VOAL

VOAL

Please Wait ...
0%

Zbulohet në Egjipt varri i artarit mbretëror, i vjetër mbi 3 500 vjet

By | September 10, 2017

Komentet

Forbes: Për shkak të COVID-19, 226 persona nuk janë më miliarderë

Në gjysmën e parë të muajit mars, 226 persona e kanë humbur statusin e miliarderit, si rezultat i luhatjes ekonomike, të shkaktuar nga pandemia e koronavirusit, theksoi revista “Forbes”.

Jef Bezos është në krye të listës së pasanikëve botërorë, për të tretin vit me radhë, por pandemia botërore e ka ndryshuar listën e miliarderëve të “Forbes”, e prej këtu shumë prej tyre më nuk janë në këtë listë.

Pasuria e Bezosit vlerësohet në 113 miliardë dollarë, por ajo ka shënuar rënie prej 18 miliardë dollarë amerikanë në krahasim me vitin e kaluar, më së shumti nga “dëmshpërblimi” për shkak të divorcit nga ish-bashkëshortja e tij, por aksionet e kompanisë së tij Amazon janë rritur me 15 %.

Bashkëthemeluesi i “Microsoft”, Bill Gates mban vendin e dytë me pasuri prej 98 miliardë dollarë, 1,5 dollarë amerikanë më shumë se vitin e kaluar. Nga miliarderët tjerë, 51 % janë më pak të pasur se vitin e kaluar.

Miliarderët botërorë gjithsej “peshojnë” rreth tetë trilionë dollarë, që është ulje për 700 miliardë dollarë në krahasim me vitin 2019, njofton “Forbes”.

Në listën më të re të “Forbes ka gjithsej 2 095 miliarderë. bw

Mbi 1.5 milion persona të prekur nga koronavirusi në botë

Sipas të dhënave të Universitetit Johns Hopkins, numri i personave të infektuar me koronavirus në botë ka tejkaluar shifrën 1.5 milion.

Këto shifra tregojnë rritje prej gjysmë milioni në gjashtë ditë.

Numri i të prekurve mendohet se është shumë më i lartë, pasi shumica e personave janë duke u përballur me simptoma të lehta.

Pothuajse 90 000 persona kanë vdekur në gjithë botën dhe më shumë se 337 000 janë shëruar, disa të dhënave të këtij universiteti.

Shtetet e Bashkuara kanë numrin më të madh të të prekurve, 432 000, të pasuara nga Spanja, Italia dhe Gjermania.

Italia deri më tani ka numrin më të madh të të vdekurve, 17 000, ndërkohë që më shumë se 15 000 persona kanë vdekur në Spanjë dhe mbi 10 000 të Francë.

Mbretëria e Bashkuar deri më tani ka më shumë se 7 000 të vdekur dhe mbi 60 000 të infektuar. rel

SHBA dhe Britania paralajmërojnë kundër sulmeve kibernetike që përdorin koronavirusin si karrem

Washington

Agjencitë e intelegjencës të SHBA-së dhe Britanisë lëshuan një deklaratë të përbashkët në të cilën paraljmërojnë në dukurinë gjithnjë e më të shpeshta kibernetike të cilat përdorin pandeminë globale të koronavirsuit (COVID-19) si karrem, transmeton Anadolu Agency (AA).

Departamenti amerikan i Sigurisë Kombëtare dhe Qendra Kombëtare britanike e Sigurisë Kibernetike theksuan se kriminelët dhe një grup që paraqet “kërcënim të vazhdueshëm” po përpiqen të transmetojnë softuerë të dëmshëm “ransomware” dhe “malware” që lidhen me pandeminë COVID-19.

Më tej shtohet se një shembull përfshin e-mailat që vijnë nga Organizata Botërore e Shëndetësisë (OBSH). Ndërkaq, shembujt e tjerë janë ato të përpjekjeve të vjedhjes së identitetit që duken sikur vijnë nga Microsoft ose kompani të tjera të teknologjisë, mjetet e të cilave shpesh përdoren nga njerëz që punojnë nga shtëpia.

Deklarata thekson se nuk kanë hasur në një rritje të përgjithshme të krimit kibernetik, por është gjithnjë e në rritje përdorimi i kërcënimeve me qëllim të keq që përfshijnë temat e lidhur me COVID-19.

Më 11 mars, OBSH përhapjen e virusit e shpalli “pandemi globale”. Përveç Evropës, OBSH ka shpallur Shtetet e Bashkuara epiqendrën e re të pandemisë së koronavirusit, e cila u shfaq për herë të parë në fund të vitit të kaluar në qytetin kinez Wuhan. Më shumë se 83.400 njerëz kanë vdekur nga COVID-19 në gjithë botën, dhe më shumë se 1.440.000 raste janë konfirmuar globalisht, sipas të dhënave nga Universiteti amerikan Johns Hopkins. Deri më tani janë shëruar më shumë se 305.000 njerëz.

Mbi 300 mijë njerëz janë shëruar nga COVID-19 në të gjithë botën

Numri i njerëzve të shëruar në të gjithë botën nga koronavirusi i ri tejkaloi sot shifrën 300.000 në mëngjes, tregojnë të dhënat nga Universiteti “Johns Hopkins” me qendër në SHBA, transmeton Anadolu Agency (AA).

Që kur u shfaq në Wuhan të Kinës, dhjetorin e kaluar, koronavirusi është përhapur në mbarë globin, me numrin e rasteve të konfirmuara që tani tejkalon 1.42 milionë persona.

Numri i vdekjeve në të gjithë botën deri tani kap shifrën mbi 82 mijë.

Italia, Spanja, Franca dhe SHBA vazhdojnë të jenë vendet më të goditura sa i përket vdekjeve.

Italia ka raportuar numrin më të lartë të vdekjeve nga virusi me 17,127, e ndjekur nga Spanja me 14.045 dhe Franca me 10.343.

Britania e Madhe ka raportuar 6.171 vdekje ndërsa Irani 3.872.

Që nga e marta në mbrëmje, numri i të vdekurve në SHBA është rritur në mbi 12.700.

Turqia të martën konfirmoi se 76 persona tjerë në vend kanë vdekur nga koronavirusi gjatë 24 orëve të fundit, duke e çuar numrin e përgjithshëm në 725, ndërsa numri i rasteve të konfirmuara është rritur në 34.109 pasi 3.892 persona rezultuan pozitiv, tha para gazetarëve ministri i Shëndetësisë, Fahrettin Koca.

Organizata Botërore e Shëndetësisë (OBSH) muajin e kaluar e shpalli sëmundjen pandemi globale dhe Evropën epiqendrën e saj të re.

Japonia u ofron falas 20 vendeve ilaçin kundër COVID-19

Japonia ofron falas ilaçin kundër gripit për disa vende, përfshirë Turqinë, për të trajtuar pacientët me koronavirusin e ri (COVID-19), deklaroi ministri i Jashtëm japonez, Toshimitsu Motegi, transmeton Anadolu Agency (AA).

Siç raporton agjencia e lajmeve Kyodo News, Motegi tha se 20 vende mund të marrin ilaçin Avigan, i cili aktualisht po kalon teste klinike, përfshirë Turqinë, Bullgarinë, Çekinë, Indonezinë, Iranin, Mianmarin dhe Arabinë Saudite.

“Tridhjetë vende të tjera kanë shfaqur interes për ilaçin”, tha Motegi para gazetarëve.

“Ne do të punojmë me vendet e interesuara për zhvillimin e studimeve klinike të Avigan ndërkombëtarisht”, citoi agjencia të ketë thënë ai.

Avigan, i njohur gjithashtu si Favipiravir, është një ilaç antiviral i zhvilluar nga Toyama Chemical e Japonisë për të trajtuar gripin, por studiuesit në Kinë thonë se ka efekt edhe ndaj koronavirusit.

Japonia ka mbi 4.250 raste të konfirmuara me COVID-19 ndërsa 93 kanë vdekur.

Kryeministri japonez, Shinzo Abe të martën shpalli gjendje të jashtëzakonshme njëmujore në të paktën 7 prefektura nga 47, përfshirë Tokion, për të parandaluar përhapjen e koronavirusit.

Masat e reja i lejojnë pushtetit lokal të ndërmarrë hapa më rigoroze parandaluese, përfshirë kërkesën për të qëndruar në shtëpi dhe të kufizojë funksionimin e shkollave dhe shërbimeve të tjera.

Që kur u shfaq në Wuhan të Kinës, dhjetorin e kaluar, koronavirusi është përhapur në mbarë globin, me numrin e rasteve të konfirmuara që tani tejkalon shifrën 1.42 milionë persona.

Numri i vdekjeve në të gjithë botën deri tani ka arritur në mbi 82 mijë.

Johnson në reanimacion, Mbretëria e Bashkuar: Shëndeti i tij është përkeqësuar ndjeshëm!

Mbretëria e Bashkuar është e shqetësuar për kryeministrin e saj: shëndeti i 55-vjeçarit të infektuar me virusin Corona duket se është përkeqësuar në mënyrë të konsiderueshme.

Boris Johnson u transferua në pavionin e reanimacionit në Spitalin St Thomas pas këshillës së mjekëve të tij, tha qeveria në Londër. Ishte një masë paraprake, për rastin nëse kryeministri Britanik do të kishte nevojë për frymëmarrje artificiale.

Kjo nuk ka ndodhur ende, i tha të martën ministri i kabinetit Michael Gove radios LBC. “Kryeministrit i kanë dhënë oksigjen dhe ai është nën mbikqyrje të rreptë”, tha Glove, të cilin e citon Reuters.

Johnsoni është i ndërgjegjshëm. Megjithatë kreu i qeverisë i kërkoi Ministrit të Jashtëm Dominic Raab që “ta përfaqësojë aty ku është e nevojshme”, bëri të ditur zyra e tij.

“Kryeministri është në duar të shkëlqyera dhe falënderon të gjithë punonjësit e (shërbimit shëndetësor) NHS për punën dhe angazhimin e tyre të palodhur,” u bë e ditur.

55-vjeçarin e sollën në spital të dielën – “për disa teste të zakonshme”, u tha në fillim. Gjatë së hënës, gjendja e tij u përkeqësua.

Mungesa kronike financimi

Johnson e bëri publik infektimin e tij me patogjenin COVID-19 në fund të marsit. Fillimisht, ai vazhdoi të punonte në izolim në selinë e qeverisë në Downing Street në Londër. Në mesazhet e tij me video për pandeminë e koronavirusit, ai ishte optimist, por ai tashmë dukej i rënë nga fuqitë dhe kishte humbur dukshëm peshë. Sipas një zëdhënësi, ai vuante nga temperatura e lartë dhe kolla, simptomat nuk ndryshonin.

Në fillim të marsit, Johnsoni ende mburrej se kishte shtrënguar duart në një spital, përfshirë edhe pacientëve me COVID-19. Ai do të vazhdonte ta bënte këtë, tha ai në atë kohë.

Qeveria britanike është nën presion të madh në luftën kundër pandemisë: një kurs i pavendosur harxhoi kohë të vlefshme në kontrollin e shpërthimit të pandemisë. Për më tepër, nuk ka teste të mjaftueshme, pajisje mbrojtëse dhe aparate respiratorë në shërbimin shëndetësor britanik NHS, të nënfinancuar në mënyrë kronike. Klinikat e para madje raportuan mungesë të oksigjenit për frymëmarrjen./DW

Kryeministri Boris Johnson në kujdes intensiv

Kryeministri britanik Boris Johnson u transferua të hënën në kujdes intensiv pas rëndimit të simptomave të koronavirusit.

Zyrtarët shëndetësorë njoftuan se ai është i vetëdijshëm.

Zoti Johnson i ka kërkuar Sekretarit të Jashtëm Dominic Raab ta zëvendësojë përkohësisht në postin e kryeministrit, tha zyra e tij.

Kryeministri Johnson u u shtrua në spital natën e së dielës dhe u është nënshtruar analizave pasi shfaqi simptoma të vazhdueshme të koronavirusit për më shumë se 10 ditë, por qeveria kishte thënë më herët se ai ishte në humor të mirë dhe ende në krye të punëve.

“Gjatë pasdites së sotme, gjendja e Kryeministrit është përkeqësuar dhe, me këshillën e ekipit të tij mjekësor ai është transferuar në Njësinë e Kujdesit Intensiv në spital,” tha një zëdhënës.

Johnson, 55 vjeç, testoi pozitivisht për virusin më 26 Mars. zëri i amerikës

Boris Johnson po trajtohet me oksigjen në spital. Ç’po ndodh me kryeministrin britanik?

Kryeministri i Britanisë së Madhe, Boris Johnson, vijon të jetë i shtruar në spital, prej mbrëmjes së kaluar, pasi kishte plot 10 ditë me simptoma të koronavirusit.

“Daily Mail” raporton se kryeministri britanik është vendosur në oksigjen, pasi simptomat e koronavirusit janë përshkallëzuar, duke shqetësuar mjekët.

Johnson iu bë një trajtim me oksigjen, duke e këshilluar të mos rrezikonte jetën e tij me oraret e stërgjatura në punë. Sipas një anëtari të parlamentit, Johnson është shumë i prirur të imitojë heroin e tij Ëinston Churchill.

Ditën e premte, kryeministri Johnson postoi një video në rrjetet sociale ku shfaqej i lodhur nga sëmundja dhe tregonte se ishte ende me temperaturë të lartë. bw

Kryeministri britanik dërgohet në spital për shkak të simptomave të virusit

Kryeministri britanik, Boris Johnson gjatë një mbledhjeje online nga shtëpia e tij.

Kryeministri britanik, Boris Johnson, është dërguar në spital për të kryer analiza, 10 ditë pasi doli të jetë infektuar me koronavirus, ka njoftuar zyra e tij, raporton BBC.

Ai “vazhdon të ketë simptoma të vazhdueshme të koronavirusit duke përfshirë temperaturë të lartë”, tha një zëdhënëse.

“Me këshillën e mjekut të tij, kryeministri sot është pranuar në spital për analiza”, tha zëdhënësja.

Ajo shtoi se “kryeministri falënderon stafin e Shërbimit Kombëtar të Shëndetit për punën e tyre të jashtëzakonshme dhe e nxit publikun që të vazhdojë të ndjekë këshillat e qeverisë për të qëndruar në shtëpi”.

Kryeministri Johnson ka punuar nga shtëpia, pasi u njoftua më 27 mars se ai ishte infektuar me koronavisurin e ri.

“Ne do të kemi sukses”, thotë Mbretëresha Elizabeth II në fjalimin drejtuar kombit

Sfida e luftimit të koronavirusit është e ndryshme nga vështirësitë e tjera me të cilat jemi përballur më parë, ka thënë Mbretëresha britanike Elizabeth II.

Adresimi i saj drejtuar kombit, u bë përmes transmetimit të drejtpërdrejtë televiziv.

“Këtë herë ne bashkohemi në një përpjekje të përbashkët me të gjitha kombet në të gjithë globin, duke përdorur përparimet e mëdha të shkencës dhe dhembshurinë tonë instiktive për të shëruar”, tha ajo.

“Ne do të kemi sukses – dhe se suksesi do t’i takojë secilit prej nesh”, tha Mbretëresha Elizabeth.

Numri i të vdekurve nga koronavirusi në Mbretërinë e Bashkuar, më 5 prill, është rritur për 621 persona, duke e çuar numrin e përgjithshëm të viktimave në 4,934.

Mbretëreshë theksoi vlerën e vetë-disiplinës dhe vendosmërisë – duke thënë se ajo shpreson që, në të ardhmen, të gjithë “të jenë në gjendje të krenohen me mënyrën se si iu përgjigjën kësaj sfide”

Ajo tha se ky adresim i kujtonte asaj transmetimin e saj të parë, të bërë gjatë Luftës së Dytë Botërore me motrën e saj, Princeshën Margaret.

Ajo theksoi se “do të kemi sukses” në trajtimin e koronavirusit, dhe – duke iu referuar këngës së Vera Lynn gjatë kohës së luftës – siguroi kombin që “do të takohemi përsëri”. rel

Mbi 250 mijë të shëruar nga COVID-19 në mbarë botën

Numri i të shëruarve nga COVID-19 në mbarë botën shkon në mbi 250 mijë.

Më shumë se 1,2 milion raste me koronavirus (COVID-19) janë konfirmuar në gjithë botën, sipas të dhënave të përpiluara nga Universiteti Johns Hopkins me qendër në SHBA, transmeton Anadolu Agency (AA).

Rreth 64.774 persona kanë vdekur pas infektimit me virusin, ndërsa 246.893 janë shëruar pas trajtimit.

Që nga shfaqja në Wuhan të Kinës dhjetorin e kaluar, koronavirusi është përhapur në mbarë botën.

SHBA është kthyer në vendin me numrin më të madh të rasteve të konfirmuara me koronavirus, gjithsej 312.146.

Megjithatë, Italia ka numrin më të madh të vdekjeve nga virusi, me 15.362, e ndjekur nga Spanja me 11.947 viktima.

Sir Keir Starmer zgjidhet drejtues i Partisë Laburiste të Britanisë

Londër

Sir Keir Starmer u zgjodh udhëheqësi i ri i Partisë kryesore opozitare Laburiste të Britanisë, transmeton Anadolu Agency (AA).

“Është nder dhe privilegj i jetës sime të zgjidhem si drejtues i Partisë Laburiste””, tha Starmer në një deklaratë.

Starmer fitoi me 56,2 për qind të votave në raundin e parë, që paraqet një fitore vendimtare. Ai e drejtoi fushatën e tij nga qendra e partisë, duke u zotuar se do të bashkojë fraksionet e konfrontuara centraliste dhe socialste brenda partisë.

Starmer nënvizoi se partia humbi katër zgjedhje rresht dhe se “para nesh kemi një mal për t’u ngjitur”.

“Por ne do të ngjitemi dhe do të bëj çmos që të lidhemi përsëri me gjithë vendin, të riangazhohemi me komunitetet dhe votuesit tanë, të lidhim koalicion nëpër qytetet dhe rajonet tona me të gjitha besimet dhe komunitetet, duke folur për gjithë vendin”, shtoi ai.

Duke premtuar se do të bashkojë Partinë Laburiste, Starmer tha se do të merret me pretendimet për antisemitizëm brenda partisë.

“Në emër të Partisë Laburiste, më vjen keq”, tha ai.

“Unë do ta heq këtë helm nga rrënjët dhe do të gjykoj për sukses me kthimin e anëtarëve hebrenj dhe atyre që mendojnë se nuk mund të na mbështesin më”, shtoi Starmer.

Starmer pasoni Jeremy Corbyn, i cili vinte nga krahu më i ashpër socialist i partisë.

Gjatë udhëheqjes pesëvjeçare, Corbyn e zhvendosi partinë në të majtë, pas disa dekadëve në pizicionin e qendrës.

Starmer iu drejtua mbështetësve të Corbyn dhe tha se do të mbështesë pasuesit e tij me qëndrime radikale të politikës, por gjithashtu synon t’u prijë laburistëve drejt fitores.

Sfiduesja e tij kryesore ishte Rebecca Long-Bailey, e cila gjerësisht shihet si pasardhëse e Corbyn.

Gjithashtu, në listë ishte dhe Lisa Nandy, e cila i bëri përshtypje disa ekspertëve politikë, por nuk arriti të bindë anëtarët laburistë.

Starmer është një avokat dhe ish-Drejtor i Prokurorisë Publike. Ai gjithashtu shërbeu si Sekretar në hije i Brexit në kabinetin e Corbyn. Gjithashtu, ai është fitues i Çmimit të Kalorësit në vitin 2014 për shërbimet në ligjet dhe në drejtësinë penale.

Zgjedhjet e brendshme të udhëheqjes së laburistëve përfshinë gjithashtu pozicionin e nënkryetarit, të cilin e fitoi Angela Rayner, sekretare e arsimit në hije, me 52,6 për qind të votave.

Laburistët kanë humbur katër zgjedhje që nga viti 2010, kur ata ishin në pushtet për herë të fundit. Humbja e tyre e fundit e vitit 2019 ishte më e madhja që nga viti 1935.