërsa strehimi, shëndetësia dhe pajisjet arsimore do të përdoren për të ofruar shërbime për personelin

Rajoni autonom rus Chukotka njoftoi se centrali i parë bërthamor lundrues (FNPP) do të dërgohet në qytetin port veriperëndimor të Rusisë, Murmansk, për ngarkimin e karburantit bërthamor dhe për disa teste në muajin qershor.

FNPP do të sigurojë energji elektrike në qytetin verior rus Pevek pas arritjes në portin e qytetit në qershor të vitit 2019, tha administrata e rajonit autonom të Chukotka-s.

FNPP i cili është projektuar për të operuar për rreth 40 vjet është financuar nga Rosernergoatom Concern JSC, një degë e korporatës shtetërore bërthamore Rosatom. Uzina do të zëvendësojë centralin Bilibinskaya, i cili aktualisht gjeneron deri në 80 për qind të energjisë elektrike në rrjetin e izoluar Chaun-Bilibinskaya.

Sipas Ministrisë ruse për Zhvillimin e Lindjes së Largët, ndërtimi i FNNP-së ishte një iniciativë e seksionit të posaçëm “Lindja e Largët” e programit shtetëror “Zhvillimi i Kompleksit të Energjisë Bërthamore dhe Industrisë”.

Numri i përgjithshëm i personelit të impiantit do të jetë 305 persona, ndërsa strehimi, shëndetësia dhe pajisjet arsimore do të përdoren për të ofruar shërbime për personelin.

Më herë, Rojet e Standardeve të Ndërtimit të Rusisë, Glavgosexpertiza, njoftuan se ajo miratoi ndërtimin e uzinës më 9 janar. aa

Hetime të dy shteteve për vdekjen e 52 udhëtarëve në një autobus

Pamje pas zjarrit në një autobus në Kazakistan me udhëtarë nga Uzbekistani

 

 

 

Presidenti i Kazakistanit, Nursultan Nazaraev, i ka dërguar telegram ngushëllimi kolegut të tij në Uzbekistan, Shavkat Mirziyoev, derisa të dy vendet kanë hapur hetime për shkaqet e përfshirjes së një autobusi nga zjarri, me ç’rast janë vrarë 52 shtetas të Uzbekistanit, derisaa ata udhëtonin nëpër Kazakistan.

Nga ky incident tragjik kanë shpëtuar vetëm pesë udhëtarë.

Incidenti i këtillë ishte më vdekjeprurësi që ka ndodhur në pesë vitet e fundit në botë.

Zyrtarët kanë thënë se autobusi dje në mëngjes ishte përfshirë nga zjarri, 10 kilometra afër fshatit Qalybai, në një autostradë, që e lidhë qytetin rus Samara me qytetin jugor Shymkent në Kazakistan.

Prifti rus dënohet me 14 vite burgim për ngacmim fëmijësh

Prifti ortodoks rus, Gleb Grozovsky

Prifti ortodoks rus, Gleb Grozovsky, është dënuar me 14 vite burgim në qytetin Priozersk, pas akuzave për ngacmim fëmijësh.

Gjykata në veriperëndim të qytetit rus, ka njoftuar sot për vendimin kundër priftit rus.

Gjykata e ka gjetur fajtor Grozovsky, për kryerje të marrëdhënieve seksuale me vajza të mitura në verën e vitit 2011, në një kamp fëmijësh në Ishullin Konevets afër Priozersk.

Në atë kohë, Grozovsky, ka qenë prift në një katedrale jashtë Shën Petersburgut.

Gjykata po ashtu e ka gjetur fajtor priftin edhe për marrëdhënie seksuale me vajza të mitura në një kamp në Greqi në qershor të vitit 2013, derisa ishte famulltar i një kishe.

Rusia pati nisur një fletë-arrest për Grozovsky në tetor të vitit 2013.

Ai është ekstraduar nga Izraeli në Rusi në shtator të vitit 2016.

Moska qytet i territ: ka parë vetëm 6 minuta diell gjatë dhjetorit

VOAL – Gjatë dhjetorit që shkoi Moska ka parëvetëm 6 minuta diell. Lajmin e dha portali Meteonovosti duke saktësuar se bëhet fjalë për muajin më të errët në historinë e vëzhgimeve meteorologjike.

Në Moskë 31 ditët e fundit të vitit tradicionalisht janë më të errët, për shkak të gjerësisë gjeografike në të cilën ndodhet qyteti. E mesatarisht në harkun e një muaji regjistrohen 18 orë dritë natyrale.

“Por vitin e shkuar, situata ka qenë e jashtëzakonshme – njofton Roman Vilfand, shef i qendrës meteorologjike ruse – me temperatura anomale, më të larta se mesatarja stinore 5,8 gradë, dhe ciclone e mjegulla që e kanë mbuluar qiellin.”

I vetmi rekord është shënuar në vitin 2000, kur kryeqyteti rus u ndriçua  nga rrezet e diellit tri orë. ANSA

Papa arrin në Kili; synon rikthimin e besimit te kisha

Papa Françesku ka arritur për vizitë treditëshe në Kili, me qëllim rikthimin e besueshmërisë te kisha lokale.
Zemërimi i popullsisë atje është rritur, për shkak të akuzave për abuzimin seksual të fëmijëve kundër 80 anëtarëve të klerit kilian.
Disa priftërinj janë dënuar nga Gjykata e Vatikanit, por protesta kundër mbulimit të dyshuar të skandalit priten gjatë qëndrimit treditor të Papës.
Pika kulmore e vizitës së Papës do të jetë një meshë e hapur në kryeqytetin Santiago, të martën.
Papa po ashtu do të takojë viktimat e diktaturës së Augusto Pinochetit.
Kreu i Selisë së Shenjtë do të udhëtojë drejtë Perusë të enjten.

Indonezi, aktivizohet vullkani Agung në ishullin Bali

Që nga muaji shtator e deri më tani 50 mijë persona ishin evakuuar në rajone të sigurta për shkak të rrezikut nga një shpërthim i mundshëm i madh të vulkanit

XHAKARTË – Vullkani Agung në Ishullin Bali të Indonezisë përsëri filloi të lëshojë tym dhe hi. Zëdhënësi i Agjencisë Kombëtare të Zvogëlimit të Dëmeve të Fatkeqësive, Sutopo Purwo Nugroho tha se tymi dhe hiri i lëshuar si pasojë e një shpërthimi të dendësisë së mesme në vullkan ka arritur në lartësi prej 2.500 metra.

Nugroho njoftoi se po vazhdon gjendja alarmante e nivelit më të lartë prej 6 kilometrash dhe paralajmëroi banorët të qëndrojnë të paktën 6 kilometra larg vullkanit.

Ai thotë se nuk ka ndonjë gjendje e cila ndalon fluturimet nga aeroportet në rajon, por që disa fshatra janë prekur nga hiri vullkanik.

Në anën tjetër edhe Qendra e Zvogëlimit të Fatkeqësisë Vullkanologjike dhe Gjeologjike (PVMBG) njoftoi se shpërthimi ka ndodhur brenda një kohe të shkurtër dhe se aktivizimi vullkanik po vazhdon ende në nivelin më të lartë.

Që nga muaji shtator e deri më tani 50 mijë persona ishin evakuuar në rajone të sigurta për shkak të rrezikut nga një shpërthim i mundshëm i madh të vulkanit.

Vullkani Agung, i cili ndodhet në rajonin më turistik të shtetit, së fundmi ka shpërthyer në vitin 1963 ku humbën jetën mbi 1.100 persona. aa

Lavrov: Trumpi përpiqet për shkatërrimin e marrëveshjes me Iranin

Sergei Lavrov gjatë konferencës së sotme për gazetarë në Moskë

Ministri i jashtëm rus, Sergei Lavrov, e ka akuzuar sot presidentin amerikan, Donald Trump, se po përpiqet ta shkatërrojë marrëveshjen atomike ndërmjet Iranit dhe fuqive botërore, duke thënë se deklaratat e Trumpit mund të çojnë në anulimin e marrëveshjes.

Gjatë konferencës për gazetarë në Moskë, ku ka folur për politikën e jashtme ruse gjatë vitit 2017, Lavrov ka theksuar se deklaratat e fundit të Trumpit, synojnë “shkatërrimin e marrëveshjes” së vitit 2015 për programin atomik iranian dhe “për fat të keq, kolegët tanë amerikanë ende dëshirojnë të operojnë eksluzivisht në bazë të diktatit dhe ultimatumeve”.

Sipas tij, Uashingtoni “nuk dëshiron t’i dëgjojë pikëpamjet e qendrave të tjera të politikës botërore dhe, rrjedhimisht, ata esencialisht nuk dëshirojnë ta pranojnë realitetin e krijimit të botës multipolare”.

Marrëveshja atomike, e nënshkruar nga Shtetet e Bashkuara, Britania, Franca, Gjermania, Rusia dhe Kina, synon të ketë siguri se Irani nuk po e zhvillon armatimin bërthamor.

Por presidenti amerikan Donald Trump thotë se Shtetet e Bashkuara do tërhiqen nga kjo marrëveshje nëse nënshkruesit nuk i përmirësojnë ato që ai i konsideron si “të meta të tmerrshme” të marrëveshjes.

Filipine, alarm për shpërthimin e vullkanit Mayon

ZAMBOANGA – Filipinet kanë ngritur alarmin për vullkanin Mayon në provincën veriore të Albay pas lëshimit të tymit dhe hirit.

Mayon, një nga vullkanet më aktive në vend, të shtunën pasdite filloi të hedhë hi 2.5 kilometra në ajër, e cila zgjati rreth dy orë, ndërsa të dielën herët u ragjistrua aktiviteti i ri.

Instituti i Filipineve për Vullkanologji dhe Sizmologji (Philvolcs) të dielën ngriti alarmin në nivelin e dytë, që nënkupton se aktiviteti i tanishëm “mund të jetë me origjinë magnetike, çka në fund mund të shkaktojë erupsione të rrezikshme”.

Philvolcs paralajmëroi popullatën lokale të jetë e kujdesshme, ndërsa banorët të mbajnë maska në fytyrë dhe të mos afrohen gjashtë kilometra nga vendi i rrezikut të përhershëm.

Për shkak të rrezikut të shpërthimeve të mëdha, të paktën 900 familje janë larguar nga zona rreth vullkanit Mayon.

Besohet se në 400 vitet e fundit vullkani ka patur 49 shpërthime. Më e keqja ka ndodhur në shkurt të vitit 1841, kur humbën jetën 1.200 njerëz. aa

Rusia pozicionon njësinë e re S-400 në Krimé

Pamje të disa pjesëve të sistemit të mbrojtjes ajrore, S-400, gjatë një parakalimi në Moskë

Rusia ka pozicionuar në Krime një njësi të re të armatosur me sistem të avancuar të mbrojtjes ajrore, S-400, kanë raportuar mediat ruse.

Rusia e ka aneksuar Krimenë nga Ukraina më 2014.

Mediat shtetërore ruse kanë raportuar gjatë ditës së sotme, se Moska ka pozicionuar një sektor të ri në qytetin Sevastopol, ku edhe është e pozicionuar flota ruse në Detin e Zi.

Kjo është njësia e dytë e pajisur me sistemin S-400 në Krime, pasi Moska kishte vendosur të parën në fillim të vitit 2017 në portin Fedosia.

Sistemi S-400 ka kapacitet për të goditur objektiva deri në 400 kilometra largësi dhe raketa balistike në distancë prej 60 kilometrash.

Pas aneksimit të Krimesë nga Ukraina më 2014, Shtetet e Bashkuara dhe Bashkimi Evropian i kanë vënë sanksione Moskës, për ta kundërshtuar vendimin e Rusisë.

Kremlini: Nëse votoni për Putinin, fitoni një iPhone

Rusët që do të shkojnë të votojnë në muajin mars do të kenë mundësinë të fitojnë një iPhone ose një iPad. Sipas një dokumenti të Kremlinit të botuar nga mediat vendase, ky është një ndër opsionet që Kremlini po shqyrton për të siguruar një pjesëmarrje të lartë në zgjedhjet e ardhshme presidenciale.

Rizgjedhja president e Vladimir Putinit është e siguruar. Megjithëse popullariteti i tij vazhdon të jetë i lartë, anketimet tregojnë se nuk është i tillë imazhi i procesit zgjedhor. Aktivistët e opozitës thonë se Kremlini është i shqetësuar ndërsa përpiqet të ruajë balancën ndërmjet kontrollit të rreptë ndaj fushatës zgjedhore, por në anën tjetër edhe shmangies së apatisë së votuesve.

Aktivistët thonë se Kremlini është i vendosur të sigurojë një nivel të lartë pjesëmarrjeje, për të demonstruar se zoti Putin mbetet “udhëheqësi i pazëvendësueshëm” i Rusisë pas 18 vitesh në pushtet dhe se kontrolli i tij mbi vendin nuk është dobësuar.

I vetmi udhëheqës real opozitar, Alexei Navalny, një aktivist kundër korrupsionit, është përjashtuar nga pjesëmarrja në zgjedhje. Ndalimi i kandidimit të tij u miratua javën e kaluar nga Gjykata e Lartë e Rusisë.

Zoti Navalny vazhdon megjithatë të jetë shqetësim për Kremlinin, ndërsa ai po përpiqet ta paraqesë procesin zgjedhor të manipuluar, duke përdorur video në internet që denoncojnë korrupsionin e rrethit të zotit Putin, si dhe duke organizuar protesta në rrugë për të provokuar një reagim nga Kremlini.

Zoti Navalny u bë i njohur gjatë protestave kundër manipulimit të zgjedhjeve të vitit 2011 në Moskë. Ai thotë se kandidatët e tjerë në zgjedhjet e ardhshme janë seleksionuar me kujdes për të shërbyer si kukulla në proces. Gjatë një interviste televizive, zoti Putin nuk e përmendi me emër zotin Navalny, por u shpreh ashpër se nuk do ta lejonte të destabilizonte vendin.

Dokumenti i Kremlinit që pasqyron mënyrat se si do të tërhiqen votuesit drejt qendrave të votimit sugjeron se apatia dhe bojkoti përbëjnë shqetësim për vartësit e zotit Putin. Sipas dokumentit të botuar nga RBC Media, Kremlini do të ofrojë telefona iPhone dhe tableta iPad për fituesit që do të nxjerrin fotografitë më të mira “selfie” nga qendrat e votimit.

Gjithashtu, do të angazhohen personalitete të njohura publike dhe të sporteve, të cilët do të promovojnë konkursin “Foto tek qendrat e votimit”. Mekanizma të tjera, do të jenë organizimi i lojërave për të gjithë familjen, si dhe ofrimi i referendumeve shtesë për tema që u interesojnë familjeve ruse.

Qëllimi është për të organizuar zgjedhje që shëmbëllejnë si të vërteta dhe që mund të ngjallin interes, ndërkohë që regjimit i duhet një pjesëmarrje e lartë për të patur legjitimitet. Sidoqoftë, nuk duhet t’i afrohen shumë zgjedhjeve të vërteta, me zëra kritikë apo armiqësorë”, thotë Mark Galeotti, analist me Institutin e Marrëdhënieve Ndërkombëtare, me seli në Pragë.

Zoti Navalny ka bërë thirrje për grevë mbarëkombëtare më datë 28 janar, që do të shënonte fillimin e bojkotit të procesit zgjedhor. Gjatë një mesazhi filmik në internet, ai u tha mbështetësve se “qëllimi i grevës tonë është t’i shkaktojmë dëm maksimal politik Putinit”.

41-vjeçarit Navalny iu ndalua muajin e kaluar të kandidojë në zgjedhjet e muajit mars nga komisioni zgjedhor, me arsyetimin se ai është dënuar në vitin 2013 për vjedhje. Zoti Navalny thotë se dënimi është politik, me objektiv kryesor ndalimin e pjesëmarrjes së tij në zgjedhje.

Gjykata Evropiane e të Drejtave të Njeriut përcaktoi se procesi gjyqësor ndaj udhëheqësit opozitar ishte “arbitrar dhe i padrejtë”. Ish-udhëheqësi sovjetik Mikhail Gorbachev u shpreh se rasti “dëshmon se nuk kemi gjykata të pavarura”. Që kur pati njoftuar se dëshironte të kandidonte, zoti Navalny është sulmuar dy herë me antiseptikë, duke i dëmtuar përkohësisht shikimin në syrin e djathtë.

Një anketim në muajin dhjetor i firmës “Levada Center”, me seli në Moskë, sugjeron se zoti Putin nuk do të arrijë objektivin e Kremlinit – 70% të votës. 65-vjeçari Putin e filloi zyrtarisht fushatën javën e kaluar, gjatë një vizite në një fabrikë në Tver, një qytet 170 kilometra pranë Moskës.

Muajin e kaluar, Kremlini i paralajmëroi Shtetet e Bashkuara të mos ndërhynin në zgjedhjet e ardhshme të Rusisë, pasi Uashingtoni kritikoi përjashtimin nga gara elektorale e zotit Navalny.

Zëdhënësja e Ministrisë së Jashtme të Rusisë, Maria Zakharova, e akuzoi SHBA-në për “ndërhyrje të drejtpërdrejtë në procesin elektoral”, pasi Departamenti i Shtetit bëri thirrje “qeverisë së Rusisë të organizojë zgjedhje të mirëfillta, transparente, të drejta dhe të lira”. Ditën e enjte, agjensia e lajmeve Reuters citoi zotin Putin të jetë shprehur se zoti Navalny është i përzgjedhuri i SHBA-së për presidencën ruse dhe se kjo është arsyeja pse Uashingtoni u ankua për përjashtimin e zotit Navalny nga kandidimi.

Ndër kandidatët rivalë të zotit Putin në zgjedhje do të jenë politikani i Partisë Komuniste, Pavel Grudinin, si dhe spikerja televizive Ksenia Sobchak, ish-modele në kopertinën e revistës “Playboy”. Zonja Sobchak ka mohuar akuzat e zotit Navalny se po shërben si një kandidate kukull dhe se po e koordinon fushatën e saj me Kremlinin.

Megjithatë, Vitali Shkliarov, një prej këshilltarëve të saj, dha tregues këtë javë se fushata e saj do të përshtatet shumë mirë me planet elektorale të Kremlinit.

Ai shkruajti për kanalin CNN se “Kremlini mund t’i frikësohet një pjesëmarrjeje të ulët në zgjedhje, treguesve të apatisë së votuesve si dhe rënies së legjitimitetit të qeverisjes. Duke lejuar shëmbëlltyrën e një konkurence në rritje, Kremlini mund të jetë duke shpresuar se do të tërheqë më shumë votues në ditën e zgjedhjeve”.

Është realitet tashmë: Vijnë dronët gjigantë të transportit të mallrave

Boeing ka realizuar një prototip që është në gjendje të transportojë një ngarkesë 225 kilogramë

VOAL – Një hop në zhvillimin e tregut të droneve. Pajisjet e vogla elektronike me ngjitje dhe zbritje vertikale rriten dhe shndërrohen në instrumentë të vërtetë e të mirëfilltë për transportin e mallrave, edhe atyre të rënda.

Boeing shpallit të premten (sot) se ka realizuar një prototip gjigant, në gjendje të transportojnë mallra deri në 225 kg, çka mund të kërkohet sidomos në transportin e mallrave dhe në logjistikë.

Emërtuar CAV, akronim i Cargo air vehicle, droni është projektuar dhe realizuar në vetëm tre muaj dhe përmasat e tij janë 5 metër me 5, me një lartësi pak më shumë se një metër. I ushqyer me bateri, ai vihet në punë nga tetë rotorë, në katër çifte, ku secili çift vendoset në një rrotë, në sens të kundërt, në mënyrë që të luajnë njëkohësisht rolin e motorit dhe të stabilizatorit.

“Kemi rastin të ndryshojmë vërtet transportin dhe udhëtimet ajrore,” kakomentuar drejtori teknik i Boeingut, Greg Hyslop, sipas të cilit CAV mund të konsiderohet paraprirës i mjeteve të ardhshme fluturuese autonome, dmthe, pa pilot.