Misionari dhe udhëheqësi i Misonit Katolik në Kanada Don Pren Prend Kola së bashku me Nënën e tij, 87 vjeçare Zonjën Marija Kola-Demaj përuruan më 20 prill në Prizren Bibliotekën kushtuar Nënë Terezës.

Këtë lajm të bukur shoqëruar me një video Don Preni e jep përmes rrjetit social si më poshtë:

“Sot, më 20 prill 2023, në Prizren, Kosovë, hapa dhe përurova, bashkë me nanën teme 87-vjeçe, Marija Kola-Demaj, bibliotekën kushtue Nanë Terezës, e cila përmban 352 libra në 46 gjuhë dhe njikohësisht edhe bibliotekën jetësore, ku janë rreshtue 3586 libra, që nga shkollimi jem fillor e deri te ai postuniversitar. Librat e rendituna kanë përmbajtje edukative, letrare e gjuhësore, teologjike e filozofike, si dhe nga shkencat e ndryshme dhe janë në shqip, serbokroatisht, latinisht, italisht, gjermanisht, frengjisht dhe së fundi dhe në anglisht. Biblioteka ka edhe një ekspozitë të përhershme me 234 piktura për Nanë Terezën nga autorë shqiptarë dhe botërorë!

Ju falenderoj për vëmdjen që mund ta kushtoni!
Don Prendi”