Pse Kupidi ishte një djalë

E pse një djalë ishte vallë?

Për gjithsa në jetë unë kam parë

Ai duhej të ishte patjetër Vajzë;

Sepse ai do të gjuante me hark

E Vajza do ta gjuante me syrin e saj;

dhe që të dy janë gazmorë plot harè

e qeshin atëherë kur qajmë ne.

Ta bësh Kupidin një djalë

Do të thotë që Vajza Kupidin e tallë;

Sepse një djalë nuk mund ta kuptoj gjënë

Gjersa burrë ai të jetë bërë;

E kur të bëhet burrë do të ketë

Aq shumë plagë shkaktuar me shigjetë

Sa atij të shkretit e gjithë jeta

Do t’i shkojë duke mbyllur plagët shkaktuar nga shigjetat.

Ka qenë gabimi i grekërve të lashtë

Që e shndërruan Dashurinë në një djalë

Dhe Gruan e shndërruan në Shtatore Guri

Dhe çdo Gëzim që atëherë u zhduk dhe humbi.