VOAL

VOAL

Please Wait ...
0%

Çfarë na tha ai që e njihte Oliver Ivanoviçin – Nga YLLI POLOVINA

By | January 21, 2018

Komentet

Gjenerali Wesley Clark uron popullin e Kosovës për 10 vjetorin e pavarësisë!

Ish-shefi i forcave të NATO-s gjenerali Wesley Clark, ka uruar qytetarët e Kosovës, me rastin e dhjetë vjetorit të Pavarësisë.

Ai ka publikuar një imazh nga koha e luftës në llogarinë e tij në Facebook.

“Urime qytetarëve të Kosovës, të cilët po festojnë dhjetë vjetorin e pavarësisë”, ka shkruar ai sipër imazhit.

Rita Ora bën shqiponjën në Prishtinë

Këngëtarja shqiptare me famë botërore Rita Ora po qëndron në Kosovë.

Gjatë konferencës për media ajo ka bërë shqiponjën me duar, derisa është shprehur e lumtur që po qëndron në Prishtinë dhe se do të jetë një nga koncertet më të mira, ai që do të mbajë sonte në Prishtinë.

Njerëzit nga vende të vogla si Kosova, mund t’i japin botës emra dhe vlera të mëdha, ka deklaruar në Prishtinë, këngëtarja me famë botërore, Rita Ora.

Gjatë një konference për gazetarë, pop ylli botëror, Rita Ora, ka thënë se ka një emocion të veçantë që do të këndojë në Prishtinë, në manifestimin qendror për 10-vjetorin e pavarësisë së Kosovës.

“Mund të ishim kudo në botë këtë ditë, por unë vendosa që të sjell gjithë ekipin tim këtu në Prishtinë që të ofrojmë shfaqjen më të mirë përgjithmonë”, ka theksuar Ora, e cila mesazhet e saj i ndërlidhte në dy gjuhë, atë shqipe dhe angleze.

Ajo ka thënë se ndihet krenare që i takon gjakut shqiptar dhe Kosovës, pavarësisht se jeton në njërin prej vendeve më të zhvilluara të botës, në Britaninë e Madhe.

“Në çdo intervistë e konferencë, nuk e fsheh, jam nga Kosova”, ka thënë Ora, duke premtuar se të gjithë adhuruesit e saj do t’i bëjë të ndihen të kënaqur me paraqitjen e saj në manifestimin qendror për 10-vjetorin e pavarësisë. Paraqitja e Rita Orës para publikut, pritet të bëhet rreth orës 22:00.

Rita Ora, tash 27 vjeçe, ka treguar se si ka nisur të merret me muzikën në moshën 21 vjeçe, me dëshirën që të bëj një ndikim të madh, marrë parasysh që prejardhjen e kishte nga një vend i vogël.

Mbi këtë bazë ajo edhe e dha porosinë për njerëzit e Kosovës.

“Ju e keni një mundësi për ta përfaqësuar veten tuaj në mënyrën se si dëshironi të mbaheni mend. Gjëja më e rëndësishme për mua është që të qëndrojmë të bashkuar dhe të jemi në gjendje që t’i ftojmë njerëzit në rrethin tonë, sepse sa më shumë që jemi, aq më të mëdhenj bëhemi. Kur për herë të parë kam dalë në një skenë, kam qenë një nga këngëtaret e hershme shqiptare”.

“Tani kemi shumë talente të jashtëzakonshme që i kam parë në këto dy vitet e fundit dhe jam shumë mirënjohëse që kemi këngëtare shqiptare si Dua Lipa, Bebe Rexha, të cilat po e gjejnë dritën e tyre, vendin e tyre në muzikë. Sa më shumë prej nesh që na përfaqësojnë në këtë zhanër muzikor, aq më mirë është për vendin tonë, për shtetin tonë. Të kënaqemi, të qëndrojmë së bashku dhe ta përfaqësojmë shtetin e Kosovës”, ka thënë Ora.

Ajo nuk e ka përjashtuar as mundësinë, që pavarësisht agjendave të ngjeshura, një ditë para publikut në Kosovë mund të këndojnë së bashku tri këngëtaret më të famshme shqiptare sot në botë, Rita Ora, Dua Lipa dhe Bebe Rexha.

“S’i dihet, ndoshta, kurrë mos thuaj kurrë s’bëhet”, ka thënë Ora./BS

Çun Lajçi vajton Çakorrin

Aktori i njohur, Çun Lajçi ia ka dedikuar një shkrim aneks-marrëveshjes për Demarkacion që u nënshkrua dje mes presidentit të Kosovës, Hashim Thaçi e atij të Malit të Zi, Filip Vujanoviq, që i hap rrugë ratifikimit të Marrëveshjes së vitit 2015, shkruan Periskopi.

Lajçi ka vajtuar Çakorrin që mbetet jashtë në bazë të asaj marrëveshje.

“Tani kur mua m’la Zoti pa Bubulinën, e kur Hashimi e vuni edhe nji “ IMZA” në letrat e Malit Zi, lirisht iu thërras t’ma shnoshni kryet për Çakorrin, ( mua, Jo Juve ) njisoj siç vepruet për Bubulinën, se këtu muer fund andrra ime për“Gjeneralët e Dukagjinit e të Drenicës”, ka shkruar ai, teksa ka shprehur dëshpërimin e tij madje edhe me kryeministrin Ramush Haradinaj, i cili sa ishte në opozitë kishte qenë zë i fuqishëm kundër kësaj marrëveshje.

Lexoni të plotë shkrimin e Lajçit:

Kur shkrova para 4 muajve:

ZOTI NA LASHT SHNOSH RUGOVË

shumë nga malsortë e mi m’u idhnuan, e nder ta edhe Ali Lajçi. Por unë përkundër apolitizimit tim e kisha nuhat TRADHËTINË!

-Qysh me thanë ashtu Ti që tre libra me poezi ia kushtove Çakorrit e 12 videoxhirime i bane vet atyne bjeshkëve tue kundershtua Muratin, Hashimin e Isën.

-Fshije m’tha shkrimin se n’kofshim Ne gjallë nuk kemi me lanë.

-Kush Ju, i thashë.

-Ne të VV ma ktheu.

-Aiii bre Ali, prita mos po thua: NE RUGOVAST, se Nuro Kurti nuk priti me mbrojt Çakorrin partitë jo, po e thirri Rugovën e ata me gjoksa e krena e murosen, e ti po m’thua për partinë tande.

-Rugovën i thashë ku e ke, Rugovën, se kanë me të ngi partitë edhe Ty!

-Dhe e fshina shkrimin, se s’deshta me deshpërua as vetën.

Tani kur mua m’la Zoti pa Bubulinën, e kur Hashimi e vuni edhe nji “ IMZA” në letrat e Malit Zi, lirisht iu thërras t’ma shnoshni kryet për Çakorrin, ( mua, Jo Juve ) njisoj siç vepruet për Bubulinën, se këtu muer fund andrra ime për

“ Gjeneralët e Dukagjinit e të Drenicës” e Ti Ali lufto me krahtë e thyem të VV-së!

Unë sonte po qaj këtu në Vankuver për Rugovën, si Azem Shkreli dekada para për Arberinë!

Ai pati të drejt, por unë s’dua me besua ne mashtrimet e

“ Melaqeve të Perendisë” Hashim, Fatmir, Kadri.

-Ramush, mos m’thuej cili do t’jeshë Ti!

Atëherë:

M’thuej Vankuver, për çka e festoj sonte 17 Shkurtin me mergimtarët e tretun kaq larg?

Për humbjen e 80 Km tokë Kosove?

ZOTI m’lasht shnosh për Ty Çakorr. M’i ruej t’pakten eshtnat e Bubulinës!

Veton Surroi për Hashim Thaçin: I pandershmi nuk mund të më nderojë mua!

Publicisti e shkrimtari Veton Surroi, ka refuzuar dekoratën që presidenti Hashim Thaçi ka ndarë për të.

Në një prononcim të tij në Facebook, Surroi ka thënë se me përjashtim të okupatorëve, nuk ka pasur njeri që i ka bërë dëm vendit më shumë se sa Thaçi. E me bindjen e tij ka thënë se refuzon të marrë çfarëdo dekorate nga ai.

“Pash emrin tim, dy herë, në listën e të dekoruarve nga Hashim Thaçi për dhjetëvjetorin e pavarësisë. Që të dyja herët emri im është vënë në proceset vendimtare për arritjen e lirisë dhe pavarësisë, Konferencës së Rambouillet dhe Procesit të Vjenës. Ka qenë nder imi që t’i shërbej vendit”, ka shkruar Surroi.

“Konsideroj se Hashim Thaçi është përgjegjësi kryesor për kapjen e shtetit, izolimin e tij, vjedhjen e tij, varfërimin e tij material, mendor e shpirtëror, zbrazjen e tij prej një të dhjetës së popullatës për dhjetë vjet pavarësie, humbjen e konsensusit politik e perspektivës së të rinjve brenda tij… Me përjashtim të okupatorëve, nuk ka pasur njeri që i ka bërë kaq dëm vendit”, ka thënë më tej.

“Me bindjet e mia për këtë njeri refuzoj të marrë çfarëdo dekorate. I pandershmi nuk mund të më nderoj. As mua e aq me pak këtë vend. Qytetareve: gëzuar dhe u prifshit ndryshimeve!”, ka thënë në fund Surroi.

Medaljen e Thaçit e kanë refuzuar edhe dy anëtarë të Shtabit të Përgjithshëm të UÇK-së, Rexhep Selimi e Jakup Krasniqi.

Veton Surroi e fyen Hashim Thaçin, ia refuzon edhe dekoratën

Ish-Kryetari i Parisë ORA, Veton Surroi ka lëshuar akuza në drejtim të Hashim Thaçit për rrënimin e Shtetit të Kosovës. Ka thënë se për këtë arsye refuzon dekoratën nga Presidenti.

Veton Surroi e ka refuzuar dekoratën e ndarë për te nga Hashim Thaçi.

Ka thënë se Presidenti i Kosovës është i pandershëm prandaj nuk e pranon të nderohet prej tij. E ka bërë përgjegjës Thaçin për dështimin e Shtetit.

“Pash emrin tim, dy herë, në listën e të dekoruarve nga Hashim Thaçi për dhjetëvjetorin e pavarësisë. Që të dyja herët emri im është vënë në proceset vendimtare për arritjen e lirisë dhe pavarësisë, Konferencës së Rambouillet dhe Procesit të Vjenës. Ka qenë nder imi që t’i shërbej vendit”, ka shkruar Surroi.

“Konsideroj se Hashim Thaçi është përgjegjësi kryesor për kapjen e shtetit, izolimin e tij, vjedhjen e tij, varfërimin e tij material, mendor e shpirtëror, zbrazjen e tij prej një të dhjetës së popullatës për dhjetë vjet pavarësie, humbjen e konsensusit politik e perspektivës së të rinjve brenda tij… Me përjashtim të okupatorëve, nuk ka pasur njeri që i ka bërë kaq dëm vendit”, ka thënë më tej.“Me bindjet e mia për këtë njeri refuzoj të marrë çfarëdo dekorate. I pandershmi nuk mund të më nderoj. As mua e aq me pak këtë vend. Qytetareve: gëzuar dhe u prifshit ndryshimeve!”, ka shkruar Surroi.

Veton Surroi e Hashim Thaçi pasluftës kishin pasur raporte të mira. Por, prej kohës kur Surroi mbeti jashtë Parlamentit kanë nisur hasmëritë ndërmjet tyre.

Surroi ka shkruar edhe libra për Presidentin e Republikës duke lëshuar akuza se e ka rrënuar Shtetin.

Thaçi bashkë me Ramën bën qindra dekorime duke nisur prej Azem Sylës e deri tek Xhavit Haliti! Veton Surroi ia kthen mbrapsht dekoratën!

Hashim Thaçi ka dekoruar Edi Ramën për kontributin e dhënë për Republikën e Kosovës..

Thaçi tha se i  ka ndarë Edi Ramës medaljen për lirinë dhe pavarësinë e vendit. “Zëri i Edit ka qenë shumë i fuqishëm”, tha Thaçi.

Ndërsa Edi Rama ka theksuar se është i nderuar për dekorimin që po ia bën  Hashim Thaçi në vigjilje të pavarësisë së Kosovës.

Bashkë me Edin, Thaçi ka dekoruar edhe qindra të tjerë.

Në këtë listë përfshihen emra prej Azem Sylës tek Xhavit Haliti.

Pastaj lista vazhdon me Adem Jasharin, Ibrahim Rugovën, Adem Demaçin, Ramush Haradinajn deri tek Veton Surroi,

Nga të parët që e nuk e ka pranuar dekoratën e Thaçit është Veton Surroi, personalitet i Kosovës dhe autori i autori i librit me aq jehonë “Këmbët e gjarpërit”, që i dedikohet bëmave të gjarpërit, pseudonimit të luftës të Thaçit!

 

Ish-Zëdhënësi i UÇKsë Jakup Krasniqi refuzon dekorimin nga Hashim Thaçi

Jakup Krasniqi, ish-zëdhënësi i UÇK-së ka thënë se luftoi për liri e jo për dekorime. Kryetari i Këshillit Kombëtar të Nismës për Kosovën Jakup Krasniqi ka treguar se e refuzon dekorimin nga Thaçi në dhjetëvjetorin e pavarësisë së Kosovës.

Krasniqi u dekorua dje nga Thaçi me medaljen për dhjetëvjetorin e pavarësisë, si pjesë e ish-Shtabit të Përgjithshëm të UÇK-së.

Ai në një postim në facebook ka treguar pse refuzon dekoratën.

“Veprimtarinë time politike nuk e kam nisur as për pozita, as për pasuri dhe as për dekorime”, ka shkruar Krasniqi.

Ai ka deklaruar se e ka nisur karrierën e tij politike vetëm pse e ka dashur lirinë.
“Kam filluar të merrem me politikë para 45 viteve, thjesht pse e kam dashur lirinë e kombit tim dhe pse Atdheut tim ia kam pasur borxh që t’ia bëj shërbimin pa hile”, ka shkruar më tutje Krasniqi.

Krasniqi ka thënë për Thaçin se ai “po bën pazare politike me mirënjohje e dekorata”, ndërsa veprimet e tash Presidentit të Kosovës i ka konsideruar “që nga viti 2010 e këndej, kanë qenë rrënuese për shtetin e kombin”.

Krasniqi më tutje ka thënë se është fyer nga Thaçi.

“Refuzoj te dekorohem nga Hashimi, i cili personalisht me ka fyer dhe jo vetëm në aferën ‘Pronto’”, ka shkruar Krasniqi, duke treguar se pas Rambujesë “duke ju thënë anëtarëve tjerë të SHP të UÇK-së se gjoja unë e ndonjë tjetër në atë Konferencë jemi bërë me “armiqtë e tij politikë”- LDK-në”.

Krasniqi ka thënë se i vjen keq që refuzimin e dekoratës po e bën publike në dhjetëvjetorin e pavarësisë.

Fotoreportazh i The Guardian: Kosova shteti i 51 i SHBA!

4 Korriku, Dita e Pavarësisë të SHBA festohet edhe në Kosovë, si festë e përbashkët

 

Voal po i sjell lexuesave një fotoreportazh nga The Guardian me titullin Kosova shteti i 51 i SHBA!

“Kosova, shkruan The Guardian, vazhdon të ketë lidhje emocionale, politike dhe ekonomike me vendin që 20 vjet më parë bëri një ndërhyrje perëndimore në luftë me ish-Republikën Federale të Jugosllavisë, duke çuar përfundimisht në shpalljen e pavarësisë së Kosovës.

Disa sondazhe sugjerojnë se Kosova është vendi më amerikandashës në botë dhe më mbështetësi i qeverive Amerikane.

Klinton Bajgora, 13 veç, sipas presidentit Bill Clinton, i ulur midis prindërve të tji në shtëpi në Podujevë.

KFORI Amerikan i vendosur pranë Ferizajt prej 1999 shihen prej shqiptarëve të Kosovës si çlirues.

Fëmijëve shqiptarë sa lindin prindërit u mësojnë të duan Amerikën dhe t’i jenë mirënjohës

Kosova, shteti i 51 i SHBA sepse shumë kompani Amerikane kanë lidhje ekonomike dhe pune me Kosovën.

NJë përshëndetje lamtumire në një restaurant të Prishtinës për atë që do të niset me punë në SHBA.

4 Korriku, Dita e Pavarësisë të SHBA festohet edhe në Kosovë, si festë e përbashkët

 

 

Kerkesa per zhdukjen e Çamerise, nje kerkese e rrezikshme fondamentaliste albanofobe! Nga Sali Berisha

Nje kerkese e rrezikshme fondamentaliste albanofobe!

Te dashur miq, kerkesa per zhdukjen e Çamerise nga tekstet, historia dhe fjalori i shqiptareve eshte kerkese e denje vetem per albanofobe fondamentaliste.

Keto dite mediat informuan se ministri i jashtem i Greqise, ne pergjigje te nje letre derguar nje deputetit te tij, i shkruan se pales shqiptare i eshte kerkuar (dhe me sa duket Edvini dhe Ditziu i tij kane rene dakord) te fshijne nga faqja e dheut, nga tekstet, historia, etnografia, hartat, fjalet, termat: Çam dhe Çameri.

Kjo kerkese eshte unike ne llojin e vet e pa ndigjuar kurre me pare ne dialogun per marredheniet midis dy vendeve.Kjo eshte nje kerkese fondamentaliste dhe eshte nje akt perdhosje e ndergjegjes kombetare te shqiptareve, te vdekur dhe te gjalle, çam e jo çam kudo qe jane, per te cilet kombi eshte komb, çamet dhe Çameria jane popullata e martirizuar e kombit shqiptar e perzene barbarisht nga trojet e tyre shekullore.

Me kete rast dua te sqaroj se si ish presidenti i Republikes, qe me vetedije te plote kam firmosur traktatin e miqesise dhe bashkepunimit me Greqine, nuk nenkuptoj me çam apo Çameri kategorikisht asnje rivendikim territorial ndaj vendit fqinj dhe jam i bindur se marredheniet miqesore, bashkepunimi midis dy popujve dhe vendeve tona eshte detyrimi dhe interesi me i mire i tyre.

Po keshtu jam i bindur se te gjitha tekstet duhet te zhvishen nga baruti armiqesor i trasheguar ne te dy vendet. Une kam qene me studime ne Paris kur Andrea, nje mik i imi grek me tregonte se ne ushtrine greke kendoheshin ne rreshtore kenge raciste dhe atishqiptare, te cilat mjerisht shperthyen dhe ne paraden e dites kombetare te Greqise pak vite me pare. Ndonese nuk jane kenduar kenge rreshtore antigreke ne ushtrine shqiptare por padiskutim ne tekste, shkrime, dokumenta ka patur, ka patur cilesime, etiketime, vleresime qe duhet te arkivohen per te hapur rrugen nje niveli respekti, mirekuptimit dhe bashkepunimit miqesor midis vendeve dhe kombeve tona.

Por te kerkosh te zhdukesh fjalet Çam dhe Çameri si antigreke, deshmon se je nje albanofob i verber qe nuk nguron te fyesh dhe poshterosh te gjallet dhe te vdekurit e fqinjes tend, kerkon te hedhesh poshte mijra dokumenta politike historike diplomatike e gjeografike te vet Greqise, Shqiperise por edhe te vendeve te medha per çamet, Çamerine, rolin e tyre ne historine e kombit shqiptar por dhe pavaresine e Greqise dhe ndertimin e shtetit grek.

Nje gje te tille vende demokratike nuk mund ta bejne kurre!
Sipas kesaj llogjike fondamentaliste albanofobe neser gjitoni do na kerkoj ne shqiptareve qe arvanitasit te mos i quajme me arvanitas, apo maqedonasit do te na kerkojne qe Shkupin te mos e quajm me Shkup, serbet mund te na kerkojne qe Pazarin e Ri te mos e quajme Pazar te ri, malazezet do kerkojne qe Tivarin te mos e quajme Tivar.

Kjo eshte rruga me e sigurt e ndezjes se nacionalizmeve dhe konflikteve ne rajon. Duke mbetur gjithmone i bindur ne dobine dhe domosdoshmerine e ndertimit te marredhenieve te qendrueshme miqesore midis dy vendeve, denoj nje kerkese te tille si fyese dhe poshteruse per çdo shqiptar, te rrezikshme dhe te padenje per ata qe e bejne ate.Kombet e civilizuara kane moralin dhe kurajone te shohine ne sy gabimet e tyre historike para se gjithash per te mos i perseritur ato.sb

Miliç për Express: Ideja për shkëmbim territoresh katastrofale, Putini do ta shfrytëzojë këtë

Donika Krasniqi

Jelena Miliç, drejtoresha e Qendrës për Studime Euroatlantike, ka folur për shkëmbimin e territoreve në mes të Kosovës dhe Serbisë, ide kjo për të cilën ditë më parë raportoi Gazeta Express, e në të cilën janë të përfshirë top politikanët kosovarë.

Miliç thotë se ka dëgjuar nga qarqe politike, analistë dhe gazetarë se ideja për shkëmbim territoresh në mes të Kosovës dhe Serbisë ekziston tash e disa vjet.
“Nuk e di kush konkretisht mund të jetë duke zhvilluar negociata të tilla, por e di se jo vetëm në Kosovë dhe Serbi por edhe në rajon ka forca të tilla politike të cilët kanë interesa  partiake dhe politike për të përkrahur një proces të tillë të rrezikshëm. 

Gjithashtu, lehtë mund ta imagjinoj se Vladimir Putin shumë letë mund ta shfrytëzoj këtë për ta shtuar ndikimin e  vetë në Ballkan”, ka thënë drejtoresha e kësaj qendre.

Siç shprehet ajo, shkëmbimi i territoreve, në rast se ndodh, do të arrihej përmes nivelit të lartë dhe do të përkrahej nga njerëzit e dy palëve, por do të ishte katastrofë dhe rast ‘sui generis’. Madje, një shkëmbim i territoreve do ta forconte ushtrinë paramilitare të Republikës Serbe të Dikovic dhe do ta rrezikonte kontrollin demokratik të armëve.
Miliç thekson se jo vetëm në Serbi dhe Kosovë por në tërë rajonin e Ballkanit Perëndimor mund t’i kenë interesat e veta politike dhe partiake për ta përkrahur një ide kaq të rrezikshme.

“Po ashtu, mund lehtë ta imagjinoj se Vladimir Putin mund ta përdorë këtë për qëllimet e veta për të pasur prezencë shumë të fortë në Ballkan dhe për ta arsyetuar aneksimin e jashtëligjshëm të Krimesë [së Ukrainës] për ta nxjerrë një paralele mes [Kosovës dhe Krimesë]”, thekson ajo.

Madje, për drejtoreshën e Qendrës për Studime Euroatlantike duhet të jetë e turpshme për NATO-n që katër shtete anëtare të saj nuk e kanë njohur Kosovën.

“Mendoj se Qeveria e Spanjës, në rast të ndonjë incidenti të dhunshëm, nuk po them në rast të ndonjë lufte të re, por në rast të ndonjë incidenti të dhunshëm; ndonjë krize paramilitare do të bartë një pjesë të madhe të përgjegjësisë, sepse veçse është duke bartur përgjegjësi për përjashtimin e Kosovës nga strategjia e vendeve të Ballkanit Perëndimor”, ka shtuar ajo.

Tutje, ajo ka propozuar që marrëveshja e Brukselit mes Kosovës dhe Serbisë, me gjithë të metat e saj, duhet të përshpejtohet.

Për këtë, thotë ajo, ka përgjegjësi edhe Qeveria e Kosovës sepse nuk ka kontribuuar mjaft për ta përshpejtuar procesin. Por një pjesë e fajit për mosliberalizimin e vizave, sipas Miliç është mospërmbushja e kritereve, siç është edhe mosmarrëveshja për kufirin me Malin e Zi.

“Nuk keni përmbushur asgjë për liberalizimin e vizave. Një arsye objektive pse po i krijoni probleme anëtarëve të NATO-s është marrëveshja e kufirit me Mali i Zi. Pra, marrëveshja e Brukselit duhet të përshpejtohet dhe brenda saj duhet të arrihet një lloj marrëveshjeje për, pa njohje, e cila mund ta zhbllokojë situatën aktuale për integrimin në BE të të dy vendeve. Edhe Serbia e ka fajin për ngadalësimin e procesit, për shkak të shumë zgjedhjeve të jashtëzakonshme dhe parlamentare”, sqaron Miliç për Express.

Gazeta Express ka mësuar se ideja për ndarje, ose ideja për këmbim të territoreve me Serbinë, është duke u përkrahur nga Serbia, Edi Rama dhe Ministri i Jashtëm i Greqisë, Nikos Kotzias. nën orkestrimin e Presidentit Hashim Thaçi. /Express/

Një dekadë shtet, ish-presidenti i SHBA letër Kosovës: Krenar që pranova kërkesën, tani…

Ish-presidenti i Shteteve të Bashkuara të Amerikës, George W. Bush ka uruar gjithë shqiptarët me rastin e 10 vjetorit të Pavarësisë së Kosovës. Në një letër ai ka thënë disa fjalë me rastin e kësaj dite të rëndësishme për Republikën tonë.

Bush ka përmendur edhe momentin kur SHBA-të kanë njohur shtetësinë e Kosovës. 

“Laura dhe unë përgëzojmë popullin e Kosovës në këtë rast të rëndësishëm dhe dërgojmë urimet tona më të mira për një të ardhme paqësore, demokratike dhe të begatë”, ka shkruar ndër të tjera, raporton Express.

Letra e plotë:

Përshëndetjet më të përzemërta qytetarëve të Kosovës të cilët festojnë 10 vjetorin e Deklaratës së Pavarësisë. Në vitin 2008, Presidenti Sejdiu ra dakord të merrte përgjegjësitë e përcaktuara nga Plani i Ahtisaarit për të nxitur lirinë, tolerancën dhe drejtësinë për qytetarët e Kosovës, pavarësisht nga përkatësia e tyre etnike. Isha krenar që pranoja kërkesën e tij për Shtetet e Bashkuara të njohin Kosovën si shtet sovran dhe të pavarur. Dhjetë vjet më vonë, kjo ditë historike është një reflektim i angazhimit të vendit për të vazhduar ndjekjen e standardeve më të larta të dinjitetit njerëzor dhe për të çuar përpara çështjen e lirisë. Laura dhe unë përgëzojmë popullin e Kosovës në këtë rast të rëndësishëm dhe dërgojmë urimet tona më të mira për një të ardhme paqësore, demokratike dhe të begatë. Zoti të bekoftë.

FOTO/ Ç’po ndodh në kufirin Shqipëri-Kosovë? Denoncimi: Turp që…

Pritje e gjate dhe radhe kilometrike në kufirin Shqiperi-Kosove. Makinat presin ne nje radhe te gjate qe nuk dihet se kur i vjen fundi, nderkohe qe drejtues e pasagjere po luajne me durimin.

Denoncimin e ka bere Nisma #Thurje, teksa poston edhe foton e gjendjes ne piken e kalimit kufitar ne Morine.

nisma

Denoncimi 

Nisma pershendetje!
Si mund te pretendojme ne si komb te heqim kufijte mes vetes dhe Europes kur nuk rrezojme dot kufijte mes njeri tjetrit. Kjo eshte rradha kilometrike tani ne kufirin e Morines nga Kosova drejt Shqiperise. Eshte turp qe politika nuk ngrihet dot ne nivelin e popullit