VOAL

VOAL

Please Wait ...
0%

Serbia kërcënoi Kosovën me ushtri, ja si përgjigjet KFOR

By | January 18, 2018
1 Comments
  • author avatar
    Anonymous 4 weeks ago Reply

    Nonen ta çifsha oh minister i serbis edhe gruhen ta çifsha edhe çiken edhe krejt shkinat ti çifsha se mo serbia kur sun kthehet ne kosov kosova e ka ushtrin e vet per mi mbrojt shçiptaren shkoni ne pidh te nonave tjuja sot ivanoviçin e neser krejt serbt ishalla more zot

Komentet

Tillerson: SHBA-ja e njeh të drejtën e Turqisë për mbrojtjen e kufijve

Sekretari amerikan i Shtetit, Rex Tillerson ka thënë se Shtetet e Bashkuara e njohin të drejtën legjitime të Turqisë për të mbrojtur kufijtë e saj.

Ai i ka bërë këto deklarata gjatë një takimi në Ankara me qëllim të uljes së tensioneve në mes të dy aleatëve të NATO-s.

Pasi ka biseduar me ministrin e Jashtëm turk, Mevlut Cavusoglu, Tillerson i ka bërë thirrje Ankarasë të tregojë përmbajtje gjatë operacioneve në rajonin Afrin të Sirisë dhe të mënjanjojë hapa që mund të përshkallëzojnë tensionet.

Duke folur në konferencën e njëjtë për media, Cavusoglu, ka thënë se Turqia dhe Shtetet e Bashkuara janë pajtuar për nevojën e normalizimit të marrëdhënieve bilaterale, duke premtuar krijimin e “mekanizmave” për të diskutuar çështjet problematike.

Turqia është e zemëruar për mbështetjen e Uashingtonit ndaj milicëve kurdë, të njohur si Njësitet për Mbrojtjen e Popullit (YPG).

Turqia e konsideron YPG-në si grup terrorist, të lidhur me rebelët kurdë që luftojnë brenda Sirisë.

Mirëpo YPG ka qenë aleatja kryesore e SHBA-së, në luftimin e grupit ekstermist, Shteti Islamik në Siri.

Tillerson është takuar më 15 shkurt me presidentin turk, Recep Tayyip Erdogan për më shumë se tri orë.

Në fund të dy palët kanë thënë se diskutimi ka qenë produktiv mirëpo jovendimtar.

Një bisedë telefonike e zbulon konspiracionin për vrasjen e Zaevit?

Javorja “Fokus”, në numrin e saj më ri thotë se ka mësuar detale për skenarin e përgjakshëm që është dashur të luhet në shtëpinë legjislative më 27 prill të vitit të kaluar, njofton Portlb.mk.

“Zoran Zaev ai duhet do të duhej që të vritet, për çka ka ekzistuar edhe bisedë telefonike mes dy bashkëbiseduesve. Ai i cili duhej që ta kryejë vrasjen, në bisedë ka thënë se nuk e ka bërë pasi që nuk ka pasur shënjestër të pastër”, shkruan “Fokus”.

Ndryshe, më 27 prill të vitit të kaluar, në shënjestër të dhunuesve të cilët akuzohen për terrorizëm ishin kryetari i LSDM-së, Zoran Zaev dhe kryetari i Aleancës për Shqiptarët Ziadin Sela. Ashtu siç u njoftua edhe nëpër media, të dy, u sulmuan përgjakshëm, ndërkaq Sela ishte edhe në rrezik për jetë.

Kotzias e pranon: Kemi mbyllur paketën e çështjeve të hapura me Shqipërinë (video)

Greqia i konsideron te mbyllura ceshtjet qe kane qene prej shume kohesh te hapura me Shqiperine.

Ministri i Jashtëm grek, Nikos Kotzias, ne nje interviste te dhene mbreme per televizionin “Alpha” ka theksuar prere se Greqia i ka mbyllur gjithë çështjet hapura me Shqipërinë, dhe ka shprehur shpresën që së shpejti të kurorëzohet marrëveshja përfundimtare.

Ai ka pranuar se paketa e ceshtjeve qe ishin te hapura prej 70 vitesh tashme kurorezohet ne nje marreveshje.

“Kishim probleme të hapura me dy nga tre fqinjët tanë veriorë, me Shkupin dhe me Shqipërinë. Para një muaji e mbyllëm me Shqipërinë gjithë paketën e çështjeve të hapura që prej 70 vitesh”- ka thene ai, duke shtuar me tej se “kjo është një gjë e mirë. Vendi nuk duhet të ketë probleme të hapura”.

Sipas Kotzias, qendrat e dy vendeve me te cilat kishin probleme te hapura kane rtreguar maturi dhe mencuri ne raport me fqinjet.

“Me palën shqiptare bisedimet tona dhe negociatat mbajtën dy vjet e gjysëm. Rrjedhimisht janë pjekur kushtet dhe ishte e natyrshme që që një moment të mbërrinim në një përfundim të mirë të tyre dhe shpresoj që të arrijmë aty”, tha ministri grek, por pa dhene detaje rreth paketes konkrete dhe marreveshjes.

Detaje të reja për vrasjen e Ivanoviçit, pse përmenden Thaçi e Haradinaj

Kryetarja e Lëvizjes Europiane të Serbëve për Kosovën, Rada Trajkoviç ka deklaruar se lideri i Iniciativës Qytetare LDD (GI SDP), Oliver Ivanoviç, kishte njoftuar BIA-n (shërbimi informativ i Serbisë) se nga cilët persona kërcënohej, shkruan “Danas” e Beogradit.

Sipas BIA, Ivanoviç shqetësimin e tij ia kishte përcjellë edhe presidentit të Serbisë, Aleksandar Vuçiç dhe komunitetit ndërkombëtar.

Ne sot nuk kemi asnjë prononcim, ta zëmë, të presidentit të Serbisë, i cili ka pasur informacion nga drejtori i BIA-s (Bratisllav) Gashiqit dhe nga shërbimet e tij se cilët ishin ata persona të cilët i kishte përmendur Ivanoviç”.

“Nga ana tjetër, tregimi për gëzhojat, të cilat janë të rëndësishme për shkak të gjurmëve të gishtave gjatë ekspertizës dhe hetimit, flet për mungesë të seriozitetit të hetimit nga aspekti i vullnetit dhe përkushtimit që me të vërtetë të gjenden ata që janë të përzier në krim”, ka thënë Trajkoviç.

Ajo po ashtu është shprehur se nga pushtetet në Beograd e Prishtinë nuk pret të “dalin” me emrat e vrasësve dhe nuk beson se do të bëhen të ditur emrat e atyre që janë të implikuar në vrasjen e Ivanoviqit deri sa të jenë në pushtet strukturat pushtetare e të dy palëve, pos nëse është i pranishëm edhe faktori ndërkombëtar, “gjë që varet nga interesimi i tij që të shantazhojë njërën e palën tjetër”.

“Autoritetet në Beograd mbajnë në pushtet Thaçin (Hashimin) dhe Haradinajn (Ramushin). I ndërlidhin bizneset e ndryshme – projektet legale e ilegale, prandaj do të investojnë më shumë përpjekje për të ruajtur njëri tjetrin. Në mes të tyre ndodhet edhe mafia e cila në veri (të Kosovës – sqarim ynë) ka krijuar atë ambient dhe ka rrezikuar në vazhdimësi Ivanoviqin përmes keqtrajtimit fizik të familjes së tij, djegies së veturës, kërcënimit dhe një varg gjerash për të cilat fliste Oliveri”, ka thënë Trajkoviç.

Ajo ka shtuar se shqiptarët nuk kanë shumë të dhëna rreth asaj çfarë ndodhë në veri të Kosovës, meqë strukturat e vendosura atje janë kryesisht serbe dhe “ato raportet i përcjellin në Beograd”.

Ivanovi është vrarë më 16 janar para selisë së Partisë “Liri, Demokraci, Drejtësi” (LDD) në Mitrovicën veriore. Dy policë qenë arrestuar për manipulim të fakteve nga vendi i ngjarjes, por gjykata nuk ka pasur bazë për t’iu caktuar paraburgim 30 ditësh dhe ata janë lënë të lirë./koha

Markoviq: Është arritur marrëveshja për demarkacionin me Malin e Zi

Gazeta Express merr vesh se vizita e kryeministrit të Malit të Zi ka dhënë fryte. Dy palët kanë arritur marrëveshje për demarkacionin

Vizita e kryeministrit të Malit të Zi, Dushko Markoviq, në Prishtinë përfundimisht pritet ta zgjidhë çështjen e demarkacionit, e cila po e mban të bllokuar Kosovën tash e tre vjet.

Gazeta Express merr vesh nga burimet e saj se Markoviq gjatë takimeve në Prishtinë me liderët kosovarë ka gjetur gjuhë të përbashkët për çështjen e kufirit dhe se kjo temë do të marrë epilog shpejt.

Një burim i besueshëm i ka thënë Gazetës Express se Prishtina dhe Podgorica kanë rënë dakord që në ditët në vijim të kenë një komunikim intensiv që do ta prodhojë zgjidhjen.

“Dy delegacionet e larta janë dakorduar që të ketë një komunikim intensiv ditëve të ardhshme në të gjitha nivelet dhe të shihet se ku mund të jenë bërë gabimet. Pastaj do t’i hapet rrugë ratifikimit me një procedurë të shpejtë. E gjitha do të kryhet gjatë muajit shkurt”, ka thënë një zyrtar i lartë për Gazetën Express.

Gjatë takimeve me udhëheqësit kosovarë Markoviq ka lënë të kuptohet se vendi i tij do të angazhohet që të gjendet një zgjidhje në mënyrë që Kosova ta ratifikojë marrëveshjen.

Tensione të forta Greqi-Turqi, Cipras ultimatum homologut turk

Tensionet mes Greqise dhe Turqise arrijne kulmin, Mediat greke raportojne sot se raporti mes vendeve ka shkenuar piken me kritike qe pas vitit 1996.

 

Pas incidentit te djeshem ne det, kur anija turke perplasi anijen e rojes bregdetare greke ne Egje, tonet mes dy vendeve jane rritur.

Perballe kesaj situate, mediat greke bejne me dije se kryeministri grek Cipras ka telefonuar urgjent homologun e tij turk, duke i dhene ultimatum te prere: Të ndërpriten menjëherë provokimet turke dhe shkeljet e bera se fundi ne Egje, lidhur me Imia.

“Ngjarjet si kjo në zonën Imia minojne drejtpërdrejt marrëdhëniet greko-turke dhe Turqia po shkel të drejtën ndërkombëtare”, tha Alexis Tsipras. Ne telefonaten mes tyre u ra dakord qe të intensifikohen dhe me tej bisedimet mbi masat për ndërtimin e besimit mes dy vendeve.

Nga ana e tij, mesohet se kryeministri turk Yildirim ka thene se incidenti i djeshëm nuk ishte rezultat i një veprimi të qëllimshëm.

Grabar-Kitaroviç: Dy vite për zgjidhjen e çështjeve kufitare

“Çështja e kufirit është sigurisht një nga çështjet e pazgjidhura. Rekomandimi ynë është që të vazhdojmë negociatat rreth kësaj çështjeje në mënyrë bilaterale””

ZAGREB – Presidentja e Kroacisë, Kolinda Grabar-Kitaroviç, pas takimit me presidentin e Serbisë Aleksandër Vuçiç, i cili ndodhet në një vizitë zyrtare dy-ditore në Kroaci, tha se çështja e kufirit mes dy vendeve është një nga çështjet e pazgjidhura, e cila nëse brenda dy viteve nuk zgjidhet me rrugë dypalëshe, do të dërgohet para organeve ndërkombëtare gjyqësore.

“Çështja e kufirit është sigurisht një nga çështjet e pazgjidhura. Rekomandimi ynë është që të vazhdojmë negociatat rreth kësaj çështjeje në mënyrë bilaterale, edhe në dy vitet e ardhshme në frymën e miqësisë dhe respektit të ndërsjellë. Në qoftë se në këtë periudhë nuk dakordohemi mbi çështjet kufitare, atëherë të diskutojmë për dalje para organve ndërkombëtare gjyqësor”, tha Grabar-Kitaroviç.

Ajo njoftoi gazetarët se me Vuçiç ranë dakord për të filluar punimet rreth përshpejtimit të rindërtimit të linjës hekurudhore nga Zagrebi, përmes Vinkovcit-Tovarnik dhe Shid për në Beograd. Ajo shtoi se të dy vendet mund të përdorin gjithashtu fonde evropiane për këtë projekt.

Të dy presidentët u pajtuan që të vazhdojnë të diskutojnë rreth një sërë çështjesh të pazgjidhura në të ardhmen, duke theksuar se gjatë takimit të sotëm kanë hapur shumë çështje dhe se në shumë gjëra nuk janë dakorduar, kurse rreth disa të tjerave i kanë përafruar qëndrimet.

“Ne ramë dakord që të vazhdojmë të flasim dhe është me rëndësi të madhe që kemi rënë dakord për disa çështje të pazgjidhura që ato përfaqësojnë jo vetëm përgjegjësinë tonë politike dhe kombëtare, por edhe njerëzore e morale, përgjegjësinë etike për qytetarët e vendeve tona, sidomos për familjet, nënat, të gjithë atyre që kërkojnë fëmijët, familjarët e tyre, se do të bëjmë gjithçka që është e mundur dhe njerëzore për të ndihmuar në këtë proces, që çështja e të zhdukurve të zgjidhet sa më shpejtë që të jetë e mundur. Natyrisht, ky është një problem shumë i madh, pasi ka kaluar shumë kohë nga lufta”, tha Grabar-Kitaroviç.

Gjithashtu u diskutua edhe rreth minoriteteve, gjendjes së serbëve në Kroaci dhe të kroatëve në Serbi. Grabar-Kitaroviç theksoi se është bërë një hap përpara, duke u dakorduar, përpara këtij takimi, që të përfshihen përfaqësuesit e shoqatave të të zhdukurve dhe pakicave kombëtare në delegacionet zyrtare shtetërore, të cilat do të mund të shprehnin pikëpamjet e tyre.

Grabar-Kitaroviç dhe Vuçiç gjatë takimit ranë dakord që përmes punës së komisionve ndërshtetërore të vazhdojnë punimet për të gjitha çështjet gjyqësore që i tangojnë të dyja vendet.

Ajo shprehu gatishmërinë për ndihmën politike, teknike dhe çdo ndihme tjetër që ajo mund t’i japë Serbisë në rrugën e saj drejt Bashkimit Evropian.

Presidenti serb Vuçiç, pas takimit me presidenten kroate Kolinda Grabar-Kitaroviç në Zagreb, deklaroi se në Serbi duan të krenohen me zgjidhjen e problemeve që ka minoriteti kombëtar kroat dhe shprehu shpresën se Kroacia do t’i ndihmonte pakicës serbe në Kroaci me krenari të mbajnë emrat dhe mbiemrat e tyre serb.

“Kemi pikëpamje krejtësisht të ndryshme për çështjen e kufijve dhe ne do të përpiqemi të zgjidhim këtë me rrugë bilaterale në dy vitet e ardhshme. Nëse kjo nuk arrihet, atëherë ne do të shkojmë përpara organeve gjyqësore dhe të arbitrazhit”, tha Vuçiç.

Ai shtoi se në Zagreb ka ardhur për të diskutuar të gjitha çështjet e hapura të cilat janë të shumta.

Duke folur rreth të zhdukurve Vuçiç tha se është duke pritur disa informacione të caktuara sa i përket zgjidhjes së kësaj çështjeje. Ai njoftoi se në dy javët e ardhshme do të presë përfaqësuesit e shoqatave të personave të zhdukur. Vuçiç potencoi se është e nevojshme të shihet se çfarë ka në arkiva kur bëhet fjalë për informacione mbi të zhdukurit dhe se kjo çështje duhet të trajtohet dhe të zgjidhet.

Ai theksoi se Serbia dhe Kroacia duhet të kenë marrëdhënie shumë më të mira në të ardhmen.

Ai konfirmoi se Beogradi zyrtar është i interesuar në rindërtimin e hekurudhës drejt Zagrebit, e cila është me rëndësi kyçe për Kroacinë dhe Serbinë. aa

Jeremiç: “Vuçiçi vitin e ardhshëm planifikon vizitë shtetërore në Prishtinë”

Kryetari i Partisë Popullore Vuk Jeremiç deklaroi sot se vizita e presidentit serb Aleksandër Vuçiç në Zagreb shërben si prova për ardhjen e tij në Prishtinë. Sipas Jeremiçit, Vuçiçi ka planifikuar një vizitë në Prishtinë pas nënshkrimit të marrëveshjes detyruese – juridike dhe pasi që Kosova të bëhet anëtare e Kombeve të Bashkuara me “bekimin e autoriteteve aktuale të Serbisë”.

“Vuçiç planifikon që në shkurtin e vitit të ardhshëm të shkojë për vizitë shtetërore në Prishtinë te partnerët e tij të koalicionit dhe bashkëpunëtorëve të Ramush Haradinajt e Hashim Thaçit dhe pastaj të niset për në Perëndim e të thotë : ‘Ja, e shihni se ça mund të arrij – nuk ka lojtar më të mirë nga unë’”, tha Jeremiç, shkruan televizioni serb Nasha.

Presidenti i Serbisë, Aleksandër Vuçiç, nisi të hënën një vizitë dyditëshe në Kroaci.

Presidenti serb Vuçiç nis vizitën në Kroaci

Presidenti serb Aleksandër Vuçiç është duke vizituar Kroacinë në mesin dhe protestave dhe tensioneve të rritura.

Ai pritet të takohet me presidentin kroat, Kolinda Grabar Kitaroviq.

Kjo është vizita e parë e presidentëve të të dy vendeve në pesë vjet.

Më vonë presidenti serb pritet ta takojë edhe kryeministrin kroat, Andrej Plenkoviq dhe kryeparlamentarin, Gordan Jandrokoviq.

Vuçiq po ashtu pritet të takohet edhe me përfaqësues të tjerë dhe liderë religjiozë.

Marrëdhëniet bilaterale kanë qenë të tensionuara nga shpallja e pavarësisë së Kroacisë më 1991.

Dhjetëra veteranë të luftës dhe nacionalistë kanë protestuar kundër Vuçiqit, i cili njihet si nacionalist nga periudha e luftës por që tani e prezanton veten si reformist pro-evropian.

Bashkimi Evropian ka thënë se Serbia duhet të krijojë marrëdhënie të mira fqinjësore nëse dëshiron t’i bashkohet bllokut.

Kroacia është tashmë anëtare e BE-së.

Përmes një mesazhi në Twitter, presidenti Kitaroviq ka thënë se ka ftuar homologun e tij serb, ‘ me qëllim të mirë ashtu që të dyja vendet të kenë dëshirë për të tejkaluar konfliktet dhe ngjarjet që na mbajnë peng në të kaluarën dhe të vazhdojmë tutje duke lejuar zhvillim për popullin dhe shtetet tona”.

Duke konfirmuar ftesën, Vuçiq ka thënë se bisedimet e tij me zyrtarët kroatë, “nuk do të jenë të lehta, mirëpo jam i bindur se do të jenë mira si për Kroacinë ashtu edhe për Serbinë”.

Vulin: Beogradi duhet të kërkojë ndarjen e Kosovës

Ministri serb i Mbrojtjes, Aleksandër Vulin, tha të martën se Serbia duhet të kërkojë ndarjen e Kosovës, ndërsa hodhi idenë që Beogradi të bisedojë me Tiranën dhe jo me Prishtinën,

Ai i bëri këto komente në një tryezë diskutimesh në kuadër të dialogut të brendshëm serb për çështjen e Kosovës të cilin e ka hapur presidenti serb Aleksandër Vuçiç.

“Ndarja afatgjate dhe e fortë ndërmjet shqiptarëve he Serbëve duhet të ndodhë në Kosovë”, tha ai.

Ministri serb, nuk sqaroi se si do të mund të dukej ndarja e Kosovës, por idetë e tilla zakonisht kanë përfshirë veriun e Kosovës të banuar me shumicë serbe, ku vazhdon kundërshtimi i shtrirjes së sovranitetit të Prishtinës.

Ideja e tillë ishte hedhur edhe më herët nga ministri i Jashtëm serb, Ivica Daçiç, por i cili kishte theksuar se kjo nuk është politikë e qeverisë së tij.

Presidenti serb, Aleksandër Vuçiç, ka theksuar disa herë se duhet të gjindet një zgjidhje për Kosovën, e cila nuk do të ishte e kënaqshme për asnjërën palë, por pa saktësuar se për çfarë zgjidhje behët fjalë. Ai hapi verën e kaluar një proces të dialogut të brendshëm për këtë çështje në Serbi e cila aspiron të anëtarësohet në Bashkimin Evropian, por kusht themelor është normalizimi i marrëdhënieve me Kosovën.

Më ndërmjetësimin e Bashkimit Evropian, Kosova dhe Serbia ishin marrë vesh për krijimin e Asociacionit të komunave me shumicë serbe, që parasheh më shumë autonomi për veriun. Marrëveshja kishte nxitur shumë kundërshtime në Kosovë.

Beogradi vazhdon të kundërshtojë pavarësinë e Kosovës që është shpallur dhjetë vjet më parë, më mbështetjen e Shteteve të Bashkuara dhe vendeve kryesore të Bashkimit Evropian.

Zyrtare – BE-ja nuk i kërkon Serbisë njohjen e pavarësisë së Kosovës

Strategjia e Bashkimit Evropian, që pritet të publikohet sot i referohet në shumë raste Kosovës dhe Serbisë. Aty kërkohet normalizimi i raporteve ndërmjet dy vendeve në mënyrë që ato të ecin në rrugën drejt integrimit në BE. Sido që të jetë, BE-ja Serbisë ia kërkon një marrëveshje juridikisht detyruese, që nënkupton se Serbia si anëtare e Unionit nuk do ta bllokonte anëtarësimin eventual të Kosovës, por jo edhe njohjen e pavarësisë

Në dokument theksohet se pa një normalizim efektiv dhe gjithëpërfshirës ndërmjet Beogradit dhe Prishtinës nëpërmjet dialogut të lehtësuar nga BE-ja nuk mund të ketë stabilitet afatgjatë në rajon. “Një marrëveshje gjithëpërfshirëse juridikisht e detyrueshme është urgjente në mënyrë që Serbia dhe Kosova të mund të avancojnë në rrugët respektive evropiane”, thuhet në dokument, shkruan express. “Kosova do të përfitojë në mënyrë të konsiderueshme nga një marrëveshje përfundimtare me Serbinë”, theksohet në dokument.

Bashkimi Evropian në këtë strategji thekson se do t’i zgjerojë edhe më tej iniciativat e pajtimit. “Do të ketë vazhdim të mbështetjes ndaj Mekanizmave Ndërkombëtarë të Tribunaleve kriminale dhe për Dhomat e Specializuara të Kosovës”, thuhet në strategji. Ndërkohë që në dokument mbetet e komplikuar rruga e integrimit të Kosovës, duke thënë se ajo ka mundësi për një përparim të qëndrueshëm nëpërmjet implementimit të MSA-së, duke ecur në rrugën e integrimeve sapo këtë ta mundësojnë rrethanat objektive.

Presidenti grek kërcënon Shqipërinë nga një bazë ushtarake: Mos guxoni të flisni për çështjen çame

ARISTIR LUMEZI/ Presidenti i Greqisë, Prokopis Pavlopoulos, ka kërcënuar Shqipërinë me anëtarësimin në BE nëse diskutohet çështja çame. Gjatë një takimi me ushtarakë të bazës ajrore luftarake në qytetin e Larisës, kreu i shtetit tha prerë se çështja çame nuk ekziston. Ai e cilësoi të papranueshëm qëndrimin e qeverisë shqiptare për këtë çështje, raporton “Panorama”.

“Është e papranueshme që udhëheqja e Shqipërisë në këto momente të ngrejë çështjen çame. Përveç faktit se kjo çështje nuk ekziston, është më mirë që Shqipëria të mos kujtojë se çfarë do të thotë historia e të ashtuquajturave çamë gjatë periudhës së mizorive naziste në Greqi, nëse dëshiron të ketë ndonjë perspektivë europiane”, tha Presidenti i Greqisë, Prokopis Pavlopoulos.

Pa e fshehur gjuhën e ashpër, me të cilën po artikulonte kërcënimet për perspektivën europiane të Shqipërisë, Pavlopoulos tha se historia e çamëve në Greqi është më mirë të harrohet sesa të risillet në aktualitetin politik. “Më vjen keq që jam kaq i ashpër, por në ditë të tilla si kujtimi i holokaustit, ata guxojnë të flasin për çamët. Më mirë të mos kujtojmë historinë e atyre që u shfaqën si çamë në hapësirën greke”, ka deklaruar Pavlopoulos.

MINORITETET

Presidenti grek Prokopis Pavlopoulos i kërkoi pak ditë më parë Shqipërisë të respektojë të drejtat e minoritetit grek. “Mbështesim perspektivën europiane të Shqipërisë mike. Megjithatë, kjo perspektivë varet nga respektimi i plotë i së Drejtës Ndërkombëtare dhe asaj Europiane, në veçanti nga respektimi i të drejtave themelore të njeriut dhe sidomos nga të drejtat e pakicave dhe e drejta për pronën”, tha Presidenti i Greqisë, Prokopis Pavlopoulos.

Por shqetësimi i tij ndaj minoritetit grek dhe pronave të tyre në Shqipëri ka qenë në qendër të çdo deklarate të tij. Edhe gjatë vizitës së Presidentit francez në Athinë, Pavlopoulos ka akuzuar Shqipërinë se po i shkel minoritetit grek të drejtën e pronës.

“Kjo po ndodh edhe me Shqipërinë fqinje. Edhe ajo duhet të gjejë vendin e saj në BE, por me respekt të plotë te të drejtat europiane. Dhe një prej shtyllave të të drejtave europiane janë të drejtat e njeriut. Kur shikojmë shkelje të tilla të të drejtave themelore, siç është përshembull e drejta e pronësisë, si është e mundur që Greqia të favorizojë një perspektivë të tillë europiane, të një shteti që shkel të drejtat europiane?!”, është shprehur presidenti grek.

PANORAMA