VOAL

VOAL

Please Wait ...
0%

Gjekmarkaj: PD ka promovuar vlera, kopukë e hajna këta 27 vjet, por ja pse populli iu përgjigj sot Bashës

By | May 13, 2017
blank
5 Comments
  • author avatar
    Fritz Radovani 4 years ago Reply

    Nje analize shume e sakte dhe percaktuese e se ardhmes. Ju pershndes!

  • author avatar

    Dhasht Zoti të FITOJN TË djathtët e të mos përsëritet 97-ta të cilës nuk I Jan shërue Akoma plagët

  • author avatar
    Bardhi 4 years ago Reply

    Ky djall rilindje asht drama ma e tmerrshme që i kanoset vendit tash 4 vjet me statistika nga ma fatale si në paksimin e popullsis, në paksimin e lindjeve dhe rritja e vdekjeve, shtimi i emigracjonit të madh të rinis, të tej-mega-pasunimit të klasës komuniste të mbështetun fatalisht nga të huajt hajna, vagabonda, antishqiptarë sikurse mbshtetën enver hoxhën me bandën e tij, që sot gjarpnijt e tyne po sundojn me kanabis dhe me shkatrrimin e shndetit, shgatrrimin e Genit shqiptar me anë ilaçesh angleze, kineze,……

Komentet

blank

Drejt përfundimit ura kineze në Kroaci që “zhduk” Bosnjën nga harta e turizmit ndërkombëtar

Gjuha e gjatë e tokës e bregdetit dalmat, që praktikisht nga Spliti çon deri në Dubrovnik dhe me tutje, në kufirin me Malin e Zi, ndahet në një pikë të vetme, e gjatë vetëm 9 kilometra, që përfaqëson aksesin e vetëm në det të Bosnje Hercegovinës.

Ky korridor identifikohet me qytezën turistike të Neumit, plazhi i vetëm ku boshnjakët ndihen si në vendin e tyre.

Në 1996, marrëveshja që merr pikërisht emrin e kësaj qyteze parashikonte që shtetasve kroat do të sigurohej kalim pa pengesa në dy anët e Dalmacisë, por kjo marrëveshje si dhe ajo për njohjen e kufijve e firmosur nga presidentët e atëhershëm Franjo Tugjman dhe Alija Izetbegovic nuk u ratifikua kurrë.

Kjo do të thotë që edhe ditët e sotme, i gjithë trafiku që nga veriu i Kroacisë dëshiron t’i drejtohet një destinacioni turistik ndërkombëtar si Dubrovniku, duhet të kalojë detyrimisht nga kontrollet e kufirit boshnjak të Neumit.

blank

Për të shmangur këtë, prej vitesh qeveria kroate kishte projektuar ndërtimin e një ure që do të lidhte dy fshatrat e Komarnës dhe Briestës, që ndodhet në gadishullin e Prijestrës, duke anashkaluar në këtë mënyrë kalimin nga territori boshnjak.

Në 2018 Zagrebi zyrtar shpalli fituesen e projektit, kompaninë kineze China Road and Bridge Corporation, e cila premtoi shkurtim të afateve, me kantierin që filloi punën në 2019. Dy vite më vonë, tashmë elementët e ndryshme të urës, së gjatë rreth 2400 metra, janë të bashkuara, duke bashkuar për herë të parë territorin kroat që do të përshkohet pa kontrolle në gjithë gjatësinë e tij.

Por nuk mungojnë protestat, dhe përtej disa dyshime të tipit ambientalist vijnë më së shumti nga Sarajeva. Deputetë boshnjakë dërguan protestën e tyre Brukselit, që financon projektin, duke akuzuar Zagrebin zyrtar se po ndërton në ujëra ndërkombëtare dhe jo kroate, shumë pranë atyre boshnjake.

blank
plazhi i Neumit, i vetmi plazh i Bosnjës e Hercegovinës

Jo vetëm, por boshnjakët pretendojnë edhe që ura pengon zhvillimin e një porti të madh në Neum, sepse bën të pamundur kalimin e anijeve të dimensioneve të mëdha, si për shembull atyre kroçierë.

Ndërkohë, janë shumë analistët që mendojnë se ndërtimi i urës dëmton Bosnjën jo me detajet teknike të saj por thjesht me anashkalimin e territorit të Neumit, që do t’i heqë një fluks të jashtëzakonshëm turistik Bosnjës duke izoluar edhe më tej vendin ballkanas, duke rënduar situatën politike që karakterizohet nga ndarja e pushtetit në tre komunitetet kryesore, boshnjake, kroate dhe serbe.

blank

Për çka e bënë luftën shqiptarët? – Nga Skënder MULLIQI

Pse dhe për çka kemi bërë luftë afër 90 vjeçare?Kemi bërë për çlirimin nga serbosllavizmi.Shumë përgjigje mund të jepën në këtë pyetje.Edhe fëmijët e dinë së lufta është bërë për të mbrojtur lirinë, pavarësinë , vetëvendosjën , të drejtën , demokracinë ,sovranitetitin , integritetin territorial, dinjitetin, ardhmerinë tanë …Në jetën e vërtetë njerëzit kan luftuar për shkaqe të ndryshme , por madhore pse është luftuar dhe luftohet janë Atdheu dhe kombi. Të gjitha këto që i numërova nuk guxojnë të mbesin vetëm parulla!Historia e popujve në ish-Jugosllavi na ka mësuar së serbët janë popull më mëndje të humbur, së janë njerëz të retarduar, të cilët nuk po lirohen nga budallakinat dhe nga poshtërsinat, së ata janë fitues të përhërshem dhe pushtues të përheshem të tokave shqiptare.Leksionin së nuk mund të fitojnë nga shqiptarët e morën në vitin 1999, ku humbën luftën në Kosovë. Morën leksionin së triumfon e mira ndaj të keqës, së fiton drejtësia historike .Serbia e Millosheviqit mori grushtin e fortë nga shqiptarët dhe bota demokratike , duke u larguar më bisht nën shalë nga Kosova.Shqiptarët luftuan për të fituar lirinë dhe pavarësinë , dhe e arritën këtë .Nese e fituam luftën së bashku më aleatët tanë , duhet ta din mirë çetniku Vuqiq i cili po kërcënon më luftë në veri të vendit, së jo që nuk do të arrinë të pushtojë, Kosovën , por do të detyrohet të ik deri të Pashallëku i Beogradit, ku edhe serbët e kan vendin.Xhelatët e Beogradit, duket së njohin vëtem dajakun mbi kokë.Kan harruar së ka përenduar koha e sundimit të shqiptarëve në tokën e tyre.Poshtërsitë dhe pandershemeritë e tyre nuk do të pijnë ujë më para botës demokratike , nese dikur iu ka funksionuar kjo punë.Nese çetniku Vuqiq, ka marr hov, ai do të ndalët dhe atë shumë keq , nese mendon së do të jetë ndryshe .Serbia dhe sërbet nuk po lirohen nga epoka e ërret ku janë katandisur. Zgjërimi i Serbisë historikisht më territore në kurriz të shqiptarëve ka përfunduar.Shkaqët që shqiptarët duhet më i urrejtë serbët janë të pa numërta.Vuqiqi po futët në vallët e sadizmit serbomadh. Ai është një gjarpër helmues , të cilit do ti prehet koka në luftën më shqiptarët , të cilën më ngulm po e kërkon. Shqiptarët kan qenë dhe janë popull paqëdashës ,janë popull që kërkojnë paqën , por që nuk i shmangët as luftës, kur është në pyetja mbrotja e Atdheut dhe e kombit. Vuqiqi është dehur nga urrejta patologjike që ka ndaj shqiptarëve. Kjo urrejte do ti kthehet si bumerag.Unë e di mirë së shqiptarët dinë të mbrohen nga ata që i sulmojnë …

blank

Herojtë e “Ballkanit të hapur” serb, që do na sjellin paqen – Nga SHABAN MURATI

Në 23 shtator 2021 Ministria e Mbrojtjes e Serbisë organizoi ceremoninë zyrtare të shfaqjes së filmit kushtuar Brigadës së Motorrizuar 125 të Ushtrisë Serbe, e cila mori pjesë në agresionin e Serbisë në Kosovë në vitin 1998-1999. Ja çfarë shkruan me këtë rast komunikata e Ministrisë së Mbrojtjes e Serbisë për filmin kushtuar “lavdisë” së kësaj brigade ushtarake serbe: “Brigada e motorrizuar 125, shpirti i saj i gatuar nga virtutet, bashkë me njësitë e tjera heroike dhe gjithë pjesëmarrësit e mbrojtjes së atdheut gjatë agresionit të NATO-s në vitin 1999, përbëjnë themelin e vlerave mbi të cilat qendron sot Ushtria e Serbisë”.

Ministria e sotme e Mbrojtjes e Serbisë i cilëson sot si vlera të saj krimet e kryera nga Brigada e motorrizuar serbe 125 në Kosovë gjatë agresionit serb kundër popullit shqiptar të Kosovës. Kaq flagrante janë krimet e kësaj brigade ushtarake serbe, sa që formalisht prokuroria serbe e krimeve të luftës nën presion ndërkombëtar u detyrua në vitin 2014 të hapte një hetim lidhur me akuzat e kryerjes së krimeve nga ajo brigadë. Komandanti i saj gjenerali Dragan Zhivanoviç në 24 prill 1999 urdhëroi vendosjen e regjimit ushtarak në fshatrat Qyshk, Zahaq dhe disa fshatra të tjera shqiptare në Kosovë, ku sipas prokurorisë serbe ai e dinte se pasojat këtij urdhëri do të ishin vrasja e civilëve, vjedhja e pronave dhe dëbimi i fshatarëve shqiptarë nga shtëpiat e tyre. Në 2017 prokuroria serbe e mbylli hetimin “për mungesë provash”.

Tani në vitin 2021 Ministria e Mbrojtjes e Serbisë i dedikon një film “lavdie” heroizmit kriminal të Brigadës së motorrizuar 125, që kreu masakra në Kosovë. Kjo është Ministria e Mbrojtjes e qeverisë së presidentit serb Vuçiç, i cili ka shpallur nismën e tij “Ballkan i hapur”, që sipas disa fantazistëve të sponsorizuar në Tiranë do t’i sjellë paqen popullit dhe kombit shqiptar.
Është paqja serbe e viteve 1998-1999 në Kosovë.

blank

Vota për doktoreshën Zize Hakaj Veselaj, është votë për qytetarin – Nga Skënder MULLIQI

Një nga profesionet më humane dhe më prestigjioze e më shumë vlerë, është mjekësia .Ky profesion kërkon njerëz më intelegjencë, të përkushtuar në punë , në përgjithësi njerëz të mirë të kësaj bote. Pacientët duan të ndiejnë së janë në duar të sigurta , së janë në qendër të kujdesit, së shqetësime e tyre janë të vlefshme nga mjeku.Ata kanë nevojë për komunikim dhe kujdes maksimal.E tillë është edhe mjekja Zize Hakaj Veselaj, e cila që shumë vite punon në Qendrën e Mjekësisë Familjare në Raushiq të Pejës.Për gjithë këto vite të punës ajo ka ndihmuar pacientët për përmirësimin e tyre shëndetësor.U ka dhënë atyre mbështjete në çdo kohë , edhe jashtë orarit të punës kur është paraqitur nevoja.Doktoresha Ziza është shëmbull për të mirë , e cila gjthmonë ka shprehur gadishmërinë që të bëjë shumë kilometra për mirëqenjën e pacientëve të saj. Mikëpritja e saj është e jashtëzakonshme .Pacientet shprehen të lumtur së kan për mjeke në BT të tyre zonjën Zize .Ajo është e respektuar nga të gjithë qytetarët e këtij lokaliteti, për punën e saj.I gjithë stafi që punon në këtë qendër , meriton lavdata për punën të cilën po e bëjnë. Doktoresha Ziza shprehet “ së ndihet shumë e lumtur atëherë kur mbjellë siguri dhe lumturi tek pacientët”. Unë thotë ajo në vazhdim të bisedës gjithmonë kam ndarë shqetësimet dhe kujdesin maksimal për të gjithë ata që kan frekuentuar në qendrën tonë mjekësore.Kemi ndihmuar më udhëzimet tona për mbrojtje më efikase nga Pandemia .Sipas nevojws ekipi ynws ka shkuar pwr vizita edhe nepwr shtwpia .Prandaj, edhe kemi krijuar mardhënje të ndërsjella shumë të shëndosha.Dhe, nuk ka dyshim shprehet doktoresha, çdo sukses yni ,ndihmon dhe ndikon edhe në lumturisë tonë përsonale.Ajo paralelisht më ushtrimin e profesionit të mjekut, është asambleiste në Kuvendin Komunal të Pejës nga radhët e AAK-së. Edhe sivjet ajo garon për këtë pozitë , të cilën më punën dhe sinqeritetin e saj karshi përmbushjës së obligimeve ndaj qytetarëve e meriton. Inkuadrimin në politikë pasi vjen nga shëndetësia , ajo e sheh si përpjekje për përmiresimin e kushteve dhe shërbimeve në shëndetësi, në dobi të qytetarëve, si dhe promovimin e vlerës së gruas në shoqërinë tonë të re.Prandaj, të gjithë ata të cilët votojnë për doktorëshën Zize , që votojnë numrin 3 të listës së AAK-së, në zgjedhjet të 17 tetorit nuk do të gabojnë.Ajo është votë për qytetarin…
Tiranë,24 shtattor 2021

blank

Të ndihmojmë Kosovën, të ndihmojmë veten, të ndihmojmë kombin- Nga Muharrem Salihu, përfaqësuesi politik i shqiptarëve në Medvegjë

Është krejt e qartë se akti i fundit i Kosovës për të vendosur targa të përkohshme automjeteve me targa serbe, në kalimin e kufirit, në përfundim të marrëveshjes së mëhershme, ka imponuar fuqishëm në marrëdhëniet Kosovë-Serbi, temën e reciprocitetit. Në marrëdhëniet ndërkombëtare, reciprociteti zakonisht lidhet me shkëmbim dypalësh favoresh, përfitimesh, trajtimesh pozitive.

Pra,akti i fundit i qeverisë Kurti, ndërsa pala tjetër po bën një luftë nervash, kush tërhiqet i pari, synon të vendosë reciprocitetin me Serbinë. A do ja arrijë?

Që t’ja arrijmë ne, së pari dhe si kryesore, është që ne si komb, duhet të jemi bashkë! Bashkë me Perëndimin. Duhet të këshillohemi mirë. Duhet të kemi një strategji dalëse.

Ndërsa Serbia synon të nxisë si reaksion,themelimin e Asosacionit, ne duhet të veprojmë sipas parimit “ njëra dorë lanë tjetrën, të dyja lajnë fytyrën.”. Të ndihmojmë Kosovën, të ndihmojmë veten, të ndihmojmë kombin.

Skenari eventual serb, me asosacion, pra thellimi i ndarjes territoriale sipas vijave etnike, mund të mos ndalet kurrë. Ne duhet të ishim të përgatitur, por më mirë vonë se kurrë, që të themelojmë Asosacionin e tre komunave tona në Jug të Serbisë, të hapur për bashkimin e ndonjë komune tjetër, në Sanxhak. Ka patur shprehje të vullnetit popullor nëpërmjet referendumeve në këtë drejtim dhe ne duhet ta jetësojmë këtë vullnet.

Ky do të ishte reciprocitet real për trajtimin e pakicave në të dy shtetet tona, ndonëse reciprociteti i plotë ka shumë sfera të tjera. Është vonë, por ne duhet të jemi të përgatitur. Ekzistenca jonë në Jug të Serbisë, po kërcënohet pa u ndalur dhe ne nuk mund të lejojmë që të humbim dyfish: të tkurrim autoritetin shtetëror në veri të Kosovës, ndërsa në Jug të Serbisë, po tkurrim ekzistencën.

blank

Arkiv – Fjala në sheshin e Shën Pjetrit ORËT E EMOCIONIT SHQIPTAR – Nga PAPA FRANÇESKU

Më 25 shtator 2014, e enjte, pas kthimit të Atit të Shenjtë nga vizita në Shqipëri

Të dashur vëllezër e motra, Sot dua t’ju flas për Udhëtimin Apostolik, që bëra në Shqipëri, të dielën e kaluar. E bëj këtë, së pari, si akt falenderimi për Zotin, i cili ma mundësoi këtë Vizitë për të treguar, edhe fizikisht e në mënyrë të prekshme, afërsinë time e të gjithë Kishës me këtë popull. Dëshiroj pastaj, të përtërij mirënjohjen time vëllazërore për Ipeshkvijtë shqiptarë, meshtarët, rregulltarët e rregulltaret, që punojnë me kaq impenjim. Mendimi im plot mirënjohje shkon edhe tek autoritetet, që më pritën me kaq shumë dashamirësi, si edhe tek të gjithë ata, që punuan për realizimin e vizitës.

Kjo vizitë lindi nga dëshira për të shkuar në një vend që, pasi u shtyp për një kohë të gjatë nga një regjim ateist e çnjerëzor, po përjeton përvojën e bashkëjetesës paqësore ndërmjet feve. M’u duk shumë e rëndësishme ta inkurajoj në këtë udhë, që ta vazhdojë me këmbëngulje e të thellohet në të gjitha aspektet, për të mirën e përbashkët. Për këtë, në qendër të udhëtimit, qe një takim ndërfetar, në të cilin pata mundësinë të shoh me kënaqësi të thellë se bashkëjetesa paqësore dhe e frytshme ndërmjet njerëzve e bashkësive, që u përkasin feve të ndryshme, jo vetëm mund të dëshirohet, por është konkretisht e mundur dhe e zbatueshme në praktikë.

Ata e praktikojnë! Është fjala për një dialog të vërtetë e të frytshëm, larg relativizmit, duke pasur parasysh identitetin e secilit. Në fakt, ajo që i bashkon shprehjet e ndryshme të fesë, është udha e jetës, vullneti për t’i bërë mirë të afërmit, pa e mohuar e pa e nënvlerësuar identitetin e secilit.

Takimi me meshtarët, me njerëzit e shuguruar, me seminaristët e me lëvizjet laikale, qe rasti për të kujtuar me mirënjohje, me çaste përmallimi të madh, martirët e shumtë të fesë.

Falë pranisë së disa të moshuarve, që i kanë jetuar në trupin e tyre persekutimet e tmerrshme, rijehoi feja e sa e sa dëshmitarëve heroikë të së kaluarës, të cilët e ndoqën Krishtin deri në pasojat më ekstreme. E pikërisht nga bashkimi intim me Jezusin, nga marrëdhëniet e dashurisë me Të, për këta martirë – si për çdo martir – lindi forca për të përballuar ngjarjet e dhimbshme, që i çuan drejt martirizimit.

Edhe sot, ashtu si dje, forca e Kishës nuk qëndron aq në aftësitë organizuese ose në struktura, të cilat, gjithsesi, janë të nevojshme, por Kisha nuk e gjen forcën e vet aty. Forca jonë është dashuria e Krishtit! Një forcë, që na mban në çastet e vështira e që frymëzon veprimin e sotëm apostolik për të dhuruar mirësi e falje, duke dëshmuar kështu mëshirën e Zotit.

Duke përshkuar udhët kryesore të Tiranës, që nga aeroporti çon në sheshin qendror, munda të shoh portretet e dyzet meshtarëve të vrarë gjatë diktaturës komuniste, për të cilët është nisur çështja e lumnimit. Këta u shtohen qindra rregulltarëve të krishterë e myslimanë, vrarë, torturuar e internuar vetëm sepse besonin në Zotin.

Kanë qenë vite të errëta, gjatë të cilave u bë rrafsh me tokën liria fetare e ishte e ndaluar të besoje në Zotin, mijëra kisha e xhami u shkatërruan, u shndërruan në magazina e kinema, që përhapnin ideologjinë marksiste, librat fetarë u dogjën e prindërve nuk iu lejua t’u vinin fëmijëve emrat fetarë të paraardhësve. Kujtimi i këtyre ngjarjeve dramatike është thelbësor për të ardhmen e një populli.

Kujtimi i martirëve që rezistuan me fe është garanci për fatet e Shqipërisë; sepse gjaku i tyre nuk është derdhur kot, por është farë, që do të sjellë fryte paqeje dhe bashkëpunimi vëllazëror. Vërtet, sot, Shqipëria është shembull, jo vetëm për rilindjen e Kishës, por edhe për bashkëjetesën paqësore ndërmjet feve.

Prandaj, martirët nuk janë të mundur, por fitimtarë: në dëshminë e tyre heroike shndrit sërish gjithpushteti i Zotit, që gjithnjë e ngushëllon popullin e vet, duke hapur udhë të reja e horizonte shprese.

Këtë mesazh shprese, bazuar në fenë në Krishtin e në kujtimin e së kaluarës, ia besova krejt popullsisë shqiptare, të cilën e pashë entuziaste dhe të gëzuar në vendet e takimeve e në kremtime, ashtu si edhe në rrugët e Tiranës.

I inkurajova të gjithë të marrin energji gjithnjë të reja nga Hyji i ringjallur, për të qenë tharmi ungjillor në shoqëri e për t’u impenjuar, siç po ndodh tashmë, në veprimtari bamirëse e edukative.

Falenderoj edhe një herë Zotin, sepse, me këtë Udhëtim, më dha mundësinë të takohem me një popull të guximshëm e të fortë, që nuk u përkul para dhimbjes.

Vëllezërve e motrave të Shqipërisë u përsëris ftesën për të pasur guximin e së mirës, për të ndërtuar të tashmen e të ardhmen në vendin e tyre e në Evropë.

Ia besoj frytet e vizitës sime Zojës së Këshillit të Mirë, që nderohet në Shenjtëroren me të njëjtin emër në Shkodër, që Ajo të vazhdojë ta udhëheqë këtë popull-martir në udhën e tij.

Përvoja e vështirë e së kaluarës thelloftë gjithnjë e më shumë hapjen ndaj vëllezërve, sidomos ndaj më të brishtëve, dhe e bëftë gjithnjë e më shumë protagonist të atij dinamizmi të bamirësisë, kaq të nevojshëm në kontekstin e sotëm shoqëroro-kulturor.
Do të doja që të gjithë ne të përshëndesim këtë popull të guximshëm, punëtor, që në paqe, kërkon bashkimin.

blank

Zëri i Amerikës: Sulmohen qendrat e regjistrimit të makinave në veriun e Kosovës

Autoritetet e rendit në Kosovë njoftuan sot se në orët e hershme të mëngjesit të së shtunës, është djegur Qendra e Regjistrimit të Automjeteve në ndërtesën e e komunës së Zubin Potokut, ndërsa në një tjetër qendër të tillë në komunën e Zveçanit janë hedhur bomba, që nuk kanë shpërthyer.

Policia tha se po kryen hetime dhe ende nuk ka ndonjë të arrestuar lidhur me incidentet për të cilat kryeministri i Kosovës, Albin Kurti, tha se, sipas hetimeve të para, “nuk ishin aksidentale por të qëllimshme”.

Në një postim në rrjetet sociale, kryeministri Kurti tha se individë ose grupe të cilave sundimi i ligjit dhe rendi e siguria publike ua rrezikon aktivitetin kriminal po e sulmojnë shtetin e Kosovës dhe po e cenojnë paqen.

“Qartazi ata po i nxit e mbështet Serbia, përkatësisht regjimi autokrat atje. Fatkeqësisht, para syve të bashkësisë ndërkombëtare, Serbia po përdorë qytetarë të Kosovës për të provokuar konflikt serioz ndërkombëtar”, shkroi kryeministri Kurti duke nënvizuar se sulmet e këtilla zjarrvënëse dhe kriminelët që i kryejnë nuk do të tolerohen.

Ai u bëri thirrje qytetarëve që banojnë në veri të lumit Ibër, pavarësisht përkatësisë etnike, që të ruajnë qetësinë dhe të bashkëpunojnë me institucionet e Kosovës.

Ministri i Brendshëm, Xhelal Sveçla, i cilësoi incidentet si akte “kriminale me elemente terroriste”.

“Këto veprime kriminale tregojnë më së miri se çfarë do të ndodhte në pikat kufitare në Jarinjë dhe Bërnjak nëse nuk do të kishim praninë e njësive speciale për të garantuar rend dhe siguri”, tha ai duke nënvizuar se ministria e Punëve të Brendshme do të angazhohet për rend, siguri dhe sundim të ligjit dhe të zbatojë vendimet qeverisë së Kosovës në tërë territorin e saj.

“Ftojmë qytetarët në veri që të respektojnë ligjet dhe të mos dirigjohen apo manipulohen nga ata të cilët mbijetojnë politikisht, apo përfitojnë materialisht, vetëm falë tensioneve”, tha ai.

Djegia e Qendrës për Regjistrimin e Automjeteve ndodh në një kohë kur grupe qytetarësh serb për të gjashtën ditë me radhë po mbajnë të bllokuara rrugët për në vendkalimet kufitare ndërmjet Kosovës dhe Serbisë në Jarinjë dhe Bërnjak, në veriun e banuar me shumicë serbe, në shenjë proteste ndaj vendimit të qeverisë së Kosovës për të zbatuar masën e reciprocitetit me Serbinë për targat e makinave.

Nga e hëna, makinat me targa të Serbisë duhet të pajisen me targa të përkohshme me të hyrë në Kosovë. Fillimi i zbatimit të këtij vendimi është masë e ndërsjellë meqë njësoj veprohet me makinat nga Kosova që hyjnë në Serbi tash e dhjetë vjet me radhë.

Zbatimi i vendimit të qeverisë për targat e makinave ka tensionuar marrëdhëniet edhe ashtu të ndera ndërmjet Kosovës dhe Serbisë.

Autoritetet e Kosovës janë shprehur të gatshëm që të heqin masën e reciprocitetit në rast se edhe Serbia zotohet të bëj të njëjtën gjë për makinat me targa të Kosovës që udhëtojnë nëpër Serbi.

Por zyrtarët në Beograd kanë hedhur poshtë një gjë të tillë duke kërkuar që njësitë e posaçme të policisë së Kosovës të largohen nga veriu dhe autoritetet në Prishtinë të heqin masën e vendosur më 20 shtator. Serbia ka hedhur poshtë mundësinë e vazhdimit të bisedime në Bruksel pa u përmbushur këto kushte, ndërsa tha se ka ngritur gatishmërinë luftarake të trupave të saj në afërsi të kufirit me Kosovën.

Diplomatet perëndimor po bëjnë thirrje për uljen e menjëhershme të tensioneve në veriun e Kosovës, dhe kthim në tryezën e bisedimeve të lehtësuara nga Bashkimi Evropian.

Zv/Ndihmës Sekretari i Shtetit për Evropën Jugore dhe Qendrore, Gabriel Escobar, tha në një intervistë me Zërin e Amerikës se “të dyja palët duhet të përmbahen e të mos përdorin retorikë të dëmshme dhe të dyja palët duhet ta përqendrojnë vëmendjen dhe energjinë në dialogun e ndërmjetësuar nga Bashkimi Evropian”.

Zoti Escobar tha se i dërguari i posaçëm evropiane për bisedimet Kosovë – Serbi Miroslav Lajçak, ka disa propozime shumë të mira dhe po përpiqet t’i mbledhë të dyja palët në Bruksel lidhur me çështjen e targave, me synimin për të negociuar një zgjidhje të qëndrueshme.

Por varet nga të dyja palët, që të bien dakord për ta diskutuar këtë, tha ai duke nënvizuar se “është gjithashtu në dorën e të dyja palëve, që të mos ketë një qasje ushtarake ndaj kësaj çështjeje dhe të mos dërgojnë Forca Speciale në një vend ku kemi KFOR-in. Nuk ka nevojë për një gjë të tillë”, theksoi zv/ndihmës sekretari amerikan i shtetit..

blank

Në Shqipëri idhujt e politikës së lartë janë pa krena dhe pa krena e duan edhe tufën e idhujtarëve – Nga SHABAN MURATI

Në Shqipëri idhujt e politikës së lartë janë pa krena dhe pa krena e duan edhe tufën e idhujtarëve. Prej 30 vitesh në tranzicion politika e lartë shqiptare jep çdo ditë shembuj ulëritës për padinjitetin, pakarakterin dhe pagdhendjen në nivele samiti, të cilat nuk i shëron dot as një dhe as disa gjuhë të huaja. Si nuk doli një politikan i lartë shqiptar, me mustakë apo pa mustakë, që të kuptojë se kur stuhia e historisë i le idhujt pa krena, duhet me vrapue për në shtëpi, sepse nuk ka më vend në çadrën tënde politike.

Shpirti i zi ua ka rrëzuar krenat idhujve të politikës së lartë, të cilët si rregull tërheqin me vete drejt theqafjes idhujtarët pa krena, që gjenetikisht mbetën një vertebër deformuese e këtij populli. “Çdo gja që s’ka krye asht kufomë e kufoma s’e ka vendin mes të gjallëve”,-thotë Migjeni largpamës.

Gerontokracia e çmendur politike i ndjek shqiptarët si nemesis storica i një mallkimi, që vjen nga zemra e dheut dhe e malit.

blank

‘E shkuara’ e PD është histori suksesi, krenarie dhe lavdie! – Nga EDI PALOKA

“E shkuara” e PD është histori suksesi, krenarie dhe lavdie për gjithë shqiptarët!

E shkuara e PD është përmbysja e komunizmit dhe hapja e rrugës për demokraci!

E shkuara e PD është fitorja e pluralizmit në Shqipëri.

E shkuara e PD është largimi i Shqipërisë nga Lindja dhe rivendosja e marëdhënieve me SHBA e partnerët tanë natyralë, Perëndimin!

E shkuara e PD është vendosja e ekonomisë së tregut dhe lirisë së biznesit në Shqipëri!

E shkuara e PD janë anëtarësimi në NATO, liberalizimi i vizave dhe marrja e statusit të vendit kandidat në BE.

E shkuara e PD është dhe celebrimi me SHBA dhe aleatët i pavarësisë së Kosovës!

E shkuara e PD janë këto dhe shumë të tjera, për të cilat jo vetëm demokratët por dhe shqiptarët duhet të ndjehen krenarë!

Prandaj ne demokratët jemi dhe shpresa e shqiptarëve për të ardhmen sepse kemi pasur një histori të lavdishme ndërkohë që kundërshtarët tanë, ata që qeverisin sot, kanë një të shkuar të zezë dhe një të tashme po aq të zezë për shqiptarët!

Ne shohim nga e ardhmja, jo duke harruar e shkelmuar të shkuarën, por duke bërë të kundërtën: duke e ngritur këtë të ardhme mbi vlerat më të mira të së shkuarës e duke shkelmuar të keqen e asaj të shkuare!

blank

Kur amerikanët përfunduan si sekserë për vilat e një autokrati Nga Enton Palushi

Shqipëria e drobitur nga hallet e saj dhe e mbingarkuar me lajme të shumta duket se nuk ia ka pasur ngenë këto ditë të merret me një dramë të rëndë që po konsumohet në kufirin mes Meksikës dhe SHBA. Mijëra haitianë të vendosur në një kamp në kushte mizerabël presin deportimin nga SHBA, ndërsa dhuna policore e ushtruar mbi ta po krahasohet me periudhën e skllavërisë.

Ky është një tjetër skandal mbi shpatullat e brishta të presidentit Joe Biden, i cili dje u përball me një tjetër lajm të hidhur. I dërguari special i SHBA për Haitin, Daniel Foote dha dorëheqjen duke theksuar se pamjet e vuajtjeve të haitianëve janë çnjerëzore. Sipas tij, Haiti është një shtet i dështuar dhe i rrënuar edhe për shkak të ndërhyrjeve të SHBA në punët e brendshme, duke mbështetur kandidatë të pavotuar dhe marioneta të Perëndimit. Por ‘bomba’ e Foote ishte qëndrimi i tij se Haiti nuk do ecë kurrë përpara nëse qytetarët nuk do lejohen të zgjedhin në mënyrë dinjitoze drejtuesit e tyre me votë të lirë dhe të ndershme.

Foote i bashkohet kështu një numri gjithmonë e në rritje ekspertësh dhe politikanësh në botë që e shohin problemin e madh te fakti se Perëndimi jo vetëm nuk po i mbështet dhe nuk po investon te zgjedhjet e lira dhe të ndershme, por po i dëmton ato. Haiti është një shembull ulëritës në këtë drejtim.

Gjithçka në këtë vend të Karaibeve nisi në vitin 1990. Pas revoltave të shumta, qytetarët kishin arritur të rrëzonin diktatorin famëkeq, Baby Doc Duvalier, i njohur për 1001 të zeza, por mbi të gjitha se shpenzoi miliona USD nga buxheti i shtetit për dasmën e tij luksoze.

Vendi do i drejtohej kutive të votimit dhe për herë të parë mund të zgjidhnin të lirë. Jean-Bertrand Aristide fitoi me shumicë të konsiderueshme dhe dukej se Haiti po futej në kursin e duhur. Por gjithçka zgjati vetëm 8 muaj. Më 29 shtator 1991, ushtarët qëlluan mbi banesën e Aristide. Ai shpëtoi me shumë fat dhe arriti të fshihej në parlament. Një sulm i dytë pak më vonë ia doli të kapte të gjallë Aristiden. Grushti i shtetit udhëhiqej nga gjenerali Raoul Cedras.

Aristide nuk ishte një engjëll, por ajo që pasoi i dha dërrmën demokracisë në vend. Në sy të Aristides, Cedras po thurte planin se çfarë do bënin me të, duhej ta varnin aty, ta ekzekutonin apo ta linin të largohej në azil. Për fat fitoi skenari i fundit, pasi rebelët nuk donin ta nisnin pushtetin me një vrasje të këtij niveli.

Cedras mori pushtetin dhe nisi të ekzekutonte kundërshtarët. Në atë kohë ishte një sekret i hapur se CIA kishte mbështetur grushtin e shtetit. Tek e fundit, Cedras ishte diplomuar në programin famëkeq Shkollat e Amerikës të Departamentit të Mbrojtjes në SHBA.

Por shumë shpejt Uashingtoni nisi të ftohej me Cedras, për një arsye që nuk lidhet aq shumë me demokracinë. Haiti ishte bërë një aktor i rëndësishëm në tregtinë globale të drogës dhe pasojat po binin mbi qytetarët e SHBA. Mbi të gjitha ekzistonte frika e zakonshme me çdo autokrat, se sa më shumë kalon koha, aq më i vështirë bëhet rrëzimi i tij.

Një skenar për pushtimin e Haitit u rrëzua dhe presidenti Bill Clinton vendosi të dërgojë anijet ushtarake pranë brigjeve të këtij vendi duke treguar ‘dhëmbët’ në një operacion të quajtur Ruajtja e Demokracisë.

Cedras nisi të trembej, por si praktikant i magjisë Vudu, u premtonte shtetasve të tij se do i sulmonte amerikanët me një ushtri prej 60 mijë zombish të padukshëm.

Më 8 shtator të vitit 1994, gjashtë praktikantë të magjisë Vudu kryen disa rite para ambasadës amerikane në Haiti. Besojeni ose jo, pas kësaj diçka e rëndë ndodhi në Uashington. Një avion i vogël Cessna humbi kontrollin dhe fluturoi drejt dhomës së gjumit të çiftit presidencial Clinton. Piloti vdiq, por për fat askush tjetër nuk u lëndua. Në Haiti nisi festa. Shpirtrat Vudu ishin në krahun e tyre.

Nuk dihet nëse Clinton u bë supersticioz, por Shtëpia e Bardhë dërgoi në Haiti një delegacion të lartë për të negociuar. Në delegacion ishte ish-presidenti Jimmy Carter, senatori Sam Nunn dhe gjenerali Colin Powell, që e njihte Cedras nga koha kur e stërviste në tokën amerikane.

Treshja e lartë i ofroi gjeneralit Cedras 1 milion dollarë që të largohej nga vendi. Këtu nisi një histori qesharake dhe surreale. Cedras tha se në marrëveshje duhej shtuar edhe dhënia me qira e tre pronave të tij në Haiti, përfshi vilën e mamasë së tij. Nga ky moment, tre diplomatët u kthyen në sekserë dhe nisën punën për të dhënë me qira vilat. Pasi gjetën edhe qiraxhiun e fundit për vilën më të madhe me një vlerë 4 mijë dollarë në muaj, marrëveshja u nënshkrua.

Në orën 3 të mëngjesit më 13 tetor 1994, një avion ushtarak mori gjeneralin Cedras dhe familjen e tij. Po atë ditë, Shtëpia e Bardhë zhbllokoi 79 milion dollarë asete të 600 oficerëve ushtarakë nga Haiti.

Edhe pse u duk se u gjet një zgjidhje, Haiti u fut në një cikël krizash, korrupsioni dhe varfërie. Vetëm para pak ditësh u vra presidenti i këtij vendi, ndërsa emigracioni masiv nuk ndalet.

Sa për Cedras, ai hapi një dyqan në Panama. Më vonë u zhvendos në ishullin Contadora, ku kishte jetuar më parë Shahu i Iranit, të cilin amerikanët e kishin përdorur po ashtu për një grusht shteti pas zgjedhjeve të lira në vend. Çfarë ironie!/Syri.net

blank

Shfaqjet e një qurramani të llastuar – Nga Gjeneral Piro Ahmetaj

Në respekt të mijëra konsideratave për “kurajon dhe oponencën e fortë” ndaj qasjes diskretituese të Lulzim Bashës mbas 25 Prillit, po ndaj disa qëndrime shtesë:

Së pari, besoj që tashmë të jenë kthjelluar të gjitha dilemat: “ish-PD ose edhe më qartë, kompania private e Lulzim Bashës i ka shitur, ia kanë manipuluar/vjedhur si dhe i ka humbur në mënyrë turpëruese edhe zgjedhjet e 25 Prillit 2021”!

Veçmas, ose të trija së bashku, nuk ka më asnjë pikë rëndësie. Ashtu si edhe retorika e të gjithëditurve, dufi i militantëve të dëshpëruar në rrjete sociale apo diskutimet e skuadrës humbëse ose të punësuarve të rinj nga PD në Kuvend pas shtatorit 2021 (Basha, Bardhi, Rrushaj, Duma, Salianji, Gjekmarkaj etj. të (de) graduar si ofiqarë), do kenë zero interes për demokratët, deri në zgjedhjet e  2025-ës!

“Fshati digjet, znj…” krihet thotë populli. Ja kështu, mbasi e rimori pa turp karrigen, Kryetari doroviti skuadrën e tij humbëse dhe sekserët zullumqarë me poste në forume (Këshill Kombëtar dhe Kryesi) vetëm për të forcuar murin e kamikazëve dhe si Ali komiku i Bagdadit, vijon të mbajë ligjërata mbi «fitoret madhështore që e presin PD-në nën udhëheqjen e tij, në mos në 2025-ën,  e sigurt në 2029-ën”!

Së dyti, pavarësisht kostumit perëndimor, artikulimit euro-atlantik  apo balukeve bolshevike, “qasja delinkuente  e Lulzim Bashës dhe gardës së ofiqarëve rreth tij”, e ka katandisur tashmë PD-në në një kompani të falimentuar.

Me fjalë të tjera, 13 Qershori, 18 Korriku dhe 30 Gushti 2021 do të inventarizohen në memorien e pluralizmit si funerale poshtëruese të vlerave dhe  besimit të PD-së!

Parë kështu, këto tri data demonstrojnë jo vetëm papërgjegjshmërinë perverse të Kryetarit humbës, por edhe mungesën dëshpëruese të kurajos në partinë që ka lindur dhe ka për mision lirinë!

Kështu, faqe e zezë kur personazhe me peshë publike, prisnin si “haleluja” renditjen në listën e Kryetarit mashtrues dhe me zvarritje në të trija këto ngjarje, për të hipotekuar fundin pa lavdi të PD-së së Lulzim Bashës!

Ndërsa një gardë pagatorësh, ende zgërdhihen nëpër studio dhe Kuvend duke brohoritur “deri në vdekje me udhëheqësin e lavdishëm”, edhe pse nën drejtimin e tij në 8 vjet, PD s’ka asnjë fitore të vetme.

Neveri për mediat e kapterëve, ngritur me paratë e VEFA-s dhe ushtrinë e punësuar me byrek në portalet e familjarëve që qelbën dynjanë me propagandën “edhe humbës i përsëritur, edhe krenar, edhe trim i tërbuar, edhe pro amerikan i madh”!

Keqardhje për dhjetëramijëra demokratë, që edhe mbas dëshpërimit për humbjen mëkatare, i marrin zvarrë në llogoret e betejave e radhës “për mbrojtjen e nderit të Kryetarit humbës”.

Së treti, për rrethana shtesë e kam ndjekur i pasurprizuar dhe i pazhgënjyer, “trimërimin e vonuar” të Lulzim Bashës për ta përjashtuar (vrarë Babën) nga grupi parlamentar dhe pabesinë cinike për ta diskretitur ish-Kryetarin, Presidentin,  Kryeministrin,bashkë me të edhe historinë dhe vlerat e PD-së për 30 vjet!

Që Kryetari pa këllqe, këtë vendimarrje nuk e ka bërë as për PD-në, as për Shqipërinë, as për SHBA-në dhe as për t’u hakmarrë në emër të armiqve të Berishës, por vetëm për interesat e tij private “këtë e di edhe maçi” thonë nga jugu, dhe besoja ta dinë edhe të punësuarit e rinj në Kuvend, që fluturojnë nga gëzimi që “janë thirrur nga Ambasada e SHBA-ve në Tiranë”!

Çfarë mjerimi!

Nga ana tjetër, shpreh neverinë për qasjen e Bashistëve: “Kush nuk është pro Kryetarit të Madh, është armik  i SHBA-së, i PD-së dhe i kombit”.  Pra “Rreziku amerikan” i një forme moderne, edhe më tinzare se e E. Hoxhës.

Kujtohuni se për të rimarë karrigen e Kryetarit në 13 Qershor, si skuth i stërvitur, u tha demokratëve: “kush nuk më voton mua, njeh zgjedhjet e vjedhura dhe voton armikun Rama” !

Po ashtu qasja se “ato që di unë dhe Berisha s’do i merrni vesh kurrë”, janë shfaqje të një qurramani të llastuar, pasi mbështetur në parimet bazë, liderët e partive (jo të kompanive private) kanë detyrim të informojnë stukturat për “gjithçka që dinë”, ashtu siç edhe mbajnë përgjegjësi për ato që bëjnë dhe nuk bëjnë në interes të organizatës që drejtojnë!

Për sa që angazhohen me përgjegjësi publike, kjo qëndron për Bashën edhe për Berishën, për t’u thënë demokratëve dhe shqiptarëve: “çfarë nuk do të marrin vesh kurrë?!”

Shqipëria nuk ka armë bërthamore dhe kujtohuni që mbasi bëri publike edhe Email-et e ambasadorit Donald Lu, “Basha është shpallur i pabesuar nga USA për sekrete”.

Po ashtu e gjykoj si provokim të rëndë, ndryshimin tinzar të statusit si dhe shashkën cinike “nuk i mbledh forumet për vendimarrjet e SHBA-së”, sikur partinë ta ketë trashëgimi.

Nëse vërtet ka dalldisur deri këtu, anëtarësia e PD-së duhet të kërkojë komision mjekësor se qenka shumë rëndë.

Së katërti, edhe“reagimi i vonuar” i Berishës, mesa duket i frymëzon militantët, por nuk besoj të bindë  demokratët dhe shqiptarët me arsye të shëndoshë.

Për shembull, që Basha ka qënë i emëruari dhe kanakari tij dora vetë, kjo është “vërtet e çimentuar” në hapësirën mbarëshqiptare dhe atë ndërkombëtare ! Ashtu siç edhe është “e vërtetë e rrënjosur”tashmë që Lulzim Bashën nuk e ka zgjedhur askush as në 2005-ën, as në 2011-ën, as në 2013-ën, as në 2017-ën, as në 2021-in, por është emëruar me bekimin, mbështetjen dhe heshtjen dëshpëruese të Sali Berishës.

Nga ana tjetër, jo çdo e keqe vjen për të bërë dëm. Kështu, përtej  personalizimit bajat me Berishën apo me Bashën, uroj që ky realitet i krijuar nga kjo rrethanë, të ndezë dritat e shpresës për të zgjuar arsyet fisnike mbi domosdoshmërinë kritike për ta transformuar, ridimensionuar si dhe rikthyer vlerat e të djathtës moderne në PD.

Së pesti, statusin“non grata” nga DASH, si çështje familjare, Berisha e ka adresuar në gjykatë, dhe deri sa ajo të shprehet, “prezumohet pafajësia”! Ky mbetet një parim i përbotshëm në demokraci. Nëse njerëzit do të ndëshkoheshin me proçedura teknike dhe mbi fakte të paprovuara nga gjykata, do të ishte shuar gjysma e njerëzimit !

Si dëshmitar teknik, ripërsëris vendosmërinë e mirënjohur dhe rolin thelbësor të ish-Kryeministrit Berisha në procesin drejt/pas anëtarësimit në NATO. Kështu, risjell në kujtesë se në 2012-ën, Shqipëria vlerësohet zyrtarisht“një ndër 5 vendet model për përmbushjen për kontributet në NATO”!

Duke parë nga ky këndvështrim, pa bërë as prokurorin, as avokatin, as gjykatësin, “vendimin ndaj Berishës nuk e gjej relevant me kohën, as të mirëbalancuar, as racional dhe as proporcional me nevojën që ka Shqipëria për të rritur besimin te modelet e shtetit të së drejtës (SHBA/BE) si dhe për përmirësuar mekanizmat e demokracisë funksionale”!

Shpresoj që Bashistët të mos më shpallin në “grupin armiqësor anti-USA” = janë bërë për t’u mëshiruar.

Thënë këtë, lëvizja “Foltore” do të dështonte pa lindur ende, nëse do ta bashkonte çështjen e familjes Berisha, domosdoshmërinë jetike dhe   përgjegjshmërinë e “babait”, për të ndërmarrë një operacion shpëtimi për PD-në.

Duam apo nuk duam, është fakt se të gjitha opsionet e tjera anti- Bashë kanë dështuar me sukses të plotë në këto 8 vite. Pra e besojmë apo jo, Berisha ka kapacitetin për ta shkundur nga themelet kështjellën e pushtuar nga një sekt humbësish.

Së fundmi, thënë sa më lart,  refuzoj me përbuzje të përfshihem më tej në debatin banal : “Dr. Berisha apo Lulzim Basha” edhe pse kurrë, për asnjë arsye, për asnjë referencë dhe rrethanë, nuk ka fare vend për krahasime !

Për më tepër, e përsëris se jo personalizimi dhe ndarja në llogore, por ngritja, e një Bordi Tranzitor Mirëbesimi mbetet domosdoshmëri për të nisur një proces të shëndetshëm transformimi, me qëllim rikthimin e PD-së në shinat e së djathtës moderne si dhe të besimit te demokracia funksionale si SHBA dhe gjithë Europa.

Ndaj, duke ju falënderuar për mijëra mesazhet inkurajuese, dua ta përsëris fort se jam i përkushtuar për të kontribuar me përgjegjshmëri shtesë në mbrojtjen dhe promovimin e interesave kombëtare si dhe ne forcimin e partneritetit strategjik me SHBA-në, NATO-n, etj.

*Gjeneral Piro Ahmetaj: 

Ekspert i për Sigurinë Kombëtare dhe NATO-n 

Zv/President i Këshillit të Atlantikut 

Ish-Këshilltar i Sigurisë Kombëtare në PD 

Këshilltar Ushtarak i Presidentit 

Zv/SHSHPFA dhe Përfaqësues i Republikës së Shqipërisë në SHAPE/NATO

blank

Koha për Marrëveshjen e Madhe, jo pazarin e radhës – Nga KASTRIOT ISLAMI

Rama është personazhi i vetëm politik që gjatë 20 vjetëve të fundit ka treguar me shëmbuj konkretë se i urren marrëveshjet, ai jo vetëm nuk është i gatshëm të merret vesh me opozitën/kundërshtarët, por edhe kur për shkak të ndërhyrjes së ndërkombëtarëve arrihet ndonjë marrëveshje, ai fillon të mendojë si ta prishë atë dhe nuk qetësohet pa e prishur atë…Për ta arritur këtë qëllim ka përdorur paratë e pista të korrupsionit për të blerë disa deputetë, lobuar në disa zyra apo komprometuar zyrtarë të lartë që mbulojnë zhvillimet në Shqipëri.

Rama ka qënë konkretisht i prirur të përdorë paratë e korrupsionit për të “blerë” disa deputetë të opozitës për ta arritur “maxhorancën” e nevojshme (3/5 ose 2/3 e deputetëve të kuvendit) për të arritur sipas interesave të tij personale marrëveshjet e kërkuara, përkatësisht për ndryshimin e kodeve apo ndryshimet kushtetuese…

Rama gjithashtu ka prishur “traditën” e vendosur në Shqipëri në vitet 1991-2013 për marrëveshje mes maxhorancës e opozitës edhe në ato raste kur maxhoranca zotëronte në kuvend “numrat e nevojshëm” për miratimin e kodeve apo të Kushtetutës… thënë ndryshe të gjitha reformat e lidhura mes ndryshimin/amendimin/hartimin e kodeve janë bërë gjithnjë me pjesëmarrjen e maxhorancës e të opozitës përmes “komisioneve konsensuale” pra pa keqpërdorur sasinë e votave të zotëruara në parlament nga një ose disa forca politike të maxhorancës.

Me ardhjen në krye të qeverisë në vitin 2013, Rama, për të kryer të gjitha reformat e nevojshme, më konkretisht reformën territoriale, reformat elektorale, reformën e drejtësisë e të tjera si dhe ndryshimet kushtetuese është angazhuar personalisht për “blerjen e një numri të nevojshëm deputetësh”, duke shmangur kështu marrëveshjet maxhorancë-opozitë për reformat më të rëndësishme… Kjo gjë është mundësuar edhe nga qëndrimi minimalisht indiferent i ndërkombëtarëve (diametralisht i ndryshëm nga qëndrimi i tyre në periudhën 1991-2013) dhe dobësitë eventuale të segmenteve të ndryshme të opozitës… Por pavarësisht këtyre “arsyeve” të fundit, përgjegjësia kryesore bie mbi Ramën që i vendosur për të siguruar pushtet absolut dhe zaptuar të gjithë insititucionet ka përdorur pushtetin, paratë e pista të korrupsionit dhe fondet e pasuritë publike për të arritur qëllimet e tij makiavelike…

Pa u futur në analizën e zgjedhjeve të vitit 2013 që tashmë dihet dhe të qëndrimeve diametralisht të kundërta të faktorëve të ndryshëm në kuvend, është e qartë se Rama s’i zotëron as 3/5 e deputetëve për të ndryshuar kodet e rëndësishme që lidhen me reformën territoriale, zgjedhore e të drejtësisë dhe as të 2/3 për të ndryshuar Kushtetutën. Për cështjen e Kushtetutës, në realitet do të duhej një studim i thelluar politiko-juridik për të vlerësuar e vendosur lidhur ndryshimin e Kushtetutës apo hartimin e një Kushtetute tërësisht të re dhe aq më pak me amendimin/ arnimin e saj të pjesshëm. Natyrisht të gjitha këto do të kryheshin pasi a) të analizoheshin arsyet e të gjitha krizave dhe dobësive të deritanishme (ky do të ishte një proces tërësisht teknin në bashkëpunim të ngushtë me Komisionin e Venecias, me angazhimin e ekspertëve më të mirë vëndas; një proces gjithëpërfshirës e transparent, dhe në konsultë me publikun e median) dhe b) më tej do të kryhej konceptimi i dokumentave/paketave ligjore të këtyre ndryshimeve/reformave dhe c) në fund do të mund të bëhej me konsnesus të gjëra miratimi i tyre në Kuvend.

Nëse realisht do të kishte vullnet politik nga të gjthë palët për të vendosur vëndin në shinat e normalitetit, kjo do të thoshte që të gjithë faktorët e rëndësishëm në kuvend të konceptonin dhe pranonin një Marrëveshje “ligjore” për a) reformën territoriale, b) reformën zgjedhore, c) reformën e drejtësisë (në konsultë me Komisionin e Venecias të ndryshonin vetëm dispozitat e miratuara më parë në mënyrë të njëanshme nga Rama së bashku me disa deputetë të “blerë”) dhe d) konceptimin e hartimin eventual të një Kushtetute të re.

Natyrisht kjo Marrëveshje “ligjore” do të duhej të plotësohej me disa “”mirëkuptime” për “komponentet politike” të Marrëveshjes së Madhe, më konkretisht (kjo listë është e hapur) me a) vendosjen e një date për zgjedhjet e parakohshme vendore, b) pak më vonë edhe të zgjedhjeve të parakohshme të përgjithshme, por edhe c) me emërimin gjithpërfshirës e transparent të drejtuesve të disa disa institucioneve kushtetuese dhe të rëndësishme që janë në prag ose ju ka kaluar afati i rinovimit. Natyrisht kësaj marrëveshje do të duhej të shqërohej me një platformë e plan masash si dhe një kalendar veprimesh për tranzicionin drejt normalitetit për të implementuar në përmbajtje e në kohën më të përshtatshme reformat miratuara dhe Kushtetutën e re.


blank
blank
blank
blank
blank
blank
blank
blank
blank
blank
blank
blank
Send this to a friend