Gjatë fillimit të kësaj jave si rezultat i mbizotërimit të motit të keq edhe në Qarkun e Elbasanit kanë rënë reshje të dendura shiu, breshëri dhe dëborë, veçanërisht në zonat e thella malore të Librazhdit, Prrenjasit, Gramshit dhe Elbasanit.

Fenomenet atmosferike të rënduara kanë krijuar vështirësi të përkohshme për lëvizjen me automjete në disa fshatra ndërsa situata për pak kohë ka kërkuar ndërhyrjen e shpejtë të autoriteteve dhe shërbimeve emergjente.

Në Fushë Studën të Librazhdit , mëngjesin e kësaj të marte, trashësia e dëborës ka arritur 3-5 cm, sipas Albert Kalecit, Kryetar i Njësisë Administrative Steblevë. Ndërsa ë Parkun Kombëtar Shebenik trashësia e dëborës ka qenë më e madhe duke arritur nga 15 deri në 25 cm. Situata ka qenë më e rënduar  në fshatrat e tjerë të qarkut Elbasan që ndodhen mbi 900 metra lartësi mbi nivelin e detit ku trashësia e dëborës ka shkuar deri në 10 cm e shoqëruar edhe me ngrica.

Megjithatë për momentin reshjet kanë pushuar dhe temperaturat janë ulur ndjeshëm duke krijuar një ndjesi të fortë të dimrit krahasuar me ditët e ngrohta të verës.

Në lidhje me pasojat e motit të keq burime zyrtare nga emergjencat civile raportojnë se nuk ka pasur probleme serioze në qarkun e Elbasanit si rezultat i kushteve atmosferike të dy ditëve të fundit. Përveç disa defekteve të shkaktuara në rrjetin shpërndarës të energjisë elektrike të cilat u riparuan gjatë ditës së djeshme nuk ka pasur probleme  të tjera.

Megjithatë autoritetet vendore  po monitorojnë nga afër situatën dhe janë të gatshme për ndërhyrje të shpejtë në rast nevoje.

Në përgjithësi edhe pse reshjet intensive dhe temperaturat e ulëta kanë shkaktuar disa vështirësi gjendja është mbajtur nën kontroll falë ndërhyrjes së shërbimeve të emergjencës dhe bashkëpunimit të institucioneve lokale.

Kompanitë e mirëmbajtjes  së rrugëve janë angazhuar në pastrimin e akseve të rëndësishme dhe ruajtjen e sigurisë së përdoruesve të këtyre rrugëve veçanërisht në segmentet e rrezikshme sikurse janë ” Kthesat e Murrashit”, “Kthesat e Dragostunjës” e “Kthesat e Pishkashit” si edhe  në zonat malore që janë më të prekura nga reshjet e borës.

Familja e 14-vjeçarit të vrarë disa muaj më parë, Martin Cani ka reaguar me indinjatë ndaj përdorimit të ngjarjes së rëndë për qëllime politike.

Familjarët e të ndjerit shprehen se kanë ndjekur me indinjatë mënyrën se si rasti po përdoret, sipas tyre, nga qeveria për mbylljen e rrjetit social TikTok, ndërsa shtojnë se Martini nuk kishte një llogari në këtë platformë dhe se vrasja e tij nuk lidhet me të.

Sipas familjes, Martini humbi jetën për shkak të mungesës së sigurisë në shkolla, neglizhencës së institucioneve arsimore dhe shëndetësore, si dhe vonesave në trajtimin e tij mjekësor. Ata theksojnë se vendimi për ta transportuar në një spital më të largët dhe mungesa e pajisjeve të specializuara ishin faktorë që ndikuan në këtë tragjedi.

“Martini ishte një fëmijë me ëndrra, një futbollist i talentuar. Të mos e vrasim për herë të dytë me hipokrizi dhe manipulime politike”, përfundon deklarata e familjes.

Deklarata e plotë:

Familja Cani dënon përdorimin e vrasjes së Martin Cani për qëllime politike!
Ne, familja e Martin Canit, e kemi ndjekur me dhimbje dhe indinjatë të thellë mënyrën se si tragjedia jonë po përdoret për qëllime politike dhe për të justifikuar vendimin e qeverisë për mbylljen e rrjetit social TikTok.
Duam ta themi qartë dhe publikisht: Martini nuk kishte një llogari në TikTok dhe Martini nuk u vra nga TikTok! Martini u vra nga një thikë e drejtuar nga një bashkëmoshatar i tij.
Martini u vra nga një sistem arsimor ku mungojnë masat për sigurinë në shkolla, ku institucionet arsimore dhe ato të rendit nuk marrin masa për të parandaluar dhunën. Ai u vra për shkak se prindërit nuk u njoftuan nga shkolla për incidentin e të premtes, duke mos pasur mundësinë e parandalimit te tragjedisë.
Martini u vra nga një sistem shëndetësor ku urgjenca e dërgon në spitalin më të largët, për shkak të një protokolli absurd, megjithëse QSUT ishte vetëm 3 minuta larg. Martini u vra sepse në Spitalin e Traumës mungon kardiokirurgu si dhe pajisja e specializuar Extracorporeal Circulation Machine për riparimin e zemrës.
Ndërkohë, ajo që po vret Martinin për së dyti është mungesa e drejtësisë dhe papërgjegjshmëria e institucioneve! Drejtësia për Martinin ende nuk është vënë në vend, dhe familja jonë nuk do të ndalet së kërkuari që kjo vrasje të mos kalojë në heshtje.
Ne nuk pranojmë që emri i Martinit të përdoret për të justifikuar vendime politike që nuk kanë të bëjnë me vrasjen e tij. Në vend që të merren masa për rritjen e sigurisë në shkolla, për të forcuar edukimin dhe ndërgjegjësimin e të rinjve, për të parandaluar raste të tjera tragjike, qeveria po kërkon të zhvendosë vëmendjen dhe të shmangë përgjegjësinë e saj reale.
Ne kërkojmë DREJTËSI PËR MARTININ!
Ne kërkojmë që institucionet të ndalojnë përdorimin e vrasjes së Martinit si një justifikim për vendime që nuk adresojnë shkaqet e vërteta të kësaj tragjedie!
Martini ishte një djalë i mirë, një futbollist me ëndrra, një fëmijë që meritonte të jetonte. Të mos e vrasim për herë të dytë me hipokrizi dhe manipulime politike.
Familja Cani

bw

Hirësi Joani zgjidhet kryepeshkopi i ri i Kishës Ortodokse të Shqipërisë. Hirësi Joan Pelushi ka qenë mitropoliti i Korçës.

Sinodi i Shenjtë i Kishës e  zgjodhi hirësinë Joani pas Liturgjisë Hyjnore të Dielës së Dytë të Kreshmës.

Në meshë po marrin pjesë besimtarët, drejtuesit e mitropoliteve ortodokse të Shqipërisë dhe të ftuar të tjerë. Të gjithë anëtarët e Sinodit janë të pranishëm në meshë. Ceremonia e marrjes së detyrës bëhet më 29 mars.

Hirësi Joani u prit me një ceremoni të veçantë dhe hyri në Katedralen “Ngjallja e Krishtit”, ndërsa kambanat e saj dhe ato të të gjitha kishave ortodokse në Shqipëri, ranë njëkohësisht në nder të këtij momenti historik. Ai do të pasojë në këtë detyrë të lartë Kryepeshkopin Anastas, i cili ndërroi jetë në janar të këtij viti.

Në testamentin e tij, Anastas shprehu dëshirën që Kisha Ortodokse Autoqefale e Shqipërisë të ketë një klerik shqiptar në krye. bw

Në përfundim të protestës së organizuar mbi vendmin e qeverisë për mbylljen e TikTok, kreu i Partisë Demokratike Sali Berisha u shfaq i ekzaltuar nga fjalimet e mbajtura nga të rinjtë.

Ai tha se fjalime të tilla kishte dëgjuar në protestat e viteve ’90.

Kryedemokrati u shpreh se kryeministri Edi Rama u damkos si armik i egër jo vetëm i TikTok por i të gjithë shqiptarëve.

“Ju i dëgjuat fjalët e të rinjve, fjalë që buronin nga shpirti i tyre i lirë dhe zemrat rinore, Sot Rama u damkos si armik i egër jo vetëm i TikTok por armik i egër i lirisë, të rinjve shqiptarë. U damkos si biri i të atit…

…Nga protesta e sotme shqiptarët dëgjuan thirrjen më fisnike, do të thosha më magjepsëse, do të thosha më të fuqishme, më pasionante.
Fjalë të tilla për fjalën e lirë janë të denja për të gjitha kohërat.
Për të shkuarën, të sotmen dhe të ardhmen.
Gjithçka do e vendosin të rinjtë.
Ishte protesta e tyre siç e patë ju.
Unë isha një pjesëmarrës në këtë miting që për nga cilësia, po u garantoj, krahasohet me mitingun e datës 11 dhjetor 1990 kur studentët liberatorë u kthyen nga pallati presidencial dhe erdhën fitimtar në sheshin e Qytetit Studenti.
Dhe aty ata mbajtën fjalët më mbresëlënëse që unë kam dëgjuar ndonjëherë.
Pra, tani të themi, në 35 vite, këto ishin fjalimet më mbresëlënëse për mua, por edhe për të gjithë shqiptarët.
Të rinjtë e fituan betejën sonte”, tha ai. bw

Aktori Mehdi Malkaj ka marrë fjalën sot në protestën e opozitës, që u mbajt me rastin e mbylljes së TikTok-ut në Shqipëri. Ai u shpreh se nuk është person i dhunshëm, por nuk mund të durojë të shohë këtë situatë, duke theksuar se problemi nuk është vetë TikTok-u, por arsyeja pse dikush ka inat me këtë platformë – sepse nuk është nën kontrollin e pushtetit.

Malkaj ka përmendur edhe protestat e organizuara në Greqi e Serbi, ndërsa bëri habi se përse shqiptarët nuk janë sot para Kryeministrisë.

“Nuk jam i dhunshëm por nuk duroj dot. TikTok-u ta heqim Tik-un e të lëmë Tok-un , të jemi Tok bashkë? Është më mirë kështu. Ky nuk ka inat me TikTok-un, por ky që i rëntë damllaja, ka inat pse kemi ne TikTok sepse nuk e administron ai sepse është Ay që një ditë do të na heqë edhe ajrin. Njerëz po për Tik Tok pse nuk erdhët? Çfarë ju ka bërë TikTok-u? Grekërit e dogjën Athinën për një gjë të ndodhur 5 vite më parë, grekët e shqyen Beogradin nuk di ku të hyjë Vuçiç? Nga historia ne nuk kemi qenë dele por trima”, tha ai. bw