“Jeta e parë e Angela M” me autorët Georg Reuth dhe Günther Lachmann. Biografia “Jeta e parë e Angela M.” hedh një vështrim në një periudhë të ndjeshme të karrierës së politikanes së lartë. Bëhet fjalë për kohën e saj në RDGJ, ku ajo duhet të ketë bërë “agjitacion dhe propagandë” për FDJ, organizatën e rinisë komuniste. Asgjë e jashtëzakonshme për një biografi nga DDR, por që mbi kancelaren e Republikës Federale të Gjermanisë hedh një hije irrituese.
Angela Merkel, në RDGj, rreshti i dytë në mes me shokët e klasës së 10-të të politeknikut Templin/Brandenburg (Archivfoto von 1971).
Libri 336 faqesh, që u botua katër muaj para zgjedhjeve parlamentare të 2013, synonte të mbushte boshllëqet informative, që kishin lënë të hapura biografitë e mëparshme të Angela Merkelit, tha asaj kohe Lachmann në një intervistë me Deutsche Welle. Dhe këtu bënte pjesë edhe pyetja, nëse Merkel ishte sekretare e FDJ për propagandën apo jo.
Qeveria gjermane megjithatë nuk pa ndonjë zbulesë spektakolare. Merkel që në vitin 2005, në një libër intervistë me titullin “Rruga ime” është shprehur në mënyrë të detajuar dhe shumë personale lidhur me këtë çështje. “Jua rekomandoj ta lexoni”, tha zëvendësi i zëdhënësit të qeverisë Georg Streiter.
Autori Lachman pati tjetër mendim. Në “Rruga ime” Merkel pohon vetëm se nuk mban mend, nëse ka bërë agjitacion dhe propagandë. Por ai thotë se ka prova. “Ka dy dëshmitarë,” thotë Lachman. Fjala është për miq të mirë, me të cilët Merkel atëherë bashkëpunonte ngushtë dhe me të cilët ka kaluar shumë kohë së bashku. Të dy kanë qenë sekretarë të FDJ-së në Akademinë e Shkencave. Edhe një tjetër pozitë e kancelares së sotme që paraqitet tek “Jeta e parë e Angela M”. Ajo ka bërë pjesë edhe në kryesinë e sindikatës (BGL), duke qenë e ngarkuara për punën me rininë.
Çfarë ndikimi ka një sekretare e FDJ-së?
Tre librat biografikë mbi Angela Merkelin
Mekanizmat politike dhe kausalitetet në RDGJ funksiononin sipas rregullave të veta, kështu që mbulimi i një posti zyrtar mund të keqkuptohet sot, komentoi kur u botua libri në një intervistë me DW, Klaus Schroeder, drejtues shkencor i shoqatës kërkimore për RDGj-në në Universitetin e Lirë të Berlinit.
“Anëtarësia në FDJ dhe marrja e postit nuk do të thonë gjë.” Ka qenë fundja si një detyrim social për t’u angazhuar, edhe në kuadër të organizatës së rinisë. Por sekretar i FDJ për agjitacion dhe propagandë tingëllon gati, sikur Goebbels të vegjël të jenë në veprim”, tha studjuesi i RDGJ-së.
Në fakt anëtarët kishin detyrë të përhapnin tek studentët buletinin e FDJ-së dhe të organizonin aktivitete. Cdo rast duhet parë konkretisht, por kjo është në fakt një banalitet. Edhe nga fakti, që Merkel kishte dhe një post në sindikatën BGL, nuk mund të nxirren vlerësime, tha Schroeder. “Edhe ky është një funksion, që e kanë ushtruar qindramijëra në RDGj.”
Vendimtare në vlerësimin e ideologjisë dhe angazhimit politik të Merkelit është më tepër fakti, që ajo nuk u bë anëtare e SED si dy milionë qytetarë të tjerë: “Që të tërhiqeshe nga të gjitha angazhimet, nuk ka qenë e mundur në RDGJ”. Nga populli gjithmonë është kërkuar që të jetë aktivë në një organizatë mase. “Por pragu në hapësirën politike është tejkaluar, kur je bërë anëtarë i SED, apo i një partie tjetër të bllokut.”
“Unë nuk do të kisha bërë shumë interpretime“
Por në fund të fundit se çfarë do të thotë kjo dhe se si i ushtronte Merkeli detyrat dhe çfarë pasojash kishte kjo për të tjerët, këtë Lachmann dhe Reuth nuk ua sqarojnë lexuesve të tyre dhe as vetes.
“Nuk ka asnjë informacion, nëse Angela Merkel ka patur influencë ideologjike apo jo. Ne vetëm dimë se ajo ka qenë anëtare dhe se çfarë përgjegjësie ka patur”, tha Lachman.
pikërisht këto informacione janë vendimtare për të kuptuarit e rrethanave të parashtruara, sidomos për njerëzit, që kanë patur të bëjnë pak me sistemin e RDGj-së.
A duhet të tregonte Merkel më shumë për vetveten?
Manifestim i organizatës së rinisë në RDGj, 1950
Të dy autorët do të kishin dëshirë që t’i kishin marrë informacionet nga kancelarja personalisht. “Në këtë kontekst nuk është aq e rëndësishme, nëse ajo ka qenë sekretare për agjitacion dhe propagandë”, thotë Lachmann, “thelbësorja është se ajo i ka fshehur gjërat.“
Mos ka rrëfyer jo sa duhet për veten Merkel si bartëse e një posti të lartë publik? Në mbledhjen e të dhënave për librin ka mbetur pa përgjigje së paku një listë më pyetje drejtuar zyrës së kancelares, thotë Lachmann. Zëdhënësi i qeverisë Streiter .”Unë nuk do të bëja këtu shumë interpretime, sepse shumë njerëz, të cilët shkruajnë një libër për kancelaren dhe i shtrojnë asaj pyetje, zhgënjehen pak.”
Vetë Angela Merkel e ka theksuar disa herë qëndrimin e saj të hapur lidhur me të kaluarën në Gjermaninë Lindore. Ajo kurrë nuk ka fshehur gjë, por ndoshta disa gjëra nuk i ka treguar, sepse kurrë nuk është i është kërkuar. Biografja e mëparshme e Merkelit Jacqueline Boysen sheh këtu ndoshta një reagim prej përvojës negative të Merkelit: “Një herë ajo është përpjekur shumë hapur të tregojë një histori nga koha e RDGj-së para organizatës së rinisë së Unionit Kristian Demokrat, CDU. Por u keqkuptua krejtësisht.” Një arsye e mundshme për tërheqjen e saj.
Zbulimet e “Jeta e parë e Angela M”, Boysen i komentoi me sy kritik: “Më duket disi absurde, që rikthehet gjithmonë kjo histori dhe është e dukshme, se nuk ka asgjë të re. Nuk ka asnjë arsye për irritim publik: Fjala “zbulime” është shumë e ekzagjeruar.”
Komentet