Komisioni i Pavarur i Kualifikimit ka vendosur të shkarkojë nga detyra anëtaren e Gjykatës Kushtetuese, Altina Xhoxhaj.
Vendimi u mor pasi KPK-ja shqyrtoi prej një jave dokumentacionin e paraqitur nga Xhoxhaj për të argumentuar pasurinë e deklaruar.
Gjatë shqyrtimit të dosjes së anëtares së Kushtetueses, KPK-ja konstatoi mospërputhje në deklarim të burimin e parave, vendime në konflikt interesi, mbajtjen e një sasie të madhe cash, mungesë të ardhurash për blerjen e një apartamenti 109 m2 në vitin 2005 si dhe probleme me një truall në Gjirin e Lalzit.
***
Vetingu, KPK shtyn vendimin për gjyqtaren Altina Xhoxhaj. Ja kur flet
Komisioni i Pavarur i Kualifikimit njoftoi ne 25 prill se ka vendosur të shtyjë seancën për shpalljen e vendimit për gjyqtaren e Gjykatës Kushtetuese, Altina Xhoxhaj.
KPK deklaroi se do të japë më 3 maj vendimin për gjyqtaren Xhoxhaj.
Anetarja e Kushtetueses ka paraqitur dokumente shtese te cilat KPK-ja vendosi ti administroje dhe hetoje perpara se te jape vendimin javen e ardhshme.
KPK rendit problemet e Altina Xhoxhajt: Nuk justifikon pasurinë, mban shumë para cash. Avokatja: Ja e vërteta
23 Prill 2018/ Mospërputhje në deklarim për burimin e parave, mban shume para cash, vendime ne konflikt interesi, mungesë të ardhurash për blerjen e një apartamenti në vitin 2005, 109 metra katrorë me vlerë 60 mijë euro dhe probleme edhe me një truall që ka në Gjirin e Lalzit. Këto janë vetëm disa nga konstatimet e KPK për pasurinë e Altina Xhoxhajt, seanca për të cilën ka nisur e pritet verdikti pas ‘vetingut’.
Sipas hetimit administrativ te KPK, gjyqtarja e Kushtetueses ka një apartament të blere në vitin 2005 60 mije euro 109 metra katrore. Ka nje truall ne gjirin e Lalzit qe e ka blere 400 mije leke dhe mbi te nje shtëpi që e ka blerë 5 mln leke. Ndërkohë që kursimet e bashkejetuesit rezultojnë 61 mije dollare dhe 15 mije euro.
Sipas KPJ, apartamenti 101 m katrore ne Tirane ka mospërputhje per burimin e parave, ka mungese te ardhurash sipas analizes per blerjen e apartament. Sa i perket apartamentit te Gjiri i Lalzit 2+1 plus verande ka gjithashtu probleme. Sa i përket truallit te Gjiri i Lalzit rezulton se ka marre 100 metra katrore me shume se cfare i takon. edhe sa u perket kursimeve te bashkëjetuesit, nuk justifikohen.
Gazetari i “Panorama”, raporton se sa i perket aftesive profesionale ka patur probeleme me disa vendime te dhena jashte afateve kohore dhe zgjaten e procedimeve.
KPK thote se ka patur nje konflikt interesi ne vitin 2001, ku sipas denoncimit te nje shtetasi me inicialet C.C. babai i gjyqtares ka qene trup gjykuese ne Gjykaten e Apelit Tirane dhe Xhoxhaj ka qene relatore e ceshtjes kur ka shkuar ne Kushtetuese.
Avokatja: Ja e verteta
Nderkohe qe avokatja e Xhoxhajt kerkon rikonfirmim ne detyre te klientes se saj. Ajo thekson se “levizjet jashte te bashkejetuesit dhe vete Xhoxhajt kane qene ne funksion te detyres”. Sipas avokates, bashkejetuesi i Xhoxhajt ka levizur per hskak te detyres qe ben ne OSBE.
“Apartamentin ne Tirane e ka blere bashkejetuesi me parate e tij, por te regjistrimi eshte bere ne emer te te dyve, meqe bashke kane dy femije”- tha avokatja ne pergjigje te konstatimeve te KPK.
Po sipas saj, apartamenti te Gjiri i Lalzit eshte regjistruar ne bashkepronesi, pasi eshte eshte blere me kontribut te perbashket. “Eshte blere pas 16 vjetesh pune te subjektit. Xhoxhaj ka qene anetare e KLD, pedagoge, dhe gjyqtare. Dhe keto justifikojne kontributin per apartamentin”- tha avokatja.
Per truallin 221 metra katrore, sipas avoktares, subjekti ka bere procedurat ligjore sipas asaj qe i ka kerkuar ALUIZNI. “Eshte trualli nen apartament qe perfshin hyrje dhe oborr”-tha ajo.
Altina Xhoxhaj është anëtarja e katërt e Gjykatës Kushtetuese që përballet me procesin e vetingut pas Besnik Imerajt, Fatos Lulos dhe Vitore Tushës. Imeraj dha dorëheqjen nga sistemi gjyqësor, por u referua nga Komisioni i Pavaruar i Kualifikimit në Prokurori; Fatos Lulo u shkarkua nga detyra, ndërsa Vitore Tusha është e vetmja e rikonfirmuar deri më tani në detyrë.
Anetare e Gjykates Kushtetuese Altina Xhoxhaj
Komisioni i Pavarur i Kualifikimit, i përfaqësuar nga trupa e përbërë nga Brunilda Bekteshi, Etleda Çiftja dhe Genta Tafa Bungo ka caktuar seancën dëgjimore me gjyqtaren Xhoxhaj më 23 prill. E diplomuar në vitin 1994 në Fakultetin e Drejtësisë, Altina Xhoxhaj e filloi karrierën në gjyqësor një vit më vonë si gjyqtare e shkallës së parë në Tiranë. Në vitet 2006-2010 ajo ka qenë anëtare e Këshillit të Lartë të Drejtësisë dhe në maj të vitit 2010 u emërua anëtare e Gjykatës Kushtetuese.
Paralelisht me detyrën si gjyqtare, Xhoxhaj ka edhe një karrierë të gjatë si akademike. Në vitet 1995-2000 ajo ka qenë pedagoge e jashtme në Fakultetin e Drejtësisë dhe atë të Ekonomisë dhe prej vitit 2013 jep lëndën “E drejta tregtare” në Shkollën e Magjistraturës. Xhoxhaj është gjithashtu eksperte e trajnimit për gjyqtarë.
Analiza e pasurisë është një ndër tre shtyllat e rivlerësimit për gjyqtarët, së bashku me kontrollin e figurës dhe vlerësimin e aftësive profesionale. Skeda grafike e mëposhtme paraqet ndryshimin e pasurisë së deklaruar të gjyqtares Altina Xhoxhaj nga viti 2003 deri në vitin 2017.
Ky raport është prodhuar pas administratimit të deklaratave të pasurisë së këtij subjekti nga Inspektoriatin i Lartë i Deklarimit dhe Kontrolli të Pasurive dhe Konfliktit të Interesit, ILDKPKI. Ai ka për qëllim bërjen e transparencës mbi pasurinë e gjyqtarëve dhe prokurorëve që i nënshtrohen procesit të vetingut.
Të dhënat e analizuara tregojnë se gjyqtarja Xhoxhaj zotëronte në vitin 2003 një pasuri familjare me vlerë 15.4 milionë lekë. Ndërsa në vitin 2017, pasuria e saj ka kapur shifrën e 39.2 milionë lekëve ose 2.5 herë më e lartë.
Të ardhurat familjare të deklaruara nga znj. Xhoxhaj përgjatë viteve në detyrë vijnë nga disa burime. Pjesa kryesore e të ardhurave përbëhet nga paga si gjyqtare në 46.4 për qind dhe paga e familjarëve në 36.9 për qind. Vendin e tretë në portofolin e të ardhurave e zënë dhuratat në cash në 7.1 për qind, të ndjekura nga të ardhurat nga qiratë në 4.6 për qind dhe nga mësimdhënia në 2.5 për qind.
Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit dhe “flamujt e kuq’ që janë identifikuar gjatë kontrollit. Nga 14 deklarata që iu nënshtruan kontrollit aritmetik/logjik për zonjën Xhoxhaj, 2 rezultojnë me probleme me shumë të pajustifikuar në vlerën e rreth 1.7 milionë lekëve.
Një tjetër “flamur i kuq” i identifikuar në këtë analizë është shuma e kursimeve familjare në cash, që referuar deklarimeve vit pas viti kap vlerën akumulative të 13.5 milionë lekëve në fund të vitit 2017.
Duke qënë se ky raport bazohet në të dhëna statistikore të analizuara nëpërmjet një databaze, ai nuk nxjerr përfundime mbi pasurinë e subjektit nëse ajo mbulohet me burime të ligjshme ose jo, por mëton të informojë publikun mbi pasurinë e deklaruar të zyrtarit publik nëpërmjet një formati të thjeshtë dhe të kuptueshëm grafik.
Policia e Kosovës është nisur drejt Tiranës në ndihmë të policisë shqiptare, për një mbarëvajtje të sigurt të situatës së finales së madhe të Conference League, e cila do të luhet në orën 21:00 në stadiumin “Air Albania”.
Zëdhenësi i Policisë së Kosovës, Baki Kelani, ka konfirmuar se për këtë ndeshje do të jetë edhe ndihma e tyre për efektivët e Tiranës.
“Referuar bashkëpunimit të ndërsjellët në mes të Policisë së Kosovës dhe Policisë së Shqipërisë, si dhe referuar ndeshjes sportive e cila pritet të mbahet sot, Policia e Kosovës do të dërgoj disa zyrtar policorë në Tiranë”, tha Kelani.
Presidenti Ilir Meta, mbajti një fjalim në një konferencë me titull ‘Trendi aktual i trafikimit të qenieve njerëzore në Ballkan’, ku e ftuar është edhe presidentja e Kosovës, Vjosa Osmani dhe ambasadorja amerikane në Tiranë, Yuri Kim.
Meta shtrëngoi duart me ambasadoren amerikane, përpara se të fliste në konferencë. Për herë të parë zgjedhjeve të 25 prillit, Presidenti i Republikës Ilir Meta dhe ambasadorja e SHBA-ve në Tiranë, Yuri Kim kanë shtrënguar sot duart.
Meta tha që institucionet duhet të rrisin vigjilencën dhe të parandalojnë trafiqet e qenieve njerëzore, i cili në Ballkan është në nivele të larta. Meta bëri thirrje që viktimat e trafiqeve të trajtohen si qenie njerëzore, e jo si burim provash.
“Një pjesë e konsiderueshme e viktimave të identifikuara janë qytetarë nga rajoni ynë. Një sërë masash janë marrë prej vitesh, por trafiku i fëmijëve është ende i konsiderueshëm. Pandemia e COVID-19 i bëri më të ekspozuar fëmijët nga trafikimi. Masat duhet të integrohen në sistemin e fëmijëve, duke bashkuar shërbimet sociale dhe arsimore. Lufta kundër trafikimit duhet të bazohet në parandalimin e fenomenit. Në këtë situatë duhet të rrisim bashkëpunimin dhe koordinimin, nëpërmjet autoriteteve si dhe bashkëpunimin rajonal”.
“Nga ana tjetër duhet të jenë prioritet situata ekonomike në vendin tonë. Synimi i trafikantëve janë personat në vështirësi më të mëdha. Personat në nevojë të dëshpëruar për punë, ata që bien lehtë pre e trafikimit. Një ekonomi më gjithëpërfshirëse, sundimi i shtetit të së drejtës, jo vetëm do të përmirësonin jetën e qytetarëve tanë, por do të ulnin ndjeshëm trafiqet e çdo lloji. Kërkohet hetim për trafikantët, përfshirë bashkëpunëtorët. Nevojitet trajnim i vazhdueshëm i Policisë së Shtetit dhe prokurorëve, për hetimin me shpejtësi”.
“Ka ende vend për përmirësime dhe ndërhyrje me rëndësi. Viktimat e trafikimit duhet të trajtohen si viktima të krimit. S’duhet të trajtohen si burim provash pasi janë qenie njerëzore. Liria ka rëndësi sepse njerëzit kanë rëndësi. Lufta për liri zhvillohet edhe në nivel globa. Mbrojtja e jetës është një mision që na përket të gjithëve. Ashtu siç ka thënë dhe Nënë Tereza: Kush shpëton një jetë, shpëton një botë të tërë”, u shpreh kreu i shtetit.
Në përfundim të forumit për trafikimin e qenieve njerëzore, ku u takua me ambasadoren Yuri Kim, presidenti Ilir Meta u pyet se cili bëri hapin e parë për shtrëngimin e duarve, duke i dhënë fund përplasjeve që kanë pasur për zgjedhjet e 25 prillit. Sipas presidentit nuk ka asnjë problem mes tyre.
“Nuk shikoj asnjë problem në këtë drejtim përveç forcimit të mëtejshëm, bashkëpunimit kundër trafikut të qenieve njerëzore që është një problem tepër serioz dhe që vendi ynë e përjeton shumë për shkak të numrit të largimit të qytetarëve tanë, sidomos të rinjve për fat të keq të fëmijëve, të pashoqëruar nga prondërit. Është një pasojë e madhe për të gjithë shoqërinë tonë sepse shkatërron fëmijë, familje, por njëkohësisht edhe shteron shumë prej energjive më të mira të këtij vendi për zhvillim. Lufta kundër trafiqeve duhet të jetë prioritet për ne, për qeverinë. Ne e dimë që trafikimi është një krim ndërkombëtar”, tha Meta.
Presidenti i Republikës Ilir Meta është takuar sot me ambasadoren e SHBA-ve Yuri Kim, me të cilët vitin e kaluar pati tensione. Sot ai u pyet se kush e bëri hapin e parë për përmirësimin e kësaj marrëdhënieve me ambasadoren e SHBA. Meta tha se nuk sheh asnjë problem në këtë drejtim.
“Nuk shikoj asnjë problem në këtë drejtim përveç forcimit të mëtejshëm, bashkëpunimit të mëtejshëm jo vetëm kundër trafikut të qenieve njerëzore, që është një problem tepër serioz dhe që vendi ynë e përjeton shumë për shkak të rritjes së numrit të qytetarëve tanë që largohen dhe për fat të keq dhe të fëmijëve të pashoqëruar nga prindërit të cilët bien shpesh pre e trafikantëve ndërkombëtarë që është një pasojë e madhe jo vetëm për shoqërinë tonë, sepse jo vetëm shkatërron të rinj, fëmijë, familje të ardhshme, por edhe shteron shumë prej energjive të mira të këtij vendi për zhvillim. Lufta kundër trafiqeve duhet të jetë një prioritet për të gjithë ne këtu, për qeverinë, opozitën, parlamentin, e cila duhet të rrisë rolin kontrollues, padyshim në bashkëpunim me partnerët ndërkombëtar.
Trafikimi është një krim ndërkombëtar, ku trafikantë nga vend të ndryshme organizohen në mënyrë perfektë dhe ata nuk mund të ballafaqohen ndryshe veçse me një bashkëpunim më të fortë ndërmjet organizatave, duke mbështetur shoqërinë civile”, deklaroi Presidenti Meta.
Ndërkohë sa i përket procesit për zgjedhjen e pasuesit të tij, Meta tha se parlamenti duhet të vazhdojë të bëjë punën e tij me përgjegjësi dhe ai vetë me përkushtim deri më 24 korrik.
“Besoj se parlamenti i di detyrimet e tij dhe do ta përmbushë me përgjegjësi maksimale brenda kohës së duhur këtë detyrim kushtetues. Mos i ul tre vota, me 87, megjithatë nuk është e rëndësishme, besoj se dhe parlamenti do vazhdojë të bëjë punën e tij me përgjegjësi dhe unë me përkushtim deri më 24 korrik”, tha Meta. bw
Presidenti Ilir Meta thotë se lufta kundër trafikut të qenieve njerëzore është një sfidë e madhe në nivel global.
Në fjalën e tij, gjatë miratimit të rezolutës ‘Për intensifikimin e përpjekjeve në luftën kundër trafikimit njerëzor dhe sigurimit të një mbrojtje efektive për viktimat e trafikimit’, Kreu i Shtetit përmendi shifra marramendëse, që siç tha ai organizatat kriminale fitojnë nga ky fenomen.
Presidenti Meta tha gjithashtu se janë ende 100 mijë persona që trafikohen në Ballkan dhe nga Ballkani, ndërsa 17% e viktimave në BE janë nga vendet tona të rajonit.
‘Unë dua të theksoj se kjo është një betejë shumë e vështirë edhe nga shumë folës te tjerë të shquar më parë, Kemi të bëjmë me një sfidë të madhe në nivel botëror, por edhe në nivel evropian dhe të rajonit tonë.
150 mld dollarë fitim nga trafikimi është një shifër marramendëse që tregon një organizim të jashtëzakonshëm dhe që padyshim nuk mjafton të përballet vetëm me angazhim të sinqertë, me deklarata politike me rezoluta. Në fund të fundit një fuqi kaq e madhe kriminale duhet të përballet me një fuqi edhe më të madhe nga shtetet e mbarë botës, sidomos ato demokratike ku liria është baza e ekzistencës së tyre.
Unë besoj se edhe ne kemi shumë për të bërë. Fakti që vendet e rajonit janë një problem edhe për BE apo Britaninë e Madhe, fakti që jemi duke dalë nga kufizimet e pandemisë, që do të thotë rreziku i rritjes së viktimave është edhe i madh nëse nuk do të ketë ndërhyrje energjike dhe të vendosur nga çdo vend, por edhe nga të gjitha vendet së bashku.
Ende 100 mijë persona trafikohen në Ballkan dhe nga Ballkani, 17% e viktimave në BE janë nga vendet tona dhe nuk është pak, po të kemi parasysh që do të bëhemi anëtarë të BE.
Është për të ardhur keq, nuk kemi adresuar ende shumë cështje që kanë të bëjnë me rrënjët sociale dhe ekonomike’, tha nder te tjera Kreu i Shtetit.
Kreu i Shtetit i beri thirrje Parlamentit qe te beje me shume ne kete drejtim: ‘Parlamenti duhet të bëjë një punë më të madhe për të adresuar këto çështje, për të rritur kontrollin, të shikojë sa fonde alokohen për këtë qëllim, për të parë si funksionin drejtësia në këto raste’
Kuvendi miratoi mbrëmë projekt-ligjin për marrëveshjen mbi administrimin e Parkut Kombëtar të Butrintit, lidhur ndërmjet ministrisë së kulturës dhe Fondacionit për Menaxhimin e Butrintit.
Pas një seance të gjatë me debate të ndezura nga të gjithë palët, ligji i qeverisë u miratua me 75 vota pro dhe mori 18 vota kundër.
Por ajo që ra në sy ishte numri shumë i ulët i votave kundër këtij projekti, të kritikuar nga PD si korruptim.
Bie në sy se deputetët e asaj pjese të akuzuar nga kryetari demokrat, Sali Berisha si të marrë peng nga Edi Rama, ishin në sallë por nuk votuan kundër.
SYRI sjell listën e tyre, e cila nis me emra si Enkelejd Alibeaj dhe Arbi Agalliu e përfundon me Ferdinand Xhaferrajn.
19 deputetët e peng-opozitës që ishin prezent dhe nuk votuan kundër ‘Butrintit’!
Deputeti i PS, Pandeli Majko, ka kërkuar një përgjigje të detajuar nga ministrja e Kulturës, Elva Margariti, lidhur me projektin e Butrintit.
Majko shprehet se në planin e menaxhimit që kanë bërë ndërkombëtarët është bërë mbi bazën e vendimit të Këshillit të Ministrave të vitit 2002, ndërsa sipas tij qeveria si bazë legale të marrëveshjes ka marrë vendimin e KM të miratuar në 2022.
“Në planin e menaxhimit që kanë bërë ndërkombëtarët, vendimi i Këshillit të Ministrave i 2002, ndërkaq ju si bazë legale të marrëveshjes keni marrë vendimin e KM të miratuar në 2022, dmth 2 muaj më parë.
E hapa këtë vendimin që zëvendëson 2002, se të paktën mua kështu mu duk, dhe aty ka vetëm një paragraf, ndërmjet të tjerave janë ndryshuar kufijtë e disa zonave…
Tani plani i menaxhimit, koncepti i marrëveshjes, gjithçka është bërë mbi vendimin e 2002, ndërsa marrëveshja është bërë mbi bazën e një VK që ka kaluar para dy muajsh.
Tani nuk e kuptoj pse nuk është trajtuar baza legale me të cilën dhe ndërkombëtarët kanë bërë planin e mengaxhimit6, edhe negociata janë bërë mbi këtë bazë legale, dhe keni marrë si bazë legale një VK numër 59, ku ka vetëm një paragraf, ndryshohen kufijtë…
Çfarë ka ndodhur? Sepse në planin e menaxhimit ju diskutoni se do t’i jepni Fondit Shqiptaro-amerikan, që pa diskutim është ndër më seriozët në Shqipëri, sipërfaqja e konsideruar A3, A3 është ndërtuar mbi bazën e VK së 2002, duke krijuar edhe një VK tjetër, edhe në marrëveshje ju s’keni as A3, as B1…asgjë.
Vetëm keni bashkangjitur një hartë me koordinata, çfarë ka ndodhur? Do t’ju lutesha përgjigje”, tha Majko. bw
Deputetja demokrate, Grida Duma ka komentuar zgjedhjen e ish-kryeministrit Sali Berisha në krye të PD-së.
Në një prononcim para mediave, Duma theksoi se ajo tha se e vlerëson kontributin e kreut të ri të PD dhe tha se duhet respektuar vullneti i demokratëve.
Sipas Dumës, ringritja do të fillojë edhe me Berishën, megjithatë sipas saj, duhet zgjidhur ende problemet e brendshme brenda partisë.
Duma:Nuk kërkoj asnjë post nga PD. Kam thënë që nëse PD do të konsiderohet nga Berisha si krijesë, mendoj që duhet lënë e lirë për t’u zmadhuar. Që mund të bënte zgjedhje më të mira se sa kaq, po mendoj se po. Ai mund të bënte zgjedhje të mira, unë jam një nga X faktorët që e them si këshillë. Pesha që i drejtohet ai demokratëve është më e madhe se të tjerëve. Që duhet njohur vullneti i demokratëve, duhet njohur.
Këtu kemi qenë përpara se të jepte dorëheqjen Basha. Kam thënë që ringritja do të fillojë edhe me Berishën. Janë pjesë të dyja palët. Patjetër që Berisha është pjesa më e madhe, por mbetet ende një pjesë, e sigurisht që ne këtë duhet ta zgjidhim. syri.net
Ish-kryeministri Sali Berisha ka mbërritur në parlament dhe është takuar me protestuesit jashtë seancës, të cilët po protestojnë kundër ligjit për Butrintin. Berisha iu ka premtuar mbështetje teksa theksoi se Edi Rama nuk mund të sillet me Butrintin si të ishte plaçkë e Kolekave.
“Mbrojtja e Butrintit imperativ për çdo shqiptar. E garantoj Edi Ramën se nuk mund të sillet me Butrintin si të ishte plaçkë e Kolekave, ajo është pronë e shqiptarëve”, tha Berisha.
“Ata që kanë parashikuar shpërbërjen e parkut dhe kanë përdorur një plan menaxhimi për këtë qëllim kanë parashtruar programin e një akti korruptiv të pashembullt”, tha Berisha.
Ambientalisti Sazan Guri i kërkoi mbështetje Berishës për të mos e lejuar ligjin të kalojë.
“Duke pasur ikonat e arkeologjisë me vete, si zoti Apollon Bace duam që të kapet sot mikrofoni të mos kalojë ligji”, tha Guri.
Berisha nga ana e tij, premtoi se do të përdorë zërin e tij kundër këtij projekti.
“Unë e ndjek me vëmendje dhe do përdor zërin tim kundër këtij projekti korruptiv në Shqipëri dhe Europë. Shkatërrimtar për një pasuri përrallore të kombit shqiptar”, tha Berisha. bw
Pasi humbi zgjedhjet për kreun e Partisë Demokratike përballë ish-kryeministrit Sali Berisha, ka ardhur reagimi i parë dhe nga Ibsen Elezi.
Teksa falenderon të gjithë ata që e inkurajuan në këtë garë, Elezi ka dhe një mesazh për ata që e presin ndryshimin nga kafja. Elezi shprehet se përballja me të keqen do të duhet të jetë thelbi i politikës.
Postimi i Elezit:
Falenderim !
Së pari për ata që më inkurajuan dhe votuan, shumicën pa i takuar dhe as njohur.
Së dyti për atë pjesë të medias, gazetarët dhe opinionistët që më inkurajuan.
Së treti për stafin tim modest prej 4-personash, që përballoi këto 10 ditë fushate të ngarkuar, dhe gjithë vëzhguesit që ndoqën procesin e votimit.
Kujtesë!
Për ata që mendojnë se do vijnë ditë më të mira duke ndenjur në kafe apo si spektator para TV, ju them me keqardhje se jo vetëm do e kalojnë ashtu në pritje jetën e tyre, por rrezikojnë edhe brezin që vjen.
Ata që presin të arrijnë diçka thjesht se i servilosen dikujt, dhe, apo ata që presin se kur do vijë dita e marrëveshjes për ndarjen e karrigeve, duhet të kuptojnë se nuk do i shërbejnë dot as vetes dhe jo më të ardhmes së ketij vendi.
Në themel të ecjes para është përballja me të keqen, aq më shumë në politikë.
Një protestë po zhvillohet përpara Kuvendit të Shqipërisë kundër dhënies me ligj nën administrim të Parkut Kombëtar të Butrintit, një fondacioni privat për menaxhimin e tij.
Protestuesit janë intelektualë të shquar të fushave të ndryshme, të arkeologjisë, historisë, mjedisit.
Edhe avokati Zaçe Islami ishte një ndër ta. Ai deklaroi para mediave se çfarë fshihet pas miratimit të kësaj marrëveshjeje për Butrintin pikërisht në ditën kur në Shqipëri po zhvillon një vizitë, Ministri i Jashtëm grek Nikos Dendias.
“Sot ka ardhur Ministri i Jashtëm i Greqisë dhe nuk është rastësi që do të mblidhet parlamenti për ta miratuar ligjin, për ta kthyer Butrintin në pronë të dikujt që nuk është as historian, as shqiptar, as ka interesa në Shqipëri. Pra, është dhuratë që ky parlament i shitur, ia bën Ministrit të Jashtëm grek, nuk është rastësi.
Kush është shqiptar dhe do vendin e tij, duhet të jetë këtu dhe ta bllokojmë këtë ligj me çdo mjet deri në kryengritje të armatosur. Ne Butrintin nuk e lëshojmë, Butrinti është shqiptar, jo grek. Ai amerikani (kreu i fondacionit ) nuk është vetëm, e ka dërguar tjetërkush, janë plane të vjetra. Por Butrinti është dhe mbetet shqiptar.” syri.net
Komentet