VOAL

Please Wait ...
0%

Guterres: Autoritetet në Birmani ta ndalin dhunën kundër myslimanëve

By | September 14, 2017

Komentet

Një cunami monstruoz mund të shkatërrojë Australinë dhe të vrasë miliona njerëz

Një cunami monstruoz mund të shkatërrojë bregun lindor të Australisë dhe të vrasë miliona njerëz brenda pak orësh, kanë paralajmëruar ekspertë.

Ata njoftojnë se një valë gjigante baticash mund të gëlltisë bregun ku banojnë 6.5 milion njerëz, brenda viteve të ardhshëm

‘ThinkHazard’, një mjet online përdoret për të shqyrtuar ndikimin e fatkeqësive, njofton se shanset që një cunami të godasë kontinentin  janë të larta.

Zonat në rrezik përfshinë Sidney, Bregun e Artë dhe Brisbane

Niveli i detit pranë këtyre zonave pritet t rritet për shkak të ndryshimeve klimatike.
Në Sidney, rreziku i një cunami klasifikohet si i lartë, por fatkeqësitë e tjera si tërmtet apo vullkanet janë të rralla.

‘ThinkHazard’ tha se planifikuesit e zhvillimit urban duhet të flasin me ekspertë të kualifikuar për të përcaktuar rrezikun e cunamit për çdo projekt të mundshëm.

Ata gjithashtu duhet të marrin në konsideratë sistemet e paralajmërimit të hershme dhe kërkesat për një evakuim të suksesshëm, dhe barrierat fizike, veçanërisht nëse ndërtesat është infrastrukturë kritike.

Në Queensland, kërcënimi i përmbytjeve, cikloneve, nxehtësisë ekstreme dhe zjarreve gjithashtu konsiderohet i lartë.

 

Aksident ajror në afërsi të Londrës, përplasen avioni dhe helikopteri

Disa rrugë në afërsi të vendit të ngjarjes janë mbyllur për qarkullim, ndërkohë që nuk janë dhënë informacione nëse ka të vdekur ose të plagosur si pasojë e aksidentit

LONDËR – Një avion i lehtë dhe një helikopter janë përplasur në ajër në rajonin Buckinghamshire të Britanisë, ndërsa bëhet e ditur se avioni dhe helikopteri i involvuar në aksident nuk kanë qenë ushtarakë, por civilë.

Përplasja ka ndodhur në afërsi të qytezës Aylesbury në Buckinghamshire, që ndodhet në veriperëndim të kryeqytetit britanik, Londër.

Sipas një deklarate nga Wycombe Air Park në afërsi të ngjarjes, që të dy mjetet fluturuese janë ngritur nga vendet ku përkasin dhe janë civile.

Ndërkaq, në deklaratë nuk janë dhënë detaje lidhur me pasagjerët ose ekuipazhin dhe karakteristikat e mjeteve ajrore.

Edhe Forcat Ajrore Mbretërore të Britanisë kanë konfirmuar se mjetet fluturuese të aksidentuara nuk janë ushtarake.

Siç njoftohet, që të dy mjetet fluturuese kanë rënë pas përplasjes, ndërsa në vendin e ngjarjes janë dërguar ekipe shëndetësore emergjente dhe zjarrfikës.

Disa rrugë në afërsi të vendit të ngjarjes janë mbyllur për qarkullim, ndërkohë që nuk janë dhënë informacione nëse ka të vdekur ose të plagosur si pasojë e aksidentit.

Thuhet se mjetet e aksidentuara kanë rënë në afërsi të rezidencës historike Waddeston Manor të administruar nga Fondacioni Rothschild, që i përket kësaj familjeje.

Zimbabve, ushtria kërkon që Mugabe të japë dorëheqje

Në deklaratën ku është theksuar se bisedimet e ushtrisë për tërheqjen e Mugabes nga detyra e tij vazhdojnë, është thënë se kanë njoftuar atashetë ushtarakë në vend në lidhje me zhvillimet

HARARE – Ushtria e Zimbabve-s (ZDF) njoftoi se vazhdojnë bisedimet në lidhje me tërheqjen e presidentit të vendit Robert Mugabe nga detyra e tij. Në deklaratën e ushtrisë së publikuar në gazetën shtetërore “The Herald” pas takimit të mbrëmshme të tyre me Mugabe, është theksuar se është arritur progres i rëndësishëm në “pastrimin e kriminelëve rreth Mugabes dhe se janë arrestuar shumë persona”.

Në deklaratën ku është theksuar se bisedimet e ushtrisë për tërheqjen e Mugabes nga detyra e tij vazhdojnë, është thënë se kanë njoftuar atashetë ushtarakë në vend në lidhje me zhvillimet.

Mugabe i cili mbahet në arrest shtëpiak, dje ishte takuar me shefin e shtabit të përgjithshëm të vendit, Constantino Chiwenga. Pas takimit ku ishte i pranishëm edhe delegacioni nga Afrika e Jugut ishin publikuar fotografitë e Mugabe me Chiwenga dhe anëtarët e delegacionit.

Ushtria e Zimbabve ditën e mërkurë kishte hyrë në kryeqytet, kishte marrë nën kontroll televizionin shtetëror, ndërsa ishte pohuar se intervenimi ushtarak “nuk është grusht shteti”.

Forcat irakiane hynë në Rava, rajonin e fundit të ISIS-it

BAGDAD – Forcat irakiane kanë hyrë në Rava, zonë në perëndim të vendit, e cila njëherit është edhe territori i fundit nën kontroll të organizatës terroriste DEASH (ISIS).

Siç mëson gazetari i AA-së nga burime të sigurisë, forcat irakiane sot herët në mëngjes nga tri anët sulmuan dhe hynë në Rava.

Forcat irakiane dhe fiset lokale në aksionet patën mbështetje nga forcat ajrore të koalicionit

Organizata terroriste DEASH kontrollin mbi rajonin Rava e morën në vitin 2014, ndërsa njihej si fortesa e fundit e organizatës terroriste.

Egjipt, ekspozohet thesari i faraonit Tutankhamun

Ekspozita e quajtur “Thesari i cili nuk është parë më parë i Tutankhamun-it”, përbëhet nga armët, mburojat, rrotat që përdoreshin në luftë dhe gjëra të tjera personale nga Tutankhamuni

KAJRO – Në kuadër të aktiviteteve të 115 vjetorit të hapjes së Muzeut të Egjiptit, i cili ndodhet në sheshin Tahrir, në Kajro për herë të parë është ekspozuar koleksioni i arit i faraonit Tutankhamun, i cili sundoi në Egjipt gjatë viteve 1334-1325 para erës sonë.

Në hapjen e kësaj ekspozite morën pjesë ministri i Antikiteteve Historike të Egjiptit, Halid el-Anani, zyrtarë egjiptianë, turistë dhe disa diplomatë të huaj.

Anani në një deklaratë për mediat tha se artikujt në koleksion janë bashkuar pas një angazhimi të madh të ekspertëve egjiptianë dhe gjermanë, i cili filloi në vitin 2014 dhe zgjati tre vite.

Ai bëri të ditur se koleksioni u zbulua në vitin 1922. Anani tha se thesari i gjetur përbëhet nga 1.000 pjesë të vogla të arit. Ministri egjiptian tha se me bashkimin e këtyre pjesëve nga ekspertët, janë formuar 85 objekte të ndryshme dhe se 55 prej tyre kanë filluar të ekspozohen në muze.

Ekspozita e quajtur “Thesari i cili nuk është parë më parë i Tutankhamun”-it, e cila përbëhet nga armët, mburojat, rrotat të cilat përdoreshin në luftë dhe gjëra të tjera personale të përdorur nga Tutankhamuni, do të jetë e hapur për 45 ditë.

Muzeu i Egjiptit ishte hapur në vitin 1902, në periudhën e Hidiv II Abbas Hilmi. Veprat në këtë muze do të transferohen në Muezun e Madh, i cili po ndërtohet në afërsi të Piramidës së Gizës dhe pritet të hapet në vitin 2018. aa

Britania përgatitet të transferojë mbi 500 milionë dollarë në Iran

Nazanin Zaghari-Ratcliffe

Gazeta britanike Telegraph raporton se Qeveria britanike është duke përgatitur transferimin e mbi 527 milionë dollarëve në Iran, për të ndihmuar lirimin e një punonjëseje iraniano-britanike të ndihmës.

Britania ia ka borxh fondet Iranit, si rezultat e një marrëveshjeje të diskutueshme për armë gjatë viteve 1970 dhe ka kërkuar këshilla ligjorë nëse mund t’i transferojë paratë në Republikën Islamike.

Raporti i Telegraph-it, duke cituar burime të Qeverisë britanike dhe diplomatë, thotë se Britania nuk dëshiron ta lidhë drejtpërdrejt pagesën me lirimin e punonjëses së burgosur të ndihmës, Nazanin Zaghari-Ratcliffe.

Sekretari i Jashtëm britanik, Boris Johnson, është zotuar se do të bëjë “gjithçka ” të mundur për të liruar Zaghari-Ratcliffen, e cila është arrestuar në Teheran në prill të vitit 2016 dhe është dënuar me pesë vjet burgim, nën akuzat se ka bërë komplot për të rrëzuar establishmentin klerik të Iranit.

Zaghari-Ratcliffe, menaxhere projekti në Fondacionin Thomson Reuters, i ka hedhur poshtë akuzat.

Indonezi, ekipe të shpëtimit përpjekje për kthimin e balenave në det

Ekipet e shpëtimit të organizatave lokale bëjnë përpjekje që balenat në mënyrë të sigurtë t’i kthejnë në det

ACEH – Të paktën nëntë balena u bllokuan në bregun e Ujong Kareung, në qytetin Aceh të Indonezisë.

Ekipet e shpëtimit të organizatave lokale bëjnë përpjekje që balenat në mënyrë të sigurtë t’i kthejnë në det. Shumë persona, të grupmoshave të ndryshme, qoftë në breg apo në anije, angazhohen që t’ju mundësojnë balenave të kthehen në mjedisin e tyre të natyrshëm.

Bllokimi i balenave në breg tërhoqi vëmendjen e kalimtarëve, ndërsa disa shfrytëzuan rastin për fotografi. AA

Bob Geldof do të rikthejë dekoratën që ndan me Suu Kyi

Në një deklaratë Geldof është shprehur se “Lidhja e saj me qytetin tonë na turpëron të gjithëve. Ne nuk duhet të kemi asnjë punë me atë. Ne atë e kemi nderuar, ndërsa ajo na turpëron”

LONDËR – Këngëtari irlandez, Bob Geldof, ka njoftuar se do të rikthejë çmimin e “Dekoratës së Lirisë së Dublinit” me arsyetimin se nuk dëshiron të ndajë të njëjtin çmim me ministren e jashtme dhe drejtuesen e shtetit të Mianmarit, Aung San Suu Kyi.

Në lidhje me Aung San Suu Kyi, në një deklaratë me shkrim Geldof është shprehur se “Lidhja e saj me qytetin tonë na turpëron të gjithëve. Ne nuk duhet të kemi asnjë punë me atë. Ne atë e kemi nderuar, ndërsa ajo na turpëron.”

Pasi ka bërë të ditur se do të rikthejë çmimin e “Dekoratës së Lirisë së Dublinit” i cili i është dhënë edhe Aung San Suu Kyi, këngëtari Geldof ka bërë vlerësimin se “Nuk dëshiroj aspak të kem lidhje me një person që ka lënë muslimanët e Arakanit të përballen me spastrim etnik.”

Ndër të tjera Geldof ka shtuar se ai mund ta pranojë përsëri këtë dekoratë nëse Këshilli i Bashkisë së Dublinit ia anulon dekoratën Suu Kyi.

Edhe Këshilli i Bashkisë së Oxfordit muajin e kaluar kishte vendosur t’ia rimerrte “Dekoratën e Lirisë Oxford”, dhënë Aung San Suu Kyi. Gjithashtu edhe portreti i Suu Kyi që ekspozohej në Universitetin Oxford ku ajo ka qenë studente gjatë viteve 1964-1967 u vendos në depo pasi u hoq nga vendi ku ekspozohej.

Mijëra muslimanë të Arakanit kanë humbur jetën që nga 25 gushti e deri tani si rezultat i sulmeve të ushtrisë së Mianmarit, e cila pretendon se është duke luftuar me militantë të armatosur. Shumica e afërsisht 2 milionë muslimanëve të Arakanit të cilët që prej vitit 1970 përballen me sulme sistematike etnike në Mianmar janë strehuar në vendet fqinje. AA

“Porta e Ferrit” në Kenia, një nga destinacionet më atraktive në botë

“Porta e Ferrit” ka ngjarë para një shekull e gjysmë duke ftohur lavën vullkanike pas shpërthimit të vullkanit Longonot, ndërsa banjat në atë rajon janë burim për prodhimin e energjisë elektrike

NAIROBI – Parku Nacional “Porta e Ferrit” në Kenia bën pjesë në destinacionet më atraktive turistike në botë, ndërsa kalimi misterioz të dërgon deri te qendra e qytetit Naivasha.

“Porta e Ferrit” është krijuar para një shekull e gjysmë duke ftohur lavën vullkanike pas shpërthimit të vullkanit Longonot, ndërsa burimet në atë rajon janë burim për prodhimin e energjisë elektrike, për tre të katërtat e nevojave totale të Kenias.

Labirinti rreth 50 kilometra i gjatë i lavës së ftohur zbret nga Mali i Longonotit duke arritur në qendër të qytetit, ndërsa bëhet fjalë për një zonë të mbrojtur që është “magnet” për turistët edhe për shkak të florës dhe faunës së pasur. Turistë nga mbarë bota vijnë dhe për 26 dollarë kanë mundësinë që në shoqërim apo pa udhërrëfyes të kënaqen në shëtitjen e pazakontë në park.

Në korridoret e ngushta ka dhjetëra burime të ujit të nxehtë që qeveria keniane i përdor për të prodhuar energji elektrike. Bimët janë shpesh subjekt i kritikave nga organizatat që avokojnë për mbrojtjen e mjedisit.

Dikur vendi i fisit Masai ka qenë nën mbrojtjen e qeverisë keniane që nga viti 1984 dhe është shtëpia e shumë llojeve të kafshëve si Buffalo, Zebra, Baboon dhe më shumë se 100 specie të shpendëve. Fisi Masai edhe më tej banon në fshatrat afër parkut dhe shumica e pjesëtarëve të këtij fisi janë udhërrëfyes dhe rojtar për parkun.

Jackson Mewet, tashmë një dekadë e gjysmë udhëheq turistët në shëtitjet nëpër park, ndërsa për AA tha se ky është vendi në të cilin janë xhiruar filmat e njohur botëror si Lara Croft: Tomb Rider dhe The Lion King. aa

Trumpi: Putini ndien se s’ka ndërhyrë në zgjedhjet tona

Presidenti amerikan, Donald Trump, gjatë një serie të postimeve në rrjetin Twitter gjatë ditës së diel, ka shkruar se duke pasur raporte pozitive me Rusinë, është “gjë e mirë” dhe se Moska mund të “ndihmojë shumë” për zgjidhjen e krizave në Ukrainë, Korenë Veriore dhe Siri, dhe po ashtu, në luftën kundër terrorizmit global.

Gjatë qëndrimit të dielën në Hanoj të Vietnamit, në kuadër të turneut të tij nëpër Azi, në një konferencë për shtyp, ai i ka aktualizuar sanksionet kundër Rusisë, duke thënë se Moska është nën “sanksione shumë të rënda” dhe se “tash është koha që t’i kthehemi shërimit të botës, që është e shpartalluar dhe e thyer”.

Shtetet e Bashkuara kanë imponuar sanksione kundër Rusisë, për përzierjen e dyshuar në zgjedhjet presidenciale amerikane të vitit të kaluar.

Por presidenti Trump theksoi se presidenti i Rusisë, Vladimir Putin, “ndien se ai nuk ka ndërhyrë në zgjedhjet tona”.

“Besoj se presidenti Putin me të vërtetë ndien – dhe ai ndien fuqishëm – se ai nuk është përzier në zgjedhjet tona”, tha presidenti Donald Trump, gjatë konferencës së të përbashkët për shtyp në Hanoj, me presidentin e Vietnamit, Tran Dai Quang.

Në përgjigje ndaj komenteve të presidentit Trump lidhur me përzierjen ruse në zgjedhje, anëtari i Senatit të Shteteve të Bashkuara, Ben Cardin, që është njëri prej kritikëve më të ashpër të Rusisë, e ka dhënë një deklaratë ku theksohet se “refuzimi i fakteve është shqetësues”.

“Presidenti Trump i beson ish-agjentit të KGB-së ndaj 17 agjencive të inteligjencës së Shteteve të Bashkuara. Kjo është shokuese”, tha demokrati Ben Cardin, anëtar i Komitetit të raporteve të jashtme të Senatit të Shteteve të Bashkuara.

Senatori republikan, John McCain, po ashtu, shpeshherë kritik i ashpër i presidentit, e ka publikuar një deklaratë duke thënë se “nuk ka asgjë me Amerikën së pari, kur merren fjalët e kolonelit të KGB-së mbi ato të komunitetit të inteligjencës amerikane”.

Lidhur me çështjen e përzierjes së Rusisë në zgjedhjet amerikane, Trump theksoi se u beson agjencive të inteligjencës së Shteteve të Bashkuara për vlerësimin se Rusia ishte përzier në zgjedhje.

Në këtë aspekt, ai theksoi:

“Unë jam me agjencitë tona, veçanërisht derisa ato aktualisht janë kompletuar me udhëheqje. Besoj në agjencitë tona të inteligjencës. Kam punuar me to shumë fuqishëm”, tha Trump në Hanoj.

Ai theksoi se ajo që ai ka thënë më herët ishte se besonte se Putini ishte i sinqertë në refuzimin e tij lidhur me zgjedhjet, e jo se ai, Donald Trump, domosdo i beson asaj që e thotë Putin.

Çka ai beson është ajo që ai beson”, tha Trump.

Po ashtu, Uashingtoni u është bashkuar shteteve të tjera perëndimore në imponimin e sanksioneve kundër Moskës për shkak të agresionit të saj në Ukrainë.

Trump nuk ka shpjeguar më tutje për komentet e tij lidhur me sanksionet kundër Rusisë ose në mënyrë specifike lidhur me mundësinë e lehtësimit të tyre.

Në komentet e tij në rrjetin Twitter, presidenti amerikan i ka sulmuar “të gjithë urrejtësit dhe budallenjtë”, që e kanë kritikuar përpjekjen e tij për lidhje më të mira me Rusinë dhe veçanërisht me Putinin.

“Kur të gjithë këta urrejtës dhe budallenj do ta kuptojnë se duke pasur marrëdhënie të mira me Rusinë është gjë e mirë, e jo gjë e keqe”, ka shkruar Trump.

“Aty çdoherë ka rol politika dhe kjo është e keqe për vendin tonë. Dëshiroj t’i zgjidhi çështjet për Korenë Veriore, Sirinë; Ukrainën, terrorizmin, dhe Rusia mund të ndihmojë shumë”, theksoi Trump.

Në një postim tjetër në rrjetin Twitter, zoti Trump ka pohuar se rivalja e tij në zgjedhjet e vitit 2016, Hillary Clinton, “e ka lutur Rusinë që të bëhet mik i joni”, kur ajo ishte Sekretare e shtetit, ndërsa ish-presidenti, Barack Obama, po ashtu, ishte përpjekur t’i përmirësonte raportet me Moskën, por “kishin pasur zero raporte me Putinin”.

Përgatiti: Fatmir Bujupi

Trumpi: Duhet të bashkëpunojmë me Rusinë për t’i dhënë fund terrorizmit

“Ajo që besoj unë është se duhet të punojmë së bashku me Rusinë për t’i dhënë fund terrorizmit. Në botë ka shumë probleme, siç janë Koreja e Veriut, Siria dhe Ukraina. Ne duhet të punojmë së bashku për t’i zgjidhur këto”

HANOI – Presidenti i Shteteve të Bashkuara të Amerikës (SHBA), Donald Trump, ka theksuar se duhet të bashkëpunojnë me Rusinë për t’i dhënë fund terrorizmit.

Duke folur në një konferencë për media pas takimit me homologun vietnamez, Tran Dai Quang, në kryeqytetin Hanoi, Trump ka theksuar se të gjitha vendet duhet të mobilizohen kundër kërcënimeve të Koresë së Veriut. “Nuk duam provokim, por progres. Nuk duam rrëmujë, por stabilitet, dhe nuk duam luftë, por duam paqe”, ka thënë Trump.

Presidenti amerikan po ashtu ka thënë se do të ishte hap pozitiv për tërë botën sikur të mund të krijonte miqësi me liderin koreanoverior Kim Jong-un. “Do të ishte mirë sikur të ishim miq me të, por dyshoj se kjo gjë do të ndodhë. Po të ndodhte, do të ishte mire për tërë botën”, u shpreh Trump.

Ndërkaq, lidhur me pohimet se Rusia ka ndërhyrë në zgjedhjet presidenciale në SHBA, Trump tha:

“Unë e pyeta atë. Ai tha se nuk e ka bërë. Putin e beson atë që dëshiron. Ajo që besoj unë është se duhet të punojmë së bashku me Rusinë për t’i dhënë fund terrorizmit. Në botë ka shumë probleme, siç janë Koreja e Veriut, Siria dhe Ukraina. Ne duhet të punojmë së bashku për t’i zgjidhur këto”, tha presidenti amerikan.

Ndryshe, pas takimit me sekretarin e përgjithshëm të Partisë Komuniste, Nguyen Phu Trong dhe kryeministrin e Vietnamit, Nguyen Xuan Phuc, Trump do të udhëtojë për në Filipine, stacionin e fundit në kuadër të turneut 13-ditor aziatik. aa

Trump-Putin flasin për Sirinë, vlerësojnë njëri-tjetrin

Presidenti amerikan Donald Trump tha të shtunën se gjatë takimit të nivelit të lartë të APEC-ut në Vietnam ai pati “dy ose tre biseda të shkurtra” me presidentin rus, Vladimir Putin të përqendruara tek gjendja në Siri.

Zoti Trump, duke folur me gazetarët në avionin presidencial Air Force One, ndërsa udhëtonte nga Dannang në kryeqytetin vietnamez Hanoi, tha në një deklaratë të përbashkët për Sirinë, që ai kishte rënë dakord ta bënte publike me zotin Putin se “ajo do të shpëtonte shumë jetë njerëzish”.

Deklarata, që filimisht u bë publike nga Kremlini thoshte se dy udhëheqësit “konfirmuan rëndësinë e zonave të çtensionimit të konfliktit, si një hap kalimtar për të reduktuar dhunën në Siri, për të detyruar zbatimin e marrëveshjeve të armëpushimit, lehtësuar qasjen e ndihmave humanitare dhe për të krijuar kushtet për zgjidhjen përfundimtare të konfliktit”.

Në deklaratë thuhej gjithashtu se presidentët Putin dhe Trump “ranë dakord të mbanin kanale të hapura komunikimi mes profesionistëve ushtarake për të ndihmuar në garantimin e sigurisë të forcave ameirkane dhe ruse dhe të forcave partnere në luftën kundër ISIS-it”.

Zoti Putin u tha gazetarëve në Danang se deklarata e përbashkët ka një rëndësi të jashtëzakonshme, duke konfirmuar parimet e luftës kundër terrorizimit.

Presidenti Trump tha për udhëheqësin rus se “duket se ne kemi ndjesi të mira për njëri tjetrin, një marrëdhënie të mirë duke konsideruar faktin se nuk e njohim mirë njëri-tjetrin. Mendoj se është një marrëdhënie shumë e mirë”.

I pyetur nëse u diskutua çështja e ndërhyrjes ruse në zgjedhjet presidenciale të vitit 2016 në Shtetet e Bashkuara, zoti Trump u përgjigj “Ai tha se nuk ndërhyrim tha se nuk ndërhyri. E pyeta përsëri. Po s’mund të pyesësh 100 herë”.

I pyetur nga një gazetar nëse e besoi zotin Putin, presidenti amerikan u përgjigj:

“Nuk mund ta kaloj gjithë kohën duke debatuar me të. Preferoj ta bind që të largohet nga Siria, preferoj të punoj me të për Ukrainën np vend që të debatoj” për ndërhyrjen në zgjedhje.

Presidenti Trump shtoi: “E gjitha kjo u sajua nga demokratët” dhe tha se kjo çështje po pengon një bashkëpunim më të mirë mes Uashingtonit dhe Moskës”, në drejtim të çështjeve serioze globale.

“Mendoj se ai (Putin) është shumë i ofenduar, gjë që nuk është shumë pozitive për vendin”, sipas zotit Trump.

Presidenti rus tha në Danang, se nuk ka konfirmim për ndërhyrje ruse në zgjedhjet ku zoti Trump fitoi ndaj rivales demokrate, Hillary Clinton dhe nuk do të ketë kurrë konfirmim.

Presidenti Trump, në avionin Air Force One, tha se Rusia mund t’i ndihmojë Shtetet e Bashkuara në mënyrë të konsiderueshme përsa i takon çështjes së Koresë së Veriut.

Por ai shtopi se nuk kishte folur për këtë çështje, sepse kishin pasur vetëm biseda të shkurtra ku kishin folur për Sirinë.

Zoti Putin, në komentet e tij për median tha se “diskutuam për gjithçka deshëm”, por për fat të keq nuk kishte pasur kohë për të folur në detaje.

Presidenti rus e përshkroi Presidentin Trump si një person me të cilin mund të fliste lehtë, me njohuri dhe tha se të dy ata kishin pasur këmbime shumë civile me njëri-tjetrin.

Megjithatë udhëheqësi rus paralajmëroi se ka shumë shans që të merren masa kundër medias amerikane në përgjigje ndaj një kërkese amerikane që televizioni RT të regjistrohet si agjent i huaj në Shtetet e Bashkuara.

CNN, Radioja Evropa e Lirë dhe Zëri i Amerikës janë përmendur nga zyrtarët rusë dhe njoftimet e medias si objektivat më të mundshme për kundërpërgjigjen ruse.