Vrasja e Liridona Ademajt ka shkaktuar një debate në opinion publik në Shqipëri dhe Kosovë. Mënyra sesi është vrarë 30-vjeçarja, ku burri i saj është porositësi i këtij krimi të rëndë ngre shumë pikëpytje.

Eksperti i Sigurisë, Fatjon Softa tha për Panorama TV, se Liridona ka ditur diçka shumë të rëndë për burrin e saj, Naim Murselin.

Po ashtu, Softa përjashton mundësinë e elementëve të psikopatisë, pasi sipas tij nëse përmendim këtë fakt e lehtësojmë atë nga akuza.

“Fakti që ajo mund të ketë ditur diçka shumë të rëndë në jetën e tij, ka zbuluar diçka të rendë që me shumë mundësi ai ka dashur ta eliminojë si person që di diçka rreth tij.

Ka disa aludime! Mund të jenë arsyer nëse do jetë një person i tretë që mund të jetë më e mundshme, sepse një divorc që mund të ndodhte mund të shkaktonte atë që themi përvetësimi i pasurisë imazhi që mund të krijonte etj.

Por fakti që ai ka paguar para për të bërë këtë ekzekutim…edhe elemente psikopatia nuk mendoj, ne e lehtësojmë po ta themi atë”, tha Softa.