Pas kërkesës që Unioni i Gazetarëve Shqiptarë Profesionistë të Diasporës (UGSHPD), ia drejtoi Komisionit Qendror të Zgjedhjeve (KQZ) në Tiranë, dje, më 8 prill 2025, u muar miratimi që shoqata jonë të jetë vëzhguese e zgjedhjeve të 11 majit 2025.

Unioni i Gazetarëve Shqiptarë Profesionistë të Diasporës (UGSHPD), regjistruar në Zvicër më 2021, përbëhet nga gazetarë shqiptarë që e ushtrojnë profesionin e tyre në Zvicër, Itali, Francë dhe Shtetet e Bashkuara të Amerikës.

Misioni qendror, përkushtimi kryesor i shoqatës sonë, që nga themelimi, është liria e fjalës dhe e mediave, si domosdoshmëri jetike për një shoqëri të lirë demokratike. Zgjedhjet e lira, të drejta, të ndershme janë bazë themelore për një demokraci të vërtetë e funksionale.

Roli sovran i mediave, të cilat nuk iu nënshtrohen trysnive dhe joshjeve nga regjimi dhe tentakulat e tij të zeza financiare, është i pazëvendësueshëm që Shqipëria të ketë, pas 10 viteve, përsëri zgjedhje të standardeve të demokracive perëndimore.

Përshëndesim KQZ-në për miratimin e UGSHPD-së si organizatë media vëzhguese e zgjedhjeve të 11 majit 2025 në Shqipëri.

Unioni i Gazetarëve Shqiptarë Profesionistë të Diasporës (UGSHPD)

 9 prill 2025