VOAL

VOAL

Zjarr e flakë – Tërhiqet policia, shikoni momentet e përplasjes mes tyre dhe protestuesve në Rrugën e Kombit (foto)

March 31, 2018
blank

Komentet

blank

Nesër protesta e pedagogëve- Elbasani dhe Shkodra i bashkohen Tiranës, Korça e dyzuar!

Do të zhvillohet nesër në orën 11:00 protesta e pedagogëve përballë Universitetit Politeknik të Tiranës.

Nga ana e saj Sindikata e Punonjësve të Universiteteve të Shqipërisë ka bërë me dije se do të mbështesë protestën e paralajmëruar, ndërsa bën thirrje që pedagogët të bëhen bashkë dhe të qëndrojnë larg interesave politike të ditës.

Kreu i Sindikatës në Shkodër Peter Saraçi në një intervistë për ‘News 24’, tha se pedagogët kanë kërkuar rritje të pagave.

blank

 

“Nëse kërkesat nuk plotësohen atëherë do të vazhdojmë të ndjekim pikat e tjera”, tha Peter Saraçi.

blank

 

Gjithashtu pedagogë të Universitetit Aleksandër Xhuvani do t’i bashkohen protestës që do të zhvillohet ditën e nesërme.

blank

 

Gazetar Fatmir Popja tha se pritet të ketë pjesëmarrje masive e punonjësve të këtij universiteti duke shtuar se drejtuesit e Sindikatës në Elbasan i kanë bërë të qartë politikës të qëndrojnë larg protestës dhe të plotësojnë kërkesat e paraqitura.

blank

 

Po ashtu edhe pedagogët e qytetit të Korçës kanë organizuar një mbledhje, dhe nga një komunikim me pedagogët gazetarja Lorena Kodra tha se disa prej tyre kanë konfirmuar pjesëmarrjen, ndërsa disa të tjerë kanë shtuar se nuk do t’i bashkohen protestës pasi kanë frikë se me rritjen e pagave do të shkurtohen mësuesit.

blank

 

Ndërkohë janë rreth 70 % e pedagogëve në Korçë që kanë njoftuar se do të marrin pjesë në protestë.

blank

 

Deklarata:

blank

 

Përshëndetje të nderuar Kolegë!

Siç jeni informuar dhe nga mediat për ecurinë e bisedimeve me Ministren e Arsimit dhe Sportit, dhe për mosdakordësinë për çështjen e vlerësimit të pedagogut me një pagë dinjitoze, Sindikata ka vendosur vijimin e veprimeve sindikale deri në realizimin e kërkesave tona minimaliste. Në këtë kontekst, ju dërgojmë informacionin (një pjesë attachment) me sqarimet si mëposhtë:

-Thirrjen per protestën e radhës të Stafit Akademik, Ndihmës Akademik dhe Administrativ të Institucioneve të Arsimit të Lartë Publik, që do të mbahet të Mërkurën, më datë 05 tetor 2022, ora 11.00, para Korpusit Qendror të Universitetit Politeknik të Tiranës.

-Një Skedë me shtesat e kërkuara nga Sindikata, sipas kategorive për stafin akademik dhe ndihmës akademik e administrativ. Shtesa është llogaritur mbi pagën neto mesatare të secilës kategori, të ndara në shtesa e parë me 30% dhe shtesa e dytë me 20%. Aty do të shikoni se profesorati e stafi ndihmës edhe pas kësaj rritje të propozuar nuk i arrin pagat e Universiteteve të Kosovës. Pra, nuk po kërkojmë “qiqra ne hell”. Ndaj do të qëndrojmë fort në këtë kërkesë, se nga eksperienca, për 20 vite kështu rrinë.

Peticioni i Sindikatës së Punonjësve të Universiteteve:

Le të bëhemi këtë herë të gjithë bashkë në emër të misionit tonë akademik. Të gjithë profesorët që dëshirojnë që studentët nesër të vazhdojnë misionin e tyre, sot duhet të bëhen bashkë për ta bërë këtë profesion misionar të mirëpaguar.

Le të jemi të gjithë bashkë në këtë protestë për dinjitetin tonë dhe larg interesave politike të ditës.

Ata që nuk patën mundësi të ishin prezent në protestën e 15 shtatorit do të kenë mundësinë që të shprehin solidarizimin me pjesëmarrjen në protestën e radhës të 5 tetorit, ora 11.00, para UPT.

Pagat e punonjësve te universiteteve sipas kërkesës së Sindikatës:

Vetëm të bashkuar do ia dalim të vemë në vend dinjitetin tonë dhe synimin tonë për një arsim të lartë publik cilësor.

3.U bëhet thirrje drejtuesve të IAL-ve publike, të çdo niveli, të qëndrojnë në lartësinë e detyrës/funksionit të tyre akademik, duke mos penguar apo intimiduar pjesëmarrjen në këtë protestë të stafit.

– Në vëmendjen tonë është mbrojtja e të drejtave të çdo pjesëmarrësi në protestë. Në anën tonë kemi vetëm të drejtën dhe ligjin. Sipas nenin 197, pika 4, të Kodit të Punës “Ndalohet çdo veprim që përfshin shtrëngim, cënim ose diskriminim ndaj punëmarrësve për shkak të pjesëmarrjes apo jo në grevë”.

  1. Ju informojmë se kemi përgatitur informimin e Ambasadave të BE dhe shteteve anëtare, në veçanti Gjermanisë, Italisë, Austrisë, Francës e Hollandës, SHBA dhe Britanisë së Madhe, si sponsorizueset kryesore të zhvillimit demokratik të vendit, por dhe të Universiteteve me programet e tyre të vazhdueshme. Procesi i Necociatave të Anëtarësimit, sidomos kapitulli i 25 dhe 26 që kanë të bëjnë me shkencën dhe kërkimin si dhe arsimin dhe kulturën, duhet të shërbejë për një tërheqje vëmendje ndaj qeverive shqiptare për keqfinancim të arsimit të lartë në vend.
  2. Ndërkohë, do të vijojë nënshkrimi i Peticionit.

(BalkanWeb)

blank

Eksperti i IT: Kosova në sulm të vazhdueshëm kibernetik nga IP-të e Serbisë dhe Shqipërisë

Eksperti i IT, Hekuran Doli, komentoi nga Prishtina për emisionin ‘Çim Peka Live’ në Syri Tv sulmet kibernetike në Shqipëri dhe në Kosovë.

Doli u shpreh se kanë zbuluar se kanë pasur sulme dhe nga një server shumë i rëndësishëm i AKSHI-t në Shqipëri, dhe ky sulm vijon ende.

Eksperti tha se nga 3 shtatori dhe deri sot janë dërguar sulme të vazhdueshme nga Serbia dhe Shqipëria drejt Kosovës. Sipas ekspertit, serveri i AKSHI-t nga shkon sulmi në Kosovë, është shumë i rëndësishëm dhe përmban të dhëna edhe më të rëndësishme se këto që kanë dalë.

“Hakerat kanë përdorur kompjutera të infektuar në të gjithë botën për të sulmuar. I kanë shfrytëzuar të sulmojnë rrjetin e Kosovës. Në listë IP të adresave të sulmuesve, i ka prirë e para Serbia, Kosova e dyta dhe Shqipëria e treta.

Në listë e IP adresave të Shqipërisë, ka qenë një server shumë i rëndësishëm brenda rrjetit të AKSHI-t dhe për çudi ky server vijon e na sulmon, të jetë i bindur ndaj urdhrave të sulmuesit që po sulmon Kosovën.

Server shumë i rëndësishëm, të dhënat e të cilit nuk janë publikuar ende të internet. Të dhëna të të cilit s’janë publikuar ende, të dhëna dhe më të rëdësishme se këto që kanë dalë deri tani. Serveri brenda AKSHI-t që po na godet ne, është një indikacion, ka qasje dikush i paautorizuar.

Është zbuluar më 3 shtator kur filloi sulmi, ka dërguar sasi të mëdha të të dhënave. Për çudi nuk ndalet dërgimi i këtyre të dhënave. Ideja e sulmit, kemi sulm Ddos, dërgojnë kërkesa fake për të ngarkuar rrjetin e një infrastrukture, një numër kompjuterësh janë nga Shqipëria, ka pajisje nga sutruktura e AKSHI-t.“-tha Doli.

blank

SHBA pritet të njoftojë një pako të re ndihmash ushtarake për Ukrainën

VOA/Marrë nga Reuters

Pakoja e re e ndihmës për sigurinë e administratës së Presidentit Biden për Ukrainën pritet të përfshijë sistemin HIMARS të raketave, municione, mina dhe automjete rezistente ndaj minave, i thanë agjencisë së lajmeve Reuters të hënën dy burime të informuara për paketën prej 625 milionë dollarësh.

Pakoja e re armëve, që pritet të njoftohet të martën, është ndihma e parë e këtij lloji që nga aneksimi së fundmi nga Rusia i territorit ukrainas.

Aneksimi i katër provincave ukrainase nga Rusisë pasoi referendumet për bashkim me Moskën në zonat e pushtuara të Ukrainës. Qeveritë perëndimore dhe Kievi thanë se referendumet shkelnin ligjin ndërkombëtar, u organizuan me forcë dhe nuk përfaqësojnë vullnetin e banorëve.

Pjesë e pakos së re të armëve pritet të jenë katër sisteme të raketave HIMARS, rreth 200 automjete rezistente ndaj minave, municione për artelirinë e rëndë (Howitzer) dhe mina, që mund të dërgohen në Ukrainë në ditët në vijim.

Kjo është pakoja e pare e ndihmës ushtarake për Ukrainën e vitit të ri fiskal të vitit 2023 të qeverisë së Shteteve të Bashkuara, që hyri në fuqi më 1 Tetor dhe që lejon Presidentin Joe Biden të tërheqë armë të tepërta me vlerë deri në 3.7 miliardë dollarë për transferim në Ukrainë deri në mes të dhjetorit.

Javën e kaluar, Shtetet e Bashkuara njoftuan një pako armësh prej 1.1 miliardë dollarësh për Ukrainën që përfshinte 18 sisteme raketash HIMARS, municione shoqëruese, lloje të ndryshme sistemesh kundër dronëve dhe sisteme radarësh.

Shtëpia e Bardhë refuzoi të komentonte mbi pakon e re të armëve.

Zyrtarët, duke folur në kushte anonimiteti, thanë se paketa e armëve mund të ndryshojë në vlerë dhe përmbajtje deri në minutën e fundit.

Ky njoftim do të rriste ndihmën ushtarake amerikane në 16.8 miliardë dollarë që kur Rusia filloi sulmin kundër Ukrainës më 24 shkurt.

blank

Europa dëbon 12 mijë shqiptarë, kryesojnë Greqia dhe Franca

Ndërsa një valë e re emigracioni ka pushtuar vendin, argumentet e shqiptarëve për të ikur nuk duket se ia mbushin mendjen shteteve të Bashkimit Europian.

Të dhënat e fundit të Eurostat tregojnë se shqiptarët janë të tretët në botë përsa i përket urdhrave për t’u larguar nga një vend i BE-së në tremujorin e dytë të vitit 2022.

“Për sa i përket shtetësisë së njerëzve të urdhëruar të largohen nga territori i një shteti anëtar të BE-së, algjerianët (8 170) përfaqësonin pjesën më të madhe të totalit (8,5%), të ndjekur nga marokenët (7 235), shqiptarët (6 640) dhe pakistanezët (6). 260). Tunizianët (5 630) vijnë pas në listë, të ndjekur nga Bangladeshi (3 990), Gjeorgjianët (3 690), turqit (3 425), indianët (3 135) dhe irakenët (2 940)”, thuhet në njoftimin e Eurostat.

Vetëm në 6 muajt e parë të vitit, sipas të dhënave të Eurostat kanë marrë urdhër për dëbim nga një vend i BE-së gati 12 mijë shqiptarë (11,905), me një rritje prej 23% në krahasim me të njëjtën periudhë të një viti më parë.

Numri më i lartë i urdhrave për largim për shtetasit shqiptarë ka ardhur nga Greqia, me 35% të totalit, i ndjekur nga Franca me 28.5%, Gjermania 12% dhe Suedia me 3%.
Ndërsa për gjithë vitin 2021 kanë marrë urdhra largimi rreth 22 mijë shtetas shqiptarë.

Europa

Sipas Eurostat, Në tremujorin e dytë të vitit 2022, 96 550 shtetas jo-BE u urdhëruan të largoheshin nga një Shtet Anëtar i BE-së dhe gjithsej 23 110 u kthyen në një vend tjetër (përfshirë shtetet e tjera anëtare të BE-së) pas një urdhri për t’u larguar.

Në të dyja këto raste, kjo paraqet një rritje prej 16% në shifra absolute krahasuar me tremujorin e mëparshëm.

Krahasuar me të njëjtin tremujor të vitit 2021, numri i shtetasve jo-BE të urdhëruar të largohen nga territori i Shteteve Anëtare të BE-së u rrit me 15% dhe numri i njerëzve të kthyer në një vend tjetër u rrit me 11%.

Ndër vendet anëtare të BE-së, Franca raportoi numrin më të madh të shtetasve jo-BE të urdhëruar të largoheshin nga territori i saj në tremujorin e dytë të 2022: 33 450 persona, që përfaqësojnë më shumë se një të tretën e totalit (35%). Franca u pasua nga Greqia (8 750), Gjermania (8 275), Italia (6 020) dhe Austria (5 385).

Krahasuar me tremujorin e mëparshëm, Italia ishte shteti anëtar i BE-së që regjistroi rritjen më të madhe në numrin e njerëzve të urdhëruar të largoheshin (+2 215%), duke u rritur nga 260 në tremujorin e parë të 2022 në 6020. Kroacia gjithashtu pothuajse u dyfishua në të njëjtën periudhë, nga 2 675 në 4 830.

Vala e re e emigracionit

Pasi ranë në vitin e pandemisë dhe mbetën të ulëta në vitin 2021, aplikimet për azil nga shtetasit shqiptarë në vendet e Bashkimit Europian kanë filluar të rriten sërish me rikthimin e lëvizjes pa kufizime.

Sipas të dhënave të Eurostat, të përpunuara nga “Monitor” në 7 muajt e parë të vitit u regjistruan gati 5800 kërkesa për azil nga shtetasit shqiptarë, në një nga vendet e Bashkimit Europian.  Në krahasim me të njëjtën periudhë të një viti më parë, shifra është dyfishuar, duke dëshmuar për një tendencë të re të rigjallërimit të emigracionit.

Të dhënat zyrtare të Autoriteteve Britanike tregojnë se rreth 4729 shqiptarë kanë hyrë në mënyrë të paligjshme në vendin e tyre dhe janë regjistruar si azilkërkues gjatë periudhës janar-qershor 2022, një shifër që është sa 80% e të gjithë kërkesave për azil në 27 shtetet e tjera të Bashkimit Europian, duke e çuar në total shifrën e aplikimeve në mbi 10 mijë./MONITOR

blank

Petraeus: SHBA do t’i shkatërronte trupat ruse nëse Putini përdor armë bërthamore në Ukrainë

Ish-drejtori i CIA-s dhe gjenerali i ushtrisë në pension thotë se lideri i Moskës është “i dëshpëruar” dhe “realiteti i fushëbetejës me të cilin po përballet nuk mund të përmbyset”.

SHBA dhe aleatët e saj do t’i shkatërronin trupat dhe pajisjet e Rusisë në Ukrainë – si dhe do ta fundosnin flotën e saj në Detin e Zi – nëse Presidenti rus Vladimir Putin përdor armë bërthamore në vend, paralajmëroi të dielën ish-drejtori i CIA-s dhe gjenerali i ushtrisë me katër yje në pension, David Petraeus, sipas The Guardian.

Petreaus tha se ai nuk kishte folur me Këshilltarin e Sigurisë Kombëtare Jake Sullivan për reagimin e mundshëm të SHBA ndaj përshkallëzimit bërthamor nga Rusia, për të cilën zyrtarët e administratës kanë thënë se i është komunikuar vazhdimisht Moskës.

Ai i tha ABC News: “Sa për t’ju dhënë një hipotezë, ne do të kundërpërgjigjeshim duke udhëhequr një përpjekje kolektive të NATO-s që do të nxirrte jashtë çdo forcë tradicionale ruse që shohim dhe identifikojmë në fushën e betejës në Ukrainë e në Krime dhe çdo anije në Detin e Zi”.

Por Petreaus paralajmëroi, se “mund të bëhet akoma më keq për Putinin dhe Rusinë. Madje edhe përdorimi i armëve bërthamore taktike në fushën e betejës nuk do ta ndryshojë aspak këtë.” Megjithatë, ai shtoi se “duhet ta merrni seriozisht kërcënimin”.

Senatori Marco Rubio, anëtari republikan i Komitetit të Marrëdhënieve me Jashtë të Senatit i tha CNN se Putini ishte mes dy zgjedhjesh: të vendoste linja mbrojtëse ose të tërhiqej dhe të humbiste territorin.

Rubio tha se ai besonte se ishte “shumë e mundur” që Putini të godiste pikat e shpërndarjes nga ku furnizimet e SHBA dhe të aleatëve po hyjnë në Ukrainë, përfshirë dhe brenda Polonisë.

Senatori e pranoi kërcënimin bërthamor, por ai tha se më shumë shqetësoheshin për “një sulm rus brenda territorit të NATO-s, për shembull, duke vënë në shenjestër aeroportin në Poloni ose ndonjë pikë tjetër shpërndarjeje”.

“NATO do të duhet t’i përgjigjet kësaj,” tha ai. “Si do të përgjigjet, mendoj se shumë do të varet nga natyra e sulmit dhe shkalla dhe shtrirja e tij.”

Por, si një senator i informuar për raportet e Pentagonit, Rubio i rezistoi pyetjes nëse  kishte parë prova se Rusia po përgatitet të përdorë armë bërthamore kundër Ukrainës.

“Sigurisht, rreziku është ndoshta më i lartë sot se sa ishte një muaj më parë,” tha Rubio, duke parashikuar se Rusia ndoshta do të ndërmerrte një hap të ndërmjetëm.

“Ajo mund të godasë një nga këto pika logjistike. Dhe kjo pikë logjistike mund të mos jetë brenda … Ukrainës. Për mua, kjo është fusha në të cilën fokusohem më shumë, sepse ka një aspekt taktik. Dhe unë mendoj se ajo ndoshta e sheh atë si më pak shkallëzuese. Kurse NATO-ja, mundet që jo.” syri.net

blank

‘Po shfajëson Serbinë’: ish-ambasadori i Kosovës në SHBA kritikon Edi Ramën

Ish-ambasadori i Kosovës në Shtetet e Bashkuara të Amerikës, Avni Spahiu, vlerësoi fjalimin e kryeministrit Edi Rama në OKB, në mbrojtje të ish-krerëve të UÇK-së. Megjithatë, nuk i kurseu kritikat për qasjen e Shqipërisë ndaj Serbisë.

‘Kemi aspektin tjetër të qëndrimit të Edi Ramës ndaj politikës serbe, që në shumë situata është tepër e butë dhe në disa raste, shfajësues ndaj Beogradit. Ne e kuptojmë se kjo bëhet ndaj politikës në kuadër të Ballkanit të Hapur, e cila është diçka që pala kosovare me të drejtë po e refuzon, pasi i jep mundësi faktorizimit të Serbisë në rajon’, shprehet Spahiu.

Kryeministri Edi Rama, në fjalimin e tij, konfirmoi se Shqipëria nuk lëviz asnjë centimetër nga mbështetja e pavarësisë së Kosovës dhe i bëri thirrje Serbisë që ta njohë këtë realitet. Megjithatë, ndaj tij pati kritika në Prishtinë, për faktin se atë që ka ndodhur gjatë luftës së fundit në Kosovë e cilësoi ‘spastrim etnik’, në një kohë kur qeveria e Albin Kurtit pretendon se ka qenë gjenocid. Madje, për këtë po përgatitet dhe një padi ndaj Serbisë.

Ish-ambasadori foli edhe për mundësitë e një marrëveshjeje për normalizimin e raporteve mes palëve: ‘Qarqet diplomatike dhe politike në ShBA dhe Evropë mendojnë se kjo mund të arrihet vitin e ardhshëm’.

Spahiu i vlerëson si test të gjitha draftet që po diskutohen rreth marrëveshjes finale dhe themelimit të asociacionit të komunave me shumicë serbe në Kosovë, teksa këshilloi që zgjidhjet gjysmake të mos pranohen.

Ish-ambasadori foli edhe për liberalizimin e vizave, duke theksuar se është lajm i mirë që BE-ja po lëviz në këtë drejtim, mirëpo procedura në tërësi merr zakonisht nga tre deri në gjashtë muaj kohë. /A2

blank

Stoltenberg: Rusia do të përballet me pasoja të rënda nëse përdor armët bërthamore

VOA

Ukraina rimori të shtunën kontrollin e një qyteti kyç brenda territorit që presidenti rus e shpalli si të aneksuar nga Moska. Për sekretarin e Përgjithshëm të NATO-s, Jens Stoltenberg, përparimi i forcave ukrainase tregon se ato janë në gjendje t’i zmbrapsin trupat ruse.

Ata janë në gjendje të zmbrapsin forcat ruse për shkak të guximit dhe aftësive të tyre, por sigurisht edhe për shkak të armëve të avancuara që Shtetet e Bashkuara dhe aleatët e tjerë po u japin”, tha zoti Stoltenberg në një intervistë për rrjetin televiziv amerikan NBC.

I pyetur mbi aplikimin e Ukrainës për anëtarësim të përshpejtuar në aleancën perëndimore të mbrojtjes, zoti Stoltenberg tha se “çdo vendim për anëtarësim duhet të merret me konsensusin e të 30 vendeve anëtare”.

NATO po mbështet hetimin rreth dyshimeve për akte sabotazhi ndaj tubacioneve ruse Nord Stream që transportojnë gaz, nga Rusia në Evropë.

Çdo sulm i qëllimshëm ndaj infrastrukturës kritike të NATO-s do të përballet me një përgjigje të fortë dhe të bashkuar“, tha ai.

Shefi i NATO-s foli dhe mbi kërcënimin e Moskës për përdorimin e mundshëm të armëve bërthamore. Zoti Stoltenberg tha se Rusia do të përballej me pasoja të rënda nëse do t’i përdorte ato.

blank

Bugajski: BE-ja po e toleron Vuçiçin ashtu siç e toleronte dikur Putinin

Bashkëpunëtori i lartë i Fondacionit Jamestown nga Washingtoni dhe ekspert për Ballkanin, Janusz Bugajski, në një intervistë për medien malazeze, Pobjeda, ka thënë se perëndimi negocioi me Kishën Ortodokse Serbe, e cila është një lidhje e drejtpërdrejtë me Kremlinin, sepse mendonte se koncesionet do ta qetësonin.

Por thotë se, duke u bazuar në përvojat e mëhershme, nuk do të funksiononte…

Bugajski thekson se e njëjta Evropë lejoi që paratë ‘e pista’ ruse të kalonin nëpër bankat evropiane për tridhjetë vjet, në mënyrë që ta bënte Moskën pro-evropiane. E sipas tij, rusët tani po i përdorin ato lidhje për të minuar të njëjtën Evropë.

‘Nuk ka negociata me Moskën, Kishën Ruse dhe Kishën e Serbisë’, shpjegon ai.

Sipas Bugajskit, perëndimi me naivitet besonte se historia se Dritan Abazoviq si një fytyrë e re, pas tridhjetë vjetësh sundim të DPS-së, do të ishte një hit – dhe tani shihet sa e rrezikshme ishte sepse u përdor nga aktorë politikë që prisnin dobësimin e DPS-së.

‘Ata e shfrytëzuan atë shans dhe hynë në sistemin malazez dhe tani po e tërheqin zvarrë Malin e Zi. Mendoj se edhe SHBA-ja edhe BE-ja janë shumë të zhgënjyera nga Abazovici, dhe jo aq nga ai, por nga llogaritja e tyre e gabuar – thotë eksperti i Ballkanit.

Ai shton se duhet të ketë pasur diskutime me Abazovicin në SHBA për formimin e një qeverie të re dhe duhet t’i jetë thënë që të mos hyjë në marrëveshje me një parti që jo vetëm është e korruptuar nga paratë ruse, por është edhe një rrezik. në rajon për shkak të lidhjeve ruse.

‘Shpresoj se e ka kuptuar mesazhin. Shpesh pyes veten nëse ky njeri është naiv apo i mungon eksperienca në gjeopolitikë apo ka diçka më të thellë – nëse është i lidhur personalisht me Vuçiçin apo me Edi Ramin. Nuk do ta akuzoj për korrupsion, aq lehtë sa ua bën njerëzve të tjerë, sepse kjo është gjëja më e lehtë – të akuzosh dikë pa prova. Por, për fat të keq, Perëndimi, nga naiviteti, e besoi historinë se ai, si një fytyrë e re, do të ishte një hit pas tridhjetë vjetësh sundim të DPS-së. Dhe tani e shohim sa e rrezikshme ishte sepse u përdor nga aktorë politikë malinj që prisnin dobësimin e DPS-së. Ata e shfrytëzuan atë shans dhe hynë në sistemin malazez dhe tani po e tërheqin zvarrë Malin e Zi. Mendoj se edhe SHBA-ja edhe BE-ja janë shumë të zhgënjyera nga Abazovici, jo aq nga ai, por nga llogaritja e tyre e gabuar’, deklaroi ai.

Bugajski shpjegon se është shumë e vështirë të gjesh arsyetim për disa lëvizje të Abazoviqit.

‘Nëse qëllimi i tij ishte të nënshkruante të ashtuquajturën kontratën themelore dhe për t’i mundësuar Kishës së Serbisë të marrë atë që dëshiron, ta heqë atë çështje nga rendi i ditës, ai e teproi me dorën e tij, sepse KOS tani është më e fortë se kurrë dhe do të imponohet si një aktor shumë i rëndësishëm politik. Dhe jo vetëm si një lidhje me Vuçiçin, por si një dritare e hapur e Kremlinit në Ballkanin Perëndimor. Dhe ky është rreziku më i madh ndaj të cilit ai e ekspozoi shtetin’.

Ai thekson se kjo njohje nga SHBA-të se DF financohet nga Rusia erdhi shumë vonë, por pohon se shumë aktorë politikë e dinin këtë edhe para shpalljes.

‘Por kjo njohje është një mesazh i qartë nga SHBA se nuk do të mbështesë partitë e financuara nga paratë ruse në qeverinë e një vendi që po negocion me BE-në. Aty ka pasur shumë gabime edhe para kësaj njohjeje. Perëndimi negocioi me Kishën Ortodokse Serbe, e cila është një lidhje e drejtpërdrejtë me Kremlinin, sepse mendonte se koncesionet do ta qetësonin, por nuk funksionon kështu, e dimë nga përvoja. E njëjta Evropë lejoi që paratë ‘e pista’ ruse të kalonin nëpër bankat evropiane për tridhjetë vjet, në mënyrë që ta bënte Moskën pro-evropiane. Rusët tani po i përdorin ato lidhje për të minuar të njëjtën Evropë. Nuk ka negociata me Moskën, Kishën Ruse dhe Kishën e Serbisë-shpjegon Bugajski.

Iluzione të Perëndimit

Profesori amerikan thotë se tani ekziston një situatë e ngjashme me tolerancën ndaj Presidentit serb, Aleksandar Vuçiçit, sepse BE-ja dhe SHBA-ja shpresojnë se mund të negociohet me të.

‘Së pari, është naiviteti dhe moskuptimi i Perëndimit kur bëhet fjalë për Ballkanin Perëndimor, dhe së dyti, ata mendojnë se ende mund ta shndërrojnë Vuçiçin në demokrat, në dikë me të cilin mund të bashkëpunojnë dhe ta ndajnë. nga Rusia. Por kjo është e pamundur. Sepse Vuçiq po përpiqet të jetë ‘Titoja e vogël’ për të balancuar Lindjen dhe Perëndimin, duke mos e kuptuar se ai është në një situatë tjetër sepse tani Rusia është një kërcënim i hapur për sigurinë evropiane. Sot, Beogradi është qendra e subversionit rus në Ballkanin Perëndimor. Gjithashtu, SHBA nuk ka një strategji në këtë rajon dhe nuk është në dijeni të asaj që po ndodh. Po kështu, Putini ka planifikuar një sulm ndaj Ukrainës prej vitesh, për të rimarrë disa territore të supozuara ruse, dhe shumë nuk e kuptuan këtë strategjikisht dhe nuk u përgatitën për të. Kështu që edhe sot nuk i njohin rreziqet në Ballkan’, thotë Bugajski.

Ai kujtoi lidhjet shumë të komplikuara financiare dhe ekonomike midis BE-së dhe Rusisë.

‘Shikoni administratën aktuale gjermane, dhe nuk po i referohem vetëm Gerhard Schröder-it, është qeveria më e korruptuar në botë, dhe kjo për shkak të parave ruse. Dhe pastaj ankohen se Ballkani është i korruptuar dhe nuk e zgjidhin problemin në shtëpi. Deutsche Bank ishte pastruese e parave të pista të manjatëve rusë, ndaj këto lidhje janë kaq të ndërthurura’, shton tutje.

Dorëzimi i armëve

Lidhur me konfliktin në Ukrainë, ai thotë se kohëzgjatja e luftës do të varet nga shpejtësia e dorëzimit të armëve në Kiev.

‘Mobilizimi i Putinit është një shenjë dëshpërimi sepse ushtria ruse po pëson humbje të mëdha. Tetëdhjetë mijë ushtarë u vranë ose u plagosën në këtë luftë në gjashtë muaj. Ata humbën më shumë ushtarë në gjysmë viti në Ukrainë sesa në dhjetë vjet luftë në Afganistan. Ata paraqiten si një forcë ushtarake, ushtria e dytë më e fortë, por nuk janë. Unë kam parë pamjet e pajisjeve të para Luftës së Dytë Botërore. Gjithçka që po bën Putini tani tregon dëshpërim – ju po shkoni me forcë në Ukrainë sepse nuk duhet ta humbni atë luftë. Nuk e di saktësisht se sa do të zgjasë lufta, por mund t’ju them – sa më shumë armë të marrin ukrainasit, aq më shpejt do t’i kthejnë territoret’.

‘Duke folur për armët, ata kanë trupa shumë të stërvitur si ata që u stërvitën në SHBA, dhe tani janë ushtarë profesionistë, ndryshe nga këta rusë. Dhe ndërsa ushtria ukrainase bëhet një ushtri e NATO-s, sigurisht më e dobët se ajo. Dëgjoj nga gjeneralët amerikanë se ushtarët ukrainas janë aq të përkushtuar sa armët në duart e tyre janë edhe më efektive. Unë gjithashtu mendoj se për Aleancën ky është një mësim i madh për strategjinë ushtarake të Ukrainës, taktikat ushtarake, fleksibilitetin e qasjes, përparimin e trupave dhe mënyrën se si ata rezistuan. Do të studiohet në librat ushtarak, deklaroi Bugajski.

Polonia po shfaqet si një fuqi e re evropiane

I pyetur nëse pas pushtimit na pret Bashkimi i ri Evropian, Bugajski thotë se ka ndryshime pozitive dhe negative.

‘Gjëja pozitive është se të gjitha vendet e Bashkimit Evropian kanë vendosur sanksione ndaj Rusisë dhe po i respektojnë ato. Gjithashtu, shumica e shteteve anëtare i ofrojnë armë Ukrainës. Megjithatë, gjëja negative është se ekziston gjithmonë rreziku që nëse Putini ‘i bën presion’ Ukrainës me më shumë trupa, armë apo kërcënime për shkak të luftës bërthamore, disa anëtarë do të thonë – le të largohemi, le t’u japim disa territore ukrainase’.

‘Franca po e përballon me shumë sukses atë sfidë, por lider në lidhje me pushtimin e Ukrainës është Britania e Madhe, roli i saj është po aq i madh sa SHBA. Ka një tjetër gjë shumë interesante në lidhje me BE-në se disa fuqi të reja evropiane po shfaqen si rezultat i kësaj lufte. Shikoni Poloninë – ishte aleati më i mirë i Ukrainës, shikoni se si ata pranuan miliona ukrainas, jo si refugjatë, por i integruan në shoqëri si qytetarë të tyre, ata kanë arsim falas, kujdesi shëndetësor, pa kampe refugjatësh, ato u morën fjalë për fjalë nga familjet polake’.

‘Dhe akoma më e rëndësishmja, shumica e pajisjeve ushtarake mbërrin përmes Polonisë, ata trajnojnë forcat ukrainase, ata kanë shumë vullnetarë polakë. Tani Polonia po bëhet anëtarja më e rëndësishme e NATO-s Lindore, Armata e Pestë po shkon në Poloni dhe të gjitha pajisjet më të mira të SHBA-së tani janë në atë anëtar të BE-së, përfundoi Bugajski.

blank

Deklaratë e përbashkët: Nëntë shtete evropiane mbështesin anëtarësimin e Ukrainës në NATO

Presidenti ukrainas, Volodymyr Zelensky, duke iu drejtuar samitit të NATO-s në Madrid në qershor të vitit 2022.

RFE/RL

Nëntë shtete të Evropës Qendrore dhe Lindore kanë ofruar mbështetjen e tyre që Ukraina të bëhet anëtare e NATO-s, dhe i kanë bërë thirrje Aleancës që t’i ofrojë më shumë armë Kievit, në mënyrë që të mbrohet nga forcat pushtuese ruse.

Deklarata e lëshuar më 2 tetor u nënshkrua nga liderët e Republikës Çeke, Estonisë, Lituanisë, Letonisë, Maqedonisë së Veriut, Malit të Zi, Polonisë, Rumanisë dhe Sllovakisë.

Deklarata e përbashkët e këtyre nëntë shteteve vjen pasi presidenti ukrainas, Volodymyr Zelensky, deklaroi më 30 shtator se Ukraina ka dorëzuar kërkesën për aplikim për anëtarësim në NATO përmes procedurës së përshpejtuar.

Kjo kërkesë e Ukrainës u bë në ditën e njëjtë që presidenti rus, Vladimir Putin, pretendoi se Rusia ka aneksuar katër rajone ukrainase, që janë pjesërisht të pushtuara nga forcat ruse.

“Ne përsërisim mbështetjen tonë për sovranitetin dhe integritetin territorial të Ukrainës. Ne nuk njohim dhe nuk do të njohim kurrë përpjekjet ruse për të aneksuar territor ukrainas”, u tha në deklaratën e nëntë liderëve të shteteve të Evropës Qendrore dhe Lindore.

Deklarata e Putinit se Rusia ka aneksuar rajonet e Donjeckut, Luhanskut, Hersonit dhe Zaporizhjës, u pa si përshkallëzim i madh nga ana e Kremlinit.

I pyetur për kërkesën e Ukrainës për t’u anëtarësuar në NATO, sekretari i Përgjithshëm i Aleancës, Jens Stoltenberg, tha për një televizion amerikan se “çdo vendim për anëtarësim duhet të merret me konsensus dhe se të 30-të aleatët duhet të pajtohen që të merret një vendim i tillë”.

Stoltenberg tha po ashtu se rimarrja e kontrollit të qytetit të Limanit nga forcat ukrainase – qytet që gjendet në Donjeck – është dëshmi se ukrainasit po bëjnë përparim dhe janë në gjendje të dëbojnë nga territori forcat ruse.

“Ne kemi parë se ata ishin në gjendje të merrnin një qytet të ri, Limanin, dhe ky fakt dëshmon se ukrainasit po bëjnë përparim, janë në gjendje të dëbojnë forcat ruse për shkak të kurajës së tyre, për shkak të trimërisë dhe aftësive të tyre dhe natyrisht për shkak të armëve të avancuara që Shtetet e Bashkuara dhe aleatët e tjerë po iu ofrojnë”, tha Stoltenberg gjatë një interviste për NBC.

Sipas tij, mënyra më e mirë për të kundërshtuar pretendimin rus për aneksimin e pjesëve të Ukrainës, është vazhdimi i mbështetjes për Qeverinë në Kiev.

Ndërkaq, më 2 tetor, ministrja gjermane e Mbrojtjes, Christine Lambrecht, njoftoi se vitin e ardhshëm do të dërgohen në Ukrainë 16 obusë që janë prodhuar në Sllovaki. Këto armë do të financohen nga Danimarka, Norvegjia dhe Gjermania.

blank

Papa i bën thirrje Putinit të ndalë “spiralen e dhunës dhe vdekjes”

RFE/RL

Papa Françesku i ka bërë thirrje presidentit rus, Vladimir Putin, që të ndalë “këtë spirale të dhunës dhe vdekjes” duke iu referuar luftës në Ukrainë.

Deklaratat e Papës të bëra më 2 tetor gjatë lutjeve publike në Sheshin e Shën Pjetrit në Vatikan, janë disa prej deklaratave më të forta që ai ka bërë qëkur Rusia nisi pushtimin e Ukrainës më 24 shkurt.

“Apeli im i drejtohet fillimisht presidentit të Federatës Ruse, duke iu lutur atij që të ndalë – për hir të popullit të tij – këtë spirale të dhunës dhe vdekjes”, tha Françesku.

“Në anën tjetër, i pikëlluar nga vuajtjet e mëdha të popullit ukrainas pas agresionit, i drejtohem me një apel presidentit të Ukrainës që të jetë i hapur për propozime serioze të paqes”, shtoi Papa.

Lideri i Kishës Katolike po ashtu dënoi rrezikun në rritje të një lufte bërthamore, duke e quajtur “absurde”.

“Ndiej keqardhje të madhe për situatën serioze që është krijuar ditëve të fundit, me veprime të mëtejme që bien ndesh me parimet e ligjit ndërkombëtar”, tha ai.

“Në fakt, rrit rrezikun e një përshkallëzim bërthamor deri në pikën e frikës nga pasoja të pakontrollueshme dhe katastrofale për mbarë botën”, shtoi ai.

Komentet e Papës vijnë dy ditë pasi Putin njoftoi se Rusia po anekson katër rajone të Ukrainës, që janë pjesërisht të pushtuara nga forcat ruse.

Në fjalimin e Putinit, më 30 shtator, ai po ashtu bëri kërcënime lidhur me përdorimin e armëve bërthamore në konflikt, duke përsëritur kërcënimet e mëparshme kur ai paralajmëroi Perëndimin se nuk po bënte “blof”.

Kremlini ende nuk ka reaguar për komentet e Papës.

blank

Ish-ambasadori i Kosovës në SHBA: Qarqet diplomatike janë optimiste se vitin tjetër arrihet marrëveshja me Serbinë

Ish-ambasadori i Kosovës në Shtetet e Bashkuara të Amerikës (ShBA), Avni Spahiu, thotë se qarqet diplomatike dhe politike në ShBA dhe Bashkim Evropian janë optimiste se brenda vitit të ardhshëm do të ketë një marrëveshje finale, ndërmjet Kosovës dhe Serbisë. Mirëpo, ai thekson se Qeveria e Kosovës nuk duhet të pranojë asnjë zgjidhje gjysmake që nuk garanton normalizimin e plotë të marrëdhënieve me njohje reciproke.

Diplomati kosovar thotë për KosovaPress se në situatën aktuale gjeopolitike, bashkësia ndërkombëtare po kërkon rezultat konkret në dialog. Megjithatë, shton se në rend të parë të diskutimit është edhe përcaktimi i Serbisë në krah të Rusisë.

“Në këtë situatë bashkësia ndërkombëtare kërkon të ketë një rezultat, duke u përcaktuar si duket në mundësinë e kalimit të një marrëveshje që do të obligonte të dy palët dhe do të sillte deri te normalizimi dhe njohja e ndërsjellë. Në këtë moment kjo është larg të shihet, por qarqet diplomatike dhe politike në ShBA dhe Evropë mendojnë se kjo mund të arrihet vitin e ardhshëm… Në rend të parë të diskutimit për rajonin është përcaktimi i Serbisë, krahas Rusisë. Kjo është shqetësimi më i madh i bashkësisë ndërkombëtare. Kjo është në çdo proces në rajon, sidomos në procesin e dialogut. Serbia në këtë situatë jo vetëm që s’ka vullnet për të bërë një kthesë drejt një pajtimi rajonal, por po synon të destabilizojë paqen dhe bashkëpunimin në Ballkan, sidomos në raport me Kosovën dhe subjektivitetit të saj”, thotë ai.

Spahiu i vlerëson si “balona provuese” të gjitha draftet që po diskutohen rreth marrëveshjes finale dhe themelimit të Asociacionit të komunave me shumicë serbe në Kosovë.

“Draftet që janë paraqitur së fundmi janë gjithashtu ‘balona provuese’ që vijnë nga burime që nuk janë të qarta. Kemi pasur edhe të kaluarën ‘non-papers’, apo letra jo zyrtare. Tani është një valë e re, gjermanët dhe francezët përgënjeshtruan se ata kanë përgatitur një draft të tillë. Mbetet e dyshimtë ky drafti i fundit. Por Qeveria e Kosovës duhet të tregojë në këtë situatë konstruktivitetin e vet se është për dialog, por jo me çdo kusht të pranojë zgjidhje gjysmake, apo ndonjë epilog që nuk do të garantonte normalizimin dhe njohjen e ndërsjellë midis dy vendeve. Pala kosovare duhet të jetë në konsultë të vazhdueshme me partnerët tanë, ShBA dhe vendet partnere në BE, lidhur me atë se si të procedohet tutje. Është e qartë, siç jemi ankuar vazhdimisht se Serbia nuk tregon konstruktivet dhe fleksibilitet sa i përket dialogut. Të gjitha marrëveshjet që janë nënshkruar për çështje konkrete nuk janë zbatuar”, shton ai.

Spahiu për KosovaPress flet edhe për liberalizmin e vizave për Kosovën. Ai thotë se është lajm i mirë që BE-ja po lëvizë në këtë drejtim, mirëpo procedura për liberalizimin e vizave në tërësi merr tre deri në gjashtë muaj kohë.

“Ky proces, sikur në rastin e shteteve të tjera që ju kanë hequr vizat, edhe në këtë rast do të kërkohet një periudhë prej tre deri në gjashtë muaj. Pasi ka procedura që duhet të ndjekur. Kjo çështje tani paraqitet në Këshillin e BE-së, komisionet dhe pastaj në parlament në Strasburg. Kërkohet votimi, pastaj ju dërgohet vendeve anëtare, ministrive dhe në fund mbetet nënshkrimi nga vet vendet anëtare, prandaj kjo merr kohë. Por mendoj se është një lajm i mirë që BE-ja po lëvizë në atë drejtim dhe shpresoj se nga pranvera të kemi liberalizimin e vizave”, thotë ai.

Sa i përket përfaqësimit të Kosovës në margjinat e konferencës së Asamblenë e Përgjithshme të OKB-së, ish-ambasadori thotë se tashmë është bërë praktikë që liderët kosovarë të jenë të pranishëm, përkundër që Kosova nuk është anëtare e OKB-së.

Ai vlerëson edhe fjalimin e kryeministrit të Shqipërisë, Edi Rama në mbrojtje të ish-krerëve të UÇK-së.

Mirëpo thotë se kreu i qeverisë shqiptare po përdorë politikë të butë ndaj Serbisë, e shpeshherë edhe shfajësuese.

“Fjala e kryeministrit shqiptar në Asamblenë e Përgjithshme të OKB-së ishte diçka për t’u përshëndetur. Ka të bëjë me një çështje që është preokupuar e tërë shoqëria kosovare, me akuzat e padrejta të Dick Martyt që siç po shihet kanë qenë të montuara. Kemi aspektin tjetër të qëndrimit të Edi Ramës ndaj politikës serbe, që në shumë situata është tepër e butë dhe disa raste shfajësues ndaj Beogradit. Ne e kuptojmë se kjo bëhet ndaj politikës në kuadër të Ballkanit të Hapur, e cila është diçka që pala kosovare me të drejtë po e refuzon, pasi i jep mundësi faktorizimit të Serbisë në rajon”, përfundon Spahiu.

Kryeministri shqiptar Edi Rama në fjalimin e tij në OKB ka thënë se Shqipëria nuk do të lëvizë asnjë centimetër nga mbështetja dhe qëndrimi se Serbia duhet ta njohë Kosovën e pavarur.

Megjithatë, ndaj tij pati kritika kur atë çfarë kishte ndodhur gjatë luftës së fundit në Kosovë e cilësoi “spastrim etnik” në një kohë kur Kosova pretendon që ka qenë gjenocid dhe do të përgatisë një padi ndaj Serbisë. /KP

blank

Kurti fton shqiptarët në Serbi të marrin pjesë në regjistrimin e popullsisë

RFE/RL

Kryeministri i Kosovës, Albin Kurti, ka ftuar shqiptarët që jetojnë në Serbi të marrin pjesë në procesin e regjistrimit të popullsisë dhe të pronës.

Ky proces ka nisur më 1 tetor dhe do të zgjasë deri në fund të po këtij muaji.

Përmes një video-mesazhi të publikuar në rrjetet sociale, Kurti tha se shqiptarët që jetojnë në Serbi “vazhdimisht përballen me diskriminim kombëtar e njerëzor, e së fundmi edhe me pasivizimin e adresave të tyre”.

Spas Kurtit, ky proces për shqiptarët nuk është vetëm çështje statistike.

“Si kryeministër i Republikës së Kosovës ftoj shqiptarët që jetojnë në Serbi, e në veçanti në komunat Preshevë, Medvegjë e Bujanoc, që t’i përgjigjeni regjistruesve, duke regjistruar veten e familjarët. Ju ftoj që shtypjes t’i përgjigjeni me regjistrim. T’i përgjigjeni pasivizimit duke regjistruar çdo shqiptar. Edhe ata që gjenden me banim të përkohshëm në diasporë dhe Kosovë. Të dëshmoni me vendosmëri që jeni aty”, tha Kurti.

Përfaqësuesit politikë nga të gjitha partitë që përfaqësojnë komunitetin shqiptar në Serbi, përmes një deklarate të nënshkruar në korrik të këtij viti, u zotuan se do të marrin pjesë në regjistrimin e popullsisë, amvisërive dhe banesave në Serbi.

Shqiptarët në jug të Serbisë – në Preshevë, Medvegjë e Bujanoc – kishin bojkotuar regjistrimin e popullsisë më 2011.

Sipas vlerësimeve të bashkësisë ndërkombëtare, në Serbi jetojnë rreth 60 mijë shqiptarë, kryesish në tri komunat në jug, që njihen edhe me termin Lugina e Preshevës.

Në vazhdimësi, partitë politike të shqiptarëve në Serbi janë ankuar se pakica shqiptare përballet me diskriminim. Ata po ashtu kanë shprehur shqetësimin për procesin e pasivizimit të adresave, që sipas politikanëve shqiptarë, po bëhet për të ndryshuar “strukturën etnike” të tri komunave ku jeton shumica e pakicës shqiptare në Serbi.

Më 2021, Komiteti i Helsinikit për të drejtat e njeriut në Serbi, tha se Beogradi zyrtar, në mënyrë që të ulë numrin e shqiptarëve në Luginë të Preshevës, po kryen procesin e “pasivizimit të banorëve shqiptarë” që jetojnë jashtë Serbisë, qoftë në Kosovë apo në shtetet evropiane.

“Kjo masë, në thelb, është një formë e spastrimit etnik përmes mjeteve administrative”, thuhej në raportin e Komitetit të Helsinkit.

Sipas Komitetit të Helsinkit, kur një adresë e banimit pasivizohet dhe hiqet nga libri amëz në Serbi, “ai person praktikisht pushon së ekzistuari”. Personave që u pasivizohen adresat nuk mund të pajisen me letërnjoftim apo pasaportë të re. Rrjedhimisht, sipas Komitetit të Helsinkit, atyre u parandalohet të regjistrojnë makinën e tyre, të blejnë apo shesin prona, të kenë qasje në kujdesin shëndetësor dhe në shërbimet sociale dhe të votojnë në zgjedhje, qofshin ato lokale apo të përgjithshme.


Send this to a friend