Shifrat tregojnë sa shqiptarë kanë kaluar me gomone.
Më shumë se 29,000 emigrantë kanë kaluar Kanalin e La Manshit me mjete të vogla lundruese deri më tani këtë vit, shkruan Daily Mail që thekson se kjo është shifra e dytë më e lartë vjetore. Sipas tabloidit britanik një total prej 29,090 njerëz kanë bërë udhëtimin e rrezikshëm në 585 gomone, mesatarisht 50 njerëz të grumbulluar në secilën anije të vogël.
![Image](https://www.syri.net/uploads/syri.net/images/2023/December/05/auto_78600149-12827835-image-a-70_17017877287011701804964.avif)
Shifrat e bërë publike sot tregojnë se shtetasit turq tashme përbëjnë më shumë se një në 10 emigrantë që shkojnë në Britani, ndërsa shqiptarët përfaqësojnë 3% krahasuar me gati një të tretën vitin e kaluar.
Afganët përbëjnë grupin më të madh të të ardhurve nga 1 janari deri më 29 nëntor 2023 – 20% e totalit – e njëjta përqindje si për të gjithë vitin 2022. Grupi tjetër më i madh janë iranianët me 12%, pak më pak nga 13% e vitit të fundit.
![Image](https://www.syri.net/uploads/syri.net/images/2023/December/05/auto_78599427-12827835-image-a-46_17017871361051701804964.avif)
Shifrat u shfaqën sot ndërsa James Cleverly nënshkroi një traktat të ri me Ruandën në një përpjekje për të ringjallur një skemë për të dëbuar emigrantët e Kanalit në vendin e Afrikës Lindore.
![Image](https://www.syri.net/uploads/syri.net/images/2023/December/05/auto_78514053-12827835-This_year_became_the_second_highest_on_record_despite_Rishi_Suna-a-50_17017872987191701804964.avif)
“Shqiptarët përfaqësojnë 3% të shifrës së këtij viti, krahasuar me 28% vitin e kaluar, sipas të dhënave provizore. Por përqindja e atyre që janë turq është rritur nga 2% në 2022 në 11% deri më tani këtë vit”, shkruan ndër të tjera Daily Mail.
![Image](https://www.syri.net/uploads/syri.net/images/2023/December/05/auto_78152545-12827835-The_Office_for_National_Statistics_ONS_drastically_revised_its_f-a-48_17017872035161701804963.avif)
![Image](https://www.syri.net/uploads/syri.net/images/2023/December/05/auto_78514025-12827835-A_group_of_migrants_are_brought_ashore_at_Dover_amid_freezing_co-a-49_17017872964271701804964.avif)