Kryetari demokrat, Sali Berisha, tha në fund të promovimit të librit ‘Shqipëria në rrezik’, se protesta ka objektiv largimin e Edi Ramës.
“Ju garantoj që zërat tuaj, kauzat tuaja janë kauza të drejta, të cilat do marrin përgjigjen më të merituar me largimin e Edi Ramës dhe të qeverisë së tij.
Natyrisht, largimi i kësaj qeverie është hapi i parë, jetik dhe i domosdoshëm për të rikthyer në Shqipëri ligjin, liritë dhe për të zhbërë padrejtësitë evidente, të qarta ndaj qytetarëve.
Ju siguroj se për ne, prapa çdo kauze qëndron një liri e dhunuar, pavarësisht grupit apo përmasave të grupit që është prekur prej saj.
Konsiderojmë jetike banesën, shtëpinë dhe një dhunim antikushtetues, antiligjor në përputhje me këtë do mbajmë qëndrimet tona.
Por unë mendoj se protesta është rruga, është mënyra për t’i hapur rrugë zhbërjes së padrejtësive.
Të gjithë viktimat e arbitraritetit dhe të korrupsionit, duhet të bashkohen nesër me ne në protestë.
Nesër është një ditë e veçantë, shumë e veçantë. E thatë qartë që kauzat janë të shumta, janë të dhimbshme. Janë ulëritëse.
Por monizmi i plotë është shkaku themelor i tyre. Ndaj dhe ne zgjidhjen e këtyre kauzave, e gjejmë me largimin e kësaj qeverie nga pushteti.
Dorëheqja dhe largimi i qeverisë së Edi Ramës është objektivi kryesor, është qëllimi më i madh i protestës së 7 korrikut dhe protestave që do vijnë më pas të popullit opozitar,” tha Berisha.
Protesta/ Zbulohet fletëpalosja e PD: 7×7 arsye bëjnë 49 dhe jo 42! Boll më me kauza të shitura!
Një ditë para protestës së thirrur nga kreu i Partisë Demokratike, Sali Berisha, është zbuluar edhe fletëpalosja e PD.
Siç mund ta shihni, fletëpalosja e PD nis me fjalët “Shqipëria në rrezik! Mos thuaj: Ç’më duhet mua?”
Ndërkohë, siç shihet në fletë, ironizohet edhe ish-kreu i PD, Lulzim Basha, teksa shkruhet se “7×7 arsye bëjnë 49 (dhe jo 42)! Boll më me kauza të shitura!”.
Protesta/ Berisha fton qytetarët dhe paralajmëron: Mos provokoni! Rama të mendojë dorëheqjen
Kryetari demokrat, Sali Berisha, dha një prononcim për mediat pas përfundimit të promovimit të librit ‘Shqipëria në rrezik’.
“Sot u promovua ky libër, si manifest i kauzave të drejta, i kauzave të dhunuara të qytetarëve shqiptarë, kauzave të cilat janë një thirrje për ccdo shqiptar të bashkohet nesër në protestën e 7 korrikut për të kërkuar dorëheqjen dhe largimin e Edi Ramës dhe qeverisë së tij nga pushteti.
Situata është jashtëzakonisht e ndezur, pakënaqësia dhe urrejtja për këtë qeveri ka rrokur qiellin.
Pandjeshmëria e saj është gjithashtu po kaq e madhe.
Mos të harrojmë se një kauzë të drejtë, asgjë nuk mund ta mposhtë.
Ndaj shfrytëzoj këtë rast, për të ftuar ccdo qytetar të këtij vendi, të kontribuojë me praninë e tij në suksesin e protestës.
Paralajmëroj, paralajmëroj të gjithë llojet e policive se ccdo presion, ccdo qëndrim, ccdo përpjekje për të intimiduar, për të dhunuar, për të penguar popullin opozitar, do të regjistrohet dhe do marrë ndëshkim personal të merituar ligjor.
Paralajmëroj të mos provokojnë protestuesit. Është e vërtetë që vapa dhe temperaturat janë të larta, por më të larta janë temperaturat e brendshme të njerëzve që vijnë të protestojnë ndaj këtij regjimi.
Nesër pra është një ditë e madhe. Nesër është një ditë frymëzimi. Një ditë beteje e vërtetë.
Opozita zbret në shesh si opozitë e vërtetë pas kaq vitesh. Edi Rama është i ftuar të mendojë dorëheqjen e tij sa më parë,” tha Berisha.
Berisha u përgjigjet pyetjeve: Skenari i protestës është i qartë! Përshëndes Renis Gjokën dhe Big Bastën
Kryetari demokrat, Sali Berisha, iu përgjigj pyetjeve të gazetarëve në lidhje me protestën e nesërme. Pas promovimit të librit ‘Shqipëria në rrezik’, Berisha dha një prononcim për mediat:
Pyetje: Z.Berisha, në lidhje me agjendën, do të niseni nga selia blu? Dhe nëse keni biseduar me kryetarët e degëve, sa do të jetë numri i protestuesve nesër?
Sali Berisha: Më lejoni të përshëndes para jush autorët e himnit të protestës së 7 korrikut, Renis Gjokën dhe Big Bastën. Të cilët me një pasion dhe me kreativitet i dhanë protestës barrakudën e saj.
Pyetje: Cilët do të jenë skenarët e protestës së nesërme? Do tentohet hyrja në Kryeministri? Sa do të jenë numri i pjesëmarrësve?
Sali Berisha: Pjesëmarrësit kam një numër që do të jetë një protestë gjigante, masive, por që të më kërkoni numër të saktë mua, mos gaboni, se dy gjëra nuk merrni kurrë nga unë, përqindje, parashikime në përqindje dhe numër.
Pyetje: Cili do të jetë skenari i protestës?
Sali Berisha: Skenari i protestës është i qartë, betejë për lirinë dhe kundër padrejtësive të mëdha me të cilat përballen këta qytetarë.
Pyetje: Zoti Berisha, në këtë protestë ju do të udhëhiqni, apo do të udhëhiqeni?
Sali Berisha: Të gjitha opsionet janë të mundshme, plotësisht, edhe të udhëheq edhe të më udhëheqin.
Pyetje: Të nesërmen e protestës…?
Sali Berisha: Beteja vazhdon. Nuk ka të ndalur!
syri.net
Protestat kundra qeverise dhe Eid Rames jane bere boze.
Protesta eshte idiotizmi i Sali Berishes.