Çfarë do të thotë dalja në terren për Ballukun?!

Me qenë se Rama nuk është fare i angazhuar me emergjencën e përmbytjeve dhe boshllëku i tij nuk mund të mjaftonte me ministret dhe ministrat e ditëve të para për ta patur nën kontroll situatën, më 8 Janar , 2026 sipas ATSH-s, shohim përfshirjen me mesazhe të Presidentit të Republikës SH.T.Z Begaj dhe futjen në lojë ose çarjen e rrethit të pezullimit nga zv/kryeministrja Balluku. Ka shumë këndvështrime dhe spekulime.

Le të lëmë me një anë kujdesin qeveritar për ndjenjën e përgjegjësive në institucionet gati rreth 90% që lidhen me pozicionin e saj, transport-infrastrukturë, energji, sistemi i kullimit, vepra dhe projekte pas të cilave prej vitesh kanë qendruar një buxhet me miliona €, para të taksapaguesve shqiptarë dhe sot shohim testin e dështuar të gjithçkaje që ka prekur me dorë Rilindja Socialiste.

E përsërisim se faktet, hamendjet duke futur këtu edhe luftën politike brenda llojit dhe të asaj në opozitë, dalja e Ballukut në terren shfaq cenueshmëri përpara provave që drejtësia e ka marrë atë si të pandehur apo edhe mbrojtja e pezullimit të Gjykatës Kushtetuese deri me vendimin e 22 Janarit apo më tutje.

Pa konspiracion dhe pa parashikuar fatkeqësitë që mund të ndodhin me kushtet ekstreme të motit ku së fundi Belinda Balluku është shfaqur;- Çfarë do të ndodhë me provat?

A ka përgjegjësi  Gjykata e posaçme për Krimin e Organizuar dhe Korrupsionin  për të krijuar kushtet e sigurisë së jetës të të pandehurve dhe dëshmitarëve?

Nuk po hamendësojmë, por në kushtet e një korrupsionit të lartë shtetërore, individë që janë marrë në hetime nga drejtësia (strukturat e posaçme), edhe pse parashikohet prezumimi i pafajësisë janë larguar në drejtim të paditur ose kanë krijuar alibi, për t’ju shmangur pikërisht drejtësisë.

Drejtësia mund të ndjehej e qetë vetëm në rastin kur këta individë, sidomos të veshur me pushtet politikë do të përballeshin duke pranuar dorëheqjen dhe hapjes rrugë shqyrtimit të dosjeve.

8 Janar, 2026