Presidenti amerikan Donald Trump ka vizituar Kaliforninë për të shikuar nga afër dëmet që janë shkaktuar nga zjarri më i madh dhe më vdekjeprurës në historinë e vendit.
Sipas raportimeve, 76 persona kanë humbur jetën në very të Kalifornisë ndërsa më shumë se 1 200 persona janë raportuar të zhdukur.
“Duhet të punojmë shumë në këtë drejtim dhe të bashkëpunojmë me ekspertë të mjedisit”, tha Trump.
Përvec kësaj zone, zjarrëfikësit janë duke punuar ende në zona tjera që mund të shfaqin rrezik. Kualiteti i ajrit në veri të Kalifornisë është shpallur më i dëmshmi në botë. Reshje të mëdha janë paralajmëruar për javën e ardhshme që do të mund të ndihmojë në fikjen e zjarrit dhe të krijojë lagështi të nevojshme për bimët.
Historikisht, “stina e zjarreve” në Kaliforni fillonte në verë dhe zgjaste deri në vjeshtën e hershme, por ekspertët tani paralajmërojnë për rrezik gjatë gjithë vitit.
Kushtet e motit dhe ndryshimet klimatike shihen si shkaktarët kryesorë.
Presidenti amerikan Donald Trump, tha se Uashingtoni do të vijë me një përfundim javën e ardhshme, lidhur me vrasjen e gazetarit Jamal Khashoggit dhe atyre që janë përfshirë në vrasje, pas raportimeve të CIA-s se princi i Arabisë Saudite, Muhammad bin Salman ka urdhëruar vrasjen.
Trump tha para gazetarëve se do të dalin me një raport të hënën ose të martën. Intelegjenca amerikane beson se princi Salman, që është udhëheqës de facto i mbretërisë, ka urdhëruar vrasjen e gazetarit Khashoggi në Turqi muajin e kaluar.
Qeveria saudite ka kundërshtuar këto akuza, të cilat fillimisht u publikuan në Washington Post më 17 nëntor.
Zëdhënësja e Departamentit amerikan të Shtetit, Heather Nauert tha se raportimet se qeveria amerikane ka ardhë në përfundim lidhur me vrasjen nuk janë të sakta.
Raporti i intelegjencës amerikane është i pari që drejpërsëdrejti lidhë princin e Arabisë Saudite me vrasjen.
Por, presidenti Trump, nuk ka komentuar shumë lidhur me raportin e CIA-s.
“Ne kemi aleancë të fuqishme me Arabinë Saudite, ata na oftojnë shumë punë, biznes dhe zhvillim ekonomik”, shtoi Trump.
Washington Post në publikimin e raportit të CIA-s, ka theksuar se përfundimi ka ardhur si rezultat i një telefonate të realizuar nga vëllau i princit, Khaled bin Salman, ambassador në SHBA, me Khashoggit. Por, ambasadori ka refuzuar pretendimet e tilla në një postim në Twitter.
Khashoggi, kolumnist në Washington Post dhe kritik i mbretërisë në Arabinë Saudite ishte vrarë në konsulatën e A. Saudite në Stamboll më 2 tetor.
Presidenti Trump udhëtoi në Kaliforni për të parë nga afër shkatërrimin e shkaktuar nga zjarret dhe për të takuar njerëz, jetët e të cilëve janë prekur nga katastrofa.
Guvernatorët, ai në largim dhe guvernatori i ri në Kaliforni, Jerry Brown dhe Gavin Newsom, do të bashkohen me presidentin Trump në inspektimin e shkatërrimeve në Kaliforninë veriore dhe jugore.
Trump California Wildfires
Vizita e Trumpit vjen një javë pasi ai fillimisht fajësoi zyrtarët e Kalifornisë për zjarret dhe kërcënoi të pengonte fondet federale. Në Tweeter presidenti nuk përmendi kushtet e thatësirës në Kaliforni, të cilat shumë shkencëtarë thonë se janë simptoma të ndryshimeve klimatike.
Zyrtarët në Kaliforni thonë se numri i njerëzve të zhdukur nga zjarri më vdekjeprurës në historinë e Kalifornisë është rritur në më shumë se 1,000 dhe se numri i të vdekurve është rritur në 71.
A firefighter searches for human remains in a trailer park destroyed in the Camp Fire, Friday, Nov. 16, 2018, in Paradise, California.
Vetëm në qytetin Paradise, flakët shkrumbuan 12 mijë objekte, ndër to të paktën 9700 shtëpi.
Sherifi i kontesë Butte njoftoi se është shtuar lista e personave të zhdukur.
“Deri më tani, kemi identifikuar 329 individë që ishin në listën e personave të zhdukur. Lista e re personave të zhdukur ka arritur në 1011, pra janë shtuar 380 emra brenda vetëm një dite”, informoi sherifi Kory Honea.
Zoti Honea shtoi megjithatë se në listë mund të gjenden edhe emra personash që iu larguan zjarrit dhe që nuk janë në dijeni se janë raportuar si persona të zhdukur. Ai bëri thirrje që njerëzit të informojnë autoritetet nëse i kanë mbijetuar zjarrit.
Zjarrfikësit arritën të shuajnë një pjesë të zjarrit të shpërthyer në pyje.
Rreth 500 punonjës të ekipeve të shpëtimit vazhduan të kërkojnë në rrënojat e qytetit Paradise, një javë pasi zjarri vdekjeprurës përfshiu qytetin me 27 mijë banorë. Flakët shkrumbuan rreth 12 mijë godina, ndër to të paktën 9700 shtëpi, ndërsa vazhdojnë të rrezikohen objekte të tjera.
Janë evakuar rreth 52 mijë njerëz që janë strehuar në zona të ndryshme, madje edhe në një kamping në parkimin e një supermarketi.
Autoritetet njoftuan se në zonën e Gjirit të San Franciscos, shkollat dhe objektet turistike janë të mbyllura për shkak të tymit.
Shkaku i zjarrit është ende duke u hetuar, por zyrtarët thonë se mund të jetë shkaktuar nga një difekt i aparaturave elektrike.
Senatori i ndjerë amerikan John McCain u nderua pas vdekjes me Çmimin për të Drejtat e Njeriut Sergei Magnitsky 2018. Siç njofton nga Londra korrespondenti i Zërit të Amerikës, Henry Ridgwell, çmimi u jepet personave që kanë luftuar për të drejtat e njeriut në Rusi dhe mbart emrin e një juristi që u vra në një burg të Moskës në vitin 2009.
Çmimi u prezantua të enjten në mbrëmje nga politikani opozitar Vladimir Kara-Murza, i cili u mbijetoi në Rusi dy tentativave për ta helmuar dhe ka qenë mik i senatorit të ndjerë amerikan.
“Senatorit John McCain – në shenjë vlerësimi se trashëgimia e tij do të vazhdojë të frymëzojë për një kohë të gjatë të gjithë ata mbrojnë lirinë dhe drejtësinë”.
Duke pranuar çmimin në emër të të ndjerit, Meghan, e bija e Senatorit, theksoi kontrastin mes trashëgimisë së tij dhe atij që ajo e quajti diktatorin gjakatar të Rusisë.
“John McCain mbrojti dhe përligji kujtimin e burrave dhe grave me integritet, si Sergei Magnitsky. Vladimir Putini urdhëron vrasjen e tyre. John McCain ishte një burrë i fortë. Vladimir Putini përfaqëson idenë e një burri të dobët për t’u shfaqur si i fortë. Kur vdiq John McCain, ai u kujtua me mirënjohje dhe u lavdërua nga kombi të cilit i shërbeu dhe dashuroi. Vladimir Putini e di shumë mirë se rreziku më i madh ndaj jetës së tij është vetë populli i tij, dhe se ai do të mbahet mend si një tiran dhe një hajdut”, tha zonja McCain.
John McCain u bë një kritik i spikatur i marrëdhënies së Presidentit amerikan Donald Trump me udhëheqësin rus Vladimir Putin. Presidenti Trump i kundërshtoi me forcë kritikat. Në janar të 2017-ës, Senatori McCain vizitoi Gjeorgjinë.
“Nëse nuk i dalim kundër, Vladimir Putini do të vazhdojë agresionin e tij”, deklaroi në Gjeorgji zoti McCain.
Senatori McCain vdiq nga kanceri në tru në moshën 81-vjeçare.
Ndër personat e tjerë të nderuar me çmime janë opozitari rus Alexei Navalny, si dhe producent ukrainas i filmave Oleg Sentsov.
Çmimet “Magnitsky” kanë marrë emrin e juristit rus Sergei Magnitsky, i cili u rrah për vdekje në qelitë e policisë në vitin 2009, pasi hetoi një skemë mashtrimi me taksat të zyrtarëve të lartë rusë, të llogaritur në gati 230 milionë dollarë.
Bill Browder, drejtor i firmës “Hermitage Capital Management”, e pati punësuar zotin Magnitsky për të hetuar skemën e mashtrimit financiar. Zoti Browder bëri fushatë që Amerika të miratonte Ligjin Magnitsky në vitin 2012, që parashikon ndalimin e vizave dhe ngrirjen e aseteve të shkelësve të të drejtave të njeriut. John McCain luajti rol thelbësor në kalimin e këtij ligji në Kongres.
“Duke filluar nga viti tjetër, nuk do të nderojmë vetëm heronjtë rusë, por në frymën globale të Ligjit Magnitsky, do të nderojmë heronj nga mbarë bota”, njoftoi zoti Browder.
Duke u mbështetur tek sanksionet që parashikon Ligji Magnitsky, pak ditë më parë Shtetet e Bashkuara vendosën sanksione ndaj 17 zyrtarëve sauditë që akuzohen për vrasjen e gazetarit Jamal Khashoggi.
Një gjykatës federal vendosi se John Hinckley, personi që shtiu me armë ndaj Presidentit Ronald Reagan, është në gjendje të vazhdojë jetën e tij i lirë.
Për shkak të çrregullimeve mendore, zoti Hinckley u shpall jo fajtor për plagosjen e Presidentit dhe tre personave të tjerë në vitin 1981.
FILE – In this March 30, 1981, photo, U.S. president Ronald Reagan, center, is shown being shoved into his limousine by secret service agents after being shot outside a Washington hotel. The man who shot Reagan is scheduled to leave a Washington mental ho
Ai u mbajt për 35 vjet në spitalin e shëndetit mendor “Shën Elizabeta” të Washingtonit.
Në vitin 2016, zoti Hinckley, tashmë 63-vjeçar, u vendos në banesën e nënës së tij 90-vjeçare, në Williamsburg, të shtetit Virxhinia.
Në vendimin e botuar dje të gjykatësit federal Paul Friedman shkruhet se zoti Hinckley “nuk paraqet rrezik për veten dhe të tjerët” dhe se mund të jetojë në një zonë jo më larg se 75 milje nga Williamsburgu, pasi vendndodhja të miratohet nga doktorët.
FILE – John Hinckley Jr. arrives at U.S. District Court in Washington, Nov. 18, 2003.
Sipas dokumentave të gjykatës, ai do të duhet të takohet me doktorët çdo dy muaj.
Zoti Hinckley ishte 25 vjeç në vitin 1981, kur qëlloi me armë Presidentin Reagan në hyrje të një hoteli në Washington. Nga plumbat u paralizua sekretari i shtypit Jim Brady dhe u plagosën agjenti i Shërbimit Sekret, Timothy McCarthy, si dhe oficeri i policisë Thomas Delahanty.
Në kohën e atentatit, zoti Hinckley vuante nga psikoza akute dhe depresioni i lartë. Ai ishte fiksuar pas aktores Jodie Foster.
Barry Levine, avokati i zotit Hinckley, njoftoi se në të ardhmen do të kërkojë edhe lirimin e tij pa kushte. Sesioni i ardhshëm i gjykatës është planifikuar për në muajin qershor.
Zoti Levine tha se: “Zbatimi prej tij i udhëzimeve të gjykatës ndër vite ka qenë i shkëlqyer. Nëse njerëzit do ta njihnin, do ta pëlqenin.”
Sipas zyrtarëve amerikanë, Agjencia Qendrore e Zbulimit ka arritur në përfundimin se Princi Saudit i Kurorës Mohammed bin Salman urdhëroi vrasjen e gazetarit Xhamal Kashogi.
Vlerësimi nga CIA, i raportuar së pari nga gazeta The Washington Post të premten, bie në kundërshtim me atë të Arabisë Saudite, prokurori i lartë i së cilës një ditë më parë e shfajësoi princin e kurorës për vrasjen.
Zyrtarët amerikanë thonë se CIA arriti në përfundimin se 15 agjentë sauditë shkuan me një avion të qeverisë saudite në Stamboll dhe vranë Khashoggin në konsullatën saudite.
FILE – Saudi Crown Prince Mohammed bin Salman attends the Future Investment Initiative conference in the Saudi capital Riyadh, Oct. 23, 2018.
Khashoggi, i cili shkruante për gazetën The Washington Post dhe ishte kritik i Princit të Kurorës Saudite, u vra në konsullatën saudite në Stamboll në tetor, ndërsa po përpiqej të merrte dokumente për martesën e tij të ardhshme me një grua turke.
Gazeta The Washington Post thotë se CIA e bazoi përfundimin e saj në burime të shumta të inteligjencës, duke përfshirë një thirrje telefonike që vëllai i princit, Khalid bin Salman, i cili është gjithashtu ambasadori saudit në Shtetet e Bashkuara, kishte patur me Kashogin.
Në thirrjen telefonike, Khalid i thotë Khashogit se do të ishte i sigurt që të shkonte në konsullatën saudite në Stamboll për të marrë dokumentet për martesën e tij. Gazeta thotë se nuk dihet nëse Khalid e dinte që Khashoggi do të vritej.
Në Tweeter të premten Khalid mohoi se ai kishte folur me Kashogin.
“Kontakti i fundit që kisha me zotin Kashogi ishte përmes tekstit më 26 tetor 2017. Unë kurrë nuk kam biseduar me të me telefon dhe nuk kam sugjeruar që të shkojë në Turqi për ndonjë arsye. I kërkoj qeverisë amerikane të publikojë çdo informacion lidhur me këtë pretendim, ” tha ai.
Zyrtarët sauditë thonë se vrasja e Kashogit ishte e rastësishme dhe se zyrtarët po përpiqeshin ta detyronin Kashogin të kthehej në mbretëri.
Zyrtarët turq kanë thënë se vrasja ishte e qëllimshme dhe po i bën presion Arabisë Saudite të lejojë që personat përgjegjës të gjykohen në Turqi.
Administrata Trump këtë javë sanksionoi 17 zyrtarë sauditë për rolin e tyre të dyshuar në vrasje. Megjithatë, disa ligjvënës amerikanë i kanë bërë thirrje Shtëpisë së Bardhë të bëjë më shumë, duke përfshirë zvogëlimin e shitjes së armëve Arabisë Saudite.
Presidenti Donald Trump ka thënë se qeveria saudite është përpjekur të mbulojë vrasjen dhe se “mbulimi ishte një nga më amatoret në historinë e mbulimeve.”
Megjithatë, presidenti Trump i ka rezistuar thirrjeve për të pakësuar shitjet e armëve në Arabinë Saudite. Presidenti ka kërkuar lidhje më të ngushta me Arabinë Saudite për të luftuar ndikimin iranian në Lindjen e Mesme, si dhe për të rritur marrëveshjet e tregtisë së armëve midis Uashingtonit dhe Rijadit.
Presidenti amerikan Donald Trump tha të premten se i kishte përfunduar përgjigjet me shkrim për hetimin federal që po zhvillohet lidhur me ndërhyrjen e dyshuar të Rusisë në zgjedhjet presidenciale të vitit 2016.
Por ai tha nuk i kishte dërguar ende ato në zyrën e Prokurorit të Posaçëm të Shteteve të Bashkuara Robert Mueller.
Duke folur me gazetarët në Shtëpinë e Bardhë, zoti Trump tha se i kishte shkruar vetë përgjigjet ndaj pyetjeve të zotit Mueller dhe jo avokatët e tij.
Tensionet lidhur me hetimin u rritën edhe më shumë javën e kaluar kur zoti Trump shkarkoi Jeff Sessions nga detyra e Prokurorit të Përgjithshëm duke e zëvendësuar përkohësisht atë me Matthew Whitaker-in. Lëvizja i dha zotit Whitaker, një besnik i presidentit Trump, të drejtën për të mbikëqyrur hetimin e zotit Mueller në vend të zotit Rod Rosenstein, numri dy i Departamentit të Drejtësisë, i cili gëzonte më parë autoritetin të mbikëqyrte hetimin.
Prej majit të vitit 2017 zoti Mueller po heton nëse anëtarë të fushatës së zotit Trump kanë bashkëpunuar në mënyrë të fshehtë me Rusinë në zgjedhjet e vitit 2016 dhe nëse zoti Trump, në mënyrë të paligjshme është përpjekur të pengojë hetimin. Zoti Mueller ka ngritur tashmë akuza ndaj disa ish-ndihmësve të zotit Trump.
Vetë Presidenti e ka quajtur hetimin një “gjueti shtrigash” dhe ka thënë se nuk ka patur bashkëpunim të fshehtë me Rusinë. Moska gjithashtu e ka mohuar çdo ndërhyrje në zgjedhjet amerikane.
Shtëpia e Bardhë njoftoi se do t’i rikthejë përkohësisht akreditimin gazetarit të CNN Jim Acosta. Ky hap pason vendimin e një gjykatësi federal që urdhëroi që korrespondentit të rrjetit CNN, t’i rikthehet përkohësisht akreditimi pranë Shtëpisë së Bardhë. Por zëdhënësja e Shtëpisë së Bardhë Sarah Sanders paralajmëroi vendosjen e rregullave e procedurave për të siguruar sic tha ajo “mbatjen e konferencave për shtyp në përputhje me rregullat në të ardhmen“.
Të premten Presidenti Donald Trump kërcënoi se do ta çojë çështjen sërisht në gjykatë nëse gazetarët nuk i zbatojnë rregullat e Shtëpisë së Bardhë.
“Njerëzit duhet të sillen sipas rregullave,” u tha zoti Trump gazetarëve.
“Po hartojmë rregullore … Nëse nuk i zbatojnë, do të përfundojmë sërisht në gjykatë dhe ne do të fitojmë“, shtoi ai.
Për rrjetin televiziv CNN vendimi i gjykatës ishte një fitore e parë në çështjen gjyqësore që nisi disa ditë më parë. Gazetari Acosta falenderoi gjykatësin Timothy Kelly për vendimin dhe tha se tani do të kthehej përsëri në punë.
Avokatët e rrjetit CNN thanë se në javët be ardhshme do të ketë seanca të tjera gjyqësore, ku do të vendoset për aspekte të tjera të padisë së rrjetit mediatik kundër administratës së Presidentit Trump.
Administrata e presidentit Trump javën e kaluar i hoqi akreditimin gazetarit Acosta pasi ai i drejtoi një seri pyetjesh presidentit duke i kërkuar sqarime se përse kishte cilësuar karvanin e emigrantëve të Amerikës Qendrore që po i afrohen Shteteve të Bashkuara si një “pushtim”.
Çështja në fjalë shihet si një provë e rëndësishme për lirinë e shtypit në SHBA që mbrohet nga Amendamenti i Parë i Kushtetutës.
Shoqata e Korrespondentëve të Shtëpisë së Bardhë paraqiti të enjten një raport në mbështetje të kërkesës së kanalit CNN për të lejuar përkohësisht akreditimin e korrespondentit Jim Acosta në Shtëpinë e Bardhë, deri në marrjen e vendimit për padinë gjyqësore “CNN kundër Donald J. Trump”.
Gjatë seancës dëgjimore të së mërkurës, Departamenti i Drejtësisë paraqiti argumentin se Presidenti ka autoritet të plotë të përzgjedhë gazetarët që do të mbulojnë aktivitetet e tij. Por, shoqata theksoi rrezikun që paraqet për të gjithë gazetarët dhe publikun amerikan, nëse Presidentit i lejohet të vazhdojë praktikën e nisur.
Avokati i kanalit CNN, Ted Boutrous i tha të mërkurën gjykatësit Kelly se Shtëpia e Bardhë ka hapësira të mëtejshme për ta penguar korrespondentin Acosta, si p.sh. duke mos e ftuar për të drejtuar pyetje në konferencat për shtyp.
Megjithatë avokati shtoi se “nga sa e njoh Presidentin Trump, ai do t’i drejtohet Acostas që në ditën e parë pasi të ketë marrë sërish kredencialet e shtypit”.
Juristët e qeverisë thonë se sjellja e zotit Acosta pengoi Shtëpinë e Bardhë të zhvillojë një konferencë normale për shtyp.
“Nuk përbën këndvështrim përpjekja e një gazetari të vetëm për të monopolizuar një konferencë për shtyp”, u shpreh Zv.Ndihmës Prokurori i Përgjithshëm, James Burnham. Ai i tha gjykatësit se pezullimi i kredencialeve të zotit Acosta nuk i shkaktoi dëm të menjëhershëm dhe të pariparueshëm, gjë që do të justifikonte një urdhër të përkohshëm gjykate.
“Ndërsa për CNN-in, mendoj se nuk ka asnjë lloj dëmi”, tha zoti Burnham, duke vënë në dukje se 50 gazetarë të tjerë të këtij rrjeti informativ kanë kredenciale për të hyrë në Shtëpinë e Bardhë.
“Presidenti dhe Shtëpia e Bardhë kanë të njëjtin autoritet të gjerë për të përcaktuar qasjen në Shtëpinë e Bardhë për gazetarët (dhe publikun e gjerë), ashtu siç kanë autoritetin për të zgjedhur se cilët gazetarëve do t’u jepet mundësia të zhvillojnë intervista, apo emrat e gazetarëve që do të ftohen të bëjnë pyetje gjatë konferencave të shtypit”, shkruhet në argumentin ligjor të paraqitur nga Departamenti i Drejtësisë, në emër të Shtëpisë së Bardhë.
I pyetur nga faqja konservatore e internetit “Daily Caller” nëse priste që ta fitonte padinë gjyqësore, Presidenti Trump u përgjigj: “A është liri e shtypit kur dikush që vjen, fillon të bëjë pyetje duke bërtitur dhe nuk ulet?”
Shumë organizata të mediave i dolën në mbështetje padisë ligjore të CNN-it, përfshirë kanalin “Fox News” që shihet si grup mediatik përgjithësisht mbështetës i Presidentit Trump.
Në një deklaratë të kreut të “Fox News”, Jay Wallace, thuhej se “akredidimet e lëshuara nga Shërbimi Sekret për gazetarët që punojnë në Shtëpinë në Bardhë nuk duhet të shndërrohen në mjet lufte. Megjithëse nuk mbështesim tonin antagonist gjithnjë e në rritje, si të Presidentit ashtu edhe të gazetarëve gjatë konferencave të fundit për shtyp, ne mbështesim lirinë e shtypit, qasjen e lirë dhe shkëmbimet e hapura për popullin amerikan”.
Në mbështetje dolën disa organizata mediatike, si “The Associated Press”, “Bloomberg”, “CBS News”, “NBC News”, “The New Yorks Times”, “USA Today”, të cilët i paraqitën gjykatës argumenta me shkrim në mbështetje të padisë së CNN-it kundër Shtëpisë së Bardhë.
Organizata WikiLeaks njoftoi se ndaj themeluesit të saj Julian Assange janë ngritur akuza nga Shtetet e Bashkuara.
Në një postim në Twitter WikiLeaks shkruante se lajmi rreth akuzave ndaj zotit Assange ishte zbuluar “aksidentalisht” në një dokument të plotësuar nga gjykata e Virxhinias, për një çështje që nuk kishte të bënte me të.
Zoti Assange është përgjegjës për publikimin në WikiLeaks të qindra mijëra dokumenteve sekrete, që shkaktuan zemërimin e qeverive në mbarë botën.
Ai jeton në ambasadën e Ekuadorit në Londër. Mbështës dhe kundërshtarë të qëndrimit të tij në ambasadë, organizuan protesta jashtë godinës qeveritare në kryeqytetin e Ekuadorit, Kuito.
Kërkesa e tij për azil u miratua, gjë që i shmangu ekstradimin në Suedi, ku Julian Assange do të ballafaqohej me pyetje lidhur me akuzat për krime seksuale, të cilat ai i ka mohuar.
Autoritetet suedeze e mbyllën hetimin rreth një vit më parë, por zoti Assange, i cili ishte në liri me kusht kur hyri në ambasadë, rrezikon të arrestohet nga autoritetet britanike për shkelje të kushteve, nëse largohet nga përfaqësia diplomatike e Ekuadorit.
Në SHBA, një gjykatës federal vendosi që korrespondentit të rrjetit CNN Jim Acosta t’i rikthehet përkohësisht akreditimi pranë Shtëpisë së Bardhë.
CNN tha se kjo ishte një fitore e parë në çështjen gjyqësore që nisi disa ditë më parë. Gazetari Acosta falenderoi gjykatësin Timothy Kelly për vendimin dhe tha se tani do të kthehej përsëri në punë.
Avokatët e rrjetit CNN thanë se në javët be ardhshme do të ketë seanca të tjera gjyqësore, ku do të vendoset për aspekte të tjera të padisë së rrjetit mediatik kundër administratës së Presidentit Trump.
Administrata e presidentit Trump javën e kaluar i hoqi akreditimin gazetarit Acosta pasi ai i drejtoi një seri pyetjesh presidentit duke i kërkuar sqarime se përse kishte cilësuar karvanin e emigrantëve të Amerikës Qendrore që po i afrohen Shteteve të Bashkuara si një “pushtim”.
Çështja në fjalë shihet si një provë e rëndësishme për lirinë e shtypit në SHBA që mbrohet nga Amendamenti i Parë i Kushtetutës.
Shoqata e Korrespondentëve të Shtëpisë së Bardhë paraqiti të enjten një raport në mbështetje të kërkesës së kanalit CNN për të lejuar përkohësisht akreditimin e korrespondentit Jim Acosta në Shtëpinë e Bardhë, deri në marrjen e vendimit për padinë gjyqësore “CNN kundër Donald J. Trump”.
Gjatë seancës dëgjimore të së mërkurës, Departamenti i Drejtësisë paraqiti argumentin se Presidenti ka autoritet të plotë të përzgjedhë gazetarët që do të mbulojnë aktivitetet e tij. Por, shoqata theksoi rrezikun që paraqet për të gjithë gazetarët dhe publikun amerikan, nëse Presidentit i lejohet të vazhdojë praktikën e nisur.
Avokati i kanalit CNN, Ted Boutrous i tha të mërkurën gjykatësit Kelly se Shtëpia e Bardhë ka hapësira të mëtejshme për ta penguar korrespondentin Acosta, si p.sh. duke mos e ftuar për të drejtuar pyetje në konferencat për shtyp.
Megjithatë avokati shtoi se “nga sa e njoh Presidentin Trump, ai do t’i drejtohet Acostas që në ditën e parë pasi të ketë marrë sërish kredencialet e shtypit”.
Juristët e qeverisë thonë se sjellja e zotit Acosta pengoi Shtëpinë e Bardhë të zhvillojë një konferencë normale për shtyp.
“Nuk përbën këndvështrim përpjekja e një gazetari të vetëm për të monopolizuar një konferencë për shtyp”, u shpreh Zv.Ndihmës Prokurori i Përgjithshëm, James Burnham. Ai i tha gjykatësit se pezullimi i kredencialeve të zotit Acosta nuk i shkaktoi dëm të menjëhershëm dhe të pariparueshëm, gjë që do të justifikonte një urdhër të përkohshëm gjykate.
“Ndërsa për CNN-in, mendoj se nuk ka asnjë lloj dëmi”, tha zoti Burnham, duke vënë në dukje se 50 gazetarë të tjerë të këtij rrjeti informativ kanë kredenciale për të hyrë në Shtëpinë e Bardhë.
“Presidenti dhe Shtëpia e Bardhë kanë të njëjtin autoritet të gjerë për të përcaktuar qasjen në Shtëpinë e Bardhë për gazetarët (dhe publikun e gjerë), ashtu siç kanë autoritetin për të zgjedhur se cilët gazetarëve do t’u jepet mundësia të zhvillojnë intervista, apo emrat e gazetarëve që do të ftohen të bëjnë pyetje gjatë konferencave të shtypit”, shkruhet në argumentin ligjor të paraqitur nga Departamenti i Drejtësisë, në emër të Shtëpisë së Bardhë.
I pyetur nga faqja konservatore e internetit “Daily Caller” nëse priste që ta fitonte padinë gjyqësore, Presidenti Trump u përgjigj: “A është liri e shtypit kur dikush që vjen, fillon të bëjë pyetje duke bërtitur dhe nuk ulet?”
Shumë organizata të mediave i dolën në mbështetje padisë ligjore të CNN-it, përfshirë kanalin “Fox News” që shihet si grup mediatik përgjithësisht mbështetës i Presidentit Trump.
Në një deklaratë të kreut të “Fox News”, Jay Wallace, thuhej se “akredidimet e lëshuara nga Shërbimi Sekret për gazetarët që punojnë në Shtëpinë në Bardhë nuk duhet të shndërrohen në mjet lufte. Megjithëse nuk mbështesim tonin antagonist gjithnjë e në rritje, si të Presidentit ashtu edhe të gazetarëve gjatë konferencave të fundit për shtyp, ne mbështesim lirinë e shtypit, qasjen e lirë dhe shkëmbimet e hapura për popullin amerikan”.
Në mbështetje dolën disa organizata mediatike, si “The Associated Press”, “Bloomberg”, “CBS News”, “NBC News”, “The New Yorks Times”, “USA Today”, të cilët i paraqitën gjykatës argumenta me shkrim në mbështetje të padisë së CNN-it kundër Shtëpisë së Bardhë.
Një gjykatës federal e shtyu marrjen e vendimit nëse Shtëpia e Bardhë duhet të lejojë të rikthehet në hapësirat e saj, qoftë edhe përkohësisht, korrespondentin e CNN-it, Jim Acosta.
Gjykatësi Timothy Kelly caktoi një seancë dëgjimore për t’u zhvilluar ditën e sotme.
Jim Acosta
Shoqata e Korrespondentëve të Shtëpisë së Bardhë (WHCA) paraqiti të enjten një raport në mbështetje të kërkesës së kanalit CNN për të lejuar përkohësisht qasjen e korrespondentit Acosta në Shtëpinë e Bardhë, deri në marrjen e vendimit për padinë gjyqësore “CNN kundër Donald J. Trump”. Gjatë seancës dëgjimore të së mërkurës, Departamenti i Drejtësisë paraqiti argumentin se Presidenti ka autoritet të plotë të përzgjedhë gazetarët që do të mbulojnë aktivitetet e tij. Por, WHCA theksoi rrezikun që paraqet për të gjithë gazetarët dhe publikun amerikan, nëse Presidentit i lejohet të vazhdojë praktikën e nisur.
Avokati i kanalit CNN, Ted Boutrous i tha të mërkurën gjykatësit Kelly se Shtëpia e Bardhë ka hapësira të mëtejshme për ta penguar korrespondentin Acosta, si p.sh. duke mos e ftuar për të drejtuar pyetje në konferencat për shtyp.
Megjithatë avokati shtoi se “nga sa e njoh Presidentin Trump, ai do t’i drejtohet Acostas që në ditën e parë pasi të ketë marrë sërish kredencialet e shtypit”.
Juristët e qeverisë thonë se sjellja e zotit Acosta pengoi Shtëpinë e Bardhë të zhvillojë një konferencë normale për shtyp.
“Nuk përbën këndvështrim përpjekja e një gazetari të vetëm për të monopolizuar një konferencë për shtyp”, u shpreh Zv.Ndihmës Prokurori i Përgjithshëm, James Burnham. Ai i tha gjykatësit se pezullimi i kredencialeve të zotit Acosta nuk i shkaktoi dëm të menjëhershëm dhe të pariparueshëm, gjë që do të justifikonte një urdhër të përkohshëm gjykate.
“Ndërsa për CNN-in, mendoj se nuk ka asnjë lloj dëmi”, tha zoti Burnham, duke vënë në dukje se 50 gazetarë të tjerë të këtij rrjeti informativ kanë kredenciale për të hyrë në Shtëpinë e Bardhë.
“Presidenti dhe Shtëpia e Bardhë kanë të njëjtin autoritet të gjerë për të përcaktuar qasjen në Shtëpinë e Bardhë për gazetarët (dhe publikun e gjerë), ashtu siç kanë autoritetin për të zgjedhur se cilët gazetarëve do t’u jepet mundësia të zhvillojnë intervista, apo emrat e gazetarëve që do të ftohen të bëjnë pyetje gjatë konferencave të shtypit”, shkruhet në argumentin ligjor të paraqitur nga Departamenti i Drejtësisë, në emër të Shtëpisë së Bardhë.
I pyetur nga faqja konservatore e internetit “Daily Caller” nëse pret që ta fitojë padinë gjyqësore, Presidenti Trump u përgjigj: “Do të shohim se çfarë do të vendosë gjykata. A është liri e shtypit kur dikush që vjen, fillon të bëjë pyetje duke bërtitur dhe nuk ulet?”
Shumë organizata të mediave kanë dalë në mbështetje të padisë ligjore të CNN-it, përfshirë kanalin “Fox News” që perceptohet si grup mediatik përgjithësisht mbështetës i Presidentit Trump.
Në një deklaratë të kreut të “Fox News”, Jay Wallace, thuhet se “fletëkalimet e lëshuara nga Shërbimi Sekret për gazetarët që punojnë në Shtëpinë në Bardhë nuk duhet të shndërrohen në mjet lufte. Megjithëse nuk mbështesim tonin antagonist gjithnjë e në rritje, si të Presidentit ashtu edhe të gazetarëve gjatë konferencave të fundit për shtyp, ne mbështesim lirinë e shtypit, qasjen e lirë dhe shkëmbimet e hapura për popullin amerikan”.
Në mbështetje dolën disa organizata mediatike, si “The Associated Press”, “Bloomberg”, “CBS News”, “NBC News”, “The New Yorks Times”, “USA Today”, të cilët i paraqitën gjykatës argumenta me shkrim në mbështetje të padisë së CNN-it kundër Shtëpisë së Bardhë.
Numri i njerëzve të zhdukur nga zjarret në veri të Kalifornisë ka kaluar 600, thanë autoritetet lokale.
Lista e personave të zhdukur u dyfishua qysh të enjten.
Bëhet fjalë për 631 të zhdukur, tha sherifi Kory Honea.
Zjarret – më shkatërrueset në këtë shtet – lanë së paku 63 njerëz të vdekur.
Afro 12,000 ndërtesa u dogjën.
Presidenti amerikan, Donald Trump, do të udhëtojë në Kaliforni të shtunën për të vëzhguar dëmet dhe për të takuar njerëzit e prekur.
Rreth 9,400 zjarrfikës janë duke luftuar flakët që nisën tetë ditë më parë.
Historikisht, “stina e zjarreve” në Kaliforni fillonte në verë dhe zgjaste deri në vjeshtën e hershme, por ekspertët tani paralajmërojnë për rrezik gjatë gjithë vitit.
Kushtet e motit dhe ndryshimet klimatike shihen si shkaktarët kryesorë.
Departamenti amerikan i Thesarit ka njoftuar se ka sanksionuar 17 sauditë për rolin e tyre në vrasjen e gazetarit saudit, Jamal Khashoggi në konsullatën e Arabisë Saudite në Stamboll.
Kjo njëherësh është konsideruar si përgjigjja e parë konkrete nga administrata e Trumpit lidhur me vdekjen e Khashoggit një muaj më parë.
Në mesin e të sanksionuarve janë edhe Saud al-Qahtani, ish-ndihmësi i lartë i princit të kurorës, Mohammed bin Salman, si dhe konsulli i përgjithshëm saudit, Mohammed Alotaibi.
Sanksionet do të zbatohen sipas Aktit Magnitsky, i cili shënjestron abuzuesit e të drejtave të njeriut.
Ky njoftim është konsideruar i pazakonshëm për Uashingtonin, i cili rrallë sanksionon persona në Riad.
“Këta individë që kanë shënjestruar dhe kanë vrarë brutalisht një gazetar që ka punuar në Shtetet e Bashkuara duhet të përballen me pasoja për veprat e kryera”, ka thënë Sekretari i Thesarit, Steve Mnuchin përmes një deklarate.
Ai ka shtuar se Uashingtoni është duke vazhduar të tentojë të kuptojë se çfarë ka ndodhur, si dhe të mbajë përgjegjës ata që kanë vrarë Khashoggin.
“Qeveria e Arabisë Saudite duhet të marrë masa për t’i dhënë fund shënjestrimit të ndonjë disidenti apo gazetari”, ka thënë Mnuchin.
Ndërkohë Zyra e Prokurorit të Përgjithshëm në Arabinë Saudite ka thënë te enjten se ka kërkuar dënim me vdekje për 5 nga 11 persona e dyshuar për vrasjen e Khashoggit, teksa Mbretëria synon të tejkalojë krizën më të madhe politike në gjeneratë.
Khashoggi, kritik i politikës saudite, është vrarë në konsullatën e Arabisë Saudite më 2 tetor me një injeksion vdekjeprurës, kanë thënë autoritetet saudite.
Ndërkohë në Turqi ka pasur raporte se trupi i gazetarit ka mundësi që tretur në acid.
Presidenti amerikan Donald Trump tha të enjten se Shtëpia e Bardhë po “funksionon shumë mirë” edhe pse, siç pohoi ai, këshilltarë të tjerë të lartë të tij pritet të shkarkohen.
“Do të bëj ndryshime në drejtime të ndryshme,” tha zoti Trump për portalin konservator “Daily Caller”.
Javën e kaluar, një ditë pasi demokratët morën kontrollin e Dhomës së Përfaqësuesve për herë të parë pas tetë vitesh, zoti Trump largoi Prokurorin e Përgjithshëm Jeff Sessions.
Presidenti Trump e kishte kritikuar prej kohësh zotin Sessions për vendimin për t’u tërhequr nga mbikëqyrja e hetimeve që po kryen Prokurori i Posaçëm Robert Mueller mbi lidhjet e mundshme me Rusinë të ndihmësve të fushatës elektorale të zotit Trump në 2016 si dhe nëse zoti Trump, në detyrën e presidentit, ka penguar drejtësinë, duke u përpjekur të pengojë hetimet.
Të mërkurën Shtëpia e Bardhë njoftoi largimin e zëvendës këshilltares për Sigurinë Kombëtare Mira Ricardeli, pasi Zonja e Parë, Melania Trump, tha se ajo nuk e meritonte më nderin të punonte për Presidentin.
“Mira Ricardeli do të vazhdojë të mbështesë Presidentin ndërsa largohet nga Shtëpia e Bardhë për të kaluar në një rol të ri brenda administratës”, tha në një deklaratë zëdhënësja e Shtëpisë së Bardhë Sarah Sanders, por ajo nuk shpjegoi se për çfarë detyre bëhet fjalë.
Sipas njoftimeve të ndryshme, presidenti Trump po shqyrton mundësinë e shkarkimit të sekretares për Sigurinë Kombëtare Kirsten Nielsen dhe shefit të personelit të Shtëisë së Brdhë John Kelly.
Zonja Ricardeli, një ish-zyrtare e Departamentit të Tregtisë, u zgjodh nga këshilltari për Sigurinë Kombëtare, John Bolton, për të shërbyer si zëvendëse e tij.
Sipas një zyrtari të lartë të administratës, mes zonjës Ricardeli dhe Melania Trump-it e stafit të saj, ka patur përplasje lidhur me udhëtimin e Zonjës së Parë në Afrikë në muajin tetor dhe përdorimin e burimeve qeveritare për këtë vizitë.
Zonja Ricardeli gëzon gjithashtu një reputacion si kritike e ashpër e stafit në Shtëpinë e Bardhë, thanë disa burime.
Zyra e Zonjës së Parë mori një hap të pazakontë duke bërë publik qëndrimin e saj kundër zonjës Ricardel-i.
“Zyra e Zonjës së Parë mendon se Mira Rikardeli nuk e meriton më nderin që të shërbejë në Shtëpinë e Bardhë”, tha Stephanie Grisham, zëdhënëse e Zonjës së Parë.
Ndërsa Zonjat e Para njihen historikisht për ushtrim ndikimi ndaj bashkëshortëve të tyre, për çështje të lidhura me detyrën zyrtare, ato zakonisht nuk kanë dhënë deklarata publike mbi këto çështje.
Udhëheqësi republikan i Senatit të Shteteve të Bashkuara i bllokoi përpjekjet dypartiake për miratimin e një legjislacioni, që do të mbronte këshilltarin e posaçëm, Robert Mueller, i cili po heton lidhjet midis Rusisë dhe fushatës zgjedhore të presidentit Donald Trump.
Lideri i shumicës në Senat, Mitch McConnell, tha se nuk e lejon votimin e legjislacionit, sepse nuk beson se është i nevojshëm.
Kjo, përkundër faktit se Trump e zëvendësoi javën e kaluar prokurorin e përgjithshëm, Jeff Sessions, me një ndihmës të tij që vazhdimisht i ka kritikuar hetimet e Muellerit.
“Nuk ka shenja se hetimi nuk do të lejohet të përfundojë”, tha McConnell.
Trump shpesh i ka cilësuar hetimet si “mashtrim” dhe “gjueti shtrigash” dhe ka thënë disa herë se ka autoritet për të shkarkuar Muellerin.
“Ne e dimë se si presidenti ndjehet sa u përket hetimeve, por ai kurrë nuk ka thënë se dëshiron t’i mbyllë ato. Mendoj se nuk ka rrezik, andaj mendoj se nuk ka nevojë për asnjë legjislacion”, tha McConnell.
Demokratët në Kongres, që kanë marrë kontrollin e Dhomës së Përfaqësuesve në zgjedhjet e javës së kaluar, kanë nxitur legjislacionin për të mbrojtur Muellerin nga shkarkimi.
Disa republikanë në Senat kanë lidhur aleancë me demokratët, duke kërkuar mbrojtje legjislative për Muellerin.
Senatori republikan, Jeff Flake, kritik i Trumpit që do të pensionohet në fund të vitit, e bashkësponsorizoi legjislacionin dhe iu bashkua demokratëve në përpjekjet e tyre për ta miratuar atë.
“Ky nuk është një moment për lidershipin tonë kombëtar që të jetë i dobët ose i pavendosur ose i komprometuar në asnjë mënyrë”, tha Flake.
Ai tha se ligji ka mbështetje të mjaftueshme në Senat për të kaluar dhe se ai dhe sponsorët demokratë të tij do të përpiqen “përsëri dhe përsëri” për ta sjellë atë në votim.
Sekretari amerikan i Mbrojtjes Jim Mattis shkon sot në kufirin me Meksikën ku do të inspektojë një pjesë të mijëra trupave që janë mobilizuar për të ndihmuar në operacionet e sigurisë në kufi. Celia Mendoza e Zërit të Amerikës ishte në portën hyrëse Brownsville, që ndodhet nën njërën prej urave ndërkombëtare, e cila lidh Meksikën me shtetin e Teksasit.
Një pjesë e mirë e mijëra trupave të vendosura në kufi janë duke ndërtuar kazerma prej tendash, ose si këta ushtarë, duke vendosur barriera me tela me gjemba.
Xhenieri Jordan Wilson, shtrin telat nga ura ndërkombëtare në portën hyrëse Brownsville. Ai habitet edhe vetë që e kanë dislokuar këtu dhe jo jashtë Amerikës, siç ndodh zakonisht:
“Ishte një habi për mua. Ndodhi shumë shpejt, por është një mision me rëndësi. Puna ime është të shtrij telat me gjemba për të siguruar mbështetje.”
Shumica e trupave, si këto, janë vendosur në Teksas. Të tjerët, në Kaliforni dhe Arizona.
Një karvan prej disa mijëra emigrantësh nga Amerika Qendrore që udhëton nëpër Meksikë drejt SHBA, bëri që presidenti Trump të nxirrte urdhërin për dërgimin e trupave, dhe kjo u bë shkak për polemika.
Emigrantë si Herman Misael nga Hondurasi, janë të vendosur të hyjnë në Shtetet e Bashkuara:
“Ndihem shumë i gëzuar sepse jemi një hap më afër për të lejuar familjen tonë të ketë një të ardhme, në sajë të përpjekjes sonë”, thotë Misael.
Rreshteri Javone Somersall punon me policinë ushtarake. Misioni i tij është të mbrojë trupat që shtrijnë telat, por jo për të kapur emigrantë të paligjshëm:
“Nuk jemi këtu për të kryer misione ligjzbatuese. Jemi këtu vetëm për të forcuar partneritetin, për të punuar me ta për të ndihmuar që detyrat e tyre të kryhen sa më mirë.”
Misioni i trupave do të përfundojë në dhjetor, por mund të zgjatet. Rreshteri Somersall thotë se ndihet këtu si në shtëpinë e tij:
“Ata na presin mirë këtu prandaj jemi me shumë fat. Shumë njerëz që kalojnë këtej me makinë u bien borive ose na përshëndesin me dorë.”
Shifrat tregojnë se gjatë muajit shtator, përgjatë kufirit prej 3 mijë kilometrash u kapën rreth 1700 njerëz në ditë. Nëse trupat apo politikat e reja do të sjellin ndonjë ndryshim, kjo mbetet për t’u parë, por shpenzimet janë në rritje. Dislokimi i tanishëm vlerësohet se do të kushtojë rreth 200 milionë dollarë.
Qindra emigrantë nga Amerika Qendrore, që udhëtuan përmes Meksikës për të kërkuar azil në Shtetet e Bashkuara, arritën qytetin kufitar Tijuana.
Një grup prej 400 vetash u shkëput nga një karvan prej 5,000 njerëzish në Meksiko Siti.
Grupe më të mëdha pritet të arrijnë në kufi në ditët e ardhshme.
Emigrantët që thonë se kanë ikur nga dhuna dhe varfëria në vendet e tyre: Honduras, Guatemalë dhe El Salvador, e kanë bërë pjesën më të madhe të rrugës në këmbë.
Karvani është nisur qysh më 13 tetor nga qyteti San Pedro Sula në Honduras.
Autoritetet amerikane kanë dërguar ushtrinë në kufirin SHBA-Meksikë.
Presidenti amerikan, Donald Trump, e ka cilësuar këtë karvan emigrantësh si “pushtim”.
Më 9 nëntor, ai ka nënshkruar një urdhër për emigrimin, i cili ua mohon kualifikimin për azil emigrantëve që kalojnë kufirin amerikan me Meksikën në mënyrë të paligjshme.
Zonja e parë e Shteteve të Bashkuara të Amerikës (SHBA) Melania Trump thuhet se ka kërkuar shkarkimin nga detyra të zëvendëses së këshilltarit për siguri të presidentit të SHBA-së Donald Trump, Mira Ricardel.
Stephanie Grisham, zëdhënësja e Melania Trump, komentoi pretendimet për shkarkimin e Ricardel.
“Zyra e zonjës së parë të SHBA-së vlerëson se Mira Ricadel nuk meriton më të punojë në Shtëpinë e Bardhë”, ka thënë Grisham.
Shtëpia e Bardhë ende nuk ka lëshuar njoftim zyrtar lidhur me shkarkimin e Ricardel nga detyra.
“Wall Street Journal” në lajmet e publikuara të martën thekson se gjatë vizitës së Melania Trump në Afrikë muajin e kaluar ka ardhur deri te një konflikt të ekipit të saj dhe Ricardel për vendet në avion.
Siç pretendohet, Ricardel më herët ka patur mosmarrëveshje edhe me Sekretarin e Mbrojtjes Jim Mattis dhe me kolegë të tjerë. aa
Shtetet e Bashkuara vazhdojnë të tërheqin një numër rekord studentësh ndërkombëtarë, por çmimi i lartë i studimit dhe retorika negative politike po e ngadalëson ritmin e aplikimeve, që kishte qenë intensiv gjatë dekadës së kaluar.
Shtetet e Bashkuara ende janë destinacioni kryesor në botë për mbi 1 milionë studentë të huaj, duke mirëpritur më shumë se dyfishin që pret vendi pas tyre, Britania. Por ndërsa 1.5 për qind më shumë studentë studiuan në Shtetet e Bashkuara vitin e kaluar, përqindja e studentëve të vitit të parë, ra me 6.6 percent, një prirje që u vu re për herë të parë një vit më herët, sipas raportit “Dyer të Hapura” të Institutit për Arsim Ndërkombëtar (IIE).
“Këto marrëdhënie janë kritike në një treg komkurrues, thotë Marie Royce, ndihmës sekretare shteti për Çështjet e Arsimit dhe Kulturës në Departamentin e Shtetit, duke sjellë 42 miliardë dollarë dhe 450 mijë vende pune në ekonominë amerikane.
Por kostoja e studimeve, nga 20 mijë dollarë në vit për universitetet publike deri në 70 mijë për universitetet private elite, i bëjnë Shtetet e Bashkuara të duken më pak tërheqëse për studentët ndërkombëtarë, ndërsa konkurrenca globale rritet, thonë eskpertët e arsimit.
65 për qind e studentëve ndërkombëtarë mbështeteb në “burime ndërkombëtare financimesh”, thotë zëdhënësja e IIE-së, Catherine Morris, dhe “më shumë se gjysma (59 për qind) financohen nga burimet e tyre dhe të familjes”.
Gjatë 30 vjetëve të fundit, thotë Rajika Bhandari, këshilltare e lartë për studime dhe strategji në IIE, kostoja është rritur 213 për qind në institucionet arsimore publike dhe 130 për qind në ato private.
Vendet e tjera po e ndjekin këtë prirje dhe po tërheqin studentë me çmime shumë më të ulëta për studim dhe duke ofruar mundësi për qëndrim të përhershëm dhe shtetësi.
“Ka vende vërtet konkurruese në këtë drejtim. Dikur ishte Britania dhe Amerika. Qeveritë, si pjesë e politikës së tyre ndërkombëtare, duan më shumë studentë nga vende të tjera. Shtetet e Bashkuara kanë konkurrencë të vërtetë”, thotë Allan Goodman, president i IIE-së dhe ish-dekan ekzkekutiv i Fakultetit për Shërbimin e Huaj në Universitetin Georgetown.
Në Kanada, studentët ndërkombëtarë pasi diplomohen, mund të marrin status të banorit të përhershëm pasi punojnë për një vit. Në Amerikë, duhet të presësh vite të tëra.
Alternativa për të marrë shtetësinë është e rëndësishme për studentët ndërkombëtarë, vendet e të cilëve nuk e kanë arritur të njëjtin standard jetese dhe nivel arsimimi.
“Modeli financiar aktual për arsimin e lartë, nuk është realist. Nuk mund të rrisim koston dhe të kemi borxhe gjithnjë e më të mëdha, as për studentët ndërkombëtarë, as ata vendas”, thotë Lynn Pasquerella, presidente e Shoqatës së Kolegjeve dhe Universiteteve Amerikane.
Përveç kostos, studentët e huaj dhe faniljet e tyre thonë se janë të alarmuar nga retorika politike, duke u ndjerë jo të mirëpritur dhe pyetur veten nëse Shtetet e Bashkuara janë një vend miqësor dhe i sigurt për të studiuar. Politikat e administratës së Presidentit Trump për imigracionin ofrojnë një numër të kufizuar për studentët.
Edhe çështjet e sigurisë i shqetësojnë aplikantët ndërkombëtarë, thonë ekspertët dhe prindërit pyesin a do të jenë fëmijët e tyre në rrezik.
“Nëse sheh lajmet, pse do doje ta sillje fëmjën në Amerikë. Studentët janë vrarë në Kaliforni dhe Florida. Kush do t’i inkurajonte njerëzit të vinit këtu në këto rrethana?”, thotë zonja Pasquerella.
Komentet kundër imigracionit janë “”acaruese”, thotë dekani i pranimeve i Universitetit të Kalifornisë së Jugut, Timothy Brunold.
“Gjithmonë më pyesin ‘a do të mirëpritet djali ose vajza ime në Shtetet e Bashkuara? A do ta marrin vizën , a do t’ia heqin vizën? A do të kenë mundësi të punojnë në SHBA, apo do të ketë kufizime”, thotë ai.
Megjithëse ekspertët thonë se rënia e numrit të studentëve mund t’u atribuohet shumë faktorëve, ajo përkon me ndalimin e udhëtimit që kufizoi imigracionin nga shtatë vende kryesisht myslimane në vitin 2017. Presidenti Donald Trump tha se ishte një masë për sigurinë kombëtare.
Por urdhrat kishin një efekt shumë negativ tek entusiazmi i studentëve të huaj, thonë ekspertët.
Afro dy vjet më pas, Shtetet e Bashkuara i kufizojnë në maksimum vizat për studentë ose shkëmbime vetëm për Sirinë dhe Korenë e Veriut, thotë Laura Stein, analiste për politikën e vizave në Zyrën e Çështjeve Konsullore. Por ajo shtoi se aplikantët nga ato vende mund të kërkojnë një autorizim për t’u përjashtuar nga kufizimi dhe se që nga 31 tetori 2018 janë dhënë 2,072 të tilla.
Ekspertët e arsimit të lartë thonë se siguria kombëtare është ngritur në mënyrë të tillë që të ndajmë demokracinë dhe standardet amerikane me studentë ndërkombëtarë tek të cilët do të rrënjoset përgjithmonë ajo marrëdhënie pozitive.
Një pankartë me temën “Më të fortë se urrejtja” shpaloset gjatë një ndeshjeje në Pensilvani.
WASHINGTON — Numri i krimeve të urrejtjes në Shtetet e Bashkuara u rrit 17 përqind vitin e kaluar, rritja më e madhe që nga viti 2001, kur sulmet terroriste të 11 shtatorit nxitën një shtim të sulmeve ndaj amerikanëve me prejardhje myslimane dhe arabe.
Agjencitë e zbatimit të ligjit në Shtetet e Bashkuara raportuan një total prej 7,175 krimesh të urrejtjes për vitin 2017, nga 6,121 në vitin 2016, tha FBI në raportin vjetor për krimet e urrejtjes të publikuar të martën. Rreth 5,000 nga incidentet e raportuara cilësohen si krime kundër personit, të tilla si sulme apo kërcënime.
Raporti flet për një dyfishim të krimeve të urrejtjes anti-arabe dhe për një shtim dyshifror të incidenteve antisemite.
Prokurori i Përgjithshëm i detyrë i sapoemëruar, Matt Whitaker, e quajti raportin “një thirrje për veprim” dhe tha se Departamenti i Drejtësisë “do ta mbajë parasysh këtë thirrje”.
“Jam veçanërisht i shqetësuar nga rritja e krimeve anti-semite të urrejtjes, të cilat ishin edhe më parë krimet e urrejtjes fetare më të zakonshme në Shtetet e Bashkuara, çka dokumentohet mirë në këtë raport,” tha zoti Whitaker në një deklaratë. “Populli amerikan duhet të jetë i sigurt se ky Departament ka ndërmarrë tashmë veprime të rëndësishme dhe agresive kundër këtyre krimeve dhe se ne do t’i mbrojmë me forcë dhe në mënyrë efektive të drejtat e tyre”.
FBI-ja e përcakton krimin e urrejtjes si një “vepër penale kundër një personi ose një prone të motivuar tërësisht ose pjesërisht nga subjektivizmi i atij që e kryen atë ndaj një race, feje, aftësisë së kufizuar, orientimit seksual, etnisë, gjinisë apo identitetit gjinor”.
Shumica dërrmuese e krimeve të urrejtjes ndiqen ligjërisht në gjykatat shtetërore, ku prokurorët federalë zakonisht akuzojnë një deri në 24 të pandehur për krime të urrejtjes sipas statuteve të ndryshme federale të krimit të urrejtjes. Në vitin 2018, Departamenti i Drejtësisë paraqiti 22 raste të tilla, sipas një zëdhënëseje.
Shtimi i krimeve të urrejtjes në vitin 2017 ishte kryesisht i nxitur nga paragjykime racore dhe fetare.
Raca vazhdon të jetë faktori kryesor që nxiti krimet e urrejtjes në vitin 2017, gjatë të cilit pati 4,832 incidente të motivuara nga raca, përkatësia ose prejardhja etnike. Gjysma e të gjitha incidenteve me motive racore kishin të bënin me afrikano-amerikanët. Ato me motive anti-latino ose anti-hispanike përbënin gati 11 për qind të incidenteve me bazë racën. Krimet anti-arabe të urrejtjes, megjithëse përbënin një fraksion të të gjitha krimeve të urrejtjes me bazë racore, u dyfishuan, duke arritur në 102 incidente.
Feja ishte motivi i dytë më i madh i krimeve të urrejtjes, me 1,679 incidente të raportuara nga agjencitë ligjzbatuese. Në më shumë se 900 incidente, krimet anti-semite të urrejtjes përbënin 58 për qind të të gjitha krimeve të urrejtjes me motive fetare.
Numri i krimeve të urrejtjes ndaj myslimanëve ra në 273 incidente nga 314 që ishte në vitin 2016, por niveli mbeti shumë mbi mesataren historike. Në vitin 2015 dhe 2016, krimet anti-myslimane u rritën me gati 90 për qind, të nxitura nga një reagim ndaj sulmeve terroriste në Evropë dhe Shtetet e Bashkuara dhe retorikës politike anti-myslimane.
“Njolla e krimit të urrejtjes vazhdon të dëmtojë komunitetet në qytetet dhe shtetet kudo në vend”, tha Maya Berry, drejtoreshë ekzekutive e Institutit Arabo-Amerikan. “Të dhënat e FBI-së konfirmojnë realitetin që ne të gjithë e dimë: urrejtja po rritet në Amerikë”.
Raporti i FBI-së mendohet se nuk e pasqyron plotësisht nivelin e vërtetë të krimit të urrejtjes në Shtetet e Bashkuara. Kjo pjesërisht sepse të dhënat bazohen në raportime vullnetare të agjencive ligjzbatuese, shumica e të cilave zakonisht nuk i raportojnë incidentet e urrejtjes. Më shumë se 16,000 agjenci ligjzbatuese morën pjesë në mbledhjen e të dhënave të FBI-së, por vetëm 2,000 prej tyre raportuan për krime të urrejtjes.
Në një deklaratë, Instituti Arabo-Amerikan vuri në dukje se raporti nuk ka përfshirë tre nga “aktet më të tmerrshme të dhunës së motivuar nga paragjykimet” të raportuara vitin e kaluar, ku hyjnë vrasja e Heather Heyer në 12 gusht gjatë një tubimi të nacionalistëve të bardhë në Sharlotsvil të Virxhinias; goditja fatale me thikë e dy personave që u përpoqën të përballeshin me një dikë që hidhte fyerje racore ndaj një gruaje të veshur me hixhab dhe dhe mikut të saj në një tren në Portland; dhe vrasja e dy indianë në Olejth të Kansasit.
“Të dhënat e FBI-së dhe ajo që mungon aty, tregojnë gjithashtu se sistemi i raportimit të krimit të urrejtjes që kemi nuk po i përgjigjet sa duhet kësaj dukurie,” tha zonja Berry në një deklaratë.
Raporti për vitin 2017 publikohet vetëm dy javë pas ngjarjes në një sinagogë të Pitsburgut në Pensilvani, ku një person vrau 11 vetë dhe plagosi gjashtë të tjerë.
Presidenti i Shteteve të Bashkuara të Amerikës (SHBA), Donald Trump, ka kritikuar idenë e ushtrisë evropiane të aktualizuar së fundmi nga presidenti francez Emmanuel Macron.
“Macron mbron idenë e tij se Evropa duhet të formojë ushtrinë e saj për t’u mbrojtur nga SHBA, Kina dhe Rusia. Por Gjermania ishte ajo që sulmoi Evropën në Luftën e Parë dhe të Dytë Botërore. Çfarë bëri Franca në atë kohë? Kishte filluar të mësonte gjermanishten deri në momentin që SHBA doli si shpëtimtar. Ju ose do të paguani NATO-n, ose nuk do të paguani”, ka shkruar Trump në rrjetin social Twitter.
Pas këtij postimi, Trumpi bëri edhe disa postime të tjera të njëpasnjëshme, në të cilat pohoi se Macron ka propozuar këtë ide për shkak të popullaritetit të tij të ulët në mesin e francezëve.
Në postimet e tjera, ai ka tërhequr vëmendjen në çekuilibrin e tarifave doganore të zbatuara në tregëtinë e verës mes Francës dhe SHBA-së.
“Në tregti, Franca prodhon verëra të shkëlqyera. Edhe SHBA po ashtu, por problemi është se Franca vendos tarifa doganore të mëdha, gjë që e vështirëson SHBA t’i shesë verë Francës. Amerika ia lehtëson Francës shitjen e verës. Zbaton tarifa shumë të vogla. Kjo situatë nuk është e drejtë, duhet të ndryshohet menjëherë”, ka shkruar presidenti amerikan.
Ndërkaq, në lidhje me francezët, Trump është shprehur se “Nuk ka ansjë vend më nacionalist se Franca. Janë njerëz me shumë krenari, dhe kanë të drejtë që të jenë të tillë”.
Trump postimeve të tij u ka dhënë fund me shprehjen “Ta ribëjmë Francën të madhe!”, slogan të cilin e ka përdorur gjatë fushatës së tij dhe në këtë rast e ka përshtatur për Francën.
Trump dhe Macron u takuan të dielën në Paris në ngjarjen përkujtimore të 100-vjetorit të marrëveshjes së armëpushimit që i dha fund Luftës së Parë Botërore. aa
CNN-i ka ngritur një padi kundër administatës së Presidentit Donald Trump me anë të së cilës ka kërkuar që t’i rikthehen kredencialet korrespondentit të Shtëpisë së Bardhë, Jim Acosta.
Shtëpia e Bardhë ia kishte hequr gazetarit Acosta kredencialet javën e kaluar.
Rrjeti televiziv e depozitoi padinë të martën në Gjykatën e Qarkut të Uashingtonit.
“Heqja e gabuar a kredencialeve shkel të drejtat e CNN-it dhe Jim Acostas për lirinë e shtypit, parashikuar në Amendamentin e Parë (të Kushtetutës) dhe të drejtat e tyre për procesin e duhur, parashikuar nga Amendamenti i Pestë”, thuhet në një deklaratë të CNN-it.
“Ne i kemi kërkuar kësaj gjykate të lëshojë menjëherë një urdhër për kthimin e menjëhershëm dhe të përhershëm të kredencialeve për Jim-in”.
Acosta është një nga gazetarët më të njohur të CNN-it. Ai ka një reputacion për pyetje të forta ndaj Presidentit Trump dhe zyrtarëve të tjerë të lartë të Shtëpisë së Bardhë.
Javën e kaluar, administrata e Presidentit Trump pezulloi “kredencialet e përhershme” të gazetarit në Shtëpinë e Bardhë. Pezullimi u bë, pasi zoti Acosta e sfidoi portretizimin që i ka bërë zotit Trump karvanin me imigrantë nga Amerika Qendrore duke e quajtur një “pushtim”.
Zyrtarët e Shtëpisë së Bardhë kishin akuzuar gjithashtu gazetarin Acosta se “kishte prekur” një ndihmëse të shtypit të Shtëpisë së Bardhë, e cila po përpiqej t’ia merrte mikrofonin nga duart gjatë shkëmbimit me Presidentin. Videoja nga ai moment tregon se Acosta nuk ishte agresiv me ndihmësen e shtypit.
Shoqata e Korrespondentëve të Shtëpisë së Bardhë tha të martën se “mbështet me forcë synimin e CNN-it për të kërkuar rikthimin e kredencialeve të lëshuar nga Shërbimi Sekret që Shtëpia e Bardhë as nuk duhet t’ia kishte hequr”.
“Presidenti i Shteteve të Bashkuara nuk ka asnjë punë që të zgjedhë arbitrarisht se cilët gazetarë e mbulojnë atë”, tha Presidenti i Shoqatës, Olivier Knox.
Në një deklaratë, Sekretarja e Shtypit e Shtëpisë së Bardhë, Sarah Sanders e shpërfilli padinë, duke e quajtur atë “një tjetër përpjekje për të tërhequr vëmendjen nga ana e CNN-it” dhe tha se Shtëpia e Bardhë i qëndron vendimit për t’i hequr krencialet zotit Acosta.
Që kur hyri në skenën politike në vitin 2015, zoti Trump vazhdimisht ka sulmuar verbalisht gazetarët dhe rrjetet mediatike që i sheh si të padrejtë ndaj tij. Një nga emërtimet më të ashpra që ai ka përdorur ndaj tyre është kur i ka quajtur “armiq të popullit”.
Sekretarja për Siguri të Brendshme, Kirstjen Nielsen.
Presidenti amerikan, Donald Trump u ka thënë këshilltarëve të tij se ai dëshiron të largojë Kirstjen Nielsen nga pozita e Sekretares për Siguri të Brendshme dhe mund ta bëjë këtë në javët e ardhshme, ka raportuar gazeta Washington Post, duke cituar zyrtarë dhe ish-zyrtarë të Shtëpisë së Bardhë.
Në një artikull të publikuar të hënën, gazeta ka raportuar se shkarkimi i saj mund të bëhet publik në javët e ardhshme.
Agjencia e lajmeve, Reuters ka raportuar për këtë gjë, megjithatë nuk ka konfirmuar këto raporte.
Sipas gazetës, Trump ka anuluar planet për të udhëtuar me Nielsen, e cila ka qenë e ngarkuar për zbatimin e politikës së tij ndaj migrantëve, ndonëse ishte planifikuar që ata të vizitonin trupat amerikane në kufirin jugor të Teksasit.
Përveç tjerash, gazeta ka raportuar se Trump po synon të zëvendësojë Nielsen me dikë që ka më shumë gatishmëri për të zbatuar politikat e tij rreth emigrimit.
Duke u bazuar në tri burime zyrtare, po kjo gazetë ka thënë se shefi i stafit të Shtëpisë së Bardhë, John Kelly, i cili po ashtu mund të largohet nga pozita që mban është duke synuar të shtyjë për më vonë ndonjë shkarkim.
Kur janë pyetur nga Washington Post, zyrtarët e Departamentit për Siguri të Brendshme, nuk kanë pranuar që të flasin në mënyrë të drejtpërdrejtë për largimin e Nielsen mirëpo një zëdhënës ka thënë se Sekretarja “është e përkushtuar për të zbatuar agjendën e presidentit për të mbrojtur amerikanët nga të gjitha rreziqet”.
Në Shtetet e Bashkuara, partia demokrate siguroi një vend tjetër në Senat, të hënën në mbrëmje, pasi përfundoi numërimi i votave në Arizona, që zgjati thuajse një javë që nga data e zgjedhjeve më 6 nëntor.
Kyrsten Sinema fitoi garën ndaj kadidates republikane, Martha McSally me një epërsi prej afro dy për qind të votave, Ajo e uroi zonjën Sinema me një videomesazh në Twitter.
Demokratja Sinema u shpall fituese, gjashtë ditë pas zgjedhjeve.
“Arizona hodhi poshtë atë që është bërë normë në vend: sharjet, sulmet personale dhe bërjen e gjithçkaje vetëm e vetëm për t’u zgjedhur. Është e rrezikshme dhe na ul si vend. Por Arizona provoi se ja një mënyrë më të mirë për të ecur përpara”, tha ajo.
Zonja Sinena do të jetë senatorja e parë grua e Arizonës dhe do të zëvendësojë senatorin republikan Jeff Flake që po del në pension.
Gara e Arizonës ishte njëra nga dy garat për Senatin, rezultatet e së cilave nuk ishin shpallur pas zgjedhjeve për Kongresin të së martës së kaluar.
Një garë në Misisipi po shkon drejt një raoundi të dytë më 27 nëntor.
Ndërkohë autoritetet amerikane të zgjedhjeve vazhuan të numëronin dhe rinumëronin të hënën numrin e përgjithshëm të votave në disa zgjedhje rezultati i të cilave nuk është shpallur, afro një javë pas votimeve për kongresin.
Debate për rinumërimin në Florida
Vëmendja më e madhe është përqendruar në shtetin e Floridës, ku rezultati është në dyshim në dy gara ku republikanët kanë një epërsi të lehtë.
Në një garë për senatin, guvernatori i Floridës, Rick Scott po ruan një epërsi prej 12 mijë e 500 votash ndaj senatorit aktual demokrat, Bill Nelson, ndërsa në garën për postin e guvernatorit për të zëvendësuar zotin Scott, Kongresmeni Ron DeSantis ka një epërsi prej 34 mijë votash ndaj kryebashkiakut demokrat të kryeqytetit të shtetit, Andrew Gillum.
Presidenti Donald Trump, që bëri fushatë disa herë për kandidatët Scott dhe DeSantis, tha në Twitter se rinumërimi i votave në Florida është i manipuluar dhe duhet të ndërpritet, duke deklaruar fitues dy republikanët pasi kishin epërsi, kur u shpallën rezultatet të martën e kaluar.
“Rezultatet e zgjedhjeve në Florida duhet të shpallen në favor të kandidatëve Rick Scott dhe Ron DeSantis, pasi një numër i madh fletësh të reja votimi u shfaqën papritur dhe shumë fletë votimi nuk gjenden ose janë manipuluar. Një numërim i drejtë votash nuk është më i mundur. Duhet të pranohen rezultatet e natës së zgjedhjeve”, shkruante Presidenti në Twitter.
Demokrati Gillum, me mesazhin e tij në Twitter, reagoi ndaj zotit Trump për zgjedhjet e Floridës, duke iu përgjigjur “Dukesh nervoz”.
Zyrtarët e zgjedhjeve po numërojnë vota edhe në disa gara të tjera, përfshirë për disa vende të Dhomës së Përfaqësuesve dhe postin e guvernatorit në shtetin e Xhorxhas.
Në Xhorxha, kandidati republikan Brian Kemp, ka një epërsi prej 58 mijë votash ndaj rivales së tij demokrate, Stacey Abrams, një ligjvënëse e legjislaturës së shtetit, që po kërkon të bëhet e para guvernatore afrikano-amerikane e shtetit.
Ndoshta në Kremlin u panë disa fytyra të zhgënjyera fundjavën e kaluar, kur demokrati Harley Rouda u shpall fitues i zgjedhjeve në Kaliforni. Kjo fitore e shënoi fundin e karrierës 30-vjeçare të kongresistit Dana Rohrabacher, i cili dikur ia shkruante fjalimet presidentit Ronald Reagan dhe ishte bërë i njohur për miqësinë që kishte me menaxhmentin e të ashtuquajturës “Perandoria e Djallit”.
Shpesh i quajtur “kongresisti i parapëlqyer i Putinit”, Rohrabacher ishte gjithashtu një përkrahës i madh i mikut tjetër të Putinit në Shtëpinë e Bardhë. Asnjëra nga këto miqësi nuk iu vlerësua mirë nga votuesit në rajonin e tij, veçanërisht këtë vit, pasiqë gazeta “New York Times” kishte shkruar: “Z. Rohrabacher, 71 vjeçar, shihej si person i paqëndrueshëm sepse ai e mbronte Rusinë në kohën e akuzave për ndërhyrje në zgjedhjet e Shteteve të Bashkuara. Në korrik të vitit 2015, gjatë një vizite në Rusi, ai pranoi të takohet me Maria Butinan, e cila u akuzua nga prokurorët federalë këtë verë për veprimtari të fshehtë dhe për punë si agjente e huaj. Z.Rohrabacher vlerësohej aq i vlefshëm për Kremlinin, saqë FBI-ja e njoftoi atë në vitin 2012 se Rusia e shihte atë si një burim inteligjence dhe i referohej me emër të koduar. Përkrahja e tij për Vladimir Putinin ngriti dyshime edhe në mesin e bashkëpartiakëve të tij republikanë.”
Mundësi i Rohrabacherit, investuesi i patundshmërive, Harley Rouda, është një ish-republikan që u duk se ishte i duhuri pikërisht për këtë rajon, në të cilin republikanët kanë një epërsi prej dhjetë pikësh zgjedhore ndaj demokratëve, që mund të jetë arsye për përkrahjen e demokratëve kombëtarë për Roudan. I përzgjedhuri kishte fituar në mënyrë rutinore me epërsi të dukshme, përfshirë një fitore me 16 pikë dallim në vitin 2016. Por, mes jopopullaritetit të Trumpit dhe ndryshimit gradual të popullsisë në Kaliforni, shifrat e Rohrabacherit më në fund ishin ngritur.
Ai kishte refuzuar të tërhiqet deri sa të numërohen tërë votat, por fletëvotimet e fundit e shfaqin epërsinë e demokratëve në Kaliforni, me ç’rast po rrezikohet edhe fitorja e dy republikanëve tjerë, që janë ende në epërsi, Mimi Waltersit dhe Young Kimit. Rrjedhimisht, epërsia prej katër pikësh zgjedhore duket e paarritshme. Tash Rohrachacheri mund të kalojë kohë në Rusi aq sa të dëshirojë – sigurisht, si turist, shkruan “Intelligencer”, transmeton Gazeta Express.
Presidenti amerikan, Donald Trump, sapo u kthye në Uashington të hënën pasi shënoi 100 vjetorin e fundit të Luftës së Parë Botërore në Paris, kritikoi ashpër Evropën për shpenzimete mbrojtjes dhe për sufiçitin tregtar mbi Shtetet e Bashkuara.
Zoti Trump, në një sërë komentesh në Twitter shkruante se “ishte arritur shumë” në takimet e tij me udhëheqësit e tjerë botërorë. Por ai tha se nuk ishte “asnjëherë e lehtë të hapej tema se Shtetet e Bashkuara duhet të trajtohen me drejtësi, gjë që nuk është bërë, si nga ana ushtarake, ashtu edhe tregtare”.
Udhëheqësi amerikan vazhdonte se “ne paguajmë shuma TË MËDHA për mbrojtjen ushtarake të vendeve të tjera, qindra miliarda dollarë, për privilegjin e madh të humbjes së qindra miliarda dollarëve me të njëjtat vende në tregëti”.
Zoti Trump shtoi se u kishte thënë udhëheqësve “kjo gjendje nuk mund të vazhdojë dhe se “është dhe gjithmonë kaq qenë jashtëzakonisht e padrejtë ndaj Shteteve të Bashkuara. Sasi të mëdha parash të shpenzuara për mbrojtjen e vendeve të tjera dhe ne nuk marrim në këmbim asgjë tjetër veçse defiçite tregëtare dhe humbje. Ka ardhur koha që këto vende shumë të pasura, ose të paguajnë Shtetet e Bashkuara për mbrojten ushtarake që ajo siguron, ose të mbrojnë vetveten … dhe tregtia duhet të jetë E LIRË dhe E DREJTË!”
Presidenti Trump e ka deklaruar veten “nacionalist” me një botëkuptim ku Amerika vjen e para, në marrëdhëniet ndërkombëtare.Por të dielën në Paris, në ceremonitë me rastin e 100 vjetorit të Luftës së Parë Botërore. Presidenti francez Emmanuel Macron, ndërsa zoti Trump dëgjonte pranë tij, e denoncoi nacionalizmin në rritje në gjithë botën, duke e quajtur atë “një tradhti ndaj patriotizmit”.
Që kur u bë president para dy vjetësh, zoti Trump është ankuar vazhdimisht se shumë aleatë evropianë nuk e kanë plotësuar objektivin e NATO-s që deri në vitin 2024, të shpenzojnë dy për qind të ekonomive të tyre kombëtare për mbrojtjen, kryesisht për armë dhe forcat e armatosura.
Demokratët kanë rritur presionin ndaj ushtruesit të detyrës së Prokurorit të Përgjithshëm amerikan, Matthew Whitaker, duke i kërkuar atij që të qëndrojë larg hetimeve të Këshilltarit Special, Robert Mueller, lidhur me ndërhyrjen e mundshme të Rusisë në zgjedhjet presidenciale të vitit 2016 në SHBA.
Ata po ashtu kanë thënë të jenë zotuar për ta urdhëruar atë që të dëshmojë në vitin e ardhshëm.
Përfaqësuesi, Jerrold Nadler, që pritet të jetë në krye të Komitetit Gjyqësor në Dhomën e Përfaqësuesve ka thënë të dielën se Komiteti planifikon t’i bëjë ftesë për dëshmi Whitakerit, duke e vendosur të parin në listën e dëshmitarëve.
“Ai duhet të qëndrojë larg hetimeve. Ai ka shprehur armiqësi të plotë ndaj hetimeve”, ka thënë Nadler për një emision televiziv në ABC News.
“Emërimi i tij është pjesë e sulmeve në hetimet e Robert Muellerit”.
Lideri i pakicës në Senatin amerikan, Chuck Schumer ka thënë se partia e tij demokrate është duke synuar që të prezantojë një projektligj që do të mbronte hetimet lidhur me supozimet për ndërhyrje ruse në zgjedhjet presidenciale të vitit 2016 në SHBA, dhe ndonjë lidhje të mundshme në mes të fushatës së Trumpit dhe Rusisë.
Duke folur në emisionin televiziv në CNN, “State of the Union”, Schumer ka thënë se partia e tij mund të vendosë një masë për të mbrojtur Këshilltarin e Përgjithshëm, Robert Mueller dhe të miratojë legjislacionin në rast se ushtruesi i detyrës së Prokurorit të Përgjithshëm, Matt Whitaker nuk e përjashton veten nga mbikëqyrja e hetimeve.
“Nëse ai qëndron aty, ai do të krijojë një krizë kushtetuese duke penguar apo shkarkuar Muellerin. Kështu që Kongresi duhet të veprojë”, ka thënë ai.
“Ne demokratët në Dhomën e Përfaqësuesve dhe në Senat do të tentojmë të miratojmë një legjislacion, që do t’i ndalonte Whitakerit ndërhyrjen në hetimet e Muellerit”, ka shtuar ai.
Në një letër dërguar shefit për Etikë në Departamentin e Drejtësisë, Schumer, liderja demokrate në Dhomën e Përfaqësuesve, Nancy Pelosi dhe disa demokratë tjerë kanë kërkuar informacion nëse prokurorët për etikë në Departamentin e Drejtësisë kanë këshilluar Whitaker për të shfuqizuar kompentencat e tij në këto hetime dhe kanë kërkuar detaje lidhur me ndonjë udhëzim të mundshëm që mund të ketë marrë Whitaker.
“Duke lejuar një kundërshtar të zëshëm të hetimeve që t’i mbikëqyrë po ato, do të rezultojë me dëmtim të besimit publik në punën e Departamentit në këtë çështje shumë kritike”, është thënë në letër.
Demokratët kanë qenë tejet të shqetësuar lidhur me hetimet prej javës së kaluar, kur presidenti amerikan, Donlad Trump ka urdhëruar Prokurorin e Përgjithshëm, Jeff Sessions të japë dorëheqje dhe të zëvendësojë pozitën e tij me Whitaker, që deri në atë kohë ka shërbyer si shef i stafit të Sessions-it.
Largimi i Sessions i ka hapur rrugën Whitaker për të fituar qasje në hetimet e Muellerit, i cili është emëruar si këshilltar i pavarur për të nisur hetimet rreth çështjes ruse në vitin 2017.
Para se të punonte në Departamentin e Drejtësisë, Whitaker ka bërë një varg komentesh negative për hetimet e Muellerit.
Kellyanne Conway, kështilltare e Trumpit ka mbrojtur mbikëqyrjen e Whitakerit në hetime, kur është pyetur për një gjë të tillë në një transmetim televiziv në ABC.
“Komentet që ka bërë Matt Whitaker si qytetar privat nëpër televizione nuk e diskualifikojnë atë nga të qenit i drejtë dhe i paanshëm në mbikëqyrjen ehetimeve”.
Ajo ka shtuar se Trump është “100 për qind mbrapa Matt Whitakerit”.
Megjithatë, presidenti amerikan ka mohuar të ketë diskutuar hetimet e Muellerit me Whitaker para se ta emëronte në pozitën e ushtruesit të detyrës së Prokurorit të Përgjithshëm javën e kaluar.
Ndërkohë presidenti amerikan ka thënë vazhdimisht se ka autoritet për të shkarkuar Muellerin, këshilltar i pavarur i zgjedhur nga Departamenti i Drejtësisë, si dhe i ka cilësuar hetimet e tij si “gjueti shtrigash”.
Përveç tjerash, Trump është ankuar vazhdimisht se Sessions nuk ka bërë asgjë për të frenuar këto hetime.
Vendimi i Trumpit është kundërshtuar nga demokratët dhe ka nxitur mbajtjen e protestave në rrugë një javë më parë.
Qindra protestues kanë dalë në rrugët e qyteteve të mëdha në Shtetet e Bashkuara më 8 nëntor duke kërkuar mbrojtje të Këshilltarit Mueller.
Disa persona në Nju Jork kanë mbajtur mbishkrime në të cilat thuhej “Askush mbi ligjin” dhe “Duart larg Muellerit”.
Presidenti Donald Trump nderoi sot trupat amerikane, franceze dhe të aleatëve të tjerë që humbën jetën gjatë Luftës së Parë Botërore.
Ai foli gjatë një vizite në Varrezat dhe Memorialin Amerikan Suresnes pranë Parisit në prag të Ditës së Veteranëve, përpara se të kthehet në Uashington DC.
U.S. President Donald Trump speaks as he takes part in the commemoration ceremony for Armistice Day, 100 years after the end of World War One, at the Suresnes American Cemetery and Memorial in Paris, Nov. 11, 2018.
“Jemi mbledhur në këtë vend të shenjtë pushimi për të respektuar amerikanët trima që dhanë frymën e fundit në atë luftë të fuqishme”, tha presidenti.
Më shumë se 1.500 amerikanë që vdiqën gjatë luftës janë varrosur në këto varreza. Presidenti Trump është kritikuar që nuk shkoi për të vizituar një varrezë tjetër amerikane pranë Parisit të shtunën. Moti me shi nuk lejoi udhëtimin me helikopter që ishte planifikuar dhe vizita u anulua.
Presidente americano Donald Trump participa em cerimónia do Dia do Armistício, 100 anos depois do final da Guerra Mundial I, no Cemitério Americano de Suresnes em Paris. 11 Novembro 2018
Presidenti Donald Trump ishte ndër udhëheqësit botërorë që morën pjesë në ceremoninë e organizuar në Paris për të shënuar 100 vjetorin e Luftës së Parë Botërore. Në fjalën e tij, Presidenti francez Emmanuel Macron tërhoqi vëmendjen tek rreziku i rikthimit të nacionalizmit dhe bëri thirrje për ruajtjen e trashëgimisë së paqes të vulosur me gjakun e të rënëve.
60 kryetarë shtetesh dhe qeverish u mblodhën sot në një ceremoni tek Varri i Ushtarit të Panjohur, një simbol i sakrificës së miliona njerëzve që vdiqën gjatë viteve 1914 – 1918.
Ceremonitë filluan në orën e saktë kur 100 vjet më parë, më 11 nëntor 1918, pushuan armët e luftës në Francën perëndimore.
Photo Gallery:
Ceremonitë përkujtimore për Ditën e Armëpushimit në Francë
Udhëheqësit e shumicës së vendeve që dërguan ushtarë në frontin e perëndimit, ndër ta edhe Presidenti amerikan Donald Trump, qëndruan në heshtje për të nderuar sakrificën e të rënëve.
Asnjë ushtar që mori pjesë në Luftën e Parë Botërore nuk jeton më sot. Në atë kohë, ajo u quajt “lufta që do t’i jepte fund të gjitha luftërave”. Por, konflikti global shpërtheu sërish vetëm 20 vjet më pas me viktima dhe dëme të paprecedenta.
Presidenti Macron foli për sakrificat e një shekulli më parë gjatë katër viteve të masakrës në Evropë. Ai u bëri thirrje udhëheqësve të botës të bashkohen në “luftën për paqen”.
“Le të ndërtojmë shpresat tona, dhe jo frikën ndaj njëri-tjetrit. Së bashku, ne mund të shmangim kërcënimet – spektrin e ngrohjes globale, varfërisë, urisë, sëmundjeve, pabarazisë dhe injorancës. Ne jemi angazhuar në këtë luftë dhe mund ta fitojmë atë. Le ta ndjekim këtë rrugë sepse fitorja është e mundur “.
Ndërsa u pa të shtrëngonte duart me Presidentin rus Vladimir Putin gjatë ceremonisë, Presidenti Trump anulloi një vizitë të planifikuar për ditën e djeshme në një varrezë ushtarakësh amerikanë pranë Parisit. Në një deklaratë të Shtëpisë së Bardhë thuhet se vizita u anullua për shkak vështirësive logjistike të shkaktuara prej kushteve të motit.
Pati kritika në mediat sociale që Presidenti Trump qëndroi në Paris pa planifikuar aktivitete të mëtejshme, ndërkohë që transmetoheshin pamje gjatë ditës të Presidentit francez Emmanuel Macron dhe Kancelares gjermane Angela Merkel në vendin ku aleatët fitimtarë dhe Gjermania humbëse nënshkruan marrëveshjen që i dha fund luftës.
Udhëheqësit e Ballkanit në ceremonitë e Parisit
Nëpër botë të dielën po shënohet dita e përfundimit të Luftës së Parë Botërore. Armëpushimi I para një shekulli hyri në fuqi më 11 nëntor të vitit 1918, duke i dhënë fund kështu luftës katërvjeçare, që la pas vetes të paktën 10 milionë ushtarë dhe miliona civilë.
Franca, epiqendra e konfliktit të parë botëror, është mikpritëse e ceremonisë ndërkombëtare, në të cilën po marrin pjesë më shumë se 60 udhëheqës botëror.
Presidenti i Shteteve të Bashkuara, Donald Trump, presidenti rus, Vladimir Putin, kancelarja gjermane, Angela Merkel, janë në mesin e udhëheqësve botërorë që po marrin pjesë në ceremoninë që filloi në orën 11, të ditës së 11-të të muajit të 11-të, përfshirë presidentin e Kosovës, Hashim Thaçi dhe atë të Serbisë, Aleksandër Vuçiç.
Të dy ata morën pjesë edhe në darkën e së shtunës të organizuar nga presidenti francez, Emanuel Macron.
Ata shtrënguan duart me njëri tjetrin por, nuk ka pasur ndonjë bashkëbisedim më të gjatë ndërmjet tyre, ndonëse ishte paralajmëruar mundësia që të ketë një takim të ndërmjetësuar nga presidenti francez.
Të dielën ata shpërndanë rrjetet sociale postime për takime me udhëheqës botërorë, duke veçuar përshëndetjet me presidentin amerikan, Donald Trump.
Presidenti Thaçi tha se ka falënderuar presidentin Trump, “për mbështetjen amerikane për Kosovën dhe rolin e saj vendimtar për lirinë, pavarësinë dhe shtetndërtimin. Në këtë periudhë të rëndësishme për Kosovën ishte inkurajuese të dëgjoj se presidenti Trump mbështet “100 për qind arritjen e një marrëveshjeje ligjërisht të detyrueshme ndërmjet Kosovës dhe Serbisë”, shkroi ai.
Në një postim tjetër ai tha se ka biseduar shkurt me kancelaren gjermane Angela Merkel, për arritjen “e marrëveshjes paqësore gjithëpërfshirëse ndërmjet Kosovës dhe Serbisë”.
“Të dy jemi pajtuar se mbështetja e Gjermanisë është qenësore për këtë marrëveshje dhe për anëtarësimin tonë në Bashkimin Evropian”, shkroi ai.
Presidenti serb, Vuçiç, tha se ka marrë lëvdata nga presidenti amerikan për popullin serb, ndërsa i kushtoi vëmendje të posaçme takimit të tij me kancelaren gjermane, Angela Merkel, e cila është më e zëshmja deri tash kundër ideve për ndryshimin e kufijve në procesin e normalizimit të marrëdhënieve ndërmjet Kosovës dhe Serbisë.
Cа немачком канцеларком Ангелом Меркел о билатералним односима, економској сарадњи, ситуацији у региону и европским интеграцијама Србије. https://t.co/pgltPLcEWk
Në një njoftim të zyrës së tij, thuhet se presidenti serb e ka informuar kancelaren Merkelin për rrjedhën e bisedimeve me Kosovën, duke vënë theksin tek taksa shtesë e vendosur nga Kosova ndaj mallrave nga Serbia dhe Bosnjë e Hercegovina.
Ishte kjo taksë që mbizotëroi takimin e fundit ndërmjet presidentit të Kosovës Hashim Thaçi dhe presidentit serb, Aleksandër Vuçiç, i cili tha se nuk do të ketë vazhdim bisedimesh derisa kjo nuk hiqet.
Të martën, qeveria e Kosovës vendosi taksën në shenjë kundërshtimi ndaj sic u tha, fushatës agresive të Serbisë ndaj shtetësisë së Kosovës.
Serbia vazhdon të kundërshtoja pavarësinë e Kosovës, që u shpall në shkurt të vitit 2008 me mbështetjen e Shteteve të Bashkuara dhe vendeve kryesore të Bashkimit Evropian. Por ajo është përfshirë në një proces bisedimesh për normalizimin e marrëdhënieve me Kosovën, që është kusht për integrimet evropiane të të dyja palëve.
Por, procesi i bisedimeve që u vu nën hijen e ideve për ndryshime kufijsh, po ngecë me gjithë paralajmërimet se fillimi i vitit të ardhshëm do të duhej të ishte periudhe e përmbylljes së një marrëveshjeje ndërmjet të dyja vendeve.
Të paktën 25 persona kanë vdekur pas zjarreve të mëdha në Kaliforni, thonë zyrtarët.
Vlerësohet se 250,000 mijë njerëz janë detyruar që të largohen nga shtëpitë e tyre, për t’iu shmangur tri zjarreve të mëdha që kanë kapluar këtë shtet amerikan, raporton BBC.
Ndërkaq, presidenti i Shteteve të Bashkuara, Donald Trump ka shprehur zemërimin e tij, duke thënë se menaxhimi i dobët i pyjeve është shkaktari i zjarreve.
Zjarret nisën në qarkun Butte të enjten dhe zjarrfikësit ishin të pafuqishëm që ta ndalnin atë. Zjarri u përhap me shpejtësi në qytetin Paradise, duke shkaktuar dëme.
Meteorologët thonë se si pasojë e kushteve atmosferike, zjarret mund të mos shuhen edhe për një javë, por zjarrfikësit shpresojnë që të shfrytëzojnë ndaljen e përkohshme të erës dhe të shuajnë zjarrin.
Pakë kohë pas përfundimit të numërimit të votave të zgjedhjeve për senat dhe guvernator në Florida, Sekretari i Shtetit i këtij shteti nxorri vendimit për rinumërim elektronik të tyre për shkak të dallimit të vogël mes kandidatëve.
Sipas ligjit për zgjedhje të Floridës nëse dallimi mes kandidatëve është më i vogël se 0,5 për qind të votave, atëherë mund të ketë një rinumërim elektronik të votave. Nëse dallimi është më vogël se 0.25 për qind, mund të kërkohet edhe një rinumërim me dorë i votave.
Në zgjedhjet për senat në Florida, kandidati republikan Rick Scott ka një epërsi prej 0,15 (15,562 vota) për qind të votave ndaj rivalit të tij demokrat Bill Nelson. Ndërsa, në garën për guvernator të këtij shteti, kandidati republikan Ron DeSantis ka një epërsi prej 0,4 (33,684 vota) për qind ndaj rivalit të tij demokrat Andrew Gillum.
Zyrtarët e zgjedhjeve kanë afat deri të ejten për të përfunduar rinumërimin elektronik të votava.
Kandidati republikan Rick Scott akuzoi këtë javë demokratët për përpjekje për të vjedhur zgjedhjet.
“Çdo floridian duhet të jetë i shqetësuar se mund të ketë mashtrime të pakontrolluara në distriktet Palm Beach dhe Broward”.
Epërsia e kandidatit Rick Scott, guvernatori aktual i Floridës, është zvogëluar në garën për senator ndaj rivalit të tij demokratit Bill Nelson.
Presidenti Trump gjithashtu komentoi mbi zgjedhjet në Florida para se të nisej drejt Evropës.
“Dhe papritur ata po gjejnë vota që nuk ekzistonin më parë. Rick Scott fitoi me një diferencë të mirë, pavarësisht se rezultati ishte i ngushtë. Çdo dy orë tani epërsia e tij po zvogëlohet”.
Por zyrtarët shtetërorë të zgjedhjeve në Florida po mbrojnë veprimet e tyre.
“Ne duhet të numërojmë votat për votuesit tanë dhe ne duam të jemi të saktë, jo të shpejtë. Është për të ardhur keq që ka shumë keqinformim në publik”, tha Susan Bucher, mbikqyrëse e zgjedhjeve në Florida.
Votat e zgjedhjeve për senat dhe ato për guvernator në Florida mund të rinumërohen.
Republikani Ron DeSantis shpalli fitore në garën për guvernator ndaj demokratit Andrew Gillum të martën.
“Unë jam i gëzuar për mundësitë që kemi në shtetin e Floridës. Nuk mund të mendoj për një shtet më të mirë se Florida për ta udhëhequr”.
Por edhe epërsia e zotit DeSantis është ngushtuar, dhe Gillum po u kërkon mbështetësve të tij që të jenë të durueshëm.
“Ne shpresojmë që çdo votë do të numërohet”.
Një tjetër garë e pavendosur është në Xhorxhia, ku demokratja Stacey Abrams ndodhet prapa republikanit Brian Kemp në garën për guvernator.
“Ka ende vota që duhet numëruar. Ka zëra që presin të dëgjohen.”
Zoti Kemp tashmë ka shpallur fitoren dhe shpreson që të ruaj pragun prej 50 për qind të votave për të shmangur balotazhin muajin e ardhshëm.
“Unë ju premtoj se do punojë për të gjithë banorët e Xhorxhias dhe do të jem një guvernator, i cili mendon më shumë për të bërë atë që është e drejtë se sa atë që është më e mirë politikisht”.
Një tjetër rezultat i pavendosur është ai i zgjedhjeve për senator në Arizona, ku demokratja Kyrsten Sinema ka një epërsi të lehtë ndaj rivales së saj republikane Martha McSally.
Asnjë nga këto gara nuk e ndryshon balancën e pushtetit të vendosur në zgjedhjet e së martës, ku demokratët fituan kontrollin e Dhomës së Përfaqësuesve, ndërsa republikanët ruajtën shumicën në Senat.
UASHINGTON – Presidenti i SHBA-ve Donald Trump e ka quajtur si “shumë poshtëruese” deklaratën e presidentit francez Emmanuel Macron i cili ka thënë se “Evropa duhet të krijojë ushtrinë e saj për t’u mbrojtur nga SHBA, Kina dhe Rusia”.
Trumpi, i cili ka udhëtuar në Francë për të marrë pjesë në aktivitetet që do të mbahen në Paris me rastin e 100 vjetorit të marrëveshjes së armëpushimit që i dha fund Luftës së Parë Botërore, nëpërmjet llogarisë së tij në Twitter ka vendosur në objektiv presidentin francez Macron.
“Presidenti francez Macron ka propozuar se ‘Evropa duhet të krijojë ushtrinë e saj për t’u mbrojtur nga SHBA, Kina dhe Rusia‘. Shumë poshtëruese. Ndoshta Evropa më parë duhet të paguajë borxhin e saj ndaj NATO-s, për të cilën SHBA ka dhënë një mbështetje shumë të madhe”, ka theksuar Trump.
Presidenti francez Macron në një deklaratë javë më parë tërhoqi vëmendjen për rrezikun nga Rusia me ç’rast tha se “Evropianët nuk mund jenë të sigurtë përsa kohë që nuk do të krijohet një ushtri sovrane e Bashkimit Evropian e cila të jetë e pavarur nga SHBA-ja”. aa
Presidenti Donald Trump do të shkojë në Francë këtë fundjavë së bashku me dhjetra udhëheqës të tjerë botërorë për të marrë pjesë në ceremonitë me rastin e 100 vjetorit të armëpushimit, që i dha fund Luftës së Parë Botërore. Siç njofton korrespondenti i Zërit të Amerikës Henry Ridgwell, marrëdhëniet mes Amerikës dhe aleatëve të saj janë të tensionuara – dhe Franca madje ka paralajmëruar se klima e tanishme gjeopolitike të kujton periudhën para luftërave botërore.
Duke vizituar vendet e betejave të dikurshme këtë javë, presidenti francez Emmanuel Macron paralajmëroi për kërcënimet aktuale ndaj kontinentit – duke i thënë radios franceze se Evropa duhet të krijojë ushtrinë e vet.
“Ne duhet të mbrojmë veten nga Kina, nga Rusia dhe madje edhe nga Shtetet e Bashkuara”.
Zyrtarët francezë thanë se marrëdhëniet me Shtetet e Bashkuara nuk do të ndikohen nga humbja e kontrollit të Dhomës së Përfaqësuesve nga partia republikane në zgjedhjet e mes-mandatit.
Presidenti amerikan do të zhvillojë bisedime me presidentin Macron të shtunën. Nuk është e qartë nëse do të realizohet një takim i përfolur mes Trumpit dhe homologut të tij rus Vladimir Putin.
Presidenti Trump më vonë do të vizitojë Belleau Wood, skenën e një prej betejave më të ashpra të zhvilluara nga trupat amerikane.
1,811 ushtarë amerikanë u vranë ndërsa sulmuan pozicionet gjermane. Pjesa më e madhe e luftimeve u bë trup me trup. Pas më shumë se tre javë luftimesh, trupat amerikane morën Belleau Wood-in më 26 qershor të vitit 1918.
“Ata ndeshën me zjarrin e furishëm të armikut. Në vend që të sprapseshin, në vend që të tërhiqeshin, gjë që në kohën e luftës do të kishte qenë normale për trupat dhe të prisnin artilerinë t’i përforconte, ata u hodhën në sulm”, thotë historiani francez Jean-Michel Steg.
Deri në fund të luftës, mbi 116 mijë trupa amerikane gjetën vdekjen duke mbrojtur Evropën. Njëqind vjet më vonë, lidhjet transatlantike janë të tensionuara – por aleanca vazhdon.
“Marrëdhëniet mes këtyre fuqive, nuk janë gjithmonë të lehta. Dhe ka arsye për këtë. Por kur vjen këtu, mes njerëzve në këto fshatra, ata kujtojnë me një respekt të madh ushtarët amerikanë”, thotë Bruce J. Malone Jr, në varrezat ushtarake amerikane në Meuse-Argonne..
Muzeu “Romagne 14-18” aty pranë përshkruan jetën e ushtarëve në vijën e frontit, përmes ekspozimit të mijëra sendeve të gjetura nga fushat e betejës.
“Ajo që përpiqem t’u tregojë vizitorëve në këtë muze është se poshtë këtyre helmetave, janë të gjithë njësoj, të gjithë njerëz”, thotë Jean-Paul De Vries, pronar i këtij muzeu.
40 milionë njerëz, nga të gjitha palët në konflikt, humbën jetën. Ata do të kujtohen të dielën në ceremoninë e Ditës së Armëpushimit në Arkun e Triumfit të Parisit, ku do të marrin pjesë dhjetra udhëheqës botërorë.
Presidenti Trump më vonë do të marrë pjesë në një ceremoni të veçantë për Ditën e Veteranëve në një varrezë amerikane.
Shtëpia e Bardhë i ka hequr kredencialet korrespondentit Jim Acosta të televizionit CNN, pasi një shkëmbimi të ashpër që ai pati me Presidentin Donald Trump. Bllokimi i gazetarit nga Shtëpia e Bardhë është shembulli i fundit i një marrëdhënieje të tensionuar të presidentit me median. Siç njofton korrespondenti Bill Gallo, shumë gazetarë shqetësohen se këto raste krijojnë pararendës të rrezikshëm për demokracinë:
Disa e shohin përjashtimin e gazetarit nga korpusi i medias i Shtëpisë së Bardhë si një tjetër pikë e ulët në marrëdhëniet e presidentit me gazetarët.
Vendimi u mor pasi gazetari i CNN-it, Jim Acosta i kërkoi me ngulm reagim presidentit për karakterizimin e imigrantëve si pushtues.
“Ata janë qindra kilometra larg. Qindra e qindra kilometra larg. Nuk bëhet fjalë për pushtim,” tha gazetari.
“Ma lër mua të qeveris vendin. Ti drejto CNN-in. Nëse do të dije si ta bëje atë punë, do të kishit shumë më tepër popullaritet. Mjaft tani,” i përgjigjet presidenti.
Shtëpia e Bardhë e cilësoi si “plotësisht të papranueshëm” këtë shkëmbim dhe i hoqi gazetarit kredencialet si korrespondent i Shtëpisë së Bardhë.
Zëdhënësja e Shtëpisë së Bardhë, Sarah Sanders e akuzoi gazetarin se kishte “vënë duart mbi” një ndihmëse të Shtëpisë së Bardhë.
Në video shihet një veprim që nuk përcjell keqdashje ndaj ndihmëses së Shtëpisë së Bardhë, por zëdhënësja më pas publikoi një video të redaktuar ku akti dukej më këcënues.
“Ajo po përpiqej t’i merrte mikrofonin gazetarit, ai po përpiqej të mos e lëshonte mikrofonin. Është një moment i pakëndshëm, por është absurde të aludohet në ndonjë mënyrë se ajo u abuzua fizikisht,” thotë analisti Tom Rosenstiel.
Gazetari Acosta njihet për një qëndrim kritik ndaj Shtëpisë së Bardhë, për pyetje të forta në adresë të presidentit dhe zëdhënëses së tij që shpesh duket sikur i bën për të tërhequr vëmendjen tek vetja.
Por Shoqata e Korrespondentëve të Shtëpisë së Bardhë thotë se stili i tij nuk ka rëndësi dhe e cilëson veprimin e Shtëpisë së Bardhë “të dobët, të pamenduar dhe të tepruar”.
Organizata “Gazetarët Pa Kufi” e cilëson si një përgjigje “jodemokratike”.
“Këtë përgjigje me heqjen e kredencialeve e shohim në vende me regjime shtypëse. Nuk është e zakontë në Shtetet e Bashkuara,” thotë Cortney Radsch e Komitetit për Mbrojtjen e Gazetarëve.
Shkëmbimet e ndezura të presidentit me gazetarët shpesh marrin nuanca teatrale. Por analistët thonë se veprimi i fundit mund të ketë ndikim të gjerë.
“Pushtetarët në të gjithë botën, ata që duan të kufizojnë shtypin e lirë dhe të godasin legjitimitetin e gazetarisë, ata që nuk duan që veprimet e tyre të mos bëhen publike e të mos analizohen, kanë përdorur termin “lajme të rreme”, e kanë sulmuar shtypin si “armik i popullit” dhe kanë përdorur të njëjtat justifikime si administrata Trump për të akuzuar, dilegjitimuar dhe kufizuar qasjen e gazetarëve dhe të portaleve mediatike,” thotë zonja Radsch.
Por zëdhënësja Sanders i përmbahet vendimit, duke thënë se Jim Acostas i janë hequr pa afat të caktuar kredencialet për të raportuar nga Shtëpia e Bardhë.
Shtëpia e Bardhë ka thënë se pavarësisht ndryshimit të udhëheqësisë në Departamentin e Drejtësisë, do të vazhdojnë hetimet e Këshilltarit Special, Robert Mueller lidhur me supozimet për ndërhyrje ruse në zgjedhjet presidenciale të SHBA-së më 2016.
Zëdhënësja, Kellyanne Conway, ka thënë për Fox News më 8 nëntor se “kjo është vazhdimësi, hetimet e Muellerit do të vazhdojnë”.
Këto komente kanë ardhur një ditë pasi presidenti amerikan, Donald Trump ka detyruar Jeff Sessions të japë dorëheqje nga pozita e Prokurorit të Përgjithshëm, duke rritur shqetësimet në mesin e liderëve demokratë lidhur me të ardhmen e hetimeve të Muellerit, të cilat Trump, i ka cilësuar “të turpshme” dhe shumë të “dëmshme” për shtetin.
Sessions pati shpëtuar veten nga mbikëqyrja e hetimit që është duke kërkuar edhe ndonjë lidhje të mundshme në mes të figurave rusë dhe fushatës së Trumpit.
Sessions përndryshe ka shërbyer në fushatën e Trumpit para se bëhej pjesë e Departamentit të Drejtësisë.
Si zëvendës i Sessionit, Rod Rosenstein ka pasur autoritet për hetimet e Muellerit.
Mirëpo Trump ka emëruar shefin e stafit të Sessions-it, Matt Whitaker, që të jetë ushtrues detyre i Prokurorit të Përgjithshëm, duke i dhënë kompetencë që të mbikëqyrë hetimet e Muellerit.
Whitaker, ish-republikan ka bërë thirrje publikisht për kufizim të hetimeve, duke nxitur shumë demokratë që të kërkojnë nga ai të qëndrojë larg çështjeve të lidhura me hetimet.
E pyetur nëse Trump i ka kërkuar Whitakerit të ndalojë hetimet, zëdhënësja Conway u ka thënë gazetarëve jashtë Shtëpisë së Bardhë se “presidenti nuk e ka udhëzuar atë asgjë”, përveç se të ushtrojë detyrën e Prokurorit.
Moska në anën tjetër mohon të ketë ndërhyrë në zgjedhjet amerikane, derisa edhe Trump ka përsëritur vazhdimisht se “nuk ka pasur bashkëpunim” në mes të fushatës së tij dhe Rusisë.
Në Moskë, zëdhënësi i Kremlinit, Dmitry Peskov i ka cilësuar hetimet amerikane për ndërhyrje të mundshme ruse në zgjedhje si “kokëdhembje për homologët tanë amerikanë” mirëpo nuk ka pranuar të komentojë shkarkimin e Sessionsit duke thënë se “nuk ka të bëjë asgjë me ne”.
UASHINGTON – Një gjykatë federale amerikane e apelit ka dhënë një vendim me të cilin bllokoi vendimin e presidentit të SHBA-ve, Donald Trump, për t’i dhënë fund programit që mbron emigrantët pa dokumente që mbërritën në vend si fëmijë nga dëbimi.
Gjykata e 9-të e Apelit e Kalifornisë në SHBA mbajti në vend përpjekjen nga Departamenti i Sigurisë Kombëtare (DHS) për t’i dhënë fund programit, program që fillimisht u prezantua nga ish-presidenti Barack Obama në vitin 2012.
Paneli prej tre gjyqtarësh tha se arsyet e administratës së Trumpit për dhënien fund të programit ishin me të meta dhe “kishin dështuar për të deklaruar një kërkesë”.
Gjykata po ashtu tha se “shfuqizimi i programit, të paktën siç është e justifikuar në këtë regjistrim është arbitrar dhe kapriçioz ose ndryshe në kundërshtim me ligjin”.
Shtyrja e Veprimit ndaj Emigrantëve Fëmijë (DACA) siguroi përfitime dhe mbrojtje për emigrantët pa dokumente që mbërritën në SHBA si fëmijë.
Programi jo vetëm që mbrojti emigrantët fëmijë pa dokumente nga deportimi i tyre, por u dha atyre një leje pune në mënyrë që ata të mund të kërkonin ligjërisht punësim në SHBA.
Programi ka mbrojtur rreth 800 mijë emigrantë pa dokumente në pesë vitet që kur u prezantua. aa
Gjyqtarja e Gjykatës Supreme në Shtetet e Bashkuara, Ruth Bader Ginsburg, ka thyer tre brinjë pasi është rrëzuar të mërkurën, ka njoftuar Gjykata.
Ajo është rrëzuar në zyrën e saj në Gjykatën Supreme në Uashington.
Ginsburg, 85 vjeçare ka shkuar në shtëpi sepse nuk është ndjerë mirë dhe më pas është nisur drejt spitalit universitar, George Washington në mëngjesin e së enjtes, është thënë në deklaratë.
Pas kontrolleve është parë se ajo ka thyer tre brinjë në pjesën e majtë të trupit dhe se tani u është nënshtruar trajtimit.
Kjo nënkupton se Ginsburg, gjykatësja më e lartë e krahut liberal, nuk do të jetë prezente në ceremoninë inauguruese të Brett Kavanaugh, emërimi i të cilit ka shkaktuar protesta për shkak se ai akuzuar për sjellje të keqe seksuale.
Emërimi i tij që është konfirmuar muajin e kaluar nga Senati, ka rikthyer shumicën e konservatorërve në Gjykatën me nëntë anëtarë.
Relievi politik ndryshoi këtë javë në Uashington pas rezultatit të zgjedhjeve për Kongres. Demokratët e opozitës kanë fituar shumicën në Dhomën e Përfaqësuesve, ndërsa republikanët kanë forcuar kontrollin në Senat. Rezultati nga shumë analistë shihet si një vlerësim i ndarë i elektoratit për udhëheqjen e Presidentit Donald Trump.
Presidenti Trump foli dje në Shtëpinë e Bardhë për mundësinë e bashkëpunimit me demokratët, të cilët tani kontrollojnë Dhomën e Përfaqësuesve.
“Dua të shoh bashkëpunim dypartiak. Dua të shoh unitet. Mendoj se shanset janë të mira, ndoshta jo në çdo temë, por gjithsesi ekzistojnë shanse të mira për bashkëpunim”.
Presidenti Trump i quajti meritë të tij fitoret e republikanëve në Senat:
“Mendoj se rezultatet që kam dëgjuar dhe besoj se do të konfirmohen, dëshmojnë se njerëzit më pëlqejnë mua dhe punën që po bëj”.
Udhëheqësja e demokratëve në Dhomën e Përfaqësuesve Nancy Pelosi la të hapur mundësinë për bashkëpunim me presidentin mbi kujdesin shëndetësor dhe tema të tjera.
“Do të përpiqemi për bashkëpunim dypartiak. Besojmë se e kemi për detyrë të identifikojmë pika të përbashkëta aty ku është e mundur. Aty ku është i pamundur bashkëpunimi, ne do t’u përmbahemi parimeve tona”.
Demokratët shprehen të kënaqur me rezultatet në Dhomën e Përfaqësuesve, por të zhgënjyer nga humbjet në Senat. Ish-ligjvënësi Patrick Murphy foli në emisionin e Zërit të Amerikës, Plugged In:
“Nuk ishte një valë e madhe ndryshimi siç ishte parashikuar. Kjo dëshmon se njerëzit nuk votojnë më së shumti për temat, por lidhur me Presidentin Trump”.
Pas zgjedhjeve të së martës, është i paqartë kursi që do të marrë politika në Uashington, thotë analistja Karen Tumulty:
“Kemi dëgjuar një vendim të përzier. U duk sikur dallga blu ndeshi në murin e kuq. Mendoj se aleatët e Amerikës nëpër botë do ta kenë shumë të vështirë të kuptojnë çfarë po ndodh përveçse do të shohin ngecje të përsëritura në Kongres”.
Analisti John Fortier thotë se nuk duhet të mendohet si i pamundur një farë bashkëpunimi mes presidentit dhe demokratëve:
“Ka gjëra që mund të arrihen me bashkëpunim mes demokratëve dhe republikanëve. Është e vështirë pasi të dyja palët kanë qëndrime diametralisht të kundërta. Megjithatë ka gjëra që mund të realizohen, por jo axhenda e presidentit”.
Por presidenti mund të stepet nëse demokratët hapin procese hetimore mbi Shtëpinë e Bardhë, thotë politologia Molly O’Rourke:
“Do të ndryshojnë shumë gjërat në presidencën Trump tani që demokratët kanë Dhomën e Përfaqësuesve, e cila ka mundësinë ta sfidojë presidentin në axhendën legjislative, por edhe në mënyrën si udhëhiqet administrata”.
Pas zgjedhjeve për Kongres, Presidenti Trump duket edhe se ka marrë zemër, por edhe sikur është vënë përballë një sfide të re. Por ai duket i gatshëm për dy vitet e fundit të mandatit të tij që besohet se do të sjellin beteja të forta politike.
Prokurori i Përgjithshëm, Jeff Sessions dha dorëheqjen të mërkurën, një lëvizje jo e papritur. Zoti Sessions kishte qenë nën presionin e Presidentit Donald Trump për të dhënë dorëheqjen që kur u tërhoq nga hetimi për ndërhyrjen e Rusisë në zgjedhjet presidenciale të vitit 2016. Hetimi i Prokurorit të Posaçëm, Robert Mueller, që ka nxjerrë në pah shkelje nga disa prej bashkëpunëtorëve të afërt të Presidentit, është quajtur një “gjueti shtrigash” nga Presidenti, i cili caktoi një Prokuror të Përgjithshëm në detyrë, i cili është po ashtu kritik ndaj hetimit.
Dorëheqja e zotit Sessions ishte e pritshme, por ndoshta jo kaq shpejt pas zgjedhjeve të Kongresit.
“Mendoj se presidenti donte të priste nëse do të vërtetoheshin parashikimet më të pafavorshme, pra nëse demokratët merrnin nën kontroll Senatin, pasi në atë rast ai nuk e hiqte dot zotin Sessions”.
Profesori i së drejtës, David Abraham thotë SE një shumicë e re republikane në senat do të bëjë të mundur që kandidati i tij për postin të konfirmohet me shpejtësi.
Por zoti Trump do gjithashtu ta shmangë nxjerrjen e raportit për hetimin e tij nga Prokurori Robert Mueller, thotë një tjetër ekspert ligjor, Paul Shiff Berman.
“Tani që zgjedhjet mbaruan, është pikërisht momenti i përshtatshëm për ekipin e zotit Mueller që të paraqesë përfundimet e punës së javëve të fundit, që shumë njerëz mendojnë se do për përfshijë ngritjen e disa padive. Dhe ndoshta raporti do të ketë të bëjë si me konspiracionin për Rusinë, ashtu edhe me përpjekjet e administratës së Presidentit Trump për të oenguar drejtësinë në hetimin për këtë konspiracion të mundshëm”.
Analistët thonë se nëse Prokurori i Përgjithshëm në detyrë, Matthew Whitaker merr në dorë mbikqyrjen e hetimit, ai mund ta kufizojë atë ose ta ndalë tërësisht.
Demokratët në kongres janë kundër çdo përpjekjeje për ndërhyrje në hetim.
“Këndvështrimi ynë i palëkundur është që çdo Prokuror i Përgjithshëm, aktuali apo cilido tjetër, nuk duhet të ndërhyjë në asnjë mënyrë në hetimin e zotit Mueller. Nuk duhet të ketë kompetencën ta ndërpresë, apo ta kufizojë atë.
Analisti Abraham thotë se zoti Mueller ka gjasa të reagojë me shpejtësi nëse është e nevojshme.
“Mund të sjellë si rezultat një valë padish, në mënyrë që raporti të dalë para se të mbyllet hetimi. Ky do të ishte një skenar. Nuk besoj që zoti Mueller të mos ketë një plan veprimi në rast se shkarkohet ose i jepet urdhër të ndalë punën”.
Analistët thonë se zoti Sessions ishte një zbatues i përkushtuar i politikave të zotit Trump dhe politikave të tjera, por çështja e Rusisë duket se e la në hije besnikërinë e tij.
Autoritetet në Kaliforninë e Jugut thonë se një person i armatosur vrau 12 vetë të mërkurën në darkë duke qëlluar në një bar dhe një klub nate.
Sherifi i komunës Ventura, Geoff Dean tha në komentet për gazetarët se polici i parë që kishte mbërritur në skenën e ngjarjes në klubin Borderline Bar & Grill në qytetin Thousand Oaks ishte qëlluar sapo ishte futur për t’u përballur me personin e armatosur.
Sheriff’s deputy speaks to a potential witness as they stand near the scene, Nov. 8, 2018, in Thousand Oaks, Calif. where a gunman opened fire Wednesday inside a country dance bar crowded with hundreds of people.
Ai tha se oficeri Ron Helus, me një karrierë 29 vjeçare në forcat e rendit kishte vdekur më pas në spital.
“I thashë bashkëshortes së tij se ai vdiq pas një akti heroik,” tha sherifi.
Incidenti ka lënë edhe plot të plagosur, por Sherifi Dean tha se numri i saktë ende nuk dihet sepse shumë prej tyre kishin shkuar vetë në spital për mjekim.
“Është një incident i tmerrshëm. Është pjesë e episodeve të tmerrshme që po shohim në këtë vend kudo; kjo e bën të pamundur të analizosh logjikisht akte të tilla të palogjikshme,” tha sherifi.
Hetuesit po bashkëpunojnë me agjentët e FBI-së për të zbuluar identitetin e personit që qëlloi dhe motivet e aktit.
Sherifi Geoff Dean tha se personi që dyshohet si autor i aktit u gjet i vdekur në bar. Ai ishte qëlluar me plumb por nuk është e qartë se nga kush.
Dëshmitarët përshkruanin një skenë kaosi kur filluan të dëgjohen të shtënat dhe klientët në klubin e vallëzimit vrapuan të fshihen e të mbrohen nga goditjet.
People comfort each other as they stand near the scene in Thousand Oaks, Calif., where a gunman opened fire Wednesday inside a country dance bar crowded with hundreds of people Nov. 8, 2018.
