Fatkeqësisht si shumë herë të tjera në këtë vend të dashur por të çuditshëm fitoi imoraliteti i politikës, fitoi padrejtësia, fitoi pazari biznes – politike, fitoi pabesia e komunistëve të kthyer në antikomunista. Kurrë më shumë se këto ditë të zgjedhjes së Avokatit të Popullit, nuk më është kujtuar vepra e shkrimtarit të madh Ismail Kadaresë “Ra ky mort e u pamë!” Në vitin 1994 entuziazmi i antikomunistëve shqiptar që kishin kaluar kalvarin dhe qëndresën ndaj partisë staliniste të Enver Hoxhës më shumë se çdo populli i europës, me një bilanc tragjik humbjesh njerëzore, me mijëra familjarë të humbur, me qindra vuatje kampesh shfarosëse, me të zhdukurish fëmijë, që nga kampi i tmerrshëm i Tepelenës, e deri në Këlmendin Preng Calit! Në mes të këtij entuziazmi politik shoqëror antikomunistët, ju drejtuam udhëheqjes së PD duke i dokumentuar krimin komunistë se të burgosurit politikë ishin trajtuar në kampin famëkeq të Spaçit, si skllevërit e mesjetës duke nxjerr tonelata miljona bakër e pirit nën kamxhikun e xhelatëve terroristë të Enver Hoxhës, dhe nuk ishin paguar nga ana financiare. Bazuar në konventat ndërkombëtare të drejtave dhe lirive të njeriut, kërkonim një ligj që njihej puna e papaguar! Por udhëheqja e PD jo që nuk e prit mirë kërkesën tonë, por me mentalitet komunistë, përdori dhunë ndaj grevës së urisë të këtyre shqiponjave të lirisë! Një sinjal që kjo forcë politike nuk kishte prirje antikomuniste dhe aspak konservatore. Ikona e antikomunizmit, Prof. Sami Repishti do ta dënonte këtë veprim brutal të Partisë Demokratike që e kishin mbështetur antikomunistët, dhe e kishin sjellë në pushtet si dallëndyshen e parë të lirisë. PD ishte e kënaqur që partia diktatoriale e Enver Hoxhës ndërroi emrin dhe nga Partia e Punës së Shqipërisë në Parti Socialiste, ku loja luhej në Pallatin e Kongresit, me një dekor artistash që bënin lojën kungulleshash, Dritëro Agolli bënte thirrje të ndërrohemi në socialista dhe të shkëputemi nga enverizmi. Në podiumin tjetër Kadri Roshi i kthente prapanicën Dritëroit, për këtë kërkesë dhe në llozhë diktatori Ramiz Alia duartrokiste këtë teatër kukullash. Nga arkivat e Unionit, bashkëpuntorët e mi, më sollën në zyrë dokumentet, pamjet e dhunës që ushtroi qeveria e asaj kohe ndaj grevës së urisë të burgosurve politikë dhe dorëheqjen time si shef kabineti i Komitetit Kombëtar në mbrojtje të grevës së urisë të vitit 1994, se si ushtria me tanke shtypte grevën e të burgosurve politikë qeveria e PD-së, partia e parë opozitare. Ishte një turp, dhe një papërgjeshmëri e një force politike që e kishte shpallur veten antikomuniste! Kjo ishte çarja e parë e PD me antikomunistët shqiptarë. A pati pasoja kjo ngjarje? Aq shumë sa u prishën ekuilibrat e shoqërisë dhe e çoi PD drejt humbjes pushtetit, sa solli vitin e zi 1997 kur bandat enveriste kapen armët kundër demokracisë me sebepin e firmave piramidale, dhe u krijua një urrejtje ndaj veriut sa çdo natë Enveristat në Vlorë brohorisnin me vargjet e Dritëro Agollit që ja kishte kushtuar Xan Caushit një rebeli vrasës “Robin Huti i Labërisë do të zhdukë malokun e malësisë” dhe u zhvillua lufta e dytë civile e shekullit njëzet me objektiv të qarqeve antishqiptare të armiqësonin shqiptarët e jugut kundër veriut!

Udheheqësit e lartë të PS e kthyen Vlorën në një qendër kryengritje kundra Partisë Demokratike vetëm se ajo drejtohej nga një verior. U gabuan qarqet antishqiptare që vepronin dhe drejtonin PS këtë parti enveriste që ishte e gatshme të digjte Shqipërinë vetëm të merte pushtet. Po verioret dhe pse panë skena makabre në Vlorë duke thithur gjakun e punonjësve të shtetit, vetëm pse ishte verior, nuk pranuan të vazhdonin luftën dhe urrejtjen ndaj vëllezërve të jugut! Dhe në mes të plumbave PS erdhi në pushtet, me mbrojte ideologjinë enveriste dhe shkatërroi sistemin demokratik duke u votuar në mes plumbave! Shteti ra, për pushtet të enveristave, dhe Europa tallej me politikanët shqiptarë që kërkuan mbrojtje nga Europa që të vinin në pushte enveristat!

Antikomunistat shqiptarë me gjithë sjelljen e PD-së ndaj të drejtave dhe lirive të përndjekurve politikë, ata e mbrojtën këtë forcë politike nga asimilimi dhanë dëshmorët e demokracisë në mbrotje të shtetit shqiptar dhe të pushtetit demokratik të drejtuar nga Dr. Berisha, Besnik Hidri, dhe Lek Çoku u vranë në Vlorë në mbrotje të shtetit shqiptar, Kujtim Frangu u vra në Lis të Matit në mbrotje të votave të PD nga xhelatët e PS, Ali Uka dhe Astrit Kalenja, u vranë në protestat e PD në mbrojtje të lirisë në Tiranë. Sot kjo parti as nuk jua përmend emrin, as parardhësve të tyre që janë mbi 6000 të zhdukur! PS në çdo dalje televizive përmend 4 të vrarët e 21 janarit, duke akuzuar PD! Po PD pse hesht per deshmoret e saj që i vrau PS, 1997-1998! PD i ka harruar dëshmorët antikomunistë që dhanë jetën për të mbrojte këtë forcë politike, i ka harruar krimet e komunizmit, që përballuan këta shqiptarë që përfaqësojnë 40% të popullit shqiptar, ajo kujton se ka krijuar një elektorat prej pushtetit që ka pasur, dhe i bashkohet heshtjes së komunistave të rilindjes që duan të fshijnë të kaluarën diktatoriale që kaluan të përndjekurit politikë dhe pronarët shqiptarë. Ku vetë kjo parti që ka 35 vite që spërcakton identietin e saj politikë ideologjike! Viti 2025, Shtetet e Bashkuara të Amerikës dhanë sinjale të forta në dënimin e krimeve të komunizmit, Kongresi Amerikan futi me ligj në kurikulumet shkollore krimet e komunizmit. Me gjithë kërkesën tonë drejtuar paralamentit PD përfaqësuesja jonë ju bashku heshtjes së rilindjes komuniste. Me datë 2 nëntor 2025 doli Proklomata e Presidentit Donald Tramp që shpalli “Javën antikomuniste”, PD heshti dhe nuk e përshëndeti këtë proklomatë botërore për dënimin e krimeve të komunizmit! Dhe në fund me 11 dhjetor 2025, PD ishte në provë që të merrte për të përndjekurit politikë një institucjon kushtetues “Avokati i Popullit” dhe këtu bëri marrveshjen e fshehtë me PS dhe në atë institucjon dërgoi një soriste që drejtonte një forcë politike Marksiste-Leniniste, dhe e kaloi në heshtje kanditaturën si përfaqësues i të përndjekurve politikë që kishte gjithë vitin që Dr. Berisha e paraqiste si kanditaturë të opozitës! 35 deputet të opozitës u diskretituan para shqiptarve, ku në mes tyre ishin dhe deputet që vinin nga shtresa e të përndjekurve politikë, dhe këta deputet as nuk u skuqen as nuk u zverdhën por zgjodhën turpin para kombit si tradhëtar të kauzës së familjeve të tyre, thjesht për një rrogë të majme. PD ka 35 vite që nuk flet për krimet e komunizmit, që nuk thotë jam antikomuniste, por vazhdon populizmin e 90 një rrymë ideologjike e dështuar totalishtë, dhe në kundërshtim me politikën e SH.B.A. për luftë ndaj të së majtës ekstreme!

Jam i ndërgjegjshëm se mazhoranca që më vrau e burgosi për 50 vite do ishte e detyruar të votonte po të bllokonte PD parlamentin e të deklaronte botërisht se vetëm antikomunistat do ta drejtojnë “Avokatin e Popullit”, fatkeqësisht këtë nuk mund ta bënte PD se e kishte hëngër çorbën e marrëveshjes. Harroi e shkreta forcë politike që ne votojmë nga 35 vite. Turp për këtë forcë politike që gjunjëzohet përballë partisë kriminale që ka zhduk 6000 shqiptare pa varre, që burgosi dhe shuajti 38.000 të burgosur politikë.

E pa imagjinueshme.

Liria që flasim çdo ditë u cenua, demokracia u venit, të persekutuarit u ridënuan, njeriu i ndershem nuk doli mbi ujë në këtë kënetë të ndotur të politikës komuniste përfaqësuar nga dy parti që nuk kanë demokraci por kanë një vision: Shqipëria të drejtohet nga xhelatët e komunizmit.

Por për misionin tim jam krenar që humba besimin e atyre që shiten e blihen që bëjnë pazare që nuk respektojne votuesit e tyre, të atyre që përkrahësit tyre i quajnë armiq dhe si të tillë nuk duhet të jenë në istituticionet e larta shtetërore.

Por kam fituar respektin e mijëra njerëzve duke punuar për ta, i kam ndihmuar sa kam patur mundësi kam luftuar për të drejtat e liritë e tyre. Kam fituar të drejtën morale për të qëndruar i fortë, i vetdijshem për misionin por edhe i ndërgjegjshëm se lufta për të drejtat e njeriut është e gjatë me pengesa por është mision që nuk ka fund. Pushkatimi politik që mu bë me 11 dhjetor, 2025 me motivon të mos tërhiqem nga kauza e lirisë, ata që më mbeshteten dhe më ndihmuan i falënderoi, dhe ju betohem se do ta mbrojë lirine dhe demokracine nga pushtimi komunist i politikes shqiptare, të drejtuar nga dy parti komuniste që shiten si demokratike, por si mision, kanë ideologjinë komuniste të drejtoi Shqipërinë tonë të dashur dhe të vrarë nga kjo ideologji prej 80 vitesh, do të mbaj qëndrim burrëror ndaj atyre që shpresove por më zhgënjyen.

Sot jam me bashkëvuajtësit e mi më shumë se kurrë.