Vijon protesta e Adriatik Lapaj dhe mbështetësve të tij përpara Kryeministrisë.
Lapaj ka kërkuar që shqiptarët t’i bashkohen revoltës kundër qeverisë dhe atyre që vjedhin miliona euro me një firmë apo me një të rënë të lapsit.
“E patë çfarë ndodhi në Bullgari? Populli dorëzoi qeverinë të dorëhiqej. Nuk dolën brenda një jave por luftuan me muaj. Nga 5 u bënë 10, 10 mijë, e deri në dorëheqjen e qeverisë.
Nuk ngelen pas edhe fermerët grekë, që kanë një javë që janë çuar për gjëra që ne nuk I konsiderojmë fare, i subvencionet. Ka ardhur koha të shporrim autokratin Rama.
Kini besim se ne mund t’ia dalim, nuk ka fuqi më të madhe se protesta e njerëzve të lirë dhe njerëzit kur bashkohen përballë atyre që na vjedhin. Të bashkojmë arsimtarët, fermerët, prindërit, të rinjtë kundër atyre që na vjedhin.
Nuk ka katolik, ortodoks e mysliman në këtë histori, njerëz me ngjyrë e pa ngjyrë, të majtë e të djathtë. Ka vetëm 2 palë, ata që me një rënë të lapsit vjedhin miliona euro, dhe ne poshtë që punojmë për të na vjedhur ata. Duhet të bëhemi bashkë për t’I shembur e për t’i shporrur”, u shpreh ai. bw
Sonila Bejtja, gruaja e Andi Bejtjas, pronarit te Syri.TV ishte gjykatesja e Kushtetueses qe votoi pro Belinda Ballukut
Sonila Bejtja si anetare e 7-të e Gjykatës Kushtetuese eshte emeruar ne dhjetorin e 2020 nga Ilir Meta, Presidenti i asaj kohe.
Gjykata Kushtetuese vendosi “ngrirjen” e zbatimit të dy vendimeve të GJKKO-së që kishin pezulluar nga detyra zëvendëskryeministren dhe ministren e Infrastrukturës dhe Energjisë, Belinda Balluku. Gjykata vendosi në favor të Kryeministrit dhe vendimi u mor me 5 vota pro dhe 3 kundër, duke reflektuar një ndarje të qartë brenda trupës gjyqësore.
Në favor të qeverisë votuan Sonila Bejtja, Fiona Papajorgji, Genti Ibrahimi, Sandër Beci dhe Marjana Semini, ndërsa kundër votuan Marsida Xhaferllari, Ilir Toska dhe Asim Vokshi, të cilët formalizuan një mendim pakice.
Gazetarja Klodiana Lala rreth ketij votimi tha në studion e News24 se deri në orët e fundit në Kushtetuese, gjyqtarët kanë qenë të ndarë 4 me 4. Vetëm në minutën e fundit njëri prej anëtarëve ka ndërruar mendim duke e çuar raportin në 5 me 3.
“Vendimi i Kushtetueses është marrë në një klimë të fortë tensioni mes kryeministrit dhe GJKKO. Zoti Rama menjëherë pas vendimit të GJKKO që e pezulloi Ballukun, vendosi t’i drejtohej Kushtetueses. Për Ballukun vazhdojnë të qëndrojnë në fuqi masat ndaluese për mos daljen jashtë shtetit.
Deri në orët e fundit në Kushtetuese, gjyqtarët kanë qenë të ndarë 4 me 4 dhe deri në minutën e fundit ka votuar një tjetër duke e çuar raportin 5 me 3.
Kushtetuesja ka thënë qartë se Balluku rikthehet përkohësisht në detyrën që kishte deri në datën 22 janar kur do të mbahet seanca plenare publike. Por jo domosdoshmërisht kjo tregon se kryeministri e ka fituar betejën sepse në seancën plenare publike do të ketë përfaqësi ligjore të të gjithë institucioneve” – tha Lala.
Sipas gazetares, 3 gjyqtarët që votuan kundër kanë qenë të sulmuar në mënyrë brutale.
“Pashë mendimin e pakicës. Sulmi që iu bë Asim Vokshit nga të gjithë krahët e politikës, u provua se ishte sulm i koordinuar. Xhaferllari dhe Vokshi, pra nuk janë të kapur nga politika. Qeverisë dhe ndoshta segmente të caktuara të politikës, ju duhen gjyqtarë të kapur.
3 gjyqtarët thonë se ndërhyrja në gjykatë dëmton mirë-administrimin e drejtësisë. Pra Gjykata Kushtetuese ka thënë vërtet e kemi rikthyer në detyrë, por sipas pakicës ka cenuar drejtësinë, i ka dhënë mundësisë që nëse ka risk të prishë provat dhe të intimidojë dëshmitarët ta bëjë menjëherë” – tha gazetarja.
Presidentja e Republikës së Kosovës, Vjosa Osmani, dje është pritur në Selinë e Shenjtë, në audiencë nga Papa Leo XIV në Pallatin Apostolik në Vatikan.
Ajo, përmes një videomesazhi, tha se kjo është një ditë shumë e rëndësishme për marrëdhëniet mes Republikës së Kosovës dhe Vatikanit. E para e vendit shpreson që të merret vendimi i shumë pritur për njohjen nga Vatikani, gjë që do të kontribuonte për paqen dhe stabilitetin në rajonin tonë dhe në kontinentin evropian. Osmani tha se e ka ftuar Papa Leo XIV për të vizituar Kosovën.
“Paraqita shpresën dhe besimin e gjithë popullit të Kosovës që Vatikani më në fund të marrë vendimin për njohjen e Republikës së Kosovës, duke njohur vuajtjet e gjata të popullit tonë për të jetuar i lirë, i pavarur dhe në demokraci”, ka deklaruar Osmani.
Sipas saj, një vendim i tillë do të kontribuonte jo vetëm në mirëqenien dhe suksesin e Kosovës, por edhe në paqen dhe stabilitetin në rajon dhe në kontinentin evropian. Ajo theksoi gjithashtu kontributin historik të Kosovës, duke përmendur figura të rëndësishme si Gjergj Kastrioti Skënderbeu dhe Shën Tereza, si dhe rolin e Dardanisë në historinë e krishterimit dhe humanizmit evropian.
Presidentja Osmani bëri të ditur se gjatë vizitës ka përcjellë urimet e popullit të Kosovës për Krishtlindje dhe Vitin e Ri, si dhe ka ftuar Papa Leon XIV që të vizitojë Republikën e Kosovës.
“E ftova Shenjtërinë e Tij që të vizitojë Kosovën, me shpresën që një vizitë e tillë të realizohet sa më parë”, u shpreh Osmani nga sheshi kryesor i Vatikanit. bw
Kreu i PD, Sali Berisha njoftoi thirrjen e një proteste kombëtare me datën 22 dhjetor në Tiranë, ora 17:00.
Gjatë mbledhjes së Kryesisë së PD, Berisha tha se protesta do të jetë e vetmja rrugë që do të ndjekë opozita në përballje me qeverinë dhe kryeministrin Edi Rama. Ky është tubimi i parë i PD pas zgjedhjeve të 11 majit ku Edi Rama mori mandatin e katërt, ndërsa opozita shënoi humbjen e radhës. 4 foltoret e organizuara javën e fundit para Kryeministrisë janë pritur me skepticizëm dhe kritika për shkak të pjesëmarrjes së ulët dhe mënyrës së organizimit.
Sali Berisha: Duhet të organizojmë protestat, duhet t’i fillojmë sa më parë. I kemi filluar ato që janë te kryeministria. Por me datën 22, duhet të thërrasim protestë kombëtare. Ata shqiptarë që vijnë, ata janë të bekuar. Ata që nuk do vijnë, do vijnë më vonë. Por ne kurrë nuk do bëhemi pengesë, përkundrazi nxitës të protestave gjer ditën e fundit që të krijohet qeveria teknike në këtë vend për zgjedhjet e lira. Agjendë tjetër nuk ka dhe nuk mund të ketë PD. bw
Nisma për një reformë të re territoriale nga qeveria shihet nga ekspertët si një mundësi për të rikthyer qeverisjen me tre ose dy rajone të mëdha Veri-Jug, në vend të 12 qarqeve që ekzistojnë vetëm në letër, pa kompetenca dhe me kosto të larta administrative. Rajonet e Veriut, të Qendrës dhe të Jugut, që tani shërbejnë vetëm për qëllime statistikore, po të kthehen në njësi qeverisje apo agjenci zhvillimi, do ta afrojnë Shqipërinë me standardet e qeverisjes rajonale të Bashkimit Europian dhe do të ndihmojnë në thithjen e fondeve të kohezionit nga BE. Si mund të bëhen funksionale rajonet. Modeli slloven, më i përshtatshëm
Shërbimet vendore ndaj qytetarëve janë përkeqësuar me ndarjen e re territoriale të vitit 2015, ndaj qeveria ka njoftuar planin e saj për ndryshime të reja që synojnë rikategorizimin e bashkive dhe mënyra të reja administrimi për disa funksione. Teksa debati për ndryshimet ka nisur, ekspertët mendojnë se në kuadër të integrimit të vendit në BE qeveria duhet të kthejë rajonet Veri, Qendër dhe Jug (NUTS 2) në njësi të mirëfillta administrative. Aktualisht, Shqipëria është e ndarë në tre rajone, Veriu (Shkodër, Lezhë, Kukës, Dibër, Durrës), Qendra (Elbasan dhe Tiranë), Jugu (Fier, Berat, Korçë, Gjirokastër, Vlorë), të cilat shërbejnë vetëm për harmonizimin e të dhënave me Eurostat dhe për matjen e zhvillimit ekonomik, por nuk kanë as kompetenca administrative, as buxhete të pavarura.
Krijimi i agjencive të zhvillimit për secilin nga rajonet, Veri, Qendër dhe Jug do të zbuste diferencat ekonomike dhe do të ndihmonte për një përthithje më të mirë të fondeve të kohezionit, tha eksperti i ekonomisë, Selami Xhepa. Në vitin 2014, kur nisi zbatimi i reformës së re territoriale, rajoni i Veriut kontribuoi me 23.6% të PBB-së së vendit, ndërsa në 2021, kur datojnë të dhënat e fundit, ishte 22,3%. Rajoni i qendrës me vetëm dy qarqe, Tiranën dhe Elbasanin, kontribuoi me 47% të PBB në vitin 2015, teksa 10 vite më pas, pesha e tyre në ekonominë e vendit u zgjerua më tej duke arritur në 50% të totalit.
Pesha e Rajonit të Jugut në PBB-në e vendit ishte 29.4% në vitin 2024, ndërsa në vitin 2021 ishte 27.1%. Rënia e fortë e kontributit në ekonomin e Jugut -2.2 pikë % gjatë 6 viteve lidhet me uljen e kontributit të Qarkut të Fierit. Mbyllja e ARMO-s, ndërmarrjes shtetërore të përpunimit të naftës dhe falimenti i shërbimeve të lidhura me të, ndikoi negativisht të gjithë ekonominë e Rajonit të Jugut.
Të dhënat tregojnë se rritja ekonomike gjatë këtyre viteve nuk është ndarë në mënyrë të barabartë mes rajoneve. Tendenca është në linjë me zhvendosjen e popullsisë dhe investimeve drejt kryeqytetit dhe zonave përreth duke lënë në hije zhvillimin e qëndrueshëm të Veriut dhe Jugut. Për ilustrim, Qarku i Kukësit, më i varfri në vend për konsumin për frymë të popullatës dhe përqindjen më të lartë të personave në varfëri ekstreme, është më i pasuri me burime natyrore, prodhim energjie dhe minerale. Agjencitë rajonale mund të zhvillojnë më shumë kapacitete për të menaxhuar projekte të mëdha që ndryshojnë infrastrukturën në krahasim me bashkitë e sotme, thotë z. Xhepa.
Ekspertët sugjerojnë se modeli i Sllovenisë duket i përshtatshëm për ne, pasi është një vend me popullsi të vogël dhe funksionon me qeverisje vendore të bazuar në dy rajone të mëdha dhe me mbi 200 njësi më të vogla vendore që ofrojnë shërbime shumë afër komuniteteve.
“Reforma e vitit 2014 e vendosi Shqipërinë në të njëjtën linjë me vendet që kanë ndjekur një qasje të centralizuar të konsolidimit territorial. Rezultatet pozitive – si rritja e të ardhurave, shtrirja e shërbimeve dhe menaxhimi më racional i burimeve – janë të dukshme. Por ndikimet në fusha të tjera, si cilësia e shërbimeve, pjesëmarrja qytetare apo zhvillimi ekonomik lokal, mbeten ende të paqarta. Për të përgatitur fazën e dytë të reformës territoriale është thelbësore që vendimmarrja të bazohet në evidencë dhe matje reale të performancës, si dhe në përfshirjen e komuniteteve vendore në proces”, tha Dr. Valbona Karakaçi, këshilltare strategjike e projektit “Bashki të Forta”.
Si ka ndryshuar ekonomia e qarqeve pas 2014
Gjatë tri dekadave të fundit, ekonomia e kryeqytetit është zhvilluar në “kurriz” të qyteteve të tjera, për shkak të zhvendosjes drejt saj të talenteve, krahut të punës dhe për rrjedhojë, edhe ambientit më të favorshëm për biznes.
Pas reformës territoriale të vitit 2014, Tirana ka përforcuar më tej rolin si qendra kryesore ekonomike e vendit, duke kaluar nga 38% e PBB-së së vendit në vitin 2014 në mbi 43% në vitin 2021, një rritje me mbi 5 pikë përqindje, ndërsa Durrësi ka ruajtur ritmin pozitiv, duke kaluar nga 9.2% në 10%.
Të gjitha qarqet e tjera kanë shënuar rënie të kontributit ekonomik duke përfshirë edhe Elbasanin nga 7.4% në 2014 në 6.7% në 2021.
Në krahun tjetër, rënie të dukshme kanë pësuar disa qarqe tradicionale industriale dhe bujqësore. Fieri kryeson me humbje mbi 2.5 pikë përqindje, duke zbritur nga 13.5% në vitin 2014 në vetëm 10.8% në vitin 2024.
Reduktim kanë pësuar gjithashtu Dibra, Lezha dhe Shkodra, të cilat kanë humbur një pjesë të kontributit të tyre në ekonomi. Edhe Korça, e njohur për traditën bujqësore dhe agropërpunuese dhe turizmin, ka rënë lehtë nga 5.75% në 5.22% ndërmjet 2014 – 2021.
Ndërkohë, qarqe si Kukësi, Gjirokastra dhe Vlora kanë mbetur me peshë të kufizuar në strukturën kombëtare, duke shfaqur një tendencë stanjacioni ose tkurrjeje të lehtë.
Struktura e PBB-së sipas qarqeve reflekton lëvizjet demografike që kanë ndodhur në vend gjatë dhjetë viteve të fundit. Rritja e ndjeshme e Tiranës dhe Durrësit lidhet drejtpërdrejt me përqendrimin e popullsisë në këto zona.
Ky fluks ka shtuar konsumin, investimet private dhe zhvillim të ndërtimit duke rritur automatikisht edhe peshën e këtyre dy qarqeve në ekonominë kombëtare.
Në të kundërt, qarqe si Fieri, Dibra, Lezha, Shkodra apo Korça kanë përjetuar emigracion të lartë dhe zbrazje të popullsisë, sidomos të të rinjve. Humbja e fuqisë punëtore dhe plakja e popullsisë kanë dobësuar aftësinë prodhuese dhe kanë ulur kërkesën e brendshme, duke sjellë rënie të peshës së tyre në PBB.
Në zona si Gjirokastra apo Kukësi, ky efekt është edhe më i dukshëm, pasi ekonomitë lokale mbështeten kryesisht në bujqësi ose remitanca, pa arritur të krijojnë motorë të qëndrueshëm zhvillimi.
Zhvillimet ekonomike në vend kanë thelluar pabarazitë rajonale me premisa që ky trend të thellohet më tej në vitet në vijim. Por anëtarësimi në BE i kushton shumë rëndësi kohezionit social dhe rajonal, duke u fokusuar te politika që synojnë zhvillimin e njëtrajtshëm të Rajoneve.
Qeverisja me Rajone, një zgjidhje për Shqipërinë
Modeli më i përshtatshëm i nivelit të dytë të qeverisjes do të ishte një model rajonal i thjeshtë, i bazuar te vlerat tradicionale – thotë Agron Haxhimali, ekspert për çështjet vendore. Sipas tij, thelbi nuk është te numri i rajoneve, por te mënyra se si ato do të zgjidhen dhe çfarë kompetencash do të ushtrojnë.
Rajonet duhet të kenë këshilla të zgjedhur dhe përgjegjësi të qarta në zhvillimin ekonomik, planifikimin territorial, transportin, shëndetësinë rajonale dhe sidomos në menaxhimin e fondeve të BE-së, tha z. Haxhimali. Ky nivel qeverisjeje do të shmangte burokracinë e panevojshme, por do të sillte kapacitete të reja që sot bashkitë nuk i përballojnë dot vetëm, si p.sh. ndërtimi i infrastrukturës ndërbashkiake, menaxhimi i mbetjeve, zhvillimi i turizmit rajonal apo arsimi profesional, tha ai.
Duke vënë në funksion qeverisjen rajonale (NUT- 2) Shqipëria do të fitonte një qeverisje më pranë qytetarëve, më efikase për tërheqjen e fondeve, më të balancuar në zhvillim dhe një hap konkret drejt përmbushjes së kapitullit 22 të negociatave me BE-në.
Në Bashkimin Europian, ky nivel i ndarjes me rajone (NUTS 2) zakonisht përputhet me njësi administrative të mirëfillta që menaxhojnë fonde të mëdha zhvillimi dhe politika sektoriale. Italia, për shembull, ka rajonet e saj me autonomi të gjerë si Lombardia apo Lazio, të cilat zotërojnë institucione të zgjedhura dhe kryejnë funksione. Polonia ka 16 rajone të cilat i ka bërë përgjegjëse për administrimin e fondeve strukturore, ndërsa Rumania i ka organizuar tetë rajone ( NUTS 2) si njësi ndërmjetëse për menaxhimin e zhvillimit, pa u dhënë megjithatë pushtet politik të plotë.
Në këtë këndvështrim, Shqipëria ndodhet përpara një zgjedhjeje strategjike. Me një popullsi që sipas INSTAT në vitin 2025 ka rënë në rreth 2.37 milionë banorë, ndarja aktuale me 61 bashki dhe 12 qarqe duket e mbingarkuar dhe e fragmentuar.
Krijimi i rajoneve administrative në përputhje me NUTS 2 me dy ose tre rajone do të thjeshtonte hartën e qeverisjes vendore dhe do t’i jepte vendit një nivel të mesëm organizimi më funksional, tha Selami Xhepa.
Këto rajone mund të marrin kompetenca në menaxhimin e fondeve të BE-së, në hartimin e planeve të zhvillimit ekonomik dhe infrastrukturor, në koordinimin e politikave të arsimit dhe shëndetësisë duke i afruar standardet e qeverisjes me praktikat europiane.
Një hap i tillë do të kërkonte reformë kushtetuese dhe rishikim të financave publike. Do të duhej të përcaktohej qartë se cilat burime fiskale kalojnë në nivelin rajonal dhe si do të ndahet pushteti mes qeverisë qendrore, rajoneve dhe bashkive.
Sfida politike nuk është e vogël, sepse krijimi i rajoneve administrative mund të shihet edhe si transferim pushteti nga qendra te njësi më të mëdha territoriale që mund të ushtrojnë peshë politike të ndjeshme.
Rajonet administrative do të mund të thithnin më shumë fonde të BE-së, do të hartonin politika të diferencuara sipas nevojave specifike të Veriut, Qendrës dhe Jugut dhe do të garantonin përfaqësim më të drejtpërdrejtë në strukturat e BE-së, përfshirë Komitetin e Rajoneve.
Nëse kjo reformë realizohet me kujdes, Shqipëria do të kishte një sistem qeverisjeje më të thjeshtë, më funksional dhe më të përafërt me standardet e unionit./Monitor
Kushtetuesja vendosi që ta rikthente në detyrë Ballukun deri në shqyrtimin e kërkesës më 22 janar, një seancë e cila do të jetë publike.
Por çfarë mund të bëjë SPAK? Gazetarja Klodiana Lala tha se ky vendim i Gjykatës Kushtetuese nuk e prek hetimin e Prokurorisë së Posaçme. Megjithatë pritet të shihet lëvizja që mund të ndërmarrë Prokuroria, nëse do të shkojë më tej me një masë më të ashpër si ajo e arrestit shtëpiak apo të arrestit në burg, për të cilën do të duhet që të kërkojë autorizimin nga Kuvendi.
“Mund t’i drejtohet komisionit të Mandateve dhe të kërkojë autorizim për masa të tjera ndaj Ballukut. Por për arrest shtëpiak, me burg apo kontroll banese do të duhet të merret autorizim nga Kuvendi. Mbetet në fuqi ndalimi i daljes jashtë vendit. Gjykata Kushtetuese nuk mund të shprehet për këtë se kryeministri nuk ka ngritur asnjë pretendim në lidhje me këtë pjesë.”, tha Lala. gsh
Çmimet e larta janë çështja më shqetësuese ekonomike e shqiptarëve sipas rezultateve të Barometrit të Ballkanit 2025 të publikuar së fundmit nga Këshilli i Bashkëpunimit Rajonal.
Për 72 për qind të shqiptarëve rritja e çmimeve janë problemi më madhor, niveli më i lartë në Rajon, pas Kosovës ku për 77 % të qytetarëve atje çmimet janë një problem shqetësues.
Sipas KRB në vitin 2025, rritja e çmimeve dhe inflacioni vazhdojnë të kryesojnë listën e shqetësimeve publike, të përmendura nga 66% e të anketuarve, një rritje e lehtë nga 64% në vitin 20241. Situata e përgjithshme ekonomike mbetet çështja e dytë më e përmendur me 44%, duke shënuar një rënie graduale nga 45% në vitin 2024 dhe 47% në vitin 2023. Korrupsioni shihet ende si një sfidë kryesore, e identifikuar nga 35% e qytetarëve në vitin 2025, krahasuar me 36% në vitin 2024 dhe 27% në vitin 2023.
Qytetarët në të gjithë vendet e Ballkanit Perëndimor (ËB6) vazhdojnë ta shohin bashkëpunimin rajonal si një nxitës të fuqishëm të progresit.
Barometri më i fundit tregon se pothuajse gjysma e të anketuarve në të gjithë ËB6 tani i kushtojnë më shumë rëndësi asaj që e bashkon rajonin sesa asaj që e dallon atë, ndërsa vetëm rreth 14% përqendrohen më shumë te përçarjet dhe afërsisht një e treta mbeten neutralë.
Në vitin 2025, mosbesimi historik dhe politika nacionaliste vazhdojnë të shihen si pengesat kryesore për bashkëpunimin rajonal midis 6 vendeve të Rajonit.
Mbështetja për anëtarësimin në BE është rritur në të gjithë BP6-ën, duke arritur në 64% në përgjithësi krahasuar me 54% në vitin 2024. Shqipëria (86%) dhe Kosova* (78%) tregojnë mbështetjen më të fortë. Edhe vendet e tjera të BP6-ës shënojnë rritje të dukshme, duke reflektuar një optimizëm në rritje rreth integrimit në BE në rajon.
Mbështetja për anëtarësimin në BE në BP6 është në nivelin më të lartë në një dekadë, duke u rritur nga 39% në vitin 2016 në 64% në vitin 2025. Gjatë së njëjtës periudhë, pjesa e atyre që e konsiderojnë anëtarësimin në BE ”të keq” ka rënë nga 20% në vetëm 9%, duke sinjalizuar një optimizëm në rritje dhe një rënie të skepticizmit ndaj integrimit evropian.
Pritjet për anëtarësimin në BE në BP janë bërë pak më optimiste në vitin 2025. Një pjesë gjithnjë e në rritje e të anketuarve tani perceptojnë se anëtarësimi mund të ndodhë deri në vitin 2030 (26%, nga 20% në vitin 2024) ose deri në vitin 2035 (25%, nga 23%).
Në të njëjtën kohë, më pak njerëz presin që kjo të ndodhë pas vitit 2040 (9%, nga 11%) ose besojnë se nuk do të ndodhë kurrë (17%, nga 18%), ndërsa pikëpamjet se anëtarësimi do të ndodhë rreth vitit 2040 mbeten përgjithësisht të qëndrueshme (13% kundrejt 14%).
Qytetarët n e 6 vendeve e lidhin gjithnjë e më shumë anëtarësimin në BE me përfitime, veçanërisht fitimet ekonomike dhe lëvizshmërinë. Prosperiteti ekonomik mbetet pritja kryesore, e përmendur nga 47% e të anketuarve (nga 43% në vitin 2024), e ndjekur nga liria për të udhëtuar, e cila është rritur në 36% (nga 27% në vitin 2024). Liria për të studiuar dhe punuar në BE, si dhe paqja dhe stabiliteti i qëndrueshëm, përmenden secila nga 28% e të anketuarve (krahasuar me 35% dhe 27% përkatësisht në vitin 2024).
Në vitin 2025, qytetarët në 6 vendet e Perëndimit raportojnë një rritje në përdorimin e shërbimeve digjitale krahasuar me vitin 2024. Sipas perceptimeve publike, blerjet online (44% kundrejt 36%) dhe shërbimet bankare online (37% kundrejt 31%) mbeten shërbimet më të përdorura, duke nënvizuar rolin në rritje të mjeteve digjiitale në jetën e përditshme.
Përqindja e të anketuarve që thonë se përdorin inteligjencën artificiale është pothuajse trefishuar (29% kundrejt 10%), ndërsa ata që raportojnë përdorimin e transmetimit të videos janë rritur gjithashtu (26% kundrejt 21%), duke treguar një ppanoramë digjital që po diversifikohet me shpejtësi. Në të kundërt, përdorimi i perceptuar i shërbimeve të qeverisjes elektronike ka mbetur përgjithësisht i qëndrueshëm (19% kundrejt 20%).
Perceptimet publike për rreziqet e lidhura me krimet në internet kanë rënë (40% kundrejt 46%). Shqetësimi për sigurinë e pagesave online ka rënë gjithashtu (26% kundrejt 30%).
Në vitin 2025, qytetarët në ËB6 tregojnë një ndërgjegjësim më të lartë për sfidat mjedisore në komunitetet e tyre lokale, veçanërisht ato që lidhen me ndotjen. Ndotja e ajrit përmendet më shpesh (61%, nga 57% në vitin 2024), ndërsa shqetësimi për ndotjen e ujit është rritur gjithashtu (52% kundrejt 43%), e ndjekur nga ndotja e tokës (44% kundrejt 38%).
Në të gjithë BP6-ën, qytetarët shprehin nivele relativisht më të larta besimi në disa institucione kyçe. Organizatat fetare shihen më pozitivisht, me 69% të të anketuarve që raportojnë ‘mjaft’ ose ‘shumë’ besim, të ndjekura nga forcat e armatosura (62%) dhe Bashkimi Evropian (60%).
Në të njëjtën kohë, opinioni publik mbetet kritik ndaj institucioneve kryesore politike vendase. Partitë politike tërheqin nivelet më të larta të mosbesimit, me 77% që shprehin pak ose aspak besim, të ndjekura nga parlamentet (70%) dhe mediat sociale (69%).
Në vitin 2025, të rinjtë në BP6 (mosha 18-24 vjeç) shprehin besim të përtërirë në përfitimet e anëtarësimit në BE. Pas një rënieje graduale nga 70% në vitin 2021 në 59% në vitin 2024, pjesa e të rinjve që e shohin anëtarësimin në BE si të mirë për ekonominë është rritur në 71%, duke arritur nivelin më të lartë në pesë vjet dhe duke sinjalizuar një ringjallje të fortë të optimizmit në lidhje me integrimin.
Të rinjtë i shohin çmimet në rritje/inflacionin (58%), situatën ekonomike (37%) dhe korrupsionin (36%) si sfidat kryesore ekonomike, ndërsa i japin më shumë peshë se popullsia e përgjithshme ikjes së trurit/emigrimit (28%) dhe cilësisë së arsimit (20%). Papunësia (27%) mbetet një shqetësim kryesor, ngjashëm me popullsinë e përgjithshme (25%)./Monitor
Endri Shabani do të jetë Avokati i ri i Popullit dhe do të zëvendësojë Erinda Ballancën, e cila 3 vitet e fundit ishte me mandat të mbaruar.
Pasi u zgjodh pas një seance maratonë (11 dhjetor) me 85 vota pro, të ardhura nga socialistët dhe socialdemokratët, Shabani ka reaguar për herë të parë në rrjetet sociale.
Teksa falenderon mazhorancën për votat që i dhanë, nga ana tjetër Shabani nuk lë pa përmendur opozitën, e cila fillimisht i dha votat për kandidaturë, por që më pas u tërhoq nga kandidatura e tij.
Shabani shprehet i befasuar lidhur me ndryshimin e qëndrimit të opozitës karshi kandidaturës së tij. Sakaq ai falenderon 35 deputetët e opozitës, të cilët me firmat e tyre i dhanë mundësinë të kandidojë për postin e Avokatit të Popullit.
“Mbrëmë mora kandidaturën time si Avokat i Popullit një votëbesim sa të rëndësishëm dhe personalisht prekës, aq edhe surprizues për nga dinamika e zhvillimit në sallën e Kuvendit. Mbetem akoma i befasuar me deputetët e opozitës, të cilët fillimisht më inkurajuan me dashamirësi, më dhanë firmat e tyre sipas ligjit dhe më uruan sukses, por më pas vendosën ta braktisnin kandidaturën time a thua se nuk ishte e tyrja.
Nga ana tjetër, deputetët e mazhorancës, fillimisht refuzuan të më jepnin qoftë edhe një firmë, megjithëse disa prej tyre i kam miq, me argumentin se PS nuk do të hynte në këtë punë të opozitës, por në momentin final më votuan që të gjithë, madje me votë të fshehtë, duke më besuar detyrën e Avokatit të Popullit. E gjithë kjo dinamikë ishte diçka që s’do ta besoja dot po të ma tregonin më parë dhe nuk e lija dot pa e shënuar.
Megjithatë, me keqardhje për vijën e pakuptueshme të partisë së tyre, dua t’i falënderoj sinqerisht 35 deputetët e opozitës, të cilët me firmat e tyre më dhanë mundësi të kandidoj për këtë funksion kushtetues. I siguroj se nuk do t’u jap arsye për të menduar ndonjëherë se bënë gabim që më mbështetën në fillim apo se bënë gjënë e duhur që nuk më votuan në fund”, shkruan Shabani.
Ndër të tjera ai thekson se vota e mazhorancës ishte një akt pjekurie politike për të zgjidhur ngërçin e stërzgjatur të institucionit dhe hedhur një hap domethënës për procesin e negociatave.
“Gjithashtu, nuk mund të mos i falënderoj po aq sinqerisht deputetët e mazhorancës, pavarësisht se jam i vetëdijshëm që, më shumë se për mua, vota e tyre ishte një akt pjekurie politike për të zgjidhur ngërçin e stërzgjatur të institucionit dhe hedhur një hap domethënës për procesin e negociatave, ku ky ngërç shënohej si detyrë e pakryer shtëpie.
Dua të vlerësoj në veçanti faktin që duke më dhënë votën, deputetët e mazhorancës i dhanë përparësi si skuadër funksionimit të shtetit, dhe kapërcyen njerëzisht faktin që unë, si aktivist i angazhuar në radhët e opozitës, kam bërë dhe thënë gjëra për të cilat me siguri nuk iu ka ardhur mirë. U shpreh respekt për nivelin dallueshëm më të lartë politik dhe i siguroj se në kryerjen e kësaj detyre të rëndësishme do të bëj më të mirën për të gëzuar respektin e të gjithëve. Faleminderit!”, përfundon ai.
Demokratët që kishin mbështetur me firma 6 kandidatë, por më pas deklaruan tërheqjen nga nënshkrimet, që në fillim të seancës në mëngjesin e djeshëm kërkuan heqjen nga rendi i ditës të zgjedhjes së Avokatit të të Popullit.
Ekonomia e vendit u zgjerua me 3.5 për qind në tremujorin e dytë të këtij viti, por të dhënat e fundit nga anketa e INSTAT tregojnë se në qershor-shtator numri i të punësuarve në grup-moshën 15-64 vjeç ra me 19,561 persona në krahasim me të njëjtën periudhe të 2024.
Teksa punësimi ra, papunësia mbeti në vend-numëro e pandryshuar në krahasim me një vit më parë, duke sinjalizuar se, problemet kryesore lidhen jo me rritjen e personave që kërkojnë punë, por me tkurrjen e vetë forcës së punës.
Rënia e shpejtë e popullsisë po e bën të palexueshëm faktin se sa vende pune po hapen realisht nga zhvillimi ekonomik.
Duke analizuar të dhënat sipas grup-moshave shihet tkurrja më e fortë e numrit të të punësuarve është tek të rinjtë 15–29 vjeç mbi 11 mijë persona më pak të punësuar se një vit më parë.
Ky grup është ai që kontribuon më shumë në uljen e përgjithshme të punësimit dhe pasqyron se emigracioni i të rinjve vazhdon me ritme të larta. Edhe grup-mosha 30–64 vjeç ka pësuar rënie me mbi 8,500 persona, çka sugjeron se jo vetëm të rinjtë, por edhe punonjësit me eksperiencë po largohen nga tregu i punës, shpesh drejt emigracionit.
Krahas efektit demografik punësimi po ndikohet nga kriza që ka përfshirë sektorët me intensitet të lartë pune të tilla si industria dhe bujqësia. Shumë biznese, veçanërisht në sektorët që punësojnë numër të madh punonjësish si prodhimi fason po shkurton punonjës për shkak të falimenteve që po vijnë nga rënia e kërkesës në tregjet ndërkombëtare dhe humbjet e kursit të këmbimit.
Nga ana tjetër nën-sektorët e ndërtimit, shërbimet dhe aktivitetet sezonale kanë ulur ritmet e rekrutimeve për shkak të kostove në rritje dhe presionit të pagave.
Zhvillimet demografike mbeten problematike. Popullsia në moshë pune po zvogëlohet, numri i të rinjve që hyjnë në treg vazhdon të bjerë, ndërsa emigracioni mbetet i lartë.
Në një treg pune me më pak ofertë punonjësish, ulja e punësimit reflekton tkurrje të fuqisë punëtore. Në tremujorin e tretë 2025 forca e punës në moshën 15-64 vjeç ishte 1,150,656 persona ose 20,344 persona më pak se në të njëjtën periudhe të një viti më parë, me tkurrje -1.7%.
Në vendet e zhvilluara ulja e punësimit sjell automatikisht rritje të papunësisë, por në Shqipëri një pjesë e atyre që humbin vendin e punës nuk regjistrohen si të papunë sepse janë të gatshëm të largohen jashtë vendit, ose zgjedhin të mos jenë aktivë në treg deri sa të gjejnë kushte më të favorshme./ Monitor
Adriatik Lapaj vazhdon te protestoje tek kryeministria.Nga rrjeti coacial shkruan:
Kreu i “Shqipëria Bëhet” komentoi edhe kandidaturen e Endrit Shabanit per kreun e Avokatit te Popollit:
“Personalisht për mua është një ditë krenarie e madhe, pse do të thoni ju? Sepse tërë këto muaj, më është dashur që të mbaj mbi supe tradhtinë e një njeriu 5 lekësh, që sot po dëshmohet në Parlament se ishte shërbëtor i Edi Ramës.
Sot në Parlament po luhet një akt i turpshëm, po garantohet që të shpërblehet tradhtari i kauzës, i cili ka qenë në në fillim me atë qëllim”, tha Lapaj.
Kujtojmë që Lapaj dhe Shabani ishin aleatë në zgjedhjet e 11 majit, por dyshja pësoi një krisje të fortë në shtator, pasi daja i Shabanit, tentoi të marrë mandatin e Lapajt.
Me zjarr diskutimesh, deputetët e PD-së kërkuan që të hiqej nga lista emri i Endri Shabanit, i cili bashkë me pesë të tjerë, është propozuar për tu zgjedhur në krye të institucionit të Avokatit të Popullit. Çdo fjalë e thënë opozitare ishte një shfaqje tallëse, jo në raport me kundërshtarin politik, por me mbështetësit e saj.
Opozita minimalisht sot në Parlament kohën e diskutimeve duhet ta kishte shfrytëzuar për të kërkuar një ndjesë të madhe publike, sesi me ndërgjegje të plotë, u bë pjesë e kësaj skeme të cilën publikisht tentojnë ta zhbëjnë.
Fakti është që Endri Shabani, deri pak javë më parë drejtues i Partisë Nisma Thurje, një kritik i madh i opozinës dhe mbrojtës i butë i mazhorancës, mblodhi plot 35 firma mbështetesë pikërisht nga deputetët e PD-së, që sot thonë se tërhiqen nga mbështetja. Asnjë vlerë juridike, e mbi të gjitha një hendek i madh të moralit politik të opozitës, e cila tashmë noton në ujërat e ndotura që e mbushi vetë në kazanin e pushtetit.
“…ne tërhoqëm firmat. Dhe ju vazhdoni tani, sepse ju e dini se Lepuri i Surrelit (shënim: i referohet Endri Shabanit), nuk merr dot asnjë firmë. Jo, nuk i merr dot”, tha kryetari i PD-së Sali Berisha.
Po çfarë vlere ka tërheqja në një kohë kur gjithë kjo skemë e rëndë zhbëri një proces normal, ku opozita mund të dilte me një emër të saj?! Ajo u tall keq edhe me pesë kandidatët e tjerë të cilët u “përzgjodhën” bashkë me “xholin” Shabani. Tashmë pesë të përzgjedhurit e tjerë; Ardiana Kalaja, Aranita Brahja, Besim Ndregjoni, Skënder Haluca dhe Tartar Bazaj, për turpin e opozitës parlamentare janë thjesht dekor i emrit Endri Shabani. Në të vërtetë “Lepuri i Surrelit”, fjeti me jo pak, por 35 deputetë të PD-së. Tani zoti Berisha êshtë koha të hapni krahun nëse sju dëgjojnë dhe ju kanë dalë nga kontrrolli ose të kërkoni falje i pari nëse ju kanë dalë nga kontrrolli pa leje. Zakonisht stë dalin nga kontrrolli pa leje as Gaz Bardhi as Flamuri, as Alimehmeti dhe as Saliani, thjesht bëjnë sikur.
“Babanë e vranë pas shpine shokët e tij partizanë, po ashtu edhe vëllanë tim ushtarak”- Dëshmia e rrallë e Limoz Dizdarit: E detyruan të vriste një deputet që do arratisej më ’63…
A BIG DAY FOR KOSOVA IN THE U.S. CONGRESS- By Agim Aliçkaj
Sonila Bejtja, gruaja e Andi Bejtjas, pronari i SyriTV ishte gjykatesja e Kushtetueses qe votoi pro Belinda Ballukut
E papranueshme që grupi parlamentar i PD-së të shërbej si “fermë surrogacie” Nga Bislim Ahmetaj
CIKEL POEZISH NGA EDUARD M. DILO
A ia vlen të pres dhe pak… Superstruktura e diktaturë-tranzicionit – i mban peng shqiptarët dhe Shqipërinë Esse nga Elida Buçpapaj
The Telegraph: Militantët serbë po luftojnë për Putinin në Ukrainë me shpresën se do të ndihmohen në Ballkan, rreziku për të nxitur një tjetër luftë në rajon
Serbia pezullon hetimet kundër ish-policit kosovar Arbnor Spahiu
Sulmi vdekjeprurës në Sydney- Arrijnë në 1 milion dollarë dhurimet për heroin 43-vjeçar që çarmatosi sulmuesin
Dita e dytë e negociatave SHBA-Ukrainë pas pesë orësh diskutime në Berlin
U shpëtoi jetën dhjetëra personave në Sydney, kush është Ahmed al Ahmed, shitësi 43-vjeçar që çarmatosi autorin!
Adriatik Lapaj: “Dita e 7 përballë Edi Ramës Çdo ditë u pres në orën 18.00 te sheshi Kryeministrisë. Edi Rama jep dorëheqjen!”
Rri atje ku je moj nuse se te pasksa ra per shrati rrugeve te botes me sa duket.
Dhe mos u merokos se po i bjen kujt ndermend se “na ishre se c’na ishte na ishte nje here nje valltare…”.
Nuk na the si po e siguron jeten atje ku jetoke…? Por ama fol drejte sic po flet per atdheun.
…prapa diellit qe te jesh edhe me e relaksuar zonje!!!
Mos spekullo me Vacen… se nuk i vjen as tek gishti i kembes
Nuk thua ku jeton qe te themi se si eshte..
Ne cdo vend ka gjera te mira dhe te keqia, ne shume vende , biles dhe ne Amerike e gjermani te thone mos leviz prane stacionit te trenit pas ores 10 te darkes ose mos shko ne filan vend e ne filan vend..
E dime qe jemi te varfer, por na lini te kenaqemi sepse ju prandaj iket
Nuk flitet keshtu. Linda Kalemi eshte valltare e Ansamblit te Kengeve dhe Valleve. Ka krijuar emrin e saj si Artiste. Dhe eshte nje Zonje e nderuar. Ka shume te drejte kur e permend Vaçen.
Sa mire e ke thene moj vajze Edhe pse ste njoh.Jetova 27 vjet ne kete vend nuk u trajotva kure ashtu sic na trajtojne aty ku jetojme.Shkova ne zyren e gjendjes civile punonjesia fliste ne tel cellular duke i lene njerezit ne rradhe Pse??? Nga injoranca arroganca etj.Sikur te mos ishte per njerezit qe dua sdo te vija me.Nuk do shtoja as nje pike apo presje nga ato qe ka thene kjo zonja.Kam dy muaj mesi pres te iki.
Ohu sa e sa here kemi pare provuar pa mbarim po sado valltare degjuar te jesh shiko keto gjera ne vendin tone nuk mbarojne menjehere po jap nje she bull kur limo po doli nga shtrati dhe beri deme te medha dhe nga goja e nje plaku degjova une e dua shume akoma kete lime
Po shtohen per dite maskarenjte e maskareshat qe na shajne atdheun.
Atdheu me te mirat e te keqiajt e tij. ..mbetet atdhe.
C’jane keta artist qe nese nuk ju plotesua nje teke. ..nje ender e jetes. ..pergojojne atdheun.
Ai qe e do me zemer atdheun ka mall edhe per rruget plot balte te tij…edhe per njerzit e varfer. ..ka mall e dashuri per cdo gje shqiptare. ..
Nuk di ku banon kjo shoqe….
Por une sa her qe vij ne tirane e gjej te bukur dhe te paster.Co gje do kohe dhe pune per te ndryshuar.
Shifi pe mak miresi gjeret.Perpiqu te shofesh anet pozitive se ka plot ai vend mos u kap me gjerat negative. Me shume respekt!!
E dhimshme po shume e vertete.
linda nuk shan atdheun nuk shan popullin por duhet ta mendoni thelle ajo shan ate pjese te njerezve qe per pak kohe u bene milarder qe qeverisin me doreza per te mos lene gjurme ne……..
Nuk e di pse e ka nxire Linda ne kete derexhe Tiranen….une kur isha para nje vite me pelqeu shume : me ra ne sy pastertia,sherbimi ne lolale dhe as goma nuk na u cpuan dhe kenaqeshim qe degjonim shqip rreth e rrotull….nuk e di ne cfare lagje ka shkuar Linda,por kudo ne bote ndodhin Gjera jo te kendshme….kur shikon per te marre apartment, Gjeja e pare shifet lagja ,perberja e banoreve etj
..me vjen keq
C” fare ju pickoi the gjithe ju we u ngritet kunder kesaj zonje .Tha nje the vertet te madhe se I tille ka mbetur ky vend ,ne pisllek,ne mizerie ,me varferi .Pse s”ngriheni the pakten me fjale the bashkoheni per nje jete me te mire
Paradoksale të dëgjosh këto lloj artistësh,që sigurisht kanë vlerat e tyre për çfarë kanë bërë,por ti dëgjosh të flasin me këtë gjuhë për vendin e tyre duke nxjerrë në pah vetëm anën negative ashtu siç egziston në çdo vend të rruzullit,kjo është e pa pranueshme.Pse moj zonjë e nderuar nuk flet për gjërat e mira që ka ky vend që edhe ato “bashkëqytetarët” tuaj të rinjë që ndoshta të kanë bërë më të pasur nga ekonomia por të kanë varfëruar në shpirtë, të kenë mundësi t’a vizitojnë këtë vend që e ka bekuar Zoti me gjithçka që ka,përjashtuar ju që jepni leksione të paguara nga larg.
Si ka mundësi që s’i pëlqen askujt e vërteta…??!!!
Keq eshte, por per ne qe jemi rritur aty eshte nje nostalgji dhe mall qe nuke i veme re aq shume te keqiat .Kur vete per qef behet qef ne cdo vend te botes,per hall , aty sju jane zgidhur hallet atyre qe rrojne aty te te zgjidhen ty . Ndaj mendim te ndryshem me zonjen ,kam bredhur neper shume vende te botes , por nuke me ndodh asnjehere qe nje nate para mos me zere gjumi ,kjo me ndodh vetem kur nisem per ne shqiperi, kjo eshte arsyeja pse vihet ne shqiperi .EMOCIONI .Dhe une qe ju flas nuk eshte se jam ndonje patriot i madh dhe ky emocion ,mall nuk eshte detyrimisht i lidhur me shqiperin, eshte i lidhur me ty, mbase eshte mall per vehten tende ,per ate pjes te jetes tende per rinin tende per vallen tende……etc Njerezit ofendohen kur ju shajne vendin ,jam i bindur keshtu do ofendoheshe dhe ti po ta shanin vendin e origjines aty ku jeton, eshte e hidhur kur te shajne te huajt dhe ti per ata njerez aty je pak e huaj . nu jeton aty,nuk ha aty ,nuk punon aty.Degjo mua shko me mendje tjeter heres tjeter dhe ke per tu kenaqur ne cdo vend te botes njerezit kenaqen kur ju lavderon vendin, shtepin makinen dhe cdo gje te tyren keshtu je dhe ti !
Dikur burri jetonte me trendin e bytheve të forta dhe I shtrëngonte fort që kush mos ja cenonte. Po shkrimet e ditës sotme, provojnë që disa shqiptarë muti, e fatkeqësisht artistë, bythën e paskan vu në treg me kohë dhe ‘ti Shqipërisë më jep nder, më jep e nine shqiptar’ i çnderoka këtë bastarde!
Shqiperia vazhdon te kaloje neper transicionin me te gjate nga vendet e bllokut lindor. Dhe nuk i shihet fundi askund! U bene 27 vjet! Krejt cka thote zonja jane te verteta e nga dhimbja.
Çudi me keto delet e perendise! Te hidhen si macet per çobanin! I pafshi hajrin, por mos shani intelektualet, qe duan t’ju mbrojne. Cili prej ju komentuesve e gjen te shtruar ne çdo segment te administrates tone militante? Bashkohuni me intelektualet qe grejne zerin per te miren e te ardhmen e femijeve tuaj, ne se jeni qytetare te vertete, ne se jeni komentare te paguar per te mbrojtur mbretin, vazhdoni bini rrangalles tuaj te vjeter per armiqte e partise dhe udheheqesit…
Po nje gje te bukur nuk.gjete ne Atdhe moj goce??Ruga e mbare te qofte
Te shashe per atdheun tende dhe per popullin tende eshte injorance keta artista pse u largusn nga vendi pse nuk ndenjen ta rregullonin vendin po brredhin botes si njerez te medhenje e te zgjuar
Une qesh ne Shqiperi per 3 jave e sa jemi kthyer para 2 ditesh. Jam kenaqur tej mase shume. Ndryshime shume te medha per me mire. Vajta ne Jug e Veri. Si bukuri nuk ka vend me te bukur se Shqiperia. Ushqimi I persosur! Njerezit te dashur! Ne Jug ne Sarande e Gjirokaster shume te huaj per Turizm. Gjithashtu e ne Durres. Ne jemi kenaqur tej mase shume. Femijet e mi 9 e 11 vjec duan te vin cdo vit ne Shqiperi. Cdo vend ka te vetat po ndryshimi ne Shqiperi eshte kolosal per me mire.
O vend me te bukur se nena Shqiperi nuk ka ne bot vend qe te jep dashuri mikpritje si nena shqiperi nuk ka por diqka mungon ai esht ligji per pushtetart vetem kjo i mungon nan Shqiperis ju pershendes te gjithve duajeni atdheun kudo qe jeni
Nuk me qudit qfar ka thëne ajo goca ka SHUM te drejt me nji ane Por problemi nuk ësht te memëdheu problemi ësht te qeveria DHE te disa persona qe fyejn ligjin e qeveria nuk zbaton ligjin. Un jetoi JASHT atëdheut ne ket rast ne Amerik por nji gje ësht e sigurt se po nuk zbaton ligjin kryetari I komunes me puntor te tij ai e ka te sigurt se NUK mund te rrij PRAP ne at karrige. Per SHQIPRI DHE per popullin shqiptar demokracin e perdhunojm se nuk e kuptojm Kurse diktatura ne na ban si popull I qytetruar KET e provuam para dy dekadave e u vertetuam se vetem me frig shqiptari din si te sillet si nji njeri I cilivizuar fatkeqsi! Por mëbij te gjitha te te kqiave Rroft SHQIPRIA DHE POPULLI SHQIPTAR.
Gjergji
Edhedielli do ta dijë
edhe hana do t’ketë pa
se përqark kësaj rrokllie
si Shqipria i’ vend nuk ka.
Gjergj Fishta
Arbri
Lexojeni, ju lutem, këtë poezi të poetit Ismail Kadare, zonjë apo zonjushë qofshi ju, Linda Kalemi;
lexojeni si bijë e shqipërisë ose edhe thjesht si një turiste dhe na thoni pastaj simqerisht
JU RRAHU APO NUK JU RRAHU ZEMRA?
ISMAIL KADARE
MALLI I SHQIPERISE
Me ka marre malli per Shqiperine tone.
Sonte,kur po kthehesha me trolejbuz,
Tymi i cigarit “Partizani”qe pinte dikush
Dridhej kalteronte,bente spirale,
Sikur te fshehta me thosh ne gjuhen e shqipetareve
Mua bashkatdhetarit.
Te shkoj dua mbremjes ne rruget e Tiranes,
Ku kam bere dikur ndonje marrezi,
Dhe ne rruget ku skam bere asnje marrezi.
Me njohin ato porta te vjetra te drunjta,
Inatin akoma do ma mbajne,
Koken do ma tundin,
Por une s’do ta marr per keq,
Se malli me ka marre.
Dhe t’eci rrugicave plot gjethe te thara,
Gjethe te thara,gjethe vjeshte,
Per te cilat krahasimet gjenden aq lehte.
Me ka marre malli per Shqiperine tone;
Per ate qiell te madh,te gjere e te thelle,
Per vrapin e kalter te dallgeve adriatike,
Per rete qe ne muzg si keshtjella digjen,
Per alpet flokebardha e mjekergjelbra,
Per netet e neilonta,qe nga flladet fergellojne,
Per mjegullat qe si indiane te kuq muzgjeve
shtegtojne
Per lokomotivat dhe kuajt,
Qe te djersitur avullojne e hungerojne,
Per qiparisat,kopete dhe varret
Malli me ka marre.
Malli me ka marre,
Per shqipetaret.
Me ka marre malli dhe se shpejti vi atje,
Duke fluturuar mbi mjegullat,si mbi deshira.
Sa i larget,aq edhe i dashur je,atdhe.
Aerodromi do te dridhet nga uturima,
Mjegulla do te rrije pezull mbi humnera.
Ata qe shpiken shpejtesine reaktive
Larg atdheut sigurisht do kene qene ndonjehere.
Arbri
Ai esht raliteti jon
Zonjusha apo zonja , mesa duket paska nostalgji ta shikonte Shqipërinë siç e la 27 vite më parë !
Mos vallë është rikthyer nga ndonjë planet tjetër ?
Mos vallë priste ti bënin elozhe njerëz të panjohur ?!
Zonjushë apo zonjë , shko andej nga ke ardhur se ne jemi mirë edhe pa ty .
I hidhur tregimi juaj por une besoj se ke perjetuar edhe gjana pozitive ne keto 27 dite, apo jo! Prandaj le te fokusohemi me shume ne ato pozitivet qe i marrim nga atdheu dhe ju siguroj qe gjanat negative do te zbehen. Vetem ne atdhe frymojme SHQIP!
Fatkeqesisht cfare eshte shkruar me lart eshte realitet. Per ne qe jetojme larg prej vitesh perhere e me e larget dhe e ftohte behet Tirana. perhere e me shume thellohet hendeku midis asaj qe duam dhe asaj qe gjejme ne vendin ku na ka rene koka. Jetesa ne vende te zhvilluara te ndryshon mentalitetin dhe te ben te kuptosh qe rrahja e gjoksit ‘ jam shqiptar’ nuk mjafton. Autorja sigurisht e do vendin e saj, por mbetet e zhgenjyer nga cfare gjen kur vjen atje. Ne vend te frazave fyese secili te mendoje te beje 1 cent pune qe gjerat te permiresohen.
Faleminderit Linda qe ne pak rreshta artistike u the atdhetareve shqipetare nje te vertete.
Me pelqeu shume ky shkrim.
Une kam qene nje here vjet pas 13 viteve, ndenja nje jave dhe mu duk vehtja futur ne nje thes me kalbesira dhe ere te keqe.
U largova me nje shije te keqe nga ai qe me ra per hise te quhet atdheu im.
Cfar artiste paska qene kjo linda,nje balerine e pa shquar,ka ikur ne greqi mbas divorcit me burin ne fillimet e demokracise,u mor me pas me fiskulture……dhe tani po na tregon neve qe jetojme ne Tirane dhe i njohim mire kushtet se ketu gjithcka nxin.Vazhdo bej jeten tende aty ku je dhe mos na bej moral ne .
…nuk ka njerez me te poshter dhe poshtersia e tyre arrin kulmin kur shajne dhe poshterojne atdheun e tyre…kjo tregon se keto njerez nuk kane asnjehere njerez te mire…edhe pse mun te kene njerez te njohur apo publik…beni mire mos te vini me sepse atdheu nuk ka nevoje per ju…po ju keni nevoje per atdheun…
Provoni ti hpni kufijte shqipres dhe do shikoni se sa te verteta jane fjalet e lindes,as nje kembe shqiptari nuk ngel ne shqiperi.
Nuk bëhet Shqipëria duke u kthyer për një vizitë e pastaj duke ikur tu e sharë, Shqipëria bëhet duke u kthyer e investuar gjithçka të mirë që ke përfituar nga ai vend që ke emigruar. ..
Une sapo jam kthyer nga pushimet. Qendrova me pushime nje muaj por te them te drejten ndjeva kenaaqesi te madhe, ate kenaqesi qe se gjen dot ne sanje vend tjeter vec ne vendlindje. Mendoj se shume gjera jane bere dhe shume te tjera do te behen dhe per kete une kam shprese.
GURI i rende ne vendin e vet asht thenie qe nuk mohohet, por fatkeqesia e Shqiptarit asht ai njeriu yne i ri dhurata e vyer e PARTISE po imponon cdo njeri te largohet,te rrevoltohet e te rrebelohet.Si LINDA ka edhe te tjere qe shprehen nga dyzimi shpirteror; se si vendi yt nuk ka…… Une per vehte jetoj jashte por gjindem mes thenies qe; JASHTE NUK RRIHET dhe ne SHQIPERI NUK VIHET……. Pa e shiku rrealitetin ne sy ne kurre nuk e korrigjojme situaten ku gjindet SHQIPERIA COPE COPE E IMJA……
Nacionalizmi,karakterisike e vendeve te varfra e te lodhura nga skamja ,populluar me injorante .
Mos i ofendoni njerezit kur nuk i njifni o atdhetare mediash sociale.
Kapni thelbin e shkrimit, realiteti eshte i hidhur, por mos fantazoni sharje qe nuk jane thene.
Edhe po nuk bete kondrapedalin ne komente, s’ka gje, Partia nuk merzitet me ju o dele.
mos flisni kot.Mund te flasesh edhe ashtu edhe keshtu.Punoj fotograf .Disa kur u vdes babai vine dhe i zmadhojne shume fotografi.I adaptojne,i veshin me kostum sepse s kane asnje foto per te qene.Pse kujtohen keta njerz kur vdes ?! Keshtu jemi ne shqiptaret edhe me atdheun. E duam vetem per ta mbrojtur se mos na e pushtojne.Por sa eshte gjalle e vjedhim.E bejme pis,i hedhim plehra,e braktisim.Ne keshtu jemi.Pse merni zjarr kot.Pse s beni pyetjen e pare Cfare kam bere dhe beje une per atdheun ? Apo pres sa ta shaje ndonjeri dhe une ti versulem…
Shqiptar e shqipnise jan bythqim . Fund
Shqiperi moj te kam dhjere nuk me prite as nje here..Nga Faik Konica.
ç’komb ka jashteqiteje,dhe ti pjese e tij je.plere.
Nuk u kenaq njehere kjo se andej nga jeton nuk ka probleme.Keta njerez qe flasin keshtu vetem shqiptare nuk jane.
Shume Konstatim I sinqert, realitet I pa mohushem. Duam token qe na lindi, por jo mungesen e njerezve te pa qytetruar…
Shum bukur fjalet dhe ngjarjen qe ke shkruar po kujt i tregon cdo gje eshte ne vesh te shurdher.. kurse ata dhe ato qe gjoja te kritikojn jane servila nga pushtetit.. ke thene fjal te verteta me pike dhe presje..