VOAL- Në zemër të Zyrihut, në gjashtë metra lartësi, qëndron një nebulizator i madh në formën e një unaze alumini. I vendosur në Turbinenplatz, një nga sheshet më të mëdha në qytet, ky objekt synon të përhapë një mjegull freskuese për të ulur temperaturën me disa gradë gjatë ditëve më të nxehta dhe më të thata.

Duke lëshuar pika të vogla që nuk lagin kalimtarët, ndihmon për të moderuar këtë ishull të nxehtë që ndodhet në lagjen moderne, të çimentuar të Zyrihut perëndimor. Autoritetet e kanë inauguruar sot, të martën.

Instalimi është pjesë e projektit pilot “Alto Zürrus”, i nisur sot, i cili synon të prezantojë masa efektive për uljen e nxehtësisë në zona të ndryshme të qytetit. Kjo re artificiale eksperimentale do të qëndrojë aktive për dy vitet e ardhshme, deri në shtator 2024. Nisma i shtohet mbjelljes së fundit të pemëve në sheshin gri të lagjes së modës Züri West, e cila kishte të njëjtin synim. rsi-eb