Pra plot përgjegjësi edhe këtë herë, Balla edhe këtë javë nuk e la pa ndjekur Foltoren sikurse edhe mitingun e protestës një javë më parë apo edhe të tjera tubime përpara kryeministrisë, nga ish dritaret e Komitetit Qendror të PPSH. Mjetet shprehëse Ballës i janë varfëruar dhe lodhur dhe ka mbetur tek humori shkodranit Besnik Çinari apo përsëritja siç ATSH-ja ja quan:- ‘ciklin e komenteve ironike me “krushq”…’  . 

Por të bësh në mënyrë të përsëritur si Z. Taulant Balla, përqeshjen e çdo tubimi apo të çdo foltoreje e jo më mitingu proteste, kësaj i thonë të kuptosh përmbajtjen përmes Ballës. Falë jetëgjatësisë në politikë  Taulant Balla e ka të lehtë dhe misionin e tij dezinformues e humoristik dhe e kalon frazën në rrjetet sociale lirshëm si t’i vijë:- “Edhe unë mendova mos ta nxjerr sot e lënë vetëm, por me kërkesë të publikut duhet transparencë”.

Por për hir të transparencës edhe nga aty ku e ke bërë shkrepjen po të bësh pas vetëm një metër i bie të shohësh, “skuadrën portokalli”, ose shtetarët/ret dordolecë me uniformën e korrupsionit. Kjo është ajo që qytetarët po shohin, opozita dhe media po lufton t’i nxjerrë çdo ditë në sipërfaqe dhe së fundmi drejtësia t’u hapë proceset penale. Janë po ajo “skuadër portokalli”, që Vlorën e kanë lënë pa ujë, që të mos flasim për tunelin, aeroportin apo edhe çdo vepër infrastrukturore nga jugu në veri ku përvetësohen taksat e shtetasve.

Dhe kështu mbyllet çdo përrallë e së Hënës për  kreun e grupit parlamentar të Partisë Socialiste, Taulant Balla.

Nuk duket gjëkundi në këto situata “të turbullta”.

Përgjon opozitën duke çuar në vend urdhërat e komandantit…  ai ruhet deri tani diku aty nga mesi, por pa dalë prapa gomarit.