VOAL

VOAL

Totti zemëron serbët me reagimin ndaj postimit të Dua Lipës

July 21, 2020

Komentet

Do t’i mbetemi përherë borxh Teodor Vasos!- Nga TEDI BLUSHI

DO T’I MBETEMI PËRHERË BORXH TEODOR VASOS!

Një prej yjeve më të shndritshëm të futbollit korçar dhe kombëtar, mjeshtri Teodor Vaso nga sot do të shkëlqejë lart në qiell, krah yjeve të pashuar korçarë si Pilo Qirinxhi, Teli Samsuri, Tato Bimbli, Veteran Topçiu e shumë të tjerë, që nuk janë më midis nesh, por kujtimi i të cilëve do të mbetet i paharruar.

Largimi në jetën e përtejme i legjendës së “Skënderbeut”, “Partizanit” dhe Ekipit Kuqezi është përjetësim i arritjeve të tij të jashtëzakonshme dhe trashëgimisë të vyer sportive që la pas.

Në qytetin, ku lindi, rriti dhe perfeksionoi talentin e spikatur sportiv, Teodor Vason e njihnin të gjithë, sapo t’a shihnin apo t’ia dëgjonin emrin!

Ai ishte dhe do të mbetet Krenaria e Korçës!

Kampion në futboll dhe kampion i qytetarisë korçare, ai do të kujtohet me respekt për gjithçka bëri për të lartësuar emrin e qytetit dhe flamurin kombëtar në arenat më prestigjioze sportive botërore.

Falë cilësive njerëzore, aftësive dhe dhuntive të rralla sportive, shpirtit të lartë të garës dhe sakrificës, por edhe karakterit, forcës morale dhe vlerave qytetare, si mësues dhe trajner i përkushtuar i brezave të futbollistëve të rinj, Teodor Vaso ishte Yll jo vetëm në fushë, por edhe jashtë saj.

Si futbollist profesionist i stilit modern, që revolucionarizoi në vitet ’60-’70 rolin e mbrojtësit të krahut duke e transformuar atë edhe në sulmues taktik, ai mund të luante dhe të shkëlqente në çdo skuadër elitare europiane të kohës.

Personalitet i padiskutuar në fushën e blertë, me teknikë racionale, mbrojtës i kompletuar, i sigurt, luftarak dhe i pakalueshëm, me një konstrukt dhe rezistencë fizike për t’u admiruar, i disiplinuar në veprimet taktike dhe i befasishëm në daljet aktive në sulm, i saktë dhe i ndershëm në ndërhyrje dhe preciz në shënim golash, ai ishte një shembull i madh frymëzimi për brezat e sportistëve të rinj.

Arti i lojës magjike të Teodor Vasos me topin ishte një burim konstant emocionesh të forta për tifozët, duke i mbushur me gëzim dhe optimizëm në një periudhë të errët dhe të vështirë për Shqipërinë e aso kohe.

Pjesë e pandarë një plejade të artë lojtarësh të viteve ’60-’70, ai shkroi së bashku me ta një nga faqet më të ndritura të historisë së futbollit kombëtar, për të cilën i meritoi duartrokitjet dhe nderimin më të madh.

Ndaj dhe ikja e tij pa kthim la pas shumë pikëllim dhe dhembje, pasi të shumtë janë tifozët personalë dhe dashamirësit e tij.

Sidomos pas barazimit historik 0-0 në vitin 1967, të Shqipërisë me Nënkampionen e Botës R.F.Gjermane, tek Teodor Vaso u përshtatën më së miri vargjet frymëzuese: “Lumja ti moj Korçë lule, që le pas shoqet e tua, si trimi në ballë u sule, ta paçim përjetë hua!”.

Sepse i dëmtuar rëndë për rreth 70 minuta, ai qëndroi i pathyer përballë kundërshtarëve gjermanë, si hero i vërtetë, duke u shndërruar në atë kohë në një legjendë të gjallë për shembullin e sakrificës, pasi nuk braktisi ekipin por vazhdoi lojën, duke u skalitur me këtë model frymëzues në memorien sportive kombëtare dhe jo vetëm.

Protagonist në atë ndeshje historike, i paharruari Ramazan Rragami e kujtonte kolegun Vaso duke theksuar se: “Megjithëse Todoja kishte pësuar një traumë të fuqishme, ai qëndroi në lojë, pranë shokëve të ekipit duke u bërë një shembull i sakrificës deri në mbarimin e ndeshjes”.

I madhi Mexhit Haxhiu ka shkruar se “Në ndeshjen e Kupave të Europës, Shqipëri – R.F.GJ 0-0, Teodor Vaso u kthye në personazh historik, protagonist i asaj ‘Ngjarje të Madhe’, jo vetëm për kontributin në lojë, por edhe për sakrificën tij, i dëmtuar rëndë, ai nuk doli nga fusha”.

Ndërsa komentatori i papërsëritshëm, Ahmet Shqarri kujton: “Ngjarja e atij viti të largët 1967 në stadiumin kombëtar ‘Qemal Stafa’ në Tiranë kundër Gjermanisë së famshme të trajnerit Helmut Shën do të mbetet e paharrueshme për të gjithë të pranishmit, por edhe një lloj embleme për Teodor Vason, kur thuajse gjatë gjithë lojës u detyrua të luante i fashuar në pjesën më të madhe të trupit, duke përballuar në një gjendje të pabesueshme shëndetësore atë lojë të suksesshme, që sot e kësaj dite vazhdon të mbetet si një nga mrekullitë e futbollit shqiptar”.

Barazimi historik me R.F.Gjermane në 1967 dhe skualifikimi i saj e futën Shqipërinë e izoluar për herë të parë në hartën e futbollit europian për të vijuar me ndeshjet e “17 Nëntorit” me Ajaksin e shumë surpriza të tjera të pabesueshme më parë.

Për herë të parë brezi i papërsëritshëm i Teodor Vasos, Koço Dinellës dhe shokëve të tyre lanë pas inferioritetin që vinte nga izolimi e prapambetja e regjimit absurd dhe me talentin e jashtëzakonshëm dhe vetëbesimin e tyre i treguan botës se Shqipëria kishte vendin e saj në Europë në futboll.

Vetëm 15 vite më vonë në Trir të Gjermanisë do të përsëritej një barazim historik midis Kombetarëve Shpresa të Shqipërisë dhe Gjermanisë, që jo vetëm do të skualifikonte gjermanët, por do të kualifikonte Shpresën e Shqipërisë me në krye Demollarin në 8 ekipet më të mira të Europës.

Ishte koha kur Shpresa që drejtohej nga trajneri i paharruar Ramazan Rragami do të sillte një Shqipëri jo vetëm sfiduese por edhe fituese.

Ishte pikërisht ky trajner i madh i cili kishte qenë protagonist i Kombëtares të barazimit historik me R.F.Gjermane në 17 dhjetor 1967 si titullar në fushën e blertë.

Ishte kjo Shpresë që solli një Kombëtare tjetër e cila mundte Belgjikën, barazonte me Poloninë dhe synonte të kualifikohej në botëror.

Gjatë karrierës së pasur futbollistike, legjenda Teodor Vaso shënoi 26 gola duke qenë në role mbrojtëse, dhe ishte përfaqësues në 36 ndeshje ndërkombëtare, 18 ndeshje me Kombëtaren Shqiptare, 15 ndeshje me “Partizanin” dhe 3 me skuadrën korçare.

“Për talentin e rrallë dhe cilësitë e jashtëzakonshme si futbollist; për kontributin e spikatur në historinë e ekipit ‘Skënderbeu’ dhe në veçanti si titullar i Ekipit Kombëtar”, Presidenti i Republikës, Ilir Meta e dekoroi me titullin e lartë shtetëror “Kalorës i Urdhrit të Skënderbeut”.

Për kontributin dhe trashëgiminë e tij të vyer për futbollin shqiptar, ai i ka merituar më shumë vëmendje institucionale, sidomos nga Qeveria që nuk ia dha kurrë, por edhe nga Bashkia e Korçës që duhet ta shpallë “Qytetar Nderi”, një rruge t’i vendosë emrin e tij ose t’i ndërtojë një bust pranë stadiumit “Skënderbeu”!

Do t’i mbetemi borxh përherë Teodor Vasos, kësaj figure të madhe historike të qytetit të Korçës, që i dha dritë futbollit shqiptar kur vendi ishte në errësirë.

Ndaj rrënjët e sukseseve të sotme të futbollit tonë duhen kërkuar te vlerat e atij brezi të papërsëritshëm të Teodor Vasos me shokë, që e kanë vendin në Panteonin e Nderit e Vlerave Kombëtare dhe që meritojnë vëmendjen dhe nderimin dinjitoz shtetëror.

Ndahet nga jeta legjenda shqiptare e futbollit korçar

Ndahet nga jeta legjenda shqiptare e futbollit korçar Teodor Vaso. Vaso është ndarë nga jeta në moshën 83-vjecare.

Heroi i përfaqësueses shqiptare do të mbahet mend për shumë episode të veçanta në jetën e tij por më i veçanti ka qenë në ndeshjen e vitit 1967 ku luajti për 30 minuta me këmbë të vrarë dhe të ënjtur kundër Republikës Federale Gjermane.

Njëri nga 5 sportistët më të mirë të vitit 1968 në përbërje të ekipit Kombëtar të futbollit shqiptar për rezultatin e jashtëzakonshëm në barazimin 0-0 me kampionen e botës, RF Gjermane.

Më 17.12.1967 është cilësuar ndër 11-të më të mirët të futbollit shqiptar, në 55- vjetorin e futbollit tonë, të botuar në gazetë. Gjithashtu është cilësuar futbollist i shekullit i Korçës në vitin 1998 e gjithashtu është dekoruar me medaljen e artë për merita të shquara nga Ministria e Arsimit dhe Sportit.

Ka bërë 46 ndeshje ndërkombëtare, nga këto 20 me ekipin përfaqësues (Kombëtaren), si lojtari me më shumë ndeshje të futbollistëve korçarë, sipas statistikave zyrtare të botuara.bw

“Është fantastik, sulmues modern”, Bogdani bekon Cristian Shpendin: Ka talent, do shkojë larg

Si kurrë më parë, futbolli shqiptar po prodhon shumë sulmues, mjafton të shohësh listën e Sylvinho-s dhe “bomberat” e tjerë që janë në qarkullim. Dy prej tyre janë edhe vëllezërit Shpendi, Stiven dhe Cristian, ky i fundit nuk di të ndalet teksa në Serie C ka realizuar jo pak por 20 gola. Pavarësisht se militon në kategorinë e tretë italiane, me ekipin e Cesena-s, Cristian i ka të gjithë të dhënat për të bërë hapa të mëdhenj në karrierë, për këtë është i bindur ish sulmuesi i famshëm kuqezi, golashënuesi më i mirë i të gjithë kohërave me ekipin kombëtar, Erjon Bogdani.

Bogu
Bogu

Në një intervistë për mediat italiane, Bogdani foli me fjalë të mëdha për Cristian: “Po zhvillon një kampionat fantastik, numrat flasin qartë, por nga këtu e deri në përfundim të sezonit jam i sigurt se do të rriten. Ai është një futbollist shumë i mirë, për më tepër që është shumë i ri dhe ka hapësira për t’u përmirësuar. E ardhmja në Serie A? Ai ka talent dhe mund të arrijë larg, por nëse do të isha si ai, duke parë dhe vështirësinë që po has vëllai i tij, Stiven, tek Empoli, do t’i këshilloja që të luante një vit në Serie B”, u shpreh Bogdani, duke bërë në fund dhe në krahasim me vëllain e tij, Stiven, kush është më lart?

Shpendi
Shpendi

“Nëse do më pyesnin më herët do të thosha Stiven, por tani them Cristian. Të dy binjakët janë sulmues me vlera, sulmues të fortë, por Cristuan në sytë e mi është një sulmues më modern”, u shpreh Bogdani, duke pjesë e Cesena-s.

(BalkanWeb)

Gjokoviçi eleminohet bujshëm nga Indian Wells

Serbi u mposht në tri sete nga humbësi fatlum italian Luca Nardi

VOAL- E bujshme në Indian Wells: Novak Gjokovic (ATP 1) u eliminua në raundin e tretë nga një humbës me fat! 5 herë fitues i Masters 1000 të parë të sezonit, 36-vjeçari serb u përkul në mënyrë të jashtëzakonshme ndaj italianit Luca Nardi (123) në fund të një beteje që zgjati mbi 2 orë e 20 minuta me rezultatin 6-4 3. -6 6- 3.

20-vjeçari nga Pesaro, fituesi i Lugano Challenger më 2022, ofroi një paraqitje vërtet solide, duke shfrytëzuar në maksimum lojën tepër mbrojtëse të Noles dhe pasiguritë aktuale, i cili u detyrua të pranonte humbjen. Nardi bëhet kundërshtari më i dobët në renditje që ka mposhtur Gjokoviçin në një Slam ose një 1000 dhe vetëm humbësi i tretë me fat në histori që rrëzon një numër një të botës në një turne të këtij niveli. rsi-eb

Flet vëllai i Dani Alvesh: Doni ta shihni të vdekur, si mund të jeni kaq mizorë?

Nej Alvesh, vëllai i Dani Alvesh ka reaguar në rrjetet sociale pasi në natën e mbrëmshme u përhap me shpejtësi në rrjetet sociale një informacion se ish-futbollisti brazilian kishte vrarë veten në burg. Lajmi i pakonfirmuar u përhap nga një gazetar brazilian, i cili më pas kërkoi falje duke insistuar se kishte pasur një gabim emri


Por vëllai i ish-futbollistit, e ka cilësuar si mizore atë që po ndodhte me Dani Alvesh, i cili muajin e kaluar u dënua me katër vite e gjysmë burg për përdhunimin e një të reje në një diskotekë në Barcelonë.

“Sa shumë mizori mund të kenë qeniet njerëzore? Ai u dënua për fjalët e një gruaje e cila hyri në banjën e meshkujve që të bënin diçka që vetëm ai dhe ajo e dinë se çfarë. Ai u dënua. A nuk mjafton kjo?”, tha ai fillimisht në një video të shpërndarë në Instagram.

 

“Nuk mjafton. Tani gjëja e çmendur është se e duan të vdekur. Si mund të jeni kaq mizorë? Babai im është mbi 70 vjeç. Nëna ime është mbi 60. A nuk kanë ata familje? Këto faqe që vazhdojnë e përhapin këto gjëra. Zoti pastë mëshirë për ju”, ishin fjalët e tij për vëllain, të cilit me një postim tjetër i uronte shëndet e jetëgjatësi.

PANORAMASPORT.AL

Medalje e “pastër”, Ramadani konfirmohet nënkampion Evrope në peshëngritje

Shqipëria mund të shijon medaljen e nën kampionit të Evropës në peshëngritje, medalje e fituar nga Kristi Ramadani. Talenti 23-vjeçar shkëlqeu në Sofje duke fituar dy medalje argjendi, por vetëm këtë të premte ka ardhur dhe përgjigjja e testit anti-dopping, ku Ramadani rezultoi negativ. Me anë të një reagimi, Federata Shqiptare e Peshëngritjes ka bërë publike përgjigjen e analizave:

Testi i Ramadanit

Njoftim zyrtar i Federatës Shqiptare të Peshëngritjes

Sot me date 08/03/2024 vjen më në fund përgjigjja e shumëpritur e testit antidoping nga ITA (Agjencia Ndërkombëtare e Testimit), ku Kristi Ramadani iu nënshtrua testit në gjak dhe urinë në Kampionatin Evropian të Peshëngritjes në Sofje, Bullgari më datë 16 Shkurt 2024.

Federata Shqiptare e Peshëngritjes dhe Shqipëria ka një nën kampion Evrope të ri, Kristi Ramadanin.

Është i rëndësishëm ky njoftim, pasi ka pasur shumë aludime, thashetheme, denigrime në drejtim të këtij sportisti të ri me shumë perspektive.
Në këtë kuadër bëjmë një apel, që të gjithë të jemi të kujdesshëm, qofte edhe ndonjë sportist i cili ka aluduar për Kristi Ramadanin.

Të arrish të jesh nën kampion Evrope, të duhet shumë punë, disiplinë, këmbëngulje , shpenzime dhe balta mbi këta sportistë është e pa tolerueshme.
I urojme shumë suksese Kristi Ramadanit dhe jemi te sigurt që do të jetë një pretendent kryesor në Kampionatin Botëror që do të zhvillohet në nëntor 2024 në Bahrejn.

EURO 2024: 100 ditë nga fillimi i Kampionatit Evropian

Brenda 100 ditësh nis në Gjermani KE i futbollit. Ndër pjesëmarrësit është edhe Shqipëria. Po çfarë presin gjermanët?

Nga Deutsche Welle

Cilat skuadra do të marrin pjesë në kampionat?

Nga e mërkura (6 mars) kanë mbetur edhe 100 ditë nga fillimi i Kampionatit Evropian në futboll. Tani dihen emrat e 21 nga 24 skuadrat që do të marrin pjesë në turneun e Gjermanisë. Nikoqiri është i kualifikuar automatikisht. Ndërsa 20 ekipe të tjera fituan të drejtën e paraqitjes në garë pas ndeshjeve në grupe. Së shpejti, pas playoffs, do të dihen emrat edhe të ekipeve të tjera pjesëmarrëse. Për tre vendet e mbetura do të garojnë 12 ekipe: Polonia, Estonia, Uellsi, Finlanda, Bosnjë-Hercegovina, Izraeli, Islanda, Ukraina, Gjeorgjia, Luksemburgu, Greqia dhe Kazakistani. Në fund të marsit do të luhen tre mini-turne ku do të vendoset, se cilat skuadra do të kualifikohen në EURO 2024.

Si duket formati i KE?

Formati i Kampionatit Evropian 2024 është identik me Kampionatin e vitit 2020. Skuadrat do të ndahen në gjashtë grupe (nga katër kombëtare). Dy skuadrat e para nga grupet dhe katër skuadrat më të mira në vendin e tretë kualifikohen në raundin e 16-tës. Ndeshjet do të luhen në dhjetë stadiume në Gjermani. Ndeshjet fillojnë në orën 15:00, 18:00 dhe 21:00, sipas kohës në Gjermani. Turneu hapet me ngeshjen Gjermani-Skoci, më 14 qershor në Mynih. Finalja luhet saktësisht një muaj më vonë në stadiumin olimpik të Berlinit.

Çfarë shanse ka “Elfi” gjerman?

Në renditjen aktuale të FIFA-s, kombëtarja gjermane e futbollit është në vendin e 16-të, që është një rezultat i dobët për këtë ekip. Renditja kaq e dobët është rezultat i disa viteve të pasuksesshme të fundit, domethënë rezultateve të dobëta të ekipit gjerman në kohën e trajnerëve Joachim Löw dhe Hansi Flick. Midis 2006 dhe 2016, Gjermania ishte në mesin e katër skuadrave më të mira në çdo kampionat evropian apo botëror. Përfshirë këtu edhe triumfin e madh të vitit 2014 – kur “Elf” gjerman (njëmbëdhjetëshja gjermane) fitoi titullin e kampionit botëror. Kjo u pasua nga një rënie e madhe. Në Kampionatin Evropian 2020, Gjermania u mund në fazën e 16-tës (nga Anglia). Edhe në Kupat e Botës 2018 dhe 2022 pati një dështim total të ekipit gjerman, sepse gjermanët u eliminuan nga këto dy turne pas fazës së garave në grupe.

Trajneri i ri Julian Nagelsmann është zgjedhur në këtë post në shtatorin e kaluar. Ai pati me ekipin një fazë të shkurtër euforie. Por, ish-trajneri i Bayernit ka shënuar ndërkohë një rekord negativ në katër paraqitjet e tij të para – një fitore kundër SHBA-së, një barazim kundër Meksikës dhe dy humbje kundër Turqisë dhe Austrisë. Skuadra gjermane ka lojtarë jashtëzakonisht cilësorë, për këtë nuk ka dyshim. Por disa nga shtyllat kryesore të ekipit, si Joshua Kimmich apo Leon Goretzka, nuk janë në formë të mirë. Tifozët shpresojnë që rikthimi i Toni Kroos në kombëtare do të ndihmojë në stabilizimin e skuadrës gjermane.

Trajneri Nagelsmann thotë se problemi kryesor i skuadrës është mentaliteti. “Ne prej vitesh po shohim se Gjermania ka pasur dështime. Më në fund duhet të fillojmë të punojmë për futbollin.” Lojtarët e kombëtares gjermane së shpejti do të kenë mundësinë të dëshmohen: Më 23 mars do të zhvillohet ndeshja miqësore kundër Francës, e tre ditë më vonë kundër Holandës.

Cili është disponimi në Gjermani përpara turneut?

Pavarësisht rezultateve zhgënjyese në paraqitjet e fundit, ka shumë shpresë se EURO 2024 mund të jetë një ekstravagancë futbolli e ngjashme me Kupën e Botës 2006 në Gjermani. Drejtori i turneut Philipp Lahm deklaroi në një intervistë për DW: “Lojtarët duhet të identifikohen me kombëtaren, duhet të demonstrojnë afërsi me tifozët, duhet të tregojnë pasion për fanellën e Gjermanisë. Kjo është detyra e tyre kryesore”. Presidenti i Federatës Gjermane të Futbollit, Bernd Neuendorf, beson se “skuadra kombëtare do të kënaqë tifozët e saj në EURO 2024”.

Por drejtori sportiv i DFB-së, Rudi Völler, në shtator të vitit të kaluar tha se ka shumë vend për përmirësim në lidhje me qëndrimin e gjermanëve ndaj turneut, veçanërisht në disa qarqe politike. “Shumë nuk e kanë kuptuar se sa i rëndësishëm është EURO 2024, që është i ngjashëm me KB 2006 – përrallën tonë verore,” kritikoi Völler në një intervistë për revistën Stern. “Ne kemi një turne në mes të Evropës, çdo stadium do të jetë plot, Gjermania mund të paraqitet si një vend i hapur, mikpritës. E për të pasur sukses, duhet të përfshihet edhe politika.”

A është e garantuar siguria?

EURO 2024 në Gjermani do të mbahet në një kohë shumë të rëndë politike. Kjo është arsyeja pse presidenti i UEFA-s, Aleksander Çeferin pranoi në një intervistë për gazetën angleze Telegraph se “siguria është shqetësimi më i madh” për të. Slloveni është takuar ndërkohë dy herë me ministren federale të Brendshme, Nancy Faeser me të cilën ka biseduar për sigurinë. Ai thotë se autoritetet gjermane janë “shumë të vendosura për të na ndihmuar” dhe shtoi se “çdo gjë do të jetë në rregull”.

Koncepti i sigurisë për turneun u prezantua në janar dhe është mbështetur gjerësisht. Sekretarja e shtetit në ministrinë e Brendshme, Juliane Seifert, tha për agjencinë e lajmeve, dpa se çështja e sigurisë “do të jetë një prioritet për ministrinë dhe për qeverinë federale”. “Është e qartë se po jetojmë në kohë shumë sfiduese, veçanërisht për shkak të luftës së Rusisë kundër Ukrainës, ose për shkak të luftës në Rripin e Gazës, si dhe për shkak të sfidave të reja, për shembull, sulmeve kibernetike.

Në DFB janë shumë më të relaksuar: “Uroj që ky KE të ketë efekt pozitiv sidomos në mendjen e njerëzve”, tha drejtori Andreas Rettig. “Sa i përket sigurisë, mund t’u them të gjithëve se askush nuk duhet të shqetësohet për këtë.” Megjithatë, kualifikimi i mundshëm i Izraelit ose Ukrainës në EURO 2024 mund të rezultojë me intensifikimin e dukshëm të masave të sigurisë në Gjermani.

Image

LeBron James, basketbollisti i parë që tejkalon shifrën e 40 mijë pikëve

LeBron James është bërë basketbollisti i parë i ligës amerikane NBA që ka shënuar mbi 40.000 pikë në karrierën e tij.

Megjithatë, ai e ka përshkruar këtë moment me ndjesi të përziera, pasi në ndeshjen e së shtunës, ekipi i tij Los Angeles Lakers ka humbur kundër ekipit Denver Nuggets.

“Te jesh lojtari i parë që e arrin këtë, është goxha mirë në këtë ligë”, ka thënë 39-vjeçari të shtunën, i cili vetëm në atë ndeshje i ka shënuar 26 pikë.

“Gjëja kryesore është gjithmonë gjëja kryesore dhe ajo është fitorja”, ka thënë ai.

“Më vjen inat që kjo ndodhi kur ne humbëm, sidomos ndaj një ekipi që luan jashtëzakonisht mirë”.

James ka qenë në vendin e parë sa u përket pikëve qysh prej shkurtit të vitit 2023, pasi atëbotë e pati kaluar basketbollistin Kareem Abdul-Jabbar, i cili mbante rekordin me 38.387 pikë.

James është shpallur katër herë kampion i NBA-së dhe katër herë Lojtari më i Vlefshëm, dhe aktualisht është basketbollisti më i vjetër aktiv në ligë.

Ai ka thënë se nuk e di nëse edhe një tjetër lojtar i NBA-së do të mund të arrijë shifrën prej 40.000 pikëve.

“Duhet ta luani lojën goxha mirë për kohë të gjatë, dhe të keni fat me lëndimet dhe gjërat e asaj natyre”, ka thënë ai.REL

Euro2024- ‘Baza’ e Kombëtares shqiptare në Gjermani vishet kuqezi, ‘Shqiponja’ ‘pushton’ metronë

Që nga fundi i vitit 2023 dhe fillimin e këtij viti 2024, Gjermania ka filluar t’i japë jetë motiveve të Euro2024-s, aktiviteti më i madh futbollistik i kontinentit të vjetër.

Kuqezinjtë, të kualifikuar për herë të dytë në finalet e një Europiani, pas Francë 2016-ës, këtë herë konsiderohen si skuadra surprizë duke qenë se u kualifikuam të parët e grupit tonë, duke lënë pas skuadra më të mëdha si Republika Çeke dhe Polonia.

Baza kuqezi në Gjermani do të jetë në afërsi të Dortmundit, SportCentrum Kaiserau dhe atje përfaqësuesja e Shqipërisë do të jetë atje nga 10 qershori.

Edhe pse në Dyseldorf kuqezinjtë do të luajnë ndeshjen e fundit të grupit, atë ndaj Spanjës më 24 qershor, që tani me sa duket qyteti i ka dhënë mirëseardhjen Shqipërisë, në gjuhën shqipe dhe me flamurin tonë të dizenjuar në metro.

Ndërkohë Shqipëria do të startojë finalet e Europianit me ndeshjen ndaj Italisë në Dortmund më 15 qershor dhe më 19 qershor ndaj Kroacisë në Hamburg.

Përpara ndeshjeve zyrtare Shqipëria do të zhvillojë edhe dy ndeshje miqësore me Kilin në Parma të Italisë dhe në Solna përballë Suedisë.sn

Spanjë, Dani Alves shpallet fajtor për përdhunim

Ish-futbollisti brazilian dënohet me katër vite e gjysmë burg – Rasti tërhoqi shumë interes pas miratimit të ligjit “Vetëm po është po”

VOAL- Futbollisti brazilian Dani Alves u dënua të enjten me katër vjet e gjysmë burg për përdhunimin e një gruaje të re në një klub nate të Barcelonës në vitin 2022, njoftoi trupi gjykues i çështjes. Gjykata gjithashtu i dha dëmshpërblim prej 150,000 euro për viktimën. Kundër aktgjykimit mund të bëhet ankesë.

“Viktima nuk ka dhënë pëlqimin dhe ka prova të cilat, përtej dëshmisë së ankuesit, lejojnë që përdhunimi të konsiderohet i provuar”, shkroi gjykata në një deklaratë. Alves kishte pohuar se marrëdhëniet seksuale kishin qenë konsensuale. Prokuroria fillimisht kishte kërkuar nëntë vjet burgim, të cilin prokuroria publike në emër të viktimës i kishte rritur në 12.

Ish-mbrojtësi i Barcelonës dhe PSG-së 40-vjeçari u arrestua në janar të vitit të kaluar dhe që atëherë ndodhet në paraburgim. Kërkesat e tij për lirim me kusht u refuzuan sepse gjykata e konsideroi atë si rrezik ikjeje.

Rasti ka tërhequr vëmendje të madhe jo vetëm për shkak të profilit të Alves, por edhe për shkak se dhuna gjinore është bërë një temë gjithnjë e më dominuese në diskursin publik spanjoll.

Është një nga gjyqet më të profilit të lartë në Spanjë që kur një ligj i miratuar në 2022 e bëri pëlqimin një element kyç në rastet e sulmeve seksuale dhe rriti dënimin minimal me burg për sulme të dhunshme.rsi-eb

MBASE EDHE NË KOSOVË DO TË ISHTE GJENDUR NJË PËRZGJEDHËS SI FRANCO FODA ?!- Nga ARIF EJUPI

 

 

Drejtuesit e Federatës së Futbollit të Kosovës, sikur janë të bindur që suksesi arrihet vetëm me ndonjë përzgjedhës të huaj.

Ata deri tani në cilësinë e përzgjedhësit apo selektorit të Kosovës, kanë angazhuar zviceranin, Bernard Challandes, francezin, Alain Giresse, sllovenin, Primozh Gliha dhe para dy – tre ditësh gjermanin me origjinë italiane, Franco Foda.

Angazhimi i këtyre selektorëve nga jashtë mbase nuk ka qenë i domosdoshëm kur dihet fare mirë që Kosova, ka me dhjetëra ish – futbollistë të dalluar që këtë zeje do ta bënin pa ngelur në rezultate as një hap mbrapa të apostrofuarëve.

Nuk duhet të frikohemi nga debutimi jo aq i suksesshëm i përzgjedhësit Albert Bunjaku. Ai duke u bazuar në brumin e atëhershëm të lojtarëve që i kishte në dispozicion punën e tij si trajner i parë i Kosovës e bëri për mrekulli.

Skuadra e Kosovës debutimin e saj të parë në Arenat ndërkombëtare të futbollit e pati bërë më 25 maj të vitit 2014.

Ajo pati zhvilluar takim miqësor në Gjenevë të Zvicrës kundër Senegalit. Humbja 3 me 1 ka qenë krejt normale, sepse në atë periudhë kombëtarja e Senegalit, ka qenë e konsoliduar dhe në te kanë luajtur futbollistë që në skuadrat e vendeve të ndryshme të Evropës dhe Turqisë, kanë qenë në qendër të vëmendjes. Kurse kombëtarja jonë asokohe ishte në formim e sipër.

Tani janë krijuar rrethana komplet të tjera . Në Kosovë çdo ditë shfaqen talent të rrallë. Po ashtu në Ligat e Evropës janë titullarë përplot futbollistë me origjinë nga Kosova.

Andaj, me kontingjent të mjaftueshëm lojtarësh mund të punojnë edhe trajnerët kosovarë.
Bije fjala pse mos t’u jepet besimi i ushtrimit të detyrës së përzgjedhësit të Kosovës, ish-futbollistëve të njohur si : Besnik Hasi, Lorik Cana, Ardian Kozniku, Erdogan Celina, Ramadan Cimili, Valon Behrami, Faruk Domi, vëllezërve Fadil e Xhevdet Muriqi, Ilir Daja, Genc Hoxha etj.

Kurse, punën me portierë mund ta bëjnë me shumë sukses Esat Mehmeti apo Shukri Paçarada, pse jo edhe Neshet Zhaveli ,dikur portier i Prishtinës dhe Rijekës, anëtare të elitës së futbollit jugosllavë.
Ka edhe emra të tjerë ish–futbollistësh nga Kosova që me zanatin e trajnerit mund të befasojnë për të mirë.

Mendojmë që është koha e kthimit të besimit në vetvete. Nuk thuhet rastësisht si dora e nënës nuk të rehaton askush !

ARIF EJUPI

Vdes Andreas Brehme, futbollisti që shënoi golin e fitores së Gjermanisë në finalen e Botërorit 1990

Gjermania e futbollit ka humbur një kampion bote.

Ka vdekur njeriu që ndihmoi të fitojë Kupën e Botës në finalen e vitit 1990 kundër Argjentinës në Romë, Andreas Brehme.

Kampioni i botës duket se ka ndërruar jetë nga arresti kardiak.

Andy Brehme (63 vjeç) vdiq në Mynih, me sa duket nga një arrest kardiak.

Image

Brehme u pranua në dhomën e urgjencës në klinikën në Ziemssenstrasse pranë banesës së tij, por çdo ndihmë erdhi shumë vonë për të.

Në finalen e Kupës së Botës kundër Argjentinës, Brehme e shndërroi në gol penalltinë me të djathtën, duke i dhuruar Gjermanisë Kupën e Botës.sn


Send this to a friend