Shtetet e Bashkuara të Amerikës kanë përqendruar vëmendjen e tyre në Ballkanin Perëndimor dhe veçanërisht në Shqipëri, ku vërehet një nivel i lartë korrupsioni dhe shtrembërim i konkurrencës, deri tek ndërhyrja e krimit dhe implikimi i politikanëve apo zyrtarëve të caktuar.

Paralajmërohet edhe një valë e dytë sanksionesh “Non grata” dhe një hetim 90 ditor në sektorët me rëndësi strategjike dhe të përfolur apo hetuar së fundmi për abuzime nga SPAK, si: AKSHI, KESH, OST etj.

Akti për Demokracinë dhe Prosperitetin në Ballkanin Perëndimor, i Kongresit të SHBA-ve, vë në dukje problematikat në vendin tonë dhe jep rrugët e zgjidhjes së tyre, për pastrimin dhe goditjen e dukurive kriminale përpara zgjedhjeve të vitit 2027 në Shqipëri (lokaleve).

“Duke emërtuar përkrahësit ekonomikë, figurat e biznesit dhe “ndërmjetësit” që lehtësojnë korrupsionin, SHBA po ofron në mënyrë efektive një udhërrëfyes për SPAK-un që të kalojë nga ngrirja e aseteve drejt arrestimeve në nivele të larta, me synimin për të “pastruar” tregun nga konkurrenca e shtrembëruar përpara zgjedhjeve të vitit 2027”, theksohet mes të tjerash në raport.

Aty parashikohet edhe një udhërrëfyes për SPAK që të kalojë nga ngrirja e asteteve drejt arrestimeve të niveleve të larta, që të pastrohet edhe tregu nga konkurrenca e shtrembëruar.

Në fokus do të jenë edhe kontratat e AKSHI-t, energjia, pastrimi i parave, krimi i organizuar, mbikëqyrja e KESH, OST, projektet luksoze bregdetare dhe kullat, PPP-të, monitorimi i bankave dhe rishikimi i projekteve me status strategjik.

Pjesë nga raporti i Kongresit Amerikan:

“Afati 90-ditor (që përfundon në mars 2026) pas miratimit të Aktit për Demokracinë dhe Prosperitetin në Ballkanin Perëndimor shënon një zhvendosje nga goditja e politikanëve individualë drejt çmontimit të rrjeteve financiare që i mbështesin ata. Në Shqipëri, rezultati më i mundshëm është një “valë e dytë” sanksionesh që lidh statusin Non Grata politik me ndjekjen penale. Duke emërtuar përkrahësit ekonomikë, figurat e biznesit dhe “ndërmjetësit” që lehtësojnë korrupsionin, SHBA po ofron në mënyrë efektive një udhërrëfyes për SPAK-un që të kalojë nga ngrirja e aseteve drejt arrestimeve në nivele të larta, me synimin për të “pastruar” tregun nga konkurrenca e shtrembëruar përpara zgjedhjeve të vitit 2027.

Sektorët kryesorë nën vëzhgim:

–Rishikimi 90-ditor i Departamentit të Shtetit synon sektorët ku fluksi i “parave gri” është më i lartë:

-Teknologjia dhe infrastruktura digjitale: Fokus te kontraktorët e AKSHI-t dhe “taksa e korrupsionit” në shërbimet shtetërore digjitale.

-Pasuritë e paluajtshme dhe ndërtimi: Shqyrtim i projekteve luksoze bregdetare dhe kullave të larta në Tiranë.

-Energjia dhe shërbimet publike: Mbikëqyrje e korporatave shtetërore të energjisë (KESH, OST) dhe koncesioneve në energjinë e rinovueshme.

-Partneritetet Publike-Private (PPP): Auditimi i kontratave për menaxhimin e mbetjeve dhe infrastrukturën.

-Bankat dhe financat: Monitorim i bankave vendase për të siguruar shkëputjen e tyre nga “lehtësuesit” e rinj të sanksionuar.

-Turizmi strategjik: Rishikim i projekteve që kanë marrë status “strategjik” përmes favorizimit politik”.