VOAL

VOAL

Please Wait ...
0%

Guterres: Autoritetet në Birmani ta ndalin dhunën kundër myslimanëve

By | September 14, 2017

Komentet

Yulia Skripal shpreson se do të kthehet në Rusi

Yulia Skripal, vajza e ish-spiunit rus, Sergei Skripal që ishte helmuar në Sallsbëri muaj më parë, ka thënë se “është e lumtur që është gjallë” pas sulmit.

Yulia dhe babai i saj i ishin ekspozuar agjentit nervor Noviçok më 4 mars.

Në deklaratën e saj të parë publike prej kur ka ndodhur sulmi, Skripal i ka thënë agjencisë së lajmeve Reuters se jeta e saj është “përmbysur”, mirëpo ajo shpreson se do të kthehet në Rusi në të ardhmen.

Babai i saj është liruar nga spitali më herët gjatë këtij muaji.

Duke folur për Reutersin, Skripal ka falënderuar ambasadën ruse për ndihmën, mirëpo ka thënë se ajo dhe babai i saj “nuk kanë qenë të gatshëm ta pranojnë atë”.

Yulia i ka cilësuar “të kujdesshëm” dhe “shumë të mirë” personat që janë kujdesur për të pas sulmit.

“Ne jemi shumë me fat që i kemi mbijetuar tentim-vrasjes. Shërimi ynë ka qenë i ngadalshëm dhe jashtëzakonshëm i dhimbshëm”.

Ajo po ashtu ka kërkuar që të ruhet privatësia e familjes së saj.

Koreja e Veriut nesër shkatërron poligonin bërthamor

“Nëse kushtet e motit do të jenë të volitshme të enjten, atëherë do të mund të kryejmë punën”, tha një zyrtar Koresë së Veriut

SEUL – Koreja e Veriut planifikon që shkatërrimi i poligonit bërthamor të përfundojë që nesër. “Nëse kushtet e motit do të jenë të volitshme të enjten, atëherë do të mund të kryejmë punën”, shkruan agjencia e lajmeve Yonhap, duke cituar një zyrtar verikorean t’u ketë thënë gazetarëve nga Koreja e Veriut.

Autoritetet e Koresë së Veriut, kanë lejuar në momentet e fundit grupin e gazetarëve nga Koreja e Jugut të marrin pjesë në mbylljen e poligonit për teste bërthamore në Kore të Veriut.

Një grup gazetarësh ndërkombëtarë, mëngjesin e djeshëm, me një fluturim special nga Kina, u nis për në Korenë e Veriut, për të ndjekur nga afër aktin e mbylljes së poligonit bërthamor Pungye-ri, megjithatë në avion nuk ishin tetë gazetarët koreano-jugorë, të ftuar më herët, të cilët mëngjesin e sotëm morën leje dhe me një fluturim direkt udhëtuan nga Seuli.

Koreja e Veriut do të çmontojë objektin në Punggye-ri, ku deri më tani ka kryer testet e saj bërthamore.

Hapi i ardhshëm shpresohet të jetë takimi i liderëve të SHBA-ve dhe Koresë së Veriut, Donald Trump dhe Kim Jong-un, që është planifikuar për 12 qershor në Singapor.

Pasaporta më e fuqishme në botë është ajo e Japonisë

Nga rajoni, Maqedonia renditet e 41-ta me 125 destinacione, Bosnjë dhe Hercegovina e 47-ta me 118, Shqipëria e 48-ta me 114 dhe Kosova e 91-ta me 44 destinacione pa viza

Pasaporta më e fuqishme e botës është ajo e Japonisë. Sipas Indeksit të Pasaportave të Henley, pasaporta më e fuqishme në botë në vitin 2018, u bë ajo e Japonisë e cila mund të bëjë hyrje në 189 destinacione pa viza.

Vendin e dytë me 188 destinacione e morën Singapori dhe Gjermania, ndërsa të tretin Koreja e Jugut, Finlanda, Franca, Italia, Spanja dhe Suedia.

Pasaporta turke u rendit e 49-ta me 111 destinacione pa viza.

Nga rajoni, Greqia e ka pasaportën më të fuqishme e cila me 183 destinacione pa viza renditet e 6-ta, pas asaj vijon Sllovenia e 9-ta me 180, Kroacia, Bullgaria dhe Rumunia me nga 169 destinacione të 16-ta, Serbia e 36-ta me 130, Maqedonia e 41-ta me 125, Mali i Zi në vendin e 43-të me 123, Bosnjë dhe Hercegovina e 47-ta me 118, Shqipëria e 48-ta me 114 dhe Kosova e 91-ta me 44 destinacione pa viza.

Indeksi i Pasaportave Henley, bazohet në të dhënat specifike të Shoqatës Ndërkombëtare të Transportit Ajror (IATA). Në Indeks gjenden 199 pasaporta dhe 227 destinacione. aa

Marrëveshja me Iranin – ministri gjerman takon zyrtarët amerikanë

Ministri i Jashtëm i Gjermanisë, Heiko Maas, do të takojë sot zyrtarë të lartë amerikanë, ndërsa bisedimet pritet të përqendrohen në pasojat e tërheqjes së SHBA-së nga marrëveshja bërthamore midis Iranit dhe fuqive botërore.

Maas do të takojë në Uashington Sekretarin amerikan të Shtetit, Mike Pompeo, dhe këshilltarin amerikan për siguri kombëtare, John Bolton.

Takimet zhvillohen dy ditë pasi Shtetet e Bashkuara janë zotuar se do t’i vënë Iraniit “sanksionet më të fuqishme në histori”, duke thënë se Republika Islamike ka shkelur frymën e marrëveshjes bërthamore, duke testuar raketa balistike dhe duke mbështetur aktivitetet militante në rajon.

Gjermania, Franca dhe Britania po përpiqen të ruajnë marrëveshjen, e cila i ka ofruar Iranit lehtësim të sanksioneve, në këmbim të frenimit të aktivitetit bërthamor.

“Ne në Gjermani, por edhe në Evropë, jemi të vendosur të bëjmë gjithçka të nevojshme për të ruajtur marrëveshjen”, ka thënë ministri gjerman, Maas.

Nënshkruese të kësaj marrëveshjeje janë edhe Rusia dhe Kina.

Rohani kërkon që gratë të lejohen të ndjekin ngjarjet sportive

Presidenti i Iranit, Hassan Rohani, kërkoi që gratë të lejohen të hyjnë në stadiume. Ndalesa është e vjetër me dekada.

“Nuk duhet të ketë dallime midis burrave dhe grave në Islam dhe, për këtë arsye, gratë duhet të lejohen të marrin pjesë në ngjarje sportive”, tha Rohani në një takim me atletë iranianë, raportoi zyra e tij.

Gratë iraniane nuk lejohen të hyjnë në stadiume që nga revolucioni islamik i vitit 1979.

Rohani pyeti pse autoritetet fetare i kanë ndaluar gratë, duke thënë se ato janë aktive në sport dhe se kanë arritur rezultate në gara.

Ai po ashtu tha se sportet e grave duhet të transmetohen në televizion.

BE: Izraeli të heqë dorë nga deportimi i përgjegjësit të HRW

BE bëri thirrje që Izraeli të heqë dorë nga vendimi për anulimin e lejes së punës për përgjegjësin e Human Rights Watch për Palestinën dhe Izraelin, Omar Shakir

BRUKSEL – Bashkimi Evropian bëri thirrje që Izraeli të heqë dorë nga vendimi për anulimin e lejes së punës për përgjegjësin e Organizatës Human Rights Watch (HRW) për Palestinën dhe Izraelin, Omar Shakir dhe për vendimin që ai të largohet nga ky vend brenda dy javësh.

Në një deklaratë nga Shërbimi i Marrëdhënieve të Jashtme të BE-së, thuhet se Izraeli ka dhënë afat 14 ditor që përgjegjësi i Zyrës së HRW-së për Palestinë dhe Izrael të largohet nga vendi, duke kërkuar që Izraeli të heqë dorë nga ky vendim.

Leja e Punës së përgjegjësit të HRW-së për Palestinë dhe Izrael, Shakir ishte anuluar nga Ministria e Punëve të Brendshme të Izraelit dhe ishte kërkuar që ai të largohet nga vendi brenda dy javësh.

Izraeli ka anuluar lejen e punës së shtetasit amerikan me prejardhje irakiane Shakir, me pretendimin se ai “zhvillonte aktivitete kundër Izraelit”.

Ndërsa zv/drejtori përgjegjës për programe të HRW-së, Iain Levine tha se organizata po përballet për herë të parë me një situatë të tillë në Izrael.

“Ky rast është vetëm një nga shembujt të cilët po përjetohen gjatë kohëve të fundit në lidhje me intolerancën e cila po rritet vazhdimisht ndaj atyre të cilët kritikojnë regjistrin për të drejtat e njeriut në Izrael”, tha Levine.

Qeveria e Tel Avivit edhe vitin e kaluar refuzoi lejen e punës së Shakirit dhe pas kritikave të qeverisë së SHBA-ve në muajin prill të vitit 2017 i dha leje pune një vjeçare.

Gazetarët e huaj udhëtuan në Kore të Veriut për shkatërrimin e poligonit bërthamor

Një grup gazetarësh ndërkombëtarë, mëngjesin e sotëm me një fluturim special nga Kina, u nisën për në Kore të Veriut, megjithatë në avion nuk ishin 8 gazetarët koreano-jugore, të ftuar më herët

SEUL – Autoritetet e Koresë së Jugut janë të dëshpëruar sepse përkundër ftesës së mëparshme, gazetarët e atij shteti nuk do të mund të marrin pjesë në shkatërrimin e poligonit për testim bërthamor në Korenë e Veriut.

Një grup gazetarësh ndërkombëtarë, mëngjesin e sotëm me një fluturim special nga Kina, u nisën për në Kore të Veriut, megjithatë në avion nuk ishin tetë gazetarët koreano-jugorë, të ftuar më herët.

Autoritetet e Koresë së Veriut thanë se varësisht nga kushtet klimatike, nga e mërkura deri të premten do të shkatërrojnë poligonin Punggye-ri, në të cilin janë kryer të gjithë testet bërthamore të Phenianit, gjithsej gjashtë.

Në vazhdën e relaksimit të marrëdhënieve mes dy Koreve, për eventin në fjalë ishin ftuar edhe gazetarë të huaj, përfshirë një grup nga Seuli. Megjithatë, javën e kaluar ndodhi një kthesë, në të cilën Koreja e Veriut ndërpreu dialogun në nivelin më të lartë me Seulin, nga shkaku i stërvitjes ushtarake në të cilën po marrin pjesë edhe trupat amerikane, që për Phenianin paraqet një provokim.

“Besojmë se ky është një veprim zhgënjyes, për të cilin të gjithë do të ndjenë keqardhje”, tha për agjencinë e lajmeve Yonhap, ministri i Koresë së Jugut për Unifikim, Cho Myoung-gyon.

Cho tha se mëngjesin e sotëm kanë tentuar të vënë kontakt me Phenianin, por se ky i fundit refuzoi të pranojë gazetarët.

Ministri Cho, shpreson që zhvillimet e fundit të mos ndikojnë në rrezikimin e takimit Trump- Kim Jong-un, i paralajmëruar për datën 12 qershor në Singapor. aa

 

Futja e parave të paligjshme ruse në Britani

Kryeministrja britanike Theresa May tha sot se qeveria britanike ka ndërmarrë “hapa të konsiderueshme” në luftën kundër rrjedhës së parave të paligjshme. Ajo foli për këtë çështje pasi një komision i parlamentit britanik nxorri një raport sipas së cilit qeveria britanike ka mbyllur një sy ndaj rolit të qendrës financiare të Londrës, në pastrimin e parave të korrupsionit rus.

Zonja May tha se përmes ligjit për financat nga krimi, organet e rendit do të kenë “më shumë kompetenca”.

“Kur flasim për para të aktivitetit kriminal, matyrisht që flasim edhe për masa të agjencive të rendit dhe ata duhet ta bëjnë këtë në mënyrë të pavarur. Kemi siguruar që ato të kenë më shumë pushtet për t’u marrë me këto çështje”, tha ajo.

Komisioni i Parlamentit Britanik për Marrëdhëniet me Jashtë thotë në raportin e tij se pavarësisht nga retorika e ashpër lidhur me sulmin me agjent nervor ndaj ish-spiunit rus në Britani, Sergei Skripal në fillim të këtij viti, aleatët e Presidentit Vladimir Putin kanë qenë në gjendje të vazhdojnë aktivitetin e tyre si normalisht në vend, gjë që ndihmon Kremlinin të financojë politikën e vet të jashtme agresive.

Në raport thuhet se “përdorimi i Londrës si bazë për pronat e korruptuara të individëve të afërt me Kremlinin është tani i lidhur me strategjinë më të gjerë të Rusisë që ka pasoja për sigurinë kombëtare të Britanisë”.

Mosveprimi përçon sinjalin se Britania “nuk po i bën ballë me seriozitet spektrit të plotë të masave offensive të Presidentit Putin”, thotë komisioni.

“Përmasat e dëmit që mund të sjellin ‘këto para të pista’ për interesat e e politikës së jashtme britanike janë shumë më të mëdha sesa përfitimet nga transaksionet ruse në qytet”, tha kryetari i Komisionit, Tom Tugendhat.

Kremlini reagoi duke thënë se raporti për para “të pista” ruse ishte një tregues i histerisë rusofobike në Britani dhe konkurrencës së pandershme kundër biznesit rus.

Raporti kritikon në mënyrë të veçantë një nga firmat më prestigjioze ligjore të Britanisë, Linklaters, lidhur me punën e saj për kompanitë ruse pranë Putinit, duke thënë se është “përfshirë aq shumë në korrupsionin e Kremlinit dhe përkrahësve të tij saqë nuk është më në gjendje që të plotësojë më standardet e pritshme nga një firmë ligjore që punon nën rregullat e Britanisë”.

Linklaters tha se ishte “shumë e befasuar dhe e shqetësuar” nga kritikat dhe hodhi poshtë çdo sugjerim se mund të jetë përfshirë në aktivitete korrupsioni.

Shikimi që mbretëresha i ka bërë Meghan Markle po bën “xhiron” e botës (foto)

Ka ende shumë për të diskutuar nga dasma mbretërore. Ajo ishte një nga ngjarjet më të rëndësishme të vitit, por edhe në histori. Të gjithë po flisnin për dasmën e Princit, për fustanet e nuses, që ishin glamuroze me thjeshtësinë e tyre, për Kate që u pa për herë të parë në publik pas lindjes së Princ Louis e të tjera me radhë.

Por ajo që të gjithëve iu bëri përshtypje ishte fytyra e mbretëreshës Elisabeth, aspak e lumtur në këtë ditë kaq të rëndësishme për nipin e saj.

Thuhet se ajo nuk ka qenë aspak dakord për lidhjen e tyre, nisur nga e shkuara që ka Meghan dhe këtë nuk nguroi ta tregonte as në dasmë.

Shikimi që i ka bërë ajo, teksa Meghan ishte e ulur në ceremoninë në Kishë, ka pushtuar gjithë internetin.

Nuk duket aspak e lumtur apo jo?

Brazil, pas 12 vitesh në ishullin ku ishte ndaluar lindja, vjen në jetë një foshnje

Gruaja e cila nuk deshi të zbulojë identitetin e saj, nuk e ka ditur së është shtatzënë dhe nuk ka ditur se çfarë të thotë për situatën në të cilën u gjet

BRASILIA – Në ishullin brazilian ku lindja e fëmijëve është e ndaluar, megjithatë në jetë erdhi një fëmijë, i pari në 12 vitet e fundit.

BBC raporton se një grua 22-vjeçare në ishullin Fernando de Noronha, me rreth 3.000 banorë, lindi një vajzë gjatë fundjavës.

Sipas portalit “O Globo” gruaja e cila nuk deshi të zbulojë identitetin e saj, nuk e ka ditur së është shtatzëne dhe nuk ka ditur se çfarë të thotë për situatën në të cilën u gjet.

“Natën e së premtes u shfaqën dhimbjet, më vonë edhe linda, ishte një vajzë. Nuk kisha fjalë”, tha nëna.

Foshnja u transferua më vonë në një spital lokal dhe autoritetet e ishullit konfirmuan informacionin për lindjen e një fëmije.

“Gruaja lindi në shtëpi. Anëtarët e familjes thonë se nuk dinin për shtatzaninë”, tha administrata në ishull.

Popullata lokale është e lumtur për lindjen e fëmijës dhe gjithashtu ndihmon familjen që u bë me fëmijë.

Ishulli Fernando de Noronha ka plazhe që radhiten ndër më të bukurat në botë. Për të mbrojtur botën e njohur nënujore, është e nevojshme që të ketë një numër të kufizuar banorësh.

Grave shtatzëna u kërkohet të zhvendosen në tokë kurse ishulli nuk ka repart materniteti. aa

Dukesha e Sussex-it: Jam krenare që jam grua dhe feministe

Meghan Markle tregoi shkurtimisht se si e sheh rolin e ri të saj si Dukeshë e Sussex-it në një biografi të publikuar në ueb-faqen e Mbretërisë britanike.

Ish-aktorja amerikane u martua me princin britanik, Harry, të shtunën.

Në biografi thuhet se Markle do të përqendrohet në çështjet sociale.

“Jam krenare që jam grua dhe feministe”, citohet të ketë thënë Markle.

Biografia nuk e përmend rolin e saj prej shtatë vjetësh si Rachel Zane në dramën televizive amerikane “Suits”.

Princi Harry dhe bashkëshortja e tij u emëruan Duka dhe Dukesha e Sussex-it pasi u martuan të shtunën në Kishën St.George.

Britania akuzohet për “mbyllje të syve” ndaj parave të pista ruse

Flamuri britanik dhe Ora e Londrës, Big Ben.

Mbretëria e Bashkuar është akuzuar për “mbyllje të syve” ndaj “parave të pista” të Rusisë, duke vënë në rrezik sigurinë kombëtare.

Komiteti për Punë të Jashtme ka thënë se Londra është përdorur për të fshehur “asetet e korruptuara” të presidentit rus, Vladimir Putin dhe aletëve të tij.

Po ashtu është thënë se ky aktivitet konsiderohet “biznes i zakonshëm” për Mbretërinë e Bashkuar, pavarësisht helmimit të ish-spiunit rus, Sergei Skripal dhe vajzës së tij, Yulia.

Komiteti ka thënë se ky rast përbën shkatërrim të përpjekjeve britanike për të luftuar masat kundërthënëse të presidentit rus, Vladimir Putin.

“Shkalla e dëmit që mund të kenë këto ‘para të pista’ në politikën e Jashtme të Britanisë zvogëlon rëndësinë e përfitimeve të qytetit nga transaksionet ruse”, ka thënë udhëheqësi i Komitetit për punë të Jashtme, Tom Tigendhat, para publikimit të raportit të titulluar, Ari i Moskës: Korrupsioni rus në Mbretërinë e Bashkuar.

Ai ka thënë se tregu në Londër është duke i mundësuar Kremlinit rritjen e ndikimit në Perëndim, duke u lejuar rusëve të blejnë dhe shesin prona luksoze në kryeqytetin britanik.

Ndër vite, Moska është kthyer nga të qenit një shtet i korruptuar në një eksportues të paqëndrueshëmërisë. Korrupsioni rus dhe ndikimi janë kthyer në shqetësim për sigurinë kombëtare”, ka shtuar ai.

Komiteti ka rekomanduar që të punohet me Bashkimin Evropian dhe Shtetet e Bashkuara për të ndaluar blerjen e obligacioneve ruse që janë shitur me ndihmën e bankave të sanksionuara ruse.