VOAL

VOAL

Trëndafila mahnitës në hapësirat e banimit– Si t’i mbillni në shtëpi

May 16, 2022
blank

Komentet

blank

6 shenjat fillestare të sklerozës – Si t’i dalloni

Një simptomë e demencës është vështirësia për të komunikuar.

Skleroza ka të  bëjë me një grup sëmundjesh që prekin trurin dhe ndikojnë në shumë prej funksioneve të tij.

Njerëzit e prekur nga skleroza kanë kujtesë të dobët, aftësi të pakëta në komunikim gjykim, në vendimmarrje dhe orientim.

Ky grupim sëmundjesh është shumë tinzar sepse nis krejt papritur dhe më pas situata përkeqësohet shpejt.

Në këtë grupim sëmundjesh bëjnë pjesë Alzheimeri, Parkinsoni apo skleroza e shumëfishtë të cilat nuk shërohen.

Simptomat e Demencës Ndaj Të Cilave Duhet Të Jeni Të Vëmendshëm

Nëse ju ose ndonjë anëtar i rrethit familjar ka probleme me kujtesën nuk është e udhës që të arrini në konkluzionin se ai ose ajo vuan nga demenca.

Diagnostikimi i sëmundjes kërkon të paktën 2 nga simptomat e përmendura më poshtë në këtë artikull të AgroWeb.org

Personat e prekur nga skleroza kanë probleme më të mëdha që shkojnë përtej vështirësisë në kujtesë.

Ata hasin pengesa në të folur, në përqendrim dhe në arsyetim.

Ndryshim i Papritur Në Kujtesën Afatshkurtër

Problemet me kujtesën mund të jenë një simptomë e hershme e sklerozës.

Për shembull, dikush mund të mbajë mend shumë mirë diçka që ka ndodhur vite më parë, por e ka të pamundur të kujtojë se çfarë ka ngrënë në mëngjes.

Probleme të tjera janë vështirësia për të kujtuar ku keni vendosur diçka, arsyen përse jeni futur në një dhomë ose punët që duhet të bënit gjatë ditës.

Vështirësia Për Gjetjen e Fjalës Së Duhur

Një simptomë tjetër e demencës është vështirësia për të komunikuar.

Njerëzit e prekur nga skleroza e kanë të vështirë të shpjegojnë diçka ose të bashkëbisedojnë.

Ndryshimet e Humorit

Ndryshimet e humorit janë shumë të përhapura në mesin e pacientëve të prekur nga skleroza.

Depresioni për shembull është një shenjë tipike e sklerozës që shfaqet shumë herët.

Apatia

Njerëzit e prekur nga skleroza humbasin interesin ndaj aktiviteteve të preferuara.

Ata nuk kanë më dëshirë të kalojnë kohë me miqtë dhe familjen dhe ndiejnë një boshllëk të thellë emocional.

Konfuzioni

Në fazat e para të sklerozës, njeriu bëhet shumë konfuz, sidomos kur i duhet të kujtojë fytyrën e dikujt, të gjejë fjalët e duhura e të bashkëbisedojë me dikë.

Ata harrojnë çfarë dite është dhe nuk mbajnë mend dikë që e kanë takuar së fundmi.

Mungesa e Orientimit

Në fazat e para të demencës, njerëzit nuk orientohen dot, humbasin rrugën dhe nuk mbajnë mend për ku ishin nisur.

Më pas ato nuk njohin më lagjen, shtëpinë, derën apo rrugët.

Ekspertët rekomandojnë konsumin e ushqimeve të pasura me acide yndyrore omega-3, fruta, perime, drithëra të plota dhe vitaminë D.

blank

Simptomat që dallojnë trishtimin nga depresioni

Në Shqipëri mosha e të prekurve nga depresioni ka ardhur duke u ulur në mënyrë alarmante.

Depresioni është një nga sëmundjet më të përhapura.

Sipas të dhënave të Organizatës Botërore Të Shëndetësisë, mbi 300 milion njerëz të grupmoshave të ndryshme vuajnë nga depresioni.

Kjo sëmundje prek më shumë gratë se burrat.

Megjithatë, është shumë e vështirë për njerëzit të kuptojnë nëse po vuajnë nga depresioni apo po kalojnë thjesht një fazë mërzie dhe trishtimi.

Mërzia është një emocion që nuk duhet anashkaluar por nuk krahasohet me depresionin.

Sipas ekspertëve, depresioni karakterizohet nga një ndjesi e vazhdueshme trishtimi, faji, vetë vlerësimi të ulët, mungesë energjie dhe përqendrimi të cilat kanë një ndikim të fortë në jetën e përditshme.

Kur njeriu është i mërzitur, ka tendencën të ketë një parashikim të zymtë të jetës, po depresioni është më i thellë se kaq.

Simptomat e depresionit janë të ndryshme në varësi të individit.

Megjithatë ato ndahen në tre kategori: ndjenjat dhe mendimet, simptomat fizike dhe sjellja.

Ndjenjat Dhe Mendimet

Një njeri që ka rënë në depresion përjeton ndjenjat e mëposhtme:

Mungesë besimi në vete dhe vlerësim të ulët për veten.

Probleme me përqendrimin, vendimarrjen dhe kujtesën.

Mendime negative

Pikpamje negative për jetën.

Mendime për vetëvrasjen.

Ndjesi të vazhdueshme faji dhe pavlefshmërie.

Acarim, mpirje dhe ndjesia e të qenit gjithmonë të keqkuptuar.

Izolim social, boshllëk dhe mungesë interesi në aktivitetet e preferuara.

Sjellja E Një Njeriu Në Depresion

Një njeri që ka rënë në depresion mënjanohet nga të tjerët.

Ai ose jo ka vështirësi në komunikim me të tjerët dhe qan shpesh.

Njerëzit që kanë rënë në depresion shmangin aktivitetet sociale dhe kanë tendenca vetë lënduese.

Ata flenë shumë ose pak dhe nuk janë të rregullt me ushqimin.

Depresioni shoqërohet me përdorimin në rritje të alkolit, drogës dhe duhanit.

Simptomat Fizike Të Depresionit

Njerëzit që vuajnë nga depresioni përjetojnë një rritje ose rënie të beftë të oreksit.

Ata humbasin dëshirën për marrëdhënie seksuale dhe nuk kanë energji.

Dhimbjet fizike janë më të pranishme, përfshirë këtu edhe problemet me tretjen.

Njerëzit që vuajnë nga depresioni kanë vështirësi në fjetje ndërkohë që tek femrat kjo sëmundje shkakton ndryshim në ciklin menstrual.

Ekspertët sqarojnë se një njeri që ka rënë në depresion mund të mos ketë të gjitha simptomat e lartpërmendura.

Megjithatë, nëse dikush ka katër ose më shumë se këto simptoma në një hark kohor prej 2 javësh atëherë ai konsiderohet depresiv dhe duhet të konsultohet me një mjek specialist.

blank

7 ushqimet që nuk duhet blerë në markete gjatë verës

Për shëndetin dhe portofolin tuaj, AgroWeb.org ju sugjeron të shmangni blerjen e disa produkteve gjatë verës.

Këto ushqime mund të jenë shumë të kripura, shumë të sheqerosura ose shumë të shtrenjta.  Ato janë:

Supat e konservuara

Është mirë t’i keni në raft gjatë dimrit, por gjatë verës nuk është opsioni më i mirë për konsum.

Ato përmbajnë shumë natrium, pasi veprojnë si një ruajtës dhe përmirësues i shijes, por shumë prej tyre mund t’ju bëjnë të ndiheni të fryrë.

Ju mund të bëni lehtësisht versione më të shëndetshme të supës në shtëpi duke përdorur çdo perime të stinës.

Frutat e thata

Gjatë verës nëpër markete ka një shumëllojshmëri frutash të freskëta, të cilat janë një opsion më i mirë ndaj frutave të thata. Këto të fundit që shiten të pakteuara përmbajnë shumë sheqer.

Lëngjet e gatshme

Lëngjet e gatshme që shiten zakonisht nëpër markete, përmbajnë shurup misri me fruktozë të lartë dhe konservues të tjerë. Janë gjithashtu më të shtrenjta sesa t’i përgatisësh vetë me përbërës të sigurtë dhe të freskët. Plus, nuk kanë shije aq freskuese!

Barishtet

Barishtet e freskëta si borziloku, rigoni, majdanozi dhe rozmarina i shtojnë shije dhe aromë pjatave tuaja, por këta përbërës mund të jenë të shtrenjtë nëpër markete.

Shpesh duke qenë se janë përzgjedhur dhe paketuar paraprakisht, aroma e tyre fillon të zbehet dhe ato rrallë qëndrojnë më shumë se një javë në frigorifer.

Nëse është e mundur, provoni t’i rrisni barishtet tuaja në një vazo apo në kopshtin tuaj.

Kasatat

Fëmijët dhe të rriturit dëshirojnë njësoj një pije të ftohtë dhe freskuese prej akulli gjatë një pasditeje të nxehtë vere.

Por ju mund t’i përgatisni ato fare thjeshtë në shtëpinë tuaj me përbërës të sigurtë dhe sigurisht për një çmim më të lirë.

Turshitë

Ndërsa temperatura rritet, është e rëndësishme të qëndroni të hidratuar. Turshitë janë shumë të pasura me natrium dhe konsumimi i tepërt i kripës mund të çojë në rritjen e presionit të gjakut dhe të bëjë që veshkat dhe mëlçia të punojnë më shumë.

Edhe pse konsumi i tyre me moderim është diçka e mirë, merrni parasysh reduktimin e konsumit gjatë verës.

Frutat dhe perimet e prera paraprakisht

Edhe pse ato kursejnë kohën e përgatitjes, zakonisht janë dyfishi ose trefishi i çmimit të përbërësve të papërpunuar. Plus, pasi priten në feta ose copëtohen, shumë ushqime fillojnë të degradojnë në cilësi dhe shije.

blank

Nga kamomili tek manushaqet – Lulet që falin bukuri të pashtershme

Lulet janë të plotfuqishme sa i përket ushqyerjes dhe zbukurimit të lëkurës apo flokëve.

Lulet shumëngjyrëshe plot aromë ndezin dhe zbukurojnë jetën e njeriut në mënyrë delikate.

Ato përdoren gjerësisht në industrinë kozmetike veçanërisht për bukurinë dhe parfumerinë.

Praktikat më të lashta të mjekësirë popullore në qytetërime të ndryshme i kanë dhënë shumë rëndësi përdorimit dhe vlerave thuajse magjike të luleve.

Lulet janë të plotfuqishme sa i përket ushqyerjes dhe zbukurimit të lëkurës apo flokëve.

Lulet mund të përdoren jo vetëm në çaj, por edhe për larjen e fytyrës, masazhimin e saj, zbutjen e lëkurës së trupit, larjes së tij e të tjerë.

Disa lule e ndihmojnë lëkurën të largojë problemet e saj dhe disa të tjera largojnë stresin që është një nga shkaktarët e problemeve të lëkurës.

Bergamoti

Kjo lule që i përket familjes së agrumeve përdoret në shumë trajtime kozmetike për lëkurën.

Çaji i këtyre luleve mund të përdoret për shpërlarjen e fytyrës duke ofruar një tërheqje të saj por edhe për forcimin e flokut.

Mjaftojnë 500 gramë nga kjo bimë. Ziejeni në një litër me ujë, kullojeni dhe përdoreni.

Lule kumaku

Kjo lule dimërore ofron petale të ngrënshme. Lulja mund të shkërmoqet dhe  me të të përgatitet një pastë e cila largon njollat e lëkurës.

Nëse mbushni gjysëm filxhani me petale dhe e zieni në të njëjtën sasi uji mund të përdorni një çaj të fortë.

Ky lëng largon irritimet e lëkurës tek fëmijët dhe të rriturit.

Karafili

Nëse ndiheni të stresuar, ju dhembin muskujt ose keni nevojë të qetësohen atëherë zgjidhni karafilin.

Në Greqinë e lashtë, karafili konsiderohej si një lule hyjnore.

Merrni 100 ml utuhll dhe shtoni 10 petale trëndafili. Pas një dite përdoreni lëngun që të bëni një banjë qetësuese në vaskë.

Kamomili

Kamomilin e njohim kryesisht në formën e çajit që nxit gjumin.

Por përveç gjumit, kamomili mund të përdoret për shfryrjen e qeskave të syve dhe rigjallërimin e lëkurës.

Ziejeni çajin dhe me të bëni kompresa për lëkurën.

Lulerradhiqja

Kjo lule e ushqen në thellësi lëkurën.

Ju mund të përgatisni çaj me gjethet dhe lulet dhe të lani lëkurën.

Çaji në fjalë largon skuqjet apo edemat në lëkurë.

Lulja në veçanti përdoret për një vaj esencial të jashtëzakonshëm për trupin.

Futini lulet dhe gjethet në një enë të mbushur me vaj ulliri ekstra të virgjër apo vaj bajamesh.

Pas një jave përdoreni vajin për masazh ose për banjë.

Jasemini

Jasemini është ndoshta lulja më e përdorur në kremërat e fytyrës, sapunët dhe vajrat esencialë.

Kjo lule aromatike mund të tretet në uthull ose në vaj bajamesh për të krijuar një tretësirë të këndshme plot vlera për lëkurën.

Ju mund të hidhni petalet e jaseminit në një shishe me ujë dhe të nesërmen të spërkasni trupin ose ambientin e gjumit.

Mjafton një javë aplikim në lëkurë, dhe do të shikoni një përmirësim të ndjeshëm.

Manushaqet

Lulet e bukura të pranverës janë të mrekullueshme për lëkurën dhe flokët.

Ato përmbajnë acid salicilik që e ushqen, qetëson dhe zbut lëkurën

Merrni një filxhan me petale dhe gjethe dhe ziejini në një litër ujë.

Kullojeni dhe përdoreni lëngun në fytyrë.

Nëse lëkura është prekur nga inflamacion i rëndë ose puçra të dhimbshme, shtypini gjethet e freskëta dhe pastën vendoseni në fytyrë.

Lulenate

Ekspertët e luleve ia njohin fort mirë vlerat lulenatës. Përveç përdorimit në parfume, lulet mund të transformohen në vaj aromatik gjallërues për trupin dhe mendjen./AgroWeb.org

blank

Rritja e bimëve – Si të gjeni sa rreze dielli bien në kopshtin tuaj gjatë ditës

Për të matur orët në të cilat drita e diellit bie kopshtin tuaj, filloni herët në mëngjes, menjëherë pasi lind dielli.

Një nga sfidat me të cilat përballen kopshtarët e rinj është si të përcaktojnë se sa rreze dielli duhet të marrë zona në të cilën ata po planifikojnë të mbjellin bimën e tyre.

Mënyra më e mirë për ta bërë këtë është duke matur orët në të cilat drita e diellit bie në kopshtin tuaj.

Në këtë artikull AgroWeb.org ju tregon se si të bëni matjet e duhura.

Si të përcaktoni se sa rreze dielli bien në kopështin tuaj gjatë ditës.

Mund të habiteni kur të mësoni se “kopshti juaj plot diell” është në të vërtetë një kopsht me hije të pjesshme ose se “kopshti plot hije” merr më shumë diell nga sa mendoni!

Për të matur orët në të cilat drita e diellit bie kopshtin tuaj, filloni herët në mëngjes, menjëherë pasi lind dielli.

Shënoni nëse kopshti është në diell të plotë, në hije të pjesshme apo në hije të plotë.

Kontrolloni zonën çdo orë dhe masni se për sa kohë bien aty rrezet e diellit. Bëjeni këtë deri në perëndim.

Nëse kopështi juaj është shumë i madh, mund të masni ekspozimin ndaj dritës së diellit në seksione të ndryshme.

Mos harroni se dielli ndryshon pozicionin në qiell gjatë gjithë vitit. Kështu që një zonë që është kryesisht në hije në pranverë dhe vjeshtë, mund të marrë rreze dielli më intensive në verë, kur dielli është më lart në qiell.

Kjo do të thotë edhe se bimët e mbjella në zona me hije të pjesshme mund të fillojnë të digjen në diell në korrik dhe gusht.

Gjithashtu një kopsht plot diell në pranverë dhe vjeshtë mund të ketë mjaft hije gjatë verës, pasi pemët të jenë mbushur plot me gjethe.

Pra, është një ide e mirë të studioni se si rrezet e diellit bien në kopshtin tuaj gjatë muajve të pikut të verës, në pranverë dhe në vjeshtë.

Pasi të masni orët e dritës së diellit është e lehtë të zgjidhni edhe bimët e duhura!

AgroWeb.org sjell më poshtë një përmbledhje të kërkesave të bimëve për ekspozimin ndaj diellit.

Kur zona konsiderohet me diell të pjesshëm

Dielli i pjesshëm dhe hija e pjesshme janë të ngjashme dhe në përgjithësi nënkuptojnë një kopsht që merr 3 deri në 6 orë rreze dielli.

Shumë bimë që kërkojnë diell të plotë, por edhe disa bimë që kërkojnë hije të pjesshme mund të rriten mirë në një kopsht të tillë.

Megjithatë, nëse vëreni se bimët në hije digjen gjatë verës, kjo do të thotë se ato po marrin shumë diell dhe duhet të zhvendosen në një zonë me hije.

Zonat me hije të plotë

Kopshti me hije të plotë merr më pak se 3 orë rreze të drejtëpërdrejta dielli çdo ditë, ku pjesa më e madhe e ekspozimit ndaj diellit është gjatë orëve të para të mëngjesit, pasdite vonë ose rrezet e diellit janë të filtruara gjatë gjithë ditës.

Zonat me diell të filtruar ose jo të drejtëpërdrejtë

Kjo do të thotë se rrezet e diellit filtrohen përmes pemëve ose degëve të shkurreve, gardheve etj.

Pra, kopshti nuk është plotësisht i mbuluar me hije, por i merr rrezet e diellit të filtruara.

Shumë bimë që kërkojnë hije dhe hije të pjesshme, rriten shumë mirë në një kopsht të tillë.

blank

Nga truri tek veshkat – Çfarë i shkakton i nxehti përvëlues organizmit

Gjithashtu i nxehti ndikon shumë keq edhe tek personat që vuajnë nga sëmundjet kardiovaskulare.

Me rritjen e temperaturave, kujdesi ndaj shëndetit dhe nevoja për të qëndruar sa më të freskët janë gjithnjë e më urgjente.

Në këtë periudhë të vitit rekomandimet e mjekëve janë të qëndroni larg të nxehtit përvëlues të verës.

E teksa termometri shënon rritje dita ditës duke kaluar 35 gradë celsius, përveç djersitjes trupi mund të vuajë edhe nga disa simptoma të tjera.

Në këtë artikull AgroWeb.org ju tregon se çfarë sëmundjesh mund të shkaktojnë temperaturat e larta.

Cilat Janë Sëmundjet Që Shkakton i Nxehti

Sëmundjet e shkaktuara nga i nxehti shfaqen kur trupi nuk është në gjendje të kryejë procesin e vetë-ftohjes.

Zakonisht trupi i njeriut ftohet me anë të djersitjes dhe qarkullimit të gjakut.

Gjithsesi kur temperaturat janë shumë të larta, as ky proces nuk është i mjaftueshëm.

Kështu trupi mund të zhvillojë gjendje të ndryshme të cilat kthehen në sëmundje.

Këtu përmendim që nga djegiet e lëkurës, deri tek hipertermia apo siç quhen ndryshe goditjet nga i nxehti.

Nëse me rritjen e temperaturave keni vënë re se ju dhembin muskujt apo keni kriza të vazhdueshme të gjymtyrëve, arsyeja mund të jetë vapa e madhe.

Gjithashtu i nxehti ndikon shumë keq edhe tek personat që vuajnë nga sëmundjet kardiovaskulare.

Pasi  vështirësojnë qarkullimin e gjakut duke e ngadalësuar apo përshpejtuar atë.

Sipas Organizatës Botërore të Shëndetit të cilës i referohet AgroWeb.org, temperaturat e larta mund të bëhen shkak për përkeqësimin e sëmundjeve të veshkave, trurit dhe atyre të frymëmarrjes.

Ndikimi i temperaturave në shëndet mund të jetë vdekjeprurës, sidomos nëse vuani nga sëmundje kronike.

Pasi i nxehti ka tendencë të bllokojë dhe ngadalësojë shumë procese normale të organizmit, duke u kthyer në një rrezik për jetën.

Kush Janë Më të Rrezikuarit

Ekspertët thonë se çdo njeri mund të jetë i rrezikuar nga sëmundjet e mësipërme nëse ekspozimi në diell është shumë i madh.

Gjithsesi më delikatë gjatë verës ndaj këtyre problemeve janë një grup i caktuar njerëzish.

Të moshuarit, kryesisht sipër moshës 65 vjeç nuk këshillohet të qëndrojë jashtë gjatë ditëve të nxehta.

Të porsalindurit, lehonat dhe gratë shtatzënë gjithashtu janë të rrezikuar nga temperaturat e larta të verës.

Mjekët theksojë se personat që vuajnë nga sëmundje kronike ku futen ato kardiovaskulare, diabeti apo sëmundjet e frymëmarrjes për shkak se gjatë kësaj kohe marrin medikamente të forta janë gjithashtu një grup në rrezik.

Çfarë të Bëni Nëse Sëmureni Nga i Nxehti

Ndihma e parë që mund t’i jepni vetes dhe të tjerëve në këtë rast është të lëvizni në një vend më të freskët dhe të errët.

Përpiquni të ftohni kyçet e gjymtyrëve dhe të konsumoni ujë të freskët.

Në këtë mënyrë trupi do të rregullojë temperaturën e brendshme të tij.

Nëse jeni në shtëpi mjekët këshillojnë që të bëni një dush me ujë të freskët.

Evitoni daljen nga shtëpia gjatë orëve kur dielli është shumë i nxehtë dhe evitoni pijet alkoolike apo kafen.

Është e rëndësishme që të jeni të kujdesshëm me simptomat, nëse ndjeni se po përkeqësohen njoftoni menjëherë një mjek.

blank

A është e vërtetë që nuk duhet të vishemi me të zeza në verë?

Një studim i kohëve të fundit paralajmëron se deri në vitin 2020, numri i vdekjeve si pasojë e temperaturave të larta do të rritet me 66%.

Na kanë thënë e stërthënë që veshjet me ngjyrë të errët siç është e zeza nuk duhen mbajtur në verë sepse me to do të “plasim nga vapa.”

Ideja fillestare është që ngjyra e zezë përthith më shumë energji ndërsa e bardha na mban më të freskët.

Thua të jetë e vërtetë? Lexoni më poshtë në AgroWeb.org

A Është e Vërtetë Që Nuk Duhet Të Vishemi Me Të Zeza Në Verë?

E vërteta, sipas ekspertëve, është që ngjyrat e errëta na mbajnë të freskët në verë dhe ky pretendim është i mbështetur si nga fizika ashtu edhe nga biologjia.

Mënyra e përthithjes së rrezeve të diellit nuk varet vetëm nga ngjyrat e rrobave që mbajmë veshur.

Gjithçka ka të bëjë me mënyrën si djersin individi, temperatura e gjakut e tij dhe organizmi në përgjithësi.

Kur rrezet e diellit bien mbi një rrobë të bardhë, drita reflektohet sërish në drejtim të organizmit që do të thotë se temperatura e brendshme është më e lartë tek një person që vesh të bardha.

Sipas ekspertëve, ngjyra më e mirë për tu mbrojtur nga nxehtësia është e zeza.

E zeza përthith çdo gjë që vjen nga dielli por edhe energjinë e trupit të cilën e nxjerr jashtë.

Njerëzit që jetojnë në  shkretëtirë  veshin gjithmonë rroba të trasha, me mëngë të gjata dhe në ngjyrë të errët.

Ata besojnë se ngjyra e zezë përthith më shumë nxehtësi, por ajo mbetet aty në rrobë dhe nuk arrin në lëkurë duke e përcëlluar njeriun.

Tek rasti i të bardhës ndryshone puna.

Trupi rrezaton nxehtësi dhe ngjyra e bardhë e kthen atë sërish mbrapsht duke krijuar një efekt sobë në trup.

Avantazhi i Mëngëve Të Gjata

Ekspertët marrin sërish për shembull beduinët e shkretëtirës të cilët vishen me mëngë të gjata e rroba të trasha, sidomos në verë.

Sipas tyre, rrobat me mëngë të gjata mund ta mbajnë lëkurën të thatë e të freskët.

Ato mundësojnë avullimin më të shpejtë të djersës dhe krijojnë koridore ajrosjeje mes lëkurës dhe rrobës.

Për më tepër, rrobat me mëngë të gjata na mbrojnë krahët nga djegia dhe dëmtimet e shkaktuara nga rrezet ultravjollcë.

blank

A ndikon stresi tek nivelet e sheqerit në gjak – Çfarë duhet të dini patjetër

Stresi nuk shoqërohet vetëm me ndjesinë e frikshme të ankthit, përkundrazi janë 9 organe të trupit që ndikohen rëndë prej tij.

Stresi është reagimi i trupit ndaj presionit të lartë fizik dhe mendor, që një njeri nuk është në gjendje ta përballojë.

Stresi është një përjetim i ndryshëm në varësi të njeriut, por shpesh shkaktohet nga problemet në familje, çift, karrierë ose me paratë.

Stresi mund të shkaktohet edhe nga ngjarje në dukje të parëndësishme ose ngjarje madhore që shfaqen krejt papritur.

Stresi nuk shoqërohet vetëm me ndjesinë e frikshme të ankthit, përkundrazi janë 9 organe të trupit që ndikohen rëndë prej tij.

Sipas të dhënave të AgroWeb.org, kur ndiheni të stresuar, nivelet e kortizolit rriten dhe mund të kompromentojnë funksionet e sistemit imunitar.

Më pas, organizmi përballet me çlirimin e adrenalinës dhe noradrenalinës që rrisin tensionin e gjakut dhe shkaktojnë djersitje të vazhdueshme.

Rritja e nivelit të hormoneve pakëson qarkullimin e gjakut në lëkurë dhe ngadalëson aktivitetin e stomakut duke ndërprerë tretjen.

Një nga ndikimet më të forta të stresit vërehet tek niveli i sheqernave në gjak.

Ndikimi i Stresit Tek Niveli i Sheqerit Në Gjak

Stresi ndahet në dy kategori: fizik dhe mendor.

Secila prej këtyre dy kategorive ndikon ndryshe tek niveli i sheqerit në gjak.

Stresi fizik nxit rritjen e nivelit të sheqerit në gjak.

Stresi emocional ka ndikime të ndryshme në varësi të diabetit.

Stresi mendor apo emocional mund të çekuilibrojë nivelin e sheqerit tek njerëzit që vuajnë nga diabeti i tipit 1.

Në rastin e njerëzve që vuajnë nga diabeti i tipit 2, stresi mendor rrit nivelet e sheqerit në gjak.

Ndikimi i stresit tek niveli i sheqerit në gjak mund të shoqërohet edhe me probleme të tjera që kanë të bëjnë me ushqyerjen, aktivitetin fizik, zgjedhjet e shëndetshme dhe vëmendja ndaj organizmit.

Njerëzit e prekur nga diabeti i tipi 2 janë tepër të ndjeshëm ndaj stresit sepse organizmi i tyre prodhon më shumë hormone të cilat rrisin nivelet e sheqerit në gjak.

Ai mund të mbahet nën kontroll nëpërmjet aktivitetit fizik dhe ushqyerjes së shëndetshme.

AgroWeb.org ju këshillon të konsultoheni me mjekun nëse vini re një stres në rritje që ndikon në shëndetin tuaj.

blank

Pagjumësia, lodhja dhe shtimi në peshë si shenja të kimikateve në organizëm

Shkak i zakonshëm i helmatisjes së organizmit ndodh përmes konsumit të produkteve të trajtuara me kimikate.

Helmet dhe toksinat arrijnë të hyjnë në organizmin tonë në disa mënyra.

Rrugët më të përhapura nga të cilat trupi ynë mbledh helme dhe toksina gjenden në informacionin e ofruar nga AgroWeb.org në vijim:

Me anë të frymëmarrjes:

Çdo ditë ne thithim substanca helmuese në ajër. Njerëzit që jetojnë në qytete me ajër të ndotur, trafik të rënduar dhe zona industriale thithin helme dhe toksina pafund gjatë gjithë ditës.

Me anë të ushqimit:

Këtu shkaku më i zakonshëm i helmatisjes së organizmit ndodh përmes konsumit të produkteve të trajtuara me hormone dhe kimikate.

Trupi ndotet edhe përmes ushqimeve të përpunuara të mbushura me konservantë dhe aditivë. Shumë fruta dhe perime të shëndetshme vijnë në treg plot me insekticide.

Sidomos frutat dhe perimet e bukura në dukje nuk janë aspak të shëndetshme nga brenda.

Me anë të prekjes dhe lëkurës:

Lëkura dhe sytë tanë ngarkohen me shumë helme çdo ditë. Ndaj higjiena nuk është kurrë e mjaftueshme dhe e vetmja zgjidhje që helmet të mos depërtojnë në organizëm.

Me kalimin e kohës, grumbullimi i helmeve në trup sjell probleme serioze. Helmet shkaktojnë infeksione të rëndë të lëkurës, syve dhe stomakut.

Por arrijnë të shkaktojnë edhe tumore, azëm, sëmundje nervore, ndërlikime të zemrës dhe infertilitet.

Këtu janë shenjat që trupi juaj vuan prej helmeve:

Shtimi i pashpjegueshëm i peshës

Prania e helmeve arrin të dëmtojë funksione jetësore si hormonet dhe kompozimet enzimatike.

Helmet dëmtojnë organet e brendshme dhe punën e tyre për të na mbajtur të gjallë.

Nëse jeni duke përjetuar një shtesë të papritur në peshë pavarësisht nga një mënyrë jetese e shëndetshme dhe ushqim i ekuilibruar, gjasat janë se jeni prekur nga nivelet e rritura të helmeve.

Lodhje e vazhdueshme

Nëse jeni vazhdimisht të lodhur e të dërrmuar, duhet ta dini se kjo shkaktohet edhe nga nivelet e helmeve.

Kur substancat toksike grumbullohen në sistemin e tretjes, ato ngadalësojnë përthithjen e ushqimit. Kjo na bën të ndihemi të lodhur, të ngadaltë dhe pa pikë energjie.

Probleme me lëkurën

Kur helmet mbingarkojnë tretjen ose mëlçia nuk është në gjendje t’i pastrojë ato nga gjaku, atëherë trupi përpiqet të nxjerrë toksinat nga lëkura.

Kjo shfaqet kryesisht me puçrra, skuqje dhe lodhje të lëkurës dhe djersitje të tepruar.

Probleme me pagjumësinë

Grumbullimi i helmeve në organizëm arrin të sjellë një çekuilibër mendor.

Sistemi nervor qendror është në gjendje të thithë lehtësisht helmet. Prania e këtyre toksinave në tru shkakton çrregullime të gjumit.

A ka zgjidhje natyrale?

Fillimisht çdokush duhet të kuptojë se çfarë i shkakton helmet në organizëm.

Por edhe mënyra e ushqyerjes është me shumë rëndësi. Në vijim AgroWeb.org sjell është një listë të ushqimeve që largojnë helmet nga organizmi. Mos harroni se rendja pas produkteve të bukura jo gjithmonë vlen.

Tregu shqiptar ofron plot produkte të mira dhe pa nivele të larta kimikatesh. Por mos harroni se ato duhen larë me sodë buke dhe uthull para përdorimit.

Ushqimet më të mira për pastrimin e organizmit

Fruta – Frutat janë plot me përmbajtje të lëngshme që ndihmon trupin të nxjerrë helmet.

Ushqimet e Gjelbra – Klorofili liron trupin nga helmet e dëmshme që vijnë nga metalet toksike, herbicidet, produktet e pastrimit dhe pesticidet.

Agrumet – Këto ndihmojnë fuqishëm organizmin duke larguar helmet dhe lehtësuar tretjen e mirë. Lëngu i limonit mbështet mëlçinë dhe veshkat në proceset e tyre të pastrimit.

Për të nxitur pastrimin, filloni çdo mëngjes me një gotë të ngrohtë me ujë limoni.

Hudhra – Hudhra është një nga ushqimet më të mira pastruese. Ajo stimulon mëlçinë në prodhimin e enzimeve të detoksifikimit që filtrojnë mbetjet toksike nga sistemi i tretjes.

Brokoli – Kjo perime ka aftësi të mrekullueshme për të nxitur pastrimin e enzimave jetësore në nivelin qelizor.

Çajrat bimorë – Plot me antioksidantë, çajrat bimorë pastrojnë trupin nëpërmjet përmbajtjes së tyre.

Farat dhe arrorët – Përfshini farat dhe arrorët në ushqimin tuaj pasi ato janë në gjendje të bëjnë mrekulli për sistemin tuaj tretës.

Omega-3 – Përdorni avokado, vaj ulliri dhe fara lini për të ndihmuar dhe lehtësuar pastrimin e plotë dhe lubrifikimin e duhur të krejt aparatit tretës./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

blank

Cili është ndryshimi midis goditjes dhe drobitjes nga i nxehti? – Parandalimi dhe trajtimi i tyre

Për të parandaluar sëmundjet që lidhen me nxehtësinë, qëllimi është të mbani trupin të freskët.

Sipas të dhënave të AgroWeb.org, temperaturat mbi mesataren ose moti jashtëzakonisht i lagësht, vret çdo vit njerëz në të gjithë botën.

Prandaj është e rëndësishme të dini se si të shmangni sëmundjet e lidhura me nxehtësinë.

AgroWeb.org në këtë artikull ju njeh rreth simptomave dhe trajtimeve, të goditjes dhe drobitjes nga nxehtësia.

Çfarë është goditja nga i nxehti?

Goditja nga i nxehti, që quhet edhe goditja nga dielli, është sëmundja më e rëndë e lidhur me nxehtësinë.

Kjo ndodh kur temperatura e trupit shkon deri në 39 gradë celsius ose më lart, dhe konsiderohet si një urgjencë mjekësore kërcënuese për jetën.

Nëse nuk trajtohet menjëherë, goditja nga dielli mund të dëmtojë:

trurin dhe sistemin nervor

sistemin e qarkullimit të gjakut

mushkëritë

mëlçinë

veshkat

aparatin tretës

muskujt

Goditja nga i nxehti mund të fillojë me simptoma kërcënuese për jetën, të cilat mund të përkeqësohen me shpejtësi, duke përfshirë:

temperaturë e lartë

lëkurë e nxehtë dhe e thatë

rrahje të shpejta të zemrës

konfuzion

humbje të vetëdijes

koma deri në humbje jete

Çfarë është lodhja nga i nxehti?

Lodhja nga nxehtësia është një gjendje shëndetsore më pak e rrezikshme sesa goditja nga nxehtësia.

Simptomat e lodhjes nga nxehtësia dhe goditja e nxehtësisë mund të zhvillohen menjëherë ose brenda disa ditëve.

Lodhja nga i nxehti mund të çojë në:

ngërçe të muskujve

një puls të shpejtë ose të dobët

një ndjenjë e përgjithshme dobësie

të vjella

djersitje

lëkurë e ftohtë, e njomë

marramendje dhe nganjëherë gjendje të fikëti

urinë me ngjyrë të errët

dhimbje koke

Këto gjendje shëndetsore ndodhin tek ata që nuk mund të përshtaten mirë me temperaturat gjithnjë e më të nxehta.

Të moshuarit, njerëzit me sëmundje kronike dhe foshnjat, shpesh preken nga këto dy gjendje shëndetsore, të cilat janë të zakonshme gjatë valëve ekstreme të nxehtësisë.

Faktorët e rrezikut

Faktorë të caktuar mund t’ju bëjnë më të prirur të përjetoni lodhje ose goditje nga nxehtësia. Ato janë:

mbipesha

sëmundjet ekzistuese

djegia nga dielli

ilaçe të caktuara për sëmundjet e zemrës ose presionin e lartë të gjakut, veçanërisht diuretikët

ndryshimet e papritura të temperaturës

qëndrimi jashtë në nxehtësi ekstreme, ose në ambiente të mbyllura pa ndonjë mënyrë për tu freskuar

Parandalimi

Për të parandaluar sëmundjet që lidhen me nxehtësinë, qëllimi është të mbani trupin të freskët. Këtë mund ta arrini duke:

qëndruar brenda në pjesën më të nxehtë të ditës, me ajër më të freskët

përpiquni të qëndroni në hije kur jeni jashtë

konsumoni 2-4 gota ujë çdo orë, kur jeni të ekspozuar ndaj temperaturave të larta

bëni pushime të shpeshta kur punoni ose stërviteni jashtë në ditët e nxehta

vishni rroba të gjera pambuku, me ngjyrë të hapur

përdorni ujë më të ftohtë kur bëni dush

mbani një kapelë për të mbrojtur fytyrën nga dielli

shmangni pijet që ju dehidratojnë, si ato me kafeinë ose alkool

Trajtimi

Nëse dyshoni se keni lodhje nga nxehtësia, duhet të ndërmerrni menjëherë hapa për tu qetësuar, të tilla si:

qëndroni në një vend ku ka hije

hiqni ndonjë veshje të tepërt

ndizni ventilatorin ose kondicionerin

freskohuni me ujë të ftohtë, vendosni peshqirë të lagur në trup ose akull

konsumoni lëngje dhe ujë

Njohja e simptomave të sipër përmendura, mund të parandalojë që gjendja të mos përkeqësohet.

Dhe nëse merrni trajtim e duhur në kohë, ju mund të shëroheni plotësisht nga sëmundjet e lidhura me nxehtësinë.

blank

Psikologjia e aromave – Si e ndikojnë trurin, kujtesën dhe emocionet

Sa herë që hidhni pak parfum mbi lëkurë apo ndjeni aroma të këndëshme në rruge, edhe ndonjë kujtim i njohur zë vend në mendje.

Aromat e ndryshme mund të përcjellin informacione shumë të rëndësishme në tru, duke patur ndikim jo vetëm tek humori, por edhe kujtesa, sjellja dhe emocionet.

Sa herë që hidhni pak parfum mbi lëkurë apo ndjeni aroma të këndëshme në rruge, edhe ndonjë kujtim i njohur zë vend në mendje.

Çdo gjë që duhet të dini mbi mënyrën se si parfumi e ndikon trurin e gjeni të shpjeguar mëposhtë në artikull.

Aromat Dhe Kujtesa

Shqisa e nuhatjes është e lidhur ngushtë me kujtesën, ndoshta më shumë se shqisat e tjera.

Aroma të caktuara, si ajo e një luleje, kanë tendencën të ngjallin kujtime të veçanta, siç mund të jetë një ngjarje e bukur gjatë fëmijërisë.

Një ndezje e kujtesës për shkak të aromës mund të ndodhë në mënyrë spontane ama nxjerr në pah, momente dhe gjëra të mbuluara nga pluhuri i harresës.

Aromat Dhe Emocionet

Shqisa e nuhatjes përfshin edhe aspektin emocional.

Këtë aspekt e shfrytëzon më shumë industria e prodhimit të parfumeve.

Këto të fundit mund të ndezin një sërë emocionesh dhe ndjenjash duke nisur nga dëshira për pushtet, gjallëria dhe qetësimi.

Në një nivel më personal, aroma dhe nuhatja është shumë e rëndësishme në kiminë mes dy personave.

Për shembull, aroma e trupit, e cila prodhohet nga genet në sistemin imunitetit ndikon në përzgjedhjen e partnerit.

Madje, besohet se e puthura është rezultat ose devijim i nuhatjes së tjetrit për të përcaktuar nëse ai/ajo është i/e përshtatshëm/e.

Ndikimi Psikologjik i Humbjes së Nuhatjes

Nuhatja luan një rol të rëndësishëm në përbërjen tonë psikologjike por jo vetëm kaq.

Ajo është një nga pesë mënyrat se si njeriu lidhet me botën përreth.

Njerëzit që kanë një shqisë të dobësuar apo të shuar të nuhatjes, ndihen më të izoluar nga bota dhe përjetojnë një mjegullim emocional.

Humbja e shqisës së nuhatjes ndikon tek aftësia për të formuar marrëdhënie personale dhe mund të nxisë depresionin.

Humbja e shqisës së nuhatjes nuk është diçka që mund të paralajmërohet apo të parandalohet.

Ajo thjesht ndodh dhe njeriu nuk e kupton deri në momentin që nuk percepton dot asnjë aromë, duke humbur kështu edhe lidhjen e fortë me kujtimet./AgroWeb.org

blank

Si e ndihmon gjumi i thellë trurin të mbajë larg sëmundjet

Vlerat e gjumit nuk kanë fund dhe këtë e pohojnë edhe ekspertët.

Gjumi është një nga proceset më natyrale dhe të nevojshme për çdo njeri.

Pas një gjumi të thellë duket sikur të gjitha mendimet negative shuhen dhe dita rinis plot e përplot me energji.

Ky proces është i dedikuar për çlodhjen e mendjes dhe të gjithë organizmit.

Vlerat e gjumit nuk kanë fund dhe këtë e pohojnë edhe ekspertët.

Në artikullin e sotëm nga AgroWeb.org, ju tregojmë se si gjumi i thellë ndihmon në largimin e të gjithë toksinave apo mendimeve të ditës nga truri.

Si ndihmon gjumi i thellë

Vetia e trurit për të pastruar veten është mëse e vërtetë dhe e nevojshme në organizëm.

Gjithsesi kjo mund të arrihet vetëm nëse keni një stil të shëndetshëm jetese dhe një gjumë të qetë.

Sipas ekspertëve të të Universitetit të Bostonit cilëve iu referohet AgroWeb.org, gjumi i thellë është çelësi i një truri të shëndetshëm.

Kur jeni gjumë të thellë, truri i krijon mundësi qelizave cerebrale të lëvizin më me lehtësi.

Ky proces ndihmon në pastrimin e trurit nga mbingarkesa e tepërt që shkaktohet gjatë ditës.

Pasi kur truri mbingarkohet në trup çlirohet një substancë që quhet beta amoloid.

Kjo është një proteinë e cila gjendet me shumicë tek truri i personave që vuajnë nga dementia.

Gjumi i mirë arrin ta heqë të gjithë këtë proteinë nga truri vetëm në një natë.

Duke bërë që truri juaj të jetë më i mbrojtur nga plakja.

Të dhënat e studimit ku morën pjesë rreth 11 persona të cilëve iu monitorua procesi i të fjeturit, treguan se organizmi funksiononte më mirë kur trupi ndodhet në gjumë të thellë.

Ndryshe njihet si faza “ngadaltë”e më e thellë e gjumit, ku trupi arrin të pushoje plotësisht.

Kjo do të thotë rrahje më të ulëta zemre dhe frymëmarrje më e ulët, por cilësi e të pushuarit më e lartë.

Megjithëse të dhënat janë ende duke u zhvilluar, mjekët theksojnë se personat që kanë probleme me gjumin janë më të ekspozuar ndaj sëmundjeve të ndryshme.

 


Send this to a friend