Kryeministri i Kosovës, Albin Kurti, ka biseduar me kancelarin gjerman Olaf Scholz të cilit i ka thënë se shpreson që Gjermania do ta mbështesë kandidaturën e shtetit të tij në Këshillin e Evropës.
Shumica e deputetëve të Asamblesë Parlamentare të Këshillit të Evropës e mbështetën më 16 prill raportin që rekomandon anëtarësimin e Kosovës në këtë organizatë me seli në Strasburg.
Për votuan 131 deputetë, kundër ishin 29, kurse 11 abstenuan.
Çështja tani është në duart e ministrave të Jashtëm të Këshillit të Evropës, të cilët duhet të vendosin përfundimisht nëse Kosova do të bëhet anëtarja më e re e organizatës.
Takimi i radhës i Këshillit të Ministrave do të zhvillohet në mesin e muajit maj. Këshilli i Ministrave të Jashtëm në Këshillin e Evropës takohet një herë në vit, tradicionalisht në muajin maj.
Në bisedën telefonike me Scholzin, kryeministri i Kosovës tha se i ka shprehur atij mirënjohje për mbështetjen “e palëkundur të Gjermanisë për Kosovën”.
“Nënvizova shpresën se Gjermania do ta mbështesë kandidaturën tonë për anëtarësim në KiE në përputhje me rekomandimet e Amsamblesë Parlamentare. Po ashtu rikonfirmova angazhimin tonë për zbatimin e plotë të Marrëveshjes Bazë”, ka shkruar Kurti në Twitter.
Këshilli i Evropës është një organizatë ndërkombëtare për të drejtat e njeriut, demokracinë dhe sundimin e ligjit në Evropë, me seli në Strasburg të Francës, themeluar më 1949.
Këshilli mbron lirinë e shprehjes dhe të mediave, barazinë dhe minoritetet në vendet anëtare.
Një prej përfitimeve direkte të qytetarëve të Kosovës nga anëtarësimi eventual në Këshillin e Evropës do të jetë qasja në Gjykatën Evropiane për të Drejtat e Njeriut [GJEDNJ].
Serbia, shtet i cili e kundërshton anëtarësimin e Kosovës në këtë organizatë, kishte propozuar disa amandamente në tekstin për rekomandimin që Kosova të pranohet në këtë organizatë.
Përmes tyre, kërkohej që Kosova të mos pranohet në Këshillin e Evropës derisa Këshilli i Sigurimit i Kombeve të Bashkuara të mos vendosë për statusin e Kosovës.
Serbia po ashtu kërkoi që në vazhdim të procesit, Kosovës t’i vihet si kusht themelimi i Asociacionit të komunave me shumicë serbe.
Këto amandamente nuk kaluan.REL
Edvin Rama që hiqet si shenjt asht pjesë kryesore e degjenrimit të drejtsisë në të gjitha nivelet e saj prej vjetit 1999, që u emnua ministër i kulturës që filloi me vjedhjet në ministri. Në 2005 ja dorzoi ministri socjalist qeveris demokrate, të ndjerit Ministrit brendshëm Sokol Olldashit – 24 dosje krimesh të randa penale në shumë fusha. Qeveria berisha e mbylli dosjen sepse e përdori Edvin Ramën për 8 vjet(2005-2013)si deshti. Vetingu po nuk filloi nga presidenti, kryeministri, deputetët, kryetarët e bashkive nuk mund të quhet veting. Duhet pastrue rranjsisht krerët e partive dhe të masipërmit për me fillue etapën e dytë; Te njerzit e drejtsisë, të mjeksis, të arsimit dhe administratës që për 25 vjet vetëm kan grabitë xhepat e qytetarve dhe arkën e taksave të popullit. Ky quhet veting dhe jo ajo që propogandon edvinrama. Sa për rusët edvin rama ban vetëm lojna sepse i ka futë rusët m’u në zemër të ekonomis, mediave, shoqatave, kishës ortodokse, në sherbime ………., në shtabet e partive kryesore etj. Anglezët jan avoketër, kodoshat e sllavëve. Mjaft me lojna rusësh e tj.