Shqipëri

Arrestohet biznesmeni Elman Abule

Biznesmeni Elman Abule është arrestuar me urdhër të SPAK.

Ai më datë 9 janar 2025, u mor në pyetje katër orë nga ana e SPAK.

Mësohet se Abule është pyetur nga prokurorët si person në dijeni për çështjen në hetim ndaj kryebashkiakut të Tiranës, Erion Veliaj.

Pas dëshmisë, ai refuzoi të komentonte para mediave. Abule u pyet një ditë pasi SPAK mori dëshminë e bashkëshortes se tij Marisa Nito.

Elman Abule, që rezulton lidhje miqësore e kryebashkiakut Erion Veliajt është pyetur, sipas burimeve, lidhur me udhëtimet që ka patur me të jashtë vendit, si dhe me punët që ka marrë në Bashkinë e Tiranës. bw

SPAK njoftim zyrtar: Akuzat e Prokurorisë së Posaçme ndaj kryebashkiakut, Ajola Xoxës dhe 5 biznesmenëve

SPAK ka dalë me njoftim zyrtar në lidhje me arrestimin e kryetarit të Bashkisë së Tiranës Erion Veliaj. Sipas SPAK, Veliaj akuzohet për disa vepra penale. Ai dyshohet për “korrupsion” dhe “pastrim parash”.

Mësohet se Veliaj dhe bashkëshortja e tij Ajola Xoxa akuzohen për korrupsion pasiv në nëntë raste. Xoxa është nën akuzë për fshehje pasurie dhe pastrim parash.

Ndërsa, pesë biznesmenët e vendosur në masën e sigurisë “arrest shtëpie” akuzohen për veprën penale “Detyrim për t’u paraqitur në policinë gjyqësore”, parashikuar nga neni 234 i Kodit të Procedurës Penale.

Njoftimi i SPAK:

Prokuroria e Posaçme kundër Korrupsionit dhe Krimit të Organizuar ka regjistruar procedimin penal Nr. 27 të vitit 2024, që bën fjalë për veprat penale të “Korrupsioni pasiv i funksionarëve të lartë shtetërorë ose i të zgjedhurve vendorë”, “Korrupsioni aktiv i funksionarëve të lartë shtetërore ose të zgjedhurve vendorë”, “Pastrimi i produkteve të veprës penale ose veprimtarisë kriminale”, “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, “Deklaratat e rreme përpara oficerit të policisë gjyqësore” dhe “Veprime që pengojnë zbulimin e së vërtetës”, parashikuar nga neni 260, 245, 287/2, 257/a/2, 305/b e 301 i Kodit Penal.

Pas kryerjes së veprimeve hetimore, me kërkesë të Prokurorisë së Posaçme më datë 24.01.2025, Gjykata e Posaçme e Shkallës së Parë për Korrupsionin dhe Krimin e Organizuar me vendimin Nr. 7 Akti/datë 09.02.2025 ka vendosur:

Caktimin e masës së sigurimit personal me karakter shtrëngues “Arrest në burg”, parashikuar nga neni 238 i Kodit të Procedurës Penale, për shtetasin nën hetim E. V., me detyrë, Kryetar i Bashkisë Tiranë, si i dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”, parashikuar nga neni 260 e 25 dhe 287/2 i Kodit Penal;

Caktimin e masës së sigurimit personal me karakter shtrëngues “Arrest në shtëpi”, parashikuar nga neni 237 i Kodit të Procedurës Penale, për shtetasen nën hetim A. X., si e dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë), “Pastrimi i produkteve të veprës penale ose veprimtarisë kriminale”, “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, parashikuar nga neni 260 e 25, 287/2 dhe 257/a/2 i Kodit Penal;

Caktimin e masës së sigurimit personal me karakter shtrëngues “Arrest në burg”, parashikuar nga neni 238, i Kodit të Procedurës Penale, për një shtetas të dyshuar për kryerjen e veprës penale të “Pastrimi i produkteve të veprës penale ose veprimtarisë kriminale”, kryer në bashkëpunim, parashikuar nga neni 287/2 i Kodit Penal, përfaqësues i subjektit tregtar “……..” shpk;

Caktimin e masës së sigurimit personal me karakter shtrëngues “Detyrim për t’u paraqitur në policinë gjyqësore”, parashikuar nga neni 234 i Kodit të Procedurës Penale, për personin nën hetim G. S., si i dyshuar për kryerjen e veprës penale të “Korrupsioni aktiv i funksionarëve të lartë shtetërorë ose të zgjedhurve vendorë”, parashikuar nga neni 245 i Kodit Penal, përfaqësues i subjektit tregtar “A. K.” shpk;

Caktimin e masës së sigurimit personal me karakter shtrëngues “Detyrim për t’u paraqitur në policinë gjyqësore”, parashikuar nga neni 234 i Kodit të Procedurës Penale, për personin nën hetim M. P., si i dyshuar për kryerjen e veprës penale të “Korrupsioni aktiv i funksionarëve të lartë shtetërore ose të zgjedhurve vendorë”, parashikuar nga neni 245 i Kodit Penal, përfaqësues i subjektit tregtar “P.” shpk;

Caktimin e masës së sigurimit personal me karakter shtrëngues “Detyrim për t’u paraqitur në policinë gjyqësore”, parashikuar nga neni 234 i Kodit të Procedurës Penale, për personin nën hetim F. B., si i dyshuar për kryerjen e veprës penale të “Korrupsioni aktiv i funksionarëve të lartë shtetërore ose të zgjedhurve vendorë”, parashikuar nga neni 245 i Kodit Penal, përfaqësues i subjektit tregtar “K.” shpk;

Caktimin e masës së sigurimit personal me karakter shtrëngues “Detyrim për t’u paraqitur në policinë gjyqësore”, parashikuar nga neni 234 i Kodit të Procedurës Penale, për personin nën hetim S. K., si i dyshuar për kryerjen e veprës penale të “Korrupsioni aktiv i funksionarëve të lartë shtetërore ose të zgjedhurve vendorë”, parashikuar nga neni 245 i Kodit Penal, përfaqësues i subjektit tregtar “G.-A” shpk;

Caktimin e masës së sigurimit personal me karakter shtrëngues “Detyrim për t’u paraqitur në policinë gjyqësore”, parashikuar nga neni 234 i Kodit të Procedurës Penale, për personin nën hetim SH. F., si i dyshuar për kryerjen e veprës penale të “Korrupsioni aktiv i funksionarëve të lartë shtetërore ose të zgjedhurve vendorë”, parashikuar nga neni 245 i Kodit Penal, përfaqësues i subjektit tregtar “F.” shpk.

Nga të dhënat konkrete të mbledhura deri në këtë fazë të hetimit paraprak, në mënyrë të përmbledhur rezulton se, nga shtetasit nën hetim, specifikisht E.V. (me detyrë kryetar i Bashkisë Tiranë) si edhe bashkëshortja e këtij të fundit, A. X., është ideuar, krijuar dhe vënë në funksionim një mekanizëm që ka synuar dhe ka bërë të mundur, në praktikë, marrjen e përfitimeve të parregullta, të cilat burojnë nga fondet publike që administrohen nga Bashkia Tiranë, përmes titullarit të saj, me qëllim pasurimin personal të këtij të fundit dhe familjes së tij, përmes veprimeve të kamufluara dhe të kundërligjshme. Në lidhje me praktikat e ndjekura nga këta shtetas, nisur nga provat e administruara në fashikull, në të paktën 10 raste, krijohet dyshimi i arsyeshëm për kryerjen e veprimeve me natyrë korruptive nga i zgjedhuri vendor, si edhe pastrim të produkteve të veprës penale.

Kryetari i Bashkisë Tiranë, shtetasi E. V., përmes veprimeve konkrete të cilat kanë kulmuar me nënshkrimin e tij ka miratuar në çdo rast shpërndarjen e fondeve publike si edhe lejet e ndërtimit tek disa subjekte tregtare, të lidhur ngushtë me të, përfaqësuesit e të cilëve janë përmendur më lart. Këto fonde publike më pas kanë përfunduar tek disa organizata jofitimprurëse, shoqëri me përgjegjësi të kufizuar, persona fizikë të kontrolluar de jure dhe de facto nga bashkëshortja e tij, shtetësja A. X., si edhe individë të afërt me këtë të fundit, duke krijuar një rrjet të dyshimtë e të komplikuar transaksionesh.

Organi procedues ka mbledhur prova, të cilat krijojnë dyshimin e arsyeshëm mbi ekzistencën dhe funksionimin e një skeme korruptive, nga zbërthimi i së cilës në përmbledhje rezulton se fondet publike që dalin nga institucioni i Bashkisë Tiranë, me nënshkrimin e titullarit, i) kanë kaluar drejtpërsëdrejti tek bashkëshortja e këtij të fundit (rrjedhimisht tek vetë shtetasi nën hetim E. V.) dhe rrethi i saj familjar, përmes OJF-ve dhe personave juridikë të kontrolluar de jure dhe de facto nga kjo shtetase; ii) kanë kaluar përmes sponsorizimeve, likuidimeve të faturave fiktive apo blerjeve, të bëra prej subjekteve tregtare, të cilët nga ana e tyre kanë përfituar leje ndërtimi apo fonde publike nga Bashkia Tiranë, tek OJF-të, shpk-të dhe personat fizikë të kontrolluar de jure dhe de facto nga bashkëshortja e kryetarit të Bashkisë Tiranë; iii) kanë kaluar si pasuri të paluajtshme në vlerë të konsiderueshme, specifikisht një godinë banimi e tipit “Vilë” e ndodhur në Qerret-Kompleksi “Marea Resort”, dhënë si përfitim i parregullt nga persona konkretë përmendur më lartë, të cilët zotërojnë dhe përfaqësojnë subjekte tregtarë, të lidhur ngushtë me interesa financiare me Bashkinë Tiranë, përmes përfitimit të fondeve publike si edhe lejeve të ndërtimit, tek familja e kryetarit të Bashkisë Tiranë; iv) janë shpenzuar për blerje me vlera të mëdha nga bashkëshortja e kryetarit të Bashkisë Tiranë, duke i kamufluar këto blerje, përmes personave të tjerë. Çdo transferim i këtyre fondeve publike dhe lëshimi i lejeve të ndërtimit është kryer me miratimin e kryetarit të Bashkisë Tiranë, shtetasit E.V.

Faktet dhe provat e grumbulluara, edhe pse i referohen episodeve konkrete të evidentuara deri në këtë fazë, krijojnë dyshimin e arsyeshëm se në rastin konkret bëhet fjalë për një sistem të organizuar korrupsioni dhe shpërdorimi të fondeve publike, të shtrirë në kohë, sipas një skeme të vënë në funksionim nga kryetari i bashkisë Tiranë dhe bashkëshortja e këtij të fundit. Në qendër të kësaj skeme korrupsioni dhe pastrimi të produkteve që burojnë nga kjo vepër, rezulton të jetë titullari i institucionit, nënshkrimi i të cilit ka qenë përcaktues për shpërndarjen e fondeve publike, prej të cilave ai dhe familjarët e tij të ngushtë kanë përfituar drejtpërsëdrejti në mënyrë të parregullt.

Organi procedues ka arritur në konkluzionin se, përveç pasurive të paluajtshme të përfituara nga shtetasit nën hetim (nën regjimin pasuror të bashkësisë ligjore), këta të fundit, vetëm përmes shoqërive “P. L.” shpk, “A. L.” shpk, “A. S.” shpk, “N. G.” shpk, “H.” OJF, “E.” OJF, “B.-A” OJF dhe “M.” OJF, për të cilat ekzistojnë prova të mjaftueshme se kontrollohen plotësisht nga bashkëshortja e kryetarit të Bashkisë Tiranë, por edhe “R.” shpk dhe shoqëri të tjera të lidhura me shtetasin nën hetim E. A., kanë gjeneruar të ardhura të cilat kapin shifrën e rreth 110.000.000 lekë.

Më pas, me veprimet e tyre të kundërligjshme, të kryera në bashkëpunim dhe më shumë se një herë, të cilat konsistojnë në integrimin në sistemin bankar të këtyre shumave monetare, të siguruara si përfitime të parregullta, por edhe të fshehjes ose mbulimit të natyrës së vërtetë së pasurive, në kushtet kur këto pasuri dihet se janë produkte të veprës penale sipas nenit 260 të ligjit material, shtetasit nën hetim dyshohet se kanë përmbushur elementët e parashikuar në gërmat a) dhe b) të nenit 287 të Kodit Penal (“Pastrimi i produkteve të veprës penale ose veprimtarisë kriminale”).

Qëllimi kriminal i shtetasve nën hetim për integrimin në sistemin bankar të shumave monetare të cilat janë rezultat i përfitimeve të parregullta, do të ishte i pamundur të përmbushej pa rolin përcaktues të subjekteve të tjera tregtare, shpk dhe OJF, të identifikuar deri tani në regjistrin e njoftimit të veprave penale. OJF-të “H.”, “E.”, “M.” dhe “B.-A”, të kontrolluara plotësisht nga shtetësja nën hetim A. X., deri në këtë fazë të hetimit paraprak dyshohet të kenë kryer veprime konkrete të kundërligjshme në drejtim të pastrimit të produkteve të veprës penale, nëpërmjet transferimit të pasurive me qëllim fshehjen ose mbulimin e origjinës së paligjshme të tyre, duke ditur se këto pasuri janë produkt i veprës penale sipas nenit 260 të Kodit Penal. Në vijim të hetimeve Prokuroria e Posaçme ka regjistruar në regjistrin e njoftimit të veprave penale edhe emrat tregëtarë të këtyre OJF – ve.

Po kështu, ky qëllim kriminal për pastrimin e produkteve të veprës penale, që i referohet rastit të kalimit të të hollave nga shoqëritë e administruara nga shtetasi nën hetim …. dhe familjarë të tij, do të ishte i pamundur të realizohej pa bashkëpunimin e këtij të fundit në kryerjen e veprimeve të kundërligjshme, të cilat kanë kulmuar në pagesat e bëra për shoqëritë tregtare si edhe personat fizikë të kontrolluar de jure dhe de facto nga shtetësja A. X.

Përveç sa është përshkruar më lart, Prokuroria e Posaçme kundër Korrupsionit dhe Krimit të Organizuar ka siguruar prova të mjaftueshme për të konkluduar se shtetësja A. X., vetë ose nëpërmjet personave të tjerë të afërt me të, për një periudhë kohore prej rreth 4 vitesh, ka bërë blerje online të cilat konsistojnë në veshje, bizhuteri etj, në masën 86,721,175 lekë. Këto shpenzime nuk rezultojnë të jenë deklaruar në asnjë nga Deklaratat Periodike të titullarit të Bashkisë Tiranë si edhe personave të lidhur me të.

Po kështu, kjo shtetase në asnjë rast nuk ka përmbushur detyrimet që burojnë nga ligji nr. 9049 datë 10.04.2023, në lidhje me deklarimin e pjesëmarrjes së saj në bordin e një organizate jofitimprurëse, e cila provohet të ketë gjeneruar të ardhura të shumta, por edhe njëkohësisht pronare (organizata) e një subjekti tregtar me natyrë fitimprurëse (shpk). Fshehja e këtyre fakteve nga shtetësja nën hetim A. X., ka pamundësuar organet ligjzbatuese për të patur një panoramë të plotë dhe të qartë sa i takon, jo vetëm pjesëmarrjes së kësaj shtetase në borde organizatash, të cilat nga ana e tyre zotërojnë shpk, por çfarë është më e rëndësishme, ka pamundësuar “konstatimin” dhe “gjurmimin” e një sasie të konsiderueshme të hollash, të cilat kanë qarkulluar nëpërmjet këtyre subjekteve të kontrolluara faktikisht nga shtetësja nën hetim. Pikërisht, mungesa e plotë e kësaj transparence ka bërë të mundur më pas edhe funksionimin e një skeme kaq të organizuar të lëvizjes së shumave monetare, nga, dhe nëpërmjet këtyre OJF-ve dhe shpk-ve.

Në lidhje me shtetasit nën hetim, përfaqësues të subjekteve tregtare cituar më lart, organi procedues ka grumbulluar prova të cilat të çojnë në konkluzionin se ekziston dyshimi i arsyeshëm se ata, me veprime aktive të kundërligjshme kanë konsumuar elementë të veprës penale“Korrupsioni aktiv i funksionarëve të lartë shtetërore ose të zgjedhurve vendorë”, parashikuar nga neni 245 i Kodit Penal.

Këta shtetas, dyshohet se kanë dhënë përfitime të parregullta tek i zgjedhuri vendor dhe bashkëshortja e tij, drejtpërsëdrejti ose nëpërmjet OJF-ve, shoqërive me përgjegjësi të kufizuar dhe personave fizikë të kontrolluar nga kjo e fundit, të cilat konsistojnë në pasuri të paluajtshme (godinë banimi e tipit “vilë”), sponsorizime, likuidime faturash për shërbime konsulence ligjore fiktive, blerje sendesh në mënyrë fiktive, financime fiktive festivalesh artistike, pagesa udhëtimesh e qëndrime në hotel etj. Të gjithë subjektet tregtare që shtetasit nën hetim G. S., F. B., S. K., SH. F. dhe M. P. përfaqësojnë, gjatë kohës që korrespondon me periudhën e dhënies së përfitimeve të parregullta, por jo vetëm, kanë përfituar nga Bashkia Tiranë, me firmën e titullarit të saj, fonde të konsiderueshme publike si edhe leje ndërtimi.

Në lidhje me këto pasuri, me kërkesë të Prokurorisë së Posaçme, Gjykata e Posaçme e Shkallës së Parë për Korrupsionin dhe Krimin e Organizuar ka vendosur me vendimin nr. 84 Akti datë 10.02.2025, caktimin e masës së sigurimit pasuror “sekuestro preventive”, në lidhje me pasurinë e paluajtshme:

Pasuria numër 1/647, Vol. 29, Faqe 103, ZK. 3101, sipas certifikatës për vërtetim pronësie nr. 1456523, ndodhur në Zonën e Stimuluar “Ardian Çarçani”, Qerret, lloji “truall”, sipërfaqe trualli të objektit 494 m2, sipërfaqe të bazës së njësisë 82 m2, leja e legalizimit nr. 705199, datë 31.01.2020, regjistruar në ASHK në emër të “Agi Kons” shpk.

Po kështu, Gjykata e Posaçme e Shkallës së Parë për Korrupsionin dhe Krimin e Organizuar, me kërkesë të Prokurorisë së Posaçme, me vendimin nr. 98 Akti /datë 10.02.2025 ka vendosur caktimin e masës së sigurimit pasuror, në lidhje me llogaritë bankare të ndodhura në “Intesa Sanpaolo Bank” dhe “Banka Kombëtare Tregtare”, ne emër të shtetasës A. X. dhe shoqërive të lidhura me të, në shumën totale prej 869,149.78 Euro.

Nga ana tjetër, gjatë kontrollit të ushtruar pranë zyrave të “P. L.” shpk, administruar nga shtetësja A. X., e cila është njëkohësisht dhe pronare e vetme, janë gjetur në një kasafortë dhe sekuestruar në cilësinë e provës materiale një sasi të hollash, prej 95,350 Euro (shumica prej tyre prerje 500 euro), 14,900 USD dhe 665,000 Lekë.

Përveç sa është përmendur mësipër, Prokuroria e Posaçme po kryen hetime paraprake ndaj deputetes së Kuvendit të Shqipërisë, shtetases K. B. Emri i kësaj të fundit është regjistruar në regjistrin përkatës të njoftimeve si person i dyshuar për kryerjen e veprës penale të “Veprime që pengojnë zbulimin e së vërtetës”, parashikuar nga neni 301 i Kodit Penal. Deri në këtë fazë konstatohet se ekzistojnë të dhëna konkrete të cilat të çojnë tek dyshimi i arsyeshëm se personi nën hetim K. B. ka kryer veprime aktive të kundërligjshme të cilat kanë interferuar me hetimin e organit procedues në lidhje me procedimin penal nr. 27 të vitit 2024.

Prokuroria e Posaçme Kundër Korrupsionit dhe Krimit të Organizuar falenderon Policinë e Shtetit për bashkëpunimin në fazën e ekzekutimit të masave të sigurisë.

Sqarim: Çdo person prezumohet i pafajshëm derisa nuk vërtetohet fajësia e tij me vendim gjyqësor të formës së prerë. bw

Arrestimi i Veliajt, GJKKO vendos detyrim paraqitje për këta 5 biznesmenë

GJKKO përveç se ka vendosur “arrest me burg” për kryetarin e Bashkisë së Tiranës Erion Veliaj, ka dhënë masa edhe për bashkëpunëtorë të tij.

GJKKO mësohet se ka dhënë “detyrim paraqitje” për pesë biznesmenët Gentian Sula, Meriman Palushi, Fatmir Bektashi, Sokol Kryeziu dhe Shkëlqim Fusha. Dyshohet se biznesmenët kanë marrë tendera të dyshimtë pranë Bashkisë së Tiranës.

Kujtojmë se GJKKO vendosi gjithashtu masën e sigurisë “arrest shtëpie” për bashkëshorten e Veliajt, Ajola Xoxa.

Veliaj u hetua për një kohë të gjatë nga SPAK, në lidhje me pasurinë e tij. bw

E paqartë nëse Lista Serbe i fitoi të dhjetë vendet në Kuvendin e Kosovës

Për herë të parë që nga themelimi i saj në vitin 2013, Lista Serbe mund të mbetet pa të dhjetë vendet e rezervuara për komunitetin serb në Kuvendin e Kosovës, pasi, sipas rezultateve preliminare të Komisionit Qendror të Zgjedhjeve, një vend parlamentar mund t’i takojë Nenad Rashiqit, udhëheqës i Partisë për Liri, Drejtësi dhe Mbijetesë.

Rashiq, në dy vjetët e fundit, ishte ministër për Komunitete dhe Kthim në Qeverinë e kryeministrit Albin Kurti, i cili e emëroi pasi Lista Serbe doli nga institucionet e Kosovës.

Me 93 për qind të votave të numëruara nga zgjedhjet e 9 shkurtit, Lista Serbe – partia më e madhe serbe në Kosovë, e cila gëzon mbështetje absolute nga Beogradi zyrtar – siguroi rreth 30.485 vota, ose 3.88 për qind të totalit, ndërsa Partia për Liri, Drejtësi dhe Mbijetesë mori rreth 3.428 vota, ose 0.44 për qind.

Sipas rezultateve aktuale, Lista Serbe e humbi mbështetjen e gati 15 mijë personave, krahasuar me zgjedhjet parlamentare të vitit 2021.

Rashiq, në anën tjetër, e rriti mbështetjen për rreth 2.000 vota.

Situata, megjithatë, mund të ndryshojë pas numërimit të votave me kusht, sepse në atë grup janë kryesisht votat e personave të zhvendosur, të cilët shkuan për të votuar në Kosovë nën organizimin e Komisariatit për Refugjatë të Republikës së Serbisë dhe Zyrës për Kosovën në Qeverinë e Serbisë.

Subjektet tjera politike nga komuniteti serb, që morën pjesë në zgjedhjet e 9 shkurtit, nuk do të hyjnë në Kuvendin e Kosovës.

Demokracia Serbe e Aleksandar Arsenijeviqit mori rreth 1.700 vota, Lëvizja Popullore Serbe e Branimir Stojanoviqit mori rreth 1.405 vota, Nisma Qytetare Drejtësia Popullore mori rreth 597 vota dhe Partia e Serbëve të Kosovës mori 348 vota.

Lista Serbe e falënderon posaçërisht “një person”

Kryetari i Listës Serbe, Zllatan Ellek, shpalli “fitore absolute dhe bindëse” të partisë së tij më 9 shkurt, duke theksuar se ajo ka fituar 10 nga 10 vendet parlamentare, të rezervuara për komunitetin serb.

Lista Serbe, sipas tij, mori mbi 40 mijë vota.

Ai e falënderoi presidentin e Serbisë, Aleksandar Vuçiq, për mbështetjen, si dhe të zhvendosurit që erdhën nga Serbia për të votuar, por, në fund, meritën për “fitoren madhështore” ia atribuoi në veçanti një njeriu.

“Kjo është gjithashtu fitore për të gjithë ata serbë, vëllezër e motra tona që nuk janë sot në Kosovë dhe Metohi, e që kontribuuan në këtë fitore madhështore – veçanërisht njëri prej tyre”, tha Ellek.

Kjo deklaratë në publik u kuptua si aludim në Millan Radoiçiqin, i cili besohet se është i lirë në Serbi që nga sulmi i vitit 2023 në Banjskë.

Radoiçiq e mori përgjegjësinë për sulmin e armatosur në këtë fshat të Zveçanit, ku u vra një polic kosovar, dhe më pas dha dorëheqje nga posti i nënkryetarit të Listës Serbe.

Kosova e konsideron këtë sulm si terrorist dhe beson se pas tij qëndron shteti i Serbisë – gjë të cilën Beogradi zyrtar e mohon.

Rashiq: Beogradi ishte gjithmonë “agresiv” ndaj serbëve në Kosovë

Kryetari i Partisë për Liri, Drejtësi dhe Mbijetesë, Nenad Rashiq, tha më 9 shkurt se, sipas të dhënave të tij, ky opsion politik ka marrë mbi 3.500 vota dhe se pas numërimit të të gjitha votave, pret të sigurojë një deri në dy mandate parlamentare në Kuvendin e Kosovës.

“Në secilin rast, ne e kaluam atë pragun prej 10% të përcaktuar me ligjin e ri dhe mendoj se KQZ-ja nuk ka sesi të mos e vërejë këtë. Do të presim deri nesër, atëherë do të jetë e qartë se partia jonë do të ketë jo vetëm një, por ndoshta më shumë vende në Kuvend”, tha Rashiq në një konferencë për gazetarët.

Ai tha se “nga anë të ndryshme, vijnë dezinformata të ndryshme” dhe se nuk është e mundur që Lista Serbe t’i ketë fituar mbi 40 mijë vota.

Pak orë pas mbylljes së vendvotimeve në Kosovë, presidenti i Serbisë, Aleksandar Vuçiq, tha se Lista Serbe, duke mos i llogaritur votat e personave të zhvendosur – pra votat me kusht – ka fituar rreth 33.000 vota.

“Është plotësisht e qartë se Lista Serbe i fiton të dhjetë mandatet, se do të jetë mbrojtje ndaj sulmeve të mëtejshme të [kryeministrit të Kosovës, Albin] Kurti”, shkroi Vuçiq në llogarinë e tij në Instagram.

Në fjalimin e tij pas mbylljes së vendvotimeve, Rashiq tha se Beogradi “ka qenë gjithmonë agresiv ndaj serbëve të Kosovës dhe nuk i ka lejuar ata t’i zhvillojnë kapacitetet e tyre politike”.

“Duke i përdorur [serbët në Kosovë], ai u përpoq të ndrydhte çdo mendim autentik, çdo iniciativë që mund të ishte në dobi të të gjithëve”, tha Rashiq.

Mesazhet e përfaqësuesve të tjerë politikë të serbëve në Kosovë

Lideri i Demokracisë Serbe, Aleksandar Arsenijeviq, tha se do t’i komentojë rezultatet e zgjedhjeve kur të ketë më shumë informacion.

Branimir Stojanoviq nga Lëvizja Popullore Serbe tha se “nuk do të dorëzohen, edhe pse rezultatet janë dëshpëruese”.

“Populli që ka zgjedhur, do të ketë pushtetin që ka zgjedhur”, tha ai, duke shtuar se sistemi i qeverisjes së Listës Serbe “mësa duket i përshtatet popullit”.

“Ne e kuptojmë që nuk doni të besoni në realitet, por asnjë votë nuk do t’u japë imunitet atyre që ju vodhën”, tha Nisma Qytetare Drejtësia Popullore.

Partia e Serbëve të Kosovës tha se serbët në Kosovë i pranuan si të drejta veprimet e Listës Serbe dhe ia dhanë besimin asaj.

Kjo parti e uroi atë për “fitoren e qartë, zgjedhjet e lira dhe të ndershme”.

“U urojmë serbëve që Lista Serbe t’i sundojë edhe për 100 vjet”, tha kjo parti.

Që nga themelimi i saj në vitin 2013, Lista Serbe ka fituar mbi 90 për qind të votave të komunitetit serb në të gjitha zgjedhjet në të cilat ka marrë pjesë, por Misioni Monitorues i BE-së ka vënë në dukje “monopolin dhe presionet” nga zyrtarët e saj.

Në dy vjetët e fundit, kjo parti ka ndjekur një “politikë bojkotimi”, në përputhje me vendimin e saj për t’u tërhequr nga institucionet e Kosovës në veri.

Nuk është ende e qartë nëse, në periudhën e ardhshme, ajo do të marrë pjesë aktive në institucionet e Kosovës, apo do të vazhdojë me bojkotim.

GJKKO vendos masën “arrest shtëpie” për Ajola Xoxën. Bashkëshortja e Veliajt ndodhet jashtë Shqipërisë

GJKKO mësohet se ka dhënë masën e sigurisë “arrest me burg” për kryetarin e Bashkisë së Tiranës, Erion Veliaj. Masa është kërkuar nga SPAK dhe Gjykata e Posaçme e ka lënë në fuqi.

Ndërsa, burime pranë SPAK bëjnë të ditur se është firmosur edhe masa e sigurisë “arrest shtëpie” për bashkëshorten e Veliajt, Ajola Xoxën. Por mësohet se kjo e fundit ndodhet jashtë Shqipërisë. Ajola Xoxa ka udhëtuar drejt Romës në datën 8 shkurt.

Dosja ndaj Veliajt po hetohet nga prokurori Olsi Dado.

Më datë 6 dhjetor 2024 SPAK sekuestroi telefonin e bashkëshortes së Veliajt, Ajola Xoxa. Me vendim të GJKKO-së kontrolle janë kryer edhe në studion “Harabel” në ish-Bllok ku u sekuestruan edhe dokumente, që kanë të bëjnë me hetimet e nisura nga prokurori Dado.

SPAK nisi hetime të thelluara për pasurinë e Erion Veliajt dhe të familjarëve të tij.

Erion Veliaj akuzohet për shpërdorim detyre, korrupsion pasiv, fshehje pasurie dhe pastrim parash. bw

FOTO – VIDEO/ Momenti kur oficerët e BKH-së arrestojnë Erion Veliajn

GJKKO mësohet se ka dhënë masë sigurie arrest me burg për kryebashkiakun e Tiranës, Erion Veliaj.

Në pamjet e siguruar nga Syri tv, duket Veliaj teksa shoqërohet nga oficerët e BKH-së. Në momentin e shoqërimit, Veliaj ishte në zyrë.

Mësohet se Gjykata e Posaçme ka vendosur arrest me burg për Veliajn. sn

Arrestohet me urdhër të SPAK kryebashkiaku i Tiranës, Erion Veliaj

GJKKO ka vendosur masë sigurie për kryebashkiakun e Tiranës, Erion Veliaj, me kërkesë të SPAK. Mësohet se Gjykata e Posaçme ka vendosur “arrest me burg” për Veliajn.

Ndaj Veliajt, Prokuroria e Posaçme ka ngritur disa akuza.

Kryebashkiaku i Tiranës ka qenë në zyrën e tij kur është shoqëruar nga oficerët e BKH-së.

Kryebashkiaku Veliaj ndodhet në ambientet e Drejtorisë së Policisë së Tiranës dhe më pas do të dërgohet te Blloku i Sigurisë, tek Rruga “Mine Peza”.

Mësohet gjithashtu se GJKKO ka vendosur masën e sigurisë “arrest në shtëpi” për Ajola Xoxën, bashkëshorten e Erion Veliajt. bw

‘Berisha u persekutua politikisht si Trumpi’- LaCivita: Do e bëjmë Shqipërinë të madhe sërish me një demokraci që lulëzon

Kryearkitekti i fushatës më spektakolare në historinë politike amerikane, Chris LaCivita, do drejtojë fushatën fituese të opozitës shqiptare.

Në një konferencë për shtyp, LaCivita tha se Berisha u përndoq politikisht njësoj si Donald Trump.

Por ai tha se PD do e bëjë Shqipërinë të madhe sërish.

“Berisha njësoj si Donald Trump dhe anëtarë të opozitës është përndjekur politikisht pandershmërisht nga një qeveri që nuk ka respekt për demokracinë.

Ne jemi këtu për të ndihmuar për këtë.

Çështjet për të cilat shqetësohen shqiptarët janë njësoj si çështjet për të cilat shqetësohen amerikanet.

Ata shqetësohen për sigurinë personale, për vendet e punës dhe ekonominë.

Ata shqetësohen që fëmijët e tyre të rriten në shtëpi dhe jo jashtë.

Mbi të gjitha, ne kemi nevojë për zgjedhje të lira dhe të ndershme.

Të lira nga ndërhyrja qeveritare.

Të lira nga krimi i organizuar.

Zgjedhjet e lira, të ndershme dhe transparente janë thelbësore për demokracinë.

Me një demokraci që lulëzon, ne mund ta bëjmë Shqipërinë të madhe sërish,” tha LaCivita. sn

Berisha: Sot është fillimi i një fushate që do të rikthejë Shqipërinë në rrugën e shpresës

Sot është fillimi i një fushate që do të rikthejë Shqipërinë në rrugën e shpresës, tha kreu demokrat ne përfudnim të prezantimit të djetuesit të fushtës.

Berisha: Ju falenderojmë për praninë dhe ndjekjen e kësaj deklarate për shtyp.

Sot është fillimi i një fushate që do të rikthejë Shqipërinë në rrugën e shpresës, në rrugën e të ardhmes, në rrugën e ligjit dhe të zhvillimit.

Shumë faleminderit! sn

Chris LaCivita: Berisha do fitojë, ai është një mik i vërtetë i SHBA dhe Donald Trumpit. Rama është marionetë e Sorosit

Kryearkitekti i fushatës së Donald Trump, Chris LaCivita, foli pas prezantimit si drejtues i fushatës elektorale të PD.

“Faleminderit zoti Berisha dhe opozita e bashkuar.

Ne jemi këtu sot sepse duam të ndihmojmë të zgjedhim kryeministër një mik të ngushtë të SHBA dhe që do të bashkëpunojë me sukses me presidentin Trump dhe SHBA-në.

Kryeministri aktual nuk është asgjë më shumë se një marionetë e Xhorxh Sorosit.

Nuk mund të jesh një marionetë e Sorosit dhe të jesh mik i SHBA, thjesht nuk është e mundur.

Familja e Sorosit ka humbur ndikimin në Uashington dhe në mbarë botën.

Dhe vetëm Berisha si një mik i vërtetë prej kohësh i SHBA.

E dini shumë amerikanë në media, në anën e majtë, thanë se Donald Trump nuk mund të fitojë.

Por ai fitoi, pavarësisht nga sulmet nga administrata Biden.

Amerikanë donin më shumë nga qeveria e tyre. Njësoj si amerikanët, edhe shqiptarët duan dhe kanë nevojë për më shumë nga qeveria e tyre.

Këto ngjashmëri na kanë sjellë këtu sepse ne e dimë se Berisha mund të fitojë,” tha ai. sn

Berisha: Kryearkitekti i fitores së Trumpit zgjodhi PD-në sepse ne luftuam dhe mbrojtëm vlerat konservatore

Kryetari i Partisë Demokratike Sali Berisha, pasi ka prezantuar Drejtuesin e fushatës së PD, tha se Shqipëria ishte vendi ku e majta radikale beri eksperimente tragjike.

“Lideri i opozitës u sanksionua pa asnjë provë, fakt apo dokument, por vetëm për t’i dorëzuar opozitën Edi Ramës”, tha Berisha.

Berisha: Me të drejtë, ju dhe ata që na ndjekin mund të shtrojnë pyetjen, si ka mundësi që bashkëkryetari i suksesit elektoral më të madh në histori, në mes të kërkesave më të panumërta, pranoi me përparësi kërkesën e PD dhe aleatëve të saj.

Natyrisht përgjigjen e vet e di vetë zoti Chris LaCivita.

Por e vërteta është se PD dhe opozita shqiptare, si dhe Shqipëria, ishin vendi i dytë pas SHBA, në të cilën e majta radikale sorosiane, ideologu i saj, armiku i demokracisë, Xhorxh Soros dhe kukulla e tij, Antoni Blinken, gënjeshtar në letrën puçiste të laptopit të famshëm, duke mashtruar kombin e tij dhe botën për interesa politike, këta bënë në Shqipëri eksperimente tragjike.

Bënë gjithçka për zhdukjen e opozitës konservatore, de facto pluralizmit politik dhe instalimin e monizmit të bazuar në krimin, drogën dhe korrupsionin.

Shqipëria, edhe njëherë theksoj, është sot kopshti i lulëzuar i Xhorxh Sorosit ku korrupsioni dhe droga dominojnë vendin.

Ku lideri i opozitës u sanksionua pa asnjë provë, fakt apo dokument, por vetëm për t’i dorëzuar opozitën Edi Ramës.

Vendi, në të cilën drejtësia u shndërrua në armë të fuqishme të narkoshtetit, i cili në traditën e babait të tij biologjik, Kristaq Ramës, që vari në litar për vargjet e tij poetin disident Havzi Nela, arrestoi për motive politike dhe ndoqi penalisht tre liderë të partive kryesore opozitare.

Në përzgjedhjen e zotit Chris LaCivita për të drejtuar fushatën e fitores së PD, unë jam i sigurt se ka ndikuar fakti se PD dhe opozita shqiptare, përballë këtyre shantazheve dhe presioneve të jashtëzakonshme për zhdukjen e tyre, qëndruan të pamposhtura në mbrojtjen e vlerave dhe parimeve që konservatorët ndajnë në të gjithë botën.

Dhe mbi të gjitha, programi aktual i PD dhe opozitës është një program i shkëlqyer për të shpëtuar Shqipërinë.

PD dhe opozita qëndrojnë haptas, publikisht në krah të Partisë Republikane në fushatën e fundit, e bindur se kjo fushatë në SHBA ishte e një rëndësie jetike jo vetëm për SHBA, por edhe për botën.

Të nesërmen e fitores së presidentit Donald Trump, një publicist i njohur amerikan në radion e tij, Frank Gardner shkruante se në SHBA ndodhi mrekullia. Iu përgjigja se kjo fitore ishte një mrekulli për mbarë njerëzit e lirë kudo në botë. sn

Kush është Chris LaCivita, arkitekti i fitores së Donald Trumpit më 2024, që do të udhëheqë fushatën e PD më 11 maj

Chris LaCivita shërbeu si këshilltar i lartë dhe menaxher i fushatës presidenciale të Donald Trump 2024, duke luajtur një rol kyç në formësimin e strategjisë për një nga garat më të ndjekura në botë.

Një strateg politik me përvojë, i njohur si për hartimin ashtu edhe për ekzekutimin e fushatave të suksesshme, ai ka ndërtuar një karrierë të shquar mbi tre dekada në politikën e Partisë Republikane. Aftësia e tij për të analizuar gjendjen e vendit, për të interpretuar të dhënat e sondazheve dhe për të parashikuar ndryshime politike – e kombinuar me njohuritë e tij në planet e Trump për vitet e ardhshme – e bëjnë atë një burim të vlefshëm për të kuptuar dhe lundruar në territore të reja politike.

I përfaqësuar ekskluzivisht nga byroja e folësve të Autoriteteve Udhëheqëse, përvoja e gjerë e LaCivita i ofron audiencës njohuri të vlefshme mbi strategjitë e fushatës, taktikat e brendshme dhe peizazhin më të gjerë politik. Kuptimi i tij i thellë i evolucionit të Partisë Republikane ofron një kontekst historik për analizimin e fushatave të fundit dhe vendosjen e pritshmërive për zhvillimet e ardhshme politike.

Veçanërisht, LaCivita luajti një rol kryesor në riorganizimin e Komitetit Kombëtar Republikan si Shef i Shtabit, duke drejtuar një Konventë të suksesshme RNC të 2024-ës. Si folës, LaCivita informon audiencën për ndërlikimet e fushatës politike, rolin e medias në zgjedhje dhe konsideratat strategjike dhe taktike që formësojnë rezultatet elektorale, duke ofruar një perspektivë largpamëse për drejtimin politik të vendit. Aktualisht, LaCivita ofron këshilla strategjike dhe menaxhon marrëdhëniet me administratën Trump.

Gjatë gjithë karrierës së tij, LaCivita ka qenë pjesë përbërëse e disa fushatave politike të profilit të lartë. Ai shërbeu si këshilltar i lartë i fushatës presidenciale të senatorit Rand Paul më 2016 dhe fushatës së rizgjedhjes së senatorit Ron Johnson më 2022. Para se të hynte në politikë, LaCivita shërbeu në Korpusin e Marinës së Shteteve të Bashkuara, ku u ngrit në gradën e Rreshterit, pa luftime gjatë Luftës së Parë të Gjirit.

Kryedemokrati Sali Berisha e prezantoi zyrtarisht si drejtorin e fushatës elektorale të PD, në zgjedhjet e 11 majit, Chris LaCivita. sn

Berisha jep lajmin e bujshëm: Kryearkitekti i triumfit të Trump do drejtojë fushatën tonë për fitoren në zgjedhjet e 11 majit

Kryetari i Partisë Demokratike Sali Berisha gjatë një konference shtypi prezantoi ish drejtuesin e fushatës së Trump i cili do të drejtojë fushatën e Partisë Demokratike.

Berisha: Mirëdita, sot është një ditë e madhe jo vetëm për PD-në dhe opozitën shqiptare, por edhe për Shqipërinë dhe të ardhmen e saj.

Këtu jam para jush me zotin Chris LaCivita, kryetarin e komitetit kombëtar republikan dhe bashkëkryetarin, bashkëarkitektin e fushatës së rikthimit me votën e lirë më të fuqishëm, më të jashtëzakonshëm në të gjithë historinë e njerëzimit,që ishte rikthimi i presidentit Donald Trump në Shtëpinë e Bardhë.

Zoti Chris LaCivita dhe zonja Susanne Ëillis ishin bashkëkryetarë të fushatës më të pabarabartë në historinë e kombit amerikan.

Ata kishin përballë makinerinë propagandistike më gjigante të mashtrimit, manipulimit dhe censurës së mediave kryesore dhe polleve më kryesore të vendit, por pothuajse edhe të planetit, përfshi këtu edhe përpjekjet për përcaktimin e rezultatit të zgjedhjeve në SHBA me metoda terroriste.

Por pavarësisht nga të gjitha këto, ky ekip arritën që presidenti Trump të fitojë mendjen dhe zemrën e shumicës dërrmuese të qytetarëve amerikanë dhe të shënojë njërën nga fitoret më spektakolare në historinë e zgjedhjeve presidenciale në SHBA.

Zoti Chris LaCivita është njeriu që pati fatin e madh t’i drejtohet kombit amerikan nga Mar-A-Lago natën e shpalljes së fitores nga presidenti amerikan në krah të këtij të fundit.

Koalicioni ynë ka zgjedhur, është i nderuar që kryearkitekti, një nga dy kryeartitektët e fushatës së fitores së datës 11 maj të jetë zoti Chris LaCivita. sn

Zgjedhjet e 11 majit- “Truri” i strategjisë së fitores së Donald Trumpit do të drejtojë fushatën elektorale të PD

Ndërsa na ndajnë dy muaj nga nisja e fushatës elektorale për zgjedhjet e 11 majit, Partia Demokratike ka zgjeshur personin që do të organizojë fushatën.

Gazetari Osman Stafa raporton se do të jetë drejtuesi i fushatës elektorale te Presidentit Amerikan Donald Trump, ai do të drejtojë fushatën e PD.

Christopher LaCivita është konsulenti politik, i cili do të punojë me Sali Berishën, sa i takon zgjedhjeve të 11 majit.

Ai është sot në Tiranë, dhe do të prezantohet nga Sali Berisha në konferencën e orës 11.00. bw

“Sy më sy dhe xhep me xhep”- Pankartat e veçanta në tubimin e opozitës, Sali Berisha ‘shfaqet krah’ Donald Trump!

Qytetarët opozitarë janë mbledhur pasditen e sotme në shenjë proteste kundër qeverisë në Bulevardin “Dëshmorët e Kombit”, para Kryeministrisë.

Protestues të shumët nga i gjithë vendi janë bërë bashkë fillimisht në selinë blu me pankarta në duar, për të marshuar drejt kryeministrisë.

Siç shihet edhe në foto, demokratët janë fotografuar me flamurin e PD-së në duar, ndërsa nuk kanë munguar as pankarat e veçanta dhe ironitë për qeverinë.

Një prej protestuesve shihet me një pankartë tek duket kreu i PD-së Sali Berisha “krah” presidentit të SHBA, Donald Trump.

protesta e opozites pankarta (2)

Ndërkohë një tjetër është fotografuar me një pankartë tek shkruan “Sy më sy dhe xhep me xhep”, duke ironizuar kështu rubrikën e re të kryeministrit Edi Rama në rrjetet sociale,”Sy më sy”, ku kreu i qeverisë u kthen përgjigje pyetjeve dhe komenteve të qytetarëve në postimet e tij.

protesta e opozites pankarta (1)

19 deputetë gjermanë ‘zbarkojnë’ në selinë e PD- Berisha: Folëm për narko-shtetin, kapjen e drejtësisë nga Rama-Soros dhe persekutimin politik…

Kryetari i Partisë Demokratike, Prof. Dr. Sali Berisha ka pritur në ambientet e selisë këtë të enjte një delegacion prej 19 deputetësh gjermanë nga landi i Saksonisë drejtuar nga Deputeti Jan Lödfler, Zv. President i Forumit Parlamentar për Evropën Qendrore dhe Lindore.

Pas ftesës për të marrë pjesë në Kongresin e 37-të të CDU-së gjermane në Berlin, kjo vizitë parlamentare dëshmon interesin e lartë që shteti Gjerman i jep situatës politike në vendin tonë.

Duke i shprehur mbi të gjitha mirënjohjen më të thellë për ndihmën e jashtëzakonshme që taksapaguesit gjermanë i kanë ofruar Shqipërisë nëpërmjet financimit të qindra e qindra projekteve zhvillimore ndër vite, kryetari i Partisë Demokratike, Prof. Dr. Sali Berisha ka informuar delegacionin e deputeteve mbi krizën e thellë demokratike që kalon Shqipëria sot.

Gjatë këtij takimi është biseduar dhe mbi ndërtimin e të vetmit narko-shtet në Europë, korruptimin e policisë dhe rënien e sistemit gjyqësor, presionin kriminal të patronazhistëve dhe narko-eurove ndaj votueseve shqiptarë, persekutimin e opozitës, mega-vjedhjet dhe paprekshmërinë e kudondodhur.

Një krizë unike kjo në kontinent që prek kufijtë e të pabesueshmes por që faktohet më së miri nga eksodi masiv tragjik i shqiptarëve gjatë 10 viteve të fundit, në veçanti drejt Gjermanisë, me një shifër që i tejkalon 1 milion bashkëkombës të larguar, ose më shumë se 30% e popullatës.

Interesit të deputetëve gjermanë mbi sistemin e drejtësisë shqiptare, kryetari i Partisë Demokratike u përgjigj duke shpalosur një historik të mënyrës okulte sesi reforma në drejtësi u projektua nga fondacioni Soros dhe sesi kjo reformë e kapur tanimë, rezultoi në arrestimin dhe goditjen e njëpasnjëshme të liderave dhe të zgjedhurve të opozitës shqiptare. Ndërkohë në paralel, reforma mbron familjarët e pushtetarëve socialistë duke i lënë të lirë sipas shembullit të Olsi Ramës pavarësisht hetimit ndërkombëtar nisur në Hanovër të Gjermanisë.

Reforma e drejtësisë e ka ç’bërë totalisht sistemin e drejtësisë në veçanti për qytetarët shqiptarë duke mbledhur një stok prej 150.000 dosjesh që kërkojnë 20 vite për t’u trajtuar.

Në këtë takim kryetari i PD, Prof. Dr. Sali Berisha theksoi gatishmërinë e Partisë Demokratike për të adresuar reformën në drejtësi ashtu si modelin qeverisës sipas praktikave më të mira evropiane. Berisha falënderoi Fondacionin e CDU-së gjermane, Konrad Adenauer për të gjithë mbështetjen e vyer të ofruar në hartimin e programit qeverisës në kuadër të zgjedhjeve parlamentare të 11 majit.

Njoftimin për këtë takim e ka ndarë edhe kreu i PD Berisha.

Deputetët gjermanë në selinë e PD! Takohen me Berishën. Kreu demokrat: I informova për krizën e demokracisë në Shqipëri

Kryetari i PD Sali Berisha ka pritur sot në ambientet e selisë blu një delegacion prej 19 deputetësh gjermanë nga landi i Saksonisë, të drejtuar nga deputeti Jan Lödfler, Zv. President i Forumit Parlamentar për Europën Qëndrore dhe Lindore.

Berisha, duke shprehur mirënjohjen që Gjermania ka dhënë për demokratizimin e vendit tonë, ka vënë ata në dijeni për krizën e demokracisë në Shqipëri.

“Gjatë këtij takimi është biseduar dhe mbi ndërtimin e të vetmit narko-shtet në Europë, korruptimin e policisë dhe rënien e sistemit gjyqësor, presionin kriminal të patronazhistëve dhe narko-eurove ndaj votueseve shqiptarë, persekutimin e opozitës, mega-vjedhjet dhe paprekshmërinë e kudondodhur”, tha Berisha.

Postimi i kreut të PD Sali Berisha:

Kënaqësi të prisja në selinë e Partisë Demokratike një delegacion prej 19 deputetësh gjermanë nga landi i Saksonisë drejtuar nga Deputeti Jan Lödfler, Zv. President i Forumit Parlamentar për Europën Qëndrore dhe Lindore.

Duke u shprehur mbi të gjitha mirënjohjen më të thellë për ndihmën e jashtëzakonshme që taksapaguesit gjermanë i kanë ofruar Shqipërisë nëpërmjet financimit të qindra e qindra projekteve zhvillimore ndër vite, informova delegacionin e deputeteve mbi krizën e thellë demokratike që kalon Shqipëria sot.

Gjatë shkëmbimit u ndalëm mbi ndërtimin e të vetmit narko-shtet në Europë, korruptimin e policisë dhe rënien e sistemit gjyqësor, presionin kriminal të patronazhistëve dhe narko-eurove ndaj votueseve shqiptarë, persekutimin e opozitës, mega-vjedhjet dhe paprekshmërinë e kudondodhur.

Interesit të deputetëve gjermanë mbi sistemin e drejtësisë shqiptare, j’u përgjigja duke shpalosur një historik të mënyrës okulte sesi reforma në drejtësi u projektua nga fondacioni Soros dhe sesi kjo reformë e kapur tanimë, rezultoi në arrestimin dhe goditjen e njëpasnjëshme të liderave dhe të zgjedhurve të opozitës shqiptare. Ndërkohë në paralel, reforma mbron familjarët e pushtetarëve socialistë duke i lënë të lirë sipas shembullit të Olsi Ramës pavarësisht hetimit ndërkombëtar nisur në Hanovër të Gjermanisë.

Reforma e drejtësisë e ka çbërë totalisht sistemin e drejtësisë në veçanti për qytetarët shqiptarë duke mbledhur një stok prej 150.000 dosjesh që kërkojnë 20 vite për t’u trajtuar.

Miqve nga gjermania u theksova gatishmërinë e Partisë Demokratike për të adresuar reformën në drejtësi ashtu si modelin qeverisës sipas praktikave më të mira europiane. Në këtë drejtim, rigjej rastin të falënderoj Fondacionin e CDU-së gjermane, Konrad Adenauer për të gjithë mbështetjen e vyer të ofruar në hartimin e programit qeverisës në kuadër të zgjedhjeve parlamentare të 11 majit. bw

Sali Berisha: Nesër do flasin qytetarët me forcën e tyre!

Berisha: Një dëshmi si e Ahmetajt do kishte rrëzuar çdo regjim në 3 ditë

Kryetari i PD gjatë një takimi me Federatën e Bashkuar ka bërë thirrje për pjesëmarrje masive në protestën e ditës së nesërme. ”Nesër duhet të flasin qytetarët me praninë e tyre, me forcën e tyre në këtë protestë”, tha lideri i opozitës.

Berisha: Ju falënderoj shumë për ndërhyrjet dhe takimin në këtë tryezë të rëndësishme në prag të një proteste të fuqishme të thirrur së bashku nga opozita.

Ftoj me këtë rast çdo qytetar shqiptar që të tregojë veten nesër në protestë kundër këtij regjimi.

Të lërë çdo gjë dhe të bashkohet me opozitën dhe opozitarizmin.

Çdo komb i civilizuar, në qoftë se do gjendej përpara dëshmive tronditëse që u gjetën shqiptarët tashmë jo nga goja e opozitës, por nga goja e bashkëpunëtorit të tij më të ngushtë, dëshmi të cilat nuk hodhën dot poshtë asnjë prej tyre, dsnjë prej tyre nuk u kundërshtua dot, do derdhej në rrugë dhe maksimumi për tre ditë do kishte larë duart me çdo regjim.

Kjo është e vërteta.

Në qoftë se zëvendësi i kryeministrit fakton me dokumente se ai ka falimentuar linjën ajrore me avionin e tij taksi me 20 milionë euro udhëtime, aq sa kemi thënë edhe ne, por ai i tregoi me bilance kontabël, të qarta, të kompanisë.

Se kur ulet me një shishe verë 33 mijë euro dhe pi 200 pensione brenda dy orësh.

Se kur ble një vazo 5 milionë euro në oborr për të qetësuar sytë e tij.

Kur ndërton vilën 57 metra themel të gjatë, duke pasur të deklaruar gjithsej 3800 euro e 400 mijë lekë.

Kur kompanitë që ndërtojnë pallatin e gruas marrin dhjetëra tendera më pas.

Kur baxhanaku merr dhjetëra, në mos qindra milionë euro, tendera dhe ia shet shtetit kompjuterët me dhjetëfishin e asaj që i blen në treg.

Kur i vëllai merr 38 mijë metër katrorë tokë edhe nga pronarët me firmën e vëllait të vet, asnjë komb i qytetëruar, as çerekun…

Për një çantë, Koreja e Jugut, një nga vendet më të zhvilluara të planetit dhe vend demokratik, dhe është sot absolutisht një nga vendet më të zhvilluara, u trondit në elektroshok se Zonja e Parë doli me çantë Dior disa mijëra euro.

Kurse ky deklaron si pa gjë të keq se biletën 28 mijë euro ma blenë të tjerat. Që detoksin i paguajnë të tjerët 10 mijë euro.

Prokurori që i merr kriminelit 2 kostume është lule me këtë që i merr biznesmenin 10 çartera për t’i dhënë lejen e ndërtimit.

Prandaj dhe nesër është dita e qytetarëve. Nesër duhet të flasin qytetarët me praninë e tyre, me forcën e tyre në këtë protestë.

Sepse ky po i poshtëron çdo ditë.

Ky kudo thotë, sa më shumë vjedh, aq më shumë më votojnë.

Sepse ky i shndërron paratë e vjedhura në votë dhe votën në vjedhje.

Ndaj dhe nesër është një ditë për të gjithë shqiptarët për të treguar veten tonë.

Edhe njëherë u falënderoj shumë dhe ftojmë së bashku të gjithë qytetarët të na bashkohen, socialistë, pa parti, çfarëdo që të jenë, anëtarët e partive tona.

Ju e patë, socialistë guximtarë që nuk e ndjejnë më veten se partia është e tyre, po flasin siç mund të flisnim ne, çka do të thotë se ata janë më afër me ne se me Edi Ramën. Se ata nuk kanë qëndruar aty për t’u vjedhur në mënyrën më të papërmbajtur.

Ftojmë të rinjtë të bashkohen me ne.

Një poet i ri, me të drejtë e ka cilësuar Edi Ramën si ëndërrngrënësi i ëndrrave të tyre.

Ti që je ulur në fron, ushqehesh me ëndrrat tona. Ëndrrën shqiptare ua përlau ky. Ikin këta, as shtëpi nuk blejnë, as punë nuk gjejnë, as gjë prej gjëje.

E tundën Beogrdin të rinjtë e Serbisë dhe ky i censuron. E tundën, e jashtëzakonshme.

Ndaj dhe tiranët përmbysën.

Kështu që ftoj të gjithë shqiptarët nesër në Tiranë.

Berisha: Ftoj çdo parti që ndjehet opozitare të na bashkohet në këtë front kundër së keqes

Në mbledhjen me aleatët e Federatës së Bashkuar lideri i Partisë Demokratike Sali Berisha, ka theksuar rëndësinë e bashkimit të forcave opozitare për të përballuar regjimin aktual. Ai foli për një koalicion të gjerë që synon të sfidojë Edi Ramën dhe qeverinë e tij, duke e akuzuar atë për krijimin e një “narkoshteti” dhe udhëheqjen e një organizate kriminale.

Berisha nënvizoi se mbledhja me aleatët e Federatës së Bashkuar ishte një hap kyç në konsolidimin e opozitës. Sipas tij, ky bashkim është i domosdoshëm për të luftuar regjimin e kakistokracisë që ka mbërthyer vendin. Berisha ftoi të gjitha partitë opozitare të lënë mënjanë dallimet e brendshme dhe të bashkohen për të sjellë një ndryshim të vërtetë. Ai e përshkroi situatën si një mundësi të vetme për të sjellë drejtësi dhe për të rikthyer demokracinë në vend.

FJALA E BERISHËS:

Ky takim i Federatës opozitare vjen në prag të protestës së madhe të opozitës, në të cilën populli opozitar do t’i dëshmojë shqiptarëve dhe botës se Edi Rama përfaqëson sot kreun e narkoshtetit dhe me dëshmitë tronditëse të bazuara në dokumente autentike origjinale dhe prani fizike të Arben Ahmetajt, ai është sot një delinkuent madhor në krye të një organizate kriminale, të cilën ne e kemi damkosur me kohë.
Por vetëkuptohet kur ato dëshmi vijnë me dokumente nga bashkëpunëtori i tij më i ngushtë në 10 vite, ato janë prova të pakundërshtueshme të inkriminimit të thellë të Edi Ramës.
Por ky takim dhe kjo mbledhje është shumë e rëndësishme për konsolidimin e mëtejshëm të frontit opozitar kundër kësaj të keqe të pakrahasueshme me ndonjë të keqe tjetër që nga diktatura hoxhiste gjer sot.
Bashkimi i të gjithë potencialeve opozitare kundër Edi Ramës, kundër Rilindjes që është sot sinonim i krimit, sinonim i një regjimi që në fjalorin politik të të gjitha kohërave, ka një term: regjimit të kakistokracisë që përmbledh të gjitha të këqijat që mund t’i bëjë një pushtet një vendi.
Dhe në fakt, një pushtet që përzë nga vatrat e tyre 40-45 përqind të popullit në 10 vite, është më i keqi që ky popull ka njohur në historinë e tij.
Koha është për një front sa më të gjerë opozitar, ndaj dhe unë ftoj të gjitha forcat politike që e ndjejnë veten opozitë, e konsiderojnë veten opozitë, pavarësisht nga çdo kundërshti që mund të kenë njëri me tjetrin, të bashkohen në këtë front për t’u përballur me sukses me këtë të keqe që kemi përpara.
Sepse ky bashkim ka një rëndësi vendimtare.
Ka prej tyre që kanë shumë vërejtje për këtë forcë apo atë forcë, kanë vërejtje për PD-në, normale janë këto, por problemi është se nuk ka rrugë tjetër përveç bashkimit për t’u përballur me këtë të keqe që kemi përpara.
Dhe të gjitha variantet e tjera, vetëm sa pjesëtojnë fuqinë e opozitës. sn

Udhëtimi në Berlin- Berisha: Në Gjermani presin me padurim fitoren e PD-së

Lideri i Partisë Demokratike, Sali Berisha, ka komentuar udhëtimin e tij të fundit drejt Berlinit, duke theksuar se ai përbënte një hap të rëndësishëm në procesin e fitores për Partinë Demokratike. Në konferencën për shtyp, Berisha shpjegoi se ky udhëtim ishte një kthim në një moment historik të ngjashëm me ato që ai ka përjetuar gjatë karrierës së tij politike. Ai e krahasoi këtë udhëtim me atë të para 32 vjetësh, kur, si kryetar i PD-së, takoi Helmut Kohl dhe mori pjesë në një samit të OSBE-së.

Berisha nënvizoi se, siç ndodhi atëherë pas rënies së regjimit komunist, kësaj radhe PD-ja është duke dalë nga një periudhë e vështirë e izolimit nën qeverisjen e narkodiktaturës. Ai shprehu besimin e tij të thellë se Partia Demokratike do të fitojë zgjedhjet dhe se e ardhmja e saj është e ndritshme. Lideri demokrat gjithashtu theksoi mbështetjen që ka marrë nga partia më e fuqishme e Europës, CDU, dhe presidentin e saj, Friedrich Merz, i cili e ka shprehur publikisht mbështetjen për fitoren e PD-së.

FJALA E BERISHËS:

Udhëtimi im drejt Berlinit ishte udhëtim drejt fitores.

Natyrisht unë e kuptoj që ju keni kuriozitet të shpreh opinionin tim për këtë udhëtim, pra, ishte udhëtim drejt fitores.

Një koincidencë shumë interesante, kam qenë kryetar i PD 32 vjet më parë, kur jam nisur drejt kryeqytetit gjerman, në atë kohë ishte Boni, dhe nuk ishte kongresi i CDU-së, ishte një samit i OSBE-së, por Helmut Kohl do të ishte kryeministri i parë që unë do të takoja si politikan disamujor.

Historia përsëritet, në atë kohë pak muaj më parë kishim dalë nga izolimi komunist.

Edhe kësaj herë, pak muaj më parë dola nga izolimi i narkodiktaturës.

Atëherë fitova. Atëherë fituam zgjedhjet, PD fitoi zgjedhjet.

Këtë herë, PD fiton zgjedhjet.

Kjo është esenca.

Dhe unë mund t’u them demokratëve dhe shqiptarëve, se partia më e fuqishme e Europës, presidenti i të cilës merr në pak javë timonin e shtetit udhëheqës të Europës, Friedrich Merz, presin me padurim fitoren e PD.

Dëshirojnë fitoren e kësaj force politike si një forcë me të cilën ndajnë vlera të përbashkëta. sn

Shqipëria me pagën minimale më të ulët në Europë, nuk ka fuqi blerëse

Vendimet e njëpasnjëshme të qeverisë për rritjen e pagës minimale sërish nuk kanë arritur të nxjerrin Shqipërinë nga vendi i fundit në renditjen europiane, sidomos kur bëhet fjalë për fuqinë e saj blerëse. Nuk e ka shpëtuar nga vendi i fundit as rritja artificiale e pagës e konvertuar në euro.

Eurostat ka publikuar të dhënat e përditësuara për pagën minimale në Europë për 6 mujorin e parë 2025, ku paga minimale për Shqipërinë është 407 euro. Nga 1 prilli 2023, paga bruto minimale në vend u rrit në 40 mijë lekë, por në atë kohë ajo vlente 376 euro sipas Eurostat. E njëjta pagëk sot i ka kaluar 400 euro, kur konvertohet në monedhën e përbashkët, për shkak të zhvlerësimit të euros në vend, ndonëse për pagamarrësit ajo ka mbetur e pandryshuar.

Edhe pas rivlerësimit, paga minimale në Shqipëri mbetet më e ulëta në rajon. Më e lartë pagesa minimale është në Mal të Zi (670 euro) dhe në Serbi (618 euro). Për Maqedoninë e Veriut të dhënat e Eurostat janë deri në 6 mujorin e dytë 2021, por statistikat kombëtare referojnë se paga minimale bruto është 33.3 mijë denarë, ose 540 euro. Në Bosnjë, paga minimale është 510 euro/muaj.

Eurostat publikon dhe treguesin tjetër, atë të pagës minimale në Standardet e Fuqisë Blerëse (PPS), pra pas përshtatjes së tyre me diferencat e çmimeve midis vendeve. Kjo bëhet duke përdorur të dhënat më të fundit të barazisë së fuqisë blerëse (PPP) të disponueshme, viti referues 2023, për shpenzimet e konsumit final të familjeve. Ky rregullim redukton diferencat midis vendeve, shpjegon Eurostat.

Teksa çmimet në Shqipëri janë ndër më të lartat në rajon, dhe shumë produkte kushtojnë dhe më shtrenjtë se në BE, fuqia blerëse është e ulët, duke e renditur Shqipërinë të fundit në Europë (shih grafikun e Eurostat, më poshtë). Madje paga minimale sipas fuqisë blerëse është dhe më e ulët se e Maqedonisë së Veriut, ndonëse kjo e fundit është me të dhënat e vitit 2021, kur paga ishte 360 euro.

Pagat në Europë

Sipas Eurostat, në janar 2025, paga minimale në vendet e BE-së varionte nga 551 € në muaj në Bullgari deri në 2 638 € në muaj në Luksemburg.

Më 1 janar 2025, 22 nga 27 vendet anëtare të BE-së kishin një pagë minimale kombëtare. Vendet e BE-së që nuk kishin një pagë minimale kombëtare ishin Danimarka, Italia, Austria, Finlanda dhe Suedia. Paga minimale mujore ndryshon ndjeshëm midis vendeve të BE-së, nga 551 € në Bullgari deri në 2 638 € në Luksemburg.

Ndër 10 vendet kandidate dhe potencialisht kandidate, 7 kishin një pagë minimale kombëtare (Mali i Zi, Moldavia, Maqedonia e Veriut, Shqipëria, Serbia, Turqia dhe Ukraina), ndërsa Bosnja dhe Hercegovina, Gjeorgjia dhe Kosova nuk e kishin të tillë.

Bazuar në nivelin e pagës minimale mujore bruto kombëtare në fuqi më 1 janar 2025, e shprehur në euro (€), vendet e BE-së mund të klasifikohen në tre grupe të ndryshme, si më poshtë:

-Mbi 1 500 € në muaj: Ky grup përfshin Luksemburgun, Irlandën, Holandën, Gjermaninë, Belgjikën dhe Francën. Paga minimale kombëtare në këto vende varionte nga 1 802 € në Francë deri në 2 638 € në Luksemburg.

– Nga 1 000 € deri në 1 500 € në muaj: Në këtë grup bëjnë pjesë Spanja, Sllovenia, Polonia, Lituania, Portugalia dhe Qipro. Paga minimale kombëtare varionte nga 1 000 € në Qipro deri në 1 323 € në Spanjë (niveli në fuqi më 1 korrik 2024).

– Nën 1 000 € në muaj: Ky grup përfshin Kroacinë, Greqinë, Maltën, Estoninë, Çekinë, Sllovakinë, Rumaninë, Letoninë, Hungarinë dhe Bullgarinë. Paga minimale kombëtare në këto vende varionte nga 551 € në Bullgari deri në 970 € në Kroaci.

Për krahasim, paga minimale federale në Shtetet e Bashkuara është 1 210 € në muaj.

Norma mesatare vjetore e rritjes midis janarit 2015 dhe janarit 2025 ishte më e larta në Rumani (+14.1%), e ndjekur nga Lituania (+13.2%), Bullgaria (+11.6%) dhe Polonia (+10.3%). Normat më të ulëta të rritjes mesatare vjetore ndër vendet e BE-së u regjistruan në Francë (+2.1%) dhe Maltë (+2.9%).

Shënim: Për vendet që nuk e kanë euron si monedhë kombëtare (Bullgaria, Çekia, Hungaria, Polonia dhe Rumania), si dhe për vendet kandidate dhe potencialisht kandidate (përveç Malit të Zi), si dhe për Shtetet e Bashkuara, paga minimale është konvertuar në euro (€) duke përdorur kursin e këmbimit në fuqi në fund të dhjetorit 2024./MONITOR

Vendimi- Çfarë përmban ligji për amnistinë e viteve të punës para ‘94-ës, përfitojnë 30 mijë pensionistë! Kushtet dhe procedura

Ligji për njohjen automatike të të gjitha viteve të punës në periudhën e komunizmit ka marrë udhë tashmë me miratimin në Parlamentin e Shqipërisë, duke lehtësuar jetën e 30 mijë qytetarëve që dalin rishtazi në pension apo janë në procese administrative.

Në mungesë të dokumentacionit të plotë, i cili ka humbur është djegur ose është grisur me vitet, qeveria ka vendosur të marrë të mirëqena vitet e punës për të gjithë qytetarët që dalin rishtazi në pension, duke nisur nga ky vit. Përmes një postimi, ministri i Ekonomisë, Blendi Gonxhja dha më tepër detaje mbi periudhat kontribuitive që njihen në secilën prej institucioneve të sipërpërmendura dhe numrin e gjerë të qytetarëve që përfitojnë nga kjo “amnisti”.

“Për shkak të mungesës së dokumentacionit të vjetër, janë përballur me vështirësi të mëdha në njohjen e viteve të punës për efekt pensioni”, – u shpreh ministri i Ekonomisë, Kulturës dhe Inovacionit, Blendi Gonxhja. Sipas tij, ky ligj eliminon burokracitë dhe shpenzimet që mijëra qytetarë janë detyruar të përballojnë për të provuar vjetërsinë në punë, njeh automatikisht periudhat e punësimit para vitit 1994, duke shmangur proceset e gjata gjyqësore.

“Për shumë vite, një problematikë e trashëguar ka rënduar mbi qytetarët, që për shkak të keq menaxhimit të dokumenteve shtetërore nuk kanë mundur të dëshmojnë vitet e punës dhe kanë marrë pensione më të ulëta nga sa u takonte. Mijëra prej tyre janë detyruar të ndjekin rrugë të gjata ligjore për të fituar të drejtën e tyre, ndërsa shumë të tjerë nuk kanë pasur mundësi të kërkojnë atë që u takon”, – tha ministri.

Me këtë ligj, vijoi ministri, kapitulli i kalvareve burokratike me mbi 3000 procese gjyqësore në vit, e i padrejtësisë mbyllet përfundimisht.

“Ky është një tjetër hap në përpjekjen tonë të vazhdueshme për të garantuar një sistem pensionesh më të drejtë dhe më të qëndrueshëm, duke i dhënë dinjitetin që meritojnë qytetarëve tanë në moshë pensioni”, – tha Gonxhja.

PROCEDURA PER NJOHJEN

Me ndryshimet në fjalë qytetarët që kanë punuar në institucionet shtetërore, ndërmarrjet shtetërore, ato bujqësorë dhe kooperativat, mund të bëjnë deklaratë për njohjen e viteve të punës me kusht që gjatë periudhës së deklaruar, kërkuesi ka qenë me vendbanim në qytetin apo fshatin ku ka ushtruar veprimtarinë subjekti punëdhënës dhe nuk ka qenë duke vuajtur dënimin me heqje lirie.

Miratimi i ligjit mundëson njohjen e periudhave të sigurimit pa pengesa procedurale, siç ndodh kur dokumentacioni që pasqyron periudhën e vjetërsisë në punë paraqet mangësi që e bëjnë të pamundur njohjen e saj administrativisht, pa shpenzime për përfituesit dhe mbi të gjitha do të mundësonte përfitimin e një pensioni, të paktën sa masa e pensionit social. Kushtet e përfitimit të pensionit të pleqërisë, sipas ligjit “Për sigurimet shoqërore në Republikën e Shqipërisë”, ndryshojnë sipas gjinisë dhe për vitin 2024, mosha për përfitimin e pensionit të pleqërisë për burrat është 65 vjeç, për gratë është 61 vjeç e 8 muaj, ndërsa periudha minimale e sigurimit është e njëjtë për të dyja kategoritë, 15 vite. Grumbullimi i dokumentacionit të vjetërsisë në punë para vitit 1994, për këto ente ka problematika të konsiderueshme, si mungesë e plotë të dhënash, të dhëna të pjesshme, të korrigjuara, të fshira, identitete të pasakta, fletë të dëmtuara, mungesë dokumentacioni për subjekte të caktuara etj..

Për shkak të problematikave të tilla dhe kompetencave të kufizuara të Institutit të Sigurimeve Shoqërore, periudha të konsiderueshme vjetërsie në punë, nuk janë konfirmuar dhe nuk janë njohur administrativisht, me pasojë refuzimin e kërkesave për caktim pensioni. Kjo ka detyruar shumë qytetarë t’u drejtohen gjykatave me kërkesë-padi për njohjen e këtyre periudhave, proces i cili zgjat në kohë dhe ka shpenzime të mëdha, e shpesh të papërballueshme.

/Gazeta Panorama

Berisha: Një përshëndetje të përzemërt me Sekretarin e Përgjithshëm të CDU

Kryetari i opozitës, Sali Berisha, i cili mori pjesë në kongresin e partisë më të madhe gjermane, CDU, postoi sot një foto nga një takim me një zyrtar tjetër të lartë të kësaj partie.

Berisha postoi foton me Sekretarin e Përgjithshëm të CDU, Carsten Linneman.

“Një përshëndetje të përzemërt miq, me Sekretarin e Përgjithshëm të CDU-së, Dr. Carsten Linnemann,” shkruan Berisha.

CDU pritet të fitojë zgjedhjet e parakohshme të 23 shkurtit në Gjermani.

Drejtuesi i tyre, Friedrich Merz do marrë postin e kancelarit.

Berisha u takua një ditë më parë gjatë kongresit me Merz. sn

EKSKLUZIVE e syri.net: Dëshmia e punonjëses që tregon si fotografoi fëmijët e Arben Ahmetaj, për llogari të shantazheve

Ish-zv/kryeministri i Shqipërisë, numri dy i Edi Ramës për disa vite, Arben Ahmetaj në një intervistë për ‘Çim Peka LIVE’, ka treguar se, si një punonjëse në banesën e tij, e cila ndihmonte me mbarëvajtjen ditore të shtëpisë, kishte fotografuar fëmijët e tij.

Ahmetaj deklaroi se, zonja kishte pësuar shantazhe të ndryshme, që i kërkonin që të raportonin për atë çfarë ndodhte në banesën e tij.

E ketë e ka pranuar edhe vetë punonjësja, e cila para se të largohej nga Shqipëria, ka dhënë një dëshmi të saj, të noterizuar ku pranon se, ishte kërcënuar dhe shantazhuar me qëllim që të fotografonte dhe të jepte informacione për Arben Ahmetajn, fëmijët dhe familjen e tij.

Konservatorët Britanikë: Keqardhje që socializmi vazhdon të mbizotërojë në Shqipëri

Pasi takuan në zyrë dhe biseduan kokë më kokë me të, deputetët konservatorë britanikë nga Shkodra komentuan “Non Gratën” e Sali Berishës nga shteti i tyre, duke e quajtur një vendim jo të drejtë për sa kohë nuk ka një akuzë konkrete dhe prova të bëra publike. Andrew Rosindell, ministër për Marrëdhëniet me Jashtë, ritheksoi se PD është parti motër me Partinë Konservatore Britanike.

Andrew Rosindell: Njoh zotin Berisha prej më shumë se 30 vitesh dhe e kam vizituar në vitin 1996, kur ishte president i Shqipërisë dhe kryetar i Partisë Demokratike. Partia Demokratike e Shqipërisë është një parti motër me Partinë Konservatore Britanike – janë miqtë dhe aleatët tanë. Do të doja t’i shihja ata të riktheheshin në pushtet në Shqipëri. Sa i përket kufizimeve për Dr. Berishën për të hyrë në Mbretërinë e Bashkuar, ende nuk kam parë ndonjë provë që të justifikojë këtë vendim. Besoj se secili duhet të konsiderohet i pafajshëm derisa të provohet e kundërta. Nëse ka ndonjë akuzë, ajo duhet të bëhet e qartë për publikun dhe të mbështetet në prova konkrete. Përndryshe, është e vështirë ta shoh këtë si një vendim i drejtë”.

Ndërsa panë nga afër “Vendin e Dëshmisë dhe Kujtesës”, një prej burgjeve famëkeqe të komunizmit në Shkodër, konservatorët britanikë kanë një qëndrim të tyrin edhe për politikën dhe zgjedhjet e 11 Majit.

“Ndodhem këtu për të vizituar një muze që përfaqëson disa nga krimet më të tmerrshme që kam dëgjuar ndonjëherë gjatë kohës sime në politikë. Ky është një vend që dikur u përdor për tortura, vrasje dhe trajtim çnjerëzor ndaj atyre që thjesht dëshironin të ishin të lirë – që dëshironin të praktikonin fenë e tyre dhe të jetonin në një shoqëri të hapur, por u mohua kjo e drejtë. Të dëshmoj një vend ku janë kryer krime kaq mizore nën regjimin komunist ka qenë një përvojë tepër prekëse. Është thelbësore që ta kuptojmë këtë histori, të mos e harrojmë dhe të mos lejojmë që dikush ta mohojë atë. E gjithë bota duhet ta dijë se në Shqipëri u kryen krime të tmerrshme gjatë sundimit komunist. Kjo është arsyeja pse ne, në Mbretërinë e Bashkuar dhe në demokracitë e tjera anembanë botës, jemi të vendosur të luftojmë kundër çdo përpjekjeje për të imponuar sundimin totalitar. Historia na tregon se ku çon ky sundim – në shtypje, tortura dhe vrasje brutale, siç kemi parë edhe në Shqipëri. Së pari, dua të them qartë se e kundërshtoj komunizmin dhe nuk jam dakord me një qasje socialiste ndaj qeverisjes. Më duket shqetësuese që ndërsa shumica e vendeve e kanë lënë pas këtë ideologji, socializmi vazhdon të mbizotërojë në Shqipëri. Besoj se kjo është e dëmshme për popullin shqiptar, i cili meriton një të ardhme më të lirë dhe më demokratike. Kur vizitova Shqipërinë 29 vjet më parë, mendova se vendi ishte në rrugën e duhur drejt një demokracie të plotë perëndimore. Fatkeqësisht, sot nuk më duket se ky tranzicion ka ndodhur dhe mendoj se është i nevojshëm një ndryshim politik për t’u dhënë njerëzve shpresë për të ardhmen”.

Rosindell e cilësoi këtë vizitë, si pasqyra më e mirë se si ata mund të njiheshin me të shkuarën komuniste të vendit tonë dhe torturat ç’njerëzore që kaluan shqiptarët, që janë dëshmia më e mirë për të mos u përsëritur e shkuara. Delegacioni britanik u takua më pas me kryesinë e PD Shkodër, ku diskutuan mbi zhvillimet politike. sn

Studentët serbë mbërrijnë në Novi Sad pas marshimit dyditor

Studentët nga Beogradi mbërrijnë në Novi Sad, 31 janar 2025.

Studentët serbë kanë mbërritur mbrëmjen e së premtes në Novi Sad, pas një marshi dyditor nga Beogradi, për të protestuar kundër shembjes vdekjeprurëse të një strehe në stacionin e trenit, e cila, sipas tyre, ndodhi si pasojë e korrupsionit.

Studentët protestues mbanin në duar kurora me emrat e 15 njerëzve që vdiqën nga shembja e strehës në stacionin e Novi Sadit më 1 nëntor.

Ata pritet të marshojnë së bashku me studentët e Novi Sadit nëpër rrugët qendrore të qytetit deri në stacionin e trenit, ku do të bëjnë homazhe për viktimat.

Më 1 shkurt, studentët nga Beogradi do të bashkohen me kolegët e tyre nga Novi Sadi për t’i bllokuar tri ura mbi lumin e Danubit.

Çiklistët nga Beogradi mbërrijnë në Novi Sad, më 31 janar 2025.

Në këtë mënyrë, ata do ta shënojnë tremujorin e vdekjes së 15 njerëzve nga shembja e strehës prej betoni.

Një grup tjetër studentësh, që ishin nisur nga Beogradi me biçikleta, mbërritën më herët në Novi Sad dhe u pritën nga çiklistët e Novi Sadit para stacionit të trenit.

Studentët nisën marshin e tyre afër 80-kilometërsh të enjten, rreth orës 10:30 nga Fakulteti i Arteve Dramatike të Beogradit.

Rruga e marshimit u sigurua nga rojet e studentëve dhe policia.

Kolona shoqërohej nga një ambulancë dhe një cisternë uji.

Ata u ndalën për pushim të enjten në Batajnicë, Bova dhe Stara Pazova, ku u pritën nga qytetarët dhe shkuan në Ingjije rreth orës 22:00 dhe kaluan natën në tenda në një fushë sporti.

Ministri i Brendshëm i Serbisë, Ivica Daçiq, tha të martën se pjesëtarë të kësaj ministrie do të ofrojë siguri për marshin e studentëve, duke i përcjell edhe me autoambulanca dhe kamionë me ujë të pijshëm.

Tragjedia në Novi Sad nxiti një valë të protestave masive në mbarë Serbinë, duke nxjerr në rrugë dhjetëra mijëra njerëz.

Studentët duke marshuar nga Beogradi drejt Novi Sadit. Stara Pazova, 30 janar 2025.

Në dy muajt e fundit, protestat janë udhëhequr nga studentët, të cilët kanë bllokuar dhjetëra universitete shtetërore. Kërkesa kryesore e tyre është që të ketë përgjegjësi penale dhe politike të autoriteteve për aksidentin në Novi Sad.

Qeveria dhe presidenti Aleksandar Vuçiq, pretendojnë se kërkesat e studentëve janë plotësuar.

Studentët protestues kanë thënë se Vuçiqi nuk është përgjegjës për përmbushjen e kërkesave të tyre, duke shtuar se kërkesat nuk janë plotësuar dhe ata do të vazhdojnë protestat.

Drejt Italisë dhe grupi i tretë i emigrantëve të dërguar në Gjadër

Anija ushtarake italiane e cila transportoi në Shqipëri grupin e tretë të emigrantëve

Përpjekja e kryeministres italiane Giorgia Meloni, për të frenuar emigracionin e paligjshëm drejt vendit të saj, përmes marrëveshjes së arritur me qeverinë shqiptare, mori një tjetër goditje mbrëmjen e së premtes pasi Gjykata e Apelit në Romë, kundërshtoi mbajtjen në kampin e Gjadrit, të grupit të tretë të migrantëve të dërguar në Shqipëri tre ditë më parë. Brenda 24 orësh ata do të transferohen në Itali.

Ashtu si dhe në dy rastet e mëparshme, në tetor dhe nëntor, Gjykata ka ngritur pikëpyetje mbi përfshirjen e Bangladeshit dhe Egjiptit, në listën e “vendeve të sigurta”, duke kërkuar që të pritet interpretimi për çështjen, nga Gjykata europiane e Drejtësisë, e cila do të duhet të shprehet më 25 shkurt. Sipas gjykatësve, që një vend të konsiderohet “i sigurt” duhet që “kushtet thelbësore për një përcaktim të tillë, të mund të plotësohen për të gjitha kategoritë e personave”. Prejardhja nga një “vend i sigurt” është parakusht për zbatimin e procedurës së përshpejtuar në kufi, që i lejon autoritetet italiane ta dërgojnë një migrant në kamin e ngritur në Shqipëri.

Të martën, 49 migrantë të gjetur në ujërat ndërkombëtare u transportuan fillimisht në Shëngjin e më pas në kampin e Gjadrit. Të paktën 6 prej tyre u dërguan menjëherë në Itali, pasi nga verifikimet rezultoi se një pjesë ishin minorenë, ndërsa të tjerët me probleme shëndetësore. Të 43 migrantët e mbetur, përmes videokonferencave, iu nënshtruan të premten, procesit me gjykatësit e Apelit, të cilët duhet të vlerësonin ligjshmërinë e ndalimit dhe mbajtjes së tyre në Shqipëri.

Vendimi ishte i njejtë për të gjithë. Ndonëse Egjipti dhe Bangladeshi janë përfshirë nga qeveria italiane në listën e “vendeve të sigurta”, për gjykatësit e Apelit të Romës, akti i qeverisë rezulton të mos ketë mbajtur në konsideratë faktin që ka interpretime të ndryshme mbi respektimin e të drejtave të njeriut ndaj disa kategorive, përfshirë komunitetin Lgbtqi+, apo viktimave me bazë gjinore dhe pakicat etnike e fetare. Sipas Gjykatës, duke qenë se për çështjen, ka intepretime kundërthënëse mes të drejtës europiane dhe asaj italiane, rasti i është lënë gjykimit përfundimtar nga Gjykata europiane e Drejtësisë.

Edhe në dy episodet e mëparshme, seksioni për migracionin në Gjykatën e Shkallës së parë në Romë urdhëroi transferimin në Itali të grupeve të migrantëve të dërguar në Shqipëri, duke e bllokuar marrëveshjen Meloni-Rama të nëntorit të vitit 2023. Vendimet e gjykatave u shoqëruan me polemika të forta. Qeveria italiane ndërhyri duke bërë një ndryshim të listës së “vendeve të sigurta” shoqëruar dhe me një ndryshim ligjor, i cili e kalonte vendimmarrjen për rastet në Gjykatën e Apelit. Por edhe kjo lëvizje, duket se nuk ka sjellë rezultatin e pritur.

Harxhi: Brenda disa javësh mund të ketë një ftesë nga SHBA për kreun e PD

Edit Harxhi, e ftuar në studion e News24, ka komentuar mbi mundësinë e heqjes së statusit “non-grata” nga SHBA për liderin e Partisë Demokratike, Sali Berisha pas rikthimit të Donald Trump në presidencë.

Harxhi deklaroi se dy ditë pas fitores së zgjedhjeve, Trump ka paraqitur disa nga prioritetet kryesore të administratës së tij, duke përfshirë luftën kundër përdorimit të shtetit për të sulmuar kundërshtarët politikë. Ajo theksoi se Sekretari i Shtetit Marco Rubio ka qenë më parë kritik ndaj sanksioneve të vendosura ndaj figurave politike nga administrata Biden dhe mund të ndërhyjë edhe në rastin e Berishës.

“Sali Berisha nuk është i sanksionuar nga Departamenti i Thesarit, por me një urdhër administrativ nga Sekretari i Shtetit Antony Blinken. Ka pasur raste kur ky status është ndryshuar, siç ndodhi me kryeministrin e Indisë, i cili theu ‘non-gratën’ dhe u pajis me vizë për të vizituar presidentin Obama,” – u shpreh Harxhi.

Ajo gjithashtu la të kuptohet se mund të ketë zhvillime të reja mbi këtë çështje, duke përmendur “fakte të reja” që kanë dalë në dritë dhe duke sugjeruar se një ftesë për Berishën nga SHBA mund të jetë e mundshme në javët e ardhshme.

“Dy ditë pas fitores së zgjedhjeve, Trumpka paraqitur disa nga shtyllat kryesore që do të ndjekë në politikën e tij. Ai ka folur për luftën kundër shtetit të nëndheshëm në SHBA,duke veçuar përdorimin e shtetit për të sulmuar kundërshtarët politikë.
Sekretari i Shtetit Marco Rubio ka hartuar kur ka qenë senator një letër drejt presidentit Biden për çështjen e sanksioneve ndaj politikanëve që ishin kundërshtarë me të majtën kryesisht. Ai përmend Amerikën Latine,por thoshte jo vetëm atë. Vetëm dy javë para largimit të administratës Biden është deklaruar non-grata ministri kryesor i kabinetit të Viktor Orban në Hungari.
Rubio njihet me çështjen e sanksioneve dhe jam e sigurt që do të reagojë në lidhje me përdorimin e sanksioneve.
Zoti Berisha nuk është i sanksionuar i Thesarit, por me një urdhër administrativ nga sekretari i shtetit Blinken. Si Berisha dhe shumë që kanë një non-grata të tillë,pasi vërtetohet nga Thesari se nuk kanë bërë korrupsion në SHBA dhe nuk kanë pasur asete të fshehura u është vendosur ky urdhër non-grata.Cfare do të thuhet nëse brenda disa javësh do të shohim një ftesë për Berishën nga SHBA? Kanë dale fakte të reja këto ditë të ish-zv-kryeministrit. Kam plot informacione për një ftesë të zotit Berisha. Pajisja me vizë në ambasadë bëhet ashtu si është bërë për kryeministrin e Indisë, që me ftesë të presidentit Obama asokohe theu non-gratën dhe vizitoi presidentin Obama”, u shpreh ajo. bw

Alba Kepi: Këta janë horra, mashtrojnë çdo ditë, t’u japim fund me 8 Shkurt

Opozita ka zhvilluar protestën e radhës para bashkisë së Tiranës. Gazetarja Alba Kepi tha se Tirana është bërë kryeqendra e hajdutëve. Është bërë kryeqendra e horrave që kanë marrë peng këtë qytet.

Alba Kepi: Unë dua ta nis sot me një datë të rëndësishme, pasi me 31 janar 1925 asambleja kushtuese e parlamentit shqiptar shpalli Tiranën kryeqytet të Shqipërisë. Në çdo vend të botës kjo datë do të festohej. Por Tirana sot është bërë kryeqendra e hajdutëve, është bërë landfilli i magaskandaleve, landfilli i 5D, landfilli i 5B. Është bërë kryeqendra e te gjithë horrave që kanë marrë peng këtë qytet e kanë dhunuar dhe struken aty brenda duke i vënë kyçin qytetarëve dhe duke ju vjedhur çdo ditë.

Bashkë duhet të bashkohemi që të rrezojmë këtë sistem, bashkinë dhe kryeministrinë dhe të mblidhemi për ti dhëne fund këtij regjimi antidemokratik.

Një fjalë e kam për ju që keni moshën e prindërve tanë. Ju nuk keni nevojë për lëmoshë. Duhet të shikoni këtë si lëmoshë për votën. Ju keni nevojë për dinjitet për respekt, mos e pranoni. Këta janë horra, mashtrojnë çdo ditë. Ti japim fund këtij mashtrimi e kësaj vjedhjeje e këtij megaskandali. sn

Kreu i PD niset drejt Gjermanisë, merr pjesë në Kongresin Elektoral të CDU

Kryetari i Partisë Demokratike, Sali Berisha, niset sot drejt Gjermanisë ku do të marrë pjesë në Kongresin Elektoral të CDU-së në Gjermani, pas një ftese zyrtare si përfaqësues i opozitës shqiptare.

Kongresi mbledh liderët e partive anëtare të Partisë Popullore Evropiane, ku bën pjesë edhe Partia Demokratike e Shqipërisë.

Berisha ka marrë leje nga Prokuroria e Posaçme pas ndodhet nën masën e sigurisë “Detyrim paraqitjeje”.

Ndërkohë, një ditë pas protestës kombëtare të 8 shkurtit, më 9 shkurt, kreu i PD do të zhvillojë një takim me shqiptarët që jetojnë në Itali, takim që pritet të mbahet në Romë. bw

‘PD, parti e shpresës’- Ndryshon ‘muzika’ edhe për britanikët, deputetët konservatorë takojnë Berishën

Një erë e re po fryn çdo ditë e më shumë rreth Partisë Demokratike të Shqipërisë, nën drejtimin e Sali Berishës.

Deputetët konservatorë britanikë kanë zhvilluar një takim me kryedemokratin Sali Berisha në selinë blu, duke e parë Partinë Demokratike si partia e shpresës së shqiptarëve, pas 12 vitesh vjedhje dhe korrupsion nga narko-qeveria e Edi Ramës me ndihmën e Xhorxh Soros dhe organizatave të financuara prej tij.

Deputetët britanikë u ftuan në Shqipëri nga Qendra Konservatore Shqiptare, konkretisht nga Enri Ceno, Nikola Kedhi, Alfred Pellumbit dhe Besa Manaj.

Ky është takimi i parë i këtij niveli për Berishën që prej dizenjimit korruptiv ‘non grata’ nga ShBA dhe Britania, duke treguar hapur se lobimet korruptive të Edi Ramës nëpërmjet Soros, nuk po ‘pijnë më ujë’ për partnerët ndërkombëtarë.

“Së bashku me miqtë dhe bashkëpuntorët e Institutit Konservator dhe Sekretariatit, Besën, Alfredin dhe Nikolën pritëm Andrew Rosindell deputet i Romford për Partinë Konservatore në Mbretërinë e Bashkuar, Ministër i Jashtëm në hije, Anëtar i Komitetit të Punëve të Jashtme. Martin Vickers Deputeti konservator i Mbretërisë së Bashkuar, Kryetar i grupit parlamentar miqësor të MB-së dhe Ballkanit. Philippa Broom ish-drejtoreshë e Marrëdhënieve me Jashtë për Partinë Konservatore në Mbretërinë e Bashkuar dhe anëtare e Bordit të grave konservatore dhe Pierre Plumeau Këshilltar i Andreë Rosindell”- thuhet në njoftimin e qendrës.

‘SPAK dhe BKH u përgatitën për arrestimin e Taulant Ballës për trafik droge, pastrim parash e blerje votash, por nuk i lejoi Rama’

SPAK dhe BKH hetuan dhe u nisën të arrestojnë Taulant Ballën për trafik droge, pastrim parash dhe blerje votash, por Rama i ktheu në letër higjenik duke mos u dhënë leje ta arrestojnë, kështu shprehet në një postim në rrjetin social, Jamarbër Malltezi, anëtari i Këshillit Kombëtar të PD dhe drejtues i dep. Mjedisit.

Është e disata herë që Taulant Balla akuzohet për krime zgjedhore dhe lidhje me bandat nga më të rrezikshmet në Shipëri, por vijon të mbetet i lirë përderisa Edi Ramës i duhet ende për punë të errta dhe zgjedhjet e 11-majit, për të cilat edhe e ka ngarkuar me detyrën e angazhimit të bandave për patronazhimin e votës së diasporës, dhe SPAK nuk guxon ta arrestojë Ballën dhe i mbyll dosjet nëpër sirtarë sepse ashtu urdhëron Edi Rama.

Lexo edhe:

Denoncimi i fortë i Malltezit:

6 muaj që BKH dhe SPAK u përgatitën për të arrestuar tualetin që del në përgjime SKY ECC qoftë për trafik droge, qoftë për pastrim parash e qoftë për blerje votash. Në fund nuk dha leje sulltani i surrelit dhe spak u kthye në letër higjenike. Ta gëzoni! sn

Berisha fton qytetarët në protestë: Më 8 shkurt ora 17.00, të gjithë në Tiranë

Kryetari i Partisë Demokratike Sali Berisha, me anë të një postimi në rrjetet sociale iu ka bërë thirrje shqiptarëve që të protestojnë më 8 Shkurt.

Berisha shprehet se në datë 8 shkurt, ora 17:00, të gjithë duhet të jenë në kryeqytet për të protestuar.

Kreu i demokratëve kujton akuzën e ish zv kryeministrit Arben Ahmetaj në drejtim të kryeministrit Rama, se ky i fundit ka pirë një verë që kushton mbi 33 mijë euro.

“Përgjigja jonë më 8 shkurt, ora 17:00, të gjithë në Tiranë!”, shkruan Berisha.

Qafoku: Ramiz Alia ishte diktatori i fundit dhe demokrati i parë. Berisha, i vetmi që ka kryer dy vizita në Shtëpinë e Bardhë

Gazetari Roland Qafoku dhe njëherazi autori i librit “11 presidentët”, i ftuar në studion e “Open” është ndalur te figurat e dy prej ish-krerëve të Shtetit, Ramiz Alia dhe Sali Berisha.

Sipas Qafokut, Ramiz Alia mbetet një lider i dy epokave, i njohur si diktatori i fundit dhe demokrati i parë.

Ai theksoi se, pavarësisht mangësive të tij, Alia kishte një meritë të rëndësishme: shmangien e një lufte civile në Shqipëri gjatë tranzicionit nga komunizmi në demokraci.

Ndërsa për Sali Berishën, Qafoku e vlerësoi rolin e tij në rrëzimin e regjimit komunist dhe e cilësoi si një figurë historike për faktin se ka qenë i vetmi lider shqiptar që ka kryer dy vizita zyrtare në Shtëpinë e Bardhë.

“Ramiz Alia, diktatori i fundit dhe demokrati i parë. Një lider i dy epokave. Ka plot difekte, por ka edhe një meritë, që shmangu një luftë civile me natyrën e vet. Sali Berisha ka një meritë të jashtëzakonshme në kapërcimin e momentit të rrëzimit të regjimit komunist. Ai hyri në histori si shtetari që ka kryer dy vizita në Shtëpinë e Bardhë nga Shqipëria”, u shpreh ai mes të tjerash. bw

Rrëmbeu dhe dogji dy të rinj më ’98, Gjykata e Beratit dënon Byniamin Hajron me 25 vite burg

Gjykata e Beratit ka dënuar sot me 25 vite burg Byniamin Hajron. Vendimi erdhi pas kërkesës së prokurorit të çështjes, Eni Çulli, i cili kishte insistuar për këtë masë ndëshkuese.

Byniamin Hajro, i njohur si Bujo Çami është akuzuar për ‘Vrasje me paramendim’ ndaj dy personave, në vitin 1997, një krim makabër që tronditi vendin pasi viktimat u dogjën të gjallë.

Hajro, i cili është dënuar për vrasjen e Arjan Avdullajt, njihet si kreu i Bandës famëkeqe të Vakëfit.

Fillimisht, Hajro ndodhej në masën e arrestit shtëpiak, pasi i kishin përfunduar afatet e paraburgimit. Megjithatë, Gjykata vendosi rivendosjen e masës së sigurisë “arrest me burg,” duke e rikthyer atë në izolim.bw

Italia dërgon në Shqipëri 49 emigrantë

Anija e marinës italiane, Cassiopea, me emigrantë në bord, arrin në portin e Shëngjinit. 28 janar 2025.

Një anije e marinës italiane ka arritur më 28 janar në Shqipëri me 49 emigrantë në bord, të cilët u shpëtuan në ujërat ndërkombëtare.

Në Shqipëri, atyre do t’iu procedohen aplikimet për azil dhe më pas ata do të dërgohen në qendrën në Gjadër.

Kjo është përpjekja e tretë për strehimin e emigrantëve në Shqipëri, pasi paraprakisht gjykatat italiane kishin ndaluar një gjë të tillë.

Ministria e Brendshme italiane nuk ka specifikuar nacionalitetin e emigrantëve që u dërguan në portin e Shëngjinit, por mediat në Itali kanë raportuar se bëhet fjalë për persona nga Bangladeshi, Egjipti, Bregu i Fildishtë dhe Gambia.

Përpjekja për procesimin në Shqipëri vjen pas dy përpjekjesh të dështuara tetorin dhe nëntorin e kaluar, kur gjykatësit italianë refuzuan të miratonin urdhra për ndalimin e dy grupeve të vogla emigrantësh në qendrat e ngritura në Shqipëri sipas një marrëveshjeje mes Italisë dhe Shqipërisë. Gjykatat vendosën se vendet e origjinës së emigrantëve nuk ishin të sigurta për ta, nëse aplikimet për azil do t’iu refuzoheshin dhe emigrantët do të ktheheshin në shtetet e tyre.

Rastet janë dërguar në Gjykatën Evropiane të Drejtësisë, e cila më herët ka vendosur se azilkërkuesit nuk mund t’iu nënshtrohen procedurave të përshpejtuara që mund të çojnë në riatdhesim nëse shtetet e tyre të origjinës nuk vlerësohet se janë plotësisht të sigurta.

Seanca dëgjimore për këtë rast në Gjykatën Evropiane të Drejtësisë është caktuar për 25 shkurt.

Qeveria e kryeministres italiane, Giorgia Meloni, është zotuar se do të rihapë dy qendrat për emigrantë në Shqipëri, pasi ato mbeten bosh pas vendimeve të gjykatave italiane.

Qëndrimi i Melonit është mbështetur pjesërisht nga një vendim i Gjykatës së Lartë të Italisë në dhjetor, në të cilin gjykatësit italianë thanë se nuk mund të zëvendësojnë politikat e Qeverisë sa i përket vendimit se cilat shtete janë të sigurta për riatdhesimin e emigrantëve të cilëve u është refuzuar kërkesa për azil.

Ky vendim lejon që gjykatat e niveleve më të ulëta të bëjnë përcaktime të tilla, në bazë të shqyrtimeve të rasteve individuale, pa vendosur për politikën e përgjithshme.

Emigrantët priten të regjistrohen në qendrën e pritjes në portin e Shëngjinit dhe më pas të dërgohen në qendrën e strehimit në Gjadër .

Marrëveshja mes Italisë dhe Shqipërisë për emigrantët, e arritur në nëntor të vitit 2023, lejon që deri në 3.000 emigrantë të kapur nga rojet bregdetare italiane në ujërat ndërkombëtare çdo muaj të strehohen në Shqipëri, ku do t’iu nënshtrohen procesit të verifikimit për marrjen e mundshme të azilit në Itali.

Marrëveshja pesëvjeçare është thënë se do t’i kushtojë Italisë 160 milionë euro në vit.

Sipas marrëveshjes, procedurat për emigrantët do të kryhen në dy qendra.

Qendra e parë në Shëngjin do të përdoret për procedura të identifikimit të emigrantëve, ndërsa qendra e dytë, në Gjadër, rreth 20 kilometra larg portit, do të shërbejë për strehim të tyre derisa të procesohen kërkesat për azil.

Qendrat do të funksionojnë sipas ligjit italian, me staf italian të sigurisë, ndërsa gjyqtarët do t’i mbajnë seancat përmes video-lidhjes nga Roma.

Emigrantët që fitojnë azil do të mirëpriten në Itali, ndërkaq atyre që iu refuzohet kërkesa për azil, sipas marrëveshjes, do të riatdhesohen drejtpërdrejt nga Shqipëria.

Aktivistët për të drejtat e njeriut kanë kritikuar marrëveshjen, duke thënë se krijon një precedent të rrezikshëm.

Deri më tani gjatë këtij viti, 3.704 emigrantë kanë arritur në Itali, apo dyfish më shumë sesa në periudhën e njëjtë të vitit të kaluar, kur ishin 1.305 imigrantë.

Vitin e kaluar, 66.317 imigrantë arritën në Itali, apo 58 për qind më pak se viti paraprak. Shumica e emigrantëve ishin nga Bangladeshi, Siria, Tunizia dhe Egjipti, sipas të dhënave të Ministrisë së Brendshme italiane.

Berisha: Do jem në kongresin elektoral të CDU në Gjermani. Kam agjendë për takimet me diasporën

Kryetari i PD, Sali Berisha ka konfirmuar pjesëmarrjen e tij në kongresin elektoral të CDU në Gjermani.

Në konferencën me gazetarët, Berisha tha se takimet me diasoporën janë në agjendën e tij politike, po për shkak se koha nuk premton për takime me bashkëatdhetarët shqiptarë atje, është planifikuar për një radhë tjetër.

Në Gjermani jam i ftuar për të marrë pjesë si kryetar partie në kongresin elektoral të CDU.

Ky kongres është njëditor ose më pak mund të jetë.

Janë të ftuar kryetarë të partive anëtare të Partisë Popullore dhe unë do të shkoj të marr pjesë.

Mendova të organizoj një takim tjetër me shqiptarë, por koha nuk më premton, kështu që unë do të shkoj njëherë tjetër për të takuar emigrantët në Gjermani…

…Kam një agjendë, do filloj në disa takime.

Do shkoj në disa takime dhe do i njoftoj takimet. sn

U caktua mbikëqyrës i Fronit të Kryepeshkopit, kush është Mitropoliti Joani

Mitropoliti i Korçës, Joani, është zgjedhur nga Kryepeshkopi i ndjerë Anastas Janullatos si pasuesi i tij. Këtë detaj e ka zbuluar media greke Protothema, e cila raporton se Joani është përzgjedhur për shkak të faktit që është shqipfolës.

Sipas burimit, vullneti i Kryepeshkopit të ndjerë do të merret parasysh kur të nisë procesi për zgjedhjen e Kryepeshkopit të ri të Kishës Ortodokse Autoqefale të Shqipërisë.

Përkohësisht, Sinodi i Shenjtë e ka caktuar Mitropolitin Joan si mbikëqyrës të Fronit të Kryepeshkopit.

Kush është Mitropoliti Joani?

Mitropolit Joani, me emrin e lindjes Fatmir Pelushi, është një figurë e njohur në Kishën Ortodokse Shqiptare. Ai ka kryer studimet në shkollën teologjike ortodokse të Kryqit të Shenjtë në Boston, SHBA, ku u diplomua me gradën “Master of Divinity”. Studimet në SHBA u mundësuan falë një burse të ofruar nga shqiptarët në Amerikë, në kujtim të Peshkop Fan Nolit.

Pas përfundimit të studimeve, Joani u rikthye në Shqipëri, ku Kryepeshkopi Anastas e caktoi si pedagog dhe dekan në Akademinë Teologjike të Kishës Ortodokse Shqiptare. Ai shërbeu gjithashtu në disa zona të tjera brenda Kishës.

Në 18 korrik 1998, Joani u zgjodh si Mitropoliti i Korçës dhe u fronëzua më 20 korrik të po atij viti.

Roli i tij i ri

Me ndarjen nga jeta të Kryepeshkopit Anastas, Mitropoliti Joani pritet të luajë një rol kyç në udhëheqjen e Kishës Autoqefale të Shqipërisë, deri në zgjedhjen e Kryepeshkopit të ri. Emërimi i tij si mbikëqyrës i Fronit dëshmon për besimin dhe përgatitjen e tij në shërbim të Kishës. sn

Berisha: Shpallja e shtetit islamik nga Rama, thikë pas shpine ndaj besimit mysliman dhe një akt madhor antikombëtar

Lideri i Partisë Demokratike, Sali Berisha, ka reaguar kundër një vendimi të kryeministrit Edi Rama për shpalljen të shtetit islamik në Shqipëri. Përmes një postimi në Facebook, Berisha e ka quajtur këtë akt një thikë pas shpine për besimin mysliman dhe një veprim të madh antikombëtar.

Berisha shprehet se historia e klerikëve patriotë bektashinj dëshmon përkushtimin e tyre ndaj sovranitetit dhe pavarësisë së vendit, dhe jo krijimin e principatave fetare. Ai ka akuzuar Ramën se po tenton të thellojë përçarjen fetare në vend dhe të shndërrojë Shqipërinë në epiqendër të trafiqeve ndërkombëtare kriminale.

Berisha gjithashtu ka paralajmëruar se ky veprim është antikushtetues dhe cënon harmoninë fetare, një nga vlerat kryesore të kombit shqiptar. Partia Demokratike, ka theksuar Berisha, do të qëndrojë fuqishëm në mbrojtje të tolerancës fetare dhe do të respektojë me rigorozitet parimin e ndarjes së shtetit nga feja. Po ashtu, ai ka garantuar bektashinjtë dhe të gjitha komunitetet fetare në Shqipëri se kjo forcë politike nuk do të njohë akte të tilla që bien ndesh me interesat kombëtare.

Postimi i plotë:

Shpallja e shtetit islamik nga Edi Rama është thikë pas shpine ndaj besimit mysliman në Shqipëri dhe një akt madhor antikombëtar!
Klerikët patriotë bektashinj kanë luftuar për sovranitetin dhe pavarësinë e Shqipërisë dhe jo kurrë për principata fetare, sepse ishin atdhetarë të flaktë dhe jo trafikantë e tradhtarë antishqiptarë.
Me këtë akt antikushtetues, ky antishqiptar i damkosur kërkon të fusë në Shqipëri përçarje të thellë fetare, të përdorë territorin e Shqipërisë si pronë private të tij dhe grupeve antishqiptare që përfaqëson dhe të krijojë një epiqendër të trafiqeve kriminale ndërkombëtare.
Partia Demokratike dënon me forcën më të madhe projektin e shtetit Islamik Bektashinj brenda territorit të Shqipërisë dhe garanton bektashinjtë shqiptarë dhe të gjitha komunitetet tona fetare se ajo, duke respektuar me rreptësi parimin e ndarjes së shtetit nga feja, do qëndrojë në krah të tyre e palëkundur në mbrojtje të harmonisë dhe tolerancës së shkëlqyer fetare të kombit tonë dhe nuk do njohë kurrë krijesa të tilla antikushtetuese e antishqiptare. sn

Faqja 40 prej 291« Fillimi ‹ Prapa 36 37 38 394041 42 43 44 Para ›Fundi »

Lista Serbe e falënderon posaçërisht “një person”

Rashiq: Beogradi ishte gjithmonë “agresiv” ndaj serbëve në Kosovë

Mesazhet e përfaqësuesve të tjerë politikë të serbëve në Kosovë

Berisha: Një dëshmi si e Ahmetajt do kishte rrëzuar çdo regjim në 3 ditë

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL