Prokuroria e Posaçme njoftoi të martën për goditjen e një grupi të dyshuar kriminal në krye të Agjencisë Kombëtare të Shoqërisë së Informacionit, AKSHI, duke vendosur 8 persona nën akuzë për një seri veprash penale, mes të cilëve edhe drejtoreshën e kësaj Agjencie, Mirlinda Karçanaj.
Sipas hetimit, Ergys Agasi, një personazh kontrovers dhe biznesmeni Ermal Beqiraj krijuan një grup të strukturuar kriminal për manipulimin e tenderave të AKSHI-it, duke përdorur dhunë dhe pengmarrje. Ndërsa Agasi dhe Beqiraj I shpëtuan arrestimit, janë nën masën arrest shtëpie si pjesë e këtij grupi kriminal dy krerët e kësaj agjencie, drejtoresha Mirlinda Karçanaj dhe zv.drejtoresha Hava Delibashi.
Ngjarja ka ngritur shqetësime për cënim të Sigurisë Kombëtare, pasi kjo agjenci është një prej institucioneve më sensitive në vend.
AKSHI menaxhon thuajse të gjithë sistemin e qeverisjes digjitale përmes E-Albania, përfshi dhe të ashtuquajtën ministrja “Diella” e krijuar me Inteligjencë Artificiale. AKSHI menaxhon sisteme dhe të dhëna që konsiderohen pjesë e infrastrukturës kritike kombëtare, çka e bën funksionimin e këtij institucioni një provë lakmusi për stabilitetin dhe besueshmërinë e administratës publike. Në këtë aspekt, ndikimi I punës së agjencisë nga një grup kriminal ka ngritur shqetësime mbi kufirin mes korrupsionit administrativ dhe cenimit të Sigurisë Kombëtare.
Sipas ekspertëve të sigurisë, kur një institucion që administron infrastrukturë digjitale kritike kapet nga interesa kriminale, shteti humbet kontrollin mbi informacionin që garanton funksionimin, vendimmarrjen dhe sigurinë e tij.
“AKSHI është një institucion që menaxhon infrastrukturën digjitale kritike të vendit dhe, për këtë arsye, çdo devijim serioz në mënyrën se si funksionon ai përbën rrezik për sigurinë kombëtare,” tha Arjan Dyrmishi, drejtor ekzekutiv i Qendrës për Studimin e Demokracisë dhe Qeverisjes.
“Fakti që drejtues të kësaj agjencie dyshohen se kanë bashkëpunuar me një grup të strukturuar kriminal, duke manipuluar procedura prokurimi dhe duke përdorur dhunë për të ndikuar rezultatet, tregon që është vënë në rrezik jo vetëm integriteti i tenderëve, por vetë integriteti dhe sovraniteti digjital i shtetit,” theksoi ai.
Rreziku merr një dimension edhe më konkret në këndvështrimin e ish-kreut të Forcës Detare, Artur Meçollari, i cili thotë se të dhënat kritike që përpunon AKSHI mund të jenë sot në duart e kompanive që kanë mirëmbajtur sistemet duke fituar tenderat, të cilët, nga hetimi, dalin se janë diktuar nga një grupi kriminal.
“Një nga filtrat, i cili pengon rënien në dorë të këtyre të dhënave të grupeve kriminale është besueshmëria e kompanive kontraktore që garanton AKSHI,” tha Meçollari për BIRN, duke shtuar se “nëse këto kompani, të cilat janë nën akuzë nga Prokuroria si grup i strukturuar kriminal, kanë qenë të pajisur me çertifikatë sigurie nga DSIK, çështja është edhe më e rëndë, pasi vë në diskutim të gjithë sistemin e sigurisë kombëtare”.
AKSHI konsiderohet infrastrukturë kritike kombëtare për shkak të informacionit që zotëron dhe përpunon dhe kjo është arsyeja, sipas Meçollarit, që një pjesë e procedurave tenderuese janë klasifikuar si sekrete.
“Zotërimi nga grupet kriminale i këtyre të dhënave krijon mundësi për tregtimin e tyre në tregun e zi për qëllime përfitimi dhe që mund të bien në duart e grupeve kriminale ndërkombëtare ose shteteve jo dashamirëse apo armike të Shqipërisë,” paralajmëroi më tej ai.
Ekspertët besojnë se korrupsioni në tenderat publikë në një agjenci të tillë shtetërore është një indicie e drejtpërdrejtë për cënimin e sigurisë kombëtare, një akt që ka treguar se institucionet përgjegjëse për mbrojtjen e saj nuk kanë reaguar në kohë ose janë kompromentuar.
Sipas Dyrmishit, rasti ekspozon dobësi serioze strukturore brenda AKSHI-t; një dështim të thellë të kontrollit dhe mbikëqyrjes; mungesë kontrolli efektiv mbi drejtuesit dhe mekanizma të brishtë dhe lehtësisht të manipulueshëm të prokurimeve publike. Përdorimi i dhunës “ për t’u mbyllur gojën atyre që dalin kundër”, e bën sipas Dyrmishit edhe më të rrezikshme situatën.
“Në një institucion të tillë që menaxhon sisteme kritike, kjo klimë frike e bën sigurinë operacionale jo funksionale, pasiqë vendimet merren për të garantuar funksionimin e skemës kriminale, jo për të mbrojtur shërbimet dhe të dhënat shtetërore,” tha Dyrmishi.
Rezultatet e hetimeve të deritanishme, sipas Dyrmishit, tregojnë se depërtimi i krimit të organizuar në drejtimin e institucionit ka sjellë pasoja që nuk janë vetëm ligjore apo morale, por kanë prekur drejtpërdrejt funksionimin e shtetit, besimin e qytetarëve dhe sigurinë kombëtare në kuptimin e saj modern: garantimin e sovranitetit, mirëqenien dhe stabilitetin e vendit.
Për ish-drejtuesin e Forcave Detare, Meçollari, rasti ngre gjithashtu pikëpyetje për funksionimin e institucioneve të tjera, kur sipas tij, fakti që hetimi është iniciuar dhe çuar përpara nga SPAK “tregon se hallka të tjera të sistemit të sigurisë kombëtare nuk kanë funksionuar siç duhet, si SHISH, DSIK, Policia Kriminale, etj”.
“Pasiviteti i shtetit në çështje të tilla sensitive për të dhënat personale të qytetarëve, të dhënat e biznesit dhe sigurisë kombëtare, ka inkurajuar shkelësit e ligjit të jenë të pacënueshëm dhe të veprojnë lirshëm në bashkëpunim me elementët e korruptuar brenda sistemit. SPAK-u e bëri detyrën dhe shumë mirë,” shtoi më tej Meçollari.
Hetimet për tenderat e AKSHI-it duket se do të testojnë kufijtë mes përgjegjësisë penale, dështimeve institucionale dhe debatit politik mbi mekanizmat shtetërorë që duhet të garantojnë të dhënat jetike të qytetarëve dhe ato shtetërore.
Mazhoranca është mjaftuar me përshëndetjen e aksionit të SPAK pa marrë përgjegjësi dhe akte llogaridhënie. “Unë gëzohem sa herë që SPAK-u realizon operacione,” deklaroi të enjten për mediat kreu i grupit parlamentar të Partisë Socialiste, Taulant Balla.
Por për opozitën, ngjarja nuk mund të kalojë si një aksion rutinë i Prokurorisë, por duhet të shërbejë për një llogaridhënie dhe nxjerrje të përgjegjësive për institucionet shtetërore që duhet të garantojnë sigurinë e vendit.
“Siguria kombëtare ka rënë, jo thjesht kompromentuar,” tha Erald Kapri, anëtar i komisionit parlamentar për Çështjet e Brendshme dhe Mbrojtjen si përfaqësues i Partisë Mundësia
Ai sugjeron që deputetët e opozitës në këtë komision të kërkojnë seancë dëgjimore urgjente me Shërbimin Informativ Shtetëror, Ministren e Brendshme, ndërsa konsideron të nevojshme thirrjen e Këshillit për Sigurinë Kombëtare si dhe pezullimin e çdo veprimtarie nga personat nën akuzë.
“Ende ka procedura të hapura tenderimi nga AKSHI, çka flet qartë për kaosin qeveritar dhe drejtuesit e akuzuar janë ende në detyrë,” i tha Kapri BIRN, duke shtuar se ai deputet do të këmbëngulë në ndërhyrjen e partnerëve ndërkombëtarë, NATO dhe BE.
“Që të marrim garanci nga partnerët, pasi qeveria e ka humbur besueshmërinë,” thekon ai.
Edhe Klevis Balliu, deputet I Partisë Demokratike dhe anëtar i komisionit parlamentar që merret me çështje të sigurisë kombëtare, e quan rastin si alarmant dhe “cënim të rëndë të sigurisë kombëtare”.
“Kur një institucion kaq kritik shndërrohet në mjet shërbimi për kartele kriminalë dhe interesa familjare të pushtetit, atëherë rrezikohen drejtpërdrejt siguria shtetërore, ekonomike dhe personale e qytetarëve,” tha Balliu për BIRN, duke shtuar se “përballë kësaj situate, opozita do të veprojë me të gjitha mjetet kushtetuese dhe parlamentare për të rikthyer ligjshmërinë dhe përgjegjësinë”./BIRN
Zonja Kaceli,
Nje nga fajet e renda, te diktatures komuniste ne Shqiperi, ishte dhe fakti qe fajet e babait i kaloheshin te birit ! Me qindra njerez kane vuajtur trajtimin barbar te ‘biografise se keqe’, keto dihen mire, pra nuk po zgjatem !
Ku qendron faji i Ilir Hoxhes, qe ishte vetem dy vjeç, kur u kryen egzekutimet e shkurtit ne vitin 1951 ? ! ! Aty ku u pushkatua Jonuz Kaceli.
Ligjet dhe praktikat e Republikave Demokratike e Moderne nuk te detyrojne te deshmosh kunder njerezve te familjes.
Kurse liria e mendimit dhe e fjales jane te garantuara me ligj.
Ilir Hoxha, nuk ben asnje krim, duke menduar çte doje, per te jatin !
Me vjen shume keq per vuajtjet e tua e te familjes tende, por kjo nuk te jep aspak te drejten te shqetesosh nje njeri te pa fajshem, qe po rri ne punen e vet dhe nuk te ngacmon.
Per me teper ‘ngacmimi’ qe i ke bere ne Aeroportin e Malpenses ne Itali, sipas ligjeve Italiane, quhet agresion verbal dhe denohet me ligj.
Si perfundim je ti qe ke provokuar Ilir Hoxhen, siduket, ke dashur te zbrazesh urrejtjen qe te eshte krijuar per Diktataturen, por nuk eshte kjo rruga per ta bere Shqiperine siç thoni ju. ‘Po do behet…’
Kjo eshte rruga e perçarjes kombetare, futjes se sherrit. Dhimbjet e tua mund ti liroje vetem e drejta e fituar me ligj. Asgje tjeter !
Nuk behet Shqiperia duke marre hake me kanunin e Lek Dukagjinit, duke ndertuar me leke droge etj. duke u telendisur aeroporteve, duke provokuar me agresivitet niperit dhe mbesat e atyre qe do te mendonim se na kane bere keq.
Ata qe i bejne keq Shqiperise se sotme jane ata qe po na lene pa ligje, pa shtet, pa drejtesi, ne meshiren te shefave, ministrave, kryeministrave qe nuk bejne gje tjeter veçse te qeverisin si princa ! Qe kryejne aktivitet vetem per qellim elektoral !
Zonja Kaceli, kontrollo veten dhe rivendos moralin !
Shenim : Dhe mos mendo si Edi Rama, qe kur nuk i pelqejne kritikat e qytetareve i ‘akuzon’ te kene kaluar nga shqupi, une nuk i perkas asnje grupi politik, jam thjesht Patriot ! Faleminderit !
Jam edhe une i ketij mendimi nuk eshte faji i tij se i ati ishte ai qe ishte. Me te keqinj,me te ligj,me injorante se Enveri jane ata qe jane sot ne krye dhe jo Iliri nje njeri qe shikon punet e veta dhe me te drejte te ka pyetur – Kush je ti dhe ne te vertete: Kush je ti qe ngacmon me morale politike ne rruge nje njeri qe shikon punet e veta
Akoma nuk e kuptoj si e quani te pafajshem? Po kaq i pafajshem eshte sa perdor ate llojfjalori me nje femer? Si mendoni se mund te shuhet urrejtja e nje bije qe kushedi sa pasoja ka edhe sot nga ‘ato vite te kaluara’ si i quani ju. Po te kishte qene i pafajshem minimalisht do kishte rritur femije te shendetshem, edhe jo kriminele, por dardha nen dardhe bie!
Shteti demokratik per nje dyqan po. e rregjistrove ne emer te djalit pa burim te ardhurash ta sekuestron por per mijra e mijra krime qe rane mni kete popull cemijet jane te pafajshem Ata nuk u distancuan kurre nga ato krime makabre dhe po tu jepet munsia do i perserisin prape Shihni komente se u dhunua djali i diktatorit kush nga keta ka shkrua per viktimat E meritojnm kete dhune
Eshte kollaj te flasesh sot .
Vetem ata qe i kan provuar disa gjera jua dine vertet vleren .
Moralist dhe trim mbas lufte behet kushdo qe eshte i pamoral .
Kuptoj Zonjen ne fjale qe me te drejte ka ate mllef qe eshte inpa kaperdishem pasi jo vetem vrane dhe roberuan at’here por po vazhdojne perseri dhe me e keqja edhe na murren si Heronj apo bije Heronjsh .
Simbas mendimit tim ky nervizizem i justifikuar ndodh pasi askush nuk u ndeshkua nga ata qe vrane e prene qe se paku te ja u lehtesonte dhimbjen atyre qe u ndeshkuan padrejtesisht per nje fjal goje u burgosen dhe u internuan ..
Edhe fjalorj dhe qendrimi idjaliy te diktatorit ska neboje per komente pasi vetkomentohet .
Gjithsesi pa dashur te mbroj askend nuk jam.i mendimit per dhune ne asnje forme por kur nuk ke sntet qe vendos dhe zbaton rregulla ndodhin shpesh edhe vetgjygjesi duam apo sduam.ne ky eshte realiteti …
Por edhe te me.krekoset si gheli ne mak te plehut nje bir diktatori ky eshte apurditeti me i madj qe ndodh vetem ne vendin e cudirave Shqiperi .
https://www.youtube.com/watch?v=CxK6e4U88OM
Zonje po ti shohesh me detaje fotot e bera nga ju.ju keni driten mirsine dhe progresin.ai kishte hijen e frkes hijen e te vrareve.hijen e vdekjes.ai eshte u vdekur.ju e gjalle dhe plot jete..bravaaaa.