Ne nje situatë te rrezikshme qe ka prodhuar tashme konflikti Ukraine -Rusi dhe ai i diteve te fundit Izrael – Iran,deklaratat e djeshme presidentit te Serbisë Vuçiç, se do ta fitoje luften i adresohen drejtperdrejte Kosoves, por myteberet e politikes shqiptare se kanë fare mendjen aty, por tek Izraeli dhe Irani me prononcime qesharake donkishoteske ,deri ne forme ultimative qe Irani te ndaloje urgjentisht prodhimin e armes berthamore, dhe te ndaloje bombardimet dhe vrasjen e vellezerve izraelitë. Deri ketu arrin grotesku i tyre.Dhe ne këtë situatë nuk ka se si te mos ndjesh keqardhje per papergjegjshmerine totale te tyre ,kur sheh se Serbia vetem nga Irani ka blerë mbi 20 mijë dronë dhe ka rritur shpenzimet ushtarake deri ne 1 miliarde dollarë ne vit. Natyrshem shtrohet pyetja :Po shtetet tona Shqiperi-Kosovë a e kane vene ujin ne zjarr, per tiu pergjigjur nje situate kur armiku yne shekullor perdite e më shumë nxjerr dhembet dhe kercenon kaq hapur siç ishte ai i Vuçiçit dje,apo na mbron NATO?Jo nuk na mbron NATO nguliteni mire ne mendje. Harrojeni ! Nuk vjen Nato pa u perleshur e pergjakur vete ne per mbrojtjen e vendit.

Dhe ne këtë aspekt nuk po flas per blerje sistemesh shume te kushtueshme e te paperballueshme te avancuara raketore ( te domosdoshme), por te pakten per sasi te mjaftueshme te sistemeve te mbrojtjes ajrore,dhe veçanerisht te nje sasie te konsiderueshme dronesh ,te cilet veç te tjerash do te ishin mjetet me efikase ne nje perballje ushtarake me agresorin.

Ne nje te ardhme krejtesisht te pasigurtë qeverite tona respektive duhet te rrisin disafish shpenzimet per mbrojtjen ,duke bere transparence cdo cent para publikut. Asnjë justifikim nuk do te vleje ne se do te gjendemi te papergatitur, as nga epersia numerike e kundershtarit dhe as nga armatimi e teknika luftarake e tij. Shtetet tona detyrimisht duhet te ringrene ne kohe te shkurter industrine tonë ushtarake jo vetem per prodhim fishekesh e kallashnikovesh e automjetesh te blinduara ( si puna e « SHOTËS”e cila urojme te mos kete pesuar fatin e traktorit te pare shqiptar),por dhe per prodhimin e droneve luftarake ne bashkepunim me kompani apo shtete te interesuara,te cilet nuk kerkojne teknologji te larte dhe te perballueshme nga ana financiare.

E ndersa Kosova imediatisht duhet me mençuri ti japë fund krizes per formimin e institucioneve te reja , duke e bere te pavlefshme ndikimin e dukshem te Serbise ne jeten politike te vendit, Shqiperia duhet te punoje fort per hartimin e nje marreveshjeje ushtarake te plote e te gjithaneshme me Kosoven ne zbatim te Kushtetutes se Republikes se Shqiperise ,per angazhimin reciprok te forcave te armatosura te te dy shteteve ne rast agresioni te mundshem ndaj njerit apo tjetrit shtet. Kjo na ben me te forte, e kjo rrit besimin e moralin ne te dyja anet e kufirit shqiptaro-shqiptar.

Shqiptaret ne gjykimin tim do ta mirekuptonin cdo lloj qeverie ne se ajo shpenzon per rritjen e kapaciteteve mbrojtese te vendit., perndryshe do te jene po ata qe do ti vene vulen e tradhetise kujtdo qe do ta lere vendin të pa mbrojtur dhe zbuluar para cdo agresori.