Zbulohen detajet e reja të kërcënimit të Kryetarit të Komisionit Qendror të Zgjedhjeve, Klement Zguri dhe familjes së tij.

Mësohet se kërcënimi ka ardhur pas kërkesës së Klement Zgurit për të hapur kutitë e 30 qershorit.

Në adresën e tij personale të Facebook ka ardhur një mesazh nga shtetasi E. Pjetrini, i cili pasi e ofendon e kërcënon me se do ta vrasë atë dhe familjen e tij.

“O m*t, do të vras ty edhe familjen”, thuhet në mesazhin e dërguar në adresë të kreut të KQZ-së, Klement Zguri.

Mësohet se pas këtij kërcënimi ndaj kryetarit të KQZ-së dhe familjes së tij janë marrë masa të forta sigurie.

Siç shihet nga pamjet e siguruara nga “Panorama”, kreu i QKZ është i rrethuar nga efektiv të Gardës së Republikës.

Ndërkohë që në ditë normale, Klement Zguri shihet shpesh herë teksa shëtit vetëm nëpër rrugët e Tiranës pa shoqërues.

Sot, në kuadrin e Festës të 243 Vjetorit të Pavarësisë së Shteteve të Bashkuara të Amerikës, dhe në rastin e vizitës me 5 korrik 2019 në Tropojë të kongresmenit amerikan Eliot Engel – kryetar i Komisionit të Politikës së Jashtme të Kongresit Amerikan, “Botimet Tropoja” sjellin për lexuesit librin studimor “Eliot Engel flet Shqiptarisht” të studiuesit, publicistit e botuesit Ramiz Lushaj.
Redaktor i këtij libri është Halil Ahmeti në Gjakovë, studiues, publicist e veprimtar, zv/drejtor për Kosovën i Gazetës së Alpeve dhe kryetar i Shoqatës “Drini” Gjakovë-Shkodër (për “Korridorin Adriatik-Alpe”).
Më 5 korrik 2019, Rruga Nacionale Gjakovë-Tropojë në dyshtetshin shqiptar Kosovë-Shqipëri, me një ceremoni solemne e festive në Qafë të Morinës, do të pagëzohet me emrin e mikut të shquar të Shqiptarëve “Eliot Engel” e, në kët kuadër, do të ketë dhe veprimtari të ndryshme shtetërore edhe në Qytetin e Alpeve të Bajramcurrit dhe në Valbonën turistike.
Në kopertinën e pasme të librit shohim një thënie të personalitetit shqiptaro-amerikan Harry Bajraktari – Nderi i Kombit, thënë këto ditë (13.06.2019) në TV 7 në Prishtinë: “Kongresisti Engel më ka thënë se tri qëllimet e jetës së tij janë mbrojtja e Amerikës, Izraelit dhe e Shqiptarëve”.
Recensentë të librit studimor “Eliot Engel flet Shqiptarisht” janë Besmir Semanaj në Malësi të Madhe, Xhevit Hysenaj në Durrës e Ali Daci në Rrozhajë në Malin e Zi.
Ky libër studimor “Eliot Engel flet Shqiptarisht” vjen si një botim modest me 60 faqe nga Botimet Tropoja, në kuadrin e këtyre ngjarjeve e veprimtarive, vjen si mision, vjen si dëshmi e miqësisë mes Shqipërisë e SHBA, vjen si mirënjohje ndaj Amerikës e të nderuarit Eliot Engel, kongresmen amerikan, mik i madh i Shqiptarëve në SHBA.

Basri LLESHI

Shijak, Durrës, 4 korrik 2019

Presidenti Ilir Meta ka bërë një tjetër reagim të fortë këtë paradite në adresë të reformës në drejtësi, të cilën kreu I shtetit thotë se e ka asgjësuar qeveria duke e kthyër në një “Ramaformë”.

Meta shkruan se mungesa e Gjykatës Kushtetuese dhe mosarritja e asnjë rezultati nga reformat re vite pas votimeve të ndryshimeve kushtetuese vjen si pasojë e “Ramaformës”.

Mirëdita të dashur miq!

Duke udhëtuar drejt Tropojës sapo përfundova leximin e shtypit për sot. Ndaj ju ftoj edhe ju që të lexoni me vëmendje një shkrim i cili ndihmon për të kuptuar si funksionon shndërrimi i Reformës Historike të Drejtësisë të 21-22 korrikut në Ramaformë.

Më vonë, kur të jem më i lirë që të shkruaj me terezi do kënaqeni kur t’ju tregoj se pse sot pas tre vitesh nuk keni asnjë anëtar të Gjykatës Kushtetuese. Askush më mirë se unë nuk ua tregon dot, jo se jam ndonjë tregimtar i madh, por për shkak të detyrave të larta edhe si ish-Kryetar i Kuvendit e si President i Republikës. Të jeni të sigurt se fajin nuk e ka Reforma e bërë me 140 vota në Kuvend tre vjet më parë, por transformimi i saj në Ramaformë bashkë me një kor të strukturuar ndërkombëtar që nuk do të pranojë bashkëfajësinë për këtë dështim që po e vuajnë qytetarët, ekonomia dhe biznesi.

Shpresoj që këto “arritje” të Ramaformës të mos i mësojnë Profesorët e nderuar të Komisionit të Venecias, të paktën gjatë verës, se më e pakta do kalojnë në gjendje të fikti, përveçse s’do e kuptojnë kurrë pse duhet të punonin e studionin për mëse një vit me intensitet aq të lartë e të vinin e të iknin shumë herë kur këtë Ramaformë mund ta kishte mbyllur z.Agaci për një javë dhe disa miq të inamoruar pas reformës të brohorisnin “È buono per l’Albania”.

E di që disa do thonë se kam frikë nga Reforma në Drejtësi e sidomos nga Spaku. Pa merak për të gjithë sepse sapo kalova edhe Spaçin. Kalofshi bukur sot të gjithë.

Në kohën kur presidenti Meta ka vënë në qëndër të sulmeve të tij kryeministrin Rama dhe reformën në drejtësi, ndërkombëtarët mbrojnë me forcë një proces të cilin e kanë mbështetur që nga fillimi.

Shefja e misionit të ONM-së në Tiranë, Calavera, që po asiston ecurinë e reformës në drejtësi në Shqipëri, tha se pune ne kete drejtim po ecen ne drejtimin e duhur dhe Shqiperia me ne fund do te kete nje gjyqesor te pavarur.

Kjo ka për të qenë thelbësore: të keni një shtet ligjor funksional, të keni një sistem gjyqësor të pavarur. Nuk është më një çëshje e negociueshme. Ne duhet të nxëmë nga mësimet tona. Prandaj jam shumë e lumtur që për shkak të popullit shqiptar dhe jo për shkak të politikanëve, për shkak të qytetarëve, ky ndryshim dramatik ka nisur në Shqipëri. Sepse kjo do të thotë që me këtë proces, që unë besoj se po shkon në drejtimin e duhur, ne do të kemi një gjyqësor të pavarur, Shqipëria do të arrijë në një pozicion fantastik, për të kapur kohën e humbur deri tani. Çdo vend duhet të gjejë mënyrën për të reformuar gjyqësorin. Nuk është e thënë që të jetë kaq dramatike sa e Shqipërisë, sepse problematika nuk është e njëjtë për çdo vend, por ju duhet të gjeni një mënyrë për të bërë reformën.

Calavera iu përgjigj indirekt edhe sulmeve të Ilir Metës dhe një pjesë të opozitës drejt reformës në drejtësi. Ajo shtoi se në kohën kur sistemi në Shqipëri po tronditet, të gjithë politikanët do ta kuptojnë vlerën që ka respektimi dhe mbështetja e kësaj reforme. Shefja e ONM-se, megjithate tha se kerkon te shohe njerez ne burg.

Këtë herë kur ne negociojmë anëtarësimin, ne kërkojmë një historik treguesish. Kjo do të thotë që ne duam të shohim që ligjet të zbatohen, duam të shohim njerëzit në burg, asetet e krimit të sekuestrohen dhe ne duam të kemi mjaftueshëm fakte/prova, jo vetëm ligje, për të demonstruar që sistemi është i konsoliduar. Vetëm mund të shpresoj që në Shqipëri, kur sistemi po tronditet, të gjithë politikanët ta kuptojnë vlerën e që ka respektimi dhe mbështetja e kësaj reforme.

Calavera ishte pjesë e një paneli në Samitin e Poznanit në Poloni, ku u shpall barometri për Ballkanin Perëndimor./ VizionPlus

Ish-deputeti demokrat, Oerd Bylykbashi i ftuar në të “Pa Ekspozuarit” në News 24,  tha se pavarësisht procedurave të nisura nga Kuvendi për ta shkarkuar, dekreti i Presidentit Meta qëndron në fuqi, deri sa të shprehet Gjykata Kushtetuese.

“13 tetori është në fuqi, vetëm Kushtetuesja mund ta rrëzojë. Dekreti është në fuqi edhe po u shkarkua Meta”, tha ai.

Në të njëjtin mendim ishte edhe gazetari Carlo Bollino. Sipas tij, “Nëse Kushtetuesja vlerëson se dekreti është i vlefshëm zgjedhjet do të bëhen. Rama duhet të bëjë zgjedhje”.

Ndërsa analisti Fatos Lubonja u shpreh se opozita duhet të afrohet më shumë me njerëzit dhe të mos presë që pushtetin tua dorëzojnë ndërkombëtarët.

“Një populli që ja sjellin lirinë dhe demokracinë ndërkombëtarët prapë nuk e meriton. Meta tha një gjë të rëndësishme, ta marrim në dorë fatin jo të armatoset populli, por të shkojë tek njerëzit. Opozita s’ka përfaqësuar njerëzit, nëse shkon tek njerëzit opozita s’ka nevojë t’ja japë Merkel apo dikush tjetër pushtetin. Ilir Meta është më realisti, të paktën në instinktin politik. E ka identifikuar të keqen, rrezikun pastaj sa fuqi kanë, sa do shkojnë tek njerëzit dhe a mund t’i stepë Rama, kjo nuk dihet. Unë them që ndërkombëtarët më mirë të mbështesin Ramën deri në fund”.

Në kundërpërgjigje, Luan Rama i tha zotit Lubonja, se ata nuk presim pushtet nga ndërkombëtarët.

Analisti Fatos Lubonja i ftuar në emisionin “Të paekspozuarit” në “News 24” tha se hapi tjetër i Ramës mund të jetë arrestimi i katërshes opozitare. Lubonja u shpreh se Rama ka mbështetje ndërkombëtare dhe se në emër të kësaj mbështetje, ai vendos nën kontroll institucionet.

“Edi Rama pati mbështetje ndërkombëtare për të hedhur këtë hap. Unë mendoj që këta ndërkombëtarë do vazhdojnë ta mbështesin. Ata i hapin rrugën një hapi tjetër të Ramës. Besoj se hapi tjetër i Ramës është arrestimi i katërshes opozitare. E thashë ose do durojmë dhunën e Ramës ose të bëjmë dhunë për të rrëzuar Ramën”, tha Lubonja.

Për Lubonjën, 30 qershori ishte hap i radhës i instalimit të sistemit të Edi Ramës.

“Për mua 30 qershori ishte etapë e një procesi të nisur tashmë nga Rama. Mendoj është një proces i instalimit të një regjimi të kontrolluar prej tij nëtë gjitha institucionet. 30 qershori ishte hap më tej në këtë proces. Bolino tha se 30 qershori kishte një lojë, dhuna nga njëra anë ose paqja dhe fitoi paqja. Ndërsa për mua ishte hap më tej i Ramës që ka ndërtuar një pushtet, që zgjidhni ose paqe me mua ose do keni dhunë. Ose të durojmë diktaturën e Ramës ose të përdorim dhunë që nuk e duam asnjë. 30 qershori ishte etapë”, tha ai.

Fatos Lubonja shtoi se data 30 qershor ishte edhe një referendum dhe se më tepër se çfarë do të bëhet në këtë qytet a tjetër, ishte kundër 4-es opozitare.

“30 qershori ishte edhe një referendum. Nuk u bë që çfarë do bëjmë në këtë qytet e në atë, por ishte më shumë jeni me mua apo me katërshen. Ndërkombëtarët ç’armatosën opozitën dhe i thanë Ramës vetëm ti ke shtetin, ndërsa këta të tjerët do të dënohen nëse vjedhin votat. Nuk rrëzohet Edi Rama duke i provuar se ka vjedhur vota, duke thënë se ka shtuar, sepse ka mbështetje ndërkombëtare”, tha Lubonja.

/ Balkanweb/

Kryetarja e Bashkisë së Shkodrës, Voltana Ademi thotë se nuk do ta lirojë zyrën e saj për kandidatin socialist. Në një intervistë për Opinion, Ademi nuk preferoi të jepte një përgjigje se si do të rezistonte.

Ajo tregoi edhe bisedën me përfaqësuesit e OSBE/ODIHR, i thanë se pjesëmarrja në votimet e së dielës ishte rreth 7%.

“Ne jemi drejt rrugëtimit të fundit të një marrëzie. Që do të thotë pavarësisht gjitha presioneve… Gjatë gjithë këtij procesi, kam zbatuar vetëm ligjin. Rezistenca ime ka qenë e thjeshtë. Unë i jam referuar vetëm ligjit. Unë di të them atë që më kanë thënë përfaqësuesit e OSBE/ODIHR.

7.9%, që do të thotë ajo që kanë vlerësuar ata. Rreth 10 mijë veta. Rezistenca ime në këtë rast edhe më përpara 30 qershorit, edhe përpara, edhe sot është ligjore.

Ju mendoni se do të vijë përdhunë policia dhe do të më nxjerrë? Si mund të lejohet që kriminaliteti të uzurpojë bashkinë. Kjo nuk mund të ndodhë. Unë akoma besoj se sistemi do të funksionojë. Unë sot kam apeluar. Janë 95% e qytetarëve të Shkodrës që kanë refuzuar. Duhet të keni frikë nga gjithë ai refuzim i madh. Jemi akoma herët për të shkuar në një konkluzion të tillë”, u shpreh ajo.

Ish-këshilltarja e kryeministrit Rama, Irena Beqiraj, shkruan se në varfëri njerëzit kanë më shumë gjasë të qeverisen nga diktatorët.

Në një postim në Facebook, teksa analizon shfrytëzimin e burimeve në vendin tonë, Beqiraj thekson se në vende si Shqipëria, korrupsioni është i zakonshëm ndërsa nga pandëshkueshmëria përfitojnë ekskluzivisht elitat politike.

Postimi i plotë i Irena Beqirajt:

DEMOKRACIA QE “CIRRET ” PER EKONOMI!

Mbajtja e rritjes së qëndrueshme ekonomike një objektiv i rëndësishëm dhe i arritshëm për Shqipërinë po lëkundet. Si të gjitha “Fitoret” e këtij vendi, konsolidimi fiskal, modeli i ri ekonomik, shfaqen sot anemik, të dobët , me përmirësime të luhatshme duke rritur pasigurinë mbi të ardhmen.

Problemet kryesore të vendit qëndrojnë në mungesën e vëmendjes që u kushtojmë nevojave thelbësore të njerëzve, veçanërisht të të varfërve dhe të rinjve.

Sot rritja ekonomike qartazi tregon se përpjekjet tona kokëfortë për ta bërë debatin politik pjesë të pandarë të tavolinës së çdo shqiptari, kanë zvogëluar mijëra fish mundësinë për ta bërë rritjen ekonomike pjesë të ekonomisë familjare të shqiptarëve.

A i shfrytëzuam mirë burimet publike të gjeneruara për të përmirësuar kushtet e jetesës së njerëzve? A përjetojmë një mungesë të vazhdueshme të shërbimeve sociale cilësore siç janë shkollimi dhe kujdesi mjekësor, si dhe të shërbimeve baze si psh: uji i sigurt, energjia elektrike, kullimi, transporti dhe kanalizimet?

A mos ka ardhur koha që strategjinë e kahershme do bëjmë më shumë me më pak, ta zëvendësojmë me strategjinë” do të bëjmë aq sa mundemi por saktë?

Cdo njeri që ka kaluar një javë në politikë (edhe një javë në politikë është kohë e gjatë) do të nënqeshte duke menduar politikisht, që strategjia e dytë naivisht e sinqertë nuk na duhet sepse nuk shet. Por kujt po “i shitemi” vallë?

Ekonomia jonë kërkon pikërisht një reflektim të sinqertë, të hapur, gjithëpërfshirës jashtë konfliktit politik afatgjatë, larg propagandës, brenda nesh e më afër mirëqënies së shqiptarëve.

Ekonomia jonë ka nevojë urgjente për dije , pasi rritja ekonomike do të vazhdojë të kërcënohet jo vetëm nga mungesa e infrastrukturës sociale dhe fizike por mbi të gjitha kërcenohet nga neglizhenca karshi burimit bazë të saj, zhvillimit të aftësive njerëzore. Injoranca na ka kushtuar e po na kushton cdo ditë e më shumë.

Sistemi ynë demokratik është jo fare çuditërisht në kaos.

As i pari e as i fundit , në historinë botërore të njerëzimit, rasti shqiptar konfirmon se demokracitë janë jashtëzakonisht të brishta kur përballet me varfërinë. Tash e 30 vjet, ëndërrojmë, kërkojmë “demokracinë e paepur” të vendeve të zhvilluara .

Tash e 30 vjet, harrojmë që njerëzit e varfër kanë më shumë gjasa të qeverisen nga diktatorët, bëhen lehtësisht pjesë e dhunës kolektive . Në varfëri drejtësia është luks , korrupsioni zakonshmëri, pandëshkueshmëria përfitim që u takon ekskluzivisht elitave politike.

Ndër njerëz të varfër, fitoret politike, pavarësisht llojit të tyre janë po aq të paqëndrueshme sa ekonomia ku ngrihen. Ato i ngjajnë ngrehinave të ndërtuara mbi kraterin e një vullkani.

Në luftën për të ndërtuar demokracinë, duhet të hapim veshët e qartësisht do të dëgjojmë që demokracia po çirret mbi të gjitha për ekonomi!

Duke sqaruar fjalën e Rudina Hajdarit për shtyrjen e procesit për shkarkimin e Presidentit Meta, deputeti Muslim Murrizi në studion e Top Talk tha se deri më 18 korrik nuk kapen të gjitha etapat për shkarkimin e Presidentit.

Por ai u ndal edhe në një faktor tepër i rëndësishëm në këtë proces, votat e nevojshme për shkarkimin e Presidentit.

Teksa për shkarkimin e Presidentit nevojiten të paktën 94 vota, Muslim Murrizi thotë se mazhoranca nuk e arrin këtë shifër.

“Mazhoranca nuk i ka 94 vota. Ajo të vetat ka 78 deputetë. Koha ka ardhur që edhe për Metën do ta kushtëzojmë votën me prishjen e pazarit të Prillit 2008 (reforma zgjedhore)”, u shpreh Murrizi.

Kryedemokrati Lulzim Basha ka zhvilluar një takim me kryesinë e partisë së tij ku dhe ka dhënë porositë për protestën e 30 qershorit.

Fjala e Bashës

Mesazhet e 30 qershorit jane te qarta:

1. Rama edhe kur i bën i vetëm kandidimet, votimet dhe numërimin, edhe kur nuk ka kundërshtar për të vjedhur, vjedh dhe manipulon. Këtë e deshmojnë qindra denoncime nga media dhe mijëra të tjera nga qytetaret si dhe gjetjet nga raporti paraprak i ODIHR, me i keqi që nga 97. Rama e beri për të rritur pjesemarrjen fiktive. ODIHR vuri vulën per rolin kriminal të KQZ në këtë operacion të paparë manipulimi. Me Edi Ramen nuk mund të ketë kurrë zgjedhje të lira.
2. Konstatimet paraprake te ODIHR nxjerrin mes shume problemeve 2 çeshtje kryesore:
3. a) dekreti i presidentit eshte ne fuqi, farsa e 30 qershorit eshte nul sepse eshte kunder parimit themelor te sundimit te ligjit
4. b) regjistrimi i paterices se krijuar nga Edi Rama per te krjuar iluzionin e gares u be ne shkelje te ligjit. Votimi i 30 qershorit eshte nul.
5. Refuzimi qe shqiptaret i bene farses eshte refuzim ndaj regjimit te Edi Rames. Ndonese PD eshte aksionierja kryesore e ketij refuzimi popullor ka shume aksionere. Me ne u bashkua shumica absolute e shqiptareve. Ky eshte refuzim i regjimit te Edi Rames. Detyra jone eshte qe, nepermjet aksionit tone politik, ta kthejme kete nga shumice refuzuese per regjimin e Rames, ne nje shumice shprese dhe besimi per ndryshim.

Ftesa ndaj shqiptareve per diten e hene eshte: te gjithe bashke kunder diktatures, ne mbrojtje te familjeve dhe femijeve tuaj, ne mbrojtje te Demokracise dhe Kushtetutes.

Qendrimi yne eshte i pandryshueshem, 30 qershori vetem na motivon me shume ne vendosmerine tone: largimi i Edi Rames, ndeshkim te politikaneve qe vodhen zgjedhjet ne bashkepunim me krimin dhe te gjithe atyre qe organizuan dhe zbatuan farsen e 30 qershorit, qeveri tranzitore, zgjedhje te lira e te ndershme, parlamentare dhe lokale.

Edi Rama me kukuvajkat dhe mercenaret e tij deshtuan ne planin tashme te zbardhur per ta percare PD dhe opoziten. PD dhe opozita dolen me te forte dhe me te bashkuar nga 30 qershori. Ata nuk meritojne asnje vemendje apo harxhim kohe. Injorojoni, perbuzini, e gjithe energjia ne aksionin politik kunder padronit dhe financuesit te tyre Edi Rames!

Qeveria shqiptare bëri të ditur se ka miratuar dhe ka bërë gati për të dërguar në parlament të shumëdebatuarën “paketë antishpifje”, por përmbajtja e paketës dhe nëse ajo ndryshon apo jo nga draftet e shumëkritikuara të prezantuara dhjetorin e kaluar, nuk është e mundur të dihet për shkak se kryeministria duket se ka vendosur të mbajë sekret projektligjet e miratuara.

Ministrja e Drejtësisë Etilda Gjonaj deklaroi në portalin e kryeministrit në Facebook ERTV se paketa “synon rregullimin në disa ligje kryesore në medias në përgjithësi dhe medias në përgjithësi dhe publikimeve elektronike në veçanti,” si dhe se mediat në internet do të duhet të regjistrohen në Autoritetin e Komunikimeve Elektronike e Postare si dhe do të mbikëqyren nga Autoriteti i Medias Audiovizive (AMA).

Deri mesditën e së enjtes, në faqen e Këshillit të Ministrave në internet projektligjet e grupuara në togfjalëshin “paketa antishpifje” nuk janë publikuar, duke e bërë të pamundur të kuptohet nëse variantet e miratuara janë njësoj apo janë të ndryshme nga ato të prezatuara dhjetorin e kaluar.

Por nga çfarë Gjonaj deklaroi në Facebook, paketa nuk ka ndryshuar dhe as nuk ka reflektuar shqetësimet e ngritura nga organizatat e të drejtave të njeriut.

Sipas Gjonajt: “Këto ndërhyrje sigurojnë ​procedura të shpejta administrative mbi trajtimin e ankesave për programet e publikuara nga Ofruesit e Shërbimit të Publikimeve Elektronike; reagim të shpejtë të institucioneve publike në rast të konstatimit të cenimit të të drejtave të individëve, duke parashikuar një procedurë të qartë me hapa konkretë për trajtimin e ankesave; krijimin e një regjistri që administrohet nga AKEP ku regjistrohen Ofruesit e Shërbimit të Publikimeve Elektronike, të pajisur me numër të regjistrimit të personit të tatueshëm, ose të regjistruar në regjistrat tregtarë. Po ashtu ofruesit e shërbimeve mediatike do të monitorohen nga AMA”.

Projektligjet u prezantuan fillimisht dhjetorin e kaluar dhe u kritikuan si antikushtetuese dhe dhunuese të lirisë së shprehjes.

Në vençanti, krijimi i një sistemi regjistrimi specifik për mediat u kritikua si një formë licencimi për të drejtën e fjalës ndërsa krijimi i një sistemi policimi nga ana e Autoritetit të Medias Audiovizive u kritikua si një insititucion censure.

Në dhjetor, shtatë organizata ndërkombëtare të lirisë së medias i kërkuan qeverisë të tërheqë projektligjet, duke i konsideruar ato të paprecedent në kontinentin Europian.

“Organizatat besojnë se të dy projektligjet, në formë dhe në frymë bien ndesh me Kushtetutën e Republikës së Shqipërisë dhe me Të Drejtën Europiane. Ato përbëjnë kufizim krejtësisht të panevojshëm të lirisë së shprehjes e lirisë së medias dhe përmbajnë rrezikun e krijimit të një regjimi policor mbi median në internet,” shkruhet në letrën e firmosur nga Federata Europiane e Gazetarëve, Qendra Europiane për Liri të Medias dhe të Shtypit, PEN International dhe Reporterët pa Kufi.

Në janar shtatë organizata shqiptare Shtatë organizata që veprojnë në fushën e medias apo në mbrojtje të të drejtave të njeriut dolën të premten me një deklaratë të përbashkët, ku i përsëritën kryeministrit Edi Rama thirrjen për tërheqjen e dy projektligjeve për median online.

Deklarata e përbashkët e BIRN Albania, Shoqata e Gazetarëve Profesionistë të Shqipërisë, Lidhja e Gazetarëve të Shqipërisë, AIS/Open Data Albania, Civil Rights Defenders, Këshilli Shqiptar i Medias dhe Qendra Shqiptare MediaLook thekson se projektligjet cënojnë demokracinë në vend dhe lirinë e medias.

“Këto dy projektligje rrezikojnë ta kthejnë Shqipërinë në një vend jodemokratik, cënojnë rëndë lirinë e shprehjes dhe nuk zgjidhin asnjë nga problematikat ekzistuese të medias, përfshirë gjuhën e urrejtjes, shpifjen, propagandën apo dizinformimin,” vërejtën organizatat firmëtare.

Ndonëse qeveria i prezantoi projektligjet si të frymëzuara nga “ligji kroat”, një verifikim nga BIRN zbuloi se asnjë lloj sistemi i tillë nuk ekziston në Kroaci.

Projektligjet supozohet se do të shkojnë për miratim në Kuvendin e Shqipërisë ku mund të votohen shtatorin e ardhshëm.

KAVAJË

Një i pafajshëm duket ka mbetur viktimë e një përplasjeje me armë zjarri mes bandave në qytetin e Kavajës. Sipas raportimeve të para, referuar burimeve nga policia, kanë qenë dy grupe që janë përplasur me armë, ndërsa ka mbetur i vdekur një kalimtar i rastit, rreth 50 vjeç, që nuk ka lidhje me konfliktin.

Nga përplasja me armë janë plagosur dhe 4 persona. Po kështu Policia ka ndaluar 4 persona. Zyrtarisht nuk ka informacione nga policia.

Presidenti i vendit Ilir Meta, teksa ka uruar sot per festen e SHBA, ka kujtuar se “Shqiptarët e Amerikës sot nuk ndihen të lumtur me krizën pa rrugëdalje ku ndodhet vendi ynë. Ndaj bëjnë thirrje për reflekim dhe përgjegjshmëri”.

Ne nje postim ne faqen e tij ne Facebook, Meta shperndan nje shkrim te Frank Shkreli, ish-drejtor i Zërit të Amerikës i cili thekson mes te tjerash se “zgjedhjet e 30-qershorit: Një poshtërsi për qeverinë shqiptare, një dështim për opozitën, një turp për ndërkombëtarët dhe një fatkeqësi për kombin shqiptar!

Postimi i Metës

Mirëmëngjes të gjithëve dhe Gëzuar Festën e SHBA!

Një rast i mirë sot në veçanti për të uruar të gjithë komunitetin e mrekullueshëm shqiptar që jeton në SHBA dhe që kontriubon fuqishëm për të përforcuar lidhjet dhe marrëdhëniet tona në të gjitha fushat, në mënyrë që raportet shqiptaro-amerikane t’i shërbejnë jo vetëm interesave reciproke strategjike, por edhe rritjes së kredencialeve demokratike të Shqipërisë si vend anëtar i NATO-s, që në zemrën e saj ka demokracinë, por edhe si një vend i denjë për të çelur negociatat për anëtarësim me BE në 18 tetor 2019.

Nga Frank Shkreli, ish-Drejtor i VOA-s për Euroazinë

Ja erdhi dhe shkoi edhe 30 qershori i “votimeve” të Edi Ramës, sepse zgjedhje këto nuk mund të quhen, bazuar në asnjë standard ndërkombëtar. Gjatë viteve, nëpërmjet shkrimeve modeste, jam përpjekur të shpreh mendimet e mia modeste – për mirë e për keq – mbi zhvillimet politike të këtyre 3-dekadave post-komunizëm në Shqipëri, në Kosovë dhe anë e mbanë trojeve shqiptare. Prandaj, kësaj radhe, nuk dua të përsëris zhgënjimet e mia të njohura, në lidhje me klasën aktuale politike dhe mungesën e zhvillimeve të një demokracie të vërtetë në trojet tona shumë të vuajtura. Sepse po të bëja një gjë të tillë, do të mërzisja, jo vetëm lexuesin por edhe veten time. Prandaj, me këtë rast, dua të shpreh, shkurtimisht, zhgënjimin tim personal mbi votimet e fundit në Shqipëri – në përputhje, pak a shumë me reagimet e shprehura në media nga disa kolegë të mi të nderuar nga Amerika, si Profesor Sami Repishti, Profesor Nikolla Pano dhe Dejvid Filips. Në qoftë se këto fjalë të mia mund t’iu duken pakëz si të ashpra, iu kërkoj falje, por dalin nga zemra e një shqiptaro-amerikani, i cili e do Kombin e vet, dhe që mendon dhe beson, se Kombi shqiptar – pas njërës prej diktaturave më të egra komuniste në botë – meriton shumë më mirë se kaq. Në të vërtetë unë jam zhgënjyer edhe nga mos reagimet e diasporës e, sidomos komunitetit shqiptaro-amerikan në lidhje me gjendjen e krijuar në Shqipëri. U garantoj se po të ishte imponuar kjo gjendje sot nga të huajt – nga sllavi, greku, turku ose italiani – shqiptarët e Amerikës do i shikoje me pllakata në protesta para Kongresit të Shteteve të Bashkuara dhe Shtëpisë së Bardhë. Por ç’të bëjmë tani, të protestojmë para botës, shqiptari kundër shqiptarit?!

• Si mund të quhen zgjedhje, votimet me një pjesëmarrje prej më pak se 20% e shqiptarëve që kanë të drejtë vote, ndërkohë që në shumicën e rasteve, kandidatët socialistë ishin pa asnjë kundërshtar?
• Çfarë qeverie, kudo qoftë, do të ndihej krenare për organizimin e një spektakli të tillë të shëmtuar?

Organizimi i tyre ishte i turpshëm dhe mbrojta e atij procesi, nga nivelet më të larta të qeverisë dhe të partisë në pushtet, është një ofendim i inteligjencës së shqiptarëve por edhe i ndërkombëtarëve, për të mos thënë poshtërsi për vetë procesin.

Ky ishte një ushtrim i kotë politik, krejtësisht pa asnjë vlerë. Një humbje e madhe për qeverinë dhe kryeministrin e saj! As opozita të mos festojë, se nuk ishte fitore as për opozitën e bashkuar. Mos mendoni se shumicën e 80% të shqiptarëve që nuk votuan të dielën që kaloi, i kini me vete, sepse unë e di dhe ju e dini mirë se nuk janë as me ju. Duhet ta dini gjithashtu se populli shqiptar është lodhur me të gjithë ju. Fatkeqësisht, me këto votime, kjo klasë politike i mbetet besnik trashëgimisë së saj edhe pas 30-vjet post-komunizëm: e “fikur dhe e koritur”, para Kombit dhe para botës.

Ç’të them për ndërkombëtarët dhe reagimin e tyre me këtë rast, përfshirë atë të OSBE/ODIHR-it?

Unë dua të rrëfej se që nga viti 1989 e këtej, si pjesë e punës kam ndjekur me kujdes dhe për nga afër misionet e OSBE-së anë e mbanë botës ish-komuniste dhe kam pasur gjithmonë respektin më të madh për punën e tyre. Kam pasur fatin, madje, të jem edhe disa herë anëtar i delegacioneve për mbikëqyrjen e zgjedhjeve në vendet ish-komuniste, përfshirë edhe delegacionin e parë të Departamentit Amerikan të Shtetit në zgjedhjet e para pluraliste në mars/prill 1991 në Shqipëri. Megjithëse me shumë të meta dhe mungesa serioze standardesh, me keqardhje më duhet të them se organizimi i atyre zgjedhjeve nga regjimi i Ramiz Alisë, pothuaj 30-vjet më parë, i plotësonte më shumë standardet e zgjedhjeve të përcaktuara nga OSBE-ja, në krahasim me votimet e organizuara nga qeveria Rama të dielën që kaloi – tre dekada pas shembjes së komunizmit.

Prandaj, deklarata e delegacionit të OSBE-së të hënën që kaloi ishte zhgënjyese, në krahasim me ato që vërtetë duhej të thoshin për votimet vendore në Shqipëri. Konstatuat se ishin të qeta! Është ky një prej standardeve, por të qeta ishin zgjedhjet edhe në kohën e komunizmit, por a mund të thoni se këto ishin të lira, të drejta dhe demokratike – standardet kryesore për cilësimin e zgjedhjeve në një vend që e quan veten demokratik dhe anëtar i NATO-s?! Unë nuk dua t’ju mësoj ju të nderuar Zonja e Zotëri, se cili duhej të kishte qenë raporti i juaj paraprak për këto zgjidhje, sepse ju jeni ekspertët ndërkombëtarë.

Por dua t’ju pyes:

• Në cilin vend tjetër të Evropës do e pranonin procesin e zhvillimit të votimeve si ky që u mbajt në Shqipëri fund javën që kaloi,

1. me një pjesëmarrje më pak se 20% dhe
2. në shumicën e rasteve vetëm me paraqitjen e kandidatit të Partisë Socialiste – pa kundërshtar?

• Demokratike ishin këto?!

Unë si shtetas amerikan prej pothuaj gjysmë shekulli dhe si një shqiptaro-amerikan që, për arsye të ish-detyrës, kam pasur fatin të bashkëpunoj gjatë karrierës sime me shumë diplomatë amerikanë, jo vetëm në Shqipëri, por anë e mbanë botës dhe për të cilët kam zhvilluar dhe ruaj gjithnjë respektin më të madh për punën e tyre në rrethana shpesh të vështira – më habiti edhe reagimi i Ambasadës Amerikane në Tiranë për këto votime, ashtu siç ka habitur edhe shumë shqiptaro-amerikanë me të cilët kam biseduar kohët e fundit, e të cilët janë shumë të shqetësuar me zhvillimet e fundit atje, e sidomos me reagimet/mosregaimet ndërkombëtare ndaj atyre zhvillimeve.

“Zëri i Amerikës” në gjuhën shqipe, citon deklaratën e Ambasadës Amerikane në Tiranë, sipas të cilës, “Shtetet e Bashkuara mirëpresin përfundimet e misionit vëzhgues të ODIHR-it, sipas të cilave votimet bashkiake të 30 qershorit u zhvilluan, përgjithësisht në mënyrë të qetë dhe të rregullt, si dhe dhanë një vlerësim të përgjithshëm pozitiv për numërimin e votave”, thekson deklarata e cituar nga VOA shqip. “Ne pranojmë, megjithatë, ashtu siç e vuri në dukje edhe misioni i ODIHR-it, se ngërçi dhe polarizimi politik kontribuan për zgjedhje në të cilat votuesit nuk kishin një zgjedhje kuptimplotë. Pavarësisht pengesave, populli shqiptar – qoftë ata që morën pjesë në zgjedhje, ashtu edhe ata që abstenuan – ushtruan të drejtën e tyre demokratike në mënyrë paqësore dhe ne i përgëzojmë për këtë”. Deklarata e Ambasadës dakordësohet gjithashtu me OSBE/ODIHR-in se, “Ata që dëshirojnë të sfidojnë rezultatin e zgjedhjeve”, duhet të presin një ent juridik që, sot për sot, nuk ekziston, “Gjykatën Kushtetuese, e cila shpresojmë se do të ngrihet së shpejti, me gjykatës të cilët kanë kaluar një proces rigoroz vetingu”, thuhet në atë deklaratë.

Reagimet e ndërkombëtarëve ndaj votimeve të së dielës në Shqipëri po konsiderohen nga shumë ekspertë brenda dhe jashtë Shqipërisë si mbështetje prej tyre e një procesi ilegal dhe jashtë standardeve ndërkombëtare. Një mik i imi këtu në Amerikë më solli ndër mend kohën e fashizmit kur Italia dërgonte në Shqipëri njerëz gjysmakë, sidomos në fushën e mjekësisë, duke i arsyetuar si, “e buono per Albania”.

1. A mendojnë ndërkombëtarët se qeveria që kanë shqiptarët, “e buono për Albania”, sepse kaq meritojnë shqiptarët?
2. Pse deklaratat e juaja mbi aktualitetin politik nuk pasqyrojnë të vërtetën e zhvillimeve në atë vend, përfshirë korrupsionin në të gjitha nivelet?
3. Thoni të vërtetën!
4. Kaq presin shqiptarët prej jush.

Unë nuk e kuptoj, se pse duhet të pritet dy muaj që OSBE/ODIHR të lëshojë një raport mbi këto votime, kur është tejet e qartë se çfarë ndodhi, jo vetëm në sytë e ndërkombëtarëve, por mbi të gjitha, populli shqiptar e sheh mirë se ç’po ndodh në vendin e tij dhe janë duke votuar më këmbë, duke u larguar vazhdimisht nga trojet e veta mijëravjeçare.

Në qoftë se ndërkombëtarët nuk mund të ndihmojnë gjendjen, atëherë do i këshilloja që të pakën mos ta ndërlikojnë edhe më keq se ç’është, me deklaratat e tyre ose gjysmë deklarata, të cilat nuk pasqyrojnë realitetin e gjendjes në Shqipëri! Më mirë heshtni fare! Sepse në fund të fundit, është kjo një gjendje e krijuar nga vetë klasa aktuale politike dhe është detyrë dhe përgjegjësi morale dhe atdhetare e saj, që sa më shpejt – nëpërmjet dialogut politik dhe me pjesëmarrje të gjerë edhe të shoqërisë – të dalë nga ky qorrsokak politik, para se të bëhet vonë – me qëllim të mënjanimit të një fatkeqësie kombëtare, përballë të cilës gjendet sot Kombi Shqiptar – falë papërgjegjësisë së saj politike dhe kombëtare.

Klasa politike shqiptare duhet që sa më shpejt të marrë përgjegjësitë e veta për gjendjen e krijuar në vend dhe, ndërkombëtarët duhet gjithashtu të reflektojnë thellë për rolin e tyre gjatë këtyre dekadave – ashtu që i vetmi fitues të jetë Kombi Shqiptar në marrëdhënie të ngushta dhe të përhershme me Shtetet e Bashkuara të Amerikës dhe me aleatët e tjerë atlantiko-veriorë.

Koha është tani, jo nesër, jo pas nesër, jo dy muaj pas sodit, në pritje të një raporti të OSBE-së, jo kur të krijohet ky ose ai ent juridik ose politik!

Shqiptarët kanë pritur mjaft dhe janë të lodhur. Por shqiptarët presin një fillim të ri. Në qoftë se jeni shqiptarë, dialogu gjithëpërfshirës për një fillim të ri duhej të kishte filluar dje – në interesin madhor të KOMBIT!

Ish-deputetja e LSI, Kejdi Mehmetaj, i është përgjgjur ministres Elisa Spiropali, pas sulmeve të kësaj të fundit ndaj Presidentit Ilir Meta.

Mehmetaj shkruan në “Facebook” se Spiropali del nga poshtë bishtit të kalit dhe i duket vetja se është e mençur dhe triumfatore.

Sipas Mehmetajt, nga “Ramaforma” në drejtësi Spiropali është një ndër përfitueset e para, duke shpëtuar nga raportet e “Crown Agents”, nga nafta bruto që derdhej në lumë e deri te dogana e Fierit, që u bë më e madhe se ajo e Durrësit.

“Zukatja e Elisës është bërë si ajo e mizës së kalit. Pasi del nga poshtë bishtit të kalit i duket vetja se eshte e mençur dhe triumfatore. Nga “Ramaforma” në drejtësi ajo është një ndër përfitueset e para, duke shpëtuar nga raportet e “Crown Agents” që u fshinë, nga nafta bruto që derdhej lumë në serbatorët e makinave të shqiptarëve dhe mushkritë e femijëve, deri tek dogana e Fierit që u bë më e madhe se ajo e Durrësit. Nga tenderat e ujësjellsave tek kondicionerët dhe kolitë e cigareve që zhdoganoheshin si rroba të përdorura. Fiks siç është edhe vetë, nje rrobë e përdorur!

Miza e kalit vazhdon zukatjen. Sa të ketë PPP-në e zgjedhur me 69 vota ajo do “bëz bëz” e qetë. Por fundin do e ketë si një rrobë shumë e përdorur e hedhur pa asnjë dhimbshuri në kazanet e plehrave, nga ku sot merr vëmendje zukatja e saj”, shkruan Mehmetaj.

Ish-ministri i jashtëm shqiptar Paskal Milo thotë se deklarata e Presidentit Ilir Meta ishte shumë e fortë.

Ai theksoi në emisionin “Open” se deklarata ka nxjerrë në shesh gjërat që janë thënë korridoreve.

“Zoti Meta është një luan në politikën shqiptare dhe së shpejti ai do të kthehet në skenën politike, duke i dhënë një dimension më të fortë kësaj skene”, deklaroi Milo.

Ai shtoi më tej se qëllimi kryesor i ndërkombëtarëve është stabiliteti edhe nëse ka demokraci në nivele të ulëta.
Madje për ta konkretizuar këtë, Milo tregoi se një rast të tillë e kishte pasur gjatë kohës që drejtonte Ministrinë e Jashtme në vitin 1998.

“Pas grushtit të shtetit në vitin 1998, u mblodh Parlamenti për heqjen e imunitetin të Sali Berishës. Gjatë asaj kohe, nën cilësinë e ministrit pata takime me ambasadorin amerikan, gjerman dhe italian. Thuajse njëzëri më tha se nëse arrestoni Sali Berishën, atëherë do u ndërpresim të gjitha ndihmat” – tha Milo, duke e deklaruar se gjithçka e thënë ishte nën përgjegjësinë e tij.

Sipas Milos, edhe në luftën e Kosovës ka pasur “kompromise” të tilla, në emër të stabilitetit në rajon. Pikërisht këtë shembull përdori Milo, teksa tha se Meta ka pasur takime intensive me ambasadorë dhe ka konstatuar se kanë qenë të njëanshëm.

Ish-ministri i Jashtëm, Paskal Milo tha se qëllimi kryesor i ndërkombëtarëve është stabiliteti edhe nëse ka demokraci në nivele të ulëta.

I ftuar në “Open”, për ta konkretizuar këtë, Milo tregoi se një rast të tillë e kishte pasur gjatë kohës që drejtonte Ministrinë e Jashtme në vitin 1998.

“Pas grushtit të shtetit në vitin 1998, u mblodh Parlamenti për heqjen e imunitetin të Sali Berishës. Gjatë asaj kohe, nën cilësinë e ministrit pata takime me ambasadorin amerikan, gjerman dhe italian. Thuajse njëzëri më tha se nëse arrestoni Sali Berishën, atëherë do u ndërpresim të gjitha ndihmat” – tha Milo, duke e deklaruar se gjithçka e thënë ishte nën përgjegjësinë e tij.

Sipas Milos, edhe në luftën e Kosovës ka pasur “kompromise” të tilla, në emër të stabilitetit në rajon. Pikërisht këtë shembull përdori Milo, teksa tha se Meta ka pasur takime intensive me ambasadorë dhe ka konstatuar se kanë qenë të njëanshëm.

KURBIN

Gjykata e Rrethit Kurbin ka regjistruar një procedim penal, pasi bazuar në referimet e kandidatit të partisë Bindja Demokratike, Edmond Piroli, thuhet se në këtë qark, anëtarët e komisionit në dy qendra votimi në Fushë-Kuqe kanë mbushur kutitë me vota fiktive, ndërsa kanë votuar edhe në emër të  qytetarëve të tjerë.

Gjithashtu në njoftimin e Prokurorisë thuhet se në një  ambient lokali kanë votuar gjashtë persona, ndërsa në dy kutitë e votimit janë numëruar 60 fletë votimi në njërën dhe 120 në tjetrën, duke faktuar shtimin fiktivë të paktën  bazuar tek referimet e regjistruara nga prokuroria.

“Prokuroria pranë Gjykatës së Rrethit Gjyqësor Kurbin ka regjistruar procedimin penal nr. 228, datë 01.07.2019, për veprën penale “Falsifikimi i materialit zgjedhor dhe rezultateve të zgjedhjeve”, parashikuar nga neni 326 i Kodit Penal. Ky procedim është regjistruar mbi bazën e referimit të Komisariatit të Policisë Kurbin.

Sipas këtij referimi, shtetasi Edmond Piroli, kandidat për kryetar i Bashkisë Kurbin për subjektin politik “Bindja  Demokratike”, në zgjedhjet vendore të 30 Qershorit 2019, pretendon se anëtarët e Komisionit të dy Qendrave të Votimit në fshatin Fushë-Kuqe, Kurbin kanë futur në kutitë e votimit fletë votimi dhe kanë nënshkruar në emër të votuesve, pa qenë prezent votuesit. Konkretisht, sipas kallëzuesit, në dy qendrat e votimit, në ambientin privat “Lokal i shtetasit Vasil Ulaj”, në Fushë-Kuqe, pretendohet të kenë votuar 6 shtetas, ndërkohë që në kutitë e votimit janë futur dhe gjenden rreth 60 fletë votimi në njërën kuti dhe rreth 120 fletë votimi në kutinë tjetër”-njofton Prokuroria.

Ka përfunduar numërimi i votave edhe në Bashkinë Përrenjas, ku fitues ka dalë Nuri Belba, përballë rivalit të tij Myslim Karriqi.

Belba ka arritur të sigurojë 7054 vota, ndërsa rivali i tij 550. Mirëpo, ajo çfarë ka dalë nga qendrat e votimit kanë befasuar jo pak qytetarë.

Në një qendër votimi, kanë votuar vetëm burra dhe asnjë grua. Ndërsa nga mbledhja e përgjithshme e numrit të zgjedhësve që kanë votuar është 8082, kurse fletë votimi të gjetura në kuti ka qenë 8084.

Kurse në lidhje me procesverbalet e QV, ato janë të gjitha me korrigjime./liberale

Mazhoranca ka vendosur që të mbajë dy seanca të afërta në parlament.

Kështu mësohet se të enjten në orën 10:00 do të ketë seancë plenare, ku në rend dite mes të tjerash ka parashikuar shqyrtimin e dekretit të Presidentit të Republikës nr. 11195, datë 31.05.2019, “Për kthimin për rishqyrtim në Kuvend të ligjit nr. 26/2019, “Për Shërbimin Përmbarimor Gjyqësor Privat” dhe projektvendimin për lirimin nga detyra të anëtarit të AMA-s, Zylyftar Bregu.

Ndërsa të hënën e 8 korrikut Kuvendi ka thirrur seancë të posaçme në orën 18:00.

Në një mesazh të shpërndarë nga grupi i PS-së, deputetëve socialistë u kërkohet të jenë të pranishëm patjetër.

Në këtë seancë do të votohet ngritja ose jo e Komisionit Hetimor për shkarkimin e presidentit Meta.

Avokati Spartak Ngjela ka sulmuar sot Presidentin e Republikës, Ilir Meta duke thënë se ai është në prag të dyerve të burgut.

Sipas pas zgjedhjeve të 30 qershorit, u shkatërrua ajo që ai e quan si agresioni banditesk antikombëtar që donte të shkatërronte Shqipërinnë.

Për Ngjelën kjo ndodhi falë ndërhyrjes së amerikanëve. “Kërcënimi amerikan ndaj bandës dëmprurëse të Shqipërisë është një vepër madhore për shpëtimin e shqiptarëve nga një bandë kriminale. E keni parë si janë bërë? Duan të kapen tani nga zgjedhjet. Janë nivel i ulët intelektiv. Pa mend. E shihni se çfarë llomotisin: zgjedhje mister thonë. Nuk morën pjesë në zgjedhje, dhe pastaj thonë se nuk kishte zgjedhje. E dini pse: së qëndresa për të zhvilluar këto zgjedhje i varrosi me gjithësejt. Mendje, mendje më të shterpëzuara nuk ka parë historia e Shqipërisë. “, thekson Ngjela, i cili për Presidentin thotë: “Kurse më budallai po rezulton Ilir Meta. Ai po luan rolin e komikut. Është në prag të shkarkimit të tij ligjor dhe luan sikur të jetë një mbret i ligjshëm. Është në grupin keqbërës të Shqipërisë dhe në prag të burgut, dhe sillet sikur të jetë mbreti i një dinastie dyqindvjeçare. Janë në hall. Por nuk bëjnë dot asgjë. Pse? Sepse e keqja që mund t’iu vinte nga goditja amerikane për bëmat e tyre me krimin ndërkombëtar, është shumë më e rëndë nga goditja anti korrupsion që do të marrin nga SPAK.

Reagimi

Por këto akuza të Ngjelës gjentën reagimin e ish-deputetit të LSI-së, Endrit Braimllari, i cili ka ironizuar qëndrimin e kreut të Partisë Ligj dhe Drejtësi, duke e quajtur si ” avokatinë FBI-së”.

Ish-deputeti i ka kërkuar ngjelës që të sqëarojë lidhjen me vrasjen e Dritan Avdylajt te 4 rrugët e Shijakut, po ashtu të tregojë lidhjen me Tofik Hykën.

“Para se avokati i FBI Spartak Ngjela te flase per te ardhmen e Shqiperise Sorosiane duhet te sqaroje njehere e mire se çlidhje ka ai me vrasjen e Dritan Avdylajt te 4 rruget e Shijakut ne 1996 dhe se çfare e lidhe me Tofik Hyken, ne te kundert do sqarohet njehere e mire ai dhe protektoret e tij”, thekson Braimllari.

Nderkohe qe presidenti i vendit, Ilir Meta, e ka quajtur sot hapur reformen ne drejtesi, “ramaforme” dhe “koloni e tiranisë personale të një regjenti të një fondacioni botëror”, studiuesi Aurel Plasari, reagon duke thene se kete te vertete ai e perserit prej 4 vitesh.

“Pres që, tanimë, të bëhen burra e të pranojnë që e quajtura “Reformë në Drejtësi” e një fondacioni të huaj privat e shpartalloi Republikën e Shqipërisë ndërsa ne po i numërojmë asaj partallet…”- shkruan ne nje postim ne faqen e vet ne FB studiuesi Plasari.

Postimi i Plasarit 

MË NË FUND! U BËNË KATËR VITE QË E PËRSËRIS KËTË TË VËRTETË!

Pres që, tanimë, të bëhen burra e të pranojnë që e quajtura “Reformë në Drejtësi” e një fondacioni të huaj privat e shpartalloi Republikën e Shqipërisë ndërsa ne po i numërojmë asaj partallet…

fb a.p.

Ja cfare tha Meta per Reformen 

Kush bëri lojë me KED ku Ilir Meta ishte President edhe thirri drejtuesit e delegacionit evropian për ti bërë të qartë që mos përsëriteshin problemet e 2016, pasi ramë dakord për çdo gjë, EURALIUS tha se ne nuk vijmë dot se kemi porosi politike. Ta hetojë BE nga ishte kjo porosi politike. Dhe të shikojmë pse u kthye reforma në Ramaforme. Ramaforma është një koloni e tiranisë personale të një regjenti të një fondacioni botëror. Shqiptarët nuk mund ta pranojnë këtë gjë, sepse Mujo Ulqinaku një ushtar i thjeshtë ishte dhe i doli Italisë. Prandaj shqiptarët çdo 7 prill nderojnë Mujon, jo mbretin. Kështu që unë kam hallin e 17, 18 tetorit. E gjithë jeta ime janë 3 gjera, e para demokracia, e panegociueshme. E dyta është integrimi Evropian i Shqipërisë dhe po kështu e gjithë angazhimi im është Shqipëria faktor stabiliteti në Ballkan. Kush e do Shqipërinë një Kolumbi në Evropë dhe një vend që të krijojë probleme në Ballkan mua më ka kundër, si President dhe si Ilir Meta.

Xhirjeta Balla

Zgjedhje apo votime, do njihen apo nuk do njihen nga ndërkombëtarët, ishte debati që shoqëroi procesin e 30 qershorit, në të cilin PS është drejt fitores në të 61 bashkitë e vendit, në 31 nga të cilat ishte e vetme në këtë proces. Emrin duket se nuk guxoi t’ia vendosë as misioni i vëzhguesve të OSBE/ODIHR, edhe pse u pyetën disa herë drejtpërdrejtë nga gazetarët e pranishëm në konferencë, gjetën shpëtim me raportin përfundimtar, për të cilin thanë se do të bëhet publik pas dy muajsh.

Në 60 minuta konferencë, e shumë pritur nga mediat, palët politike por edhe opinioni publik, shefja e misionit të OSBE/ ODIHR, Audrey Glover, edhe pse pohoi presionin e zgjedhësve në proces, mungesën e garës për zgjedhësit, madje kritikoi edhe vendimet e KQZ për të cilat tha shpesh herë, ishin të orientuara politikisht dhe jo transparente, sërish nuk mundi të thotë fjalën e fundit për 30 qershorin.

Përgjigjja për pyetjen e ngritur prej vetë saj, “Për kë bëhen zgjedhjet, për politikanët apo për votuesit?” për një moment mbajti frymën e të gjithëve, por përgjigja ishte një leksion mbi situatën ideale që duhet t’i paraprijë procesit, edhe pse në fakt panorama e paraqitur prej saj, në Shqipëri duket e largët.

Pasi lexoi gjetjet paraprake të vëzhguesve, edhe pse përmendi disa herë fjalën zgjedhje, për Glover erdhën ‘në ndihmë’ gazetarët e pranishëm, të cilët me pyetjet e drejtpërdrejta kërkuan të rrëmbenin prej saj nëse këto zgjedhje i arritën apo jo standardet. Por shefja e misionit të OSBE/ODIHR iu përgjigj duke thënë se janë ende duke mbledhur informacione nga vëzhguesit afatgjatë e afatshkurtër. “Ende nuk e kemi tablonë e plotë për të gjithë procesin zgjedhor dhe deri sa t’i marrim nuk mund të themi dot nëse këto zgjedhje i përmbushën angazhimet e OSBE”, u shpreh Glover.

Ergys Gjencaj, gazetar i News24 i solli në vëmendje znj. Glover, edhe tog fjalëshin ‘një hap përpara’ që shoqëron zakonisht raportin e OSBE/ODIHR në të gjitha proceset zgjedhore, ndërsa kërkoi prej saj se cili do të ishte tog fjalëshi i duhur që do i shkonte për shtat këtij procesi zgjedhor, por Glover tha se ende duhet të presim edhe për këtë, duke ritheksuar sërish raportin përfundimtar të pas dy muajve.

Me gjithë këmbënguljen e gazetarëve, shefja e misionit të vëzhguesve të OSBE/ODIHR për procesin e votimit të 30 qershorit Audrey Glover nuk ka mundur t’iu thotë shqiptarëve a ishin të vlefshme këto zgjedhje. Gazetari i Zërit të Amerikës, Ilir Agolli e riformuloi më ndryshe pyetjen duke kërkuar nga OSBE/ODIHR të thotë nëse këto zgjedhje ishin të lira, demokratike, të ndershme e të qeta.

Por edhe ndaj tij, pas një përgjigjeje si me lojë fjalësh, Glover tha se nuk përdoret më kjo frazë, duke gjetur ‘shpëtim’ me shtesën, se në raportin përfundimtar do jenë të identifikuara fushat që kanë nevojë për punë.

Megjithatë e dërguara e OSBE arriti të thotë se ‘ndoshta shumica e rekomandimeve ende nuk janë zbatuar’ duke iu referuar të gjitha proceseve zgjedhore në vend pas rënies së diktaturës.

Në një përgjigje mbi komentet sot në një shkëmbim opinionesh në Këshillin e Ambasadorëve, Arta Dade shkruan se Rama dhe grupimi i tij i Rilindjes solli në PS vese e praktika të cilat kjo parti nuk i ka patur të vetat:

“Ndjehem mirë personalisht që i kam kërkuar të largohet. Keqardhje për një forcë politike që ka pranuar të ulë zverkun nën këmbën e Edi Ramës e të Rilindjes që sollën në PS vese e praktika nga të cilat ne bënim kujdes të mbroheshim ndaj kundërshtarit. Ata që janë konformuar me të në një shkallë më të vogël kanë ngritur nepotizmin në sistem, kanë pranuar eliminimin e garës në parti, kanë heshtur për interesat e tyre meskine. Socialistët e sakrificës nuk kanë lidhje me asgjë që trupëzohet tek Edi Rama” – shkruan Dade në përgjigje të një mesazhi të Shpëtim Çaushit.

Presidenti Ilir Meta nje dite pas votimeve, ka reaguar me nje mesazh urimi per gjithe shqiptaret qe iu larguan konfrontimit dhe dhunes, duke ironizuar me gjithe sa ndodhi dje, per ato qe i quan tejkalim te planit te votimeve socialiste.

Me nje shenim ne faqen e tij ne FB, Meta, thekson se “Përsa i takon tejkalimeve të planit në votimet socialiste, asnjë surprizë nuk kisha. Tani me duhet të “shpik” një dekoratë të re, që besoj me ndihmën e Kuvendit socialist do miratohet, atë të “Heroit të votave socialiste”.

Mesazhi i Metës

Urime të gjithë qytetarëve që dje iu larguan konfrontimit dhe dhunës duke respektuar në mënyrë qytetare njëri-tjetrin, pavarësisht nga qëndrimi ndaj votimeve socialiste të thirrura nga kryeministri Rama.

Shqipëria shpëtoi nga kurthi i përplasjes civile, ndaj i falënderoj nga zemra të gjithë shqiptarët që nuk ranë viktimë e retorikës konfrontuese të liderëve të papërgjegjshëm, që përmes nxitjes së dhunës duan të fshehin skandalet dhe llogaridhënien e tyre.

Përsa i takon tejkalimeve të planit në votimet socialiste, asnjë surprizë nuk kisha.
Tani me duhet të “shpik” një dekoratë të re, që besoj me ndihmën e Kuvendit socialist do miratohet, atë të “Heroit të votave socialiste”.

Ndërkohë që pritet të mbyllet procesi i numërimit për të gjitha bashkitë e vendit, deri tani ky proces ka përfunduar për 28 bashki.

Por duket se në numrin final të votave të fituara nga kandidatët e majtë ka një çedim, pasi kanë marrë më shumë vota sesa ka qenë numri i votuesve në total, e ndërsa nëse llogarisim dhe votat që ka marrë kandidati tjetër në garë, numri i votave të gjetura në kuti, del akoma dhe më i lartë se numri i votuesve.

Në tabelën e bërë publike dje nga KQZ, deri në orën 19:00, orë kur u mbyll zyrtarisht votimi, shihet sa ka qenë numri total i votuesve në bashkitë e vendit.

Ndërsa në tabelën e publikuar sot nga KQZ, në bashkitë që ka përfunduar procesi i numërimit, shihet sesa është numrit i votave që kanë fituar kandidatët.

Më poshtë do të shihni rezultatet paraprake që nuk përputhen, për 8 bashki të vendit:

Ura Vajgurore/ Kanë marrë pjesë në votime gjithsej 5900 votues-  Ka fituar me -7666 vota

Vorë/ Kanë marrë pjesë në votime gjithsej 6120 votues-  Ka fituar me -6208 vota

Memaliaj/ Kanë marrë pjesë në votime gjithsej  4150 votues-  Ka fituar me -4206 vota

Malësi e Madhe/ Kanë marrë pjesë në votime gjithsej  7600 votues-  Ka fituar me -7772 vota (+ 493 vota të kandidatit tjetër)

Lushnjë / Kanë marrë pjesë në votime gjithsej 27243 votues-  Ka fituar me – 28086 vota

Himarë/ Kanë marrë pjesë në votime gjithsej 4162 votues-  Ka fituar me –  4209 vota

Divjakë/ Kanë marrë pjesë në votime gjithsej 13000 votues-  Ka fituar me – 13513 vota

Bulqizë/ Kanë marrë pjesë në votime gjithsej 7500 votues-  Ka fituar me – 7529 vota (+ 543 vota të kandidatit tjetër)

Përmes një deklarate, Komiteti i Helsikit në Shqipëri ka vënë në pah pjesëmarrjen e ulët në votime duke shtuar se orët e fundit rënia ishte edhe më e ndjeshme.

Pas mbylljes së qendrave të votimit në orën 19:00, Komiteti deklaroi se në tërësi, situata e raportuar nga vëzhguesit e ka qenë normale dhe e qetë. Por përveç pjesëmarrjes shumë të ulët ata kanë kritikuar rastet kur votimi nuk është bërë i fshehtë por me ndihmën e familjarëve. Gjithashtu në deklaratën e tyre ata kanë shprehur se ka patur raste kur boja është mundur të fshihet çka e bën të vështirë dikë për tu identifikuar nëse ka votuar apo jo.

Për këto zgjedhje Komiteti i Helsinkit kishte të akredituar 112 vëzhgues për të monitoruar aspekte të rëndësishme të procesit parazgjedhor, të procesit të ditës së votimit dhe numërimit për Zgjedhjet e Qeverisjes Vendore.

Komiteti Shqiptar i Helsinkit, prej vitit 1996 ka monitoruar të gjitha zgjedhjet e qeverisjes vendore dhe parlamentare në vendin tonë, me qëllim për të kontribuar në ushtrimin e të drejtës së votës në mënyrë të lirë, vetjake, të fshehtë dhe të barabartë.

Deklarata e plotë e Komisionit të Helsinkit:

Mbyllen disa Qendra Votimi – Para mbylljes së tyre, bie fluksi i zgjedhësve në një pjesë të këtyre qendrave të monitoruara nga vëzhguesit e KShH-së. Sikurse dihet sipas Kodit Zgjedhor, qendrat e votimit mbyllen parimisht në orën 19:00, me përjashtim të rasteve kur në këto qendra ka fluks zgjedhësish në kohën që qendra duhet të mbyllet, në ambientet e jashtme të qendrës. Orët e fundit të monitorimit evidentuan një rënie të ndjeshme të numrit të zgjedhësve në qendrat e votimit që po monitorohen nga vëzhguesit e KShH-së.

Përshembull, në qytetin e Tiranës, QV nr. 1889/1 janë paraqitur 178 zgjedhës nga 907 zgjedhës që duhet të jenë në total. Gjithashtu, në Shkollën Dëshmorët e Lirisë në QV nr. 1830 kanë votuar 28% e zgjedhësve, përkatësisht 126 zgjedhës nga 266 në total. Në 2 QV që po monitorohen nga vëzhguesi i KShH-së në Pallatin ‘Asllan Rusi’, respektivisht QV nr. 1887/1 dhe nr. 1887/2 rezultojnë të kenë votuar 378 zgjedhës, ndërkohë që po shqyrtohet nga ana e komisioneve mundësia e shtyrjes së orarit të mbylljes së votimit me një orë. KShH po verifikon këtë informacion pasi KQV shtyn procesin e votimit pa orar, vetëm në rast se në kohën e mbylljes së tij ka persona prezent në ambientet jashtë QV, për të mundësuar votimin e këtyre të fundit. Rreth orës 18:44 pranë Shkollës ‘Vasil Shanto’, në QV nr. 1840 është vërejtur një rritje e numrit të votuesve me rreth 50 votues në një hark kohor prej 1 orë.

Në tërësi, situata e raportuar nga vëzhguesit e KShH-së ka vijuar të jetë normale dhe e qetë. Ndërkohë që dy-tre orë më parë raportohen këto parregullsi. Konkretisht:
Rreth orës 15.45, në QV nr. 1844/1 pranë Shkollës ‘Besnik Sykja’ vëzhguesi i KShH-së ka depozituar vërejtje në mënyrë të përsëritur, për shkak se në këtë QV është konstatuar hyrja e personave të paautorizuar, gjë që përbën cënim të nenit 110 të Kodit Zgjedhor.

Vërejtjet e depozituara nga vëzhguesia nuk janë protokolluar dhe anëtarët e Komisionit, të cilët nuk kanë rënë dakord mbi detyrimin që kanë për ta protokolluar vërejtjen, detyrim ky i parashikuar në nenin 41 të Kodit Zgjedhor. Në këto kushte, vëzhguesia ka depozituar përsëri vërejtje për mosrepsektim të dispozitave të Kodit Zgjedhor për protokollimin e vërejtjeve me shkrim. Në QV nr. 18041, pranë ZAZ nr. 34, vëzhguesi i KShH adresoi vërejtje me shkrim për shkak se 1 zgjedhës që po votonte u tentua të ndihmohej pa vullnetin e tij nga një person tjetër duke bërë që në dhomën e fshehtë të qëndronin 2 persona.

Vërejtja me shkrim e vëzhguesit të KShH-së për mosrespektimin e plotë të procedurës që duhet të ndiqet në rastet kur zgjedhësi nuk mund të votojë vetë për shkaqe shëndetësore, nuk është marrë në konsideratë nga ana e Komisionit të QV nr. 1889/1 pranë Njësisë nr. 7.

Kanë kaluar gati tri orë nga përfundimi i orarit zyrtar të votimeve për këtë të dielë, por ende Komisioni Qendror i Zgjedhjeve nuk ka dalë zyrtarisht për të njoftuar se sa shqiptarë kanë votuar në rang republike në Shqipëri.

Deri tani shifrat zyrtare të KQZ-së flasin për 19% të votuesve deri në orën 18:00, pra një orë pas përfundimit zyrtar të votimit. Ndërkohë, këtë shifër të publikuar dy orë e gjysëm më parë, e ka kundërshtuar PD, e cila është shprehur se në total kanë votuar vetëm 15% të shqiptarëve në të gjithë vendin.

Sakaq, teksa KQZ ende nuk e ka bërë të ditur numrin e votuesve, në televizion kanë dalë njëri- pas tjetrit lideri i opozitës Lulzim Basha si dhe kryeministri Edi Rama.

Basha tha se as socialistët nuk e kanë votuar këtë të dielë Ramën, ndërsa ky i fundit deklaroi se 30 qershori ishte një ditë historike e fitores së shtetit dhe që i jep akoma më shumë përgjegjësi partisë që ai drejton./Epxress

….Tjetrin prite sipas veshjes dhe percille sipas mendjes …thoshin kah-heret te paret tane te mencur….

Sepse nuk thone me kot se veshja eshte si Kopileshja… o te ben qe njerezia te afrohen, te mbajne ne goje per te mire, e te te respektojne…ose ne te kundert te te pergojojne e te etiketojne si zhuls, karagjoz…e te zene te tallen me ty…

Sepse ne cdo kendveshtrim qe ta shohesh e me cfaredo lloj llogjike qe ta gjykosh ..veshja se pari tregon respektin ndaj vetes, ndaj personalitetit tend, ndaj emrit qe ti gezon ne shoqeri e ne komunitetin njerezor me te cilin jeton.,..per te mos shkuar me larg pastaj…kur veshja disa here per shkak te postit, funksionit apo detyres zyrtare qe kryen eshte e detyruar te te komandoje ajo ty e jo ti ate…

…Se po te doli ne dere e po te priti i pari i shtepise me breke…dihet se ne ate shtepi te gjithe te cmendurit e tjere jane lakuriq …me thoshte sa here me shaka nje Dajua im i mire …

Dhe paska pasur te drejte sa me s’ka…

Cdo njeri mund te vishet e te sillet si te doje….natyrisht brenda normave e kodeve normale e te lejuara e pranuara edhe nga komuniteti njerezor me te cilin jeton ….por kur ky njeri perfaqeson dicka krejt ndryshe sepse eshte i veshur me petkun zyrtar, funksionin, detyren e postin shteteror a qeveritar…etj …atehere cdo gje nis e ndryshon kryekeput dhe se pari pikerisht nga menyra e jashteme e tij e paraqitjes sidomos ne publik… c’ka nis vecmas.. me veshjen…

Fjala vjen nje President, nje kryeminister, minister deputet a zyrtar e funksionar i larte i shteti…nuk mund te dale dot ne publik..as lakuriq, as me citjane, brekushe, pantallona te shkurtera , me kanotjere…zbathur, i pa lare, i zhubravitur….etj etj sepse edhe nese do ai nuk ja lejon emri e funksioni shteteror e qeveritar te cilin vendi e populli i tij i kane besuar…sepse direkt apo indirekt cdo lloj paraqitje e tyre perfaqeson e prezanton absolutisht vendin e popullin e tyre…per mire apo per keq….

Dhe ky kryeministri yne …qe ”solli shijen” ne politiken shqiptare sipas frymorit me pa shije ne kete Planet….koketrashit Baton Haxhiu….vajti sot per te votuar e per te ”respektuar” Voten por edhe votimet e shqiptareve te tij …pikerisht me kete lloj alla-veshje fyese e poshteruese per kedo….me xhakete e pantallona te shkurtera…dhe ne krah me bashkeshorten qe se ku kish gjetur nje grumbull rrobash zhubra-zhubra e ashtu me nxitim e siper i kish veshur qe te shoqeronte bashkeshortin kryeminister karagjoz…

Dhe qe ketu fillon e mbaron Votimi …o shqiptare qe kurre nuk e kuptuat e kurre nuk zute mend dot…qe ketu ju kane fyer e poshteruar sa me s’ka…ju kane degjeneruar e perdhosur sa nuk ka fare me nevoje per komente te teperta…

Asnje lloj respekti per voten, votimet e votuesit shqiptare…. kete do te thoshte ne shqip fare veshja e sotme e ”ciftit qeveritar” ne qendren e tyre ne Surrel teksa u shfaqen si boheme endacake ne nje dite te tille qe minimumi meriton pak respekt…te pakten per komunitetin njerezor prane e mes te ciilit ti jeton… pa folur per emrin, postin, detyren e funksionin e larte shteteror qe ke…

Ja pra se cilet te udheheqin e te drejtojne ty o popull …ne fakt duhet thene ty o gjysem -popull qe sot mezi prite te gdhinte sabahu e me vrap e mbajte frymen tek kutia e Surrelit te shihje se si te kish ftuar e se si do te te respektonte ty e voiten tende e te drejten per te votuar xhakete-pantallon-shkurteri yt shtat -gjate…

Nje vendi e nje shteti shihi te parin qe e drejton …veshjen, sjelljen, menyren e te folurit, intelektin, tolerancen, miresjelljen , mirenjohjen, mencurine, thjeshtesine, korrektesen me detyren, komunikimin e respektin reciprok qe ai ka me kedo qe perballet …thuhet diku ne nje liber qe ben fjale per figurat e personalitet e shquara te politikes boterore…e me pas shkruhet…..ne varesi te ketyre nis edhe respekti apo mos respekti…vleresimi apo nenvleresimi per vendin e popullin e ketij te pari shteti…

Veshja – kopileshja…no coment…kur ta kuptosh kete edhe ti o populli im atehere nuk besoj se do te kete me ne historine tende kombetare 30 qershore te tille ….ok…

Partia Demokratike ka dalë në një deklaratë për shtyp përmes përfaqësuesit ligjor Ivi Kaso, i cili ka deklaruar se në rang kombëtar vetëm 15% e shqiptarëve me të drejtë vote kanë shkuar në kutitë e votimit.

Demokrati është shprehur se anëtarët socialistë të KQZ-së, që kanë shumicën në institucionin më të lartë zgjedhor, do të mbajnë përgjegjësi ligjore për orvatjen e shtimit artificial të shifrave.

Ivi Kaso: Nga monitorimi i të gjithave qendrave të votimit ka rezultuar se pjesëmarrja faktike në rang vendi është 15%. PD paralajmëron kamikazët socialistë të KQZ-së se ata do të mbajnë përgjegjësi ligjore për këtë farsë.

Është mbyllur zyrtarisht procesi i votimit në të gjithë vendin. Me një pjesëmarrje të ulët, votimet u zhvilluan në gjysmën e bashkive pa kandidat alternativ.

Partia Demokratike dhe Lëvizja Socialiste për Integrim dhe aleatët e tyre i kanë bojkotuar zgjedhjet, duke kërkuar largimin e kryeministrit pas publikimit të përgjimeve për blerjen e votave në Durrës dhe në Dibër. Në të gjithë vendin, janë hapur 5417 qendra votimi.

Tashmë pritet të KQZ-ja të japë të dhënat zyrtare për pjesëmarrjen në votime, ndërsa për fituesit nuk priten surpriza.

Procesi i votimit ka nisur në orën 7 të mëngjesit të sotëm dhe ka vijuar përgjithësisht i qetë.

Qendra e votimit 2160 në Kavajë, ka mbyllur dyer, ende pa përfunduar orari zyrtar i votimeve, ora 19:00.

Sipas komisionerit, numri i  votuesve ka qenë shumë i ulët dhe se nga 405 banorë, votuan vetëm 57, duke shtuar se kishin pritur 5orë dhe se nuk kishte ardhur askush tjetër për të votuar.

“Kam 5 orë që po rri aty nuk ka votues, morëm vendim e mbyllëm 15 minuta para morëm vendim si komision aty. 57 votues kanë votuar, nga 405 janë të gjithë në itali, 100 shpi ka fshati. Nuk ka asnjë person me votu, ca të rrimë kotë aty”, tha ai në një prononcim për mediat.

Kutitë e votimit janë çuar më pas në KZAZ-në numër 42 në Kavajë, ku do të kryhet procesi i numërimit.

Deputeti Lefter Maliqi ka publikuar në rrjetin social Facebbok disa mesazhe, që sipas tij, tregojnë shantazhin dhe kërcënimet e socialistëve ndaj punonjësve të administratës, që të marrin pjesë në votime.

Në facebook, Maliqi shkruan se 30 qershori tregoi “dështimin e Rilindjes”, ndërsa shton se pjesëmarrja tregoi zhgënjimin dhe humbjen fatale të PS, duke shtuar se opozita e bashkuar po shkon drejt fitores së sigurt.

Postimi i plotë:

30 Qershori tregoj Deshtimin total te Rilindjes se Krimit.Pjesmarrja tregoj zhgenjimin dhe humbjen fatale qe e pret ne zgjedhje normale PS. Opozita e bashkuar drejt fitores së sigurt.Socialistet e ndershem se duan më Pinokun me çitjane trecerkshe,karnavalin e Rilindjes.As 15% skanë votuar në qarkun e Beratit dhe gjithe vendin.

Rilindja në alarm po shantazhon këto dy ore kercenimet,shantazhimet,nepermjet njerzëve te deputeteve dhe segmenteve te administrates duke i telefonuar e shantazhuar paraqituni merrni me vete kartat e identitetit te familjes e fisit,neser sdo jeni në pune ne bashki e administrate,nderkohe punonjesit e administrates neser do kontrollohen nga boja ne gisht kane votuar apo jo,makinat e shtetit po marrin njerez me detyrim ,joshje ,imponim.Vetë votojnë,vetë numërojnë,vetë mbushin kutitë.

Ky eshte fundi,deshtimi i Rilindjes dhe fitorja e demokracise.1 Korriku dita e bardhe per shqiptaret ,socialistet e ndershem,demokrat,lsi-st,Çam,minoritar etj dhe boje e zeze per Rilindjen e krimit dhe njolle e zeze per opinionin nderkombtar.Shikoni nje pjes te sms-ve? Rama ik,shporru,turpi po te mbulon,zoti po te ndeshkon.