Më 2005 kreu specializimin pasuniversitar në fushën e Diagnostikimit dhe trajtimit i të semundjeve pulmonare, me rezultate të shkelqyera, duke patur role edhe drejtuese në Spitalin Universitar “Shefqet Ndroqi”, Tiranë. Pas specializimit pasuniversitar ai zgjedh përsëri të rikthehet në spitalin e Krumës, ku sherben me pasion, humanizëm dhe profesionalizëm të lartë, duke qënë dy herë edhe drejtues i këtij spitali.

Është demokrat i dhjetorit 1990, bashkethemelues i Partisë Demokratike, mik i Azem Hajdarit dhe i të gjitha figurave qendrore të Partisë Demokratike, bashkëthemelues i FRPD-së më 1991, mbështetes i të gjitha nismave politike të këtij forumi, siç ka qenë greva e urisë e dhjetorit të vitit 1998 që pati tronditur qeverinë socialiste të kohës, por edhe i të gjitha nismave politike të PD-së pa ndërprerje prej fillimit deri sot.

Gjatë këtyre 12 viteve të regjimit të Rilindjes, Shkëlzen Ibra dëshmoi shpirtin e tij opozitar të paepur. Mjeku i Hasit iu doli zot të drejtave të popullit të krahinës së tij duke iu kundërvënë vendosmërisht padrejtësive të regjimit.

Dr. Shkëlzen Ibra i mishëron më së miri cilësitë e popullit të Hasit, fisnikërinë e tij, burrërinë e tij, talentin e tij. Populli i Hasit e do Dr. Shkëlzen Ibrën dhe Shkëlzen Ibra i përkushtohet me të gjitha energjitë e tij që ta meritojë dashurinë e popullit të Hasit.

Në Kuvendin e Shqipërisë Dr. Shkëlzen Ibra do të jetë zë përfaqësues i Hasit, do të jetë një idealist i paepur për një humanizëm të lartë në shërbim të shëndetit të popullit në Shqipëri, çka i ka munguar shumë gjatë këtyre 12 viteve të fundit.