Sekretari i përgjithshëm i NATO-s, Mark Rutte, deklaroi se aleatët e aleancës janë duke zhvilluar diskutime të përbashkëta për mënyrat se si mund të rihapet Ngushtica e Hormuzit.

Në një prononcim të bërë sot, Rutte theksoi se çështja po trajtohet në mënyrë të koordinuar mes vendeve anëtare, duke nënvizuar rëndësinë strategjike që ka kjo rrugë detare për tregtinë globale dhe furnizimin me energji.

Deklarata e tij vjen në një kohë tensionesh në rajon, ndërsa komuniteti ndërkombëtar po kërkon zgjidhje për të garantuar lirinë e lundrimit dhe stabilitetin në një nga korridoret më të rëndësishme detare në botë.