Presidentja e Komisionit Evropian, Ursula von der Leyen, e ka cilësuar rrëzimin e një rakete ruse në territorin e Polonisë si një tjetër “shkelje të papranueshme” të hapësirës ajrore të Bashkimit Evropian.
Në një reagim të publikuar në platformën X, von der Leyen shprehu mbështetjen për Poloninë dhe popullin polak, duke theksuar se Bashkimi Evropian do të vazhdojë të ndihmojë Ukrainën në përballjen me agresionin rus.
“Një tjetër shkelje e papranueshme e hapësirës ajrore të BE-së, e shkaktuar nga sulmet e fundit të Rusisë në Ukrainë, këtë herë mbi Poloni. Për t’i dhënë fund kësaj, ne po e ndihmojmë Ukrainën ta fitojë këtë luftë në çdo mënyrë që mundemi. Në të njëjtën kohë, ne po ndërtojmë një arkitekturë të fortë evropiane të sigurisë në tokë, në det dhe në ajër”, shkroi ajo.
Deklarata e presidentes së Komisionit Evropian vjen pasi kryeministri polak, Donald Tusk, bëri të ditur se objekti që ra gjatë natës në lindje të Polonisë duket të jetë një raketë ruse.
Autoritetet polake vijojnë hetimet për të përcaktuar identitetin përfundimtar të objektit dhe rrethanat e incidentit, ndërsa ngjarja ka shtuar shqetësimet për sigurinë përgjatë kufirit lindor të NATO-s dhe Bashkimit Evropian. bw
Eurodeputeti i grupit të Partisë Popullore Europiane (EPP), Tomáš Zdechovský, ka lëshuar akuza dhe paralajmërime të forta ndaj kryeministrit Edi Rama, duke deklaruar se Bashkimi Europian nuk do të pranojë një Shqipëri me probleme korrupsioni dhe mungesë transparence zgjedhore.
Zdechovský tha për Syri Tv se situata në Shqipëri është shqetësuese dhe se përdorimi i pushtetit në mënyrë jo demokratike do të ketë pasoja.
“Ne kemi një pasqyrë të qartë të situatës në Shqipëri. Nuk është e mundur të vazhdohet kështu. Korrupsioni nuk do të jetë kurrë pjesë e Bashkimit Europian dhe zoti Rama duhet ta dijë se nëse keqpërdor pushtetin në mënyrë jo demokratike, ai nuk do të bëhet kurrë pjesë e BE-së”, u shpreh eurodeputeti.
Ai deklaroi se mesazhi ndaj kryeministrit shqiptar është i qartë dhe se të njëjtin qëndrim e kanë përcjellë edhe partnerë të tjerë ndërkombëtarë.
“Është e nevojshme të ushtrohet presion. Nga Bashkimi Europian mund të jeni të sigurt se situata në Shqipëri po monitorohet dhe qëndrimi ynë është absolutisht i qartë. Nëse zoti Rama nuk përgatit zgjedhje transparente, do të ketë pasoja, veçanërisht për të dhe familjen e tij”, tha Zdechovský.
I pyetur nga moderatori Flavio Qarri për kuptimin e deklaratës “pasoja për të dhe familjen e tij”, eurodeputeti pretendoi se bëhet fjalë për hetimin e lëvizjeve financiare.
“Ne kemi vënë re se ai përdor familjen e tij për të çuar para jashtë shtetit. Ne po ndjekim paratë. Është një mesazh i qartë dhe ai do ta kuptojë shumë mirë”,deklaroi Zdechovský.
Biseda në studio:
Flavio Qarri: Now, that brings us to our direct problem. Not only with Serbia, but with our Prime Minister, which has maybe same, maybe more corruption, at least that’s what our institutions say. I’m not giving my opinion right now. We have even worse than corruption problems with elections. We don’t know who actually voted for the ruling party in Albania. OSCE has called it electoral autocracy, which is a nice terminology and diplomatic language for dictatorship. What about Mr. Rama in regards of Europe?
Eurodeputeti: Yes, you want to translate your question?
Flavio Qarri: Yes, thank you, I was thinking about after the answer, but… Po e përkthej për miqtë tanë. Çështja është që ne kemi një hall tjetër, ndoshta më të rrezikshëm se Vuçiç, për shkak se kryeministri ynë në terma korrupsioni, të paktën sipas institucioneve, jo për shpikjeve dhe investigimeve tona, qëndron më lart se Vuçiç në korrupsion, por më keq se aq është të paktën edhe në gjuhë diplomatike e konsideruar një autokraci elektorale, që është një mënyrë e butë për të thënë që është një diktaturë, ku nuk dihet se kush e zgjedh këtë, por që në mënyrë misterioze fiton gjithmonë zgjedhjet. Mr. Zdechovský?
Eurodeputeti: I have to say that I was the chairing the end of the mission in Albania. It was budgetary control mission, and we have it clear overview about the situation here. And we have to say that really it’s not possible to continue like this. We were absolutely straight to say that corruption is, never will be part of the European Union, and Mr. Rama have to know that he will misuse the power in undemocratic way, he will never be joined the European Union. And it was our clear message also, and the same message he received from US embassy and from other partners. Also, I think that really it’s necessary to press him, and from European Union you can really be sure that European Union is overview the situation in Albania. And we are absolutely, absolutely straight in our position. And if Mr. Rama will not prepare the transparent election, it will have it consequences, especially for him and his family.
Flavio Qarri: For him and his family. Dakord. Përgjigja e eurodeputetit, pjesë e grupit të EPP, Thomas Zdechovský, është se i vjen… unë kam qenë pjesë e emisionit të faktmbledhjes të EPP-së në Shqipëri. E kam situatën tmerrësisht të qartë. Ajo që dua t’i them kryeministrit është që keqpërdorimi i pushtetit është një gjë që nuk do të tolerohet nga Bashkimi Europian. Ta harrojë, ishte terminologjia e përdorur, anëtarësimin në BE me mënyrën sesi po shkojnë gjërat dhe kështu nuk mund të vazhdojë më. Por këtë mesazh e ka marrë edhe nga partnerët tanë, edhe nga Bashkimi Europian z. Rama.
Nuk do të ketë në Europë një Shqipëri të korruptuar, Shqipëria që do të anëtarësohet në Bashkimin Europian nuk do të ketë këto simptoma, këto trajta që ka me kryeministrin, dhe z. Rama e ka marrë një mesazh të qartë, kjo ishte fjali shumë e fortë, që nëse nuk do të ketë zgjedhje të lira dhe të ndershme dhe të adresojë problematikat e ngritura nga partnerët europianë, do të ketë pasoja për Edi Ramën dhe për familjen e tij. Can I ask you, if it’s politically correct, to elaborate what does it mean “for him and his family” consequences? A mund ta zhvillosh pak më shumë çfarë do të thotë pasoja për të dhe familjen e tij?
Eurodeputeti: Because we notes that he really use his family to take some money abroad. And we are following the money. Also, I think that it’s clear message especially for him and he will understand very well my message.
Flavio Qarri: Okay, ajo që doja të nënkuptoja me pasoja për të dhe familjen e tij është se ne e dimë që ai përdor familjarë të tij për të lëvizur para jashtë shtetit, dhe kaq mund të them, ai… ne po i ndjekim këto para dhe ai e kupton shumë mirë mesazhin tim. And I think this will be the topic of the political discussions today.
Deklarata e një ministreje të Qeverisë së Serbisë se do ta “spastronte etnikisht” Kosovën po të ishte në krye të shtetit më 1998, për vëzhguesit në Kosovë dhe në Serbi është pjesë e një modeli politik të Serbisë karshi Kosovës.
Ata kërkojnë që bashkësia ndërkombëtare të mos mjaftohet vetëm me reagime, por të ndërmarrë veprime konkrete ndaj Serbisë.
Bekim Blakaj, nga Fondi për të Drejtën Humanitare në Kosovë, thotë se as mediat, as shoqëria civile s’mund ta ndryshojnë gjuhën dhe qëndrimin e Serbisë karshi Kosovës.
Por ai thekson se Bashkimi Evropian ka në duar instrumente, në kuadër të rrugës evropiane të Serbisë, për të parandaluar një retorikë të tillë.
“Mund t’i vendosë disa sanksione, do të thosha, në mënyrë që ta zvogëlojë këtë farë qëndrimi zyrtar të Serbisë, kur bëhet fjalë për Kosovën, për stigmatizimin e shqiptarëve dhe moslejimin e realizmit të marrëdhënieve mes dy vendeve dhe dy shoqërive”, thotë ai.
Sipas Blakajt, instrumente të tilla veçse përfshihen në kapitujt e negociatave të anëtarësimit në BE, “mirëpo, mund të jenë edhe më specifikë – tek e fundit, të bëjnë edhe një lloj presioni ndërkombëtar kur ndodhin këto fjalime nga zyrtarët serbë”.
Bashkimi Evropian, i cili e ka kushtëzuar përparimin e Kosovës dhe Serbisë në rrugën drejt anëtarësimit me normalizimin e marrëdhënieve, e dënoi deklaratën që ministrja serbe e Administratës Publike dhe Vetëqeverisjes Lokale, Snezhana Paunoviq, bëri më 11 korrik në televizionin serb, Kurir.
Sipas BE-së, ajo “është në kundërshtim me vlerat e dinjitetit njerëzor, pajtimit, përgjegjësisë dhe marrëdhënieve të fqinjësisë së mirë”.
“Shiptari” e “të dalë nga mali”
Por, Paunoviq nuk është zyrtarja e vetme që ka bërë deklarata fyese apo nxitëse ndaj shqiptarëve.
Ana Bërnabiq, kur ishte kryeministre e Serbisë më 2019, tha se udhëheqësit e Kosovës ishin njerëz “të dalë nga mali” dhe “u bënë pjesë e elitës politike”.
Bërnabiq, më vonë si kryetare e Kuvendit, përdori edhe termin fyes “shiptari”, duke iu referuar mediave në Kosovë.
Ndonëse shqiptarët e quajnë veten “shqiptarë”, termi “shiptar” në gjuhën serbe konsiderohet fyes.
Forma neutrale dhe zyrtare është “Albanci”. Në vitin 2018, një gjykatë në Serbi konstatoi se përdorimi i termit “shiptar” përbën gjuhë të urrejtjes.
Megjithatë, këtë term e kanë përdorur në disa raste edhe zyrtarë të tjerë të lartë serbë, përfshirë Aleksandar Vullinin, i cili ndër vite ka mbajtur poste të rëndësishme në Qeverinë e Serbisë, si dhe ish-drejtorin e Zyrës për Kosovën në Qeverinë serbe, Marko Gjuriq, aktualisht ministër i Jashtëm.
Objekt i ofendimeve kanë qenë edhe zyrtarë të lartë të Kosovës.
Së voni, presidenti serb, Aleksandar Vuçiq, e quajti kryeministrin në detyrë të Kosovës, Albin Kurti, “fundërrinë terroriste”, ndërsa drejtori i Zyrës për Kosovën në Qeverinë e Serbisë, Petar Petkoviq, iu referua atij si “Hitleri i vogël”.
Kryeparlamentarja serbe, Ana Bërnabiq, më 4 mars 2025, tregoi raportimet e mediave në Kosovë dhe përdori ndaj tyre terma ofendues.
“Model politik”
Historiani serb, Sërgjan Millosheviq, thotë se qasja e pushtetit në Serbi ndaj shqiptarëve është karakterizuar prej dekadash nga retorika “degraduese, çnjerëzore dhe haptazi shoviniste”, e cila, sipas tij, i paraqet shqiptarët si një “kërcënim demografik dhe qytetërues”.
Ai thotë se rasti i Paunoviqit është pjesë e një modeli të kahershëm politik, ku shqiptarët nuk trajtohen si qytetarë të barabartë, por reduktohen në numra, natalitet dhe një kërcënim për serbët.
“Pas krimeve të kryera gjatë viteve ‘90, një gjuhë e tillë paraqet vazhdimin e një lloj ‘kontributi vullnetar’ të Serbisë zyrtare për pavarësinë e Kosovës, sepse konfirmon pikërisht politikën e poshtërimit dhe përjashtimit, e cila vazhdon ta shkatërrojë mundësinë e jetesës së përbashkët”, thotë ai.
Për Blakajn, kjo gjuhë tregon se elita politike në Serbi nuk është shkëputur asnjëherë nga politika që ka udhëhequr ish-presidenti i Republikës Federale të Jugosllavisë, Sllobodan Millosheviq – i akuzuar për krime lufte nga Tribunali i Hagës – karshi Kosovës.
“Asnjëherë nuk kemi dëgjuar asnjë zyrtar të lartë serbë që ka shprehur keqardhje për krimet e kryera ndaj shqiptarëve, që i ka pranuar viktimat, që ka folur për varrezat masive që janë gjetur në Serbi”, thotë Blakaj.
Ai paralajmëron se deklarata si ato të Paunoviqit, të cilat i cilëson si “luftënxitëse”, mund të shtyjnë individë ose grupe që, “kur të krijohen kushtet”, t’i shndërrojnë paragjykimet dhe stigmatizimin ndaj shqiptarëve në veprime konkrete.
Si shembull, ai përmend sulmin e armatosur ndaj Policisë së Kosovës në Banjskë, më 2023.
Qeveria në detyrë e Kosovës e dënoi ashpër deklaratën e ministres serbe.
Reagimet në Kosovë dhe Serbi
Disa serbë të Kosovës i thanë Radios Evropa e Lirë se deklarata të tilla janë “problematike dhe provokuese” dhe se, në fund, dëmtojnë vetë komunitetin serb që jeton në Kosovë.
Qeveria në detyrë e Kosovës, e cila e shpalli Paunoviqin person të padëshiruar, tha se Serbia nuk është distancuar asnjëherë nga politika e Millosheviqit.
Sipas saj, qëndrimet e tilla nuk janë thjesht deklarime, por “aspirata nga të cilat shteti zyrtar i Serbisë nuk ka hequr dorë”.
Presidenti serb, Vuçiq, tha se deklarata e Paunoviqit nuk pasqyron politikën zyrtare të Serbisë.
Vetë Paunoviq – nënkryetare e Partisë Socialiste të Serbisë, partisë së dikurshme të Millosheviqit – nuk i tërhoqi fjalët e saj, por tha se ato “janë nxjerrë jashtë kontekstit” dhe i kërkoi falje Vuçiqit dhe Qeverisë së Serbisë për reagimet që ka shkaktuar.
Gjatë luftës në Kosovë, më 1998-1999, u vranë mbi 13.000 civilë, ndërsa më shumë se 1.500 persona – shumica shqiptarë – vazhdojnë të jenë të zhdukur.
Tribunali i Hagës konstatoi se udhëheqësit e Jugosllavisë së atëhershme dhe drejtuesit e aparatit të sigurisë ishin pjesë e një “ndërmarrjeje të përbashkët kriminale”, që synonte dëbimin me forcë të qindra mijëra shqiptarëve nga Kosova.
Për krime kundër shqiptarëve të Kosovës u dënuan disa zyrtarë të lartë politikë, policorë dhe ushtarakë serbë. rel
Komisionarja për Zgjerim e Bashkimit Evropian, Marta Kos, përsëriti dënimin e saj ndaj deklaratës së ministres të Qeverisë serbe, Snezhana Paunoviq, lidhur me “spastrimin etnik” në Kosovë dhe shprehu habinë që ajo vazhdon të mbetet ministre.
Kos u bëri thirrje politikanëve në vendet kandidate për anëtarësim në BE që të kenë parasysh se çdo fjalë e thënë ka peshë.
“Ishte tronditëse të dëgjonim diçka të tillë në vitin 2026. Nuk do ta përsëris as atë që ajo tha. Ishte vërtet tronditëse të dëgjohej një deklaratë e tillë. Nuk mund ta imagjinoj që një ministre, pas një deklarate të tillë publike, të mund të vazhdojë të ushtrojë detyrën e saj”, deklaroi komisionarja Kos, gjatë fjalimit të saj në Komitetin e Posaçëm për Mburojën e Demokracisë Evropiane të Parlamentit Evropian.
Ministrja e Administratës Shtetërore dhe Vetëqeverisjes Lokale në Qeverinë serbe, Snezhana Paunoviq, duke folur për jetën në Kosovë dhe largimin e saj nga Peja gjatë luftës, ajo deklaroi më 11 korrik se “nuk do t’i kishte likuiduar shqiptarët ashtu siç ata po përpiqen ta pastrojnë etnikisht Kosovën, por në atë mënyrë që secili që ndihej më pak qytetar i Republikës Federale të Jugosllavisë, të largohej dhe të shkonte në shtetin e vet amë”.
Kjo deklaratë u dënua edhe nga Mbretëria e Bashkuar. Sipas Londrës, gjuha e përdorur nga Paunoviq është “e neveritshme” dhe referencat për spastrim etnik s’kanë vend në shoqërinë e sotme.
Përmes një deklarate, një zëdhënës i Zyrës për Punë të Jashtme të Mbretërisë së Bashkuar, tha se në kohën kur shtetet në Ballkanin Perëndimor janë të përqendruara në ndërtimin e një të ardhmeje paqësore dhe shumetnike “deklaratat si këto synojnë të rihapin përçarjet e vjetra dhe të nxisin tensione”.
“Udhëheqësit e përgjegjshëm politikë duhet të refuzojnë një gjuhë të tillë”, u tha në deklaratë.
Presidenti serb, Aleksandar Vuçiq, ka reaguar për Paunoviqin, duke thënë se deklarata e saj nuk pasqyron vullnetin e tij, e as të Qeverisë së Serbisë, duke shtuar se politika e shtetit serb është dialogu, e jo kurrë spastrimi etnik.
Paunoviq – nënkryetare e Partisë Socialiste të Serbisë, partisë së dikurshme të Millosheviqit – nuk i tërhoqi fjalët e saj, por tha më 16 korrik se ato “janë nxjerrë jashtë kontekstit” dhe i kërkoi falje Vuçiqit dhe Qeverisë së Serbisë për reagimet që ka shkaktuar.
Deklarata e saj se do ta spastronte etnikisht Kosovën nëse do të ishte në krye të shtetit më 1998 nxiti reagime të shumta dhe Kosova më 14 korrik e shpalli atë person të padëshiruar, duke i ndaluar ndaluar përgjithmonë hyrjen ose kalimin nëpër territorin e Kosovës.
Vëzhgues nga Kosova dhe Serbia thanë Radion Evropa e Lirë se deklarata e Paunoviqit është pjesë e një modeli politik të Serbisë karshi Kosovës, duke kërkuar që bashkësia ndërkombëtare të mos mjaftohet vetëm me reagime, por të ndërmarrë veprime konkrete ndaj Serbisë.
Nga Qeveria në detyrë e Kosovës i kanë thënë më herët Radios Evropa e Lirë se “problemi qëndron se shteti i Serbisë nuk ka bërë asnjëherë asnjë lloj distancimi nga politika e Millosheviqit”.
“Është mirë që të gjithë – përveçse ta dënojnë këtë gjuhë – ta kenë edhe në mendje kur flasin me Serbinë për integrimin, reformat dhe fondet, si dhe ta kuptojmë që këto nuk janë thjesht deklarime, por aspirata nga të cilat shteti zyrtar i Serbisë nuk ka hequr dorë”, thanë nga ekzekutivi kosovar.
Udhëheqësit e atëhershëm shtetërorë dhe forcat e sigurisë së Republikës Federale të Jugosllavisë u dënuan nga Tribunali i Hagës për dëbimin me dhunë të qindra mijëra civilëve shqiptarë nga Kosova, në periudhën mars-qershor të vitit 1999.
Gjatë luftës në Kosovë, në vitet 1998-1999, u vranë më shumë se 13.000 civilë, ndërsa mijëra të tjerë u zhdukën. Më shumë se 1.500 persona, shumica prej tyre shqiptarë, vazhdojnë të jenë ende të zhdukur.
Sipas të dhënave zyrtare të Komisionit Evropian, shkalla e harmonizimit të Serbisë me politikën e sanksioneve të BE-së është pak më shumë se 60 për qind. Deri më tani, Serbia nuk ka vendosur sanksione ndaj Rusisë apo Bjellorusisë në përputhje me vendimet e bllokut evropian, i cili deri tani i ka miratuar Moskës 20 paketa sanksionesh si përgjigje ndaj agresionit kundër Ukrainës.
Komisionarja Kos, duke folur para eurodeputetëve, vlerësoi se mbështetja e ulët për integrimin evropian në Serbi është edhe pasojë e mesazheve që dërgojnë politikanët, si dhe e mënyrës se si raportojnë mediat. Ajo theksoi se është e papranueshme që një vend kandidat të përdorë retorikë antievropiane, veçanërisht kundër deputetëve të Parlamentit Evropian, gazetarëve dhe të gjithë atyre që kritikojnë zhvillimet në vend.
Komisionerja europiane për Zgjerimin, Marta Kos, ka komentuar situatën në Shqipëri, duke u ndalur te protestat kundër qeverisë dhe te reformat që lidhen me procesin e integrimit europian.
Kos theksoi se mbrojtja e mjedisit është pjesë e kritereve të anëtarësimit në Bashkimin Europian dhe se Shqipëria duhet të harmonizojë legjislacionin me atë europian. Ajo kujtoi se me autoritetet shqiptare ishte rënë dakord që gjatë këtij viti të shfuqizoheshin amendamentet e vitit 2024 të ligjit për zonat e mbrojtura, si edhe ligji për investimet strategjike.
“Përpara se të nisnin këto protesta, kishim rënë dakord me Shqipërinë që gjatë këtij viti të shfuqizoheshin amendamentet e vitit 2024 të ligjit për zonat e mbrojtura dhe të shfuqizohej ligji për investimet strategjike. Këto ndryshime do të duheshin bërë për të mbyllur negociatat për kapitullin 27, që ka të bëjë me mjedisin dhe ndryshimet klimatike.
Inkurajoj autoritetet, siç dëgjuam që do ta bëjnë këtë gjë, që të veprojnë sa më shpejt të jetë e mundur. E dimë që kjo është një çështje shumë e rëndësishme në debatin publik shqiptar.
Protestat janë pjesë e proceseve më të gjera demokratike dhe mënyra se si vendet i trajtojnë këto protesta është pjesë thelbësore e proceseve demokratike. Kështu që qeveria shqiptare duhet të marrë hapa përpara dhe të trajtojë shqetësimet e qytetarëve.
Por, siç thashë, procesi i anëtarësimit është një proces në vazhdimësi. Kapitulli 27 është një kapitull kërkues, kështu që sigurisht jo vetëm për shkak të kësaj proteste, por mbi të gjitha që Shqipëria të harmonizojë legjislacionin për të cilin kemi rënë dakord kur çelëm grupkapitullin. Jemi të sigurt që asgjë nuk do të ndodhë në këtë fushë që nuk do të jetë e harmonizuar me legjislacionin evropian.”, deklaroi Marta Kos.
Komisionerja nënvizoi se trajtimi i protestave dhe adresimi i shqetësimeve të qytetarëve janë pjesë e funksionimit normal të një demokracie, ndërsa përsëriti se harmonizimi i legjislacionit shqiptar me atë të Bashkimit Europian mbetet një kusht i rëndësishëm për ecurinë e negociatave të anëtarësimit. bw
ITALI– Deklaratat e ministres së Qeverisë së Serbisë, Snezhana Paunoviç, për Kosovën kanë shkaktuar reagime të forta në arenën ndërkombëtare. Eurodeputeti italian Sandro Gozi i ka cilësuar ato si skandaloze, dhe i ka kërkuar presidentit Aleksander Vuçiç që të marrë masa ndaj ministres.
Ai deklaroi se qëndrimet e ministres lidhen me politikat për të cilat ish-presidenti jugosllav Slobodan Millosheviq u akuzua para Tribunalit Penal Ndërkombëtar për ish-Jugosllavinë, ndërsa zyrtarë të tjerë serbë dhe jugosllavë u dënuan për krime lufte.
““Në çdo demokraci të bazuar në sundimin e ligjit, deklarata të tilla do të ishin të papajtueshme me ushtrimin e një funksioni publik. Presidenti i Serbisë, Aleksandar Vuçiç, duhet t’i dënojë pa mëdyshje këto deklarata dhe të sigurojë shkarkimin e saj të menjëhershëm”, tha Gozi.
Reagimi i eurodeputetit erdhi pas deklaratës së Paunoviçit për televizionin serb “Kurir”, ku ajo u shpreh se, nëse do të kishte qenë në vendin e Millosheviçit në vitin 1998, do të kishte ndjekur një politikë të spastrimit etnik në Kosovë. Deklarata ka nxitur reagime dhe dënime edhe nga institucionet dhe figura politike në Kosovë./Dosja.al
Në nisje të protestës së 45-të njëri prej aktivistëve u shpreh se protesta i ka treguar Europës se Rama është një Lukashenko i dytë dhe jo një lider novator siç e paraqet veten.
Ai shtoi se qeveria po sillet njëlloj si ajo e Ramiz Alisë gjatë protestave të studentëve në fillim të ’90.
Protestuesi:Arritjet e kësaj proteste, për 45 ditë janë të jashtëzakonshme. Të paimagjinueshme deri në ditën që kjo protestë nisi.
Kjo protestë ka denoncuar fuqishëm korrupsioni ne kësaj qeverie. Dalja masive e rinisë e ka mplakur këtë qeveri të korruptuar si kurrë më parë. Për 45 ditë qëndresë paqësore kemi arritur t’ja çjerrim maskën këtij kryeministër që kudo që shkonte paraqitej dhe propagandonte veten si lider novator. Por për 45 ditë i treguam Europës dhe jo vetëm se ky nuk është lider novator, por Edi Rama thjesht është një Lukashenko i dytë. Justifikohet se e mban pushtetin me votat e popullit. Sistemi autokratik ku pakica përfiton në kurriz të shumicës. Kjo e ka nxjerrë popullin në shesh.
Kjo rini kaq kreative për 45 ditë ka nxjerrë në pah fytyrën e vërtetë të këtij pushteti. Njësoj si Ramiz Alia po abuzojnë se pas qytetarëve të lirë dhe të ndershëm qëndrojnë forca të errëta. Faleminderit gazetarëve që na sollën në vëmendje deklaratat e Ramiz Alisë se nuk ka asnjë dallim ai sistem para 90, që përpiqen të na delegjitimojnë me akuza të pavërteta. Në pamundësi, kryeministri bashkë me qeverinë kanë vendosur të na përgjigjen me arrogancë ndërsa ne përgjigjemi me rezistencë derisa ata të largohen. Panorama
Presidenti i Gjermanisë, Frank-Walter Steinmeier, ka deklaruar se pushtimi rus i Ukrainës në vitin 2022 ka shkelur arkitekturën evropiane të sigurisë, ndërsa paralajmëroi se Evropa po përballet me një periudhë të re sfidash gjeopolitike.
Në një intervistë për televizionin publik gjerman ZDF, Steinmeier tha se sulmi i Rusisë ndaj Ukrainës dhe ndryshimet në politikën amerikane përbëjnë një “pikë kthese të dyfishtë historike”, duke kërkuar një qasje realiste në marrëdhëniet ndërkombëtare.
“Rusia, me sulmin e saj ndaj Ukrainës në vitin 2022, theu arkitekturën evropiane të sigurisë”, u shpreh presidenti gjerman.
Duke iu referuar Shteteve të Bashkuara, Steinmeier tha se administrata e presidentit Donald Trump po reflekton një ndryshim në perceptimin e vlerave tradicionale, por theksoi se Gjermania dhe Evropa vazhdojnë të kenë nevojë për partneritetin me SHBA-në.
“Ne kemi nevojë për Shtetet e Bashkuara. Për Gjermaninë dhe Evropën është thelbësore të mbrojmë rendin ndërkombëtar, ligjin dhe rregullat”, tha ai.
Presidenti gjerman shprehu gjithashtu shqetësim për rritjen e forcave populiste dhe ekstremiste, duke u bërë thirrje qytetarëve të votojnë me përgjegjësi për të mbrojtur demokracinë.
“Kur qytetarët shkojnë në votime, nuk vendosin vetëm për një parti politike, por edhe për ruajtjen e sistemit demokratik apo hapjen e rrugës për alternativa autoritare”, deklaroi Steinmeier.
Në planin e brendshëm, ai përshëndeti reformat e fundit të qeverisë federale në fushën e pensioneve, shëndetësisë dhe sigurimeve shoqërore, duke theksuar se suksesi i tyre do të varet nga rritja ekonomike dhe zbatimi i qëndrueshëm i tyre.
Ditën kur Rusia bombardoi Kievin për herë të tretë brenda një jave, presidenti ukrainas ndodhej 1.200 kilometra larg, duke kërkuar leje për të prodhuar armët që mund të ndalonin, ose së paku të zbusnin, sulmet shkatërruese të Rusisë.
Ukrainës i duhen shumë gjëra ndërsa përpiqet t’i rezistojë pushtimit të plotë rus, që ka hyrë tashmë në muajin e 52-të.
Por, mbi të gjitha, asaj i duhet një mënyrë për të zmbrapsur armët shkatërruese që Rusia po përdor kundër saj: raketat balistike.
Deri vonë, sistemi amerikan i mbrojtjes ajrore Patriot konsiderohej mënyra e vetme e besueshme për të interceptuar raketat balistike.
Por rezervat ukrainase të raketave interceptuese për këtë sistem po shterojnë, e edhe Shtetet e Bashkuara kanë më pak rezerva, pasi shumë prej tyre janë përdorur nga forcat amerikane në Lindjen e Mesme për t’u mbrojtur nga sulmet iraniane.
Për këtë arsye, Kievi kërkon t’i prodhojë vetë raketat interceptuese për sistemin Patriot.
Por, për ta bërë këtë, i duhet miratimi i Uashingtonit.
Më 8 korrik, presidenti ukrainas, Volodymyr Zelensky, mori atë që kërkonte.
“Do t’ua japim të drejtën të prodhojnë Patriot”, tha presidenti amerikan, Donald Trump, i ulur pranë Zelenskyt në margjinat e samitit të NATO-s në Turqi.
“Do t’ju japim licencën për të prodhuar Patriot. Kështu nuk do të mund të ankoheni se nuk po ju japim mjaftueshëm. Do t’ju them: ‘Prodhoni vetë’”, shtoi Trump.
Presidenti i SHBA-së, Donald Trump, dhe presidenti i Ukrainës, Volodymyr Zelensky. Ankara, 8 korrik 2026.
Nëse presidenti amerikan e mban premtimin e tij, Ukraina do të përfitonte ndjeshëm.
Kjo do të forconte jo vetëm pozitën e presidentit Zelensky, por edhe mbrojtjen ajrore të vendit, e cila po përballet me sulme gjithnjë e më intensive.
Kievi, në veçanti, ka qenë objektiv i sulmeve të njëpasnjëshme me dronë, raketa lundruese dhe raketa balistike ruse.
Sulmi i 2 korrikut, ku u vranë më shumë se 30 persona, ishte një nga më të përgjakshmit që nga fillimi i pushtimit rus në shkurt të vitit 2022.
Por, edhe pse Rusia i ka intensifikuar sulmet, Ukraina ka arritur të përmirësojë ndjeshëm mbrojtjen e saj ajrore gjatë luftës.
Forcat ajrore ukrainase kanë rritur aftësinë për të rrëzuar dronët dhe raketat lundruese ruse, ndërsa industria vendase e mbrojtjes ka shtuar prodhimin e sistemeve të reja të armatimit, përfshirë ato për mbrojtjen ajrore.
Që nga janari, sipas vlerësimeve të organizatës londineze Qendra për Qëndrueshmërinë e Informacionit, Ukraina ka arritur të rrëzojë 90 për qind të dronëve rusë me rreze të gjatë veprimi dhe 80 për qind të 722 raketave lundruese të lëshuara nga Rusia.
Por, situata është krejt ndryshe kur bëhet fjalë për raketat balistike.
Nga 522 raketat balistike që Rusia ka lëshuar këtë vit, rreth 70 për qind kanë arritur objektivat e tyre, pa u ndalur nga mbrojtja ajrore ukrainase.
Arma kryesore balistike e Rusisë është raketa tokë-tokë Iskander-M, me rreze veprimi rreth 500 kilometra dhe shpejtësi deri në 7 mach, që i mundëson të godasë objektiva brenda pak minutash.
Gjatë sulmit të 6 korrikut, sipas Forcave Ajrore të Ukrainës, asnjë nga 23 raketat Iskander-M nuk është rrëzuar.
Po ashtu, gjashtë raketa hipersonike Tsirkon goditën objektivat e tyre, pasi Ukraina nuk kishte mjaftueshëm raketa interceptuese për t’i ndalur.
“Për t’i rrëzuar raketat balistike duhen mjetet e duhura. Ne kemi mjaft sisteme, por ajo që na mungon, është një furnizim i qëndrueshëm me raketa interceptuese”, tha zëdhënësi i Forcave Ajrore të Ukrainës, koloneli Yuriy Ihnat, pas sulmit të 2 korrikut.
Sipas tij, Rusia po e shfrytëzon mungesën e raketave interceptuese Patriot, jo vetëm në Ukrainë, por edhe në nivel global.
“Rusia e di se Ukraina – dhe në fakt e gjithë bota – po përballet me mungesë serioze të raketave interceptuese Patriot. Pikërisht për këtë arsye, ajo mbështetet gjithnjë e më shumë te sulmet me raketa balistike”, tha Ihnat.
“Raketat Patriot janë jashtëzakonisht komplekse”
Sistemi Patriot, i prodhuar nga kompanitë amerikane Lockheed Martin dhe RTX Corporation, nuk përbëhet vetëm nga raketat interceptuese.
Një bateri Patriot përfshin edhe lëshuesin e raketave, radarin, antenën me frekuencë të lartë, qendrën e komandimit dhe një gjenerator energjie.
Sipas Qendrës për Studime Strategjike dhe Ndërkombëtare, kostoja e një sistemi të plotë Patriot arrin në rreth 1.1 miliard dollarë.
Prej tyre, rreth 400 milionë dollarë kushtojnë lëshuesi dhe pajisjet e tjera, ndërsa 690 milionë dollarë raketat interceptuese.
Besohet se Ukraina disponon të paktën shtatë sisteme Patriot: tri të furnizuara nga Shtetet e Bashkuara, tri nga Gjermania dhe të paktën një nga një grup i aleatëve evropianë.
Megjithatë, jo të gjitha janë funksionale në të njëjtën kohë, kryesisht për shkak të mirëmbajtjes.
Përveç Patriotit, Ukraina përdor edhe sistemin franko-italian të mbrojtjes ajrore SAMP/T.
Ky sistem është efektiv kundër raketave lundruese dhe dronëve, por konsiderohet më pak i besueshëm përballë raketave balistike, të cilat fluturojnë më lart dhe me shpejtësi shumë më të madhe.
Ajo që Ukrainës i mungon më së shumti, janë vetë raketat interceptuese të sistemit Patriot, modelet PAC-2 dhe PAC-3.
Prej muajsh, zyrtarët ukrainas i kanë kërkuar administratës amerikane leje për t’i prodhuar vetë këto raketa.
Njëkohësisht, ata kanë kërkuar mbështetje edhe nga aleatët evropianë.
“Ukrainasit na kanë thënë se mund të zhvillojnë një raketë interceptuese pothuajse të barasvlershme me modelin PAC-2 brenda më pak se një viti dhe se mund ta prodhojnë në numër të madh”, tha një diplomat i lartë i NATO-s për Radion Evropa e Lirë.
Megjithatë, ekspertët janë skeptikë se Ukraina do të jetë në gjendje të nisë prodhimin masiv të këtyre raketave në një periudhë të shkurtër.
“Nuk jam i mendimit se ne në Ukrainë mund të krijojmë prodhim të licencuar” të raketave PAC-3, thotë Valeriy Romanenko, ish-oficer i mbrojtjes ajrore në Ukrainë, i cili tani ligjëron në Universitetin Kombëtar të Aviacionit në Kiev.
Sipas tij, ekzistojnë dy pengesa kryesore.
“Së pari, të gjitha ndërmarrjet tona janë objektiv i sulmeve me raketa balistike ruse dhe aktualisht nuk jemi në gjendje t’i mbrojmë ato. Së dyti, do të përballemi me të njëjtat probleme si prodhuesit aktualë – mungesën e komponentëve”, thotë Romanenko.
Edhe Jennifer Kavanagh, studiuese e lartë dhe drejtoreshë e analizave ushtarake në organizatën amerikane Defense Priorities, vlerëson se miratimi politik nuk mjafton.
“Trump mund ta ketë dhënë miratimin e tij, por plani ende nuk është i realizueshëm. Ukraina duhet të ndërtojë objekte prodhimi që i përmbushin standardet e eksportit, t’i sigurojë komponentët e nevojshëm dhe të kalojë një sërë procedurash ligjore amerikane”, thotë Kavanagh.
Sipas saj, edhe nëse Ukraina arrin t’i prodhojë raketat Patriot, kjo nuk do të ndodhë shpejt.
“Në rastin më të mirë, ato do të prodhohen në numër të kufizuar dhe vetëm pas një ose më shumë vitesh. Kjo nuk është diçka që do ta ndihmojë Ukrainën në një periudhë afatshkurtër”, thotë ajo.
Kavanagh paralajmëron edhe për një tjetër rrezik: mundësinë që teknologjia e klasifikuar të përfundojë në duart e kundërshtarëve të SHBA-së.
“Ka rreziqe shumë të mëdha në transferimin e kësaj teknologjie në Ukrainë. Sipas mendimit tim, nëse Ukraina merr licencën, është shumë e mundshme që teknologjia të përfundojë në duart e Rusisë dhe Kinës”, thotë ajo.
Sipas Romanenkos, për Ukrainën do të ishte më e dobishme një strategji tjetër: sigurimi i më shumë raketave me rreze të gjatë veprimi për të goditur fabrikat ruse të armëve dhe njësitë që lëshojnë raketa balistike.
Ai përmend si shembull raketat amerikane Tomahawk.
Ai thotë se, vitin e kaluar, Departamenti amerikan i Mbrojtjes dha miratimin për furnizimin e Ukrainës me raketa Tomahawk, por vendimi përfundimtar ende nuk është marrë nga Shtëpia e Bardhë.
“Unë jam mbështetës i mbrojtjes aktive. Duhet t’i godasim prodhuesit rusë të raketave dhe njësitë që i lëshojnë këto raketa balistike”, thotë Romanenko.
“Për të goditur në mënyrë efektive industrinë ushtarake ruse, na duhen raketa të fuqishme me rreze të gjatë veprimi, si Tomahawk ose raketa lundruese që lëshohen nga avionët”, shton ai.
Kompania ukrainase Fire Point, e njohur për zhvillimin e dronëve me rreze të gjatë veprimi dhe të raketave lundruese Flamingo, po punon për një sistem vendas të mbrojtjes ajrore.
Qëllimi është që ky sistem të plotësojë, ose në të ardhmen edhe të zëvendësojë, sistemin Patriot.
Muajin e kaluar, kompania njoftoi se kishte testuar me sukses sistemin e ri, të quajtur Freya.
Por, analistët paralajmërojnë se do të duhen edhe disa muaj përpara se ky sistem të jetë plotësisht operacional dhe i gatshëm për përdorim në fushën e betejës.
VOAL- Ukraina ka nevojë urgjente për sisteme anti-ajrore Patriot për t’u mbrojtur nga sulmet raketore ruse, ndërsa mbështetet gjithnjë e më shumë në dronë të tjerë për t’u mbrojtur nga dronët.Midis tyre është një interceptor nga Shtetet e Bashkuara, i projektuar nga një kompani e Silicon Valley dhe i bazuar në sensorë dhe inteligjencë artificiale.Kushton rreth 15 000 dollarë.Kjo është teknologji moderne e luftës, e cila po testohet në terren në teatrin ukrainas të luftës. “Ky dron është projektuar për të zbuluar në mënyrë autonome objektivat ajrore, për t’i ndjekur ato dhe për t’i shkatërruar automatikisht. Është shumë i besueshëm dhe efektiv”, shpjegon ushtria e Kievit.Burrat e Divizionit të 101-të Autonom Kundërajror të Korpusit të 30-të Detar të Forcave të Armatosura të Ukrainës kapin dronë si Shahed-ët rusë brenda një rrezeje prej rreth 40 kilometrash midis Mykolaiv dhe Kherson, në jug të vendit.Ata mbështeten në informacionin nga lart dhe paralajmërojnë për sulme.Kur objektivi zbulohet nga instrumentet, ai vihet në shënjestër.
Teknologjitë dhe aftësitë kërkohen në të gjithë botën
Ekzistojnë gjithashtu modele ukrainase më të lira, por po aq efektive.Teknologjitë që Kievi ka zhvilluar gjatë këtyre katër viteve të konfliktit tani kërkohen në të gjithë botën, por sipas zëdhënësit të Forcave Ajrore Yuriy Ignat, “Perëndimi nuk është i interesuar vetëm për zgjidhjet teknologjike, por edhe për taktikat e vendosjes së tyre. Mund të kesh teknologjinë, por pa njohuritë, nuk do të arrish shumë larg. Mund të kesh një radar ose një interceptor dhe të mos dish vërtet si ta përdorësh atë. Kjo është arsyeja pse instruktorët tanë shkuan në Lindjen e Mesme. Në fund të fundit, gjëja më e rëndësishme janë njerëzit. Është përvoja në terren.” Ushtarët në terren kanë shumë liri veprimi.Sipas zëdhënësit, “Ekuipazhi në terren merr vendimet. Nëse shohin, për shembull, një dron zbulues, mund ta rrëzojnë atë me një dron më të lirë dhe ta ruajnë atë më të shtrenjtë për një Shahed. Me fjalë të tjera, ata vendosin: kanë përvojën dhe zgjedhin se cilin dron të përdorin kundër çdo objektivi specifik. Dhe kjo është thelbësore, sepse – siç e dimë – fondet janë të kufizuara.”RSI
Demokratët Evropianë kanë reaguar sërish lidhur me protestat që po zhvillohen për largimin e kryeministrit Edi Rama, duke komentuar tensionet dhe shoqërimet e djeshme të disa protestuesve para Kuvendit teksa mbahej seanca plenare.
Demokratët Evropianë përmendin disa biseda që kanë qarkulluar, ku dyshohet se deputetë socialistë kanë kërkuar ndërhyrjen e policisë ndaj protestuesve.
Ata theksojnë se nëse këto biseda konfirmohen atëherë do të ngrihej një pyetje serioze për Shqipërinë, e cila kërkon të anëtarësohet në BE, që nëse pushteti politik mund të ushtrojë presion për zbatimin e ligjit kundër qytetarëve.
Sipas tyre, protestat paqësore duhet të mbrohen, dhe nuk mund të “shtypen” nga policia.
“Dje, në ditën e 31-të të protestave në Shqipëri, policia ndërhyri për herë të parë dhe pasuan arrestimet. Nëse bisedat e dyshuara të brendshme midis deputetëve socialistë konfirmohen — mesazhe që thuhet se diskutojnë një kërkesë për ndërhyrje policore kundër protestuesve — kjo do të ngrinte një pyetje serioze për një vend që kërkon rrugën e BE-së: a mund të ushtrojë ndonjëherë presion pushteti politik mbi zbatimin e ligjit kundër qytetarëve? Protestat paqësore duhet të mbrohen, jo të heshten nga forca policore.”, thuhet në reagim. gsh
Parlamentarja e BE-së Jutta Paulus ngre akuza: Letër nga rrethi i Ramës që synon të ndikojë në votim
exxtra24.at Ekipi Editorial
Bruksel/Tiranë. Eurodeputetja gjermane Jutta Paulus (Të Gjelbrit/EFA) ka zbuluar në kanalin e saj zyrtar në Instagram se ka marrë një letër nga dy politikanë të lartë të partisë në pushtet në Shqipëri pak para votimit për raportin e vitit 2025 për Shqipërinë.
Sipas saj, letrat ishin nga Taulant Balla dhe Bora Muzhaqi, të dy figura kryesore në Partinë Socialiste të Kryeministrit Edi Rama.
Letër para votimit vendimtar
Paulus shpjegon se ajo – së bashku me anëtarë të tjerë të Parlamentit Evropian – ka marrë një letër menjëherë para votimit. Në të, dy eurodeputetët u kërkuan në mënyrë të qartë eurodeputetëve të mos mbështesin amendamentet 4 dhe 17 të raportit për Shqipërinë.
Sipas dokumenteve të publikuara në Instagram, Balla dhe Muzhaqi argumentuan se amendamentet bazoheshin në një fushatë dezinformimi dhe e keqinterpretuan situatën rreth projektit të diskutueshëm të zhvillimit në Zvërnec. Ata theksuan, ndër të tjera, se: nuk ishte lëshuar ende asnjë leje ndërtimi, ishin planifikuar vlerësime gjithëpërfshirëse të ndikimit në mjedis, statusi i mbrojtur i zonës së prekur mbetej në fuqi dhe toka në fjalë ishte në pronësi private.
Paulus flet për përpjekje ndërhyrjeje Në postimin e saj, Jutta Paulus e përshkruan procesin si një përpjekje për të ndikuar në vendimin e saj dhe atë të anëtarëve të tjerë të Parlamentit Europian. Ajo sqaron se ndërhyrja erdhi direkt nga dy përfaqësues kryesorë të partisë në pushtet në Shqipëri.
Në të njëjtën kohë, eurodeputetja bëri një sqarim të rëndësishëm: Në një deklaratë të mëparshme, ajo kishte dhënë përshtypjen se letra erdhi direkt nga Kryeministri Edi Rama. Më vonë ajo e korrigjoi këtë në mënyrë të qartë. Sipas rrëfimit të saj, letra nuk u nënshkrua dhe u dërgua personalisht nga Edi Rama, por nga dy anëtarët e Parlamentit, Taulant Balla dhe Bora Muzhaqi. Dokumenti u publikua Postimi në Instagram përfshin edhe foto të letrës së plotë në gjuhën angleze. Tregon se letra iu drejtua Anëtarëve të Parlamentit Europian dhe u kërkoi atyre që të refuzonin Amendamentet 4 dhe 17. Nënshkruesit e justifikuan këtë me perspektivën e tyre mbi projektin dhe u kërkuan eurodeputetëve të mbështesnin qëndrimin e tyre. Nëse letra ndikoi në të vërtetë në sjelljen e votimit të eurodeputetëve individualë nuk është e qartë nga postimi. Megjithatë, është e sigurt se Jutta Paulus e bëri çështjen publike dhe e paraqiti atë si një shembull se si përfaqësuesit e partisë në pushtet shqiptare paraqitën qëndrimin e tyre para eurodeputetëve menjëherë para një vendimi të rëndësishëm nga Parlamenti Europian.
Ish-deputetja e PS, Marjana Koçeku e cila braktisi grupin parlamentar socialist Edi Ramën dhe iu bashkua protestuesve në shesh, i ka kërkuar Brukselit të kthejë sytë drejt Shqipërisë.
Në një postim në rrjetet sociale, “Neomalsorja” bën të ditur se ndodhet në Parlamentin Europian, me ftesë të disa eurodeputetëve, me të cilët, sipas saj, do të diskutojë për protestat qytetare dhe problematikat e shumta me të cilat përballet Shqipëria.
Ajo e cilëson qeverinë si të korruptuar dhe e akuzon pushtetin për arbitraritet, duke theksuar se po kapërcen çdo kufi.
Postimi
Evropa duhet t’i kthejë sytë drejt Shqipnisë ma shumë se kurrë. Jam e nderueme që këto ditë ndodhem në Parlamentin Evropian në Bruksel, me ftesë të disa eurodeputetëve, me të cilët do të diskutojmë mbi çështjet mjedisore, protestat e këtyne 30-ditëve dhe problematikat e shumta që po përballet vendi ynë, veçanërisht korrupsionin dhe arbitraritetin e nji pushteti që po kapërcen çdo kufi. bw
Zbardhet emaili drejtuar deputetëve të Parlamentit Evropian nga qeveria për të mos votuar dy amendamente në raportin për Shqipërinë, që kishin të bënin me projektin në Zvërnec, që shkaktoi protestën masive të qytetarëve.
Një ditë më parë, eurodeputetja gjermane Jutta Paulus, e cila mori pjesë në protestën kundër qeverisë, deklaroi se kryeministri Edi Rama i kishte dërguar një email duke i kërkuar që të mos votonte një amendament para votimit të raportit për Shqipërinë.
Në emailin, e dërguar më 16 qershor, nga Bora Muzhaqi dhe Taulant Balla, pretendohet se amendamentet 4 dhe 17 “nuk bazohen në premisa të vërteta”, por janë “rezultat i një fushate dezinformimi për të shtrembëruar të vërtetën”, duke u bërë thirrje anëtarëve të PE-së që të mos i mbështesin.
“Amendamentet 4 dhe 17 nuk bazohen në premisa të vërteta, por janë rezultat i një fushate dezinformimi për të shtrembëruar të vërtetën, prandaj ju kërkojmë me respekt të MOS i mbështesni këto dy amendamente.”, thuhet në email.
Në email, thuhet se projekti nuk ka marrë ende leje ndërtimi, por vetëm leje zhvillimi, e cila nuk autorizon nisjen e punimeve. Gjithashtu theksohet se çdo ndërtim do të kërkojë një vlerësim të thelluar të ndikimit në mjedis, ndërsa statusi i mbrojtur i zonës Pishë Poro–Nartë, sipas qeverisë, nuk ka ndryshuar.
EMAILI I PLOTE:
Emaili i plotë:
Nga: Bora Muzhaqi
Dërguar: 16 qershor 2026, ora 22:16
Cc: Taulant Balla
Subjekti: Argumentet mbi kundërshtimin e Amendamenteve 4 dhe 17 në Raportin për Shqipërinë 2025
Të nderuar Anëtarë të Parlamentit Evropian,
Po ju drejtohemi pasi ndoqëm sot në seancën plenare debatin mbi Raportin për Shqipërinë 2025, për t’ju falënderuar për raportin, ashtu siç u miratua në AFET, dhe për të shprehur shqetësimet tona lidhur me amendamentet 4 dhe 17.
Amendamentet 4 dhe 17 nuk bazohen në premisa të vërteta, por janë rezultat i një fushate dezinformimi për të shtrembëruar të vërtetën, prandaj ju kërkojmë me respekt të MOS i mbështesni këto dy amendamente.
Më poshtë do të gjeni një përmbledhje të fakteve dhe, në bashkëngjitje, një shpjegim më të detajuar të tyre.
Së pari, projekti në Zvërnec nuk ka asnjë lidhje me Deltën e Vjosës dhe nuk ka marrë leje ndërtimi. Ajo që është miratuar është vetëm një leje zhvillimi, e cila hap rrugën për përgatitjen e projektit, por nuk autorizon kryerjen e punimeve të ndërtimit.
Së dyti, përpara se të merret në konsideratë ndonjë ndërtim, zhvilluesi duhet të paraqesë një projekt të detajuar arkitektonik, dokumentacion të plotë teknik dhe, më e rëndësishmja, një Vlerësim të Thelluar të Ndikimit në Mjedis, i cili duhet të shqyrtojë ndikimet e mundshme të projektit mbi biodiversitetin, habitatet, ekosistemet, integritetin e peizazhit, lagunën dhe zonat bregdetare, si dhe qëndrueshmërinë mjedisore afatgjatë. Ky Vlerësim i Thelluar i Ndikimit në Mjedis duhet gjithashtu të sigurojë përputhshmërinë me legjislacionin mjedisor të Bashkimit Evropian dhe të Shqipërisë.
Së treti, statusi i mbrojtur i zonës nuk ka ndryshuar. Zona e Pishë Poro–Nartës ishte dhe mbetet një Peizazh i Mbrojtur, Kategoria V sipas IUCN, që nga viti 2004, gjë që lejon zhvillimin në një mënyrë që siguron bashkëjetesën e qëndrueshme të vlerave natyrore, biodiversitetit dhe veprimtarisë njerëzore.
Së katërti, sa i përket çështjeve të pronësisë, toka në fjalë është pronë private dhe qeveria shqiptare nuk është palë në asnjë transaksion pronësie që lidhet me këtë projekt.
Siç kemi dëshmuar, ne e mbështesim plotësisht mbrojtjen e trashëgimisë natyrore të Shqipërisë, siç është shprehur në raport, dhe do të vazhdojmë të ndjekim acquis-in e Bashkimit Evropian në fushën e mbrojtjes së mjedisit.
Shfrytëzojmë këtë rast për të falënderuar raportuesin, Andreas Schieder, si dhe raportuesit në hije për punën dhe angazhimin e tyre të shkëlqyer në këtë Raport për Shqipërinë 2025. gsh
VOAL- Autoritetet e Krimesë shpallën gjendje të jashtëzakonshme të premten në gadishull, i cili është shënjestruar në javët e fundit nga bastisje të rënda nga forcat ukrainase. Sergei Aksyonov, kreu i rajonit të aneksuar nga Rusia në vitin 2014, tha se “vendimi u mor kryesisht për të zgjidhur çështjet ekonomike”, sipas Tass.
Ditët e fundit, autoritetet lokale kishin ndaluar shitjen e benzinës për individë privatë pas mungesave të shkaktuara nga bastisjet ukrainase në rafineritë ruse.
Sulm masiv me dronë
Gjatë natës së kësaj jave, forcat mbrojtëse ruse rrëzuan 660 dronë ukrainas, sipas Ministrisë së Mbrojtjes Ruse.Ky është një nga numrat më të lartë që nga fillimi i konfliktit.Dronët u shkatërruan në mbi një duzinë rajonesh, përfshirë Moskën, si dhe në Gadishullin e aneksuar të Krimesë, Detin e Zi dhe Detin e Azov. Kryetari i Bashkisë së Moskës, Sergei Sobyanin, tha se të paktën 47 dronë që po shkonin drejt kryeqytetit rus ishin kapur.“Specialistët e shërbimeve të emergjencës po punojnë aty ku ranë mbeturinat”, tha Sobyanin në Telegram, por nuk raportoi viktima ose dëme. Një sulm “masiv” me dronë goditi gjithashtu rajonin Tula, rreth 180 kilometra në jug të Moskës, tha Dmitry Milyaev, guvernator i rajonit.“Një shtëpi private u dëmtua në një vendbanim në rrethin Shchekino dhe një grua u plagos”, tha Milyaev në Telegram. Ukraina ka intensifikuar fushatën e saj të sulmeve me dronë me rreze të gjatë veprimi kundër Rusisë në muajt e fundit, duke synuar veçanërisht infrastrukturën energjetike, duke synuar të privojë Kremlinin nga një burim jetësor të ardhurash për të financuar përpjekjet e saj të luftës, tani në vitin e saj të pestë.Javën e kaluar, një sulm ukrainas shkaktoi një zjarr në një rafineri në juglindje të Moskës.
Mungesë e energjisë në Krimé
Ndërprerjet e energjisë do të zbatohen në të gjithë Krimenë, të aneksuar nga Rusia, për shkak të sulmeve të fundit ukrainase ndaj infrastrukturës energjetike, njoftoi zyrtari lokal i emëruar nga Moska, Sergei Aksionov.“Infrastruktura energjetike është dëmtuar nga sulmet e armikut dhe për këtë arsye, do të ketë ndërprerje të përkohshme të energjisë në të gjithë Krimenë”, tha Aksionov në Telegram, duke siguruar se këto ndërprerje do të “targetohen” sipas nevojës. Në një përpjekje për të siguruar popullsinë e këtij gadishulli të vendosur në jug të Ukrainës dhe të aneksuar nga Moska në vitin 2014, zyrtari rus pretendoi se “siguria ushqimore” ishte plotësisht e garantuar dhe se “ilaçet e nevojshme” ishin në dispozicion. Agjencitë
Albanian Files është bërë pjesë e debateve të nxehta publike dhe politike në vend. Kritikët, analistët dhe opozita e citojnë atë si një “plan tjetërsimi” të bregdetit, zonave të mbrojtura dhe qyteteve (si Tiranë e Nartë) përmes projekteve të luksit dhe kullave. Po ju sjellim letrën e arkitektit holandez Reinier de Graf që i drejtohet Edi Ramës si Mesisë dhe e sheh si një president të përjetshëm apo Mbret të Shqipërisë!
———-
Një letër e hapur për Edi Ramën
Kryeministër i Republikës së Shqipërisë
Roterdam, 3 mars 2025
I nderuari Shkëlqesia Juaj / i dashur Edi,
Ju lutem më falni që po ju drejtohem në këtë mënyrë. Ndoshta nuk më mbani mend; jemi takuar vetëm një herë dhe unë jam thjesht një nga shumë arkitektët e huaj që po punojnë aktualisht në vendin tuaj. Po ju shkruaj për të shprehur mirënjohjen time për mundësinë që kam pasur të punoj në Shqipëri, si edhe admirimin tim më të gjerë për gjithçka që keni arritur që kur u bëtë kryeministër pak më shumë se një dekadë më parë.
Nën drejtimin tuaj, Shqipëria ka fituar pothuajse statusin e një modeli. Grupe të ndryshme fetare dhe etnike jetojnë në paqe me njëri-tjetrin; ekziston një ndarje efektive mes kishës dhe shtetit; një popullsi e re në moshë pune mban ekonominë në këmbë; pjesëmarrja e grave në tregun e punës është e lartë dhe vazhdon të rritet; Shqipëria po kërkon në mënyrë aktive anëtarësimin në Bashkimin Evropian dhe, pa harruar, ka një shije të shkëlqyer në arkitekturë.
Në një botë të çrregullt, Shqipëria po fillon të duket si përjashtimi shpresëdhënës: pro bashkëpunimit ndërkombëtar, pro vlerave progresive dhe, ndoshta më e rëndësishmja, pro arsyes – një fanar i iluminizmit përballë errësirës.
Megjithatë, qëllimi i kësaj letre shkon përtej lajkave. Po ju shkruaj sepse jam i shqetësuar. Në këtë moment, partia juaj po synon një mandat të katërt radhazi. Unë vetëm mund të shpresoj që të ketë sukses. Është e vështirë të imagjinohet një qeveri e re që do të kujdesej për arkitektët po aq mirë sa kjo aktuale.
Profesioni ynë historikisht ka qenë i varur nga mbështetja politike dhe kohët e fundit më kanë kaluar nëpër mend disa mendime të zymta. Çfarë do të ndodhë nëse socialistët nuk i fitojnë zgjedhjet? A do të marrë fund papritur kjo mekë e arkitekturës bashkëkohore? A do të thahet befas ky burim, që duket i pashtershëm, i punës? A do t’i duhet “Ushtrisë së Arkitektëve” të ulë armët po aq shpejt sa u mobilizua?
Nuk e them këtë lehtë, por për ne arkitektët do të ishte më mirë sikur zgjedhjet e ardhshme thjesht të anuloheshin. Madje do të shkoja edhe më tej.
Duke pasur parasysh statusin e qëndrueshëm të Shqipërisë si një mbështetëse e ndriçuar e arkitekturës, profesioni ynë do të përfitonte jashtëzakonisht shumë nëse vendi nuk do të zhvillonte më kurrë zgjedhje dhe nëse ju, pas mandatit tuaj të pestë radhazi si kryeministër, thjesht do të vazhdonit si president i përjetshëm – ose ndoshta edhe si mbret.
Ngjarje të mëdha historike po zhvillohen ndërsa ne flasim. Autokracia po fiton me shpejtësi terren si forma përcaktuese e qeverisjes në shekullin XXI. Shpresat për një alternativë produktive po shuhen dita-ditës. Duket sikur po dëshmojmë fundin e “Fundit të Historisë”. Në këtë kontekst, lutja ime është sa e thjeshtë, aq edhe e drejtpërdrejtë:
Në një botë autokracish, a mund të kemi të paktën një autokrat dashamirës dhe me shije?
E di që ajo që po ju kërkoj nuk është një sakrificë e vogël, por është një sakrificë me rëndësi të jashtëzakonshme. Shpresoj që ta merrni në konsideratë.
Tensionet politike, protestat e vazhdueshme dhe presioni në rritje nga qarqet e biznesit po nxisin spekulimet rreth zgjedhjeve të reja të mundshme.
Ndërsa të ashtuquajturat protesta Flamingo vazhdojnë të tërheqin vëmendjen në disa pjesë të vendit dhe në nivel ndërkombëtar, dhe debati politik në Shqipëri po bëhet gjithnjë e më i nxehtë, exxtra24 ka mësuar se skenarë të ndryshëm të ardhshëm për vendin po diskutohen brenda qarqeve politike dhe ekonomike.
Sipas informacionit të marrë nga exxtra24 nga qarqe biznesi me lidhje të mira, thuhet se po zhvillohen bisedime prapa skenave në lidhje me pasojat e mundshme politike të krizës së vazhdueshme. Këto diskutime po shqyrtojnë gjithashtu nëse dorëheqja e Kryeministrit Edi Rama mund të lehtësojë një rifillim të rregullt.
Aktualisht nuk ka konfirmim zyrtar për këtë. Megjithatë, shqetësimet po rriten në pjesë të komunitetit të biznesit se tensionet e vazhdueshme politike mund të dëmtojnë reputacionin ndërkombëtar të Shqipërisë. Sidomos duke pasur parasysh negociatat e vazhdueshme të pranimit në BE, shumë udhëheqës biznesi dhe investitorë kanë frikë se një krizë e zgjatur qeveritare mund të pengojë zhvillimin e vendit.
Disa përfaqësues të biznesit me ndikim thuhet se po lobojnë te vendimmarrësit politikë për të parandaluar përshkallëzimin e mëtejshëm dhe për të siguruar stabilitetin. Për shumë kompani, fokusi është më pak te politika partiake dhe më shumë te e ardhmja ekonomike e Shqipërisë.
Nëse Kryeministri jep dorëheqjen, rruga drejt zgjedhjeve të reja do të jetë e hapur në parim. Megjithatë, vëzhguesit theksojnë se një qeveri kalimtare do të ishte e nevojshme deri atëherë për të marrë detyrat e detyrës dhe për të siguruar një proces të rregullt demokratik.
Për muaj të tërë, përfaqësuesit e opozitës në veçanti kanë kërkuar që çdo zgjedhje e re të mbahet nën një shqyrtim të shtuar ndërkombëtar. Sipas tyre, vetëm një proces zgjedhor transparent i mbikëqyrur nga institucionet evropiane mund të rindërtojë besimin.
Nëse zhvillimet aktuale do të çojnë vërtet në një fillim të ri politik, mbetet për t’u parë. Megjithatë, ajo që është e sigurt është se Shqipëria po përballet me një fazë vendimtare. Javët e ardhshme mund të përcaktojnë nëse situata politike qetësohet apo nëse vendi po shkon drejt një krize edhe më të thellë.
Për shumë qytetarë, udhëheqës biznesi dhe vëzhgues ndërkombëtarë, një pyetje qendrore është parësore: Si mund ta sigurojë Shqipëria stabilitetin politik, ndërsa njëkohësisht ndjek kursin e saj evropian?
Në një deklaratë për shtyp, Partia Demokratike Europiane, pjesë e ‘Renew Europe’, aleancës së liberal-demokratëve në Parlamentin Europian, i bëri të martën thirrje kryeministrit të Shqipërisë, Edi Rama, që të dëgjojë zërin e protestuesve për ndryshim demokratik dhe llogaridhënie.
“E ardhmja europiane e Shqipërisë nuk duhet të rrëmbehet nga interesat oligarkike”, thuhet në nisje të qëndrimit të Partisë Demokratike Europiane, pjesë e ‘Renew Europe’, publikuar të hënën në mbrëmje, kur në Tiranë po mbahej protesta e 23-të radhazi kundër qeverisë së drejtuar nga Edi Rama.
Protesta, që nisi si një kundërshtim ndaj planeve të qeverisë për të ndërtuar një kompleks rezidencial në zonën e mbrojtur të Vjosë-Nartës, i lidhur me dhëndrin e presidentit amerikan, Jared Kushner, u shndërrua shpejt në një lëvizje anti-estabilishment me kërkesë kryesore dorëheqjen e kryeministrit.
Partia Demokratike Europiane thotë se po ndjek me shqetësim mobilizimin qytetar në Shqipëri dhe pyetjet që ai ngre për transparencën, shtetin e së drejtës dhe të ardhmen europiane të vendit.
“Ajo që nisi si një protestë kundër një projekti të kontestuar imobiliar në një zonë natyrore të mbrojtur është kthyer në një kërkesë më të gjerë për llogaridhënie dhe ndryshim demokratik. ‘Revolucioni i Flamingove’ tregon se shumë shqiptarë nuk pranojnë që aspiratat e tyre europiane të reduktohen në marrëveshje të errëta, privilegje private dhe interesa oligarkike”, thuhet në qëndrimin e demokratëve europianë.
Sandro Gozi, Sekretar i Përgjithshëm i Partisë Demokratike Europiane dhe deputet i Parlamentit Europian, thotë se “ky mesazh duhet të dëgjohet në Tiranë dhe në Bruksel” dhe se “pas trembëdhjetë vjetësh në pushtet, Kryeministri Edi Rama nuk mund t’i shpërfillë kërkesat legjitime për llogaridhënie dhe për një ndryshim të vërtetë kursi, nëse kjo është ajo që shqiptarët zgjedhin me mjete demokratike”.
“Shqipëria i përket Bashkimit Europian,” shton Gozi, “por anëtarësimi nuk mund të ndërtohet mbi mbrojtje të dobësuara, marrëveshje pas dyersh të mbyllura apo rrëmbimin e të mirave publike nga një grusht i fuqishëm. Zhvillimi duhet t’u shërbejë qytetarëve, të mbrojë trashëgiminë natyrore dhe të respektojë shtetin e së drejtës.”
“Shqipëria nuk është për shitje, e ardhmja e saj europiane duhet t’u përkasë qytetarëve të saj — jo oligarkëve”, përfundon Gozi.
Në këtë kontekst, PDE bën të ditur se Gozi paraqiti të hënën një pyetje prioritare me shkrim drejtuar Komisionit Europian, duke kërkuar se si e vlerëson ai këto zhvillime përkundrejt detyrimeve të Shqipërisë në procesin e anëtarësimit lidhur me shtetin e së drejtës, transparencën dhe mbrojtjen e mjedisit, dhe çfarë hapash do të ndërmarrë për të garantuar vendimmarrje transparente dhe respektimin e të drejtës për protestë paqësore.
Eurodeputetja franceze Manon Aubry ka reaguar publikisht në lidhje me situatën politike në Shqipëri, duke kritikuar presidentin francez Emmanuel Macron për pritjen që i bëri kryeministrit Edi Rama dhe duke shprehur mbështetje për protestat që po zhvillohen në vend.
Me këtë deklaratë, eurodeputetja franceze u shpreh kundër mbështetjes së pakushtëzuar ndaj qeverisë shqiptare, duke pretenduar se ajo po favorizon interesa të mëdha ekonomike në dëm të vendit dhe duke përshëndetur lëvizjen protestuese që është pagëzuar me emrin “Revolucioni i Flamingove Rozë”.
Në një postim në rrjetet sociale, Aubry shkruan:
“Edi Rama, kryeministri shqiptar, u prit dje nga Macron, ndërkohë që Shqipëria është në revoltë prej 23 ditësh. Franca nuk duhet t’i japë çek të bardhë një qeverie që po e shet vendin e saj interesave të Trump-it dhe oligarkëve. Rroftë Revolucioni i Flamingove Rozë!”. bw
POLITICO – Rastet e korrupsionit vazhdojnë të godasin kryeministrin spanjoll Pedro Sánchez, ndërsa ish-ministri i Transportit dhe aleati i tij kyç, José Luis Ábalos, u dënua të hënën me 24 vite burg për manipulimin e kontratave publike për maska mbrojtëse dhe furnizime të tjera mjekësore në këmbim të ryshfeteve në kulmin e pandemisë Covid.
Gjykata Supreme e Spanjës e shpalli ish-ministrin fajtor për korrupsion, përvetësim fondesh, trafik ndikimi dhe pjesëmarrje në organizatë kriminale, ndërsa ish-këshilltari i tij, Koldo García, mori një dënim prej 19 vitesh për rolin e tij në skemë.
Në një lëvizje surprizuese, gjykata pezulloi dënimin me katër vjet e gjysmë burg dhe gjobën prej 3.7 milionë eurosh ndaj biznesmenit Victor de Aldama, duke përmendur bashkëpunimin e tij me prokurorët dhe gatishmërinë për të dorëzuar dokumente kyçe që shpjegonin funksionimin e brendshëm të skemës korruptive.
Gjatë gjyqit, biznesmeni pretendoi se një pjesë e fitimeve që ai kishte ndihmuar të përvetësoheshin ishte kanalizuar drejt Partisë Socialiste dhe madje tentoi të implikonte kryeministrin, por në fund nuk arriti të paraqiste prova që mbështesnin pretendimet e tij.
Duke kritikuar butësinë e gjykatës ndaj Aldamës, ministri i Transportit, Óscar Puente, tha se shoqëria duhet ta mbajë shënim vendimin.
“Shikoni, fëmijë? Nëse kryeni krime, por më pas silleni mirë dhe ‘bashkëpunoni’, falja do të vijë,” shkroi ai në një postim në X. “Nuk do të shkoni as në burg.”
Dënimi i Ábalos dhe masa e gjatë e burgimit – më e gjata e dhënë ndonjëherë ndaj një ish-ministri qeveritar – është një goditje për Sánchez, i cili e ngriti politikanin në poste të larta si në Partinë Socialiste në pushtet, ashtu edhe në dy qeveritë e tij të para.
Kryeministri spanjoll po përpiqet të shkëputet nga numri i madh i rasteve të korrupsionit që përfshijnë aleatë të afërt politikë, të afërm dhe anëtarë të tjerë të rrethit të tij të ngushtë.
Menjëherë pas shpalljes së vendimit, lideri i opozitës, Alberto Núñez Feijóo, kreu i Partisë Popullore të qendrës së djathtë, kërkoi dorëheqjen e Sánchez.
“Kryeministri është politikisht përgjegjës për korrupsionin e ministrave të tij në detyrë,” tha ai. “Këshilltari i tij më i besuar, kujdestari dhe njeriu i porosive të regjimit të Sánchez, është dënuar.”
Megjithatë, Feijóo tha se nuk do të përpiqet të paraqesë një mocion mosbesimi në parlamentin spanjoll, pasi nuk ka gjasa që shumica e deputetëve ta mbështesin atë. Përveç nëse detyrohet të largohet, kryeministri është zotuar të qeverisë deri në vitin 2027, kur përfundon legjislatura aktuale.
Por të hënën, aleatë parlamentarë si Gabriel Rufián vunë në pikëpyetje nëse ka kuptim që Sánchez të vazhdojë të qëndrojë në pushtet, kur partia e tij po lidhet gjithnjë e më shumë me korrupsionin.
“Çfarë kuptimi ka të rezistosh vetëm për hir të rezistencës?” pyeti Rufián në X. “Të qeverisësh do të thotë të legjislosh, jo të rezistosh.”
Një kryeministër nën zjarr
Kryeministri spanjoll dikur e konsideronte Ábalos si një nga aleatët e tij më të afërt.
Pasi garda e vjetër e Partisë Socialiste e detyroi Sánchez të largohej në vitin 2016, Ábalos mbeti një mbështetës i palëkundur dhe e shoqëroi politikanin e rrëzuar në një fushatë bazë për të rimarrë kontrollin e partisë.
Kur Sánchez u rizgjodh në krye të socialistëve vitin pasues, Ábalos u promovua në një post të lartë partiak dhe u ngarkua të mbante një fjalim kyç kundër korrupsionit, i cili kurorëzoi votën e suksesshme të mosbesimit që rrëzoi kryeministrin e atëhershëm Mariano Rajoy në vitin 2018.
Pas rikthimit në pushtet, Sánchez i dha Ábalos portofolin e Zhvillimit dhe Transportit – një post kyç që mbikëqyr shumë nga kontratat publike më fitimprurëse të vendit.
Sipas vendimit të gjykatës, Ábalos përvetësoi fonde për të marrë me qira ose blerë disa prona dhe për të mbuluar shpenzime të tjera personale ndërsa ishte në detyrë.
Sánchez është përpjekur të distancohet nga Ábalos që nga viti 2021, kur ish-ministri u largua nga rolet e tij si në qeveri ashtu edhe në drejtimin e partisë. Pasi Ábalos u vendos në paraburgim më herët këtë vit, Sánchez deklaroi se ndonëse dikur kishte “besim politik” tek ish-aleati i tij, “nga pikëpamja personale, ai ishte një i panjohur i plotë për mua.”
Këto deklarata kanë bërë pak për të ulur perceptimin e korrupsionit brenda partisë në pushtet dhe rrethit të ngushtë të kryeministrit, veçanërisht pas ngritjes së akuzave muajin e kaluar ndaj ish-kryeministrit socialist José Luis Rodríguez Zapatero për pastrim parash, trafik ndikimi dhe akuza të tjera penale, si dhe pas një bastisjeje të fundit në selinë e partisë në kuadër të një hetimi të veçantë për mashtrim.
Gjatë një seance javën e kaluar, Zapatero mohoi çdo shkelje dhe premtoi se do të “japë shpjegimet e nevojshme” për të provuar “ndershmërinë dhe integritetin” e tij.
Vendimi i së hënës përmbyll pjesën e parë të një çështjeje më të gjerë që përfshin Ábalos dhe García. Gjykata Kombëtare e Spanjës po trajton procedura të veçanta lidhur me manipulimin e pretenduar të kontratave të punëve publike në këmbim të ryshfeteve, ku përfshihet edhe një tjetër ish-zyrtar i lartë socialist, Santos Cerdán.
Në një deklaratë, zyra e kryeministrit tha se qeveria “shpreh pa asnjë mëdyshje keqardhje dhe dënon sjelljet që kanë shkelur qartësisht këto parime”, duke shtuar se mbetet “e përkushtuar për të vazhduar punën për ndërtimin e një Spanje shembullore, ku korrupsioni as nuk lavdërohet dhe as nuk tolerohet.” Panorama
Qeveria gjermane ka reaguar lidhur me protestat që po zhvillohen në Shqipëri ku mijëra qytetarë kërkojnë largimin e kryeministrit Edi Rama. I pyetur nga Deutsche Welle, Zëdhënësi i Ministrisë së Jashtme të Gjermanisë, Martin Giese theksoi se e drejta për të protestuar është një e drejtë themelore e qytetarëve.
Giese u pyet nëse Berlini është në kontakt me protestuesit në Shqipëri, nëse është në dijeni të kërkesave të tyre dhe çfarë pret nga qeveria e kryeministrit Edi Rama në raport me protestat.
Zyrtari i lartë u shpreh se autoritetet gjermane kanë marrë dijeni për zhvillimet, por theksoi se ajo është një çështje e brendshme politike.
Pyetje nga Deutsche Welle: A është qeveria gjermane në kontakt me protestues në Shqipëri? A e di Berlini çfarë kërkojnë ata? Dhe çfarë pret nga qeveria e Edi Ramës në raport me protestat?
Zëdhënësi i Ministrisë së Jashtme të Gjermanisë, Martin Giese: Unë i kam marrë parasysh njoftimet për këtë. Bëhet fjalë për një projekt kundër të cilit ka protesta.
Sigurisht njerëzit në Shqipëri kanë të drejtë të protestojnë. Por kjo është një çështje e brendshme politike në Shqipëri. Për këtë nuk mund të japim shumë informacion./DW
Ngushtica e Kërçit në Krime. Fotografi ilustruese nga arkivi.
Radio Evropa e Lirë
Katër persona janë vrarë dhe 28 janë plagosur nga sulmet ukrainase me dronë në Gadishullin e Krimesë – që kontrollohet nga rusët – tha guvernatori i Krimesë, i instaluar nga Rusia.
Ndaras, autoritetet lokale në rajonin Krasnodar të Rusisë thanë se një sulm ukrainas me dronë goditi një ndërtesë për transportin e naftës, duke vrarë të paktën një person që ishte pasagjer në një traget që u përfshi nga flakët. Presidenti ukrainas, Volodymyr Zelensky, e ka konfirmuar këtë sulm.
Ministria ruse e Mbrojtjes tha se 239 dronë ukrainas janë rrëzuar gjatë natës.
Guvernatori i vendosur nga Rusia në Krime, Sergei Aksyonov tha se pikat e karburanteve në mbarë gadishullin kanë pezulluar shitjet për publikun dhe bizneset, për shkak se rezervat janë kufizuar vetëm për agjencitë qeveritare që janë përgjegjëse për shërbimet esenciale dhe të sigurisë.
Ukraina, e cila po përballet me pushtimin që Rusia nisi pesë vjet më parë, së voni ka intensifikuar sulmet në Krime – ku gjendet Flota e Detit të Zi të Rusisë – duke goditur linjat furnizuese të gadishullit dhe duke nxitur edhe një krizë për karburante.
Një operator lokal i rrjetit elektrik raportoi ndërprerje të energjisë elektrike në disa zona pas dëmtimeve në rrjetet e furnizimit me energji, ndërsa qarkullimi i trageteve nëpër Ngushticën e Kërçit, që ndan Krimenë nga rajoni i Krasnodarit, u pezullua përkohësisht.
Autoritetet gjithashtu ndaluan qarkullimin për më shumë se nëntë orë në urën e Krimesë, duke bërë që 11 trena të përballeshin me vonesa në itineraret e tyre.
Parlamenti Europian ka publikuar raportin për vitin 2026 për Shqipërinë.
Në raporti ngrihet shqetësim në lidhje me lirinë e medias dhe sulmet ndaj gazetarëve.
Parlamenti Europian dënon armiqësinë ndaj gazetarëve dhe profesionistëve të pavarur të medias, duke u ndalur në sulmet verbale dhe retorikën anti-media të përdorur nga zyrtarë të lartë.
“Dënim i fortë i retorikës anti-media nga zyrtarë të lartë: raporti “dënon fuqimisht armiqësinë ndaj gazetarëve dhe profesionistëve të pavarur të medias”, duke përmendur shprehimisht sulme verbale dhe retorikë anti-media nga zyrtarë të lartë, fushata denigruese dhe ngacmim mizogjinist online — shumica e të cilave synojnë gazetarë që raportojnë për sundimin e ligjit, korrupsionin dhe drejtësinë.
-Numër i lartë padish ndaj gazetarëve: shprehet shqetësim për numrin e lartë të padive ndaj gazetarëve (SLAPP); shpërbluarja e shpifjes dhe fyerjes nuk është bërë ende plotësisht, sipas standardeve evropiane.
-Transparenca e pronësisë së medias: kërkohet transparencë më e madhe e konflikteve të mundshme të interesit të pronarëve të medias dhe e shpërndarjes së reklamave shtetërore për të mbrojtur pavarësinë editoriale”, thuhet në raport. bw
Në raportin përfundimtar të Parlamentit Evropian për Shqipërinë 2026, ngrihen disa shqetësime që lidhen kryesisht me sundimin e ligjit dhe pavarësinë e gjyqësorit, por gjithashtu edhe me lirinë e medias dhe sulmet ndaj gazetarëve.
Sipas raportit, duhen ndjekje penale dhe dënime përfundimtare në lidhje me korrupsionin në nivele të larta.
Kujtojmë se Partia Socialiste me forcën e kartonëve pengoi arrestimin e ish-zëvendës kryeministres Belinda Balluku, duke rrëzuar kërkesën për heqjen e imunitetit të dorëzuar në Kuvend nga Prokuroria e Posaçme.
“Rënie alarmante në Indeksin e Korrupsionit: Shqipëria ka rënë nga vendi i 80-të (2024) në të 91-tin (2025) në Indeksin e Perceptimit të Korrupsionit të Transparency International. [AM 112]
-Korrupsioni mbetet “shqetësim serioz”: pavarësisht përparimit në kuadrin ligjor, raporti thekson se korrupsioni mbetet një shqetësim serioz dhe Shqipëria duhet të forcojë kapacitetet policore dedikuara.
-Mungesë rezultatesh në dënime të nivelit të lartë: kërkohet konsolidim i “track record-it” të hetimeve, ndjekjeve penale dhe dënimeve përfundimtare, sidomos në raste të korrupsionit të nivelit të lartë.
-Presion ndaj SPAK: thirrje për të garantuar pavarësinë e vazhdueshme, burimet adekuate dhe kapacitetin operacional të SPAK, “pa kufizuar fuqitë hetimore dhe pa dëmtuar punën e saj” — referencë indirekte ndaj përpjekjeve për ta dobësuar. [AM 100, 124, 128, 132, 137]
-Pasuritë kriminale: kërkohen përpjekje më të forta për gjurmimin, sekuestrimin dhe konfiskimin efektiv të aseteve kriminale”, thuhet në raport. bw
Eurodeputeti gjerman Sebastian Everding, ka ngritur në Parlamentin Europian çështjen e protestave që po zhvillohen në Shqipëri për mbrojtjen e Lagunës së Nartës dhe dorëheqjen e kryeministrit Edi Rama, duke u shprehur se vendi nuk duhet të sakrifikojë pasuritë natyrore për interesa ekonomike.
“Ajo është protesta e njerëzve që nuk pranojnë më që natyra e çmuar të sakrifikohet për projekte të mëdha ekonomike”, tha ai.
Në fjalën e tij, Everding tha se mijëra qytetarë shqiptarë po dalin çdo ditë në rrugë për të mbrojtur një nga zonat më të rëndësishme ligatinore të rajonit të Mesdheut.
Sipas tij, kjo protestë nuk është vetëm një çështje mjedisore, por një reagim qytetar për transparencë dhe mbrojtjen e interesit publik.
“Mijëra njerëz në Shqipëri dalin çdo ditë në rrugë për të mbrojtur Lagunën e Nartës. Ata po luftojnë për një nga zonat më të rëndësishme ligatinore në të gjithë rajonin e Mesdheut, një habitat për mijëra flamingo dhe shumë specie të tjera të rralla”, tha Everding.
Ai shtoi se qytetarët shqiptarë po tregojnë guxim, po ngrenë zërin për transparencën dhe po kërkojnë që vendimmarrjet të mos udhëhiqen vetëm nga interesat e disa individëve.
“Populli shqiptar po tregon guxim. Ai po ngre zërin për transparencën, për mbrojtjen e mjedisit dhe për një të ardhme që nuk duhet të përcaktohet vetëm nga interesat e pak individëve përfitues”, u shpreh eurodeputeti.
Everding ka theksuar se vendimmarrjet e ndikuara nga korrupsioni dëmtojnë besimin te institucionet.
“Kush shkatërron mjedisin, toleron korrupsionin dhe shpërfill interesat e qytetarëve, rrezikon edhe besimin te rruga evropiane e Shqipërisë”, deklaroi ai.
Sebastian Everding :Shqipëria nuk është në shitje. Mijëra njerëz në Shqipëri dalin çdo ditë në rrugë për të mbrojtur Lagunën e Nartës. Ata po luftojnë për një nga zonat më të rëndësishme ligatinore në të gjithë rajonin e Mesdheut, një habitat për mijëra flamingo dhe shumë specie të tjera të rralla.
E ashtuquajtura “Revolucioni i Flamingove” është shumë më tepër sesa një lëvizje mjedisore. Ajo është protesta e njerëzve që nuk pranojnë më që natyra e çmuar të sakrifikohet për projekte të mëdha ekonomike.
Populli shqiptar po tregon guxim. Ai po ngre zërin për transparencën, për mbrojtjen e mjedisit dhe për një të ardhme që nuk duhet të përcaktohet vetëm nga interesat e pak individëve përfitues.
Dhe duhet ta themi qartë, aty ku korrupsioni ndikon në vendimmarrjet politike, vihet nën presion njëkohësisht demokracia, shteti i së drejtës dhe mbrojtja e natyrës.
Kush shkatërron mjedisin, toleron korrupsionin dhe shpërfill interesat e qytetarëve, rrezikon edhe besimin te rruga evropiane e Shqipërisë. Evropa përfaqëson shtetin e së drejtës, transparencën dhe mbrojtjen e komuniteteve tona. gsh
Protestat e zhvilluara në Tiranë, por edhe në vende të ndryshe të botës, ku jetojnë dhe punojnë shqiptarë kanë marrë vëmendjen edhe të Parlamentit Evropian.
Gjatë një diskutimi në Parlamentin Europian në Bruksel, eurodeputetja holandeze Anna Strolenberg u ndal te situata në Shqipëri dhe te arsyet që, sipas saj, kanë nxjerrë qytetarët në rrugë.
Ajo thekson se kërkesat që shqiptarët i kanë nxjerrë në rrugë janë të qarta dhe me të drejtë pyesin se ku shkojnë paratë publike.
“Shqiptarët kanë dalë në rrugë dhe kërkesat e tyre janë të qarta. Sigurisht që ata duan zhvillim ekonomik, por jo me çdo kusht. Për sa kohë që nevojat bazë nuk plotësohen, si uji, shëndetësia dhe një pagë dinjitoze, ata kanë të drejtë të pyesin nëse burimet publike po shkojnë për qytetarët apo për një grup të privilegjuar”
Po ashtu eurodeputetja holandeze bëri të ditur se në fund të muajit qershor do të vizitojë Shqipërinë për t’u njohur nga afër me situatën.
“Në fund të qershorit do të udhëtoj drejt Shqipërisë për të dëgjuar dhe për të gjetur ide që mund t’i marrim me vete, në mënyrë që të ndihmojmë,” u shpreh ajo. gsh
Parlamenti i Hungarisë ka miratuar një amendament kushtetues që kufizon mandatin e kryeministrit në maksimumi tetë vjet, një ndryshim që praktikisht i mbyll rrugën rikthimit në pushtet ish-kryeministrit Viktor Orban.
Amendamenti u miratua të hënën me një shumicë të gjerë votash, pavarësisht kundërshtimit të partisë së Orbanit, Fidesz. Në favor votuan 150 deputetë, ndërsa 50 votuan kundër dhe gjashtë abstenuan.
Ndryshimi kushtetues ishte një nga premtimet kryesore elektorale të partisë Tisza, të drejtuar nga kryeministri Peter Magyar, e cila fitoi bindshëm zgjedhjet parlamentare të prillit, duke i dhënë fund 16 viteve të qeverisjes së Orbanit.
Reforma e sistemit politik përbën një nga ndryshimet më të rëndësishme të ndërmarra nga qeveria e re, e cila synon gjithashtu përmirësimin e marrëdhënieve të Budapestit me Bashkimin Evropian. gsh
Mbrëmë, sheshet e Shqipërisë u mbushën përsëri: qytetarët u mobilizuan për të mbrojtur tokën e mbrojtur, transparencën dhe llogaridhënien publike nga marrëveshjet e errëta të zhvillimit luksoz.Kjo nuk është “anti-progres”.Është demokracia që po bën punën e saj.Dhe Edi Rama duhet të dëgjojë me kujdes: Europa nuk ndërtohet duke e trajtuar natyrën si një monedhë negociuese ose institucionet si një banak privat.Nëse Shqipëria dëshiron Europën, duhet të zgjedhë të drejtat mbi rrugët e shkurtra, qytetarët mbi betonin dhe sundimin e ligjit mbi pushtetin.
Në kuadër të vizitës zyrtare në Vjenë, kryeministri në detyrë i Republikës së Kosovës, Albin Kurti, u prit në takim bilateral nga kancelari i Republikës Federale të Austrisë, Christian Stocker.
Kryeministri në detyrë Kurti shprehu falënderime për mbështetjen e vazhdueshme të Austrisë ndaj Kosovës që nga vitet e ’90-ta, pastaj në shtet ndërtim dhe në rrugën evropiane, e po ashtu për kontributin në kuadër të KFOR-it.
Teksa vlerësoi mbështetjen e Austrisë ndaj Kosovës të shprehur në Komitetin e Ministrave, në Kishinau në maj të vitit 2026, kryeministri në detyrë Kurti theksoi se një nga prioritetet më të larta të Qeverisë së Republikës së Kosovës mbetet anëtarësimi në Këshillin e Evropës. Ai nënvizoi rëndësinë e vazhdimit të mbështetjes nga Austria dhe rolit të saj në Asamblenë Parlamentare të Këshillit të Evropës.
Kryeministri në detyrë Kurti tha se mirëpret deklaratën e kancelarit Stocker në Tivat, se Bashkimi Evropian nuk është i plotë, i sigurt dhe i qëndrueshëm pa Ballkanin Perëndimor. Pasi tha se Republika e Kosovës është e përcaktuar, e angazhuar dhe e përkushtuar në rrugën e saj të anëtarësimit, kryeministri në detyrë Kurti foli për rëndësinë që BE-ja të përgjigjet me dhënien e statusit të shtetit kandidat dhe hapjen e negociatave.
Në takim u bisedua për thellimin e marrëdhënieve dypalëshe ndërmjet Kosovës dhe Austrisë, me theks të veçantë bashkëpunimin ekonomik e tregtar, investimet dhe rolin e rëndësishëm të mërgatës, energjinë dhe transformimin digjital. Ndërsa, u diskutua edhe për sigurinë, mbrojtjen dhe bashkëpunimin rajonal.
Kryeministri në detyrë Kurti uroi Austrinë për zgjedhjen anëtare jo e përhershme e Këshillit të Sigurimit të Kombeve të Bashkuara për periudhën 2027-2028, ndërkaq pranoi urime për fitoren në zgjedhjet e parakohshme parlamentare të 7 qershorit.
BRUKSEL- Zëdhënësi i Komisionit Evropian, Guillaume Mercier ka folur lidhur me projektin e Zvërnecit, i cili ka shkaktuar protesta masive në vendin tonë. Në një deklaratë, Mercier bëri të ditur se shqetësimet e KE në lidhje me këtë projekt i janë përcjellë Ministrit të Mjedisit, i cili njoftoi më pas se punimet janë pezulluar.
Mercier tha se janë ngritur edhe më herët shqetësime për projektin, teksa theksoi se çështja e ndikimeve mjedisore të investimeve strategjike, veçanërisht në zonat e mbrojtura, është përmendur edhe në raportet e zgjerimit të BE-së për Shqipërinë. Zëdhënësi i KE theksoi më tej se janë në dijeni që projekti është subjekt i hetimeve të vazhdueshme nga SPAK, të cilat shtrihen përtej aspektit mjedisor.
Duke iu referuar procesit të anëtarësimit të Shqipërisë në Bashkimin Evropian, zëdhënësi tha në kuadër të pikave referuese për mbylljen e Kapitullit 27 për Mjedisin, Shqipëria duhet të harmonizojë plotësisht legjislacionin e saj me atë të BE-së, përfshirë Direktivën për Shpendët dhe Habitatet, si dhe të heqë dorë nga legjislacioni i vitit 2015 për investimet strategjike. Po ashtu, sipas Mercier, Shqipëria duhet të dëshmojë kapacitetet e saj për menaxhimin e zonave të ardhshme Natura 2000, duke garantuar masa efektive për ruajtjen e habitateve dhe specieve të mbrojtura.
“Pra, siç thashë, ne i kemi shprehur shqetësimet tona Ministrit të Mjedisit, i cili u angazhua se punimet e ndërtimit janë pezulluar dhe se do të kryhet një vlerësim ndikimi në këto projekte. Kështu që pritshmëritë tona këtu janë që ky vlerësim të bëhet në mënyrë transparente. Mbi këtë çështje, ajo që mund të them është se Komisioni po ndjek nga afër zhvillimet në peizazhin e mbrojtur Pishë Poro-Nartë. Ne tashmë i kemi shprehur shqetësimet tona Ministrit të Mjedisit për mangësitë e mundshme të këtij projekti. Pra, Ministri u angazhua se punimet e ndërtimit janë pezulluar dhe se do të kryhet një vlerësim gjithëpërfshirës i ndikimit në mjedis për projektin, në konsultim me shoqërinë civile.
Gjithashtu, ne e dimë se projekti është gjithashtu subjekt i hetimeve të vazhdueshme nga SPAK që shtrihen përtej shqetësimeve mjedisore. Pra, ju po pyesnit nëse i kemi shprehur tashmë shqetësimet tona. Siç thashë, ne kemi biseduar tashmë me Ministrin, por më lejoni të theksoj se në fakt shqetësimet nuk janë të reja. Ishte përmendur tashmë në raportin tonë të zgjerimit se zgjatja e përsëritur e ligjit për investimet strategjike vazhdonte të ngrinte shqetësime për ndikimet e mundshme mjedisore, dhe specifikisht në zonat e mbrojtura.
Pra, kur bëhet fjalë për procesin e anëtarësimit, më lejoni gjithashtu të kujtoj se si pjesë e pikës referuese përmbyllëse për Kapitullin 27 mbi Mjedisin dhe Ndryshimet Klimatike, nga Shqipëria pritet të rreshtohet plotësisht me legjislacionin e BE-së në këtë fushë, duke përfshirë Direktivën për Shpendët dhe Habitatet, si dhe duhet të ndërpresë legjislacionin e vitit 2015 për investimet strategjike.
Përveç kësaj, për të mbyllur gjithashtu Kapitullin 27 për mjedisin, siç sapo përmenda, Shqipëria duhet të demonstrojë kapacitetin e saj për të menaxhuar zonat e ardhshme Natura 2000, duke përfshirë masat e ruajtjes, dhe për të mbrojtur habitatet dhe llojet e specieve. Së fundi, më lejoni të theksoj se Shqipëria duhet të abstenojë nga veprimet që mund të cenojnë përmbushjen e pikës referuese përmbyllëse, dhe ne presim që autoritetet shqiptare të veprojnë”, tha zëdhënësi./Dosja.al
Përfaqësuesja e lartë e Bashkimit Evropian për Politikë të Jashtme dhe Siguri, Kaja Kallas, tha se zgjedhjet demokratike dhe gjithëpërfshirëse në Kosovë krijojnë mundësinë për t’i dhënë fund më shumë se një viti bllokade politike.
Sipas saj, tani u takon liderëve politikë që të veprojnë në mënyrë konstruktive për të siguruar funksionalizimin e institucioneve.
“Zgjedhjet demokratike dhe gjithëpërfshirëse në Kosovë hapin rrugën për të kthyer faqen pas më shumë se një viti ngërçi politik. Liderët politikë tani duhet të angazhohen në mënyrë konstruktive për të siguruar formimin e shpejtë të qeverisë”, shkroi Kallas në platformën X.
Zgjedhjet e parakohshme parlamentare në Kosovë u mbajtën më 7 qershor, me një pjesëmarrje prej rreth 35% të trupës elektorale.
Rezultatet preliminare, të publikuara nga Komisioni Qendror i Zgjedhjeve, e nxorën partinë e kryeministrit në detyrë, Albin Kurti, Lëvizjen Vetëvendosje, të parën – me 42.91% të votave.
Pas saj renditen: Partia Demokratike e Kosovës me 21.08%, Lidhja Demokratike e Kosovës me 17.60%, Aleanca për Ardhmërinë e Kosovës me 7.17% dhe Lista Serbe me 6.17%.
Pas shpalljes së fitores, Kurti e la të hapur mundësinë për bisedime dhe bashkëpunime me partitë e tjera.
Kallas theksoi, gjithashtu, se përparimi në dialogun Kosovë–Serbi dhe normalizimi i marrëdhënieve mes dy vendeve mbetet thelbësor për avancimin e Kosovës në rrugën evropiane.
Më herët, edhe komisionarja për Zgjerim e BE-së, Marta Kos, uroi kryetarin e Lëvizjes Vetëvendosje, Kurti, për fitoren në zgjedhje, duke theksuar njëkohësisht nevojën për bashkëpunim mes forcave politike.
“Që Kosova të ecë përpara në rrugën e saj drejt BE-së, forcat politike duhet tani të bashkohen dhe të gjejnë kompromis për të ndërtuar stabilitet institucional”, shkroi Kos në platformën X.
Ajo shtoi se mezi pret të vizitojë Kosovën për të intensifikuar punën rreth integrimit evropian dhe vazhdimin e mbështetjes përmes Planit të Rritjes të BE-së.
Zgjedhjet e 7 qershorit u mbajtën pas dështimit të Kuvendit të Kosovës për të zgjedhur presidentin e ri – çfarë çoi automatikisht në shpërndarjen e institucionit ligjvënës.
Ato ishin zgjedhjet e treta brenda më pak se një viti e gjysmë, pas zgjedhjeve të rregullta të 9 shkurtit 2025 dhe një tjetër palë zgjedhjesh të parakohshme më 28 dhjetor.
Zgjedhjet e para nuk arritën të prodhojnë qeveri, ndërsa të dytat, ndonëse i siguruan Lëvizjes Vetëvendosje mbi 51% të votave, nuk sollën marrëveshje për zgjedhjen e presidentit, sipas një vendimi të Gjykatës Kushtetuese.
Një këngë shpendi është më shumë se tingull, është shenjë e një natyre që jeton dhe merr frymë. Mbi 49% e specieve të shpendëve në botë janë në pakësim, një sinjal i qartë se ekuilibri i ekosistemeve po vihet në provë. Shpendët janë thelbësorë për natyrën: shpërndajnë fara, kontrollojnë insektet dhe ndihmojnë që ekosistemet të funksionojnë në mënyrë të shëndetshme. Por humbja e habitateve dhe ndotja po i shtyjnë shumë specie drejt zhdukjes, duke e bërë natyrën më të heshtur çdo ditë. Mbro habitatet natyrore, përpara se qielli të mbetet pa këngë shpendësh. Mbro natyrën, sa je në kohë.
Komisionarja për Zgjerim e BE-së, Marta Kos, qëndroi për vizitë zyrtare në Kosovë më 15 maj.
Radio Evropa e Lirë
Komisionarja për Zgjerim e Bashkimit Evropian, Marta Kos, uroi kryetarin e Lëvizjes Vetëvendosje, Albin Kurti, për fitoren në zgjedhjet e 7 qershorit në Kosovë, duke theksuar njëkohësisht nevojën për bashkëpunim mes forcave politike.
“Që Kosova të ecë përpara në rrugën e saj drejt BE-së, forcat politike duhet tani të bashkohen dhe të gjejnë kompromis për të ndërtuar stabilitet institucional”, shkroi Kos në platformën X.
Ajo shtoi se mezi pret të vizitojë Kosovën për të intensifikuar punën rreth integrimit evropian dhe vazhdimin e mbështetjes përmes Planit të Rritjes të BE-së.
Zgjedhjet e parakohshme parlamentare në Kosovë u mbajtën m 7 qershor, me një pjesëmarrje prej rreth 35% të trupës elektorale.
Rezultatet preliminare, të publikuara nga Komisioni Qendror i Zgjedhjeve, e nxorën partinë e Kurtit, Lëvizjen Vetëvendosje, të parën – me 42.91% të votave.
Pas saj renditen: Partia Demokratike e Kosovës me 21.08%, Lidhja Demokratike e Kosovës me 17.60%, Aleanca për Ardhmërinë e Kosovës me 7.17% dhe Lista Serbe me 6.17%.
Pas shpalljes së fitores, Kurti, njëherësh kryeministër në detyrë, e la të hapur mundësinë për bisedime dhe bashkëpunime me partitë e tjera.
Zgjedhjet e 7 qershorit u mbajtën pas dështimit të Kuvendit të Kosovës për të zgjedhur presidentin e ri – çfarë çoi automatikisht në shpërndarjen e institucionit ligjvënës.
Ato ishin zgjedhjet e treta brenda më pak se një viti e gjysmë, pas zgjedhjeve të rregullta të 9 shkurtit 2025 dhe një tjetër palë zgjedhjesh të parakohshme më 28 dhjetor.
Zgjedhjet e para nuk arritën të prodhojnë qeveri, ndërsa të dytat, ndonëse i siguruan Lëvizjes Vetëvendosje mbi 51% të votave, nuk sollën marrëveshje për zgjedhjen e presidentit, sipas një vendimi të Gjykatës Kushtetuese.
Qeveria e re e Hungarisë planifikon të ristrukturojë regjimin e saj tatimor duke futur një taksë mbi pasurinë që synon çmontimin e rrjetit ekonomik të oligarkëve të krijuar nën ish-kryeministrin Viktor Orban, raporton The Guardian.
Masa synon individët që mbajnë asete që tejkalojnë 1 miliard forintë ose 2.8 milion euro, duke aplikuar një taksë vjetore prej 1 për qind mbi pjesën e pasurive mbi këtë prag.
Ministri i Financave Andras Karman premtoi të japë detaje të mëtejshme në lidhje me kete takse deri më 5 qershor. Manjati i reklamave Balasy Gyula, një nga përfituesit e shquar të kontratave publike gjatë epokës së Orban, kohët e fundit ia dorëzoi shtetit kompanitë e tij dhe një pjesë të kursimeve të tij private nëpërmjet një akti të noterizuar.
“Në situatën aktuale, nuk mendoj se grupi ynë i kompanive ka të ardhme”, deklaroi ai. Kryeministri Peter Magyar, partia Tisza e të cilit siguroi shumicën prej dy të tretash në parlament, njoftoi iniciativën në mediat sociale. “jo një ndëshkim, por një shenjë e drejtësisë sociale dhe solidaritetit në një vend funksional dhe human”, tha Peter Magyar, kryeministër i Hungarisë.
Taksa do të zbatohet për pronën, aksionet e korporatave, asetet jashtë vendit, jahtet, avionët privatë, pikturat luksoze dhe makinat sportive, duke përfshirë asetet në pronësi të bashkëshortëve dhe fëmijëve për të parandaluar shmangien e taksave. BW
Në fillim të qershorit, në OKB do të mbahet zgjedhja e re për disa vende në Këshillin e Sigurimit. Qeveria federale gjermane po bën përpjekje intensive që Gjermania të sigurojë një vend në forumin më të lartë OKB-së.
Më 3 qershor është momenti. Atëherë, në Asamblenë e Përgjithshme të OKB-së do të zgjidhet një pjesë e anëtarëve të Këshillit të Sigurimit. Ky këshill është organi më i fuqishëm i OKB-së. Sipas Kartës së Kombeve të Bashkuara, ai mban “përgjegjësinë kryesore për ruajtjen e paqes botërore dhe sigurisë ndërkombëtare”. Vendimet e këshillit janë detyruese për të gjitha shtetet anëtare të OKB-së. Ai mund të vendosë sanksione, të dërgojë misione paqeruajtëse dhe të autorizojë përdorimin e forcës ushtarake.
Këshilli i Sigurimit ka pesë anëtarë të përhershëm me të drejtë vetoje: Shtetet e Bashkuara, Rusia, Kina, Mbretëria e Bashkuar dhe Franca. Përveç tyre, ka edhe dhjetë anëtarë jo të përhershëm. Çdo vit, pesë prej tyre zgjidhen për një mandat dyvjeçar. Për një nga këto vende kandidon Gjermania.
Në fund të prillit, ministri i Jashtëm Johann Wadephul tha gjatë një vizite në selinë e OKB-së në Nju Jork për DW: “Do të thoja se shanset janë të mira, por është një garë dhe është demokraci. Pra, mund të fitojmë, mund të humbasim. Të dyja janë të mundshme. Ne kemi argumente të mira. Ne jemi të angazhuar në këtë botë. Jemi të angazhuar në sistemin e OKB-së.”
Gjermania donatori i dytë më i madh i sistemit të OKB-së
Ministria e Jashtme gjermane e argumenton pretendimin e saj edhe me kontributin financiar të Gjermanisë: “Si kontribuesi i dytë më i madh në sistemin e OKB-së (pas SHBA-së), Gjermania është prej më shumë se pesëdhjetë vitesh një partnere e besueshme e OKB-së.”
Megjithatë, kandidatura nuk do të jetë automatike, mendon Johannes Varwick, profesor i marrëdhënieve ndërkombëtare në Universitetin e Halle-s: “Për dekada, Gjermania shihej si një forcë për zgjidhje multilaterale politike dhe kishte mbështetje në shumë pjesë të botës. Tani ka shumë tema përçarëse”, thotë ai për DW, duke përmendur si shembuj konfliktin Izrael-Gaza, luftën me Iranin dhe luftën në Ukrainë. Megjithatë, në fund, argumenti financiar ka gjasa të jetë vendimtar, sipas Varwick.
Akuzë ndaj Gjermanisë për standard të dyfishtë
Por çfarë dëshiron të arrijë Gjermania me këtë vend, nëse e fiton? Në një film të shkurtër të përgatitur për kandidaturën me titull “More than a Seat” (“Më shumë se një vend”) thuhet: “Ne jemi gati të ulemi – për t’u ngritur. Për respekt, drejtësi dhe paqe.” Ministria e Jashtme shkruan: “Në Këshillin e Sigurimit, Gjermania dëshiron të vendosë theksin te parandalimi i konflikteve, zgjidhja e krizave, klima dhe siguria.”
Këto janë objektiva që në praktikë mund t’i mbështesë pothuajse çdo vend dhe prandaj ato nuk përbëjnë një tipar dallues gjerman.
Disa aspekte të kandidaturës gjermane tingëllojnë si një kundërvënie ndaj politikës së forcës së presidentit amerikan Donald Trump, për shembull kur Ministria e Jashtme kërkon një “rend ndërkombëtar të bazuar në rregulla” dhe respektimin e së drejtës ndërkombëtare. “Sistemi i OKB-së është nën presion”, tha Wadephul në Nju Jork për DW. Por: “Unë besoj se diplomacia mbetet shumë e rëndësishme që të mos mbizotërojë e drejta e më të fortit.” Ai nuk e përmendi emrin e Donald Trump.
Edhe insistimi gjerman për të drejtën ndërkombëtare nuk është pa probleme në kontekstin e OKB-së, thotë Johannes Varwick. Disa e akuzojnë Gjermaninë për standard të dyfishtë: “Kur, për shembull, në çështjen e Gazës, ajo qëndron aq qartë në anën e Izraelit. Mendoj se në OKB kjo kuptohet, pasi Gjermania ka lidhje historike me Izraelin.” Ai i referohet Holokaustit, vrasjes së rreth gjashtë milionë hebrenjve gjatë periudhës naziste në Gjermani. Por shton: “Fakti që ajo qëndron kaq qartë në anën e agresorit – kështu e perceptojnë shumë – dhe në të njëjtën kohë në Ukrainë mban fort flamurin e së drejtës ndërkombëtare, nuk përputhet mirë.”
Reforma e Këshillit të Sigurimit duket pa shpresë
Ministri i Jashtëm Wadephul do të dëshironte që OKB-ja të bëhej përsëri një aktor më i rëndësishëm në zgjidhjen e konflikteve ndërkombëtare. Në lidhje me luftën në Ukrainë dhe atë me Iranin, ai kërkoi që OKB-ja “të bëhet qendra kryesore e diplomacisë aktuale të krizave”.
Në të dy këto luftëra dhe në shumë konflikte të tjera, OKB-ja ka mbetur më tepër pasive, kryesisht sepse një ose më shumë nga fuqitë me të drejtë vetoje janë të përfshira vetë në këto konflikte – Rusia në Ukrainë, SHBA në konfliktin me Iranin. Ato kanë bllokuar rezoluta kundër vetes, duke e paralizuar kështu këshillin.
Wadephul e sheh këtë si provë për nevojën e një reforme të Këshillit të Sigurimit, një ide që mbështetet edhe nga Sekretari i Përgjithshëm i OKB-së, António Guterres. Argumenti është se përbërja e këshillit, sidomos e fuqive me veto, pasqyron situatën botërore menjëherë pas Luftës së Dytë Botërore dhe jo realitetin e sotëm.
Gjermania, Japonia, Brazili dhe India kanë vite që kërkojnë secila nga një vend të përhershëm, si dhe dy vende të tjera për shtetet afrikane. Gjithashtu parashikohet shtimi i vendeve me katër ose pesë anëtarë jo të përhershëm, për t’i dhënë më shumë peshë rajoneve të nënpërfaqësuara si Afrika, Azia dhe Amerika Latine.
Por kjo nuk është realizuar kurrë dhe nuk duket e mundshme as në të ardhmen, pasi pesë fuqitë aktuale me veto duhet të pranojnë të heqin dorë nga privilegjet e tyre. Edhe Johannes Varwick i quan këto përpjekje, pavarësisht arsyetimit, “pa shpresë”.
Rëndësia në rënie e OKB-së
Pyetja është sa relevante janë ende Këshilli i Sigurimit dhe OKB-ja në përgjithësi. Instituti suedez SIPRI vuri në dukje në një raport në fund të gushtit, për shkak të rënies së fortë të misioneve paqeruajtëse dhe financimit të tyre, një “margjinalizim pothuajse të plotë” të institucioneve si OKB-ja.
Ndërkohë janë formuar grupe dhe blloqe të reja fuqie, si G20 – grupi i njëzet ekonomive më të mëdha industriale dhe në zhvillim – ose BRICS plus, ku janë bashkuar vende të rëndësishme jo-perëndimore si Kina, Rusia dhe India. Ato e anashkalojnë OKB-në.
Sipas Varwick, kjo nuk është në interes të Gjermanisë: “Forcimi i multilateralizmit klasik të OKB-së duhet të mbetet qëllimi strategjik i politikës së jashtme gjermane. Kjo është shumë e vështirë dhe kërkon përpjekje, por bota nuk do të ishte më e mirë nëse formate si G20 apo BRICS do ta zëvendësonin atë.”
Austria dhe Portugalia si konkurrentë të fortë
Gjermania ka qenë gjashtë herë anëtare e Këshillit të Sigurimit, herën e fundit në 2019/20. Për kandidaturën aktuale për periudhën 2027/28, ajo përballet me Austrinë dhe Portugalinë, të cilat gjithashtu konsiderohen me shanse të mira, sidomos pasi kandidatura gjermane u paraqit relativisht vonë. Për të pasur sukses, Gjermania ka nevojë për dy të tretat e votave të 193 shteteve anëtare.
Në intervistën për DW, Johann Wadephul i këshilloi Asamblesë së Përgjithshme: “Duhet të zgjidhet një vend që ka përvojë dhe që është i gatshëm të tregojë më shumë mirëkuptim për vendet dhe kontinentet e tjera.” Nuk është e nevojshme të thuhet se ai e sheh Gjermaninë në këtë rol. Nëse edhe shtetet e tjera do ta shohin kështu, kjo do të mësohet më 3 qershor./ DW/
Presidenti i Ukrainës, Volodymyr Zelenskyy, ka deklaruar se qeveria e tij disponon prova që Rusia ka rrëmbyer fëmijë ukrainas dhe po i stërvit ata për të luftuar kundër bashkëkombësve të tyre, një akuzë e rëndë që mund të përbëjë krim lufte sipas standardeve ndërkombëtare.
Në një intervistë për CBS News, Zelensky tha se kjo është hera e parë që ai e bën publike një akuzë të tillë, duke shkuar përtej pretendimeve të mëparshme për deportimin e fëmijëve ukrainas në kampe riedukimi.
“Kur këta fëmijë rriten, i dërgojnë në fushën e betejës”, deklaroi Zelensky, duke shtuar se autoritetet ukrainase disponojnë prova për këto pretendime, megjithëse nuk dha detaje mbi natyrën e tyre.
Sipas presidentit ukrainas, fëmijëve të larguar nga territoret ukrainase u mësohet të urrejnë vendin dhe popullin e tyre. “I mësojnë këta fëmijë të urrejnë vendin e tyre, të urrejnë popullin e tyre”, u shpreh ai.
Zelensky tha gjithashtu se Ukraina ka dokumentuar rrëmbimin e të paktën 20 mijë fëmijëve ukrainas dhe po kërkon mbështetje ndërkombëtare për të gjetur të tjerë që dyshohet se janë transferuar në territorin rus. Panorama
Kancelari gjerman, Friedrich Merz gjithashtu iu bashkua kritikave ndaj Rusisë për sulmin me dron në një ndërtesë apartamentesh në Rumani.
Në një reagim, ai thotë se inkursioni i Rusisë tregon gatishmërinë e saj për të përshkallëzuar luftën ndaj Rusisë edhe në vende të tjera.
Sipas tij, NATO duhet të mbajë një qëndrim më të fortë në krahun lindor, duke shtuar se janë të gatshëm të mbrojnë çdo centimetër.
“Inkursioni i pamatur me dron i Rusisë në Rumani tregon edhe një herë gatishmërinë e Rusisë për të përshkallëzuar situatën.
Gjermania qëndron me aleatët tanë të NATO-s. Incidenti edhe një herë nënvizon nevojën për një qëndrim të fortë të NATO-s në krahun lindor. Ne jemi të gatshëm të mbrojmë çdo centimetër të territorit të Aleatëve.”, u shpreh Merz. gsh
Bukureshti akuzon Moskën, Brukseli përgatit sanksione të reja
Sekretari i Përgjithshëm i NATO-s, Mark Rutte
Sekretari i Përgjithshëm i NATO-s, Mark Rutte, deklaroi të premten, 29 maj, se aleanca “është e gatshme të mbrojë çdo centimetër të territorit aleat”, pas një incidenti ku një dron rus goditi një pallat banimi në qytetin Galați të Rumanisë.
Në një postim në platformën X, Rutte tha se ka biseduar me presidentin rumun Nicușor Dan dhe i ka shprehur atij “solidaritetin e plotë” të NATO-s pas ngjarjes, e cila la të plagosur dy civilë.
“Ne do të vazhdojmë të rrisim gatishmërinë tonë për të penguar dhe mbrojtur kundër çdo kërcënimi, përfshirë edhe dronët”, u shpreh ai, duke shtuar se sjellja “e pamatur” e Rusisë përbën rrezik për të gjithë dhe se pasojat e luftës në Ukrainë “nuk ndalen në kufi”.
Deklaratat e tij erdhën pasi ministrja e Jashtme e Rumanisë, Oana Țoiu, e cilësoi sulmin me dron si një “përshkallëzim të rëndë dhe të papërgjegjshëm” nga Rusia, ndërsa NATO njoftoi se po forcon masat e mbrojtjes.
Ndërkohë, presidentja e Komisionit Europian, Ursula von der Leyen, konfirmoi se Bashkimi Europian po përgatit paketën e 21-të të sanksioneve ndaj Moskës.
