Gjermania është në kërkim për punëtorë të huaj. Deri te puna në Gjermani është shumë lehtë të arrihet.Kushtet janë: E gjitha që kërkohet është edukimi profesional, përvoja e punës dhe ajo kryesorja, dëshira për punë. Lista e profesioneve që po kërkohet është në rritje e sipër, por më së shumti po kërkohen nga ana mjekësore.

Ndërsa për një periudhe të shkurtër punë do të ketë edhe për inxhiniera kompjuterik dhe për matematikanë. Përveç këtyre në Gjermani kërkohen edhe dhe kujdestare. Shanse të mëdha për punë kanë edhe njohësit e zanateve.

Ky është një rast i shkëlqyer për ballkanasit, sepse puna që ata e bëjnë brenda territoreve ballkanike, në Gjermani do t’u paguhet shumë më mirë,

Për shkak të mungesës së fuqisë punëtore të kualifikuar, Gjermania çdo vit humb miliarda euro, ndërsa qeveria gjermane ofron një numër të përfitimeve për punonjësit nga jashtë me arsim të lartë.

BERLIN – Kancerlarja gjermane, Angela Merkel, tha se problemet e botës nuk mund të zgjidhen me izolim dhe proteksionizëm.

Merkel, në deklaratën e saj në Parlamentin Federal në lidhje me Samitin e Liderëve të Bashkimit Evropian (BE) organizuar javën e kaluar dhe Samitin G20 që do të organizohet javën e ardhshme, theksoi se Samiti i Liderëve të BE-së ka dhënë sinjal të gjallërisë dhe besimit.

Kancelarja gjermane duke theksuar se të ardhmen e Evropës e shikon në mënyrë optimiste, tha se kjo është për shkak të frymës së bashkëpunimit të të gjitha vendeve të BE-së si dhe nga përshtatja e Gjermanisë me Francën.

Ajo duke theksuar se ndër çështjet e trajtuar në samit ka qenë edhe se çfarë roli do të ketë Evropa në botë në të ardhmen, vuri re se lufta kundër ndryshimeve klimatike, kërcënimi ndërkombëtar i terrorizmit, globalizimi, mundësitë e digjitalizimit dhe migrimi iu interesojnë të gjitha shteteve.

Kritika ndaj Trumpit 

Merkel duke e kritikuar politikën proteksioniste të presidentit amerikan Donald Trump, tha se “Kush do që mendon se problemet e botës do t’i zgjidhë me izolim dhe proteksionizëm është në një gabim të madh. Problemeve të shekullit mund t’iu japim përgjigje të sakta vetëm së bashku. Kjo, ashtu siç është e vlefshme për G20 është e vlefshme edhe për BE-në.”

Kancelarja gjermane gjithashtu duke treguar se BE-ja qëndron pas Marrëveshjes së Parisit për ndryshime kilmatike dhe së shpejti do të zbatojë këtë marrëveshje tha se, “Pasi që SHBA-të hoqën dorë nga Marrëveshja e Parisit për ndryshime klimatike, jemi të vendosur edhe më shumë që marrëveshja të arrij sukses.”

Ajo theksoi se mbrojtja e klimatikës është një provim në lidhje me ekzistencën e botës dhe njoftoi se Gjermania duhet të bëjë detyrat e saj në lidhje me këtë çështje dhe se marrëveshja nuk është e hapur për negociata.

Merkel njoftoi se në Samitin G20 do të trajtohen çështjet, si terrorizmi, ndryshimet klimatike dhe politikat proteksioniste. Ajo kërkoi që në Samitin G20 që do të mbahet më 7-8 korrik të qëndrohet kundër proteksionizmit, të merret qëndrim për treg të lirë dhe sistem tregtar shumëpalësh.

Merkel gjithashtu kërkoi që nga Samiti G20 të dalë sinjal i vendosmërisë, dhe shtetet pjesëmarrës të kuptojnë dhe të marrin përsipër përgjegjësitë e tyre në lidhje me botën.

Më shumë se 20 vjet pas masakrës së Srebrenicës në Luftën e Bosnjes, një gjykatë në Hagë bëri sërish bashkëpërgjegjëse shtetin holandez për vdekjen e 350 viktimave gjatë masakrës ndaj myslimanëve në Srebrenica në vitin 1995.

Megjithatë gjykata shfuqizoi pjesërisht një vendim të instancës së parë duke pohuar përgjegjësi të pjesshme të Holandës e ushtarëve helmetkaltër holandezë për masakrat që ushtruan serbët.

Gjatë luftës së Bosnjes helmetkaltrit holandezë duhet të ruanin enklavën boshnjake të Srebrenicës si edhe mijëra refugatë. Por në korrik 1995, ata u dorëzuan pa luftë pas sulmit të stuhishëm të njësive serbe. Forcat serbe nën komandën e gjeneralit serb, Ratko Mlladiç vranë më pas 8000 burra dhe djem myslimanë. Masakra e Srebrenicës është gjenocidi më i madh në truallin europian pas Luftës së Dytë Botërore.

Familjarët e viktimave akuzuan shtetin holandez dhe iu dha e drejtë pjesërisht në instancën e parë. Një gjykatë civile kishte marrë vendimin se Holanda mbante përgjegjësi për vdekjen e 300 burrave, që atëherë ishin nën mbrojtjen e helmetkaltërve holandezë. Ky ishte vendi i parë që fajësonte një shtet pjesëmarrës në trupat e OKB-së për krimet e të tretëve.

Në instancën e parë gjykata në Holandë nuk e kishte bërë shprehimisht përgjegjëse Holandën për rastin e enklavës dhe vdekjen e refugjatëve. Por ushtarët kishin vepruar jo në përputhje me ligjin në deportimin e 300 burrave nga territori i tyre ushtarak. Kjo, megjithëse, sipas gjykatësve, kishte pasur sinjale për vrasje masive.

Në argumentimin e gjykatësve nënvizohet se “me shumë siguri mund të thuhet, se këta burra do të kishin jetuar, nëse Dutchbat do t’u kishte lejuar atyre të qëndronin brenda territorit ushtarak.”
Qeveria holandeze kishte apeluar vendimin. Sipas saj Dutchbat nuk mund të bënte asgjë kundër supremacisë serbe, dhe se trupat kanë qenë nën komandën e OKB-së. Por edhe të afërmit e viktimave e apeluan vendimin. Organizata “Nënat e Srebrenicës” është e mendimit, se Holanda është përgjegjëse për më shumë viktima./DW/

BRUKSEL – Liderët e Bashkimit Evropian (BE) në samitin që do të mbahet këtë javë do të diskutojnë lidhur me heqjen e përmbajtjeve terroriste nga interneti në kuadër të politikave të sigurisë.

Kryetari i Këshillit Evropian, Donald Tusk, u ka dërguar letër ftese liderëve të shteteve të BE-së me rastin e samitit që do të mbahet më 22 dhe 23 qershor. Në letrën e tij, Tusk është shprehur se për shkak të dobësimit të forcave kundër BE-së ka ndryshuar mjedisi që ka mbizotëruar disa muaj më parë dhe se tani janë më optimistë.

Tusk ka tërhequr vëmendjen se në samit prioritet do të kenë temat e sigurisë. Sipas tij, terrorizmi vazhdon të jetë kërcënim i madh, ndërsa sulmet e fundit janë tregues i një vale të re të radikalizimit në Evropë. Ai ka theksuar se BE-ja nuk do ta zë vendin e shteteve kombëtare në këtë luftë, sepse, siç është shprehur, zbatimi i politikave varet nga qeveritë.

“Megjithatë, BE-ja mund të ndihmojë të fitohet kjo luftë. Deri më tani është shënuar përparim lidhur me luftëtarët e huaj dhe të kthyerit (nga zonat e luftës). Tani ka ardhur koha ta rrisim bashkëpunimin me industrinë e internetit. Propaganda terroriste përbën efektin me të madh qysh në orët e para pas ngarkimit në internet. Për këtë arsye, ne duhet ta nxisim industrinë që të zhvillojë vegla të cilat automatikisht do të detektonin dhe largonin përmbajtjet me materiale terroriste dhe ato të dhunës”, ka theksuar Tusk.

Donald Tusk po ashtu ka theksuar nevojën që të shqyrtohet edhe çështja e migrimit dhe gjendja në rutën e Mesdheut Qendror, ndërsa ka përmendur edhe rëndësinë që të bashkëpunohet me Libinë.

Gjithashtu, Tusk ka thënë se do t’i informojë liderët në samit lidhur me takimet e realizuara me presidentin e Turqisë Recep Tayyip Erdoğan dhe presidentin amerikan Donald Trump. aa

ROMË/TUNIZI – Të paktën 126 perona janë zhdukur pas fundosjes së një anije e cila po transportonte emigrantë nga Libia në Itali përmes Detit Mesdhe.

Zëdhënësi i Organizatës Ndërkombëtare për Migrim (IOM), Flavio Di Giacomo, ka deklaruar se ekipet e shpëtimit në vendin e fatkeqësisë kanë gjetur dhe shpëtuar katër persona.

Duke cituar deklaratat e të mbijetuarve, Giacomo ka thënë se anija u mbyt pasi kontrabandistët kishin vjedhur motorin e anijes. Shumica e emigrantëve të zhdukur janë me origjinë nga Nigeria dhe Sudani.

Agjencia e Kombeve të Bashkuara për migrim më parë pati deklaruar se në katër muajt e parë të këtij viti përmes detit Mesdhe në Evropë kanë ardhur 44,209 emigrantë dhe refugjatë. Numri më i madh i tyre kanë mbërritur në Itali, pastaj në Greqi, Qipro dhe Spanjë.

Në të njëjtën periudhë, nga mbytjet e anijeve kanë humbur jetën apo janë zhdukur gjithsej 966 emigrantë në rrugën përmes Mesdheut që lidh Afrikën e Veriut dhe Italinë jugore.

Biçikleta feston 200 vjetorin. Dy shekuj ngjitje, zbritje, rënie, shëtitje dhe sfida, mjeti me dy rrota ka hyrë në përdorimin e të gjithë, por edhe në kulturën e njerëzimit, duke u bërë kështu mjeti kult dhe ikona e të gjitha kohërave.

Data ekzakte e udhëtimit të parë me biçikletë nuk është e saktë, por dimë që është në qershor të 1817, kur baroni gjerman Karl Von Drais testoi për herë të parë ‘laufmachinè (makinën e garave).

Bëhej fjalë për një mjet me dy rrota. E para nuk kishte pedale dhe frena dhe për të ndaluar përdoruesit i duhej të ulte këmbët në tokë.

Gjatë 200 viteve të historisë biçikleta ka qenë më e mira e të gjithave në të gjithë komponentët e saj, duke u bërë kështu një nga mjetet e transportit më të nevojshme në botë dhe në mënyrë të veçantë në Europë.

Në shumë vende, mbi të gjithë në Holandë, dy rrotakët janë mjetet më të zakonshme të lëvizjes së njerëzve.

Një police gjermane është qëlluar me armë në kokë nga një person i cili ia kishte rrëmbyer armën asaj në Mynih.

Projekti për ngritjen e Prokurorisë Evropiane njohu epilogun e tij këtë javë (08.06). Ministrat e Drejtësisë të Unionit kanë rënë dakord mbi legjislacionin, që mundëson ngritjen e kësaj strukture. 20 vende anëtare do të jenë pjesë e këtij mekanizmi juridik, që shënon një progres në fushën e bashkëpunimit të thelluar, në sferën penale. Vendet e tjera, që kanë refuzuar pjesëmarrjen në këtë projekt (Hungaria, Polonia, Britania e Madhe, Irlanda, Holanda, Danimarka, Suedia, Malta) mund t’i bashkohen këtij mekanizmi në çdo moment, që ato do të dëshirojnë. Selia qendrore e Prokurorisë Evropiane do të jetë në Luksemburg, një vend, që i ka ofruar tërësisht falas ambientet e tij dhe do të jetë funksionale në vitin 2020.

Por, ç’rol do të ketë Prokuroria Evropiane dhe deri ku do të shtrihen kompetencat e saj ?

Ngritja e saj, synon mbrojtjen e interesave financiare të Unionit. Këto interesa përfshijnë të gjithë të ardhurat, shpenzimet, të mirat materiale, që mbulohen ose përfitohen nga buxheti i Unionit dhe buxheti i institucioneve, zyrave dhe agjencive të tij, si edhe buxhetit të menaxhuar dhe të monitoruar prej tyre.

Prokuroria Evropiane, do të ketë kompetencë ekskluzive për hetimin, ndjekjen penale dhe çuarjen para drejtësisë të të gjithë krimeve, që prekin buxhetin e BE-së. Kompetencat janë ekskluzive, çka do të thotë se, zyra do të mbulojë jo vetëm çështje të natyrës që përfshijnë një-dy, apo më shumë shtete, por se do të mbulojë edhe çështjet kombëtare. Pra, zyra do të marrë përsipër përgjegjësinë, që aktualisht ushtrohet nga prokuroria kombëtare dhe autoritetet e përforcimit të ligjit, për të hetuar dhe ndjekur penalisht krimet financiare ndaj BE-së, duke e transferuar këtë kompetencë në nivelin e një zyre të BE-së.

Struktura është e decentralizuar dhe parashikon ngritjen e një njësie qendrore, pra të zyrës evropiane të prokurorisë dhe ngritjen e zyrave lokale në vendet anëtare. Ajo do të ketë një pushtet uniform hetimi në Union, të bazuar dhe të integruar në sistemin ligjor kombëtar. Prokurorë me eksperiencë do të delegohen nga sistemet kombëtare në zyrën evropiane. Prokuroria Evropiane dhe konkretisht Prokurorët e deleguar do të kryejnë hetimet dhe ndjekjen penale në vendin e tyre anëtar, duke përdorur stafin kombëtar, dhe duke aplikuar ligjin kombëtar. Por, veprimet e tyre do të jenë të koordinuara nga një zyrë qendrore e kryesuar nga prokurori publik evropian, që do të sigurojë koherencën dhe efikasitetin e nevojshëm, mes vendeve anëtare. Zyra do të ketë fuqinë për të kërkuar, ose për të urdhëruar masa hetimore, pasi një sërë instrumentesh janë vënë në dispozicion të saj. Masa, që përfshijnë kontrolle të ambienteve profesionale dhe private, të sistemeve kompjuterike, sekuestrim objektesh, përgjime të komunikimeve telefonike, ngrirje të transaksioneve financiare, etj. Gjykatat vendase, do të jenë gjithashtu kompetente për shqyrtimin e çështjeve penale.

Krime të pandëshkuara 

Por, cila është arsyeja e krijimit të saj ? Në fakt, aktualisht ekzistojnë mekanizma të tjerë si OLAF (Zyra evropiane kundër mashtrimit) apo edhe Europol, por ato vlerësohen se nuk janë të mjaftueshme dhe për më tepër nuk gëzojnë kompetenca në fushën e kryerjes së hetimeve penale, apo për të bërë të mundur ndjekjen penale, në rastet e mashtrimit. Kompetenca e OLAF-it, është e kufizuar dhe lidhet vetëm me kryerjen e një hetimi administrativ, rezultatet e të cilit, iu komunikohen autoriteteve kompetente kombëtare, që vendosin më pas, në mënyrë të pavarur të nisin, apo jo, një procedim penal bazuar mbi këto konkluzione.

Në tërësi, bëhet fjalë për abuzime të larta, që prekin interesat financiarë të BE-së, dhe që kapin shumën e afro 500 milionë euro në vit, ndonëse kjo shumë vlerësohet të jetë më e lartë, pasi të dhënat mbi mashtrimet e ndryshme të raportuara, nuk mund të përfshijnë mashtrimin, që nuk arrin të zbulohet. Numri i çështjeve shkon deri në 2500 raste në vit, por me krijimin e zyrës së re dhe kompetencat që i ofrohen asaj ky numër konsiderohet se do të jetë edhe më i lartë, për shkak të mbledhjes më të gjerë të informacioneve dhe kompetencave më të larta që ajo do të gëzojë. Problematika shtrihet tek fakti se shpeshherë, rastet e abuzimeve financiare, që përmbyllen me konkludime hetimesh administrative nga OLAF, nuk ndiqen penalisht në vende të caktuara anëtare, për shkaqe të ndryshme, që lidhen sa me dosje komplekse, që kërkojnë bashkëpunim në fushën e hetimit penal mes vendeve të ndryshme, sa me juridiksionin jo shumë të qartë në këtë fushë, si edhe me faktin që nënvlerësohen, duke e konsideruar trajtimin e këtyre dosjeve si humbje kohe. Shembujt e dështimeve në këtë fushë, janë të shumtë. Ato, që ofrohen flasin për një standard të dyfishtë mbi dosje të njëjta. Një rast i njohur, lidhet me transferimet e konkluzionit të hetimit administrativ të OLAF, autoriteteve gjermane dhe bullgare, në një dosje që lidhej me abuzime të fondeve të zhvillimit rajonal të BE-së, në fushën e agrikulturës. Teksa autoritet gjermane nisin hetimin, ndjekjen penale duke përmbyllur procesin me dënimin e abuzuesve financiarë, autoritetet bullgare e mbyllin këtë proces, duke iu dhënë pafajësinë të gjithë të akuzuarve. Tashmë me krijimin e kësaj zyre, dosje të tilla komplekse, që kanë një dimension të gjerë dhe ku përfshihen disa shtete, do të udhëhiqen dhe do të koordinohen nga kjo zyrë.

Planet për krijimin e Prokurorisë Evropiane, fillimisht janë shfaqur në vitin 2009, me krijimin e bazës juridike që mundësoi traktati i Lisbonës, edhe pse proceset e konsultimeve mes vendeve anëtare datojnë që në vitin 2000. Por, me kalimin e viteve këto plane kanë hasur në rezistencë, nga vende të ndryshme anëtare si Polonia, apo Hungaria. Arsyeja lidhej kryesisht me frikën për humbjen e sovranitetit kombëtar në këtë fushë, pasi prokuroria do të kishte pushtet për të operuar në mënyrë të drejtpërdrejtë në vendet anëtare. Por, përtej domosdoshmërisë së krijimit të kësaj zyre, si një mjet i nevojshëm, që synon të mbrojë më mirë financat e BE-së, të zbulojë dhe ndëshkojë autorët e abuzimeve, në vendet e saj anëtare, rëndësia e saj qëndron në krijimin e një faze të re avancuese, në projektin e integrimit të thelluar evropian. Në atë që tashmë ka marrë prej kohësh formën e Evropës së disa shpejtësive. Kjo pasi, fillimisht ajo do të mundësojë një integrim edhe më të thelluar të përforcimit të ligjit kombëtar, përmes përforcimit të ligjit të BE-së; së dyti do të shembë atë që tashmë njihet si “barrikada e territorit kombëtar”, pra themelit mbi të cilën ngrihen sistemet juridike kombëtare, duke krijuar në këtë mënyrë një territor unik dhe autonom veprimi; dhe së fundmi, do t’i mundësojë BE-së, të avancojë më tej në fushën penale, duke krijuar kornizën e një Unioni juridik.

BERLIN- Gjatë një takimi të eurogrupit, ditën e enjte, Komisioneri Europian për Çështjet Ekonomike dhe Financiare, Pierre Moscovic, u ka kërkuar kreditorëve të gjejnë zgjidhje për ndihmën e mëtejshme të problemeve financiare të Greqisë, për të shmangur një krizë të re.
Nëse shteti Grek nuk merr këstin e ardhshëm të ndihmës, do të përballet me falimentimin në korrik, pasi nuk do të jetë në gjendje të paguajë 7 miliardë euro të borxhit të vjetër.

Fondi Monetar Ndërkombëtar, ka argumentuar se Greqia nuk mund ta shlyejë borxhin në situatën aktuale, vetëm nëse merr ndihmë, do të mund të aplikohet riprogramimi dhe ulja e normës së interest së borxhit. Kreditorët, me Gjermaninë nga njëra anë dhe Fondin Monetar Ndërkombëtar nga ana tjetër, deri tani kanë bllokuar lëvrimin e këstit të fundit, në mes të një mosmarrëveshjeje nëse duhet apo jo të lehtësohet shlyerja e borxheve për Greqinë në një nivel të qëndrueshëm.

Pas Londrës edhe Parisi në panik. Mediat e huaja raportojnë se një person ka sulmuar një agjent policie me çekiç në afërsi të Notre Dame. Agjenti ka pësuar lëndime.

Më pas policia ka qëlluar mbi autorin duke e lënë të plagosur. Ndërkohë mësohet se e gjitha zona është evakuuar për të evituar ndonjë rrezik të mundshëm.

Policia po kreh lagjen “Ile de la Cite” në qendër të Parisit, në kërkim të bashkëpunëtorëve të mundshëm të agresorit.

Rreth 900 njerëz janë bllokuar në katedrale. “Ata janë të qetë, ua shpjeguam situatën dhe po presim që të mund të dalim jashtë,” shpjegoi për TV BFM një anëtar i dioqezës, përgjegjës për komunikim, që ndodhej në kishë. Për atë çfarë ndodhi po heton anti-terrorizmi, çka flet për një akt terrorist.

Franca është në gjendje të jashtëzakonshme, që pas sulmeve terroriste në Paris që lanë 130 të vdekur në vitin 2015.

Autoritetet e Serbisë i ndaluan ish-Presidentes Atifete Jahjaga që të marrë pjesë në një takim në Beograd. Eurodeputetja Ulrike Lunacek dënon ashpër këtë sjellje të Serbisë.

Ashtu siç ishte parashikuar samiti i G7 në Taormina të Italisë, një nga impenjativët e viteve të fundit nuk ka mundur ende të gjej sintezën e duhur të bashkëpunimit mes 7 vendeve më të fuqishme të botës në çështje të lidhura me klimën, tregtinë ndërkombëtare e krizën e emigrantëve.

“Të mos fundosemi në detin e të këqijave të jetës”. Këtë kujtoi Papa, duke kremtuar Meshën në Sheshin Kenedy të Gjenovës. Gjatë ditëve tona  rendim e punojmë shumë, merremi me një mori gjërash, pastaj rrezikohemi të arrijmë në mbrëmje të lodhur e me shpirtin e rënduar, të ngjashëm me një anije ngarkuar me mallra që, pas një lundrimi të lodhshëm, hyn në port me një dëshirë të vetme: të ankorohet e të shuajë dritat – vërejti Papa. – Të jetosh gjithnjë në rendje, me shqetësimin e njëmijë sendeve që duhen bërë, ka rrezik të habitemi, të mbyllemi në vetvete e të shqetësohemi edhe për gjëra pa pikë rëndësie:

“Që të mos fundosemi në detin e të këqijave të jetës, duhet të kujtohemi ditë për ditë ta hedhim spirancën në Zotin: t’i çojmë para tij barrët e rënda, njerëzit, situatat, t’ia besojmë gjithçka. Kjo është forca e lutjes, që lidh qiell e dhe, që i krijon Zotit kushtet të ndërhyjë në kohën tonë”.

Jezusi është si avokat, të cilit mund t’ia besojmë çështjet më të vështira – kujtoi Papa – Ja, fjala-kyçe e pushtetit të Jezusit: ndërmjetësim! Jezusi ndërmjetëson pranë Atit për ne çdo ditë, çdo çast. Në çdo lutje, në çdo kërkesë tonën për falje, posaçërisht në Meshë, Jezusi ndërmjetëson; i tregon Atit shenjat e jetës së tij të flijuar, plagët e tij. E ndërmjetëson, duke  nxjerrë për ne hirin e mëshirës. Eshtë avokati ynë e, kur kemi ndonjë çështje të rëndësishme, bëjmë mirë t’ia besojmë, t’i themi:

“O Zot Jezus, ndërmjetëso për mua, për ne, për këtë njeri, për këtë situatë”.

Lutja e krishterë – kujtoi Papa Bergoglio – nuk është mënyrë për të ndenjur paksa në paqe me vetveten, ose për të gjetur harmoni shpirtërore: ne lutemi ‘për ta çuar gjithçka para Zotit, për t’ia beauar botën: lutja është ndërmjetësim. Nuk është qetësi, është bamirësi. Lutje do të thotë të kërkosh, të lypësh, të trokasësh. Është të vihesh në lojë, për të ndërmjetësuar, duke ngulmuar para Zotit njëra palë, për tjetrën. Të ndërmjetësojmë pa u lodhur kurrë: kjo, përgjegjësia jonë e parë, sepse lutja është forca, që e çon përpara botën. Është misioni ynë, mision që në të njëjtën kohë kërkon lodhje e jep paqe. Ja pra, pushteti ynë: nuk duhet të dalim mbi të tjerët, e as të bërtasim më fort, sipas logjikës së kësaj bote, por të përdorim forcën e butë të lutjes, me të cilën mund të ndalojmë edhe luftërat e të fitojmë paqen.

Gjatë homelisë, Papa e krahasoi të krishterin me maratonomakun. Nuk është vrapues shpejtësie, as kampion, që duhet të arrijë i pari. Është shtegtar, misionar, maratonomak që çon lajmin e shpresës. I butë, por i vendosur të vrapojë plot besim, e njëkohësisht aktiv; plot me frymë krijuese, e njëkohësisht me respekt; i shkathët e i hapur, punëdashës e solidar. Me këtë stil t’i përshkojmë udhët e botës. Si për dishepujt e zanafillës janë udhët e botës: e sidomos atje ku Zoti pret të njihet, sot:

“Si në origjinë, Zoti dëshiron që kumtimi të çohet me forcën e Tij: jo me forcën e botës, por me forcën  e kulluar e të butë të dëshmisë gazmore. Kjo është urgjente! T’i kërkojmë Zotit hirin të mos fosilizohemi në çështje, që nuk janë themelore, por t’i kushtohemi me mish e me shpirt urgjencës së misionit. T’ua lëmë të tjerëve  përgojimet e diskutimet e shtira të atyre, që vetë flasin e vetë dëgjojnë e të punojmë konkretisht për të mirën e përbashkët e për paqen”.  Radio Vatikani