VOAL

VOAL

Dalin pamjet e plagosjes së 30-vjeçarit shqiptar nga policja greke, “Esko” i larë në gjak dergjet në trotuar

September 28, 2022
blank

Komentet

blank

Vuçiç e thotë hapur para liderëve të BE: Jemi shumë pranë Rusisë!

Po zhvillohet sot në Tiranë Samiti i liderëve të BE. 27 liderë europianë bëhen bashkë në kryeqytetin shqiptar.

Pjesë e këtij Samiti është edhe presidenti Aleksandër Vuçiç, u shpreh; ‘mbetemi të përkushtuar për çështjen e dialogut dhe për negociatat me BE’.

 

“Vendosëm të vinim të diskutonim për të gjitha çështjet. Ne mbetemi të përkushtuar për çështjen e dialogut dhe për negociatat me BE. Duhet të mbrojmë interesat tona shtetërore në përputhje me Kushtetutën tonë. A keni dëgjuar ndonjë deklaratë optimiste prej meje. Unë jam realist dhe jam këtu të mësoj nga shumë njerëz , europianët dhe në fund të shpjegoj qëndrimin e Serbisë dhe besoj të marrim lajme të mira. Be kërkon harmonizim më të madh, të lutëm kini durim. Kjo nënkupton që është e rëndësishme të marrim mbështetjen e BE. Këto janë shenja të mira për të gjitha vendet tona. Besoj sot do të dëgjojmë për strategjinë  e BE për të ardhmen. BE ka kërkuar harmonizim të plotë, Serbia është vend i pavarur ne i dimë detyrimet tona. Kemi një situatë ndryshe sa i takon integriteti territorial të serbisë më ’99 dhe do ta Serbia është shumë pranë Rusisë, Serbia është vend i pavarur nëse dikush do të thotë se jemi afër me Rusinë është arsye për të kritikuar dikë kur nuk ke asgjë për të shkruar. Është e lehtë të ekspozosh çdo lloj akuze falsiteti, lajmesh të rreme, por e vërteta del. Serbia është vend i pavarur, është drejt rrugëtimit të BE.”, tha më tej Vuçiçi.bw

blank

Gjukanoviç: Përpjekja e qeverisë për t’u futur në “Ballkanin e Hapur” është një tradhti e lartë

Presidenti i Malit të Zi, Milo Gjukanoviç, në një intervistë për televizionin RTCG thotë se vendi është në krizë të thellë institucionale, politike dhe ekonomike.

Sipas tij, e vetmja rrugëdalje nga kjo situatë janë zgjedhjet e parakohshme.

Sipas tij, Open Balkan u iniciua nga njerëz që humbën besimin në realitetin e perspektivës evropiane për vendet e tyre.

“Besoj se qeveria ka humbur besimin në popull për shkak të përpjekjes së saj për ta futur Malin e Zi në “Ballkanin e Hapur”, që do të ishte absolutisht e barabartë me një tradhti të lartë”, thekson presidenti Gjukanoviç./dita

blank

Daçiçi: Beogradi nuk do ta lejojë anëtarësimin e Prishtinës në Këshillin e Evropës, pa luftë!

Ministri i Punëve të Jashtme të Serbisë, Iviça Daçiç ka thënë se Beogradi nuk do ta lejojë anëtarësimin e Prishtinës në Këshillin e Europës, pa luftë.

Një qëndrim ky i ashpër nga ana e ministrit serb, duke shtuar se çështja e anëtarësimit të Prishtinës shkatërron të gjitha parimet.

“Unë paralajmërova për kompleksitetin e çështjes së anëtarësimit të Prishtinës në Këshillin e Evropës dhe përmenda se anëtarësimi nuk do të kalojë pa luftë. Çështja e anëtarësimit të Prishtinës shkatërron të gjitha parimet që ne i përmbahemi kur bëhet fjalë për integritetin territorial të Ukrainës”, tha Daçiç.

Po ashtu ai vuri në pikëpyetje edhe qëllimin e forumeve ndërkombëtare, duke u shprehur se kuptimi i ekzistencës së OSBE-së, po humbet dalëngadalë.bw

blank

Forumi i Integrimit Ballkanik: Ballkani Perëndimor front i rëndësishëm për interesat ruse

VOA/Ali Salaj

Deputeti i Parlamentit Europian , Vladimir Bilçik , tha të premten se procesi i zgjerimit në Ballkanin Perëndimor është jashtëzakonisht i vështirë, sepse, siç tha ai, vendet e rajonit kanë arritur “hapa të vegjël” në atë drejtim dhe se pa një zgjidhje të krizës aktuale në Mal të Zi, është e vështirë të pritet përparimi i tij në procesin e integrimit.

“Mali i Zi mori drejtimin në negociatat e anëtarësimit, por nëse kriza aktuale nuk zgjidhet, është e vështirë të pritet që të ketë përparim për integrim në të ardhmen e afërt ,” tha zoti Bilçik, duke folur në Forumin e Integrimit Ballkanik në Podgoricë.

Zoti Bilçik tha gjithashtu se “Rusia po përpiqet të përdorë Ballkanin Perëndimor si një front të rëndësishëm për interesat e saj, për luftën e saj hibride kundër Europës”.

Ai vuri në dukje se të gjitha vendet anëtare të BE-së duhet të përfshihen më shumë në zhvillimet në rajon dhe se “partnerët nga Ballkani Perëndimor duhet të japin rezultate konkrete”.

Presidenti i Malit të Zi, Milo Gjukanoviq, duke folur në Forumin e Integrimit Ballkanik, të organizuar nga Lëvizja Evropiane në Mal të Zi, tha se “ajo që ndodhi në Mal të Zi në vitin 2016 ishte nën të njëjtin titull politik si agresioni rus kundër Ukrainës”.

“Për vite të tëra, Rusia është përgatitur intensivisht për idenë e revizionizmit historik, për ta bërë Rusinë e sotme po aq të rëndësishme sa Bashkimi Sovjetik. Prandaj u promovua ideja e “botës ruse”, e cila në Ballkan e shihte homologun e tij si ‘botën serbe’…

Ne i rezistuam kësaj dhe u bashkuam me NATO-n, por Rusia ka vazhduar të zhvillojë modelin e saj të shkatërrimit hibrid në Ballkan. Ajo ka zhvilluar dy baza hibride – njëra është, e keni marrë me mend, Serbia, dhe tjetra është Republika Srpska. Ju keni një prani të fortë të mediave ruse, agjencive të tyre të inteligjencës dhe sigurisë, biznesit, keqpërdorimi i Kishës Ortodokse Serbe , për të cilën disa nga partnerët tanë perëndimorë u ankuan në vitin 2020…”, tha zoti Gjukanoviq.

Në panelin presidencial të titulluar “Pozicionimi i Ballkanit Perëndimor në marrëdhëniet globale në dritën e krizës ukrainase”, zoti Gjukanoviq tha se integrimi i rajonit është më se i nevojshëm për sigurinë e përgjithshme.

“Është e rëndësishme që Bosnja dhe Hercegovina të marrë statusin e kandidatit , do të jetë e rëndësishme që Kosova të marrë liberalizimin e vizave, do të jetë e rëndësishme që Shqipëria dhe Maqedonia e Veriut të marrin dritën jeshile për fillimin e negociatave me BE-në,” tha zoti Gjukanoviq.

Anëtari i presidencës së Bosnjës dhe Hercegovinës, Zhelko Komshiq tha se ata presin që Bosnja dhe Hercegovina të marrë statusin e kandidatit në negociatat me Bashkimin Europian në dhjetor.

Vendimi që do të merret do të jetë gjeopolitik, sepse ka lidhje të thella me atë që po ndodh në Evropën Lindore”, tha zoti Komshiq.

Ai vlerësoi se rruga euroatlantike sjell paqe, siguri dhe prosperitet në Bosnjë-Hercegovinë. “Është një rrugë ekzistenciale për Bosnjë-Hercegovinën”, nënvizoi ai.

Ndërkaq, në takimin e dytë të përfaqësueseve të partive parlamentare për zgjidhjen e krizës politike në Mal të Zi, që u mbajt të premten në Podgoricë, nuk u arrit marrëveshje mes mazhorancës dhe opozitës për asnjë çështje.

Kryetarja e parlamentit, Danijela Gjuroviq, shprehu gatishmërinë e saj për të organizuar sërish takimin:

Por nëse do të jetë që të gjithë të flasin për problemet dhe ata të qëndrojnë të gozhduar në pozitat e tyre, atëherë nuk e shoh qëllimin e këtyre takimeve”, tha zonja Gjuroviq.

Mali i Zi ndodhet në krizën aktuale politike që nga gushti, kur për qeverinë e Dritan Abazoviqit u votua për një mocion mosbesimi.

Shumica parlamentare, e cila ka 41 deputetë, e udhëhequr nga Fronti Demokratik pro-Rus, me Demokratët dhe lëvizjen URA, kërkon zgjedhjen e një qeverie të re, në krye të së cilës do të ishte kandidati i tyre Miodrag Lekiq.

Nga ana tjetër, blloku i opozitës dhe partive minoritare të udhëhequr nga Partia Demokratike e Socialistëve e Presidentit Milo Gjukanoviq mendon se Kuvendi duhet të shpërndahet dhe të organizohen zgjedhje të reja.

Krahas dallimeve për daljen nga kriza aktuale, marrëdhëniet mes qeverisë dhe opozitës i ndërlikoi edhe Ligji për Presidentin i miratuar më 1 nëntor, të cilin Presidenti Gjukanoviq e ktheu për rishqyrtim.

Në të njëjtën kohë, ai kërkoi nga Komisioni i Venecias një mendim urgjent për atë ligj.

Ndërkohë në Mal të Zi vazhdojnë protestat e mijëra qytetarëve, nga të gjitha qytetet e vendit, të cilët kërkojnë tërheqjen e ndryshimeve të Ligjit për Presidentin, miratimin e marrëveshjes për zgjedhjen e gjyqtarëve të Gjykatës Kushtetuese dhe mbajtjen e zgjedhjeve të parakohshme parlamentare në Mal të Zi.

blank

VIDEO- Beograd: Do të vrisnin ndër të tjerë edhe presidentin serb dhe fëmijët e tij, arrestohen 18 persona. Sekuestrohet arsenal armësh

Një operacion është finalizuar në orët e parët të mëngjesit të djeshëm në Beograd ku janë arrestuar 18 persona me urdhër të Prokurorisë. Sipas informacioneve ata kanë “shënjestruar” edhe kreun e shtetit serb, pra presidentin Aleksandar Vuçiç, si dhe fëmijët e tij.

Sipas mediave, bëhet fjalë për anëtarët e një grupi të strukturuar kriminal të quajtur “Vraçarci”. Në pranga kanë rënë shtetasit LC, IB, DM, NB, VM, NM, S. M, AM, NK, NT, MT, JB, Gj. K, N. J, AN, NV, UP dhe DN.

Siç ka shkruar “Novosti”, në një operacion të gjerë të pjesëtarëve të MPB-së së Serbisë dhe Agjencisë për Siguri dhe Informacion (BIA), të cilin e koordinoi Prokuroria për Krim të Organizuar (TOK), 18 anëtarë të mafias “Vraçarci” u arrestuan.

Ata dyshohet se kishin planifikuar një sërë vrasjesh, mes tyre edhe zyrtarë të lartë shtetërorë. Gjatë kontrollit të më shumë se 50 lokacioneve, si dhe makinave të përdorura nga të dyshuarit, policët sekuestruan një sasi të madhe armësh zjarri, para, disa automjete luksoze të pasagjerëve dhe telefona të koduar.

Autoritetet shtojnë se në periudhën paraprake disa anëtarë të këtij grupi të organizuar kriminal janë arrestuar jashtë vendit.

Sipas informacioneve të dhëna nga Blic, ata janë arrestuar për vrasje, tentativë për vrasje, rrëmbim dhe kanë punuar si pjesë e një grupi të klanit Kavac. Disa janë ende në kërkim.

Ata akuzohen për tre vrasje dhe pesë vrasje të mbetura në tentativë. Siç mësojmë, grupi i Vraçarcit udhëhiqet nga Nikolla Vušović, i njohur më mirë si Johnny nga Vraçari, Uroš Piperski dhe Mario Gjorgjević.bw

blank

Marrëveshjet për letërnjoftime, diploma dhe vende pune, në pritje pas nënshkrimit

Udhëheqësit e gjashtë vendeve të Ballkanit Perëndimor gjatë nënshkrimit të marrëveshjes në Berlin.

Iva Martinoviq, Sërgjan Jankoviq, Lejla Sariq

Nuk ka gjasa që marrëveshjet e nënshkruara në Berlin nga liderët e vendeve të Ballkanit Perëndimor, të cilat do të lehtësonin udhëtimin, studimin dhe punën për qytetarët, të vihen në jetë së shpejti.

Marrëveshjet për njohjen reciproke të letërnjoftimeve, diplomave universitare dhe kualifikimeve profesionale, u nënshkruan nga krerët e gjashtë vendeve të Ballkanit Perëndimor, më 3 nëntor, në samitin në kuadër të Procesit të Berlinit. Serbia, Mali i Zi, Maqedonia e Veriut, Bosnje dhe Hercegovina, Shqipëria dhe Kosova u pajtuan paraprakisht për marrëveshjet, në tetor, pas disa javësh negociatash të udhëhequra nga Gjermania.

Që të fillojë zbatimi i asaj që u nënshkrua, është e domosdoshme që dokumentet të ratifikohen nga parlamentet e secilit prej vendeve, brenda 18 muajve, gjë që nga ana tjetër është shumë e pasigurt për shkak të procedurave, problemeve të brendshme dhe bllokimeve politike, si dhe marrëdhënieve ndërmjet disa prej këtyre vendeve. Nga ana tjetër, disa prej shteteve tashmë kanë marrëveshje të ngjashme me të tjerat dhe në praktikë dokumentet e Berlinit nuk do të sjellin shumë ndryshime.

Marrëveshja e parë në Berlin parashikon që për udhëtime ndërmjet vendeve të rajonit, në të ardhmen, do të nevojiten letërnjoftimet. Kjo është më e rëndësishmja për qytetarët e Kosovës dhe Bosnje e Hercegovinës, të cilët ende kanë nevojë për viza për të udhëtuar në këto dy shtete. Këtë mundësi tashmë e kanë qytetarët e shteteve të tjera për shkak të marrëveshjeve të mëhershme.

Marrëveshja do të duhet gjithashtu të përmirësojë lirinë e lëvizjes ndërmjet Serbisë dhe Kosovës. Ajo u nënshkrua nga kryeministrja e Serbisë, Ana Bërnabiq, dhe kryeministri i Kosovës, Albin Kurti, ndërkaq, gjatë samitit, flamuri i Kosovës është ekspozuar në mesin e flamujve të pesë vendeve të tjera të Ballkanit Perëndimor.

Beogradi thotë se tashmë ekziston ‘Ballkani i Hapur’

Që marrëveshjet e nënshkruara në Berlin nga kryeministrja e Serbisë, Ana Bërnabiq, të procedohen para deputetëve, ato duhet të shqyrtohen edhe nga Komisioni për Punë të Jashtme i Kuvendit të Serbisë, ka konfirmuar për Radion Evropa e Lirë (REL) Elvira Kovaç, anëtare e atij komisioni.

Marrëveshjet nga Berlini, megjithatë, ende nuk kanë arritur në Kuvendin e Serbisë. Qeveria e Serbisë nuk iu përgjigj pyetjeve të REL-it se kur do të dërgohen dokumentet në Kuvend dhe as për atë se kur presin që marrëveshja të zbatohet.

Bozhoviq: Hezitimi i Serbisë nuk do të ishte befasues

Balsha Bozhoviq nga Akademia joqeveritare për Zhvillimin e Demokracisë, thotë për Radion Evropa e Lirë se “nuk do të habitej nëse Serbia do të nisë të hezitojë”.

Balsha Bozhoviq

Balsha Bozhoviq

“Ata që i kanë nënshkruar marrëveshjet me mirëbesim, do t’i ratifikojnë ato me procedurë të shpejtë. Ata që nuk dëshirojnë ta bëjnë këtë dhe që duan të krijojnë kriza të reja në Ballkanin Perëndimor – mendoj se regjimi në Serbi njihet si njëri nga ata që po thellojnë krizën -do të përpiqen që edhe me këtë të shantazhojnë partnerët ndërkombëtarë”, thotë Bozhoviq.

Ai vlerëson se procesi i Berlinit tregoi supremacinë në raport me “Ballkanin e Hapur”. Ai konsideron se Aleksandar Vuçiq, si president i Serbisë është shumë i pakënaqur që “Ballkani i Hapur” nuk është përmendur në asnjë fjali në Samitin e Berlinit dhe se kjo është një nga arsyet kryesore pse Vuçiq nuk ishte në Berlin.

“Ai ia la Ana Bërnabiqit të nënshkruajë marrëveshjet që Serbia do të duhet t’i miratojë shumë shpejt, nëse dëshiron të vazhdojë rrugën e saj drejt BE-së.

Kancelari gjerman (Olaf Scholz) deklaroi se vendi tij qëndron pas Ballkanit Perëndimor.

Ky është një impuls shumë domethënës dhe mendoj se në njëfarë mënyre ia prishi planet regjimit në Beograd, i cili mbase konsideron se më nuk do të jetë ai që do ta ketë fjalën kryesore në rajon”, thotë Bozhoviq.

Më 3 nëntor, pas nënshkrimit të marrëveshjeve, kryeministrja e Serbisë, Ana Bërnabiq, tha se ato janë të rëndësishme mbi të gjitha për të rinjtë në rajon, por edhe se “nuk di se për çfarë të duartrokasë”.

“Çfarë po nënshkruajmë këtu dhe kush do t’i zbatojë? Si mendoni se do të sillet [kryeministri i Kosovës, Albin] Kurti ndaj atyre marrëveshjeve? Ashtu siç dëshiron. Asnjë marrëveshje nuk e ka zbatuar deri më tash dhe askush nuk i ka thënë asgjë”, tha Bërnabiq.

Megjithatë, ajo nuk u deklarua lidhur me atë se a do t’i zbatojë Beogradi marrëveshjet që ka nënshkruar, por tha se “është veçanërisht e rëndësishme që këto marrëveshje të mos devijojnë nga ajo për të cilën jemi marrë vesh ose po merremi vesh në kuadër të dialogut midis Beogradit dhe Prishtinës”.

Kosova dhe Serbia, në fund të gushtit, në kuadër të dialogut për normalizimin e marrëdhënieve, arritën një marrëveshje për heqjen e dokumenteve për hyrje/dalje, të cilat deri atëherë kishin zëvendësuar letërnjoftimin.

Premtimi i Kosovës për ‘fillimin e procedurave’

Qeveria e Kosovës, e pyetur nga REL-i lidhur me ratifikimin e marrëveshjes së Berlinit, ka dhënë përgjigje të shkurtër se shteti “do të fillojë procedurat e nevojshme në kohën më të shkurtër të mundshme, bazuar në Ligjin për marrëveshjet ndërkombëtare”.

Qytetarët e Kosovës udhëtojnë me letërnjoftim kudo në rajon, duke përjashtuar Bosnje e Hercegovinën, me të cilën ka regjim të vizave. Me letërnjoftim ata mund të udhëtojnë në Serbi, Mal të Zi, Maqedoni të Veriut dhe Shqipëri.

Përveç Serbisë, Bosnje dhe Hercegovina është gjithashtu i vetmi vend në rajon që nuk e njeh pavarësinë e Kosovës, por e njeh pasaportën e saj si dokument të vlefshëm.

*Video: Lidhjet familjare pa viza

Deri më tani, për të hyrë në Bosnje dhe Hercegovinë, qytetarët e Kosovës e kanë pasur të domosdoshme të kenë vizë. Ndërkaq, që nga viti 2014 e njëjta gjë vlen edhe për qytetarët e Bosnje e Hercegovinës që duan të udhëtojnë për në Kosovë, sepse asokohe u vendos masa reciproke për regjimin e vizave.

Deri më tani, madje edhe ata që jetojnë në Kosovë dhe kanë familje në Bosnje e Hercegovinë dhe anasjelltas, përballeshin me probleme për marrjen e vizës.

Labirinti boshnjak deri në miratim

Për ministren e Punëve të Jashtme të Bosnje e Hercegovinës, Bisera Turkoviq, nënshkrimi i marrëveshjes është një hap drejt normalizimit të marrëdhënieve ndërmjet Serbisë dhe Kosovës dhe hapjes së dyerve për forcimin e bashkëpunimit ndërmjet Bosnje e Hercegovinës dhe Kosovës.

Ajo tha për REL-in se procesi i Berlinit është konfirmim për atë se është e mundur të zgjidhen edhe çështjet më të vështira politike. Ajo është e bindur se marrëveshjet nga Berlini “do të kalojnë të gjitha procedurat e nevojshme në kohën e duhur dhe do të hyjnë në fuqi, në interes të të gjithë qytetarëve të Bosnje e Hercegovinës dhe të gjithë rajonit”.

Nga kabineti i kryetarit të Këshillit të Ministrave të Bosnje e Hercegovinës, Zoran Tegeltija, i cili ka nënshkruar marrëveshjet, kanë thënë shkurt për REL-in se ato do të dërgohen për t’i futur në procedurë të miratimit dhe ratifikimit të marrëveshjeve ndërkombëtare. Ata nuk specifikuan se kur do të ndodhë kjo.

Procedura në Bosnje e Hercegovinë, për kontrata të tilla, parashikon që marrëveshja origjinale i shkon fillimisht Ministrisë që drejton Bisera Turkoviq, pastaj Këshillit të Ministrave të Bosnje e Hercegovinës dhe më pas Presidencës së Bosnje e Hercegovinës, e cila është përgjegjëse për politikën e jashtme dhe ratifikim. Gjithashtu, paraprakisht, Parlamenti duhet të japë miratimin për ratifikim.

Megjithatë, është pak e besueshme që tre anëtarët e Presidencës së Bosnje e Hercegovinës të pajtohen për ratifikim, duke pasur parasysh se pas zgjedhjeve të tetorit në Bosnjë e Hercegovinë, në përbërjen e re të kësaj presidence është Zhelka Cvijanoviq.

Si bashkëpunëtore e afërt, ajo vazhdon politikën e Millorad Dodikut, i cili në atë pozitë në përbërjen e kaluar, ishte vazhdimisht kundër njohjes së Kosovës, ashtu sikurse edhe të gjitha partitë serbe në institucionet shtetërore në entitetin Republika Sërpska. Formimi i pushtetit, pas zgjedhjeve, ende nuk është bërë.

Për Malin e Zi, vetëm konfirmim i përfitimeve ekzistuese

Nënshkrimi i marrëveshjes është një përparim i madh, veçanërisht për shtetet e rajonit, si Bosnje e Hercegovina dhe Kosova, “të cilat nuk e njohin njëra-tjetrën dhe qytetarët e të cilave udhëtojnë me pasaporta me regjim vizash”, konsideron Gjorgje Raduloviq, këshilltar për politikë të jashtme i kryeministrit të Malit të Zi.

Sa i përket Malit të Zi, ai tashmë ka nënshkruar marrëveshje dypalëshe me të gjitha shtetet për udhëtime me letërnjoftime, thotë Raduloviq, i cili është edhe koordinator nacional për Procesin e Berlinit. Ai vlerëson se marrëveshjet e nënshkruara vetëm sa e konfirmojnë edhe më tej mobilitetin e lëvizjes për qytetarët malazezë.

Përveç udhëtimit vetëm me letërnjoftime brenda rajonit, vendet e Ballkanit Perëndimor kanë nënshkruar edhe marrëveshje për njohjen e diplomave të arsimit të lartë dhe për njohjen e kualifikimeve profesionale të doktorëve të mjekësisë, doktorëve të stomatologjisë dhe arkitektëve.

Kryeministrja e Serbisë tha se marrëveshje të tilla “nuk janë diçka tepër e re” për Beogradin, sepse një gjë e tillë tashmë është bërë “në shkallë më të gjerë, si pjesë e nismës së Ballkanit të Hapur” me Shqipërinë dhe Maqedoninë e Veriut, që ka nisur në vitin 2019. Kësaj nisme nuk i janë bashkuar Kosova, Bosnje e Heregovina dhe Mali i Zi.

Këshilltari i kryeministrit malazez, Gjorgje Raduloviq, thotë se është veçanërisht e rëndësishme që me marrëveshjet nga Berlini të njihen marrëveshjet e mëparshme bilaterale dhe marrëveshjet ndërmjet vendeve. Po ashtu, nëse ato marrëveshje janë më të favorshme për qytetarët sesa ato të Berlinit, zbatimi i tyre nuk vihet në dyshim, konsideron Raduloviq.

Kur bëhet fjalë për marrëveshjet për njohjen e diplomave dhe kualifikimeve profesionale, Ministria e Arsimit e Malit të Zi thotë se vendet nënshkruese, në 18 muajt e ardhshëm, do të vendosin rregulla dhe procedura të përbashkëta për njohjen e tyre.

Kryetarja e Kuvendit, Danijela Gjuroviq, në një bisedë me përfaqësuesen e Ministrisë së Punëve të Jashtme të Republikës Federale të Gjermanisë, Susanne Schutz, ka premtuar se të gjitha marrëveshjet do të ratifikohen në parlament, sa më shpejt që të jetë e mundur.

Maqedonasit e shohin të gjithën si trampolinë për tregun e BE-së
Qeveria e Maqedonisë së Veriut thotë se, në fakt, synimi është që përmes marrëveshjeve dypalëshe të modelit të Berlinit, të tejkalohet problemi i Kosovës dhe Bosnje e Hercegovinës, të cilat janë të vetmet vende që nuk kanë regjim udhëtimi me letërnjoftime.

Ka vite që qytetarët e Maqedonisë së Veriut mund të udhëtojnë në cilindo nga vendet e Ballkanit Perëndimor vetëm me letërnjoftim, pa pasaportë. Tash e dhjetë vjet, qytetarët mund të udhëtojnë me letërnjoftim në Serbi, Shqipëri dhe Mal të Zi, tash e gjashtë vjet në Kosovën, ndërkaq mundësinë për të udhëtuar në Bosnje e Hercegovinë, qytetarët e kanë që nga viti 2018.

Qeveria e Maqedonisë së Veriut, megjithatë, këto tri marrëveshje i konsideron të rëndësishme dhe si “trampolinë drejt tregut të përbashkët të Bashkimit Evropian”.

Marrëveshja e arritur më 3 nëntor, parashikon që mjekët, stomatologët dhe arkitektët nuk do të kenë barriera administrative, pra nuk do të kenë nevojë për certifikim diplome dhe paraqitje të kërkesave në institucione të panumërta.
“Kjo marrëveshje ofron përfitime të shumëfishta, sepse jo vetëm që do të zbatohen kritere të përpikta të BE-së në lëvizshmërinë e tregut të përbashkët, por edhe vendet kanë detyrim që për këto tri profesione t’i harmonizojnë kurrikulat dhe programet me kërkesat e BE-së”, u përgjigj Qeveria.

Me marrëveshjen për njohjen e kualifikimeve të arsimit të lartë, qytetarët do të lirohen nga procedurat komplekse për njohjen e kualifikimeve. Kjo do t’ua lehtësojë punësimin në ndonjërën nga vendet e Ballkanit Perëndimor, studimin, shkëmbimin e mësimdhënësve dhe hulumtuesve.

Marrëveshjet do të duhej të ratifikoheshin në Kuvendin e Maqedonisë së Veriut, por puna e Kuvendit është e bllokuar nga partia më e madhe opozitare VMRO-DPMNE dhe për këtë arsye shumë ligje nuk janë miratuar.

Mes tyre janë edhe marrëveshjet nga nisma e Ballkanit të Hapur, të cilat Parlamenti nuk i ka ratifikuar ende.

Si pjesë e kësaj nisme, tashmë janë nënshkruar marrëveshjet për qasje të lirë në tregun e punës, sipas të cilave qytetarët e Serbisë, Shqipërisë dhe Maqedonisë së Veriut do të mund të punojnë në cilindo nga këto shtete, si dhe është paraparë edhe lehtësimi i njohjes së diplomave të arritura në ato vende.

Procesi i Berlinit

Procesi i Berlinit u vendos në vitin 2014 me iniciativën e ish-kancelares gjermane, Angela Merkel, me qëllim të lidhjes dhe integrimit të vendeve të Ballkanit Perëndimor përpara se të anëtarësohen në Bashkimin Evropian.

Procesi i Berlinit shërben si një platformë për bashkëpunimin e nivelit të lartë ndërmjet përfaqësuesve zyrtarë të nivelit të lartë të së ashtuquajturës Gjashtëshja e Ballkanit Perëndimor, e cila përbëhet nga Shqipëria, Bosnje e Hercegovina, Mali i Zi, Kosova, Maqedonia e Veriut dhe Serbia. Procesi përfshin edhe institucionet e BE-së, institucionet financiare ndërkombëtare dhe shoqërinë civile në rajon.

Samiti i nëntorit në Berlin përfaqëson, gjithashtu, ringjalljen e procesit, që kur kancelari Olaf Scholz drejton Qeverinë në Berlin. Sipas njoftimit, samiti i ardhshëm do të organizohet në kryeqytetin shqiptar, Tiranë.

Përgatiti: Bekim Bislimi
blank

“Është e qartë si dita që Kosova është e humbur për Serbinë”, thotë historiani i njohur kroat

Kosova është e humbur për Serbinë për shkak të politikës sistematike antishqiptare gjatë titizmit dhe politikës katastrofike në kohën e Millosheviçit.

Historiani Milan St. Protiç i tha KTV-së së Zrenjaninit se Serbia nuk është e sinqertë me Rusinë e as me Perëndimin dhe se serbët nuk janë sjellë kështu në të kaluarën, por kanë zgjedhur rrugën e tyre “me dinjitet, edhe kur kanë rënë në gjunjë”.

“Ne kemi qenë një popull i nderuar dhe kemi vuajtur për shkak të kësaj”, tha Protiç, duke thënë se Serbia nuk doli dhe tha se “100 për qind e mbështet atë që po bën Rusia” dhe se nuk do të anëtarësohet në Bashkimin Evropian, pasi kërkon para nga perëndimi. “Ne duam verbalisht BE-në, duam investimet e tyre dhe pastaj e shkelmojmë veten dhe themi se po na shantazhojnë, me çfarë po na shantazhojnë, si po na shantazhojnë?

Ai tha gjithashtu se një pjesë të mirë të jetës së tij ia kushtoi studimit të historisë ruse dhe se ajo që po vjen tani nga Moska “nuk ka lidhje me atë ish-Rusi”, por është një përpjekje për të rivendosur Bashkimin Sovjetik, që sot këto janë jo ish-rusët, por sovjetikët, dhe ky nga Moska” ndjek vetëm një politikë të tillë dhe ai është një degë e vërtetë e KGB-së – “i pamëshirshëm, amoral, i paturpshëm”, tha Protiç.

Ai tha gjithashtu se fatet e Serbisë dhe Rusisë përkojnë, e nëse jo përkojnë, atëherë të ngjashme, se Rusia e pas vitit 1917 nuk është e njëjtë si më parë, ashtu siç nuk është edhe Serbia pas vitit 1945.

Duke folur për çështjen e Kosovës, ai tha se për të ishte “e qartë si dita” se Kosova humbi për Serbinë “për shkak të politikës sistematike antishqiptare gjatë titizmit dhe politikës katastrofike në kohën e Millosheviçit”, sepse gjatë RSFJ-së, u ndalua afirmimi i faktorit shqiptar në Kosovë, rrethimi i territorit, kthimi i serbëve në Kosovë pas Luftës së Dytë Botërore, dhe me Kushtetutën e vitit 1974, Kosova, përkatësisht “Kosova Shqiptare”, u bë element konstituues jo vetëm të Serbisë, por të RSFJ-së.

Millosheviçi u përpoq ta ndryshonte atë me forcë, kështu që gjithçka përfundoi me konfliktin e armatosur në Kosovë, bombardimin e Serbisë dhe nënshkrimin e Marrëveshjes së Kumanovës dhe “këtu u godit mundësia reale që Serbia ta mbajë Kosovën brenda territorit të saj shtetëror”. gsh

blank

Marko Gjuriq, Petar Petkoviq e Misha Vaciq: Organizatorët që dikur dogjën Ambasadën e SHBA në Beograd, sot besnikë ndaj Vuçiçit

Marko Gjuriq, Petar Petkoviq dhe Misha Vaciq janë tre personat më lojal që ka presidenti serb Aleksadar Vuçiq.

Pak ditë pas shpalljes së pavarësisë së Kosovës, më 21 shkurt 2008, ishin pikërisht këtë që organizuan një protestë, e cila pastaj eskaloj në djegien e Ambasadës të Shteteve të Bashkuara të Amerikës në Beograd, shkruan The Geopost.

Ndërtesa e Ambasadës ishte e mbyllur para protestës, ndërsa dyert dhe dritaret ishin të mbuluara. SHBA-ja e kishte dënuar ashpër djegien e godinës duke i bërë notë të ashpër proteste autoriteteve në Serbi.

Gjuriq, i cili aktualisht është ambasador në Washington, në këtë periudhë isht njëri nga organizatorët kryesorë të protestës.

Ish-drejtuesi i të ashtuquajturës Zyra Serbe për Kosovën, vazhdimisht ka qenë lojaj ndaj Vuçiqit, gjë që është shpërblyer me disa poste paraprake.

Petar Petkoviq, që aktualisht drejton këtë Zyre, po ashtu ishte njëri nga organizatorët e kësaj proteste.

Petkoviq në këtë periudhë ka qenë këshilltar në kabinetin e ish-kryeministrit serb Vojislav Koshtunica, për t’u zgjedhur deputet në vitin 2012.

Misha Vaciq, i cili më parë ka qenë udhëheqës i lëvizjes së krahut të djathtë “Nashi 1389”, ndërkaq që në vitin 2018 ai e themeloi lëvizjen “E Djathta Serbe”.

Vaciq para se të kaloj në aktivitet politikë, kishte ushtruar detyrën e këshilltarit të Gjuriqit, për t’u shkarkuar më 2017 pas skandalit të “trenit rus” që kishte qenë një provokim nga Serbia dhe Rusia për Kosovën.

Ky politikan ekstrem serb në një dokumentar të përgatitur nga media që drejtohet nga Kremlini, Russia Today (RT) pati thënë se “Serbia duhet të filloj një luftë për ta kthyer Kosovën ashtu sikurse Rusia pati bërë me Krimenë”.Express

blank

Refuzuan urdhrat e qeverisë së Kosovës për targat, Vuçiçi nderon policët e Mitrovicës me medaljen e artë për trimëri

Presidenti i Serbisë, Aleksandar Vuçiç, nderoi të mërkurën me medalje ish-drejtorin e Drejtorisë Rajonale të Policisë së Mitrovicës së Veriut, Nenad Gjuriç, dhe shefin e Operacioneve Rajonale të kësaj drejtorie, Aleksandar Filipovië.

Gjuriç dhe Filipoviç u nderuan me medaljen e artë për trimëri “Millosh Obiliç”, pasi refuzuan të zbatojnë vendimin e Qeverisë së Kosovës për riregjistrimin e makinave me targa të paligjshme serbe.

Duke ua dorëzuar medaljet në Presidencën e Serbisë, Vuçiç falënderoi Gjuriçin dhe Filipoviçin që, siç tha, “dëgjuan shtetin e tyre”.

“Keni bërë atë që jua donte zemra dhe keni vepruar me nder kur ju kanë penguar të kryeni detyrën, sepse as atëherë nuk keni dashur t’i shkelni ligjet”, tha Vuçiç.

Ai bëri të ditur se në dy ditët e ardhshme do të vizitojë Parisin, ku tha se do të takojë presidentin francez, Emmanuel Macron, dhe zyrtarë të tjerë evropianë, me të cilët do të bisedojë për, siç tha, situatën në Kosovë.

Vuçiq tha se autoritetet në Kosovë, duke zbatuar vendimin për riregjistrimin e makinave, kanë dashur të shkaktojnë incidente dhe të “poshtërojnë popullin serb”.
Ai nuk solli ndonjë provë që do t’i mbështeste këto pretendime.

Më 3 nëntor, autoritetet e Kosovës suspenduan Gjuriçin nga posti i drejtorit të policisë për rajonin e Mitrovicës së Veriut, pasi ai refuzoi të zbatojë vendimin e Qeverisë së Kosovës për riregjistrimin e makinave me targa të paligjshme.

Pas kësaj, edhe zyrtarë të tjerë serbë dhanë dorëheqje nga institucionet e Kosovës.
I pyetur nga gazetarët se cila është e ardhmja e personave të larguar nga institucionet e Kosovës, Vuçiç tha se ata do të punësohen në organet shtetërore të Serbisë.

“Askush nga ata 3.500 njerëz nuk do të mbetet në rrugë. Ne do të kujdesemi për të gjithë ata”, tha Vuçiç.

Që nga paslufta, më 1999, në katër komunat në veri të Kosovës të banuara me shumicë serbe – Zveçan, Zubin Potok, Mitrovicë e Veriut dhe Leposaviq – qarkullojnë makina me targa të lëshuara nga autoritetet serbe, të cilat janë ilegale me ligjet në Kosovë.

Qeveria e Kosovës, me në krye Albin Kurtin, po përpiqet të bëjë riregjistrimin e tyre me targa RKS, apo Republika e Kosovës.

Por, shumica e pjesëtarëve të komunitetit serb në veri refuzojnë ta bëjnë këtë. Ata kanë edhe mbështetjen e Beogradit zyrtar, i cili këmbëngul në targa neutrale ndaj statusit të Kosovës.

Bashkimi Evropian dhe SHBA-ja i kërkuan Kurtit shtyrjen e riregjistrimit të makinave, por, në vend të kësaj, Kurti doli me një plan prej tri fazash, i cili filloi të zbatohet më 1 nëntor dhe do të përfundojë në prill të vitit të ardhshëm.

Në fazën e parë, shoferët e makinave me targa të paligjshme qortohen, në të dytën gjobiten me 150 euro dhe në të tretën do t’iu kërkohet të pajisen me targa provuese.
Nga 21 prilli, ndërkaq, në qarkullim do të lejohen vetëm makina me targa RKS. bw

blank

Protestuesit në Mal të Zi kërkojnë mbajtjen e zgjedhjeve të reja

Protesta në Podgoricë më 8 nëntor 2022.

RFE/RL

Para Parlamentit të Malit të Zi në Podgoricë më 8 nëntor u organizua një protestë nga Forumi “Luça” dhe u mbështet nga partitë opozitare, në krye me Partinë Demokratike Socialiste të presidentit Milo Gjukanoviq.

Disa qindra protestues u mblodhën nga qytetet mbarë Malit të Zi – duke bartur flamuj kombëtarë, të Bashkimit Evropian, Shteteve të Bashkuara dhe Ukrainës – dhe brohoritën slogane kundër Qeverisë teknike të Dritan Abazoviqit dhe partive që kanë shumicën në Parlament, në krye me Frontin Demokratik pro-rus.

Kërkesa kryesore e protestuesve ishte mbajtja e zgjedhjeve të parakohshme.

Disa nga mbishkrimet që protestuesit bartën thoshin: “Tradhtia nuk është demokraci”, “Nuk ka relaksim me fashizmin”, “Ne jemi këtu për Malin e Zi dhe për BE-në” si dhe “Nuk do t’ua japim Malin e Zi”.

Disa orë para se të niste protesta, makina me flamuj të Malit të Zi, qarkulluan në rrugët kryesore të Podgoricës, duke krijuar radhë të gjata.

Ndërtesa e Parlamentit, Qeverisë dhe institucioneve të tjera kryesore janë ruajtur nga një numër i madh i zyrtarëve policorë, të cilët u pajisën me mjetet e nevojshme për të shpërndarë protestat, ndërkaq para Qeverisë janë parë edhe makina të blinduara.

Po ashtu mes protestuesve dhe ndërtesave të institucioneve janë vendosur rrethoja metalike.

Policët duke ruajtur ndërtesën e Parlamentit dhe Qeverisë së Malit të Zi.

Policët duke ruajtur ndërtesën e Parlamentit dhe Qeverisë së Malit të Zi.

Përveç partisë së Gjukanoviqit, kjo protestë u mbështetë edhe nga parti të tjera më të vogla, sikurse PartiaSocialdemorkate, Socialdemokratët, Partia Liberale dhe parti të tjera, që ftuan mbështetësit e tyre të dalin para Parlamentit.

Organizatorët e protestës thanë se “askush nuk ka të drejtë të qëndrojë i heshtur ndaj anarkisë kushtetuese, ekonomike dhe sociale në Mal të Zi”.

Protesta është organizuar kundër shumicës parlamentare, e cila për më shumë se dy muaj refuzon që t’ia shkurtojë mandatin Parlamentit dhe t’i hapë rrugë mbajtjes së zgjedhjeve të parakohshme.

Fronti Demokratik, Demokratët dhe Lëvizja URA e Abazoviqit po tentojnë të ndryshojnë ligjin për të formuar një qeveri të re – të tretën që nga mbajtja e zgjedhjeve më 2020.

Po ashtu, protestuesit po kërkojnë që të tërhiqet Ligji për presidentin, përmes së cilit, shumica parlamentare po tenton që t’ia transferojë vetes fuqitë kushtetuese të presidentit Millo Gjukanoviq, sa i përket nominimit të kandidatëve për formimin e Qeverisë. Gjukanoviq e ka kthyer ligjin në Parlament për diskutim të ri, dhe e ka cilësuar të njëjtin si jokushtetues.

Që nga fillimi i vitit, Mali i Zi është përballur me krizë politike pas rrëzimit të Qeverisë së Abazoviqit dhe refuzimit të shumicës parlamentare që të mbahen zgjedhje të reja.

Për më tepër, pothuajse të gjitha institucionet janë me ushtrues detyre, përfshirë Gjykatën Kushtetuese, institucion që nuk ka kuorumin e nevojshëm për të marrë vendime. Pa kuorumin e këtij institucioni nuk mund të shpallen rezultatet përfundimtare në rast të mbajtjes së zgjedhjeve.

Në tentim për të kapërcyer krizën politike, kryetarja e Parlamentit, Danjela Gjuroviq, ka thirrur në takim përfaqësuesit e të gjitha partive politike më 9 nëntor. Ajo tha se do të hapë dialogun për të tentuar që të tejkalohet kriza politike dhe institucionale.

blank

Tadiq: Në fund të nëntorit ose fillim të dhjetorit mund të nënshkruhet marrëveshje Kosovë-Serbi

Ish-presidenti i Serbisë, Boris Tadiq, ka thënë se pret që në fund të këtij muaji apo në fillim të dhjetorit të arrihet një marrëveshje në mes të Kosovës dhe Serbisë.

Tadiq ka thënë se Vuçiq një marrëveshje të tillë do ta shes sikur fitore, megjithatë sipas ish-kreut të shtetit serb një marrëveshje e tillë “do të kërcënonte interesat serbe” në Kosovë, raporton Express.

“Së shpejti do të shohim se çfarë dronësh, çfarë avionë Mig, largimi i serbëve nga institucionet dhe i gjithë ky dramatizim, do ta shohim për çka ishte e tëra. Në fund të këtij muaji ose në fillim të muajit të ardhshëm, pres një marrëveshje që do të paraqitet sikur të ishte fitore, por që në fakt automatikisht do të kërcënojë dramatikisht interesat tona legjitime në Kosovë”, ka shkruar ai në Twitter

blank

‘Gënjeshtër me bisht’: Rama sulmon sërish TCH pas kronikës për Policinë pa karburant, gazetarja i nxjerr shkresën

Kryeministri Edi Rama përdori togfjalëshin “Gënjeshtër me bisht”, pasuar nga një emoji të Pinokut për të kundërshtuar një kronikë të transmetuar mbrëmë nga televizioni “Top Channel”, pë një urdhër të brendshëm që pakëson rreth 60 për qind karburantin pë policinë e shtetit.

Twitter-i i Ramës u pasua me shumë reagime, mes të cilave edhe të gazetares që bëri kronikën, e cila publikoi edhe shkresën zyrtare të nxjerrë nga ndonjë komisariat vendor, ndërsa shumë komentues shkruanin se kjo është e vërtetë

Shkresa zyrtare për naftën e policëve

Sipas kronikës së “Top Channel”, uniformat blu me një urdhër të brendshëm  të drejtorit të përgjithshëm të policisë, këtë nëntor do të patrullojë me 60% më pak karburant. Televizioni nxorri edhe shkresën drejtuar drejtorive vendore ku thuhej se ky reduktim i karburantit vjen për shkak të procedurave të papërfunduara dhe të lëvizjes së çmimit të karburantit në bursa.

Çdo drejtori vendor i është lënë në dorë hartimi i planit të lëvizjes së patrullave pa tejkaluar masën e reduktimit 60%.

Reduktimet e sasisë së karburantit të vënë në dispozicion të drejtorive vendore dhe komisariateve kanë nisur që në prill të këtij viti me masën 50%.

Sasia nga muaji në muaj është ulur dhe nga rreth 2 mijë litra karburant tani komisariatet marrin vetëm 400 litra. Ky reduktim sjell pasoja në funksionimin normal të punës pasi në këto kushte policia e ka të pamundur të bëjë kontroll territori të zonës që mbulon.

Sipas televizionit, me një sasi kaq të ulët karburanti ku një patrulle i bie në ditë të ketë në dispozicion rreth 10 litra karburant e ka të pamundur të shkojë në fshatrat e thella apo në rastin më të keq t’i vihet në ndjekje një personi që konsumon një vepër penale.

TCH sulmoi edhe politikën e qeverisë me Bordin e Transprencës që fikson çmimet, duke thënë se: “Kriza me çmimin e karburanteve që po mbahet në nivele të larta edhe pse në bursa ta rënë, po reflektohet edhe në uljen e efektivitetit të punës së policisë së shtetit”.

Sipas televizionit, reduktimet që i imponohen Policisë së shtetit, në një kohë kur edhe pagat e policëve janë të ulta nuk e ndihmojnë aspak sigurinë në vend. “Pas disa ditësh do të shikojmë policë që patrullojnë në këmbë nëpër rrugica. Kjo mund të jetë thjesht një batutë por në fund të ditës kosto që i krijohet vendit është shumë e madhe”-thuhet në fund të kronikës që zemëroi kryeministrin, që i ka shpallur luftë mediatike televizionit, me të cilin kishte një lidhje të ngushtë prej dy dekadash, ndërsa prej javësh e sulmon pas çdo kronike kritike./ Marrë nga TPZ

blank


Send this to a friend