Disa qytetarë kanë zgjedhur një mënyrë të veçantë për të protestuar sot në shesh, teksa janë “shfaqur” si kryeministri Edi Rama dhe Belinda Balluku.

Ata kanë lidhur duart me zinxhirë ndërsa në fytyrë mbanë maska me fytyrën e Ramës dhe të ish zëvendës kryeministres dhe ish ministres nën akuzë nga SPAK, si një simbolikë se ata duhet të arrestohen.

Në duar mbajnë edhe pankartat ku shkruhen: “I pandehuri Edi Rama, tradhtar i kombit”, “E pandehura, Belinda Balluku, tradhtare e kombit”.

Nën thirrjet “Rama jepe dorëheqjen” dhe “Shqipëri e Re” ka nisur marshimi drejt bulevradit “Dëshmorët e Kombit”.

Përveç simboleve kombëtare vihet re edhe një prani e simboleve të shteteve në të cilat shtetasit shqiptarë jetojnë , ku dominojnë flamujt britanikë.

Ditën e sotme në mbarë botën ku jetojnë shqiptarë po mbahen protesta të mëdha që kërkojnë largimin e qeverisë.

Një numër i madh emigrantësh kanë mbërritur në vendin tonë, pas thirrjes që është bërë prej disa ditësh për protesta mbarëkombëtare. bw

Mbahet sot protesta e 14, kundër qeverisë, ndërsa kryefjalë e qytetarëve është dorëheqja e kryeministrit Edi Rama. Pas shfaqjes madhështore dje në kryeqytet, ku qindra mijëra qytetarë protestuan dhe lëshuan thirrje kundër klasës politike shqiptare, edhe sot është njoftuar një tjetër tubim në orën 18:00.

Organizatorët e kësaj proteste, që janë qytetarët, iu kanë bërë thirrje shqiptarëve, kudo ku janë, dhe atyre në rrethe, që t’i bashkohen protestës sot në sheshin Skënderbej.

‘Shqipëri e re’ apo ‘Rama jep dorëheqjen’, ‘Rama dhe Berisha në burg’, janë thirrjet më të shpeshta që vijnë nga protestat masive, ndërsa zëri i qytetarëve buçet me kumbim në mbarë Tiranën. bw

Me thirrjet “Rama jep dorëheqjen”, “Shqipëri e re”, mijëra qytetarë mbushën sërish për mbi 5 orë rrugët e Tiranës në ditën e 13-të të protestës masive kundër qeverisë, duke kërkuar largimin e kryeministrit Edi Rama.

Qytetarët u mblodhën në sheshin “Skënderbej” për të vijuar përpara kryeministrisë, ku u mbajtën fjalime nga qytetarë të moshave dhe profesioneve të ndryshme, të cilët ndanë problematikat që përballen.

Ashtu sikurse çdo ditë, vëmendje të veçantë tërhoqën pankartat e protestuesve, të cilat përcillnin mesazhe ironike dhe kritike si “Populli nuk është në rrezik, populli është vetë rreziku”, “Duam Pelikanin, jo tiranin”, “Ata na zhgënjyen, tani është radha jonë” dhe “Mjaft Rama, kjo qeveri ka skaduar”.

Më pas, protestuesit marshuan nëpër rrugët kryesore të kryeqytetit. Marshimi përshkoi bulevardin kryesor, rrugën “Myslym Shyri”, zonën pranë Drejtorisë së Policisë, sheshin “Wilson” dhe u rikthye drejt qendrës së qytetit.

Ata kaluan edhe nga pranë Kuvendit, ndërsa një ndalesë simbolike u bë edhe në sheshin “Italia”, ku më herët gjatë ditës kryeministri Edi Rama zhvilloi aktivitetin për 35-vjetorin e Partisë Socialiste.

Qytetarët deklaruan se mobilizimi i tyre do të vazhdojë edhe në ditët në vijim, duke theksuar se nuk do të tërhiqen derisa kërkesat e tyre të marrin përgjigje.

Ditën e nesërme, të shtunën, është parashikuar që tubimi të jetë edhe më masiv, për shkak se pritet që të vijnë edhe shumë emigrantë në diasporë, të cilët mbështetjen e tyre e kanë treguar edhe duke dalë nëpër sheshet e vendeve ku jetojnë, duke kërkuar gjithashtu rrëzimin e Ramës.

Kujtojme që protesta nisi fillimisht si një reagim kundër projektit turistik në Zvërnec, por ajo është shndërruar në një lëvizje më të gjerë qytetare ndaj keqqeverisjes.

Protestuesit kanë artikuluar një sërë shqetësimesh që lidhen me qeverisjen e Edi Rsmës, problemet në sistemin shëndetësor, korrupsionin, koston e jetesës dhe çështje të tjera sociale e ekonomike që i prekin. Kërkesa e tyre kryesore është dorëheqja e kryeministrit Edi Rama.

Në protestën madhështore të ditës së djeshme një thirrje e fortë u shpërnda nga protestuesit për tubimin që do të mbahet sot. Ndërsa revolta kundër qeverisë ka hyrë në ditën e saj të 13-të, qytetarët po kërkojnë një mobilizim akoma më të madh për t’iu përgjigjur asaj që e konsiderojnë si provokim nga ana e kryeministrit.

Pasi Edi Rama njoftoi mbajtjen e një antimitingu në Sheshin “Italia” në të njëjtin orar me protestën, reagimi i sheshit ka qenë i menjëhershëm.

Organizatorët dhe qytetarët aktivë po u bëjnë thirrje të gjithë shqiptarëve që të vërshojnë drejt Bulevardit “Dëshmorët e Kombit” për të treguar forcën e tyre përballë asaj që e quajnë “antimiting të Ramës me administratën”.

“Të jemi sa më shumë kundër antimitingut të Ramës me administratën e tij!” është kryefjala e thirrjeve në protestën e djeshme.

Një vëmendje e veçantë në këto thirrje i është kushtuar punonjësve të administratës publike, të cilët sipas protestuesve, po detyrohen të dalin në shesh për të mbrojtur pushtetin. GSH

Mbahet sot në Tiranë protesta e 13 ku qytetarët kërkojnë largimin e qeverisë dhe dorëheqjen e kryeministrit Edi Rama.

Ashtu si edhe në protestat e mëparshme, grumbullimi do të nisë në sheshin “Skënderbej” dhe më pas do të marshohet drejt Kryeministrisë.

Prej 12 ditësh qytetarët kërkojnë largimin e qeverisë dhe kryeministrit Edi Rama. Pjesëmarrja në protesta gjatë të gjithë këtyre ditëve ka qenë masive, me sheshin e mbushur plot me qytetarë që kërkojnë revolucion. bw

Në protestën madhështore të ditës së djeshme një thirrje e fortë u shpërnda nga protestuesit për tubimin që do të mbahet sot. Ndërsa revolta kundër qeverisë ka hyrë në ditën e saj të 13-të, qytetarët po kërkojnë një mobilizim akoma më të madh për t’iu përgjigjur asaj që e konsiderojnë si provokim nga ana e kryeministrit.

Pasi Edi Rama njoftoi mbajtjen e një antimitingu në Sheshin “Italia” në të njëjtin orar me protestën, reagimi i sheshit ka qenë i menjëhershëm.

Organizatorët dhe qytetarët aktivë po u bëjnë thirrje të gjithë shqiptarëve që të vërshojnë drejt Bulevardit “Dëshmorët e Kombit” për të treguar forcën e tyre përballë asaj që e quajnë “antimiting të Ramës me administratën”.

“Të jemi sa më shumë kundër antimitingut të Ramës me administratën e tij!” është kryefjala e thirrjeve në protestën e djeshme.

Një vëmendje e veçantë në këto thirrje i është kushtuar punonjësve të administratës publike, të cilët sipas protestuesve, po detyrohen të dalin në shesh për të mbrojtur pushtetin. Panorama

Protesta e sotme në ditën e 12-të mblodhi përsëri mijëra qytetarë shqiptarë në bulevardin para Kryeministrisë, ndërsa nisi me thirrjet për drejtësi ndaj kujtdo që kishte bërë korrupsion.

“Kushdo që ka firmosur për korrupsion, në burg”, ishte një nga apelet e hedhura nga podiumi i protestës prej aktivistes që hapi protestën.

Revolta e shqiptarëve kundër qeverisë do të vazhdojë deri në realizimin e kërkesave për largimin e qeverisë.

“Atdheu nuk shitet, Rama jep dorëheqjen. Belinda në burg”, ishin thirrjet e hedhura nga qytetarët dhe folësit.

“Edi Rama jep dorëheqjen”, “Atdheu nuk shitet”, “Rama në burg, Berisha në burg”, janë thirrjet e qytetarëve që ‘jehojnë’ në Bulevardin “Dëshmorët e Kombit”, shoqëruan ovacionet e protestuesve.

Kjo është ndër protestat më madhështorë që janë zhvilluar në vend, duke pasur një numër të lartë pjesëmarrësish.

“Belinda në burg, drejtorët e Tatimeve në burg, edhe Flamur Nokën në burg, kushdo që ka firmosur korrupsion, në burg”, ishin disa nga thirrjet e tjera të protestuesve para Kryeministrisë. Panorama

Aktori i njohur Mehdi Malkaj i është bashkuar protestës qytetare që po zhvillohet në Tiranë, ku prej ditësh mijëra qytetarë kërkojnë dorëheqjen e kryeministrit dhe ndryshime politike në vend.

Duke folur para protestuesve, Malkaj e cilësoi të veçantë atmosferën e krijuar në shesh, ndërsa tha se qytetarët e mbledhur aty janë njerëz që nuk dorëzohen.

“Jemi në bulevardin qendror, emocion i madh, jemi me ca njerëz që i kanë rënë murit me kokë dhe kanë dalë matanë”, u shpreh ai.

Më tej, aktori dha edhe një mesazh në drejtim të kryeministrit, duke deklaruar se ai nuk guxon të përballet me protestuesit.

“Jemi në një vend ku nuk ia mban kryeministrit të vije të thotë ndonjë fjalë”, tha Malkaj. gsh

Një nga qytetarët pjesëmarrës në protestë që prej ditës së parë, shprehu zemërimin e tij për atë që po ndodh dhe valën e pakënaqësisë popullore ndaj klasës politike dhe qeverisë në veçanti.

I riu që është edhe personi që filmoi dhunën e tërheqjes zvarrë të qytetarit në Zvërnec dhe gardhit me gjemba atje, deklaroi se qytetarët i kanë dhënë shuplakë pushtetit.

“Rama në burg dhe Berisha në burg. Rama duhet të japë dorëheqjen sepse prej 35 vitesh. Ata morën peng Shqipërinë. Ata e kanë shkatërruar Shqipërinë tani e 35 vjet, protestojmë për shkak të situatës politike dhe ekonomike”, tha ai për News24.

Ndërsa më tej shpjegoi edhe përfshirjen në këtë protestë.

“Kam protestuar që ditën e parë të protestës, jam personi që kam bërë edhe videon kur banori kaloi gardhin në Zvërnec dhe u tërhoq zvarrë. Është fatkeqësi dhe e papranueshme që qytetarët të tërhiqen zvarrë”, tregoi ai.

Qytetari deklaron se shuplaka që ka marrë pushteti dhe politika është e rëndësishme.

“Kjo protestë i ka dhënë shuplakë shumë të rëndësishme të gjithë klasës politike dhe atij që drejton. Patjetër që kryeministri do të dorëhiqet patjetër, mendoj se shumë shpejt do japë dorëheqjen, sepse kur populli e urren ai nuk ka pse qëndron aty në krye. Protesta jonë është paqësore, ne nuk kemi lidhje me ata që do mblidhen nesër me vullnet të imponuar dhe do ketë paqe nesër, por do doja që ata t’i bashkohen nesër protestës tonë”, përfundoi i riu.

Mbahet sot dita e 12-të e protestës mbarëkombëtare qytetare kundër qeverisë dhe kryeministrit Edi Rama pas skandalit që ndodhi në Zvërnec me projektin dhe aktet e dhunës dhe tjetërsimit të pronave.

Para nisjes së saj, një prej aktivistëve dhe organizatorëve të saj, drejtues i protestuesve, tha për Neës24 se qeveria dhe Rama do rrëzoheshin pasi gjendeshin përballë vullnetit të 6 mln shqiptarëve.

“Normalisht presim mbështetje edhe më të madhe dhe grumbullim. Meqë kjo protestë për 10 ditë eci normalisht them se protesta do rritet. Pavarësisht se pati tentativa nga hiena dhe të tjera për ta provokuar e përçarë. Rama do rrëzohet se s’bën, është vullneti i 6 milionë shqiptarëve dhe do rrëzohet. Unë nuk do jem në politikë, nuk jam politikan, por janë shqiptarët, vullneti i tyre”, tha ai mes të tjerash.

Ndërsa vuri në dukje edhe sjelljen e politikës që e cilësoi “kupolë” në 35 vite, duke shkaktuar këtë gjendje dëshpëruese social-ekonomike, ai nënvizoi se nuk është shkak vetëm qeveria, por edhe opozita, e cila herë pas here përpiqet të kapë protestën.

“Jemi kundër dyshes që ka marrë peng, nuk jemi vetëm kundër Ramës dhe Ballukut, por e gjithë kupolës. Presim të vijnë 20 mijë emigrantë nga mërgata, nga çdo qytet i botës ku ika shqiptarë. Duke mos e ditë se kush është drejtues, se do e kishin kapur për qafe këta, por duke e ditur se është vullnet popullor, nuk e dinë, nuk i kanë kapur. Ne jemi kundër kupolës së partive dhe ka pasur tentativa edhe nga elementë të opozitës, por do dalin me kalimin e kohës”, deklaroi aktivisti.