VOAL

VOAL

Si të bëni dikë të lumtur në vetëm 2 minuta

May 13, 2022
blank

Komentet

blank

Problemet shëndetësore që sinjalizon pulsimi i buzëve

Neurologët në vend paralajmërojnë se njerëzit duhet të jenë të kujdesshëm ndaj disa shenjave kryesore të ishemisë.

Ndjesia e pulsimit të vazhdueshëm në trup edhe pse ndodh rrallë është shumë e njohur dhe e bezdisshme.

Me siguri e keni parasysh ndjesinë e pulsimit të këmbëve apo duarve dhe sa e padurueshme arrin të bëhet kjo gjendje.

Aq më shumë kur ndodh vazhdimisht në një nga zonat më të ndjeshme të trupi, buzët.

Ndjesitë janë të lidhura ngushtë ,me nervat dhe trurin prandaj mund të prekin çdo pjesë të tij.

Nëse kjo gjendje e trupit ju ndodh vazhdimisht, ka disa arsye të cilat AgroWeb.org j’ua liston mëposhtë.

Alergjitë

Reaksionet alergjike që mund të prekin lëkurën dhe pjesën delikate të gojës dhe buzëve mund të shkaktojnë edhe pulsimin.

Zakonisht alergjitë zhvillohen nën lëkurë në pjesën shumë afër sipërfaqes ku mund të ndihet edhe pulsimi.

Infeksioni nën lëkurë mund të shkaktojë pulsim të vazhdueshëm në këtë zonë të fytyrës.

Angioedema quhet kjo gjendje dhe mund të shkaktohet nga ushqimet ose ilaçet e ndryshme.

Buzët e çara

Gjatë dimrit kur buzët bëhen shumë të thata ndjesia e pulsimit është shumë e pranishme.

Gjithashtu edhe nëse vuani nga sëmundje të lëkurës si ekzema.

Dëmtimi i nervave

Shumë neuropati të shkaktuara nga dëmtime të jashtëme fizike siç është djegia apo i ftohti i acartë kanë këtë efekt anësor.

Nga kushtet ekstreme, nervat që ndodhen në buzët tuaja mund të dëmtohen dhe të pulsojnë apo mpihen vazhdimisht.

Ishemia

Ishemia është një gjendje e trupit ku trupi ndaloni së furnizuari trurin me gjak dhe oksigjen.

Nëse ndodh kjo shenjat në trup janë të shumta, por një prej tyre është mpirja ose pulsi i një pjesë të fytyrës apo edhe zonës së buzëve.

Ataket e panikut

Një nga simptomat e atakut të panikut është pulsimi i vazhdueshëm i  pjesëve të trupit.

Kur kjo ndodh rreth zonës së gojës, shoqërohet me humbje të frymëmarrjes apo rrahje të shtuara të zemrës.

Këto atake paniku ndodhin pa lajmëruar dhe mund të zgjasin nga 5 deri në 20 minuta.

Në çdo rast këshillohet të konsultoheni me një mjek specialist.

blank

Trëndafila mahnitës në hapësirat e banimit– Si t’i mbillni në shtëpi

Dielli ofron vitaminë D që luan një rol të rëndësishëm në prodhimin e serotoninës.

Një nga lulet më të mrekullueshme që gëzon syrin dhe mahnit shqisat me aromën dhe pamjen magjepsëse.

AgroWeb.org ju sjell mënyrën se si t’i rrisni me sukses në hapësirat e shtëpive tuaja.

Trëndafilat kanë një sezon mbjelljeje edhe në këtë periudhë.

Kur të keni zgjedhur llojin e trëndafilit që dëshironi ta rrisni vetë, vendosni për metodën e rritjes: nga rrënja apo dega. Rrënjët e zhveshura të trëndafilit mund të mbillen direkt nën tokë.

Nëse dëshironi mund të zgjidhni fidanë të gatshëm dhe t’i transferoni ato nga saksia në një tjetër ose në kopsht.

Këto mund t’i gjeni në çdo pikë të tregtimi të luleve me shumicë apo me pakicë në qytetet tuaja.

Zgjidhni vendndodhjen

Duhet të gjeni një vend që preket nga drita për të paktën 6 orë në ditë. Nga ana tjetër, zgjidhni një vend jo të mbipopulluar me bimë të tjera.

Toka duhet të jetë e shkrifët dhe të ketë një sistem të mirë kullimi. Mund të zgjidhni vazo të thella që u japin trëndafilave hapësirën e duhur për të lulëzuar.

Ujitini trëndafilat gjatë përgatitjes për mbjellje. Nëse jeni duke mbjellë rrënjët e trëndafilave, futini në ujë për disa orë.

Nëse jeni duke mbjellë fidanë, ujitini mirë përpara transferimit në një vazo tjetër.

Duhet të hapni nga një vrimë për çdo trëndafil që do të mbillni. Vrima duhet të jetë 35-40 centimetra e gjërë dhe 30 cm e thellë.

Masat e mësipërme nuk kanë nevojë të jenë ekzakte, por e rëndësishme është që trëndafilat të kenë hapësirë.

Dheun e hequr mënjanë duhet ta përzieni me pleh. Nëse synoni të mbillni shumë trëndafila, atëherë jepuni bimëve shumë hapësirë nga njëra tjetra.

Mbjella dhe Kujdesi

Mbjellja. Rrënjët ose fidanët duhet t’i vendosni në vrimën e hapur dhe t’i rrethoni me dheun organik. Nëse jetoni në vend me klimë të ftohtë, atëherë rrënjët ose fidanët e trëndafilit duhen futur më thellë nëntokë që të mbrohen nga temperaturat e ftohta.

Përdorni duart për të shtypur dheun përreth që mos të krijojë bulëza ajri.

Vaditja. Trëndafilat kërkojnë ujitje të vazhdueshme, sidomos gjatë natës, pasi i keni mbjellë ato.

Shtoni hala pishe dhe pleh në shtatin e rrënjëve dhe të fidanëve.

Kjo do e mbajë temperaturën përreth në nivele të qëndrueshme dhe do t’i mbrojë trëndafilat gjatë fazës fillestare të rritjes.

Gjatë verës ujitini më shpesh. Trëndafilat kanë nevojë për shumë ujë që të rriten shëndetshëm. Mos e lini tokën të thahet.

Krasitini trëndafilat. Në këtë mënyrë do të jenë të shëndetshëm dhe të bukur. Largoni zgjatimet e shkurreve në mënyrë që të parandaloni prishjen e bimës.

Krasitja duhet të jetë e njëtrajtshme, sipër sythave aty ku formohen degët.

Trëndafilat kanë nevojë për mbrojtje gjatë dimrit. Kujdes nga ngricat.

Zgjatimet dhe e gjithë shkurrja duhet krasitur ndjeshëm deri në gjysmë metri. Degët mund t’i lidhni së bashku që të jenë më të mbrojtura.

blank

Shenjat e çrregullimeve hormonale që nuk duhen injoruar

Hormonet janë ato që na rregullojnë humorin, emocionet, sjelljen, paraqitjen dhe marrëdhëniet me të të tjerët.

Me hormonet nuk bën dot shaka. Këtë ta thotë çdo mjek.

Hormonet janë ato që na rregullojnë humorin, emocionet, sjelljen, paraqitjen dhe marrëdhëniet me të tjerët.

Kjo është arsyeja përse çrregullimet hormonale shkaktojnë një sërë ndryshimesh thelbësore në organizëm dhe në shëndetin tonë.

Më poshtë do të gjeni 8 simptomat më të zakonshme të çrregullimeve hormonale dhe dëmit në shëndet.

Shtimi në peshë

Çrregullimet hormonale shkaktojnë shtim në peshë, pavarësisht përpjekjeve tuaja për t’u ushqyer shëndetshëm dhe për të kryer aktivitet të rregullt fizik.

Rënie të flokëve

Rënia e flokëve është një nga simptomat më të zakonta të çrregulllimeve hormonale dhe nuk duhet injoruar.

Djersitja e tepërt

Nëse djersisni më tepër seç duhet, atëherë me siguri jeni të prekur nga çrregullimet hormonale dhe duhet të vizitoheni tek një mjek.

Ndryshimet në përmasat e gjirit tek femrat.

Niveli i pakët i estrogjenit, pakëson dendësinë e indeve të gjirit. Nivelet e rritura të estrogjenit mund të shkaktojnë gjendra ose ciste në gjoks.

Lodhje dhe plogështi

Kur hormonet nuk janë në nivelet e duhura, atëherë do të prekeni nga lodhja dhe plogështia kronike e pazakontë.

Në këto raste duhet të konsultoheni me një mjek për të kontrolluar nivelet e progesteronit në gjak.

Fytyrë me akne

Kujdesi i mangët për lëkurën, ushqyerja e keqe dhe çrregullimet hormonale janë tre prej shkaktarëve të akneve në fytyrë.

Nëse trajtimet kundër akneve nuk kanë rezultat, atëherë me siguri bëhet fjalë për çrregullim hormonal.

Rrathët e zinj të syve

Çrregullimet hormonale shkaktojnë pagjumësi dhe probleme me gjumin.

Një gjë e tillë rezulton në rrathë të zinj të syve.

Rrathët e zinj vijnë si pasojë e nivelit të ulët të testosteronit tek meshkujt dhe progesteronit tek femrat.

Depresion dhe ankth

Depresioni dhe ankthi janë rezultat i çrregullimeve hormonale.

Ato janë të ndërlidhur me shtatzaninë, menopauzën dhe ciklin menstrual si pasojë e çrregullimeve hormonale.

Ushqimet e Shpejta Nxisin Çrregullime Hormonale

Një raport i fundit, të cilit i referohet AgroWeb.org, njerëzit që konsumojnë ushqime të shpejta kanë në trupin e tyre një nivel më të lartë kimikatesh të rrezikshme.

Këto kimikate kanë pasoja të rënda dhe afatgjata tek njeriu.

Tek meshkujt ato rrisin nivelin e estrogjenit që sigurisht është shumë i dëmshëm.

Për femrat, konsumimi i tyre çon në rritjen e mundësisë së zhvillimit të qelizave të dëmshme.

Përveç konsultave me mjekun, ekspertët këshillojnë konsumin e më shumë frutave dhe perimeve dhe sa më pak ushqime të shpejta dhe të paketuara.

blank

Mbroni sytë dhe trurin nga lodhja e ekranit me këto tri lloje ushqimesh

Muskujt e syve tuaj do të dobësohen  më shpejt duke ju sjellë problem në fokusim.

E mbyllni ditën me dhimbje koke nga përdorimi i tepërt i kompjuterit  apo telefonit?

Shikimi juaj është dobësuar dhe keni vështirësi në fokusim?

Ju mund të jeni duke vuajtur simptomat  ndaj ekspozimit të madh ndaj dritës së ekraneve.

Ekspozimi i vazhdueshëm ndaj ekraneve të kompjuterit, televizorit apo telefonit mund të shkaktojë probleme duke filluar që nga shëndeti i syve deri tek problemet me pagjumësinë.

Muskujt e syve tuaj do të dobësohen  më shpejt duke ju sjellë problem në fokusim.

Një problem ky që mund të ju shkaktojë  vështirësi të përhershme në shikim.

Mënyrat më mtë mira dhe efiskase për t’u mbrojtur nga këto simptoma janë ato natyrale.

Sigurohuni të merni sa më shumë vitamina nga ushqimet.

Tri lloje Ushqime Që Mbrojnë Sytë dhe Trurin

AgroWeb.org në këtë artikull do t’ju tregojë  tre lloje ushqimesh të cilat mbrojnë sytë dhe trurin.

Studimet e fundit tregojnë se për të përforcuar shikimin dhe për të shamngur lodhjen duhet të konsumoni sa më shumë fruta e perime.

Përdorni ushqime që përmbajnë karotenoide dhe antioksidantë të cilat ndihmojnë në përmirësimin e shkimit dhe shplodhjen e syrit.

Ato lidhen edhe me veti të tjera kuruese siç janë parandalimi i dhimbjes së kokës, lodhjes apo pagjumësisë.

Ekspertët rekomandojnë tre lloje ushqimesh ato me ngjyrë të gjelbër, portokalli dhe të kuqe.

Perimet jeshile që përmbajnë burime të mira të karotenoideve  janë lakra, spinaqi dhe brokoli.

Vitamina të tjera të vlefshme mund të gjeni edhe tek produktet shumëngjyrshe siç janë porokalli, karrotat apo patatet e ëmbla.

Tek ushqimet e kuqe rekomandohet shumë speci i kuq, domatja, salmoni apo mishi i kuq./AgroWeb.org

blank

Si të bëni dikë të lumtur në vetëm 2 minuta

Mirësia është gjithçka që nevojitet për të ushqyer shpresën e njeriut.

Sado i vogël dhe i parëndësishëm të duket një akt mirësie, ai ndryshon jetë, madje në një minutë të vetëm.

Sot, për fat të keq mirësia po bëhet aq e rrallë sa kur ndodh njerëzve u bën përshtypje.

Por kjo nuk do të thotë se ne si shoqëri duhet ta lëmë të zhduket.

Zbuloni në AgroWeb.org veprat e mirësisë që mund të bëni në dy minuta të vetme, të cilat do ju bëjnë ju dhe të tjerët të ndiheni mirë dhe shpresëplotë.

Lër shënime

Letrat ngjitëse mund t’i përdorni për të lënë një shënim motivues, inkurajues dhe frymëzues për një mik, koleg, fqinj, motër, vëlla, e prind.

Fjala juaj e mirë mund të sjellë ngrohtësi në shpirtin e tij por edhe buzëqeshje.

Mbill një pemë

Falenderoje tokën duke mbjellur një pemë, poshtë shtëpisë, në kopësht ap onë park.

Ky akt i vetëm mirësie do t’i shërbejë brezave të ardhshëm, ndonëse duket i vogël.

Kujdesu për një të moshuar

Nëse vëren që një i moshuar ka vështirësi në të ecur dhe është shumë i ngarkuar, mos e injoro.

Nuk të kushton asgjë që ta ndihmosh të kalojë rrugën apo tia lehtësosh barrën për një copë udhë.

Ëmbëlsira për kolegët

Një kuti me çokollata apo biskota shërben si magnet për socializim.

Sillni një të tillë në punë dhe ndajeni me kolegët.

Të gjithë kemi nevojë për momente të ëmbla në ditë stresuese dhe në dy minuta do të ndihemi që jemi të gjithë bashkë.

Ndihmo një fëmijë

Shtëpitë e fëmijës apo materniteti ku gjenden bebet e braktisura nga nënat janë një vend ideal për të bërë diçka të mirë në këtë jetë.

Blini lodra, ëmbëlsira e libra, vizitoni fëmijët dhe jepuni një përqafim e puthje.

Ky akt mirësie do të jetë shpërblyes për fëmijën por edhe për ju.

Kini durim me prindërit

Vetëm ai që është prind e kupton misionin e vështirë që ka mbi supe, ndaj kursejini kritikat.

Dhurojini një prindi buzëqeshje duke e lavdëruar dhe mbështetur për punën që bën.

Jini të sjellshëm në fushën e shërbimit

Mos harroni se ata që ju japin shërbim, janë njerëz si ju.

Jini të sjellshëm dhe të mirë ndaj tyre, mos i injoroni, përshëndetini dhe buzëqeshuni.

Jo vetëm që do të merrni një shërbim të mirë por do të ndiheni shkëlqyeshëm.

Humori

Edhe në kohët më të errëta, njeriu ka nevojë të qeshë.

Nëse dikush që njihni është i mërzitur ose i trishtuar, përpiquni ta angazhoni në bisedë dhe tregojini barcaleta ose përpiquni ta bëni për të qeshur.

Fuqia e të qeshurës është shumë terapeutike për një shpirt të lënduar.

Falni një borxh

Paraja është shpesh burim stresi dhe turpi. Nëse mundeni, faleni borxhin që mund t’ju ketë dikush i afërt i cili nuk ka aftësi paguese.

Kësisoj mund të humbisni para, por do të fitoni një miqësi më të çmuar.

Mbajeni premtimin e dhënë

Nëse keni dhënë një premtim ose një fjalë, mbajeni dhe qëndrojini asaj.

Njerëzit janë bërë shumë harraqë dhe jo korrektë.

Nëse ju i mbaheni fjalës së dhënë do të tregoni se jeni njerëz të mirë që nuk mendojnë vetëm për vete por edhe për të tjerët.

blank

Aktiviteti perfekt për të rritur rezistencën – Këshilla si ta filloni në mënyrën e duhur

 

Sigurisht që për të humbur disa kilogramë ju mund të vraponi, të pedaloni ose thjesht të ecni.

Por nëse keni mundësi të praktikoni notin atëherë mos i humbisni benefitet e shumta që ofron ai.

AgroWeb.org ju jep disa këshilla për ato çfarë duhet të keni parasysh përpara se të filloni këtë rutinë stërvitore dhe cilat janë përfitimet që ofron.

Përpara se të filloni notin mbani mend…

Fillimi i këtij aktiviteti fizik kërkon pak më shumë praktikë sesa thjesht të armatoseni me syze të reja dhe rrobabanjo.

Do t’ju duhet pak kohë sa të mësoni e të përshtateni siç duhet me të gjitha lëvizjet dhe intensitetin që ky sport kërkon. Prandaj është e rëndësishme të jeni të durueshëm.

Qëndroni të sigurt ndërkohë që notoni

Ashtu si çdo aktivitet sportiv, noti ka disa rreziqe për të cilat duhet të jeni të vetëdijshëm.

Ndjekja e disa këshillave të thjeshta, që trajnuesi juaj do t’ju japë mund t’i reduktojë këto rreziqe.

Ndërsa AgroWeb.org iu sugjeron të mos harroni të merrni me vete edhe një shishe me ujë.

Për shkak se jeni zhytur në ujë, mund të mos e vini re se po djersisni dhe kjo mund t’ju dehidratojë. Gjë që mund të shkaktojë shqetësime të padëshiruara në shëndet.

Kaloni në një nivel më të vështirë

Pasi të keni hyrë në rutinën e notit, është koha që të t’i çoni gjërat në një nivel më të lartë.

Disa ndryshimeve të vogla si drejtimi i gishtave të këmbëve dhe zgjatja e krahëve, do t’ju ndihmojë të vini më shpejt në formë duke rritur rezistencën tuaj.

Pse noti është kaq i mirë për shëndetin?

Noti jep përfitime në shëndetin mendor dhe fizik.

Ai vë në punë të gjithë muskujt e trupit, djeg kaloritë dhe gjymtyrët tuaj nuk kanë pse të mbingarkohen duke mbajtur peshën e trupit.

Është një aktivitet që bën zemrën të pompojë fort, lehtëson stresin falë mënyrës së frymëmarrjes që është e ngjashme me meditimin.

Noti është një aktivitet që mund të bëhet pothuajse në çdo moshë, gjë që është edhe më tërheqëse kur merret parasysh fakti se njerëzit që notojnë rregullisht priren të jetojnë më gjatë. Agroweb

blank

5 ushtrimet më të mira për shëndetin e zemrës

Si çdo muskul, zemra bëhet më e fortë nëse stërviteni në mënyrë të vazhdueshme.

Ekzistojnë katër shtylla të një stili jetese për një zemër të shëndetshme dhe ato janë: konsumi i ushqimeve të shëndetshme, ruajtja e peshës së duhur trupore, të mos pini duhan dhe stërvitja e rregullt.

Si çdo muskul, zemra bëhet më e fortë nëse stërviteni në mënyrë të vazhdueshme.

Stërvitja fizike përmirëson aftësinë e zemrës për të pompuar gjak dhe oksigjen, në inde dhe organe.

Njëkohësisht, kur stërviteni forconi masën muskulare dhe ulni peshën e tepërt trupore, dy faktorë që reduktojnë rrezikun e sëmundjeve kardiake.

Përveç kësaj, zemra juaj i përgjigjet ushtrimeve duke ndërtuar arterie dhe kapilarë të rinj.

Kjo parandalon sulmet në zemër, ul kolesterolin dhe ndihmon në rregullimin e niveleve të glukozës.

Çdo lloj aktiviteti fizik ofron përfitime shëndetësore dhe nëse keni vendosur të ushtroheni, AgroWeb.org ju sugjeron të provoni një nga ushtrimet më të mira për shëndetin e zemrës, të renditura më poshtë.

Vrapi

Vrapimi ju jep maksimumin për sa i përket rritjes së rrahjeve të zemrës dhe kryerjes së një stërvitje intensive në një periudhë të shkurtër kohe.

Nëse jeni të rinj në vrapim dhe dëshironi ta provoni, këshilla e AgroWeb.org është të filloni ngadalë dhe gradualisht. Këtu do të zvogëloni rrezikun e lëndimeve dhe do të ndërton gradualisht rezistencë fizike.

Kërcimi

Kërcimi zakonisht është një aktivitetit fizik intensiv, i cili jep përfitime për shëndetin e zemrës tuaj.

Që nga zumba e deri tek baleti klasik, çdo gjë që ju bën të kërceni ndihmon.

Kërcimi ofron gjithashtu përfitime të tjera si përmirësimi i humorit, rritja e vetëbesimit dhe ndërtimi i marrëdhënieve shoqërore. Faktorë që lidhen gjithashtu me përmirësimin e shëndetit të zemrës.

Çiklizmi

Çiklizmi është një nga ushtrimet më të mira që mund të bëni për shëndetin e zemrës.

Është gjithashtu një opsion i shkëlqyer për ata që nuk mund ose nuk duan të vrapojnë. Ky aktivitet mund të rrisë rrahjet e zemrës po aq sa vrapi dhe irriton më pak nyjet dhe kyçet e këmbëve.

Ushtrimet me pesha

Edhe pse nuk është sekret që aktiviteti aerobik bën mrekulli për zemrën, një rutinë e stërvitore me pesha jep përfitime unike.

Trajnimi me pesha ka më shumë gjasa të ulë më shpejt masën dhjamore dhe rrit më shpejt atë muskulore, e cila lidhet me uljen e rrezikut të diabetit dhe të presionit të ulët të gjakut.

Për një shëndet optimal të zemrës, kombinoni ushtrimet me pesha dhe atë aerobik.

Ecja

Sidomos nëse sapo keni filluar me stërvitjen tuaj ose keni një sëmundje ekzistuese të zemrës, ecja mund të jetë pikërisht ajo çfarë ju duhet.

Një aktivitet i lehtë dhe i mrekullueshëm nëse jeni i vjetër në moshë ose keni probleme me kyçet që iu ndalojnë vrapimin, sepse ecja ka ndikim të ulët tek gjymtyrët tuaj.

Edhe pse çdo lloj ecjeje do t’ju sjellë dobi, AgroWeb.org ju sugjeron që për përfitime më të mëdha të ecni sa më shpejt të mundeni.

blank

1200 lloje qershish në botë – Cilat i gjeni në treg

Qershitë e arta, që ndryshe njihen edhe si qershitë e bardha janë shpesh të ëmbla edhe pse jo aq të ëmbla sa qershitë e kuqe.

Në mbarë botën ka mbi 1200 lloje qershish. Kjo mund të jetë befasuese pasi kur i blini në një market, zakonisht ka vetëm një varietet në shitje. Megjithatë, llojet e qershive variojnë si në shije edhe në cilësi.

Në tregjet vendase zakonisht do të gjeni qershi nga zonat më të njohura për prodhimin e tyre si Berati, Maliqi dhe Devolli i Korçës, Fieri, Mirdita, Puka, Fushë Arrëzi e Shkodra.

Ka shumë lloje qershish, duke filluar nga e ëmbla tek ajo e tharta, kështu që përpara se t’i blini, hidhini një sy kësaj liste të përgatitur nga AgroWeb.org, që të dini se çfarë po blini

Kategoritë Në Të Cilat Ndahen

Qershitë e arta

Ju mund të mendoni se ato janë të papjekura, por në realitet, janë mëse të pjekura.

Qershitë e arta, që ndryshe njihen edhe si qershitë e bardha janë shpesh të ëmbla edhe pse jo aq të ëmbla sa qershitë e kuqe.

Në Shqipëri mund të jenë të nënvlerësuara. Megjithatë, ato janë plot vlera kur konsumohen të freskëta, por edhe kur shtohen në ëmbëlsira, akullore, torta, biskota apo kur përgatiten si gliko, reçel etj

Qershitë vishnjë

Kokrrat janë të kuqe të errët dhe shija e tyre është pak majhoshe.

Zakonisht ato përdoren në përgatitjen e ëmbëlsisrave të ndryshme.

Lëngu i tyre renditet në listën e katër lëngjeve më të mira, për sa i përket kapacitetit të antioksidantëve.

Qershitë e ëmbëla

Qershitë e ëmbla janë në ngjyrë të kuqe të errët që mund të duken pothuajse vjollcë.

Ato bëhen më të errëta ndërsa piqen dhe shpesh kokrrat e tyre janë mjaft të mëdha kur janë gati për konsum.

Qershitë e ëmbla janë më të mirat nëse dëshironi një vakt të ëmbël dhe të freskët të freskët direkt nga pema./AgroWeb.org

blank

6 fakte interesante për manushaqen

Lloji më i zakonshëm është Manushaqja Blu ose Viola sororia dhe njihen për aromën e tyre unike.

Manushaqet janë lulet që lulëozjnë në muajin shkurt. Ato simbolizojnë besnikërinë dhe janë dhurata e përsosur për të lindurit e këtij muaji.

Megjithatë, këto lule janë shumë më tepër sesa thjesht lule aromatike.  AgroWeb.org ju njeh më poshtë me 6 fakte argëtuese për këtë lule kaq të bukur dhe interesante.

Ka qindra lloje të ndryshme.

Ekzistojnë rreth 400 – 500 lloje manushaqesh, të cilat gjenden në dhjetëra vende në mbarë botën.

Lloji më i zakonshëm është Manushaqja Blu ose Viola sororia dhe njihen për aromën e tyre unike.

Manushaqet janë kultivuar gjersisht në Greqinë e lashtë.

Ato janë kultivuar dhe përdorur me shekuj që në Greqinë e Lashtë në 500 pes, nëse jo edhe më herët.

Grekët e përdornin lulen në verërat, ushqimet dhe ilaçet e tyre dhe në fakt e donin aq shumë sa manushaqja u bë simboli i Athinës.

Shumica e manushaqeve përshtaten me mjedisin ku mbillen.

Edhe pse shumica e manushaqeve preferojnë zona me hije, të freskëta dhe me tokë të lagësht, ato janë të afta për t’u përshtatur me shumicën kushteve e mjedisore ku mbillen.

Kjo për shkak se lulet rriten në klima dhe habitate të ndryshme në mbarë botën, duke përfshirë pyjet, shkretëtirat dhe kënetat.

Përjashtim bëjnë vetëm manushaqet afrikane, të cilat preferojnë mjedise të ngrohta dhe të lagështa.

Janë simbol i shtetit të Illinoisit, Shba.

Në vitin 1907, nxënësit e shkollave të Illinoisit votuan dhe zgjodhën manushaqen dhe lisin vendas si simbole të shetetit të tyre.

Ekzistojnë tetë lloje të ndryshme manushqesh në Illinois, ku më e zakonshmja është Viola sororia.

Ishte lulja e preferuar e Napoleon Bonapartit.

Ushtaraku famëkeq francez dhe perandori Napoleon Bonaparte ishte i mahnitur nga këto lule.

Ai i përdori ato për të mbuluar varrin e gruas së tij Josephine kur ajo vdiq në 1814.

Mbështetësit e Bonapartit madje përdorën manushaqen për të përcaktuar nëse dikush ishte besnik ndaj tij, duke i pyetur nëse u pëlqenin lulet dhe vetëm një përgjigje pozivite, konsiderohej një shenjë besnikërie.

Manushaqet kanë disa vlera ushqyese.

Ajo që shumë njerëz nuk dinë për lulet e ngrënshme është se ato janë në të vërtetë mjaft ushqyese.

Petalet dhe kërcejt e manushaqes përmbajnë sasi të larta të vitaminës C, një antioksidant që mund të përmirësojë sistemin imunitar dhe shëndetin e përgjithshëm. Në fakt, lulja ka më shumë vitaminë C se shumica e perimeve të tjera.

blank

Cilat janë ushtrimet më të mira për dhimbjen e këmbëve?

Lodhja nga aktiviteti i tejzgjatur fizik mund të shkaktojë kontraktime muskulare.

Shumë njerëz përjetojnë dhimbje në këmbë ose kyçin e këmbës. Të pasurit këmbë të forta mund të ndihmojë në zbutjen e dhimbjes dhe në përmirësimin e shëndetit dhe fleksibilitetit të këmbëve.

Për këtë ka disa ushtrime të cilat mund t’ju ndihmojnë të forconi muskujt e këmbëve, të cilët ofrojnë më shumë stabilitet.

Shumica e këtyre ushtrimeve me të cilat AgroWeb.org ju njeh mëposhtë, janë të thjeshta dhe nuk kërkojnë pajisje të veçanta.

Ju mund t’i bëni ato në shtëpi ose në palestër si pjesë e një rutine të rregullt stërvitore.

Ushtrime për fleksibilitet dhe lëvizshmëri

Tërhiqni gishtin e madh

Ushtrimi ka tre faza dhe është krijuar për të lehtësuar dhimbjen e gishtave të këmbëve nga veshja e këpucëve të ngushta.

Për të bërë këtë ushtrim:

Uluni drejt në një karrige, me këmbët në tokë.

Vendoseni këmbën e majtë mbi kofshën e djathtë.

Duke përdorur duart, shtrini butësisht gishtin e madh lart, poshtë dhe anash.

Mbajeni gishtin në çdo pozicion për 5 sekonda.

Përsëriteni këtë 10 herë përpara se të kaloni në këmbën tjetër.

Ushtrim për rritjen e forcës së këmbëve

Mbledhja e gishtërinjve

Për të bërë këtë ushtrim:

Uluni drejt në një karrige, me këmbët të mbështetura në tokë.

Vendosni një peshqir të vogël në dysheme dhe sipër tij një nga këmbët.

Mundohuni të kapni me gishtërinj peshqirin dhe ta tërhiqeni drejt vetes.

Përsëriteni këtë ushtrim pesë herë përpara se të vazhdoni me këmbën tjetër.

Ushtrim për largimin e dhimbjes

Rrotulloni me shputë një top tenisi

Rrotullimi i topit të tenisi nën këmbë mund të ndihmojë në lehtësimin e shqetësimeve me harkun e shputës së këmbës.

Për të bërë këtë ushtrim:

Uluni drejt në një karrige, me këmbët të mbështetura në dysheme.

Vendosni një top tenisi ose një top tjetër të vogël e të fortë, në dysheme pranë këmbëve.

Vendoseni njërën këmbë mbi top dhe lëvizeni atë para mbrapa, duke e shtypur dhe ushtruar pak forcë.Topi duhet të masazhojë pjesën e poshtme të këmbës.

Vazhdoni për 2 minuta dhe më pas përsëriteni edhe me këmbën tjetër.

Një shishe me ujë të ngrirë mund të jetë një alternativë qetësuese nëse nuk keni top të përshtatshëm.

Këshilla për shëndetin dhe sigurinë e këmbëve

Për të pasur këmbë të forta dhe të shëndetshme ju duhet të:

Krijoni një rutinë nxemje përpara se të ushtroheni.

Vishni këpucë të rehatshme për aktivitetet dhe sportet e përditshme.

Zëvendësoni këpucët e konsumuara sa më shpesh të jetë e mundur.

Ndërtoni ngadalë forcën dhe fleksibilitetin për këmbët dhe kyçet.

Shmangni sipërfaqet e pabarabarta, veçanërisht kur vraponi. Mundohuni të mos vraponi shumë shpesh në pjertësi të mëdha.

Dëgjoni trupin. Mos e teproni me aktivitetet.

Parandaloni çdo dëmtim duke pushuar dhe duke kërkuar trajtimin e duhur./AgroWeb.org

blank

A është e dëmshme të shkulësh fijet e thinjura të flokëve?

Ndërsa rriteni mund të filloni të vini re disa fije të bardha që mbijnë aty-këtu.

Edhe pse këputja e tyre mund ta zgjidhë problemin përkohësisht, a mundet që ky veprim të dëmtojë skalpin tuaj dhe më keq akmoa që aty të rriten edhe më shumë fije të tilla? AgroWeb.org ju njeh me përgjigjen në vijim.

Përse flokët thinjen?

Kjo ndodh kur gjëndrat e flokëve pësojnë një rënie të qelizave që prodhojnë melaninë. Këto janë qelizat që i japin flokëve dhe lëkurës pigmentin e saj.

Shfaqja e thinjave është një pjesë krejtësisht normale e plakjes, megjithatë mosha kur ato fillojnë të shfaqen varet kryesisht nga gjenetika.

Megjithatë, ju mund të mos jeni të lumtur për këtë. Pra, cila është gjëja më e keqe që mund të ndodhë nëse thjesht i shkulni këto fije të argjenda?

Çfarë ndodh kur këpusni fijet e argjenda?

Do të rriten përsëri me të njëjtën ngjyrë

Shkëputja e një floku të thinjur do ta largojë atë përkohësisht, por fija do të rritet përsëri në po atë ngjyrë.

“Kur një gjëndër specifike e flokëve humbet qelizat që prodhojnë pigment, ai folikul i flokëve do të rigjenerojë vetëm fije gri”, shpjegojnë ekspertët.

Sa i përket besimit të vjetër se shkulja e fijeve gri do të bëjë që të rriten edhe më shumë fije të tilla, duhet thënë se është thjesht një mit. Kjo pasi çdo folikul ka gjenetikën e vet.

Po rrezikoni të infektoheni

Shkëputja e tyre nuk është një ide e mirë, veçanërisht nëse kthehet në një zakon. Shkulja e përsëritur e qimeve mund të dëmtojë folikulën, gjë që mund të çojë në një infeksion.

Me kalimin e kohës, kjo madje mund ta dëmtojë aq shumë gjëndrën e flokëve deri në pikën sa fija e flokut të ndalojë së rrituri dhe ju mund të përfundoni me një zonë pa flokë.

A ka një mënyrë ‘të sigurt’ për të këputur fijet e argjenda?

Nëse absolutisht nuk mund ta duroni praninë e një thinje, provoni ta shkurtoni atë me gërshërë. Kështu do të shmangni traumën që shkakton shkulja e tyre.

Dhe nëse ato fije ju shqetësojnë vërtet, mund të jetë koha të filloni të mendoni për opsionet e ngjyrave të flokëve.

blank

Regjimi ushqimor dhe pijet që ndihmojnë në reduktimin e rrezikut Të Alzheimerit

 

Sëmundja e Alzheimerit është një sëmundje që lidhet me moshën dhe është lloji më i zakonshëm i demencës.

Kjo gjendje kronike shpesh fillon me humbje të lehtë të kujtesës dhe mund përkeqësohet duke shkaktuar paaftësi në të menduar, paafatësi për të kujtuar dhe për të folur.

Ende nuk dihet me siguri se cili është shkaku dhe se çfarë e rrit rrezikun e zhvillimit të sëmundjes.

Por mosha, trashëgimia, mënyra e të ushqyerit dhe stili i jetesës, mund të jenë disa nga faktorët që ndikojnë.

Regjimi ushqimor

Ekspertët thonë se regjimi ushqimor mesdhetar, mund t’ju ndihmojnë duke ju mbrojtur nga kjo sëmundje.

Ky regjim ushqimor përfshin konsumin e drithërave, frutave, perimeve, legumeve, barishteve, erëzave, arrorëve dhe yndyrnave të shëndetshme, ndër to vaji i ullirit.

Gjithashtu, ju duhet të konsumoni ushqime deti minimalisht dy herë në javë.

Rekomandohet të konsumoni në sasi të moderuara qumësht, vezë dhe mish shpendësh.

Mishi i kuq dhe ëmbëlsirat mund të konsumohen vetëm në raste të rralla.

Pijet

Një zgjedhje e mrekullueshme që përfshihet në këtë regjim dhe shëben për mbrojtjen e shëndetit të trurit janë gjithashtu edhe disa lloje pijesh.

Ato përbëhen nga një kombinim i frutave, qumështit ose kosit dhe proteinave që gjenden tek drithërat, arrorët, farat e madje edhe tek perimet.

Frutat ofrojnë një ëmbëlsi natyrale, ndërsa qumështi ose kosi e bëjnë pijën më kremoze.

Proteinat ju mbajnë të ngopur për më gjatë, drithërat shtojnë fibra dhe perimet vitamina e minerale.

Pija mund të shërbejë si një vakt i vogël i ndërmjetshëm, i cili do t’ju japë shumë lëndë ushqyese.

AgroWeb.org ju njeh me disa kombinime të cilat mund t’i përgatisni edhe vetë. Ato janë:

1 gotë luleshtrydhe + 1 gotë kos + 1/4 gotë me bajame + 1/4 gotë tërshërë

1 banane mesatare + 1 gotë qumësht soje + 1 lugë pluhur proteinash me ​​vanilje + 1/4 filxhan kungull të konservuar

1/2 gotë mango + 1/2 gotë ananas + 1 gotë qumësht + 2 lugë çaji fara chia + 1 gotë spinaq të freskët

1 mollë mesatare + 1 gotë qumësht bajamesh + 2 lugë gjelle gjalpë kikiriku + 1/4 gotë tërshërë

Shtoni ujë dhe akull sipas nevojës për të arritur konsistencën e duhur./AgroWeb.org


Send this to a friend