blank VOAL

VOAL

Please Wait ...
0%

Rama jep sqarime për “vizitën e sotme në Shkodër”

By | April 14, 2018

Komentet

Vdes ish-nënpresidenti Walter Mondale

VOA

Vdiq në moshën 93 vjeçare ish-nënpresidenti amerikan Walter Mondale, një zë udhëheqës mes demokratëve liberalë të fundshekullit 20.

Në një deklaratë për stafin dhe që u publikua menjëherë pas vdekjes, Mondale shkruante:

“Çasti im ka ardhur. Mezi pres t’i bashkohem (gruas) Joan dhe (vajzës) Eleanor.” “Para se të ndahem doja t’ju bëja me dije se sa të rëndësishëm jeni për mua”.

Mondale shërbeu nën ish-Presidentin Jimmy Carter nga viti 1977 në 1981 dhe humbi me shumicë dërrmuese ndaj Ronald Reaganit në zgjedhjet presidenciale të vitit 1984.

Ai ishte i pari kandidat i një partie të madhe amerikane që emëroi një grua si kandidate për nënpresidente. Mondale besonte në një qeveri aktiviste dhe punoi për të drejtat civile, integrimin në shkolla, mbrojtjen e konsumatorit dhe interesat e sindikatave.

Më vonë, ai shërbeu si ambasador në Japoni nga viti 1993 në 1996 nën ish-presidentin Bill Clinton.

Mondale kishte folur ditët e fundit me ish-presidentët Carter dhe Clinton, me presidentin Joe Biden dhe nënpresidenten Kamala Harris, tha një zëdhënës i familjes.

“Jill dhe unë mësuam me shumë hidhërim për vdekjen e nënpresidentit Walter Mondale, por jemi shumë mirënjohës që kishin për mik dhe mësues të dashur njërin nga patriotët dhe nëpunësit publikë më të përkushtuar të vendit tonë”, thanë presidenti Biden dhe Zonja e Parë Jill Biden në një deklaratë.

Ish-presidenti 96 vjeçar Jimmy Carter shkruante: “Sot vajtoj për vdekjen e mikut tim të dashur Walter Mondale, të cilin e konsideroj si nënpresidentin më të mirë në historinë e vendit tonë.”

“Ai ishte një partner i paçmuar dhe një shërbëtor i aftë i popullit të Minesotës, i Shteteve të Bashkuara dhe i botës”, tha ish-presidenti Carter.

Tiranë: SPAK u kërkon gazetarëve të Lapsi.al burimin për lajmet mbi databazën e të dhënave personale të qytetarëve

Ilirian Agolli

Në Tiranë, oficerë të policisë gjyqësore shkuan sot në zyrat e gazetarëve të redaksisë Lapsi.Al dhe kërkuan të sekuestronin gjithë pajisjet e punës dhe databazën e të dhënave personale, që sipas redaktorëve, mund të jenë siguruar prej Partisë Socialiste në mënyrë të paligjshme dhe po përdoren për fushatë zgjedhore.

Gazetarët nuk dorëzuan materialet, duke thënë se po mbrojnë burimin e tyre të informacionit, ndërsa PS ka hedhur poshtë njoftimet se ajo po përdor këtë databazë.

Gjyqtarja Iliriana Olldashi kish firmosur dje një vendim, që të sekuestrohet cdo material që është në përdorim nga lapsi.al. me këtë vendim në dorë, policia gjyqësore shkoi në zyrat e redaksisë Lapsi.al, për të marrë pajisjet e punës dhe databazën e të dhënave personale të gjithë votuesve të kryeqytetit.

Sipas gazetarëve të Lapsi.al, databaza mund të jetë siguruar nga Partia Socialiste dhe po përdoret për fushatë zgjedhore.

Ata nuk i dorëzuan materialet dhe as burimin e tyre të informacionit.

Gazetari Armand Shkullaku thotë se ky është një vendim ekstrem, i paparë as në periudhat më të vështira të shtypit në Shqipëri.

“Ne nuk mund të punojmë në redaksinë tonë. Ne përsëri refuzuam oficerëve të policisë gjyqësore të hyjnë në zyrat tona. U thamë: nëse duan të hyjnë në zyrat tona, të shkojnë e t’I shpërthejnë. Ne vet nuk dorëzojmë materiale, sepse e quajmë këtë një dhunim të lirisë së shprehjes. I kërkuam dy ditë kohë të konsultohemi edhe ne me avokatët tanë. Vendimi i gjyqtares na duket i tepruar, sepse duket më tepër i motivuar nga urdhër nga lart se sa nga një hetim i vërtetë nga poshtë. Besojmë që në këtë rast prokuroria nuk po përdoret për qëllimin për të cilin është krijuar, po ashtu edhe Gjykata Speciale” – tha zoti Shkullaku.

Gazetari i njohur Armand Shkullaku, me një përvojë 30 vjeçare në publicistikë, thotë se skandali qëndron te fakti se në vendimin e gjyqtares kërkohet ndër të tjera të tregohet edhe burimi i informacionit, por kjo nuk është e domosdoshme për zbardhjen e çështjes, sepse tani materialin e ka gjithë Shqipëria.

Hetimi, tha ai, duhet të zbulojë kush po abuzon me të dhënat private të kryeqytetasve, dhe jo se nga e siguruan lajmin gazetarët.

“Nuk kemi parë ende të pyeten nja 200 patronazhistë që u kanë dalë emrat, të cilët mund të thonë fare mirë nga i kanë marrë këto të dhëna dhe për çfarë po i përdorin. Dyshimet janë që po keqpërdoren të dhënat nga serverat e PS-së. Duket se kemi një motivim politik nga pala tjetër dhe ne jemi përgatitur. Ata le ta çojnë deri në fund e të bëjnë çfarë të duan. Ne do t’ç qëndrojmë deri në fund të vërtetës tonë dhe nuk kemi ndërmend që të nënshtrohemi nga çdo lloj presioni” – tha zoti Shkullaku.

Për këtë çështje protestoi sot edhe Presidenti i Republikës, Ilir Meta, i cili tha në një konferencë shtypi, se u bënë 7 ditë që i kërkonte prokurorisë të nisë urgjentisht hetimet mbi keqpërdorimin e të dhënave personale të qytetarëve dhe të bazës së të dhënave shtetërore nga Partia Socialiste.

“I kërkoj Prokurorisë të nisë urgjentisht verifikimet, duke nisur nga Kryeministri në detyrë dhe Kryetari i Partisë Socialiste, Edi Rama, drejtuesit e Agjencisë Kombëtare të Shoqërisë së Informacionit (AKSHI). Zotërinj prokurorë; ju gjithashtu duhet të merrni në pyetje të gjithë patronazhistët tuaj, që u janë caktuar personalisht juve dhe ju survejon. Përmes një hetimi pro aktiv, duhet të zbardhet e gjithë e vërteta, që për mua është e zbardhur. Pasi të dhënat personale, jeta private, dhe intime e prokurorëve, gjyqtarëve dhe gjyqtareve, përveç politikanëve, të drejtat dhe interesat e shqiptarëve janë në rrezik madhor” – tha zoti Meta.

Drejtues socialistë kanë mohuar njoftimet se të dhënat që po qarkullojnë të jenë pjesë e informacioneve të tyre. Por në kollonën komente të bazës së të dhënave, të cilat “Zëri i Amerikës” i ka parë, ka përshkrime të ndryshme që lënë të kuptohet haptazi se janë bërë nga persona të angazhuar për Partinë Socialiste. Në një rast, për shembull, për një qytetar, që duket të jetë kryefamiljar, theksohet se “Duan legalizim dhe votojnë për ne” dhe shumë shënime të tjera të ngjashme.

Plagoset sekretari i PD për Kavajën në një zyrë elektorale

VOA

Në Shqipëri një incident i rëndë u rregjistrua mbrëmjen e së hënës në Kavajë, kur në një nga zyrat elektorale të Partisë Demokratike në Kavajë, u plagos me armë zjarri sekretari i kësaj force politike, Bledar Okshtuni 27 vjeç. Mësohet se personi që ka qëlluar është Ndriçim Jonuzi, me të kaluar kriminale, i cili mbante dhe mbiemrin Tahiri. I dënuar më parë në Itali, ai kishte vuajtur 8 vjet burgim në Shqipëri. Sipas policisë, Jonuzi “dyshohet se si pasojë e një konflikti për motive të dobta, ka hyrë në ambientet e brendshme të një zyre elektorale të një subjekti politik dhe ka plagosur me armë zjarri pistoletë në këmbë shtetasin Okshtuni, i cili ndodhet në spitalin e Durrësit, nën kujdesin e mjekëve”.

Por për Partinë Demokratike, ngjarja ka qenë e provokuar dhe e nxitur politiisht. Kandidatja për deputete e PD, Grida Duma e cila mbulon pikërisht zonën e Kavajës, tha se Jonuzi, i shoqëruar dhe nga dy persona të tjerë me uniformë të Policisë Bashkiake, i ka kërkuar Okshtunit të largojë makinën dhe më pas ka hyrë në zyrën elektorale duke e qëlluar. Sipas zonjës Duma, agresori Jonuzi, është gjithashtu një biznesmen që ka fituar tendera nga Bashkia e Kavajës, e cila drejtohet nga socialistët.

Për motive politike foli edhe kryetari demokrat Lulëzim Basha i cili shkoi në Kavajë, menjëherë pas ngjarjes. “Sonte Kavaja është përballur me një ngjarje të rëndë, një atentat kundër PD-së, kundër Aleancës për Ndryshim, nga një kryeministër që e di se të dielën ai humb, dhe Kavaja e Shqipëria fiton. Një njeri i cili ka humbur çdo lloj kufiri njerëzor e që hesht, ndërkohë që njerëzit e tij me aktet e dhunës tregojnë se këtij rregjimi i ka ardhur fundi”, deklaroi zoti Basha duke bërë thirrje që “le t’ja japim përgjigjen këtij akti burracak, të gjithë masivisht ditën e dielë në kutinë e votimit”.

Edhe presidenti Ilir Meta u shpreh i shqetësuar duke njoftuar se do të shkonte në Kavajë në përfundim të disa angazhimeve në Elbasan.

Nga ana e tij, kandidati socialist që mbulon Kavajën Etien Xhafaj, ndërsa dënon ngjarjen shprehet i bindur se ajo nuk ka lidhje me politikën. “Ngjarje si kjo e sotmja nuk përfaqësojnë kulturën dhe qytetarinë e Kavajës. Jam i bindur se ngjarja nuk ka lidhje me politikën dhe ne që garojmë për zgjedhjet e 25 prillit duhet të jemi të parët që jo vetëm ta dënojmë aktin e sotëm, por edhe mos ta politizojmë këtë ngjarje. Zgjedhjet duhet te jenë festë dhe kështu do të jenë në Kavajë e gjithë Shqipërinë. Autoritetet duhet të veprojnë me shpejtësi dhe autorët duhet të vendosen një orë e më parë para drejtësisë”, u shpreh zoti Xhafaj në një deklaratë.

Edhe kryeministri Edi Rama e dënoi ngjarjen duke e konsideruar plagosjen e përfaqësuesit demokrat “të patolerueshme. Autori duhet çuar në pranga sa më shpejt! Politizimi i kësaj ngjarjeje është po aq i keq sa vetë ngjarja! Lulzim Basha duhet të bashkohet me mua për të mbështetur drejtësinë pa nxitur tensionin, ndërsa Ilir Meta duhet ta ndalë fushatën idioteske të tensionimit!”, shkruajti zoti Rama në Twitter.

Ilir Meta bën denoncimin: Patronazhistët më ngacmojnë vajzën e vogël

Presidenti i Republikës Ilir Meta tha në konferencën e pasdites së sotme se patronazhistët kanë mbërritur deri tek vajza e tij. Meta tha se patronazhistët i thonë t’i thotë babit të mos pijë, të jetë i qetë dhe të ruajë figurën e Presidentit.

Por, tha Meta, – si mund ta ruajë figurën e Presidentit kur i gjithë shtetit është në survejim, duke përmendur prokurorë, gjykatës.

Patronazhistët më ngacmojnë edhe vajzën e vogël, që e kam pikë të dobët. Para pak ditësh kur thashë një intervistë, i kishin çuar një lajm që sikur unë kisha sulmuar gruan e zotit Damian dhe më thotë “Babai mos pi më të lutëm, nuk ke pse merresh me gruan e tjetrit”.

Kur shikoj lajmin unë, thashë mos kam bërë ndonjë lapsus, “Jo mo thash unë thashë gurunë, jo gruan dhe marr Tendin (zëdhënësin). Kur më thotë Tedi do ta korrigjojmë se është gabim. Dhe i çojnë gocës patronazhistët, thuaj babit të qetësohet, se paska pirë shumë, paska pirë shumë, të jetë i qetë. Të ruaj figurën e presidentit”.

Të ruajë figurën e Presidentit kur i gjithë shteti është në survejim. Se ka problem fare presidenti se është në survejim.” u shpreh presidenti Meta.

Jemi në disa ditë mjaft historike për 100 vitet që vijnë. Ndaj i ftoj të gjithë deri më 25-26 prill të ndjekin Facebook-un tim sepse nuk mund t’i bëj sponsor se jam president dhe nuk më shkon se mund të mbyten në reklama”, deklaroi Meta.

Meta: 25 prilli është referendum kundër fuks-shtetit, hapin vende pune për të ‘rehatuar’ patronazhistët

TIRANË

Presidenti Ilir Meta shkruan në një postim në “Facebook” se 25 prilli është referendum kundër “fuks-shtetit”.

Sipas Kreut të Shtetit, “punësimi nga Partia-Shtet i 10 mijë vetëve më shumë se një vit më parë në administratën publike, qëllimisht në prag të zgjedhjeve, është ndërhyrje flagrante në procesin zgjedhor”.

Teksa publikon një shkrim të “Monitor” për fenomenin e shit-blerjes së votave, Meta thekson se këto vende pune paguhen me taksat e qytetarëve duke e rënduar edhe më shumë gjendjen e tyre ekonomike.

Mesazhi i Metës:

25 PRILLI, REFERENDUM KUNDËR FUKS-SHTETIT! 🇦🇱
Punësimi nga Partia-Shtet i 10 mijë vetëve më shumë se një vit më parë në administratën publike, qëllimisht në prag të zgjedhjeve, është ndërhyrje flagrante në procesin zgjedhor.
Këto vende pune, të cilat nuk kanë asnjë ndikim në zhvillimin shoqëror dhe ekonomik të Shqipërisë, paguhen me taksat e qytetarëve duke e rënduar edhe më shumë gjendjen e tyre ekonomike.
Ndërsa shteti i kapur, hap 10 mijë vende pune në administratën publike, pa asnjë vlerë, për të “rehatuar” kryesisht patronazhistët, dhjetëra mijëra vende pune humbin në sektorët prodhues dhe mijëra biznese mbyllen dhe falimentojnë.
Mirë që na survejojnë, por edhe t’i mbajmë me rroga për këtë!
Prandaj 25 Prilli, është referendum popullor kundër FUKS-SHTETIT, i vënë tërësisht në shërbim të survejimit dhe patronazhistëve.
Me votën e tij plebishitare Sovrani më 25 Prill, rivendos rendin kushtetues dhe shtetin e së drejtës. 🇦🇱

Hapet në Kukës aeroporti i dytë ndërkombëtar i Shqipërisë

Pëllumb Sulo

Në Kukës u hap të dielën pasdite aeroporti i dytë civil ndërkombëtar në Shqipëri. Fluturimi i parë i përket avionit “Air Albania” të linjës ajrore Londër-Rinas-Kukës. Me avionin e parë të kësaj linje udhëtoi një grup emigrantësh nga Kukësi, që punojnë e jetojnë në Angli. Në aeroportin ‘Nënë Tereza” të Rinasit atyre j’u bashku edhe kryeministri Edi Rama, i cili morri pjesë në inaugurimin e aeroportit në Kukës.

Aeroporti ndërkombëtar i Kukësit mba emrin “Zayed-Flatrat e Veriut” dhe gjendet vetëm pak kilometra nga kufiri i Kosovës. Ai u mundësua në saje të një investimi prej rreth 22 milion eurosh si dhe negociatave të gjata me linjat ajrore që do ta përdorin atë.

Aeroporti i Kukësit është i dyti aeroport ndërkombëtar i Shqipërisë, pas aeroportit “Nënë Tereza” në Rinas. Është një aeroport rajonal që, përveç Veriut të Shqipërisë, do t’i shërbejë edhe trevave shqiptare. Fluturimet e rregullta në aeroportin ndërkombëtar të Kukësit pritet të fillojnë në muajin maj dhe destinacionet kryesore të fluturmit do të jenë qytetet e Zvicrës, Anglisë, Gjermanisë dhe Italisë.

Aeroporti i Kukësit ka një sipërfaqe prej rreth100 hektarësh, me një pistë prej 2.2 kilometrash nga ku, brenda një ore, mund të nisen 4 avionë, ndërsa gjatë një viti llogaritet të presë rreth 500 mijë udhëtarë.

Terminal i tij ka edhe një zonë muzeale në përkujtim të luftës së Kosovës, që ishte edhe pikënisja e ndërtimit të aeroporti. Idea për ndërtimin e tij lindi gjatë periudhës së luftës në Kosovë, për t’i shërbyer arritjes së ndihmeve nga Emiratet e Bashkuara Arabe për rreth gjysëm milion shqiptarët e Kosovës, që kishin arritur në Kukës pas dëbimit me dhunë nga forcat ushtarake serbe.

Ndërkohë, sipas autoriteteve shqiptare, brenda këtij muaji pritet të nënshkruhet kontrata koncesionare për ndërimin e aeroportit të tretë ndërkombëtar, atij të Vlorës.

Përdorimi i të dhënave personale, Meta komenton letrën e politikanes gjermane për Ramën

Presidenti Ilir Meta ka publikuar letrën e politikanes gjermane Rezarta Reimann, nënkryetare e Grupit Socialdemokrat në Këshillin Bashkiak të Schuabach në Gjermani, që i ka shkruar Ramës, për përdorimin e të dhënave personale. Politikania gjermane shprehet se e gjitha sjell një shije shumë të keqe dhe imazh të pariparueshëm për qeverisjen në Shqipëri.

Meta, duke komentuar letrën e politikanes gjermane dërguar Ramës, nënvizon se përdorimi i të dhënave personale të qytetarëve, është një lajm tronditës dhe se organet e drejtësisë duhet që të veprojnë me shpejtësi. Kreu i Shtetit shton se më 25 prill, regjimi i fuksave do të marrë fund.

Postimi i presidentit Ilir Meta:

Vjedhja nga sistemi digjital kombëtar dhe përdorimi politik i të dhënave personale, përmes metodave diktatoriale, është një lajm tronditës për çdo shqiptar por dhe për çdo europian.

Ndaj të njëjtin shqetësim të thellë dhe u bëj thirrje organeve të drejtësisë të veprojnë me shpejtësi duke nxjerrë para përgjegjësisë ligjore ideatorët dhe ekzekutorët e këtyre praktikave survejimi e përndjekjeje, që e kthejnë vendin vite pas dhe i nxijnë faqen Shqipërisë kudo në botë.

Pyetjet legjitime të ngritura nga përfaqësuesja e SPD duhej në fakt të kishin alarmuar Komisionerin për Mbrojtjen e të Dhënave Personale, Avokatin e Popullit dhe çdo institucion shtetëror, që e kanë detyrë kushtetuese dhe ligjore mbrojtjen e lirive dhe të drejtave të njeriut, demokracisë dhe shtetit ligjor.

Më 25 prill regjimi i fuksave do të marrë fund njëherë e përgjithmonë! 🇦🇱

“Të dashur patrozhanistë”, Meta i përgjigjet Ramës: Regjimi i fuksave ka mbaruar

TIRANË

Presidenti i Republikës, Ilir Meta, i përgjigjet me tone të ashpra kryeministrit Edi Rama, lidhur me deklaratat e këtij të fundit se “patronazhistët e dinë është që Presidenti do dalë nga kjo fushatë i rruar dhe i qethur”.

Përmes një postimi në “Facebook”, Kreu i Shtetit e cilëson ramën “Kryefuks”, ndërsa thekson se regjimi i fuksave ka mbaruar. Sipas Metës, referendumi ër rivendosjen e Demokracisë do triumfojë shumë bindshëm!

Reagimi i Metës:

Të dashur “patronazhistë”,
Mos e dëgjoni Kryefuksin se regjimi i fuksave ka mbaruar!
Kryefuksi e di më mirë se kushdo tjetër.
Nga djali i atij, që firmosi varjen e poetit Havzi Nela dhe për të cilin u shpreh krenar, që ishte në anën e duhur të historisë, shqiptarët nuk mund të presin asnjë reflektim dhe garanci për respektimin e shtetit ligjor dhe të drejtave të tyre kushtetuese.
Të gjithë me qetësi dhe vendosmëri drejt 25 Prillit!
Referendumi për rivendosjen e Demokracisë do triumfojë shumë bindshëm! 🇦🇱

Zheji: Patronazhisti është strukturë militariste që vjen nga diktatura (Video)

TIRANË

Analisti Artur Zheji ka folur në “Pikat mbi i” në News24 për çështjen e fundit të hedhur në skenën politike, përdorimi i të dhënave personale të qytetarëve shqiptarë, për të cilat akuzohet partia Socialiste.

Zheji ka zbërthyer ‘skemën’ se si funksionon database me të dhënat e votuesve, duke e cilësuar një krim kushtetues dhe një lojë ankth itë partisë në pushtet që ndjen se po humb pushtetin.

“Të mundohemi të bëjmë një shpjegim për publikun e gjerë që të kuptojnë çfarë është për opinionin e gjerë.
Është zbuluar papritur e pakujtuar një skandal i barabitshëm me atë të Ëatergate, që rrëzoi presidentin Bush Senior. U zbulua që shërbimet sekrete të Presidentit në pushtet kishin depërtuar në selitë partiake të Partisë Demokratike amerikane të asaj kohe për të marrë të dhënat e kundërshtarit politik në fushatë elektorale. Kjo u zbulua dhe Bushi i vjetër dha dorëheqjen.

Patronazhisti është një personazh me siguri me të kaluar ish-spiun ose shumë i talentuar për të çështje spiunazhi, i cili këqyr 10 zgjedhës potencialë për të nuhatur nëse kanë si target votimi partinë që kanë pasur, një parti të re apo janë të lëkundur. Është shpikja më e re e shqiptarëve, e kanë quajtur patronazhist, dikur në kohën e komunizmit quhej i plotfuqishmi i lagjes. Ai ishte në fakt për të kapur krimet. Këta e kanë transformuar një pozicion të sigurimit në proces elektoral që ky është një krim kushtetues padiskutim, pa diskutim. Mënyra e organizimit është me celula. Ky këqyr 10 dhe raporton. Për shembull kishte dhe emra shumë të shquar, si Ardit Gjebra. Në 2013 Ardit Gjebrea ka votuar PD-në, por tani sipas patronazhistit ka një orientim majtas. Dhe ti dhe ne jemi futur në database-in paralel të patronazhistëve, që nuk është më një database…
Është e njëjta skemë e huazuar në sigurimin e shtetit, të gjitha institucionet kishin një personazh që ishin rekrutuesi, bazisti, nuk i mbaj mend të tjerët, në 10-15 veta ishte njëri që i mbikëqyrte. Ka devijacione, kanë thënë gjë. bënin një material të madh informativ dhe e çonin për përpunim për të distiluar atë që quhet identikiti i personit. Është një tentativë për të distiluar identikitin e votuesit dhe unë them që e gjitha kjo është një lojë ankthi e partisë shtet në pushtet që e ndjen se po i rrëshqet pushteti. ”, deklaroi Zheji.

Sipas Zhejit patronazhisti kushton dhe gjithçka varet nga financat e një partie.

“Patronazhisti bën dy funksione. Ai dedekton dhe me ata që ai mund të mbyll vetë ndonjë ‘deal’, e mbyll. Është strukturë militariste, që vjen nga diktatura. E-Albania i duhet për të update-uar informacionet. Po të ishin zgjedhjet në shator, djali im do të votonte, por tani jo pasi e ka ditëlindjen në gusht. E-Albania të jep brezin e parë të votuesve. Nëse babai nuk voton PS, nuk merren me djalin. Djalin e llogarisin si votë kundra potenciale. Patronazhisti kushton. Kush ka më shumë lekë nga partitë, ai ka më shumë patronazhist. Ai është strukturë qelizore. Ky kujdestari do të marrë diçka, një lekë shtesë dhe një rrogë misterioze shtesë. Problemi është se kush i paguan këta? Një dorë misterioze. Partia më me lekë dihet se kush është. Aty nuk ka liri, por metodë. Metoda është kalkulim.”, tha ai.

“Patronazhimi”/ Murati: S’besoj se do zbardhet, partitë bashkëfajtore. Zheji: Jo simetrike

Më tej Zheji tha se vepra penale është sheshit dhe se është finalizimi i një krimi, tentativë e kapjes së zgjedhjeve, por se opozita nuk ka pse të trembet.
“Këtu ka aq shumë paudhësira, sa vepra penale është sheshit. Gjykatat tona nuk e zgjidhin. Këtu ekstremet e veprës penale janë interpretim i standardit mizerabël që kemi. Boll fakti që një person do mbikëqyrë 10 persona. Është një lojë obskurantiste që e çon aq mbrapa Shqipërinë. Mund të tundohen ta përdorin të gjitha partitë, por nuk ia dali ndot.
E përdor kush është i pasur, kush ka çuna problematikë, kush ka buxhet. Është deduksioni i një krimi që vjen shkallë-shkallë. Është kaskada e një krimi, është finalizimi. Është tentativa e kapjes së zgjedhjeve. Nuk ka pse të trembet opozita nga kjo. Kjo tregon trembjen e maxhorancës”, tha Zheji.

Për Erl Muratin të gjitha partitë janë bashkëfajtore, duke sjellë shembull si ka ndodhur patronazhimi në 2011.
“Në zgjedhjet vendore të vitit 2011 unë kam miq që jetojnë jashtë, kanë ardhur në Shqipëri me bileta të paguara dhe kanë votuar dhe kanë ikur. ky është patronazhim. Pa diskutim është korrupsion, t’i thuash dikujt që unë do të sjell në vend, të paguaj biletën dhe të vish të votosh për mua.
Standardi i drejtësisë shqiptarë është shumë i ulët. Vijon të jetë i ulët. Reforma në drejtësi nuk po jep rezultatet e veta. Mendoj se është e vonuar.
Nuk besoj se çështja e përdorimit të të dhënave nuk do të zbardhet. Partitë politike e kanë të lehtë ta kamuflojnë. Këtu janë të gjithë bashkëfajtorë në këtë pikë. Të gjitha partitë politike e përdorin në një farë mënyre patronazhimi. I takon drejtësisë”, deklaroi Murati.

Ndërsa Zheji e kundërshtoi duke thënë se nuk është simetrike dhe se patronazhimin e bën kush ka para.
“Nuk mendoj që janë të gjitha partitë njësoj. Asnjëherë nuk ka ndodhur një detajizim, një përpjekje kaq skrupuloze për të shkuar si ajo vaditja izraelite. Këta të maxhorancës janë në shkretëtirë fryme dhe mundohet të marrin metodat e sigurimit. Kanë bërë një planizim ushtarako-securitade. Kjo gjë shënon frikë. Është krejtësisht e paligjshme, por fitimtari nuk gjykohet. Nuk do funksionojë. Nuk është simetrike, nuk janë të gjitha partitë kështu. E para se nuk i kanë mundësitë. PS po bëhet trashëgimtare e partisë së punës. Është regres, po rikthen partinë e re socialiste në partinë e vjetër të punës. Nuk mendoj që do ndikojë, është reagim disproporcional”, deklaroi Zheji.

Rama i drejtohet Metës: Patronazhistëve t’ju merrni të keqen, mos e harroni asnjëherë se ata ju njohin kush jeni!

Kryeministri Edi Rama, në një takim me të rinjtë e Tiranës, shpjegoi kuptimin e fjalës “patronazhist”, fjalë kjo e lakuar së shumti javët e fundit.

Ai tha se patronazhisti është shkolla e parë e politikës dhe është një mision që i dërgon ata shtëpi më shtëpi dhe i pyet për problematikat e tyre.

Rama, iu përgjigj dhe deklaratave të presidentit Ilir Meta, i cili ditën e djeshme tha se “patronazhistët janë fuksa”. Rama tha se mesazhi i tij është i qartë: “Patronazhistëve u marrshin të keqen”.

“Përfshirja në një parti politike është sfida më e madhe që një njeri zgjedh në moshën tuaj, pasi aty janë përtalljet më të forta, drejtpërdrejta dhe ndikuese për të nesërmen. Ju jeni patronazhistë, si ju ka dhe plot të tjerë. Në këto ditë fjala patronazhist është lakuar shumë, por prej disave përdoret si fjalë për të krijuar idenë e një gogoli që ka dalë në Tiranë dhe kontrollon njerëz. Patronazhisti nuk është figurë që u shpik në Shqipëri, s’e krijuam ne. Patronazhisti është figura kyçe e historisë së zgjedhjeve dhe historisë së përballjeve mes dy partive më të mëdha të botës, Partisë Republikane dhe Demokratike në SHBA. Patronazhisti kotnribuon aty ku i takohet, të kontaktojë me një numër të caktuar familjesh, të komunikojë me kategori të ndryshme dhe të mbajë shënim, se çfarë perceptimi ka për ata që takon, janë majtas, djathtas, janë të vendosur, të lëkundur. Kështu që, le të thonë ç’të duan ata. Patronazhimi është klasa e parë e shkollës së madhe politike, ku kush ka ambicien, dëshirën, këmbënguljen për të shkuar në klasa më të mëdha e fillon nga patronazhisti. Mund të jenë dhe 60 vjec dhe vijon të jetë patronazhist, si aktivist i partisë politike.

Mesazhi për patronazhistët duke filluar nga Ilir Meta, patronazhistëve t’u merrni të keqen. Edhe mos harroni asnjëherë, patronazhistët ju njohin kush jeni. Ne ju njohim dhe me 25 prill do e shihni kush jemi. Kur votat të numërohen do e kuptoni se përse ne juve ju mundim, do ju mundim. Edi Rama është vetëm patronazhisti më i gjatë. Edhe pjesa tjetër, ana tjetër e medaljes, patronazhistët tanë s’kanë makina të shtrenjta. Nuk ka patronazhist me Hummer, Bently, Ferrari, Toyota. Ata kujtojnë se po ikin përpara duke u futur në karvan me Lamburgini dhe duke bredhur nëpër Shqipëri, patronazhistët tanë nuk bredhin, ata ecin. Ecin dhe ndalojnë. Sepse në çdo hap, marrin shënim, kush je? Si e ke emrin? Si të duket situata? Për kë ke votuar më përpara? Kë do të votosh këtë herë? Po mamin? Babi c’thotë? Ndërkohë që ata mendojnë se Shqipëria është rrugëve duke pritur në çdo cep”, u shpreh Rama.

(BalkanWeb)

Covid i merr jetën ish-futbollistit të njohur të Cërrikut, Ndriçim Beshiri

Covidi i ka marrë jetën pasditen e të premtes ish-futbollistit të njohur të qytetit të Cërrikut, Ndriçim Beshiri.

Ai njihej si një nga futbollistët më të shquar të Turbinës së Cërrikut. Beshiri u nda nga jeta në moshën 61-vjeçare pasi pësoi trombozë pasi kaloi Covid. Të gjithë besonin se e fitoi betejën me Covid, por tromboza i mori jetën.

Ai u dërgua në spital por mbijetoi dot. Çimi ose Gurashi siç njihej ndryshe nga miqtë dhe shokët e tij, ka luajtur me Turbinën që me moshat e deri tek ekipi i parë në vitet 1977-1990.

Më pas ka shërbyer për disa kohë si zv/trajner i ekipit të Turbines, detyrë që e kreu më së miri. Klubi i Turbinës i ka shprehur ngushëllimet më të sinqerta, fëmijëve të tij dhe njerëzve më të dashur të familjes Beshiri.

‘’Becchetti është vetëm fillimi’’, Meta: 25 prilli referendum popullor për të çuar para drejtësisë shpërdoruesit e parave të shqiptarëve

Presidenti i Shqipërisë, Ilir Meta ka paralajmëruar se detyrimi i shtetit shqiptar ndaj biznesmenit Francesco Becchetti është vetëm fillimi.

Për Metën, zbrazja e buxhetit për të paguar Becchetti-n është shpërdorim kriminal i parave të shqiptarëve.

Ai thotë se janë edhe 235 milionë euro me probabilitet të lartë për t’u paguar si dëmshpërblim, prandaj 25 prilli është referendum popullor për të çuar para drejtësisë shpërdoruesit e parave.

 

STATUSI NGA ILIR META

Zbrazja e buxhetit për të paguar Becchetti-n është shpërdorim kriminal i parave të shqiptarëve.

Është një grabitje e të ardhurave buxhetore më të ulëta në rajon në raport më PPB (27%) të cilat janë 10 pikë më poshtë se mesatarja europiane.

Dhe nuk është vetëm Becchetti. Ai është vetëm fillimi, sepse në radhë janë edhe plot 235 milionë euro me probabilitet të lartë për t’u paguar si dëmshpërblim nga papërgjegjshmëria dhe shpërdorimi.

Prandaj 25 Prilli është referendum popullor për të çuar para drejtësisë, shpërdoruesit e parave të shqiptarëve. 🇦🇱


Send this to a friend